رواية قسوة عشق الفصل الخامس 5 - بقلم ملك عبد اللطيف

وعلى الناحية الأخرى فى السجن تجلس حياة وبجانبها كنان على مكتب الظابط. كنان: اوووووف اتأخر كدة ليه ده. الظابط: شكلك ياروح أمك هتروح على النيابة دلوقتي مش هستنى للصبح. قاطعه دخول أمير وهو ينادي على كنان. أمير: كنان انت كويس فيه ايه بقى فهمني. حياة بسخرية: آآآه يا خويا كويس هيكون مات يعني ايه المحن ده. كنان بصوت واطي حتى لا يسمعه الظابط: انتي مش ملاحظة إنك قصاد الظابط وهتفضحينا. أمير: فيه ايه يا كنان ومين.........

قاطعه كنان بسرعة: ديه خطيبتي اللى مغلباني معاك حق والله احكي للظابط بقا اللى حصل. أمير بتوتر وهو يتذكر كلام كنان: آآآه يا باشا هما مخطوبين بس هما جم هنا ليه. الظابط: أما انتو مخطوبين بتعملوا كدة ليه فى بعض هوا عبط وخلاص. أمير: والله مدوخينا معاهم كل شوية يتعاركوا ويتبلوا على بعض وانا أروح اليهم من القسام. كنان بصوت واطي: انت هتسوء فيها يا خويا انت مصدقت. حياة بصوت واطي:

هوا انتوا كلكوا كذابين حتى صاحبك بيكذب أحسن منك. كنان: اسكتي يا بت انتي. الظابط: خلاص ماشي بس ياريت بطلوا لعب العيال ده ولو انتو بتحبوا بعض متضيعوش عمركم فى العراك والمشاكل. كنان بفرحة وهو يمسك إيد حياة: اكيد طبعا يا باشا احنا آسفين يلا يا حبيبتي. الظابط: طب هاتوا بطاقاتكم وامضوا هنا. حياة وهي تدوس على إيد كنان جامد عشان يسيبها: انا معيش بطا........ ليقاطعها صوت شانسو: حياااااااة. حياة وهي تتدفع يد كنان اللى مسكاها

وبتجري على شانسو وبتحضنها: شانسو الحمدلله إنك جيتي. شانسو وعيناها مليئة بالدموع: حياة حبيبتي انتي كويسة يا روحي. حياة وهي تخرج من حضنها: كويسة الحمدلله جبتي البطاقة. شانسو: آه جبتهم ومين دول اللى معاكي. حياة: هحكيلك بعدين بس اعملي نفسك تعرفيهم عشان من تكشفش. شانسو: مع إني مش فاهمة حاجة بس ماشي خلبالك أخواتك برة مستنينك. حياة بغضب: إيييه يا شانسو ايه اللى خلّاكي تجبيهم. شانسو:

معرفتش أقنعهم ميجوش وأنجي عامله تعيط من ساعتها. عند أمير وكنان وهم بيوقعوا على المحضر: خلبالك أمك برة. كنان: نعممم يا خويااا برة ازاي يعني. أمير: بقولك واقفة برة لما عرفت من الخدامة مقدرتش أقنعها متجيش معلش بقااا. كنان: الله يخربيتك هقولها ايه دلوقتي لما تشوف البت دي معايا. أمير: صحيح هما مين دول. كنان: والنبي أنا نفسي معرفش هروح أقولها تيجي توقّع. ليقرب كنان من حياة بخطوات لأنهم واقفين بعيد قليلا عنهم حتى يوقعوا.

كنان بصوت واطي: يلا يا أختي جبتي البطاقة. حياة بغضب: ياريت متحدهليش كلام وحسابي معاك لما نطلع من هنااااا. لتكمل آخر جملة وتقرب من المكتب وتوقّع وتعطيه البطاقة. الظابط: ايه ده حياة هانم انتي حياة رجدان. حياة بسخرية: لسة فااكر قولتلك هتندم لما تعرف أنا مين. الظابط: ومقولتيش ليه يا هانم من بدري احنا آسفين بجد ليكي وللبيه. كنان في الوقت ده كان واقف بعيد ومسمعش الحوار اللى كان بينهم بس ملاحظ إن الظابط بيتأسف. حياة:

خلاص مفيش مشكلة نمشي بقا. الظابط: طبعا يا هانم اتفضلوا. لتمشي حياة وشانسو وخلفهم كنان وأمير ووقفوا أمام باب القسم والعربيات قصادهم عربية فيها أم كنان بتاعة أمير وعربية بتاعة شانسو فيها أخوات حياة ولمار. كنان بغضب: ياريت مشفش وشك تاااني ولا حتى المحك في الشارع. حياة بغضب أكبر: الكلااااامممم ده ليااااا يا حيوان انت ده أنا هوريك النجوم في عزززز الظهرررر على ما سكك لإيدي والحركات بتاعتك جوه.

لتقرب حياة منه وتعطيه بالرجل في بطنه ليتألم كنان فتلاحظ أم كنان ابنها وهو بيتضرب فتخرج من السيارة بسرعة وتتجه إليه. كنان: آه آه يا حيواااااانة والنعمة لو مكنتيش بنتتت مكنتشش هسيييييبككككك. أمير: خلاص يا كنان سيبك منها ديه مجنونة. شانسو: مين دي اللى مجنونة احترم نفسك انت وصاحبك وغوروا ومش عاوزين نشوف وشيكم تااان....... ليقاطعهم صوت أخوات حياة وأم كنان. سيلين وهي تتجه لحياة لتحضنها: حيااة انتي كويسة قلقتينا عليكي.

حياة: كويسة متخافوش انتو ايه اللى جابكم حسابي معاكم في البيت. أنجي ببكاء: م.. ما... ما انت... ى... كوي.. سة. حياة وهي تنزل لمستوى طولها وتضمها: أنا كويسة يا قلب وروح ماما متخافيش يلا نمشي من هنا. كل ده قدام كنان وهو متفاجئ أن معقول البنت دي تكون أم مش باين عليها خالص معقول تكون متجوزة طب فين جوزها هذا هو ما حدث به نفسه ليقطع تفكيره صوت أمه. أم كنان ببكاء: كنان انت كويس يا حبيبي ايه اللى عمل في وشك كدة. كنان:

يلا يا ماما نمشي من هناا قبل ما أرتكب جريمة وأبقى أحكيلك في البيت. حياة بغضب: شكلي أنا اللى هرتكب الجريمة دي وأرجع السجن تااني يلا يا بنات نمشي من وشه يلا. لتقول جملتها الأخيرة بصوت عالي وتذهب فتنتبه لها أم كنان وتقول بهمس: شمس معقول اللى أنا شايفاه ده شمس عايشة. كنان باستغراب: مالك يا ماما تنحتي كدة ليه لما شوفتي البت دي. الأم: لا لا مفيش حاجة يلا نمشي. ليذهبوا جميعا ويركبوا سيارتهم متجهين نحو القصر.

ـــــــــــــــــــــــــــــــــــــــــــــــــــــــــــــــ وعلى الناحية الأخرى بعد إن دخلت حياة قصرها ووصلت وجلست على الأريكة بتعب وكثير من الأسئلة توجه إليها. حياة بغضب: ما تهدوا بقااا هحكيلكم كلكم في صوت واحد اهدوا. نازلي: ما انتي مش بتحكي يا أبلة ايه اللى دخلك السجن ومع الواد ده. حياة:

هقولكم أنا بعد ما مشيت من الشركة جيت هنا وغيرت هدومي وطلعت عشان أروح الاجتماع فالعربية اتعطلت في نص الطريق والشارع كان مقطوع أصلا وشكلي كنت مضيعة طريقي لقيت الحيوان ده بيعاكس روحت شتمته وبهدلته راح أمين الشرطة اللى على أول الشارع سمع صوتنا وجاه وخدنا على السجن ولما سألني ايه اللى حصل قولتله إنه بيعاكسني بس هوا كذب وقال إني أنا اللى رميت نفسي عليه فالظابط دخلنا احنا الاتنين في السجن وكان هيعرضنا على النيابة الصبح بتهمة الشبهة في الطريق العام.

شانسو بشهقة: إيييه يا لهوي وازاي عرفتوا تطلعوا منها دي وسابكم ببساطة كدا. نازلي: اكيد يا أبلة ضربتي الواد ده وهددتيه لوحدي متكلمش وقال الحقيقة هتموتيه صح. حياة بسخرية: لأ يا أختي مقدرتش عليه ومعرفتش أقنعه بس هوا فكر في فكرة تطلعنا احنا الاتنين من المصيبة دي. سيلين: وايه هي بقا؟؟ حياة:

إننا نعمل نفسنا مخطوبين وكأننا كنا متخانقين واتبلينا على بعض بالتهمة دي عشان ننتقم من بعض وطبعا حكينا للظابط وهو صدق كمان لما جاه صاحبه وأكد كلامنا فهمتوا بقا. لمار بدهشة: يا بن الزينة ده جن بصحيح جتله منين الفكرة دي. حياة بسخرية: معملش المستحيل يعني يا لمار. الدادة: خلاص يا جماعة المهم إن حياة بخير وكويسة. الجميع: آه الحمدلله. حياة بتعب:

أنا هطلع أنام بقا عشان دماغي هتنفجر ونامي هنا يا شانسو انتي ولمار مفيش داعي تطلعوا في الوقت المتأخر ده. شانسو بإعتراض: لا..... حياة وهي تصعد السلم: مفيش لأ هتناموا هنا جهزي أوض ليهم يا دادة وكلوا ينام يلا تصبحوا على خير. الجميع: وأنتي من أهله. لتصعد حياة غرفتها وتفرد جسمها على السرير بتعب وتتذكر كنان بغضب وتقول: واحد حيوان وواطي بيحسب نفسه مين ده عشان يشتم حياة رجدان لا وكمان بسببه مروحتش الاجتماع ربنا ياخدك يا بعيد.

لتتهنّد وتأخذ نفس عميق بغضب ثم تنهض وتأخذ شاور وتنام. ـــــــــــــــــــــــــــــــــــــــــــــــــــــــــــــــ في قصر الجندي كان الجميع مجتمعين منتظرين كنان وأمير وأمه وصل كنان أخيرا ليدخل ويجلس على الأريكة وكثير من الأسئلة توجه له. كنان: ما تهدوا بقا يا جماعة أنا تعبان والله ومش مستحمل أنا هقوم أنام والصبح أحكيلكم على اللى حصل. حازم بغضب:

كنااااان قولناااا دلوقتي ايه اللى حصل معاك يخليك تخش السجن وكمان مع بنت. كنان بمرح: ايه يا حجوج احتجرني كنت في رحلة وجيت وبعدين أمير عارف اسألوه أمير يلا تصبحوا على خير. ليقول آخر جملة وهو يجري ويصعد إلى غرفته بسرعة حتى لا يسألوه شيئا. أمير والجميع ينظر إليه: ايه بتبصوا لي كدة ليه والله ما أعرف حاجة ده بيكذب أنا زيي زيكم. حازم: أنا مش عارف الواد ده هيعقل إمتى والله.