رواية قمر الصقر الفصل الحادي عشر 11 - بقلم بسملة حسان

قمر ابتسمت على أنه حتى وهو بعيد عنها بيحب يطمنها دايماً. راحت وغسلت وشها، اتوضت وصلت، وفطرت وقعدت تلعب في الفون شوية. لقيت الساعة بقت اتنين، قامت بسرعة تشوف فستان حلو تلبسه زي ما صقر قالها. وفعلاً اختارت فستان هي بتخليه أجمل فستان بجمالها البسيط، وعملت ميكب خفيف وسابت لشعرها الحرية. استنت صقر، شافت عربيته ونزلت تجري. أول ما نزلت لقيته دخل الفيلا وحضنته. قمر: وحشتني يا صقوري. صقر: انتي اللي وحشتيني يا قلب صقوري.

قمر: أنا جهزت زي ما قلت لي في الورقة. صقر بعدها عنه شوية وقالها: صقر: إيه القمر اللي أنا شايفه ده؟ انتي كل يوم بتزيدي جمال يا قمري. قمر اتكسفت وحضنته تاني. صقر: شكل حضني عجبك. قمر: اتكسفت أكتر، بس بقى خلاص مش هحضنك تاني. قام شدها ليه تاني وقالها: صقر: أوعي، أوعي يا قمري تعمليها في يوم من الأيام. أوعي تبعدي عني أرجوكي. بعدك عني هيموتني. قمر بسرعة حطت إيديها على بوقه وقالت له:

قمر: أوعي يا صقر تقول كده تاني. متجبش سيرة الموت على لسانك أبداً، ماشي؟ صقر: بتخافي عليا؟ قمر: طبعاً يا صقوري. صقر: طب يلا بينا بقى. قمر: يلا، بس احنا رايحين فين؟ صقر: هتعرفي لما نروح. وشبك إيده في إيديها وركبوا العربية. وصلوا مكان فخم، الجمال والشياكة والديكور البسيط، بس مديه المكان طلة جميلة جداً. صقر شد الكرسي لقمر وقعدها، وهو قعد قدامها وقالها: صقر:

مسك إيديها وقالها: النهاردة يا قمر اليوم اللي تقدري تسأليني عن اللي انتي عايزاه. قمر: أي حاجة؟ أي حاجة؟ صقر بابتسامة: أي حاجة أي حاجة. قمر: طب ليه مش بتحب الحركة اللي عملتها لك في شعرك؟ صقر وتغيرت ملامح وجهه وشرود في الماضي. قمر مسكت إيده: صقـــر، صقــر يا صقـــر! صقر فاق من شروده: إيه؟ ها! قمر: سرحت في إيه... لو مش عاوز تجاوب خلاص.

صقر: قمر، انتي متعرفيش حاجة عن الماضي بتاعي، وبما إنك بقيتي مراتي لازم تعرفي كل تفاصيلي. قمر بابتسامة: سامعاك. حمدية (مرات أبو صقر) : انت يا زفت يا اللي اسمك صقر. صقر بطفولة (كان عنده 8 سنوات) : اممم، إيه؟ حمدية صفعته بالقلم: اسمها نعم مش إيه، فاهم؟ صقر بعياط: عايز ماما! حمدية شدته من شعره وعضته من دراعه: حمدية: كتك موته أما يلهفك، انت بقيت كبير، ماما إيه دلوقتي؟ صقر بصريخ: آآآه، ماما! عايز ماما!

حمدية ضربته بالقلم: اسمع يا زفت انت! مسمعش كلمة ماما دي هنا تاني، ومن هنا ورايح اسمي حمدية هانم. صقر بغضب وكره.