رواية كنزي الغريب الفصل الثاني عشر 12 - بقلم جنات بدر

كنزي حطت إيدها على السلم، وبعدين فقدت التوازن ونزلت تتجحرج على السلم. كنان كان دخل البيت ولسه هيطلع السلم، راحت كنزي اترمت قدامه. كنان صرخ: كنزززززززي. وبعدين حضنها: كنزي، أنتي كويسة؟ كنزي ردي عليا. الكل جو يجروا على صوت كنان. كريمة: في إيه؟ وبعدين اتصدمت. ناريمان استغلت انشغال الكل ومسحت السلم وحذفت المكالمة من الفون. كريمة: إزاي حصل ده؟ كنان بغضب: اطلبوا الدكتورة بسرعة.

وشال كنزي وطلعها الغرفة: كنزي أنتي هتكوني بخير. وبعدين بص لكريمة وسارة بعتاب: هو ده إنكم هتخلوا بالكم منها؟ سارة: يا كنان هي كانت نايمة والله وسـ... قطع كلامها كنان: خلاص أنا غلطان أني سبتها. أم حسن: الدكتورة وصلت. كنان: هي كويسة يا دكتورة؟ طمنيني. الدكتورة: حضرتك أنا لسه مقربتش منها، اطلعوا عشان أشوف شغلي. الكل طلع برا. بعد مدة من الوقت طلعت الدكتورة. كنان: هي كويسة يا دكتورة؟

الدكتورة: الحمد لله بخير، بس جروح سطحية وشوية وهتفوق. زين: شكرًا يا دكتورة. الدكتورة: عادي ده وجبي. كنان دخل لكنزي والكل. كنان قعد جنب كنزي ومسد على شعرها. كريمة حطت إيدها على كتفه: هي بخير متخافش. كنان: أنا عايز أفهم أنتوا كنتوا فين لما طلعت من الغرفة؟ وإزاي تسبوها وحدها؟ كريمة: يا ابني هي كانت نايمة. زين: خلاص سيبوا كنزي تستريح وبعدين نشوف الموضوع ده. الكل طلع من الغرفة. كنان خد كنزي في حضنه: وبعدين معاكي يا كنزي؟

وبعدين والله حرام عليكي. كنزي قالت بتعب: هو أنا كلمتك؟ مديني مكسرة قدامك، لا بحرك إيد ولا رجل، إيه الظلم ده؟ كنان ضحك: معملتيش حاجة! ده أنا هكسر إيدك ورجلك عشان متتحركيش تاني، إزاي تطلعي من الغرفة وحدك في وضعك ده؟ كنزي: آه صحيح، أنت كويس؟ كنان: ليه؟ مالي أنا؟ وبعدين متهربيش من الموضوع ده، أنا هعاقبك. كنزي: يا عم افهم الأول، في حد رن عليا وقالي أنك عملت حادثة وحالتك خطيرة، وأنا... كنان: إزاي ومين كلمك؟

كنزي: معرفش، خد الفون شوف. كنان مسك الفون لقى سجل المكالمات مفيهوش أرقام جديدة. كنان: مفيش حاجة، أنتي متأكدة؟ يمكن تكوني بتحلمي. كنزي: لا والله مش بحلم، حتى السلم كان بيزحلق. كنان وعينيه تحولت للون الأحمر من شدة الغضب: تمام، المهم إنك بخير. يالا أنا هساعدك عشان تستحمي. كنزي: نعم يا حيلتها؟ كنان رفع حاجبه: هتستحمي وأنا هساعدك، أنا قولت حاجة غلط؟ كنزي وشها قلب ألوان: أنت سافل وقليل أدب. كنان: فين قلة الأدب في كده؟

اطلعي برا وندهيلي نسرين. كنان غمز لها: هو أنا منفعش؟ كنزي: اطلع برا. كنان ضحك: تمام ماشي. كنان خبط على باب. نسرين: أيوه. كنان: نسرين روحي لكنزي عايزاكي. نسرين: حاضر. كنان راح ناحية السلم. حط إيده على السلم لقاه جاف. كنان: غريبة، مكالمة ومش موجودة والسلم معلهوش حاجة، أمال حصل إزاي ده؟ وبعدين بص في الأرض لقى نقط زيت على الأرض. مسح الزيت ورفعه على صابعه: هو كده بدأ اللعب، أنتي اللي بدأتي.