رواية قوة امرأة الفصل الرابع 4 - بقلم جهاد محمد

جميله كانت نايمة وحست بحركة، قامت مفزوعة من النوم. جميله: أعاااااااا! قام زين مفزوع. زين: إيه في إيه؟ البيت بيولع؟ جميله وشعرها كان منكوش بعصبية. جميله: أنت اللي منمّك هنا؟ مكنش بيت أبوك هو؟ زين وهو بيقرب خطوة. زين: احترمي نفسك، وبعدين لو كنتي نسيتي إني جوزك، أنا في الحتة اللي أنا عايزها. وغمزلها. جميله بهمس: أنت شخص قليل الأدب. زين: بتقولي حاجة؟ جميله: آه بقو... قطع كلامهم كان حد بيخبط الباب. طق طق طق طق.

زين: احم، ادخل. سعاد الخدامة: البيه الكبير بيقول لسعادتك العشاء جاهز. جميله: طب قوليله جايين. سعاد: حاضر. دخلت جميلة غرفة الملابس ولبست دريس أسود كت لحد الركبة وصندل أسود وروچ غامق مع بشرتها البيضة وشعرها الأسود. واستنت زين. أما زين لبس بنطلون أبيض وتيشيرت أسود. وطلع لجميلة. زين: مش المفروض إنك عروسة، لازمته إيه الأسود؟ جميله: على روحك، وبعدين أنت مالك؟ زين وهو بيقرّب بابتسامة: مالي إزاي بس؟ قطع كلامهم الخدامة.

سعاد: البيه الكبير بيقولكم الأكل اتحط على السفرة. جميله بضيق: طيب. نازلين أهو يا سعاد. نزلوا، وجميلة راحت باست جدها من خده. جميله: عامل إيه يا جدو؟ الجد: بخير يا حبيبتي. ميان سكرتيرة زين بدلع: أستاذ أحمد كلمني وقال إنه نازل مصر كمان أسبوع عشان فيه صفقة مع شركة الزيني. زين: دي شركة عمو الله يرحمه. جميله: لازم ننزل الشركة يا عمو محمود عشان مفيش حد واخد باله منها، وبابا كان كاتب نص الثروة باسم حضرتك.

محمود: أنتِ عارفة إني كبرت يا بنتي، والشغل هيبقى كتير عليا، زين هو اللي هينزل الشركة مكاني، وأهو يكون معاكي عشان يخلى باله منك. جميله: لأ يا عمو، لو حضرتك مش هتقدر أنا ممكن أنزل وأخلي بالي من الشغل لوحدي، مش محتاجة مساعدة من حد. زين بغيظ: وأنا مش حد يا جميلة، أنا ابقى ابن عمك، وبعدين أحمد شريكي، ماضي عقد مع الشركة بتاعت عمو الله يرحمه، ولازم أكون هناك عشان أتابع شغلي وآخد مكان بابا وأتابع معاكي.

جميله: نبقى نشوف الموضوع ده بعدين، أنا خلصت أكل وطالعة أوضتي. زين: وأنا كمان، استنى عايزك، تعالي نطلع الجنينة. ميان بخبث: احم، عن إذنكم أنا طالعة أوضتي عشان ورايا شغل. عند زين وجميلة طلعوا الجنينة. جميله: احم، عايز إيه؟ زين بهدوء: أولاً اسمها نعم، ثانياً هكون عايز منك إيه يعني؟ أنا هتكلم معاكي بخصوص حياتنا، إحنا طبعاً متجوزين بسبب الوصية، وبعدين أنا بحب واحدة وهي عايشة في إنجلترا، فإحنا هنفضل مع بعض كام شهر ونتطلق.

جميله ببرود: محسسني إني هموت عليك يعني، وبعدين البتاعة اللي أنت جايبها معاك دي، يا ريت متجيش معاك الشركة، مش ناقصين تلزيق. زين بخبث: اممم، هعتبر إنك مش بتغيري منها عشان هي مهتمية بأنوثتها، وأنتِ متجيش فيها حاجة. جميله بغيظ: أهي عندك، اشبع بيها، ما أنتوا ملزقين زي بعض، أنا طالعة أوضتي. زين بغضب: بتقولي إيه؟ جميله: احم، زي ما سمعت. وطلعت تجري وهي بتضحك لأنها استفزته. عند زين كان واقف بغيظ، وأخد عربيته وراح يلف.

وطبعاً ميان كانت واقفة تتصنت على الحوار اللي كان بين زين وجميلة. عند جميلة دخلت تاخد شاور قبل ما تنام. أما تحت عند الجد. الجد: روحي يا سعاد، اندهي لمحمود بيه هو وهدى هانم. سعاد: أوامرك يا بيه. راحت سعاد ندهت عليهم ونزلوا كلهم. الجد: طبعاً انتوا شايفين الخطة ماشية تمام، زين وجميلة اتجوزوا وده كان مكتوب في الوصية بأمر مني، ودلوقتي هما أكيد مش طايقين بعض. محمود: أنا متوتر، لو جميلة عرفت الحقيقة هتعمل إيه؟

هدى: أنت عارف إن كل ده لمصلحتها، وبعدين إحنا حاولنا نغير أسلوب جميلة بكل الطرق وفشلنا، ودي كانت الطريقة الوحيدة إننا نقول للمحامي يساعدنا ويكتب في الوصية إن جميلة لازم تتجوز زين عشان تورث. أما عند جميلة بعد ما أخدت الشاور بتاعها وكانت خارجة من الحمام. جميله: أعاااااااا! أنت جيت إمتى؟ وبعدين مخبطش ليه؟ زين: من بدري، وبعدين أنتِ كنتي في الحمام ومسمعتيش. جميله: وكمان ليك عين ترد؟

زين وهو بيقرب بخبث: شكلك عجبك الوقفة وانتي قدامي وبالبرنص، بس ها؟ أما جميلة نظرت إلى نفسها وشهقت. جميله: أنت اللي واقف تتفرج؟ دا إيه البجاحة دي يا جدع! زين: خلااااص بكبورت فتح، احاسبي، أما آخد شاور وأتخمد، جوازة إيه دي يربي، دي ابتلاء. جميله بغيظ: سمعتك على فكرة، وأنت ميليقش عليك غير الأشكال الملزقة اللي معاك دي. زين بغيظ مردش عليها ودخل ياخد الشاور.

أما جميلة لبست ترنج لونه أحمر وكان واسع جداً ولايق على بشرتها البيضة. خرج زين من الحمام ونام على الكنبة، وجميلة كانت نامت على السرير. زين: نوم الظالم عبادة يا شيخة. جميله: سمعتك على فكرة. زين: أنا نمت أصلاً خلاص. أما تحت عند الجد وابنه محمود ومراته هدى، قطع كلامهم دخول سيلا. سيلا بصدمة: يعني إيه الكلام اللي سمعته ده؟