رواية قمر الزمان الفصل الثاني 2 - بقلم ندى رأفت

خرج شريف من المصنع وركب عربيته ومشّي. وهو في الطريق، طلع تليفونه واتصل بوالد قمر. شريف: ألو يا عمي. راشد: ألو يا ابني. وصلتوا؟ شريف: آه يا عمي، متقلقش وهي في بيتي دلوقتي. راشد: شكراً يا ابني. طب هي صحيت؟ شريف: أنا مش في البيت دلوقتي، كنت عند بدر. راشد: أوعى تخرجه يا ابني، هيأذي بنتي. شريف: متقلقش يا عمي، وحتى لو خرج محدش هيقدر يعملها حاجة.

راشد: أنا واثق فيك يا ابني. طب لما توصل وتلاقيها صحيت طمني، أرجوك. وكمان متقساش عليها. شريف: طبعاً يا عمي متقلقش. راشد: شكراً يا ابني. أقفل أنا بقا، سلام. شريف: سلام. وقفل. في شقة شريف، فتحت قمر عينيها وقامت ببطء. بصت حواليها وقالت: أنا فين؟ راحت افتكرت كل اللي حصل معاها، فقامت مغضوبة وفتحت باب الأوضة. داده صفيه: انتي صحيتي يا بنتي؟ أحضرلك تاكلي؟ قمر: أنا فين؟! وإنتي مين؟!!

داده صفيه: أنا داده صفيه يا حبيبتي. أنا اللي ربيت شريف من صغره. قمر: أنا عايزة أخرج من هنا. داده صفيه: ليه يا حبيبتي؟ إيه اللي مش مريحك؟ هنا وأنا أظبطه. قمر: كله مش مريحني. أنا عايزة أمشي. وبصت قمر على باب الشقة وراحتله بسرعة. راحت فتحته بسرعة وبصت فانصدمت وقالت: إنت؟!! شريف: صحيتي. حضري العشاء ليها يا داده. الداده: حاضر يا ابني. قمر: أنا مش عايزة أتعشى ولا حاجة، أنا عايزة أمشي. شريف: وسّعلي أنا عايز أدخل بيتي.

رجعت قمر تاني. راح قفل شريف باب الشقة بالمفتاح وحطه في جيب الجاكت ودخل أوضته. قمر مشيت وراه وقالت: هو أنا مش بتكلم؟ شريف: عايزة إيه؟ قمر: عايزة أمشي. شريف: لو عايزة تغيري لبسك، افتحي الدولاب وهتلاقي كل حاجة. عن إذنك. وخد لبس من الدولاب وخرج. قمر بعصبية: قولتلك عايزة أمشي. شريف: مش هينفع. خلاص دا بقا بيتك، اتعودي عليه. قمر: دا مش بيتي ولا عمره هيكون بيتي. شريف: ليه؟ وإنتي متعرفيش أن الست لما بتتجوز بتقعد في بيت جوزها؟

قمر: إنت مش جوزي، وأنا مش قابلة بيك. شريف سابها ودخل الحمام ياخد شاور. قمر مشيت بعصبية وحاولت تفتح الباب، لكن الباب مقفول. داده صفيه وهي بتحط الأطباق على السفرة: أهدي يا بنتي. ورحت لها وخدتها من إيدها. قمر بعدت إيدها عن الداده وقالت: أنا عايزة أمشي. داده صفيه بتطبطب عليها وقالت: حاضر هنشوف. تعالي اتعشي طيب، وبعدها هنشوف. قمر: أنا مش جعانة، أنا عايزة أمشي. داده صفيه: لا مينفعش. لازم تأكلي، وبعدها نبقى نفكر.

فجأة قطعها شريف وقال: نفكر في إيه؟ داده صفيه بتوتر: ..أنا بقنعها تاكل يا ابني، وهي عايزة تمشي فبقولها تاكل ونبقى نشوف. قطعها شريف وقال: مفيش خروج من هنا غير بإذني. ومتقلقيش، هبقى أخليكي تغيري جو بس وانتي معايا، مش لوحدك. قمر: أنا مش عايزة أغير جو، أنا عايزة أخرج من هنا. شريف: إنتي مغيرتيش ليه؟ داده، خديها عرفيها مكان لبسها. وقعد شريف على السفرة وابتدى ياكل بهدوء. قمر: إنت إيه مبتفهمش؟

وقف شريف الأكل وقام ودخل الأوضة بتاعته وقفل الباب بهبد. أتخضت قمر وقالت: أنا عايزة أروح. طب أنا عايزة أروح لبدر. داده صفيه: أهدي يا حبيبتي، أهدي. وبعد فترة خرج شريف من الأوضة وهو لابس بدلته وقال: أنا ماشي يا داده، خلي بالك منها. وهاجي الصبح آخدها معايا علشان مسافرين إسكندرية، عندي صفقة مهمة هناك. فحضر لها شنطتها.