رواية قوة امرأة الفصل الحادي عشر 11 - بقلم جهاد محمد

بليل دخل زين وسلم على كل العيلة كانت متجمعة. زين: أنا هسافر يا جدو. الجد: لي كده؟ إحنا مش اتفقنا إنك هتستقر في مصر؟ زين: ما خلاص يا جدو أنا غيرت رأيي. ووجه كلامه لجميلة بحزن، من غير ما يبصلها: أنا آسف يا جميلة على كل حاجة حصلتلك، كانت بسببى. من ساعة ما دخلت حياتك وأنا بوظتهالك. أنا هسافر وورقة طلاقك هتوصلك. بص لقي جميلة الدموع في عنيها، وجريت على بره. أحمد: الحقها يا زين بسرعة. الجد: جميلة بتحبك يا زين.

جرى زين على بره، لقى شلال دموع نازل من عنيها. حضن زين وشها بإيده. زين والدموع في عنيه: اهدى، هش هش. جميلة صوت شهاقتها عمال يعلى. زين: اهدى خلاص، والله مش هسافر. أنا بحبك وعمري ما حبيت غيرك ولا هحب غيرك. اهدى، أنا أول مرة أشوفك في الحالة دي. جميلة بتهدى وتطمن من كلام زين. وزين بيحضنها جامد وبيطمنها وبيمشي إيده على شعرها عشان تهدى. زين: هش هش، خلاص أنا جنبك وعمري ما هسيبك.

جميلة هديت خالص ورخت في حضن زين. بص لقاها نامت والدموع على وشها. شالها وطلع الغرفة الخاصة بيهم، نيمها على السرير بهدوء ودخل أخد شاور ونزل. ملقاش حد. كان خارج من باب الفيلا سمع صوت في غرفة المكتب. الجد: الخطّة نجحت يا ولاد. محمود: أنا أول مرة أشوف زين بالحالة دي، مش مصدق إن الخطّة نجحت وزين وجميلة حبوا بعض. قاطع كلامهم دخول زين. زين بغضب: اللي أنا ساااااااامعه ده. الجد ومحمود اتوتروا جدا.

الجد: احم، اهدى يا زين وأنا هفهمك كل حاجة. زين وكان قلبه فيه نار شغالة: اهدى إيييييه وزفت إيه؟ للدرجادي بتستهتروا بمشاعرنا ليه؟ عملتوا كده حرام عليكم. محمود بحزن وعصبية: كان لازم نعمل كده، كان لازم أعمل أي حاجة أرجعك بيها لحضني من تاني. أنت عشت حياتك كلها بعيد عني أنا وأمك اللي كانت بتنام كل يوم دموعها على خدها وقلبها محروق عليك. مستخسر فينا إنك تعيش وسطنا في الكام يوم اللي فاضلين لينا في الدنيا؟

كان نفسنا نحضر فرحك ونشوف عيالك قبل ما نموت. أنت أي مبتحسش؟ حط نفسك مكاني أنا وأمك وجدك اللي نفسه يشوف حفيدته (جميلة) مبسوطة، نفسه يعوضها عن القسوة اللي شفتها من أبوها طول عمرها. مشوفتش فرحة جدك لما شاف حبها ليك في عنيها وإنها بتتغير على إيدك؟ ياريت تحس بينا زي ما إحنا حاسين بيك يا ابني. قاطعه صوت كله بكاء وشهقات عالية. بص لقى جميلة واقفة وبتعيط زي الأطفال، دموعها مغرقة وشها.

زين جرى عليها بخوف: بس اهدى، أنا مكنتش أعرف حاجة غير دلوقتي، سمعتهم صدفة. جميلة سابته وجريت على حضن جدها اللي كله حنية ومهما عمل عمرها ما تزعل عنه. بعدت جميلة بعد فترة عن جدها. جميلة بدموع: أنا مقدرة إنك عملت ده كله علشاني، أنا آسفة على طريقتي ومعاملتي معاكوا. الجد بابتسامة وحب: أنا عمري ما أعمل حاجة تأذيكي يا جميلتي، أنا كل اللي بتمناه إنك تعيشي حياتك. زين بضيق وغيره: جميلة تعالي هنا.

وشدها من حضن جدها ومسكها من وسطها بتملك. الجد بضحك: هه، باين إنك واقع خالص. زين: هههه، هو باين. وبص لمحمود أبوه اللي واقف وباين عليه الحزن وراح حضنه جامد. زين: أنا آسف يا بابا، عمري ما هبعد عنك تاني والله، بس أنا اتضايقت مش أكتر. محمود بحب: ربنا يسعدك يا حبيبي. دخلت هدى وهي مكشرة، وجهت كلامها لزين بقمص: وأنا مليش حضن يا أستاذ ولا إيه؟ زين بضحك وحب حضنها جامد وباس رأسها: ربنا يخليكي ليا يا ست الكل.

وبص لجميلة اللي بتبصله بحب. زين: جه الوقت نعرف إنتي إزاي كشفتي ميان. جميلة.