رواية كمين صعيدي - أسماء حبيب (الجزء الثاني من جنان في بيت صعيدي) الفصل الأول 1 - بقلم أسماء حبيب

ريان بغضب: معندناش حرمة تشتغل يا بنت زين. ياقوت بغضب مماثل وبتربع إيديها عند صدرها: أمال دخلت شرطة لي؟ عشان أنط الحبل وألعب حجلة، لمؤاخذة. أنس وقاعد بياكل على السفرة: جري إيه يا ولد أبوي؟ كنت ولي أمرها، وبعدين هي حرة. قدام هتشتغل معايا، مفيهاش مشكلة. ريان بغضب وبوجه كلامه لمنصور: أنت هتسكت يا أبوي ولا إيه. منصور وجنان كانت قاعدة تأكله بإيديها: والله أنا عن نفسي موافق، قدام هتكون معاك.

ياقوت وبتبصله بنصر: كووبة. هاهاهاها. ريان وقام من على السفرة: ماشية يا ياقوت، أنتِ اللي جبتيه لروحك. ياقوت بسخرية: ابقى خد باب السرايا في إيديك. أخويا، يلا بالسلاااامة. إيه ده يا خالتي! مخلفة بني آدم ولا هولاكو؟ ده كان ناقص ياكولني ويبلع بعديه بطفلين شوارع. جنان ولسه بتأكل منصور بإيديها: سيبك منه، ده تنح زي أبوه... احم. روحي نادي أبوكي وأمك، ما نزلوا للفطار ليه. غضبانين على الأكل ولا أمك عملاله كمين.

ياقوت بتنهيدة: زي عوايدهم، إيه الجديد؟ أنا خارجة شوية، آه ومش تخلصوا على البسلة كلها. رجعة تاني. ياقوت خرجت وبتتسحب للجنينة زي الحرامية، وبتطلع راسها من ورا الحيطة، لقت ريان قاعد تحت الشجرة وبيكسر في أغصان شجر جنبه بغضب. ياقوت راحتله بابتسامة وحاطة إيديها ورا ضهرها: روري. ريان قام واقف بغضب وكان هيتجه ليها، ياقوت وقفته بإيديها: عظيم. بيااامين؟

منتِ قايمة. هو العمر لعبة. أنا كنت جايه أقولك بس إنّي جايه معاك المديرية بكرة. متفلسعنيش وتمشي من غيري، لو ربنا. أجي بحمار وأجبلك فضيحة. ريان بصّلها بضيق بغضب وماسك غصن كبير في إيده: أنتِ شكلك كده يااااياااقوت مفهمتيش حديتي زين. ياقوت بضحك وبتضرب كف بكف: زين دا يبقى أبويا. هاهاهاها. اضحك يا عم وخلي الدنيا تحلو. ريان كسر الغصن بغضب وقرب منها

وهمس وهو شاددها من قفاها: اخفيييي من وشيييي. لخليكي شبه الكلب الأجرب. اخفييييييييييي. ياقوت وبتعدل هدومها بتكبر، وبعدين فجأة طلعت تجري جوه السرايا. جنان وبتأكل منصور لسه. منصور بتعب: إيه ياااا ام المصايب؟ كفاياكي عاد نزلة فيا تظغيط. ده لو ذكر بط زمانه فطس. أنس وبيقوم من على السفرة: طيب، أنا بقول أمشي قبل ما السفرة تتقلب على نفوخي. إني رايح الديوان يا بوي.

جنان بتبص لابنها بحزم: اقعد. لسه مش ضغطك. هخلص على أبوك وجيالك. أنس عدل عمته بسرعة: طيب، عن إذنكم بقى. ريان مستعجلني بره. جنان بتبص لمنصور بغيظ: شفت؟ مبسمعش الكلام. أيوه، مش أنت اللي مربيه؟ كنت بقولك سيبهولي وأنا أعقله. كده طالع بايظ. ماشي يا ابن منصور، أما ترجع هخلي غداك عشا بإذن الله. منصور: صرصيرو. يا صرصوري، ساكت لي. منصور: أصل يا جنان، خايف أرزعك بلحة على نفوخك تقعي فطيس، ويتم عيالك وحرمهم من نعمة الأم المتخلفة.

جنان بابتسامة: شكراً لسعة صدرك يا خويه. أما في الدور العلوي. زين لابس قميص وفوقيه جاكيت البدلة، ومن تحت لابس شورت لحد الركبة، وبيكلم بنت أونلاين بلغة إيطاليا. ياقوت دخلت عليه ومعاها كوباية شاي: يلهويييي! بتخون أمي؟ وكمان حتة مستوردة؟ اففففف. قفشتك بالشورط يا زوز. والله لو أمي شافتك ما هيعدي اليوم وتكون مقابر العائلة مفتوحة. الفتاة بلغة إيطاليا: مين هذه يا زين. زين وبيكلم بنته: بقولك إيه؟

اسكتي وعدي يومك. تعالي أما أعرفك. زين وحط إيده على كتف بنته وبيتحدث بالإيطاليا: هذه ابنتي ياقوت. ياقوت بغمزة: لا، مرات أبويا. عسل والله يا زوز، وعرفت تنقي. الفتاة بابتسامة: مرحباً ياقوت. ياقوت بابتسامة وتتحدث الإيطالية: مرحباً مرحباً. هل أنتِ متزوجة أم على باب الله؟ (قالت آخر جملة بالعربي) الفتاة بابتسامة: أنا أرملة. ياقوت وبتغمض عينيها وبتبص لزين: اتكل على الله وهات المأذون. دي هدلعني يا جدع.

زين: أنتِ شايفة كده ط... الفتاة قاطعته: مين هذه يا زين. زين باستغراب: هو مين هيكون هنا؟ د... ز... زهرة. زهره ودخلت راسها وسطيهم، وعينيها مبرقة، وبتنقل راسها بنهم هما الاتنين ببطء: عجبتك يا ابن الجبلاوي؟ وانتي يا قلب أمي يا خلفة الندامة ياااا غلطة السنين؟ عايزة أبوكي يجبلي ضوورة. ياقوت وبتبص لبوه وبتمثل الغيظ: كده! عايز تجيب على أمي؟ حتة مستوردة؟ ده بدل ما تدعم المنتج المحلي. ماما افتكري به فتكاً. سلاموا عليكم.

زهره وقفتها بإيديها وراحت قفلت الباب وبتبصلهم بشر. زين وبيجري وبنته وراه، وزهرة وراهم. زين لاحظ إن هو لابس الشورت على جاكيت البدلة، والزرار مفتوح، والبنت مصدومة من اللي بيحصل. جري على أبوه وقفه: اتفضحت يا زين يا جبلااااوي. زهره وشمرت منه وبتشمر دراعها: شكلك حنين يا أبو ياقوت؟

لا، أيام زمان. أحب أضيف لمعلوماتك معلومة، وتحشرها عدل. جواز عليا، أو تبص لبنت كده ولا كده، هتلاقي نفسك في أعداد الموتي من ضمن مرحومين العائلة الكريمة. فاااهم يا ابن حميدة؟ ياقوت وبتهدي أمها: اهدى يا شااابة. صحتك اهدى بس. زهره بغضب: لااااااء! مفيش اهدى. ميغركمش سني، أنا جسمي شاب، بس الصحة لسه شباااب. ياقوت وبتجري هي وزين بره الأوضة: الجري نص الجدعناااااه. زين بيجري على أوضة بنته وزهرة بره: افتحوووو.

زين بضحك من جوه: اهداا ياسيد يا خويه. اهدي. هههههه. في بيت عمار. ملك وماسكة إيد المكنسة وبتعزف عليها وبتغني وهي بتتابع على التلفزيون: ااااع اسبونج بوب سكوير بانز، اسبوووووووونج بوب سكوير بااااااعاااانز. هاهاهاهااااا. نغم بضيق: ربنا ما يحرمك من العبط. ملك قعدت بسرعة: اشش. الحلقة بدأت. نغم وبتشيل شنطتها: أنا نازلة. عمتك مستنياني تحت. ابقي صحي أبوكي للشغل. ملك مندمجة في الحلقة. نغم بغيظ قامت شايلة الفيشة.

ملك بغضب: ليييييي؟ كدا لييييي يا هادمة الأذات. نغم: صحي أبوكي وجهزي له الفطار، وأجي ألاقي الشقة فل. فاااااهمه. ملك: أيوه، منا الجرية اللي اشتريتيها من قبيلة قريش؟ تكنس وتمسح، وفي الآخر تاخد تقوليلي الأرض عايزة كمالة نضافة؟ هيييي. الأرض كانت طبق كشري عايز كمالة. هتجننيني والله. أما أغزي الشيطان وتلاشيني. الله يسترها معاكي. نغم شدتها من البيجامة: بت! اللي قلت عليه يتنفذ، فهمه ولاااا.

ملك وبتكلم بتأثر أوي: بغض النظر يا ولدتي، إنك قفشاني قفشة حرامي الشباشب من قدام باب الجامع لحظة صلاة الجمعة، إلى أن كلامك ترك فيا جرح كبير أوي. يعني إيه؟ ولااااا؟ دي إيه هطلقي بنتك دي؟ آخرة الخدمة في البيوت. اختيني لحم يا أبلة نغم، وترميني عضم لكلاب السكك تنهش في لحمي. شكراً شكراً جداً. عمار وكان طالع من الأوضة: لااااااء بنتييييي! لااااء. نغم سابت ملك: ما هي كملت. أنا ماشية. ليطقلي عرق. عمار بضيق: والفطار يا هانم؟

ولا أنا جوزك في البطاقة بس. نغم بخبث: خلي بنتكككك تعملهولك. سلااام. ملك وبتكلم أبوها اللي واقف جنبها: شفت؟ شفت مراتك بابا؟ طلقها وأنا هجبلك ست ستها. عمار بضحك: علشان كانت أمك علقتني زي الدبيحة ونزلت فيا سلخ. هههه. المهم، هتعملنا إيه من إيدك العسل دي. ملك بتمثيل: بس بقي يا راجل. بأحرج. متكسفنيش. اطلبني من أبويا رسمي. عمار ضحك على بنته اللي نسخة منه: يلا يا زفتة، حضري الفطار على بال ما أصلي وألبس هدوم الشغل.

ملك بتزمر: هو أنا ملطشة في البيت ده؟ إيه قلة القيمة دي. عمار قبل ما يدخل أوضته: خلاص، حضري الفطار لو سمحتي يا زفتة هانم. ملك بغيظ: طيب وربناااااا منا ساكتة على التهزيء ده، ولازم تعرفوااا قمتي. بعد خمس دقايق ⏱️... ملك بترص الصحون على السفرة: عموووري حبيب الملايين، تعاله عملالك بتنجان مقلي بدقة وبطاطس شبسي مقرمشة. ياباااشا كل ودعيلي. (وبتاكل وحدة بطاطس)

تسلم إيدي والله. لاء، أنا شيف في نفسي. يا وكستي في تجارة عملت بيها إيه؟ اديني مرزية في البيت بخدم على السلطان بيك ومراته. عمار طلع وماسك الشنطة وبرتب هدومه: الله! بتنجان بالدقة؟ يا صباح الروقان. والله فكرتك هتعمللنا فول بالزرنيخ. ملك: لا يا بابا، الحج ميخلصنيش تروح الشغل من غير فطار. بصراحة قلبي عليك يا خويه، لتهفت ولا حاجة.

عمار وبيقعد ياكل: انجزي ياااروح أمك. أنا عارف، ورا الكلمتين دول حاجة من الاتنين. يا إما مصيبة دولية، يا إما مصلحة نقدية. ملك بتمثل الصدمة: يكفينا شر المصايب يا بابا. يووه. عمار بضحك: اووباااا، يبقى مصلحة نقدية. وأبوكي آخر الشهر ومفلس على الحديدة. ربنا يحرس العجلة بتوديني البنك وهي ماشية بقوة الدفع. هههه. ملك بضيق: خلاااص مش عااايزة حاجة. اللي فارسني إني عملت الأكل بنفسي. موبيل ملك رن: الووو. أيوه يااا ياقوووت.

ياقوت وواقفة ورا باب الأوضة هي وزين اللي قاعد يضحك على مراته الهبلة اللي ماسكة إيد المقشة وبتخبط على الباب من بره. ياقوت بسرعة: بتزعقي ليييييي؟ هااا؟ هي ناقصاكي. ملك: طيب، سلااام عليكوا. علشان مينفعش أقول لفظ قبيح على الصبح. ياقوت بضحك: يااااابه، استنييي. ملك: انجزي، لأن روحي بقت في النوز عندي بصراحة. ياقوت وبتكلم والدها: بابا، اسند الباب كويس. هكلم ملك بس ورجعه تاني. ملك: ملك. ملك بتنهيدة: أيوه معاكي.

ياقوت: بصي يا ست الكل، البيه ريان اعترض على الشغل و.... ملك بسرعة: أوعي تكوني سكتيله يا بت. ياقوت: اصبري يا حريقة، أنا نيلت الدنيا. ملك بارتياح: آه، كدا فكرت الموضوع عدى بسلام. ياقوت: المهم يا ستي، برضوا معارض وحاسة إنه مش هياخدني معاه المديرية بكرة. ملك بخبث: لاااا. أنتِ جيتي في ملعبي. سيبيهالي على العبدة لله، وهتفرج.

ياقوت بقلق من نبرة ملك: ملك، أنا عايزة ريان على قيد الحياة. بلاش الأفكار اللي بقرون هااااااا. أصل أنا عارفاكي، إبليس جنبك طفاية سجاير. ملك بتمثل الصدمة: تعرفي عنييي كدا؟ اخص عليكي يا ناكرة الجميل. دنا اللي قلتلك تدخلي شرطة. ياقوت بسخرية: آه، ودخلتها وتسحلت زي البرص بسببك. منك لله يا ملك، منك لله. ونجزي، قوللي أعمل إيه في الموضوع ده؟ أمي خلاص فاضل تكة وتكسر الباب. أما في الديوان.

ريان قاعد يلعب ضغط في أوضة المكتب بتاع أنس. أنس بتنهيدة وقاعد على المكتب: جري إيه يا ولد أبوي؟ هدنك أكده كتير. ريان ولسه على وضعه: هييي. تمشي كلامها عليي، يا أنس. أنس باستغراب: يااقوت حرة يا ريان، وأنتَ ملكش حكم عليها. أنا مش فاهم، مالك متبرجل لي أكده. ريان بغضب جنوني قام ووقف: تررررروح وسط الرجاااله؟ يااا انس. أم مخ طاقق دي. أنس: اهدي ووحد الله. بس مالك قومت بزعبيبك علينا أكده. منصور فتح الباب فجأة: جري إيه؟

صووتك كيف التور الهايج؟ لييييييي أكده. ريان بهدوء واحترام لوالده وبداري غضبه: اعذرني يا بوي، مضايق حبتين ومصدع. ياقوت وبتطلع راسها من ورا منصور: بعد الشر عليك ياااروري. إن شاء الله عدوينك يارب. ريان بغضب فجأة: إيييي اللي جااابك. ياقوت بابتسامة استفزاز وبتربع إيديها عند صدرها: لا، منا ورااااك وراااااك زي العمل الرضي. عمي منصور شقلط ابنك علشان زعقلي. بس هنا ريان راح قايل كلمة هزت كيان ياقوت.