رواية كريم الفصل الثالث عشر 13 - بقلم هاجر حسين

كريم.. لسه عايزه تموتي تاني؟ مش كفاية اللي عملتيه فيا. ياماما… مريم.. انت عايز مني إيه بقي؟ حتى وانت ميت مش مريح. كريم.. مش هرتاح غير وإنتي ميتة. وبيروح سيبها ومختفي. في بيت نورهان.. نورهان قاعدة في الأوضة وبتعيط. وفجأة بيطلع لها كريم. نورهان.. انت مين؟ ومغطي نص وشك ليه؟ ودخلت أوضتي إزاي؟ كريم.. أنا كريم، الروح اللي بتلعب مع ملك وبتطلع لمريم. نورهان.. انت ليه هنا؟ وليه أصلاً بتطلع لملك ومريم؟ انت مش هتأذيني صح؟

كريم.. (يبتسم لنورهان ويقرب منها) أنا مش هاذيكي. أنا جاي أقولك حقيقة ملك وهاشم قبل ما تيجي. (وبيروح) نورهان.. استنى! انت بتعمل كده ليه؟ انت مين؟ كريم.. أنا ابن مريم. (ولسه كريم هيختفي) نورهان.. (تقرب منه) انت كنت حقيقي؟ كريم.. (بيحط إيده على عيون نور وبيمشيها على وشه، وأول ما إيده بتنزل من على وشها) نور بتلاقيه طفل طبيعي بوش حلو وجميل. نورهان.. انت ليه عملت كده؟ خليك على طبيعتك. كريم.. أخاف تشوفي طبيعتي تخافي مني.

نورهان.. بالعكس، أنا عايزة أشوفك على الطبيعة. كريم.. (بيرجع تاني لشكلة الطبيعي وبيبتدي يشيل إيده من على نص وشه) نورهان.. بتلاقي طفل صغير، نصف وشه طبيعي والنصف التاني عبارة عن شامة مغطية نص وشه. نورهان.. بقي العسل ده كله كان بيخبي نفسه مني؟ كريم.. انتي مخفتيش مني ولا قرفتي؟ نورهان.. وأقرف ليه؟ انت ليك يد في اللي أنت فيه؟ لا صح، ربنا هو اللي بيخلقنا. بعدين ده عامل زي القمر وقت الخسوف. كريم.. (بيبص لنورهان ويحزن)

نورهان.. مالك؟ كريم.. ياريت كل الناس كده. نورهان.. ليه؟ هو أنت قبلت ناس وحشين؟ كريم.. قبلت أم بتقتل ابنها. نورهان.. (بتتصدم) انت بتقول إيه؟ كريم.. أنا أبقى ابن مريم. كريم.. مريم طول عمرها جشعة وبتحب الفلوس، وكانت ديما تلعب على الرجالة الغنية. لحد ما في يوم لعبت على واحد غني بدرجة إنها حبته وسلمت لي نفسها. وطلع في الآخر هو اللي بيلعب عليها وسابها وسافر في بلاد بره. بعدين اكتشفت إنها حامل. ساعتها حاولت تنزلني كتير.

ومفيش فايدة. لحد ما اتولدت، أول ما شفتني صرخت بدل ما تاخدني في حضنها. فضلت معايا لحد ما بقيت 7 سنين، وفي يوم عيد ميلادي. قالتلي: "عملتلك مفاجأة مش عايز تشوفها؟ كريم.. أكيد. مريم.. بس مش هنا. كريم.. (مريم خدتني على جسر كبير وتحتيه بحر.) (وراحت خداني في حضنها وقالتلي: "دلوقتي تقدر تاخد الهدية." وراحت رمياني في البحر.) نورهان.. (بتبقى سامعة كلام الطفل كريم وعمالة تعيط) كريم..

(رغم إن هو الموجوع، لكن بيروح يقرب من نور ويحاول يواسيها) نورهان.. كل ده استحملته لوحدك؟ كريم.. مش وقته الكلام ده. لازم تنقذي هاشم بسرعة. نورهان.. كريم، انت هتعمل إيه؟ كريم.. اللي اتعمل فيا!!!