رواية قلوب الاحبه لا تتفرق الفصل الثاني 2 - بقلم جاسمين محمد

أسيه غيرت لبسها وبتبص لقت رسالة وصلتلها على الفون. مسكت الفون تشوفها والفون وقع من إيدها. عند أسر، فتح الباب ودخل وعمال يغني. أسر: وخلاص أنا حبيت ووقعت يابوي خلاص. رحمه: الله الله يا عم أسر، أي اتصالحوا؟ أسر بغمزله: أمال يابت، ده أنا أسر. رحمه بتتريفه: ياعم اتنيل، الفضل لي برضه. أماني: احم احم، مين اتصالحوا وانت بتحب مين ياواد؟ أسر بضحك: ههههه، بحب بنت كده، انتي بتحبيها يا ست الكل. أماني: مين؟ أوع تكون أسيه؟

رحمه: ههههه، هو في غيرها اللي وقعت، الاهبل ابنك. أسر خبطها على راسها: نتلم، ها نتلم. أماني بفرحة: ألف ألف مبروك يا حبيبي، ربنا يتمم لكم على خير يا رب. أسر: يارب يا ست الكل، يلا بقا جهزي نفسك عشان نروح النهارده نطلب إيدها من باباها. أماني بفرحة: من عنيه ياروحي، ده يوم المنى. أسر: يلا بقا جهزي نفسك عشان نروح أنا وانتي عندهم دلوقتي عشان أطلب إيدها. أماني: ماشي، يلا ياروحي. رحمه: وأنا هروح معاكم. أسر بصلها: لا انتي.

رحمه: ماما وحياتك خديني معاكي. أسر: لا برضو. رحمه: عبوشكلك ياض، واصلا أنا هروح عند صحبتي. وغوري. وطلعت لسانها وسابته وجرت على الأوضة. أسر: ماشي يارحمه، حسابنا بعدين لما نيجي. أماني: هههه، يلا طي روح جهز نفسك. أسر: حاضر يا ست الكل، يلا. *** أسيه واقفة في المطبخ سرحانة. خديجه: أسيه، أسيه، أسيه. أسيه: أي؟ في أي؟ خديجه: أي يابنتي سرحانة في أي؟ عمالة أنده من بدري. أسيه: معلش، المهم في أي؟

خديجه: بابا بيقولك جهزي نفسك عشان في عريس جي. أسيه: لي أنا؟ خديجه: لا، لماما. آه ليكي، يلا. أسيه: وه، ومين ده؟ وبابا ليه ماليش قبل ما يجي؟ خديجه: معرفش. المهم سلام، ادخلي دلوقتي جهزي نفسك عشان زمانهم على وصول. أسيه: أجهز أي؟ مش هتجوز أنا. يابابا، يابابا. وطلعت الصالة. خالد: أي في أي؟ بتزعقيلي ليه كده؟ أسيه: مين قالك تجيب عريس البيت؟ أنا مش عايزة أتجوز. خالد: شوفي وبعدين ارفضي.

أسيه: مرفوض من دلوقتي، يلا رن قوله آسفين مفيش نصيب. خالد: هو أي شغل العيال ده؟ يلا يابت ادخلي جهزي نفسك، مش ناقص صداع أنا. أسيه: يابابا بس. خالد: بلا بس بلا نيلة، يلا ادخلي. وسابها ومشي. أسيه دخلت على أوضتها وهي عمالة تخبط في الأرض وطلعت تلبس. *** أسر وصل هو ومامته وأخته. خالد: اتفضلوا، اتفضلوا. أسر: شكراً يا عمي. ودخلوا قعدوا في أوضة الجلوس. خالد: خديجه، يابت يا خديجه، قولي لأسيه تجيب حاجة ساقعة.

أماني: لا شكراً، هو إحنا ضيوف؟ ده إحنا أصحاب بيت برضه. خالد: عندك حق والله، أصحاب بيت. المهم طمنوني عنكم، وانت يا أسر يابني. أسر: إحنا الحمد لله بخير يا عمي. عمي، طبعاً انت عارف إحنا جايين ليه. خالد: آه عارف يابني، وأنا موافق، بس هي بقا. رحمه بضحك: وهي موافقة ياعمي، يلا اتكلوا على الله واقرأوا الفاتحة. أماني وأسر وخالد: ههههه. خديجه: أسيه، كلمي بابا بيقولك هاتي العصير. أسيه: يوه بقا، مش عايزة أتجوز أنا.

خديجه بضحك: هههه، طي شوفي العريس الأول. أسيه ببرود: مين يعني؟ مهند؟ بلا نيلة. خديجه: هههه، يلا بس. أسيه: هوف. وطلعت أخدت العصير ودخلت عليهم. أسيه دخلت لقت أسر ووالدته ورحمه. أسيه: سلام عليكم. الكل: وعليكم السلام. خالد بضحك: ها يا حجه، كدا موافقة تتجوزي؟ أسيه بتبص ل أسر و... خالد: ها، متردي، موافقة عشان نقرا الفاتحة؟ أسيه: ... أسر بستغراب: أسيه، مالك؟ موافقة؟ رحمه: يا عمي، السكوت علامة الرضا، يلا على البركة.

خالد: ههههه، فعلاً، يلا نقرا الفاتحة. أسيه: بس أنا مش موافقة.