رواية كريم الفصل الرابع 4 - بقلم هاجر حسين

مريم.. بتتصدم لما تلاقي نفسها في الصورة وكريم ماسك في إيديها في الصورة. في نفس اللحظة بيدخل هاشم القصر. مريم بتجري عليه. مريم.. هاشم اهو اهو بص في الصورة. كريم اهو يا هاشم. أنا مش مجنونة. هاشم بيبص للصورة وبيستغرب. هاشم.. بيبص لمريم بلا مبالاة. هاشم.. ويرميها بالصورة ويطلع على فوق. على أوضة ملك ولسه هيدخل بيشوف ملك بتبص للسما وبتتكلم ربنا.

ملك.. بطفولة وبرائة. يارب أنا ما كانش قصدي إني أزعل ماما مريم. يارب ما تاخدهاش مني، دي بتعوضني عن ماما. هاشم بيدخل ياخد ملك في حضنه. هاشم.. حبيبة بابا. مالها زعلانة ليه؟ ملك.. عشان ماما مريم زعلانة مني. هاشم.. طب يلا بينا على النوم وأنا هكلم مريم بعدين. في حد يزعل من القمر ده. يلا يا قمري على النوم. هاشم بيطلع ويروح لمريم وبصوت عالي.

هاشم.. مريم أنا قلتلك كذا مرة إلا ملك. أنتي عارفة إني أنا حبيتك، بس اللي يقدر يكبر الحب ده أو ينهيه هي ملك. دي آخر مرة أشوف بنتي زعلانة وحزينة كده. مريم.. بتبقى واقفة بتسمع كلام هاشم. فجأة بيظهر كريم جنب هاشم وهو بيبتسم بشر لمريم. مريم.. بس أنا…. ولسه هتكمل، هاشم بيسيبها ويمشي. مريم.. بتبقى واقفة في الأوضة وكريم واقف قدامها. مريم.. أنت مين؟ ليه بتعمل كده؟ ليه بتظهر لي أنا؟

كريم.. فجأة بيبرق ويبصلها بشر ويقرب منها لحد ودنها. كريم.. هتموتي…. وفجأة بيختفي ومريم بتفضل قاعدة على الأرض بتعيط. في الوقت ده في مكان بعيد. الشيخ.. جاه ليه؟ المجهول.. أنا ما كنتش أعرف إن كل ده هيحصل. الشيخ.. كريم مش هيسيبك إلا أما تموتي. المجهول.. طب وبعدين؟ إيه الحل؟ الشيخ.. روح قصاد روح. المجهول.. قصدك إيه؟ الشيخ.. اللي عملتيه زمان هترجعي تعمليه تاني. المجهول.. بيسكت وبيسيب الشيخ. الشيخ.. فهمتيني. في الوقت ده.

هاشم بيبقى ماشي بالعربية وفجأة بتطلع قدامه نورهان. هاشم.. نورهان! إيه اللي جابك هنا؟ أنتي بعيدة أوي عن البيت. أنتي كويسة؟ نورهان.. بخوف. معرفش يا هاشم. أنا كنت راكبة التاكسي وفجأة وقف بيا هنا ونزلني ومشي. أنا خايفة أوي. هاشم.. بيقرب منها. الحمد لله إنك بخير. وبيروحوا راكبين العربية. هاشم.. أنا مش فاهم إيه اللي يخلي سواق يسيبك في حتة زي دي. نورهان.. بتتلكلك في الكلام. ماعرفش يا هاشم. أنا نفسي مش فاهمة. في الوقت ده.

كريم.. ملك ملك فوقي. ملك.. كريم مش عايزة ألعب دلوقتي. أنا عايزة أنام. مريم.. ملك أنتي لسه زعلانة مني؟ ملك.. بتدور وشها عن مريم. مريم.. طب مين اللي هيشرب عصير المانجا الجامد ده؟ ملك.. بتنط من على السرير وبتقولها. أنا. مريم.. خلاص يا قمري أنا هسيبك تشربيه وبعدين تروحي على النوم على طول. ملك.. بتبقى لسه هتشرب بتشوف كريم بيبصلها. ملك.. عايز مانجا؟ كريم.. بيهز في راسه. ملك.. طب خد اشرب حبة وأنا حبة، عشان أنا بحبه أوي.

كريم بيقرب من ملك وفجأة بيروح صارخ في ملك. الكوباية بتقع وتتكسر. و….