رواية كنزي الغريب الفصل العاشر 10 - بقلم جنات بدر

كنزي: أمير كويس؟ كنان مسك الكوباية ورماها. كنزي اتفزعت. كنان وكوّر إيده جامد: معلش وقعت مني. وبعدين قال: كنزي، أمير كويس، أنا عطيتك وعد إني مش هتعرض له. هو إنتي بتحبيه أوي كده وخايفة عليه؟ كنزي: ... كنان ساب الغرفة وطلع. كنزي ضمت نفسها وبقت تبكي. فلاش باك: كنزي: أنا مش هتجوزك، هو بالعافية ولا إيه؟ كنان: لا بالرضا، تتزوجيني يا ابن عمك يتحبس. كنزي: قصدك إيه؟ وأمير يتسجن ليه هو عامل إيه؟

كنان: معملش حاجة، ده هيتقبض عليه في عدة قضايا. عدي على إيدك: أول قضية تعاطي ممنوعات. تانية آداب. تلاتة بيسوق وهو سكران وكان هيعمل حادثة واحتمال كنت هموت بسببه. كنزي حطت إيدها على بوقها وقالت: إيه لا مستحيل أمير يعمل كده. كنان وراها صور، قال: بصي أهو هو والبنت اللي كانت معاه في العربية، وأنا لي الحق أشتكي عليه فإيه رأيك؟ كنزي بصدمة: أنا موافقة. عودة: كنزي فضلت تبكي: ماما، بابا، ليه سبتوني؟

أنا تعبت، تعبت والله مش قادرة. أنا تعبت. ليه يحصل في كده؟ وأمير أنا حبيته بس هو ميستهلش أحبه، ميستهلش. إزاي قدر يخدعني ويكسر قلبي؟ ليه، ليه يحصل في كده؟ كنان كان في غرفة التمرين، كان بيضرب البوكس جامد وبغضب وبيفكر في كنزي وهي بتسأل عن أمير وقال بغضب: ليه، ليه بتفكر فيه حتى بعد ما كسر قلبها وهي لسه بتفكر فيه؟ ليه؟ أمير كنان مهدي الجبلاوي، ابن الجبلاوي المدلل، خلاص نهايتك على إيدي وهرجع كنزي ليا.

وبعدين بص في صورة كنزي: كوكي، مش عارف إمتى يا قلبي حبيتك بس وعد مني ليكي مش هسيبك عشان أنا بحبك. نسرين وصلت. وبعدين قالت: إيه القصر اللي تحفة ده! والله يا بت يا كنزي ربنا بيحبك عشان بعدك عن وش الفقر أمير. بس إيه حتة قصر مش ناقص غير الأميرة نسرين هههههههه أه والله. مازن: وأنا مستعد أخليكي أميرة. نسرين اتفزعت. مازن: ومش أميرة القصر بس، وأميرة على قلبي كمان. نسرين: أنت عبيط ولا أهبل؟

مازن: أنا عاشق مجنون أموت أنا وأعيد السنة. نسرين: والله أنا هخلي الشبشب يرد عليك. ولسه هتجري، وقفها صوت. زين: مين إنتي يا آنسة؟ نسرين: بس لحظة لما أشوف الجدع ده. زين: معلش ده أصلًا. وقال بهمس: ده بركة ومتوكل. نسرين بصت عليه. لقيت مازن بيغمزلها. قالت: يا عيني ده شكله أهبل خالص. زين: شوفتي متخديش عليه. إنتي عايزة مين؟ نسرين: أنا جاية أشوف كنزي. زين: إنتي تقربي لكنزي؟ نسرين: أه دي بنت خالتي. زين: طيب تعالي اتفضلي.

مازن: روح أنت يا زيزو وأنا هوصل الآنسة. نسرين قالت بهمس: أوعي تسيبني عن يؤذيني. زين: لا ده طيب خالص مش بيكلم حد. نسرين: طيب تمام. زين: طيب يا آنسة. نسرين: اسمي نسرين. زين: طيب روحي ومازن هيوصلك عند كنزي. نسرين: تمام يلا. مازن مشي معاها: على كده أنت مرتبطة ولا لا يا نونو؟ نسرين: لا يا خوي سنجل بائس. مازن: طيب إيه رأيك في العبد لله؟ نسرين: 😏 مازن: أصلًا أنا سنجل وخلاص نويت أكمل نص ديني.

نسرين بصوت مكتوم: هو أنت عندك عقل عشان تكمل نص دينك؟ مازن: بتقولي إيه؟ نسرين: ها سلامتك يا ضنايا ربنا معاك. مازن: قولي يا قلبي إيه ضنايا دي؟ نسرين: قربنا نوصل ولا لسه يا حاج أنت عشان مش ناقصة. كنان قبلهم: مازن مين دي؟ مازن: دي نسرين قريبة كنزي وجاية تشوفها. نسرين: أنت حلو مش بطال برضه، أهو أحلى من الزفت أمير. كنان: 😏 أنا أتأكد إنك قريبة كنزي، وتقربيلها إيه؟ نسرين: أنا بنت خالتها. كنان: طيب تعالي نروح عندها.

نسرين: تمام. نسرين: أنت بتحب كنزي صح؟ أنت عارف إنك أنت أحسن من أمير الفاشل وأنت كمان هتقدر تسعد كنزي. كنان: وإنتي عرفتي إزاي كل ده؟ نسرين: من عيونك، أنا شايفة الحب في عيونك. أما أمير الفاشل عمره ما حبها كان بيستخف بيها. كنان: بس هي بتحبه هو. نسرين: لا بس... كنان: اتفضلي وصلنا ادخلي. دخلت نسرين: كنزي أنا.