رواية قمر الصقر الفصل الخامس 5 - بقلم رانيا حمدان

مليكه بجدية: مش الدكتور يونس تقاعد فعلا وجه مكانه دكتور جديد. قمر بصدمة: إيه دا بجد؟ الحمد لله يا رب عقبال بقيت الدكاترة والكلية كلها يا رب. مليكه بضحك: يخربيتك، فصيلة. يلا بينا عشان نلحق المحاضرة. قمر بمرح: يلا يا اختشي، أنا قولت لماما مش عاوزة أتعلم من الأول أصلاً. اتجهت مليكة وقمر إلى المدرج في كليتهم، ويجلسان في آخر الصف.

ليدخل شخص يظهر عليه الجدية والوسامة في نفس الوقت. انبهر الجميع به، لاسيما الفتيات اللاتي بدأن بالتحدث عن هذا الجمال. ليقول الشخص وهو يقف في المكان المخصص للشرح: السلام عليكم. أنا دكتور صقر، هدرس ليكم بدل الدكتور يونس. يلا نبدأ. لتقول قمر: ثواني. وشهقت بصدمة كبيرة: أنا كدا خلاص. أنا ضامنة أن أنا شايلة المادة. يا شماتة أبلة فظيعة فيا. مليكة باستغراب: فيه إيه يا بت مالك مرة واحدة كدا تنحتي؟

قمر وما زالت في صدمتها: يالهوووي، أنا خلاص شلت المادة. مليكة بضحك: ليه بس كدا يا فقر؟ قمر بصدمة: متضحكيش يا مليكة، المدير اللي حكيت لك عنه إنه ضربته بالقلم. مليكة باستغراب: آه، ماله؟ إيه اللي فكرك بيه؟ قمر بصدمة: اللي فكرني بيه هو ذات نفسه. مليكة بعدم فهم: بتقولي إيه يا بت مش فاهمة. قمر بشهقة: بقولك بصي قدامك وانتي تفهمي. وهي تنظر إلى الأمام ناحية الدكتور، وفجأة التفتت إليها بصدمة: أوووعي تقوليلي اللي في بالي.

قمر وهي تهز رأسها بصدمة: أيوووووة، هو. وفجأة التفت إليهم صقر: الاتنين اللي قاعدين يتكلموا ورا دول. أيوة انتو. مليكة وقمر وهما يقفان: ن نعم يا دكتور. صقر بجدية: اتفضلوا برة.