رواية قمري الفصل الخامس عشر 15 - بقلم سهر عمار

قمر بدموع: إيه ده يا صقر. صقر بتوتر: إيه. قمر: إزاي طبعًا مش عارف ترد، خد خلي الهانم تنفعك. رمت قمر الورقة وصعدت غرفتها بسرعة وهي تبكي. اندهش صقر، فهو افتكر أنها عرفت بمرضها. أمسك صقر الورقة وقرأ ما فيها. مضمون الورقة: "صقر وحشتني أوي، إيه كل ده مع البنت الملزمة دي، خلص بقى منها وارميها زي اللي قبلها وتعالى لحبيبتك يا صقورتي، بحبك يا روح قلبي." صقر بغضب: يا ولاد الكلب، هعرف مين دي وهندمه.

رمى صقر الورقة وصعد إلى قمر وجاء يفتح الباب وجده مغلق. طرق الباب. صقر: افتحي يا قمر. قمر: لاااا، ابعد عني روح للهانم بتاعتك. صقر بغيظ: افتحي يا قمر قلت لك. قمر: قلت لا. ولم تكمل جملتها حتى رأت صقر كسر الباب ودخل بجمود وغضب. صقر: انتي فاكرة الباب ده يمنعني عنك، ده أنا أكسره وأكسرك. قمر بغضب: عايز إيه. صقر ببرود: الدواء بتاعك. قمر: لا مش عايزة، أنا كويسة. صقر: لو ما أخذتش الدواء دلوقتي هدهولك بطريقتي. قمر بخوف: خلاص.

أخذت قمر الدواء وذهب صقر إلى غرفته ونامت قمر. قمر ببكاء: ليه عملت كده، ده أنا بحبك أوي. ثم نامت. سوزي: هاا، عملت إيه يا إياد. إياد: كله تمام، بعت بنت كأنها بتبيع ورد وحطت له الورقة في جيبه. سوزي: طيب وكده قمر هتشوفها إزاي. إياد: ملكيش دعوة، دي طريقتي. سوزي: يعني إيه مليش دعوة. إياد: متعليش صوتك، انتي نسيتي بتكلمي مين، يالا غوري ومتتصليش هنا تاني لما أعوزك هرن. وأغلق الخط في وجهها.

سوزي بغيظ: يا بن***، ماشي يا إياد، أنا هوريك انت واخوك. حاضر. أحمد: يالا شوفي عاجبك إيه. شمس: أي حاجة، هات أي حاجة. مصطفى: يا حبيبتي، نقي اللي انتي عايزاه. شمس: كله حلو وجميل يا مصطفى. أحمد: بصي كده يا حبيبتي، إيه رأيك. شمس بانبهار: واووو، تحفة بجد. فكان طقم سلسلة رقيقة وحلق وأنسيال رقيق وخاتم. أحمد: عجبك يا قلبي. شمس: آه يا حبيبي، حلو. أحمد بفرحة: أنا هاخد الطقم ده وأشيله تذكار. دي قلت لي في يا حبيبي.

ضحك كل من في المحل وخجلت شمس بشدة. أحمد: خلاص، هتموتي، شوفي لنا الدبل. واختارت شمس دبلة رقيقة شبهها واختار أحمد هو الآخر دبلة وحاسب ومشى. أحمد: أنا هاخد شمس ونخرج. مصطفى: لا. أحمد: خالتو، لمي ابنك علشان همد إيدي. أمسك مصطفى من ملابسه: هتمد إيدك على مين يا ض. أحمد: يا عم إنت مالك، همدها كده كده الحتة واسعة. مصطفى: آه افتكرت. أحمد: ياما نفسي أديك على قفاكم. مصطفى: أنا. أحمد: أيوه إنت.

نادية: عيب كده يا ولاد، إحنا في الشارع، يالا نروح. أمسك مصطفى يد أخته وذهبا. أحمد: طيب والله ما أنا رايح. نادية: رايح فين بس. أحمد: هموتلكم نفسي، هااا. وركبت عربيتة ورحل. وركبت نادية وسعاد مع مصطفى وذهبوا وهم يضحكون على أحمد ومصطفى وهم يتشاجرون. وصل أحمد الشركة وصعد إلى صقر ولكن لم يجده. أحمد: هايدي، فين صقر. هايدي: لسه مجاش، وفي اجتماع مهم جدا. أحمد: طيب جهزي لي ورق الاجتماع عقبال ما أشوف صقر فين.

ذهبت هايدي حتى تحضر الورق واتصل أحمد بصقر. استيقظ صقر على صوت هاتفه فرد دون أن ينظر. صقر بنوم: الو. أحمد: انت لسه نايم، اخلص، ورانا اجتماع مهم جدا. صقر وهو يقوم: أنا نسيت خالص، ربع ساعة وأكون عندك، سلام. أغلق الهاتف في وجه أحمد ودخل إلى المرحاض. أحمد: اتف، نص عمري ويبطل يقفل السكة في وشي. يذهب أحمد حتى يراجع الأوراق والملفات تبع الاجتماع.

خرج صقر من المرحاض وارتدى ثيابه وأحضر دواء قمر وهبط إلى الأسفل فوجد قمر تجلس تشاهد التلفاز ودادة سعدية تضع الطعام على الطاولة. صقر: صباح الخير. لم تعطي قمر اهتمام، فردت سعديه: صباح الفل يا بني. صقر وهو ينظر إلى قمر: عاملة إيه يا دادة. سعديه بضحك عليه: بخير، وأنا شيفاك بخير يا حبيبي. صقر وهو مازال ينظر إلى قمر: مالك محلوة كده ليه يا دادة النهاردة. سعديه بخبث: أنا برضو يا واد، اتلم، ده أنا قاعدة. صقر: طيب تعالي كلي.

سعديه: بتكلمني أنا. صقر: لا، بكلم الحلوفة اللي قاعدة قصاد الزفت التلفزيون. قمر بنرفزة: بعد إذنك، مش تتكلم معايا، وبعدين إيه حلوفة دي، احترم نفسك. صقر: دادة، انتي عمرك شفتي جريمة قتل. سعديه: لا. صقر وهو يأخذ السكينة: طيب، أديكي هتشوفي. ذهب ناحية قمر بالسكينة. ابتلعت قمر ريقها بخوف. صقر وهو يميل عليها: عارفة لو ما قعدتيش تاكلي هعمل لك. ولكن لم يكمل كلمة فوجد قمر تجلس على الطاولة وتأكل.

ضحكت سعديه عليهم وابتسم صقر عليها، فهي تبدو كالطفل. فاق على صوتها. قمر: مش هتيجي تاكل. صقر: لا، جاي، إيه عايزة تاكلي لوحدك. قمر: يا شيخ، اتلهي، ده إنت مخلص على الأكل أول بأول. صقر: أنا برضو اللي بصحى الفجر أقعد جوه التلاجة. قمر: كح كح، انت مين قال لك. صقر: اشربي ميه، هتموتي. شربت قمر مياه: هااا، مين قال لك، انت حاطط لي كاميرات. صقر: لا ياختي، شفت بعيني، ده أنا خفت منك، فين الشوكولاتة اللي كانت في التلاجة.

قمر: أكلتهم، مكنوش كتير، دول كام واحدة. صقر بسخرية: آه فعلاً مش كتير، ٥٠ واحدة بس، شوف إزاي دول ولا حاجة، متيجي تاكليني أحسن. قمر: خلاص، متسدش نفسي بقى، وبعدين انت حاببهم لمين، قول، اعترف. صقر: هو انتي بيتسد نفسك زينا كده. قمر: أمااااال. 😂😂😂 صقر: وبعدين كنت جايبهم لواحدة فكراها نادمة، لاكن اكتشفت إنها جموسة ماشية تاكل وبس. قمر: أنا شامة إنك بتلقح عليا، ده صح. صقر: آه، صح، أنا بلقح عليك.

قمر: طيب كويس، أنا الحمد لله شبعت. صقر: خدي الدواء. قمر: أنا كويسة، بليز. أخذت قمر الدواء. قام صقر وباس رأس قمر وأعطى إليها هاتف حتى يطمئن عليها وذهب إلى الشركة. وصل صقر إلى الشركة ودخل بكل غرور ودخل مكتبه. صقر ببرود: الاجتماع بدأ. أحمد: ما لسه بدري، آه، الناس مستنية بقالها عشر دقايق. صقر بغرور: طيب، يالا. أحمد: يالهوي على الغرور. صقر: أحمددددد. أحمد: في ديلك، هتلاقيني في ديلك.

دخل صقر غرفة الاجتماع هو وأحمد وبدأ الاجتماع وهايدي تشرح لهم، ولكن جاء لصقر تليفون من دادة سعدية فاستأذن منهم ورد. صقر: أيوه يا دادة، في إيه. سعديه: ــــــــــــــــــــــــ. صقر بصدمة وغضب: إييييي. ثم قفل وذهب بسرعة إلى القصر.