رواية قمر الزين الفصل السابع 7 - بقلم ساسو محمد

يارا: هي عايزه تشتغل وأنا قولتلها إني هشوفلها هنا في الشركة. كريم: بس أنا بجد مش عايز. يارا: طب عشان خاطري. كريم: خلاص هحاول أظبطلها حاجة وأقولك. يارا: لا أنا هقولها إنك هتشغلها هنا وأخليها تيجي تقابلك. كريم: خلاص يا ستي عشان خاطرك إنتي بس. وبالمرة أتعرف عليها عشان يبقى لي ضهر لما أجي أتقدملك. يارا: لا يا حبيبي أنا مش عايزاه تعرف. كريم: لي بقى؟ يارا: عشان مش دي الظروف اللي أكلمها فيها.

كريم: عندك حق. بس هي أكيد هتلاحظ لما تيجي. يارا: لما تبقي تلاحظ ساعتها أبقى أقولها. كريم: براحتك. يارا: أنا هقوم بقى أشوف شغلي. كريم: هتوحشيني. يارا: وإنت كمان هتوحشني. *** في البيت. يارا: السلام عليكم. ياسمين وقمر: وعليكم السلام. يارا: عاملين إيه يا حلوين؟ ياسمين وقمر: الحمدلله. يارا بتمثيل: عندي ليكي خبر يا قمر أعتقد إنه مش هيعجبك. قمر: بخصوص الشغل؟ يارا: آه. قمر: شافوا واحدة تانية صح؟ يارا: للأسف.

قمر: مليش نصيب، هبقى أشوف غيره. يارا بفرحة: طب جهزي نفسك عشان هتيجي معايا بكرة عشان تشتغلي. قمر بعدم استيعاب: بجد؟ يارا بفرحة: آه، أخيراً هنبقى مع بعض في مكان شغل واحد. قمر: آه الحمدلله. أنا هدخل أنام بقى. ياسمين: مش هتاكلي؟ قمر: مش عايزة يا خالتو. ياسمين: يا بنتي إنتي مأكلتيش حاجة من ساعة الفطار. قمر: والله ما قادرة يا خالتي. ياسمين: خلاص مش هغصبك، بس وقت ما تجوعي ادخلي حضري لنفسك إنتي مش غريبة.

قمر: حاضر يا حبيبتي، تصبحوا على خير بقى. ياسمين ليارا: إيه اللي أخرك ده كله؟ يارا بكذب: كنت خارجة مع واحدة صاحبتي. ياسمين: طب بعد كده لما تحبي تخرجي بعد الشغل ابقي قوللي عشان أبقى عارفة ومقلقش عليكي. يارا: حاضر يا ست الكل. *** خلص اليوم وآتى يوم جديد. يارا: اصحي يا جميل يلا هنتأخر. قمر بنوم: حاضر هقوم أهو. يارا: صباح الورد. قمر: صباح الفل. يارا: يلا بقى عشان متتأخريش من أول يوم شغل كده. قمر: خلاص قمت أهو.

وقامت ودخلت الحمام، توضأت وأدت فرضها وجهزت وخرجت. قمر: أومال خالتو فين يا يارا؟ يارا: نزلت السوق. قمر: بدري كده؟ يارا: آه أصل قلبها جاي النهارده يا ستي. قمر بعدم فهم: قلبها مين؟ يارا: هتعرفي لما نرجع، يلا. وخرجوا ذهبوا إلى الشغل. يارا: صباح العسل يا عم مسعد. مسعد: صباح السكر على وردتنا. يارا بضحك: عامل إيه النهاردة؟ مسعد: الحمدلله، وإنتي عاملة إيه؟ يارا: الحمدلله. مسعد: مين القمر اللي معاكي دي؟

يارا: إنت بتقول فيها دي قمر بنت خالتي وهتبقى معانا في الحسابات. مسعد: ما شاء الله، اسم على مسمى. قمر بابتسامة: شكراً. يارا: قهوتي بقي الجميلة من إيدك دي وقهوة قمر زي قهوتي. مسعد: عيوني لأحلى وردتين. قمر ويارا: تسلم. وذهبوا إلى مكتب يارا. قمر: بس عم مسعد ده غريب. يارا: غريب إزاي؟ قمر: تحسيه كده إنه قريب منك لدرجة إنك تحسيه حد من عيلتك. يارا: عم مسعد مفيش حد في الشركة هنا مش بيعتبره زي أبوه، حتى مستر كريم صاحب الشركة.

لتقاطع حديثهم زهرة. زهره: صباح الخير. يارا وقمر: صباح النور. زهره: مين اللي عسل اللي معاكي دي؟ قمر بابتسامة: شكراً. يارا: دي بقى يا ستي قمر بنت خالتي. زهره: اممممم دي اللي كنتي معاها ع البحر أول إمبارح؟ يارا: آه. قمر نظرتلهم باستغراب. زهره: متستغربيش، أصل إحنا أقل حاجة بتحصل معانا بنيجي نحكيها لبعض. قمر: اممممم ربنا يديم صداقتكم. يارا وزهره: آمين. ليدخل عليهم كريم. كريم: صباح الخير. البنات: صباح النور.

كريم: يارا خلصي الاستاذه وهاتي ورق اجتماع امبارح وتعالي. يارا: دي قمر بنت خالتي اللي كلمت حضرتك عليها يا مستر كريم. كريم: اممممم أهلاً وسهلاً، نورتي. قمر: ده نور حضرتك. كريم: طب هاتي الورق وتعالي يا يارا. وبعدين وجه كلامه لقمر: هظبط الورق ده وهتدخليلي. قمر: مفيش مشكلة. دخلوا مكتب كريم. كريم بحب: صباح الورد والياسمين على عيونك الحلوين يا يويو. يارا بحب أيضاً: صباح الفل. كريم: وحشتيني أوي أوي أوي أوي.

يارا بضحك: إحنا كنا مع بعض امبارح، لحقت أوحشك؟ كريم: هتصدقيني لو قولتلك إنك مجرد ما بتديني ضهرك وتمشي بتوحشيني. يارا: وإنت كمان بتوحشني والله. كريم: طب أي؟ يارا بقلق: إيه؟ كريم بضحك: إنتي مالك قلقتي كده ليه؟ يارا: أصل أي واحد بيقول لواحدة طب إيه بيبقى نيته مش حلوة ناحيتها. كريم بضحك أكتر: أنا أقصد بـ "إيه" دي إنك هتخليني أقابل أمك امتى؟ أنا تعبت وعايزك معايا على طول. يارا بارتياح: طب ما تقول كده.

كريم: إنتي اللي دماغك زبالة. يارا: بقي كده؟ كريم: آه. يارا بحزن مصطنع: طيب. كريم: خلاص متزعليش، اخرجي بقى اندهي قمر. يارا: حاضر. كريم: بس أنا عايزها لوحدها. يارا باستغراب: لي؟ كريم: البت حلوة الصراحة. يارا بنرفزة: والله؟ كريم يحاول استفزازها أكتر: آه والله، وكويس إنها فشكلت خطوبتها. يارا: خلاص خليك معاها، بس اعمل حسابك إن استقالتي هتدخل معاها. كريم بضحك: اقعدي يا هبلة. يارا: متشتمش.

كريم بضحك: يا هبلة، أنا عايزها هي لوحدها عشان متحسش إن بينا حاجة وعشان تتعود عليا وع الشغل من غير ما تحس إنك هتبقي معاها في كل حاجة عشان تعرف تتعامل. يارا بفهم: طب ما تقول كده من الأول. كريم: إنتي اديتني فرصة، إنتي دخلتي فيا شمال على طول. يارا: خلاص بقى. كريم: طب يلا اخرجي ودخليها. خرجت يارا ودخلت قمر. قمر بصوت واطي: ممكن أدخل؟ كريم: اتفضلي طبعاً. قمر: شكراً. كريم: اشتغلتي في مكان قبل كده ولا دي أول مرة؟

قمر: لا بشتغل في بنك في القاهرة. كريم: وسيبتيه ليه؟ قمر: أسباب شخصية. كريم بتفهم: تمام، إنتي هتبقي معانا هنا في الحسابات ولا تحبي تبقي مع يارا في المكتب؟ قمر: لا هبقى في الحسابات. كريم: تمام، تقدري تستلمي الشغل النهاردة لو تحبي. قمر: بس. كريم: بس إيه؟ قمر: أنا هشتغل فترة مؤقتة عشان أنا مأخده إجازة من البنك مش سيبته خالص. كريم: تمام مفيش مشكلة، اشتغلي الفترة اللي تريحك، أنا مش هقولك لأ. قمر: تمام، عن إذنك.

كريم: بس أنا عايزك تعرفي حاجة الأول.