رواية قمر الزين الفصل الثامن 8 - بقلم ساسو محمد

كريم: بس أنا عايزك تعرفي حاجة الأول. قمر: اتفضلي. كريم: بس من غير ما يارا تعرف اللي هقوله ده. قمر باستغراب: ليه؟ كريم: هتعرفي دلوقتي. قمر: طب اتفضل قول. كريم: بصي يا ستي، أنا الأول موافقتش أنك تشتغلي هنا عشان أنا محتاج ناس تشتغل زي ما يارا قالتلك. قمر: اومال وافقت ليه؟ كريم: عشان خاطر يارا. قمر: إيه؟ كريم: أه، أنا ويارا بنحب بعض وعايز أتقدملها، بس كل ما أجي أتقدم يحصل حاجة. قمر: يحصل حاجة إزاي يعني؟

كريم: يعني أول مرة لما قولتلها تكلم مامتها عشان أتقدملها، تاني يوم قالتلي مش هينفع عشان خاطر ساعتها كانت خطوبتك. وتاني مرة قولتلها تكلم مامتها، حصل اللي حصل معاكي. قمر: طب أنا إيه دخلني بالموضوع؟ كريم: هي بتقول إزاي تبقي إنتي في الظروف دي وهي تروح تقول لطنط إني عايز أخطبها. قمر: هي مالها ومال ظروفي واللي حصلي؟ كريم: عشان خايفة على مشاعرك. قمر: لا متخافش، أنا هكلمها. كريم: لا متكلميهاش. قمر باستغراب: ليه؟

مش أنت عايز تخطبها بجد ولا بتلعب؟ كريم: يعني لو بلعب هاجي أصارحك كده؟ قمر: اومال إيه؟ كريم: كل الحكاية إنها مش عايزكي تعرفي دلوقتي عشان خايفة على مشاعرك، فإنتي اعملي نفسك كأنك معرفتيش واتعاملي عادي لحد ما هي تيجي تحكيلك. قمر: تمام. كريم: ولو سألتك اتأخرتي كده ليه عندي، ابقي قوليلها إني كنت بفهمك الشغل. قمر: بس أنت كده مش محتاجني، هشتغل ليه؟

كريم: لا ما أنتي لو مشتغلتيش هتعرفي إني قولتلك حاجة. وأنا لسه بقولك اتعاملي عادي، وبعدين طول ما أنتي معاها هنا أكيد هتلاحظي. مثلاً حاجة، كلامها مثلاً معاكي بعد ما تروحوا، فساعتها يبقى سهل إنها تحكيلك. قمر: تمام، هقوم أنا بقى. كريم: ماشي، بس متنسيش. قمر: حاضر. خرجت قمر ليارا عشان تعرفها مكتبها فين. يارا: إيه ده كله؟ قمر بابتسامة خفيفة على غيرتها اللي لاحظتها في كلامها: كان بيشرحلي حاجات في الشغل.

يارا: طب بتضحكي على إيه؟ قمر: أضحك على إيه بس. يارا: معرفش. قمر: طب وديني مكتبي يلا عشان أستلم الشغل. يارا: قدامي. وراحت يارا تودي قمر مكتبها. عند زين اللي نسيناه فترة. سمية: صباح الخير يا حبيبي. زين: صباح النور يا ماما. سمية: مش هتاكل؟ زين: مش عايز. سمية: يا ابني أنت بقالك شهرين تقريباً مبتاكلش ومبتشربش حتى شغلك مبقتش منتظم فيه، لا الشركة ولا البنك. زين: وهفضل كده لحد ما تعرف الحقيقة وترجعلي، يا إما أنساها حبها.

سمية: ربنا يريح قلبك يا حبيبي. زين: يارب. ونزل راح شركته. في الشركة. زياد أخو زين الكبير وشريكه. زياد: أخيرًا نزلت. زين: أنا مش فايقلك يا زياد. زياد: لسه معرفتش توصلها؟ زين: للأسف مش عارف. زياد: بس هي على فكرة بتحبك. زين: عشان كده بعدت من غير ما تفهمني. زياد: عشان حست إنك كنت على علاقة مع كوكي. زين: ما هي مدتنيش فرصة إني أعرفها عليها وأقولها علاقتي بيها إيه.

زياد: عشان كان المفروض أول ما شوفت كوكي تعرفهم على بعض، مش تسلم وتحضن كوكي وتنسى خطيبتك اللي واقفة جنبك. زين: اللي حصل بقى. زياد: بس أنا من رأيي تفضل وراها لحد ما تفهمها، وهي هتسامحك وتغلط نفسها كمان. زين: وأنت جايب الثقة دي منين؟ زياد: أنا أه مجتش معاك وأنت بتتقدملها، بس شوفت نظرة الحب في عينها في الخطوبة. زين: بجد؟

زياد: بجد. وبعدين لو ماكنتش بتحبك ماكنتش عملت كده. هي أه أڤورت الدنيا وزعلها طول، بس كل ده عشان بتحبك. زين: والله لو كلامك صح هعملك اللي أنت عايزه. زياد: طب من هنا لحد ما تصالحك هفكر هطلب منك إيه. زين: ماشي، يلا بقى نشوف شغلنا. زياد: يلا. وخلص اليوم بعد شغل كتير وتفكير زين في قمر، وبجد ممكن تسامحه زي ما قال زياد. زياد: يلا مش هنمشي؟ زين: يلا. زياد: ابقي سلم على ماما وبابا. زين: ما تيجي أنت تسلم عليهم بنفسك.

زياد: هاجي أنا وتقي إن شاء الله يوم الجمعة ونقضيه سوا. زين: إن شاء الله. عند قمر. راحت يارا لقمر. يارا: إيه الشغل عجبك ولا إيه؟ قمر: أه وسهل مش صعب. يارا: طب كويس، بس مش عايز اكي تنسي مركزك اللي في البنك. قمر: مش ناسيه. يارا: تمام، طب يلا نمشي بقى ولا ناوية تباتي هنا؟ قمر بضحك: لا يلا. روحوا ودخلوا البيت شافوا السفرة مليانة أكل. قمر: ما شاء الله، إيه ده كله؟ يارا: مش قولتلك الصبح إن خالتي جاية.

قمر: أه صح، بس مقولتليش مين خالتي اللي جاية. يارا: عشان غبية. قمر بصدمة: إيه؟ يارا: أه، هيكون مين خالتي غير عمر أخويا. قمر: اتصدقي صح، نسيت خالص والله. تأتي ياسمين على صوتهم. ياسمين: بناتي الحلوين، حمدلله ع السلامة. قمر ويارا: الله يسلمك. ياسمين: ادخلوا غيروا هدومكم يلا عشان ناكل. يارا: طب عمر جه ولا لسه؟ ياسمين: جه ودخل ينام شوية عقبال ما تيجوا. يارا: طب أنا هدخل أصحيه. ياسمين: لا ادخلي أنتِ غيري هدومك وأنا هصحيه.

عمر من خلفهم: أنا صحيت أهو. جريت يارا على حضنه. يارا: وحشتني أوي أوي يا عمر. عمر: وأنتي كمان وحشتيني أوي يا قلب عمر. قمر: عامل إيه يا عمر؟ عمر: الحمدلله، أنتي عاملة إيه يا قمر؟ قمر: الحمدلله، حمدلله على سلامتك. عمر: الله يسلمك، منورة البيت. قمر: ده نورك. عمر: تسلمي. يارا: هتقعد قد إيه الإجازة دي بقى؟ عمر: 15 يوم قابلين للانكماش. يارا: ليه إن شاء الله؟ عمر: أنتي ناسيه إني ظابط وممكن يحتاجوني في أي وقت ومقدرش أقول لأ.

يارا: ربنا معاك يا أحلى ظبوطة في الدنيا. ياسمين: طب ادخلي أنتِ وقمر يلا غيروا هدومكم عشان ناكل. عمر: أه يلا عشان هموت من الجوع. يارا: بعد الشر عليك. وعدى أسبوع من غير أحداث لحد ما جه يوم الجمعة. قمر: خالتي ممكن أنزل أقعد ع البحر شوية؟ ياسمين: بس متتأخريش. قمر: حاضر يا حبيبتي. يارا: وأنا كمان هخرج شوية مع صحابي. قمر بمكر: صحابك؟ يارا بتوتر: أه صحابي، اومال هخرج مع مين يعني؟ قمر: لا ولا حاجة، أنا بستفسر بس.

يارا: طب إيه يا ماما هخرج ولا إيه؟ ياسمين: طب متتأخريش أنتِ كمان. يارا: حاضر. خرجت يارا مع كريم طبعًا، وقمر خرجت قعدت ع البحر. وخلص اليوم وروحت قمر. قمر: السلام عليكم. ياسمين واللي معاها: وعليكم السلام. قمر بصدمة: ....