رواية قوة امرأة الفصل العاشر 10 - بقلم جهاد محمد

زين / بسيطة خالص، سيبى سيلا وأنا هاخدها وأروح، وهسيبلك جميلة. جميلة بغيظ / يا واطي. ميان بخبث / لا، هي كمان هتروح معاك، بس وهي جثة. ورفعت ميان المسدس على جميلة. في الوقت ده، طلعت طلقتين. طلقة من مسدس أحمد جت في دماغ ميان بالظبط وماتت. والطلقة التانية فلتت من مسدس ميان وجت في كتف جميلة. زين بفزع وصريخ / جميلللللللة! وجرى عليها. زين / جميلة. جميلة بتعب / آآآآه. سيلا بدموع / هتبقى كويسة، صح؟ ها، صح؟ جميلة هزت رأسها.

في الوقت ده، زين شال جميلة وكان خارج بره المبنى. أحمد / أنا معايا عربية، هروح أجيبها بسرعة. زين أخد جميلة واتجه لعربية أحمد، لأن العربية بتاعته بعيدة عن المبنى. أحمد وسيلا ركبوا قدام، وزين وجميلة كانوا ورا. زين / بسرعة يا أحمد، بسررررعة. بتنزف دم كتير. أحمد / حاول تكتم الدم، المسافة لسه كبيرة. زين كان عمال يمسح دموع جميلة اللي نزلت من غير ما جميلة تطلع صوت، وكان بيكتم في الدم.

عند الجد، كان في المستشفى في العناية. وهدى كانت عمالة تعيط عليه وعلى بنتها اللي متعرفش هي فين. ومحمود كان بيقرأ قرآن وبيطمنها، وكان عمال يرن على زين وجميلة، كانوا قافلين موبايلاتهم. بعد فترة طويلة، عند زين وجميلة، وصلوا المستشفى اللي كان فيها جدهم. زين وهو شايل جميلة، كان بيصرخ وبينده على دكتور. في نفس الوقت، جه دكتور وممرضين ومعاهم ترولي، ونقلوا جميلة لغرفة العمليات عشان يطلعوا الرصاصة من كتفها.

بعد فترة، خرج الدكتور وكان باين عليه القلق. زين أول ما شافه جرى عليه. زين / طمني يا دكتور، هي كويسة، صح؟ الدكتور / محتاجين دم حالا، لأنها نزفت كتير جداً. زين بسرعة / أنا ابن عمها وجوزها، تقدر تشوف فصيلة دمي، بس تكون كويسة. بالفعل، طلعت فصيلة زين نفس فصيلة جميلة، وأخد منه دم كتير. أحمد / ها، طلعت نفس الفصيلة؟ زين بتعب / آها. سيلا / باين عليك تعبان، أنا هروح أجيبلك عصير بسرعة.

نزلت سيلا تجيب العصير. بعدها، طلعت جميلة من غرفة العمليات، وكان باين إنها تعبانة ومرهقة جداً ونايمة. زين جرى عليها أول ما طلعت. زين والدموع في عينيه / جميلة، جميلتي، قومي يا حبيبتي، أنا آسف والله، كل اللي حصلك بسببى. الدكتور / مينفعش كده حضرتك، لازم ننقل المريضة للغرفة بتاعتها. زين / طب، هي عاملة إيه؟ الدكتور / الحمد لله كويسة، شوية وهتفوق. نقلوا جميلة للغرفة، وكان زين معاها. بعد شوية، سيلا جت بالعصير.

أحمد / اتأخرتي كده ليه؟ سيلا بتوتر / ها، الدنيا كانت زحمة، بس مش أكتر. أحمد / جميلة خرجت من العمليات واتنقلت لغرفة عادية، وزين معاها. سيلا / طب، هي عاملة إيه؟ أحمد / كويسة الحمد لله، بس لازم تروحي لمامتك عشان زمانها قلقانة عليكي. سيلا / أنا مش هروح، هفضل مع جميلة لحد ما تبقى كويسة. أحمد / اللي أنتِ متعرفيهوش إنهم هنا في المستشفى من الصبح. سيلا بدموع / حصلهم حاجة؟ قول.

أحمد وهو بيمسح دموعها / اهدى بس، وحكالها كل اللي حصل. سيلا / يا حبيبي يا جدو، أنا لازم أروح لهم. أحمد / طب، تعالي معايا. أحمد أخد سيلا وراحوا المكان اللي فيه جدها. سيلا أول ما شافت مامتها جريت عليها، حضنتها بدموع. هدى بدموع / حصلك إيه يا حبيبتي؟ عملوا فيكي إيه المجرمين دول؟ سيلا / أنا كويسة يا ماما، والله. وحضنت باباها. قاطعهم جرى الممرضين في المستشفى. أحمد / هو فيه إيه؟ وقف ممرض وسأله.

الممرض / المريض اللي في الغرفة دي قلبه وقف ومش بيستجيب. سيلا بصريخ / جدو! كان الدكتور بيعمل صدمات كهربائية على قلبه ومش بيستجيب. في الوقت ده، عند جميلة، قامت مفزوعة وكانت بتصرخ. زين / إيه؟ فيه إيه؟ مالك؟ اهدى، اهدى. جميلة بدموع وشهقات / آآآه، قلبي، حاسة إني هموت، وديني عند جدو بسرعة، بسررررعة، نبي. زين بدموع / مينفعش، أنتِ تعبانة ونزفتي دم كتير.

جميلة بدموع / نبي يا زين، أنا أول مرة أطلب منك حاجة، حاسة إن جدو مش بخير. زين بحزن / طيب يا جميلة. زين شال جميلة واتجه للممر اللي فيه جدو، واتصدم لما شاف سيلا عمالة تصرخ وهدى بتعيط. جميلة لزين بدموع / بسرررعة يا زين، دخلني عنده، بالله عليك. الدكتور خرج وعليه وشه علامات حزن. الدكتور / البقاء لله. جميلة بصريخ / لااااا! بالله عليكوا دخلوني عنده. زين للدكتور / معلش يا دكتور، هتدخل تودعه خمس دقايق بس.

الدكتور بشفقة / تدخل لوحدها، خمس دقايق بس. جميلة / حاضر، والله. دخلت جميلة عند جدها ومسكت إيده وفضلت تعيط. جميلة / قوم يا جدو، قوم، بالله عليك، أنا مقدرش أعيش من غيرك، قوم يا جدو عشان تشوفني بالفستان الأبيض زي ما كنت بتقولي زمان، قوم يا جدو، نبي، هعيش لمين بعد كده؟ أنا ماليش حد غيرك، والله. سكتت جميلة دقيقة عشان تصدق اللي سمعته. كان صوت جدها بيقولها: أنا قمت عشانك يا جميلة. جميلة / أنت قومت يا جدو؟ بجد؟ أنت عايش؟

الجد بتعب / أمر الله يا جميلة. جميلة بفرحة / أنا هروح أقولهم. طلعت جميلة تقول إن جدها فاق، وشافت العيلة كلها منهارة. جميلة / انتوا بتعيطوا ليه؟ جدو قام، وعايز يشوفكم، جدو مامتش. زين بيحسبها بتتخيل إن جدها عايش، وقام حضنها جامد وهو بيدمع. زين بيهديها / هش هش، اهدى، جدو في مكان أحسن. جميلة بعدت عنه وشدت إيديه ودخلت الغرفة اللي فيها جدها، وزين اتصدم. زين بدموع / جدو، أنت بجد عايش؟ يعني جميلة بتتكلم صح؟

وجرى عليه حضنه جامد. الجد / آآآه، دراعي يا زين. زين بضحك / معلش يا جدو. قاطعهم دخول الدكتور. الدكتور / بسم الله الرحمن الرحيم، أعوذ بالله من الخبث والخبائث، أنت عايش يا حج؟ الجد بضحك / أمر الله يا دكتور. خرج زين عرف الكل إن الجد بالفعل عايش. وبعد يومين، خرجت جميلة وجدها من المستشفى ورجعوا البيت، بس كانوا معلقين دراعتهم. بليل، دخل زين وسلم على الكل. كانت العيلة متجمعة. زين بحزن / أنا مسافر يا جدو.

الجد / أنت مش قلت إنك هتستقر في مصر؟ زين / ما خلاص يا جدو، غيرت رأيي. ووجه كلامه لجميلة / أنا آسف يا جميلة على كل حاجة حصلتلك بسببى، من ساعة ما دخلت حياتك وأنا بوظتهالك، أنا هسافر وورقة طلاقك هتوصلك. جميلة / ......