رواية قلوب الاحبه لا تتفرق الفصل الرابع 4 - بقلم جاسمين محمد

اسر بصوت عالي: اسيههههه! نزل جري من العربية، ورحمة وخالد واقفين مستغربين. آسيه واقفة مستغربة وبتبص، لاقت عربية جاية من بعيد عليها. اسر جري حضن آسيه وشالها من قدام العربية، ووقع هو وهي على الطريق. خالد ورحمة جريوا عليهم. اسر بخضة: انتي كويسة؟ ها، ردي انتي كويسة. آسيه بخوف: اه كويسة، وانت؟ اسر: كويس. خالد بلهفة وخوف: انتوا كويسين؟ آسيه بتبص لإسر وهو حاضنها ولسه ماسكها وهما واقعين على الأرض، وراحت قايمة بسرعة.

آسيه: اه كويسين يابابا، يلا نمشي. اسر قام من على الأرض وبينفض لبسه. رحمة: حبيبي، انت كويس؟ اسر: اه، متخافيش كويس. يلا امشي عشان اخلص ورق السفر. وهو بيتكلم وباصص على آسيه. آسيه كانت بتتكلم مع باباها، ولم سمعت سفر سكتت وسرحت. خالد: حبيبتي، روحتي فين؟ آسيه: ها؟ لا، معاك اهو يابابا. يلا أنا رايحة المحاضرة وانت روح شغلك. خالد: ماشي ياروحي، روحي خلي بالك من نفسك. آسيه: حاضر. وسابت باباها ودخلت الجامعة.

رحمة: مش هتقدر تنساها. اسر: مين؟ رحمة: ولا حاجة يااسر، يلا روح شوف مشوارك. اسر: حاضر، ومتقلقيش عليا، أنا أقدر أتخطى الموضوع كله. رحمة: بتمنا، يلا سلام. اسر: سلام. اسر ركب العربية ومشي، وآسيه دخلت المدرج وقعدت عمالة تفكر في كلمة اسر "أروح أجهز الورق عشان أسافر". رحمة دخلت المدرج لاقت آسيه قاعدة سرحانة، راحت قعدت في نفس البنش بس بعيد شوية عنها. الدكتور دخل وبدأ يشرح. *** "بس خطة جامدة اللي عملتها دي يااض يا عمر."

عمر: ههههه، امال أسيبه ياخدها مني؟ ده على جثتي. "ههههه، جامد يااض. يلا، انت تاخد آسيه وأنا آخد اسر." عمر: ههههه، صفقة هي؟ ولا يا حور؟ حور: ههههه، اه ياخوي. المهم يلا تعال نروح نشرب حاجة. عمر: ههههه، يلا ياختي. *** المحاضرة خلصت والكل مشي، وآسيه لسه قاعدة سرحانة. رحمة: أي، مش ناوي تمشي؟ آسيه: ها؟ اه، همشي. رحمة: تمم، سلام. آسيه: رحمة! رحمة وقفت بعد ما كانت ماشية. رحمة: نعم؟ آسيه بحيرة وتوتر: هو اسر مسافر؟

رحمة باستفزاز: وانتي بتسألي ليه أصلاً؟ آسيه: رحمة، كلميني عدل. أنا سألت، وانتي جاوبي على قد السؤال وخلاص. رحمة: وأنا أجاوب ومجاوبش براحتي، عشان انتي مالكيش دعوة بيه. يسافر ولا ميسافرش ولا يموت... آسيه بحزن: متكمليش، بعد الشر ليه بتقولي كده؟ رحمة: عشان انتي مالكيش دعوة بيه. انتي كسرته وسيبتيه وطلعتي من بيتكم حزينة. أنا أول مرة أشوف أخويا في الحالة دي بسببك انتي يا آسيه. آسيه عيونها دمعت ومش بتتكلم.

رحمة: هو يهمك أصلاً؟ في أي عشان تسألي عليه؟ ابعدي عنه مدام مش بتحبيه. آسيه بعياط وهي بتقعد: بيهمني، ده بيكون حياتي كلها. انتي متعرفيش هو بالنسبة ليا أي. رحمة بحزن: لم هو حياتك، ليه عملتي فيه كده؟ انطقي، ليه كسرتي؟ وكسرتي نفسك ليه؟ انطقي يا آسيه. آسيه: غصب عني والله، اللي شوفته كان يخليني أعمل كدا. رحمة باستغراب: اللي شوفتيه؟ انتي شوفتي أي؟ آسيه مسكت تليفونها وفتحته. آسيه: بصي، اللي شوفته ده.

وورتها صور لإسر وهو مع بنت في وضع مش كويس. رحمة بصدمة: أي ده؟ مستحيل. آسيه بعياط: قولت زيك كدا، بس بعدها جالي رسالة إنه كان معاها في نفس يوم عيد الحب، وكمان في فيديو مسجل ليهم. استنت، واخدت منها الفون وجابت الفيديو. **الفيديو:** اسر وهو حضن البنت: ههههه، أنا أصلاً مفيش حد يعجبني غيرك انتي يا جميل. البنت: ههههه، ليه آسيه مهي حلوة برضو؟ اسر: هههه، آسيه مين بس؟ يلا قومي شغلي أغاني وتعالي نرقص شوية وبطلي وجع دماغ.

البنت بضحكة مايعة: ههههه، من عنيا يا حبيبي. رحمة سمعت الفيديو وقعدت جنب آسيه وهي مش مصدقة. رحمة: بقا اسر يعمل كدا؟ مستحيل. آسيه بعياط: عرفتي ليه دلوقتي أنا رفضت اتجوزه وعملت كدا. رحمة اخدت آسيه في حضنها وعيطت. رحمة بعياط: أنا آسفة ياروحي، والله ما كنت أعرف الحقيقة. بس أنا لازم أتكلم معاه وأقول لماما، هو كيف يعمل فيكي كدا؟

آسيه: لا، لو كنتي بتحبيني فعلاً متتكلميش معاه وسيبيه، عشان أنا مش ناقصة وجع قلب أكتر من كدا، أرجوكي. رحمة: لازم أتكلم معاه وأشوف ليه عمل كدا، وكمان ده مسافر بكرة ومش ناوي يرجع تاني بسبب إنك رفضتي. آسيه بضحكة كلها حزن: ههه، رفضته. المهم ربنا يسعده، وابقا طمنيني عليه. يلا أسيبك وأروح أنا عشان مش قادرة. رحمة: حاضر ياروحي، خلي بالك من نفسك. آسيه: حاضر، سلام. رحمة بعد ما آسيه مشت.

رحمة: مينفعش أسيبه كدا، ولا هقدر أشوف حالتها كدا. أنا لازم أتكلم مع اسر وأشوف ليه عمل كدا وأفهم كل حاجة. لازم أحاول أرجعهم لبعض. *** "الحق دي هتعرف اللعبة اللي عملناها." عمر: ههههه، تبقا توريني هتعمل أي. ومسك الفون. عمر: الو، نفذ اللي طلبته منك. "حاضر ياباشااا." *** اسر راكب العربية ومش واخد باله، وفي عربية كبيرة جاية قدامه وخبطت. اسر: اااااااااااه.