رواية قمر الصقر الفصل الأول 1 - بقلم بسملة حسان

في يوم كانت بتتمشي فجنينة بنت جميلة ورقيقة جداً. وهي بتتمشي من غير ما تشوف عربية جت وخبطتها. فقدت الوعي. اللي كان في العربية نزل بسرعة يشوفها. الشخص: يا آنسة يا آنسة. لا رد. شالها بسرعة وراح المستشفى. "في مستشفى الصقر" دخل بيها على طول. أخدوها منه ودخلت غرفة عادية. الدكتور دخلها وكشف عليها وطلع. الشخص: هي كويسة؟ الدكتور: أه كويسة، بس جالها صدمة من الحادثة مش أكتر. الشخص: تمام. ودخلها. (صقر الشرقاوي) عنده ٣٠ سنة، صاحب أكبر مستشفيات وشركات الصقر. غير حياته، غيرته من مرح وشخص بيضحك لواحد قاسي ومحدود جداً في تعامله مع الناس. (قمر محمد المنياوي) عندها ١٩ سنة، بشرتها بيضا، عيونها زيتوني، شعرها بني طويل، رشيقة الجسم ورقيقة جداً. صقر دخلها وشد كرسي وقال: يا ترى أنتِ قصتك إيه؟ هعرف قريب. بعد شوية قمر صحت وشافته وقالت: أنت مين؟ هو إيه اللي حصل؟ صقر: اهدي، الموضوع إنك كنتي ماشية وأنا خبطك من غير قصد. قمر: شكراً ليك. صقر: ده واجبي، أنتِ اسمك إيه؟ قمر: اسمي قمر، وأنت؟ صقر: أنا صقر الشرقاوي، اتشرفت. قمر: الشرف ليا، هو أنا هطلع إمتى؟ صقر: دلوقتي لو حابة. قمر: أه يا ريت. وطلعوا من المستشفى وراحوا بيت قمر. قمر وهي نازلة من العربية حصلت صدمة.