رواية كريم الفصل السابع 7 - بقلم هاجر حسين

هاشم.. لسه بيزعق فجأة بيقع مغمي عليه. بعد وقت قصير هاشم بيفوق. هاشم.. أنا بعمل إيه هنا وفين ملك؟ نورهان.. ملك هو ده اللي همك، مش همك الموقف اللي حطيتنا فيه. هاشم.. موقف؟ موقف إيه؟ نورهان.. هاشم بلاش الأسلوب ده. تقدر تقولي يعني إيه تطرد عادل وتقوله مفيش بنات للجواز؟ هاشم.. عادل مين وجواز مين؟ انتي بتقولي إيه؟ نورهان.. هاشم لو سمحت كفاية. اتفضل خد ملك وروح عشان أعصابي تعبانة شوية.

هاشم.. بيقوم وهو مش عارف ومش فاكر حاجة من اللي نورهان قالتها. وبيروح واخد ملك وماشي. في العربية.. هاشم.. ملك حبيبتي، مين كريم اللي ديما بتكلميه ده؟ ملك.. ده ولد من سني يا بابا. هاشم.. طب يا حبيبتي، هو بيأذيكي؟ ملك.. بطفولة، بالعكس يا بابا، ده طيب أوي. بس... هاشم.. بس إيه يا ملك؟ قولي يا حبيبتي، متخفيش.

ملك.. هو مبحبش ماما مريم وديما بيبقى عايزني أبعد عنها. مع إنها طيبة أوي. بس من ساعة ما ابتديت تزعقلي وأنا بقيت أخاف منها يا بابا. هاشم.. بيفكر في حاجات كتير وفي نفس الوقت خايف على بنته. وإزاي طفلة وشبح بيتكلموا مع بعض. في قصر هاشم. هاشم بيدخل بملك القصر وبيدخلها أوضتها ينيمها. وبيروح لمريم. هاشم.. إحنا لازم نسيب القصر ده. مريم.. ليه يا هاشم؟ في إيه؟ هاشم.. أنا شوفت كريم. مريم.. وده سبب يخلينا نسيب البيت؟

هاشم.. افهمي يامريم، كريم عايز يأذيكي إنتي. وأنا مبقتش فاهم حاجة. إزاي وامتى الروح دي طلعت؟ دي مظهرتش غير لما اتجوزنا. مريم.. قصدك إيه؟ هاشم.. مش عارف. بس اللي أعرفه إننا لازم نجيب شيخ هنا وفي أسرع وقت. هاشم.. بيكلم مريم وفجأة بيبتدي يغمي عليه مرة تانية وبيقع على السرير. مريم.. هاشم! هاشم! انت كويس؟ هاشم بيبقى واقع على السرير وغايب عن الوعي. بس بينطق اسم نورهان. مريم.. بتسمع اسمه وبيحزن. وبتسيب هاشم وبتطلع من الأوضة.

في مكان بعيد. المجهول.. أنا عايزة عمل تاني وبسرعة. الشيخ.. اللي انتي عملتيه مكنش ينفع ينكسر. المجهول.. قصدك إيه؟ الشيخ.. قصدي إني مش هقدر أساعدك. دي إرادة ربنا بأنه يفوق. وأنا دوري خلص لحد كده. واعملي حسابك، الروح مش هتسيبك في حالك. المجهول.. طب أعمل إيه؟ الشيخ.. يا تقتلي البنت، يا تخلفي من هاشم. ده حلك الوحيد عشان كريم يسيبك.