رواية كريم الفصل التاسع 9 - بقلم هاجر حسين

كريم لسه كان هيختفي مريم بتحدف عليه تراب وفجأة كريم بيتحبس في قفص. مريم: دلوقتي بقا وريني هتطلع ازاي وتنقذها. كان زمانها ميته لولا كسرت كوباية العصير. بس خيرها في غيرها محدش هيقدر يساعد هاشم وملك انهارده. في بيت نورهان. الأم: انتي رايحة فين دلوقتي؟ نورهان: لازم أروح لهاشم ياماما. الأم: تاني هاشم، احنا مش قولنا خلاص. نورهان: صدقيني ياماما في حاجة غلط، هاشم عمره ما كان كده، أنا لازم أروح له. في القصر.

مريم بتلبس قميص نوم أحمر قصير وبتبتدي تصحي هاشم. مريم بدلع: هاشم، هاشم يابابا يلا قوم بقا. هاشم بيفضله ساعة ومفعول السحر ينتهي. هاشم بيقوم وبيقرب من مريم. هاشم: أخيرا رضيتي عليا. مريم بمكر: أنا طول عمري راضية عنك ياحبيبي. هاشم: طب إيه؟ مريم بتمسك إيد هاشم وبتلفها حوالين وسطها. مريم: أنا كلي ملكك. هاشم بيقرب من مريم وبيبتدي يبوسها من جبينها ويلعب في شعرها. في الوقت ده بتكون نورهان وصلت القصر وشافتها ملك.

نورهان: فين هاشم ياقمري؟ ملك: في أوضة مريم. نورهان بتحزن ولسه هتمشي. ملك بتروح مخبوطة وبتقعد تعيط. نورهان بتنده على هاشم. هاشم بيروح شايل مريم وبيحطها على السرير ولسه بيقرب منها بيسمع صوت نورهان. هاشم: دي نورهان. مريم: نورهان إيه بس، تلقيك بتتخيل. هاشم لسه هيقرب بيسمع الصوت تاني بيروح سايب مريم ونازل تحت. نورهان: الحق ياهاشم، ملك اتخبطت. هاشم ونورهان بيفضلوا مع ملك وفجأة بتنزل مريم بقميص النوم وبتقرب من هاشم.

نورهان بتضيق من لبس مريم وبتاخد بعضها وبتمشي. هاشم: حبيبتي، انتي كويسة؟ ملك: الحمد لله يابابا أنا كويسة متخفيش. ملك بتطلع أوضتها ومريم بتاخد هاشم وبيدخلوا الأوضة. هاشم: كنا بنقول إيه بقا. ولسه بيقرب من مريم. الساعة بتدق 12 وبيروح باصص عليها. مريم: أنا مراتك. هاشم: مراتي مين، أنا مش فاكر حاجة وياريت يطلع الصبح مألاقيش. نورهان: طب أنا ومش عارفيني، ياترى كمان هتنكر ابنك؟ هاشم: ابني؟ نورهان: أيوه، أنا حامل.