رواية كنزي الغريب الفصل التاسع 9 - بقلم جنات بدر

كنان: أنا أهبل؟ رودى: بص لقيها نايمة، بعدين قال: هتواقع إيه من واحدة مجنونة؟ بتهلوس من البنج. الباب خبط. كنان: ادخل. دخلت سارة. سارة: فاقت؟ كنان: لأ، لسه. سارة: ربنا يقومها بسلامة إن شاء الله. كنان: يارب. ياسارة، أنا قلقان عليها. سارة: حطت إيدها على كتفه. متخافش، هي بخير، وأهو أنت موجود معاها. ابتسم كنان. سارة: الوقت اتأخر، وأنت أكيد تعبان، هسيبك أنا، نام شوية. دخلت سارة غرفتها. زين: فاقت كنزى؟

سارة: لأ والله، أنا زعلانة على البنت دي. زين: ياسارة، كنان مش قاصد يؤذيها، وبعدين كنان بيحبها. سارة: بس... قطع كلامها زين. زين: سارة، كنان بيحبها ومش مستوعب فكرة إنها تبعد عنه، عشان كدا الغضب عماه، بس أنا شفت الحب في عينه. سارة: وإحنا عايزين السعادة ليه؟ صباح يوم جديد. كنزي بدأت تفوق، وبعدين حست إن حد مقيدها. كان كنان حضنها. كنزي بدأت تتحرك. كنان فاق، وبعدين بعد عنها. كنان: احم احم، كنزي، انتي كويسة؟

كنزي: أمير، هو كويس؟ كنان وملامح وشه اتغيرت لغضب شديد. كور إيده وشد عليها وقال في نفسه: يعني هو أهم من نفسها وبصرها اللي فقدته؟ يعني هي بتحبه للدرجة دي؟ بسيطة، أنا هكشفه على حقيقته. كنزي: أنت هنا ولا مشيت؟ كنان فاق من شروده. كنان: أنا هنا يا كنزي. مسك إيدها. كنان: سامحيني عشان كل ده حصل بسببي، بس والله مش قصدي أأذيكي، أنا... قطعت كلامه كنزي. كنزي: أنت مكنش قصدك، وده قدر ومكتوب. قدر الله وما شاء فعل. كنان: ونعم بالله.

قالت كنزي بمزح: المهم، هرجع أشوف ولا هفضل كده؟ أنا جعانة وعايزة آكل. هموت من الجوع. ضحك كنان. كنان: مفجوعة والله. كنزي: يعني أموت ياسطا؟ كنان بتعجب: أسطا؟ أنا أسطا؟ كنزي ضحكت. كنزي: أصلًا، أنت بتشتغل إيه؟ كنان: سواق توك توك. كنزي: بجد؟ كنان ضحك. كنان: هروح أخلي الدادة تجهز لك فطار. نسرين وصلت بيت إبراهيم ودقت على الباب. فتح إبراهيم الباب. نسرين: ازيك ياعمو؟ إبراهيم: الحمد لله يابنتي، أنت أخبارك إيه؟

نسرين: أنا الحمد لله بخير، فين كنزي؟ إبراهيم بحزن: هي في بيت زوجها. نسرين: مالك ياعمو، شكلك كبرت، هو مش ده بيتها؟ إبراهيم: لأ يابنتي، اللي حصل... وقص عليها كل شيء حصل. نسرين: إيه؟ يعني كنزي متجوزتش أمير؟ ومين كنان ده؟ إبراهيم: اهو ده اللي حصل يابنتي. نسرين: طيب، معلش، ممكن عنوانها؟ إبراهيم: أكيد طبعًا. كنزي: أنا كويسة، ممكن تروح شغلك؟ أنت أكيد مش هتسيب كل حاجة وتقعد معايا. كنان: مفيش حاجة أهم منك.

كنزي: يارجل، ده بجد؟ كنان بقرف: يخرب بيتك، حاسس بكلم واحد صاحبي. جايب الكلام ده منين؟ كنزي ضحكت. كنان سرح في ملامح وشها، عينها الزرقاء وشعرها البني، وضحكتها اللي بتشبه الملاك. كنان: أنت حلوة أوي، أنت تشبهي الحوريات. كنزي خجلت وسكتت. سارة: احم احم، معلش، هفصل عليكم الجو الرومانسي. حابة أطمن على كنزي. كنزي: تعالي ياحبيبتي، أنا كويسة. سارة: يارب دايما بخير يا قلبي. كنزي: تسلمي ياقلبي. كنان: سارة، ماما بتنده لك.

سارة: طيب، أسيبكم أنا. كنزي ضحكت. كنزي: عيب، ليه عملت كده؟ كنان: متأخديش في بالك، أنتِ. كنزي: طيب، ممكن أسألك سؤال؟ ياريت ترد عليا. كنان: أكيد، اتفضلي. كنزي: أمير فين؟ وحصل معاه إيه؟ كنان مسك الكوباية ورماها، وبعدين...