رواية قسوة احفاد ال هتان الفصل الحادي والعشرون 21 - بقلم هاجر النعيمي

ثُريا : جاي تحجين ويا أم حبيبج. التفتت الها بكل جسمي وابتسمت، كلت: هاجر : شنو تشوفين؟ ثُريا : انتي كلتي خلي السالفة سر بينه حتى تميم لا تكوليله. هاجر : تتسمعين عليه حضرتج؟ ثُريا : حتى أبين لبارق حبيبته جذابة وتخونه. هاجر : هههه، أني بنت خالته مو حبيبته. ثُريا : لعد ليش جان يبوسج؟ هاجر : لأن جنت ضايجة واجه واساني. طلعت وهيا مو مقتنعة، ردت عمه ماسه، كلت:

الماسة : بنيتي ما أريد تعصبين تميم لأن يجن ويأذي روحه أو يأذي اللي كدامه، فدوه دير بالج، علي ما عندي غيره. طلعت عيوني حتى شفته شاب. هاجر : إن شاء الله. ابد ما حقدت عليها، بل بالعكس تعاطفت وياها لأن هي أم وتخاف على ابنها، نوب وحيد ما عندها بس بنات. أجه ثاني يوم وأني كلي أمل أشوف مسج من تميم، لكن للأسف ماشفت. رجعت للبيت ومر أسبوع وتميم ماكو. بيوم راسلتني زهراء، كالت: زهراء : راح أكلج شي يفرحج بشكل.

توقعت تميم يكون زين وراح يرجع يحجي وياي، بس اللي كالته وجع كلبي. زهراء : سمعت أمير يحجي ويا تميم وتميم يكول... « أمير » تميم : أحبها بس ماتريدني، تعبت وأني أقنعها. تخيل أني اللي كل شي أريده يجيني بس هي ما تجيني، شنو مسوي بحياتي؟ معقول الله يعذبني بسبب أبوي وأمي؟ أمير : انجب، أمك مالها ذنب وأبوك جان مجبور. تميم : ما جان مجبور يسوي هيج. أمير : لا مجبور، وأنت كلش زين تدري ليش جبر. تميم : عوفنه منها، سالفة قديمة.

أمير : صدك، ليش ما تحاجي هاجر؟ مو طلعت من المستشفى صار لك يومين. تميم : تعبت منها، كل مرة أحجي وياها نتعارك، ما تريدني، ما تتقبل وجودي. أمير : من إيمتا أحفاد هتان يستسلمون؟ تميم : اخخ، هتان لو أدري وينه، وين راح. أمير : قبل أربع سنوات جانت آخر مرة أشوفه. تميم : ليش راح؟ وين؟ وليش أبوي يكول مات؟ أمير : زين ليش يكولون مات؟ تميم : عوفنه منا، أني راح أكول ل هاجر ننفصل، هيج تخلص مني ومن خبالي.

أمير : لا تكول هيج، أنت مو مخبل. تميم : مخبل أني، وهي ناعمة ما تتحمل تبقى وياي، أذيها بدون وعي. أمير : انجب، كافي، ليش هيج مستسلم أنت؟ تميم، حفيد هتان، من إيمتا ولد هتان يعوفون شي يخصهم؟ تميم : ما أتحمل أظلمها، خلي تعيش حياتها، إذا تبقى وياي تضل تعيسة. أمير : آخر مرة أسمع هيج كلام منك، ترتاح كم يوم وترجع تحاجيها، ترا كلبها راح عليك، لا تعذبها. تميم : الله كريم. « هاجر »

بعد اللي سمعته فقدت الأمل. رجع عقلي فرحان، بس كلبي لا. شي بداخلي رافض الكلام. ثاني يوم راسلني تميم، جنت فرحانه، بس من شفت شنو نوع الرسالة اختفت ابتسامتي. كاتب: تميم : لازم ننفصل، لا أني اللي كادر أكمل ولا أنتي. أنتي مجبورة تظلين وياي لأن خايفة أذيج، وأني خايف عليج مني. صدكي أحبج بس أنتي ما جاي تتقبليني، ما كدر أحس كرامتي راحت وأني أجبرج تبقين وياي. هاجر : تمام.

انفصلنا وكل شخص راح لطريقه. جنت أراسل زهراء وملاك وآخذ أخبار تميم. اللي فهمته أنو هو ضايج ومقهور. طيب، وأني هم مقهورة وضايجة، بس ليش هيج ضايجة ومخنوكة؟ مو هذا اللي أريده؟ مو جنت أريد أتخلص منه؟ مو أكرهه؟ ليش هيج الخنكة واضحة بصوتي؟ أجو عمامي وعماتي وطلعوا للسوك العصر، النسوان علمود جهاز أسيل اللي بقاله أسبوع. ابد مو ضايجة لأن يتزوجون، بس مخنوكة من شي، بس شنو هو؟ ما بقى أحد بالبيت غيري، لأن ما جان إلي خلك أروح.

قريب المغرب اندك الباب، ترددت أفتح لأن جدي محذرنا أنو نفتح الباب. ضل الباب يدك، رحت أشوف منو، فتحت الباب شفت إلياس، كال: إلياس : صار لي ساعة أدق الباب، وينج؟ هاجر : وحدي بالبيت وممنوع أفتح الباب. إلياس : أدري وحدج، لهذا جيت. هاجر : إذا تعرف وحدي شكو تجي؟ ابتسم، ما عرفت أفسر هاي الابتسامة. بقيت واقفة أنتظر تفسير على ضحكته، بس هو سكت وكال: إلياس : سدي الباب وتعالي أحاجيج. رحت وياه وكعدنا بالصالة، كال:

إلياس : جيبي لي مي. نفخت بضوجة، مو من عوايده يطلب مني. تجاهلت، رحت للثلاجة مال مي، خليت بالكلاص. أنتظر يكمل وأحس إيدين تحاوط خصري، رجف جسمي وسمعت صوت إلياس: إلياس : اوف، ريحتج شكد حلوة. حاولت أبتعد بس ما كدرت، حجيت بصوت يرجف: هاجر : إلياس عوفني فدوه. إلياس : لازم تصيرين لي. هاجر : شنو قصدك؟ إلياس : هسه أكلج قصدي. لفني عليه، صرنا وجه بوجه، باس خدي ونزل ليم شفتي. خفت وبعدته، كلت بعياط: هاجر : شنووووو تسووووييييي؟

إلياس : اششش. هاجر : إلياسسسسس براااا. تقرب الي راد يبوسني، بعدت بسرعة، دفعته ورحت أركض لغرفتي، فتت وأريد أسد الباب، دفعه بقوة، انضربت بيه وابتسامة بوجه نفس أول مرة من ابتسم. عقلي ضل يفكر بكل شي مو زين، كلبي صار يم رجلي، خفت حيل، كلت: هاجر : ش شنو ت ت تريد مني؟ إلياس : أريدج. هاجر : حباب عوفني. إلياس : لا، ما راح ألكه فرصة أحسن من هاي.

صرت أبجي وهو ما اهتم، أجه يمي ولزم إيدي، يقربني عليه. فقدت أبجي وأتوسل يعوفني وهو يتلمس بجسمي بشكل مقرف. كرهت روحي. تعرضت للاعتداء مرتين. كلت: هاجر : عوفني وأقبل بيك بس عوفني. إلياس : جذابة، بس أعوفج تنسين كلامج. هاجر : صدكني والله والله بس عوفني. إلياس : سامحيني، ما أكدر.

رفع التيشرت مالي وطلعت بطني، خفت بشكل مو طبيعي، صرت أدفع بيه بقوة أريد بس يعوفني، ماكو. بعدها جمعت قوتي ودفعته بقوة، كع بسرعة. طلعت أركض، رحت لغرفة ماما وقفلتها علي، وبلشت أبجي. أجه يم الباب يدك ويحجي بثقل. بعدها أدركت أنو هو سكران لأن ريحته مو حلوة، بس بالبداية ما عرفت ليش يسوي هيج. ضل يتوسل بيه ويبجي، وبعدها ماسمعت صوته. خفت وطلعت أدور عليه، ما جان اكو. البيت كله دورت عليه، ماكو، عرفت طلع. رحت لغرفتي أسبح، أنظف جسمي من لمساته القذرة. طبيت للحمام ورجعت أبجي، هاي ثاني مرة. بالمرة الأولى ركان وحيدر نقذوني، بس هل مرة أني نقذت روحي وخلصت نفسي، لأن مو بوعيه. لو بوعيه ما جان كدرت أتخلص منه. ليش أني ليش ليش يريد يخرب حياتي؟

مو كافي اللي صار بيه بسببه؟ طلعت جان ساعة 8، جنت أنشف شعري ورجعوا للبيت. أمي شافتي كالت: مروة : هاجر، بيج شي؟ كلبي مو مرتاح. بجيت على كلامها وكتلها شنو صار. انصدموا. وكالت: مروة : شكد نذل، ليش هيج يسوي؟ هاجر : ما أعرف، بس أكيد ما يحس لأن شميت ريحته مو حلوة.

بعدها مر شهر، حالتي من سوء لأسوأ. أهلي لاحظوا هل شي بس سكتوا. أمي عبالها بسبب إلياس. طبعاً إلياس أجل عرسه بسبب انضمامه للجيش، وبفضل جدي كم يوم صار ضابط، وبعدها الواسطات مستمرة. رغم هو ما صار له هواي، بس بعد واسطة محمد أبو تيم رفض، بس جدي ماسمع منه وكال إلياس أني مربيه ويصير شنو يريد، وأني واقف وياه.

محد حجه أو اعترض. بيوم جنت تعبانة وفجأة دخت وكعت. حسيت على وجع ب بطني. فتحت عيوني بيدي، كانونه. مانصدمت لأن بيه فقر دم حاد. الدكتور كال: الدكتور : لازم تاكلين ما خوش على صحتج. هزيت راسي، كتب لي على علاج وطلعنا. ثاني يوم طلعت النتائج مالنه. تأخروا لأن جنت مؤجلة مادة وامتحنت ويا اللي دور ثاني. جانوا عدنا عمامي وعماتي يشوفوني، وتيم يطلع النتيجة. بابا كال: علي : اهو، جيب، أنا أطلع.

بقة بابا يدور، بعدها انصدم. خفت بصراحة، ودحك علي بقهر. نفخت بضوجة وكال: علي : بدرسين؟ انصدمت والكل يدحك علي ومصدومين. رجع بابا كال: علي : حبيبة أبوج ناجحة بمعدل 97.88. طرت من الفرح، أكمز وأصيح. وأمي تحضني. أجه تيم وحضني والبنات وعماتي والكل يبارك لي. بابا كال: ما بقى شي، لازم تقدمين.

من بعدها أخذت سكرين ودزيتها ل زهراء، ول ملاك، ول مريم. بهل فترة علاقتي قوية ويا ملاك، وتعرفت على مريم بنت خالة زهراء، وتصير حبيبة أحمد أخو أمير، لأن هم ولد خالتها. هم باركوا لي وانصدمت بمسج مباركة من تميم. فرحت بشكل وبسرعة رديت، وشافها وما عاد راسل.

قدمت جامعة، كلية صيدلة، ويا تيم وسارة وزان وريماس. هم قدموا صيدلة. سارة معدلها أعلى شي، وجان 99.89، رزان 98.85، أما ريماس جان 97.85. رحنا نفس الكلية وجنة حيل فرحانات لأن راح نكون بنفس الجامعة وما راح نفترق.

باقي يومين على الدوام. تميم مانسيته أبدا، كل يوم أفكر بي. مادري إذا تعلق لو تأنيب ضمير. كل اللي أعرفه مشتاقتله، مشتاقة لصوته، أريده يمي بهاي الحظات الحلوة، بس هو ماكو. اختفى. قبل كم يوم عرفت طلعوا ل أربيل يغيرون جو. رحنا للسوك نشتري ملابس علمود الجامعة، رغم عندي بس ماما كالت نغير جو. وبالفعل رحنا واشتريت أكثر من شغلة ورجعنا. ومر يومين واجت الدوامات.

صار الصبح، اليوم أروح أشوف الجامعة. اليوم أكول دكتورة مو ست. اليوم راح يتغير كثير شغلات وخلصت حياة الثانوية واجت حياة الجامعة. جنت متحمسة ورحنا ونفس اشتراكنا مال ثانوية، يعني أحمد نفسه. مو كلش همني الموضوع. الي همني أروح هناك أشوف أجواء تختلف، أكدر أتنمر على لبسهم وأكدر أسوي كل شي، أكدر أضرب محاضرات. وصلنا والفرحة ماسايعتنه أني والبنات. سارة : وأخيرًا جامعة. اوف شكد طيبة. ريماس : أول مرة تحجين شي صحيح.

فتنا أول محاضرة جانت عادي. بعدها كال الدكتور: الدكتور : غداً نعمل حفل تعارف، وأتمنى الكل يكون موجود. رد واحد من الطلاب: .. دكتور يعني ماناخذ محاضرات؟ الدكتور هز راسو. أدحك على البنات واضحك. ما أخذنا كثير بعتبار أول يوم. طلعنا فترة استراحة ورحنا للكوفي مال جامعة. دخلنا وشفت شكد طلاب ومن ضمنهم تيم. شافني وابتسم. انتبهت للي كاعد يم تيم، ضرب تيم بكتفه وتيم مادري شكال. رحنا كعدنا وطلبنه أكل لأن جُعنا. أجا نا تيم، كالت:

تيم : هسه نورت الكلية، وينج عمي مفتقدينج. هاجر : دمشي لك، قبل كم يوم جنتوا عدنا. تيم : يا عيني شبيج؟ شو صايرة قاسية؟ هههه. هاجر : هههه. تيم : شلونجن بنات؟ شخبارجن؟ البنات : الحمد لله، وأنت اشونك؟ تيم : الحمد لله، شنو صار؟ هم رحتي محاضرات لو ضربتيهن؟ هاجر : رحت، وبعدها عدنا استراحة. تيم : شنو استراحة؟ ناقص تكولين فرصة، يمعودة. ريست يكولون ريست مو استراحة.

هاجر : اهو، راح يتفلسف براسي. تيم كافي. أدري أنت جامعة وقبلي وهيج ومثقف. تعوفني لو أخزيكم وأكول فرصة. تيم : لا بروح أبوك، هاي هي. بس باجر تعالي يمنه حتى أعلمج شويه. رفعت الدفتر حتى أضربه، شرد بسرعة. كالت: سارة : روحو حلوة ومرحة. هاجر : كلش، تخيلي فشلني كدامكم. رزان : ما يتؤاخذ. ريماس : عادي، المهم ضحكنا. ههههه.

رجعنا للبيت، كلت لماما تسوي لي شي أخذه باجر لأن الكل راح يجيب. سووا كروب للشعبة مالتنه ودخلونا بيها. الممثل جان ولد. أني كلت بلكي بنية نتفاهم وياها أحسن، بس للأسف طلع ولد. اتفقوا بالكروب شنو يجيبون أكل. عفتهم ورحت نمت. كعدت شفت مسجات من زهراء. فوراً اتصلت. مابيه حيل أكتب. زهراء : شلونج؟ شخبارج؟ هاجر : الحمد لله، وأنتي. علاوي : هادل، شلونج؟ هاجر : حبيبي الحمد لله. بقينة نسولف شويه وبعدها نادوها وكالت:

زهراء : خليج على الخط. عاد نزلت الطابق الأول لأن غرفتها بال طابق الثاني. جان البيت هوسة. كلت: هاجر : اشو بيتكم هوسة؟ زهراء : أعمام أمير وعماته يمنه. ملاك أخذت التلفون منها وصارت تحجي وياي. بعدها سمعت صوت تميم يمه. كلبي متت فرح. شكد صار لي ماسامعة صوته. وصارت تحجي ويا ملاك وراحت تبوسه. كال: تميم : تعبت لحد ما قنعت الزبون. لو ما اقتنع جان ضربت راسه بالحيط. تعبني. ملاك : خلي تعاملك وياهم حلو. تميم : ويا من تحجين؟

ملاك : هاجر. ما حجه شي وراح. انقهرت لأن حتى ما أجه وسلم. هيج صار يكرهني؟ مرات أفكر أراسله بس أكول لا، لازم هو يبادر. معقول حبيته؟ بس هو هسه ما يحبني؟ لا، شنو حبيته؟ بس تعاطفت وياه، تعلقت بهتمامه، لا أكثر. كلت: هاجر : ملاك، أروح أني. ملاك : الله وياج كبد. طفيت التلفون وبقيت أصفن. نزلت تعشيت وطلعت نمت. شسالفة ويا النوم اليوم؟ ما أعرف. كعدت الصبح ورحت للدوام. شفت البنات بالخط، فرحت. كعدت وحجينا شويه. كالت:

رزان : يمكن عرسي يصير بعد كم شهر. هاجر : شنو؟ شهل حجي. سارة : لا رزان، كملي وبعدين. ريماس : يعني خلاص تعوفيني. رزان : مو بيدي، علي مستعجل. ريماس : تعوفيني علموده؟ خاينه. هاجر : ريماس، شلونج ويا ابن خالتج؟ ريماس : ليش ما كلتي لي؟ هاجر : لا، شنو؟ ريماس : كال أحبج وراح أخطبج، بس انتظريني أكمل كم شغلة. هاجر : جلبه، تخبين عليه. جان صوتي عالي والكل صار يدحك علي، تفشلت وصرت أحجي بصوت ناصي. كالت:

ريماس : أني كلت للبنات، نسيت أكلج غير. أنتي جنتي مسوية حداد علمود تميم. تغيرت ملامح وجهي للحزن. كالت: ريماس : مو قصدي أذكرج بي، والله. هاجر : لا، مو هيج، عادي. التفتت أشوف من الشباك وصفنت صفنة طويلة. فزيت على صوت سارة: سارة : إذا تحبيه كولي له. هاجر : ما أعرف إذا أحبه أو لا. ريماس : أحلف عليج تحبيه. هاجر : مو متأكدة. رزان : تشتاقين له؟ تحنين لسوالفكم؟ تتمنين يرجع يراسلج؟ من تسمعين بسيرته تفرحين؟ كلبج يدك بسرعة؟

هاجر : أي، كل هاي تصير، بس شنو تعرفج؟ رزان : امداك يا حظي، طلعت تحبه البنت وما تدري بنفسها شكد ثولة. لعد. اقتنعت بكلامها، صدك أني يصير بيه هيج دائماً، بس ما أكدر أكله. وصلنا، وجانو الكل موجودين. شني هاي، جايين من وكت؟

صارت الحلفة تجنن. رجعت للبيت ونشرت، جان بواحد من التصوير اكو ولد يحجي وياي، واني نشرته. ما عبالي شنو يصير. نمت، وكعت على صوت اتصال ومسجات. فركت عيوني أريد أستوعب، وأني من أكعد عيوني تغوش، ما أشوف زين. رحت غلست وجيت شفتها من تميم. فرحت بالبداية، بس كل عادة يصدمني بالمسبات والفشار. جان راد على الفيديو اللي نشرته. اتصلت عليه، جاوب بسرعة، كال: تميم : لج، هو تركنه شهر وكم أسبوع، أنتي رايحة تحاجين ولد الجامعة؟

ماتكولين اكو واحد مشلوع كلبه؟ ليشششششش؟ هاجر : بس ثواني، شبيك؟ تميم : شنو شبيه؟ تريدين أكون طبيعييييي؟ وأنتي رايحة تحجين ويا ولد، لا وتنشريها بكل عين وقحة. هاجر : بس أوكف، ترا جان يسألني وجاوبت. تميم : ممنوع. هاجر : ليش، أنت شعليك؟ وعلى شنو حارك دمك؟ تميم : حبيج. هاجر : نسيت أنو أنت طلبت تنفصل. تميم : مو مهم، إذا انفصلنا تبقين حبيبتي. هاجر : لا، ما حزرت، ما أبقى. مادام انفصلنا، كل واحد بدرب.

تميم : مو بكيفج، مو كل واحد بدرب. أني أحبج، ليش تشلعين كلبي؟ ليششش؟ هاجر : لعد شكو عفتني؟ تميم : علمود راحتج. هاجر : مو علمود راحتي، كول ضجت مني ومن تصرفي، كول ما أكدر أكمل، جذب. كول ما عندي حجة أرزلج عليها. تميم : كافي عاد، أسمعيني زين. تروحين للجامعة بأدب، ما تحجين ويا أحد، تمشين زين، ماكو داعي تباوعين للناس، ما ترحين يم أحد، صديقاتج اللي تعرفيهن وبسسسسس.

هاجر : ما حزرت، مو بكيفك. هسه أني وياك انفصلنا. عسه ما أروح أحب، أنت ما عليك. تميم بعياط : أكلييييي خرررراااا هاجرررر، شنوووتحبينننننن؟ هاجر : مو انفصلنا؟ لازم أعيش حياتي، أحب، أرتبط، أنخطب، أتزوج. أنت شكو؟ على شنو حارك دمك؟ تميم : باعي لج، أني أحبج، ما أكدر، أفهمي. أنتي الي، الي وبس. أني طمعان بيج، أريدج، أني أناني طماع، أريدج، حتى ل أهلج ماكو، بس الي. فرحت بشكل، بس مثلت العصبية.

هاجر : أني مو لأحد، أني مو شي تافه حتى أصير لأحد. تميم : كافييييييي. هاجر : كافي لو مطعم؟ هههههه. تميم : تفاهتج تغث. هاجر : تفاهة لو برتقالة؟ هههههه. تميم : ربي صبرك، شبيج؟ هاجر : شبيج؟ إنكليش؟ هههههه. تميم : اخخخ، اسكتي شويه. هاجر : اسكتي لو باص؟ تميم : لا، وصلت حدها، بابا، شبيج؟ كافي. هاجر : أي، أضحكك، شبيك؟ تميم : خلي نحجي بجدية. هاجر : لا، نحجي بستيه. هههههه. تميم : والله أنت فاصلة. هاجر : فاصلة لو نقطة؟ هههه.

تميم : إذا حجيتي شي بعد، أشك حلكج. هاجر : اهو، مو مال شقة وضحك. تميم : خلي نحجي. هاجر : ما عندي حجي وياك. تميم : أبوي صار له ساعة يذب نكت سخيفة. هاجر : عيب تحجي على أبوك. تميم : أنت مطفية، والله. هاجر : المهم، شتريد؟ عندي شغل، مو فاضية. تميم : ليش عيني، جاي أشغلج عن شركاتج؟ هاجر : أي، اوكف ثواني، السكرتيرة تريدني. تفضلي. تميم : عايشة اللحظة، تجرين عدل لو أجرج بزيج. هاجر : خلي أني أجرج بزيج. تميم : تعرفين؟ هاجر : أي.

تميم : شو سمعيني. صويت حركة بحلكي، كال بحماس: تميم : لج ذيبة، والله كفو من شاربج. هاجر : وين عندي شارب؟ تميم : مو مهم، لا، ما عبالي تعرفين. هاجر : قررت أتحجب. تميم : صدك؟ هاجر : أي. تميم : أحلى خبر، والله. هسه خلي نحجي. هاجر : احجي. تميم : أني أحبج، ما أكدر على فراكج. عفتج فترة بس والله متت بيها. هاجر، ثقي، أحبج وما أريد غيرج، ما أكدر بدونج. ما عرفت شنو أجاوب. كال:

تميم : أريد نرجع نرتبط. راح أنطيج وقت تفكرين. باجر من ترجعين من الجامعة ردي لي خبر، خوش؟ هاجر : خوش. كملنا مكالمة. رحت أراسل البنات، كلت: هاجر : بناتتتتتت. ريماس : وسم؟ شكو؟ هاجر : تعالوا اتصال بسرعة. صعدنا اتصال، كالت: سارة : دحكي، أني عفت الدرس علمود الموضوع. هاجر، إذا طلع سخيف حجيج، أطرج من الشباك، خوش. هاجر : تميم يريد نرجع، وكال باجر ردي لي خبر. رزان : صدك؟ عزة عزهههههه، راح نصير ثلاثة مرتبطات.

هاجر : بعدني مارديت. رزان : ليش يعني؟ راح ترفضين؟ ريماس : شنو ترفض؟ جذابة، هي تبيع ثقل. هاجر : جيت أكللكم بس أنتو ما مال احترام. ريماس : هيا شنو؟ راح ترجعون وتنسد السالفة؟ سارة : هاجر، سالفتج كلنا نعرف راح تصير هيج. تميم يحبج، مو معقول يتركج بسهولة. أصلاً من عافج كلت مو لله، وهاي كلامي صح. رجع. هاجر : قررت أتحجب. سارة : حلو قرارج، سوي. ريماس : اتفق، ترا بس أنت بقيتي. هاجر : لأن محد كلي البسي، بقيت.

ريماس : حرام، أنت بالغة. سارة : يلا، ولي، أريد أدرس. هاجر : عود إذا تحضير ردي لي، من أكوم. سارة : ما أكعد يم أحد، أكعد وحدي. سولفنا شويه وسديته. كلت أكول لزهراء، كلتها بس ماردت. ثاني يوم رحت للجامعة، جنتمتحمسة كلش. هناك ضربت محاضرة. كلت أحجي وياه براحتنه. اتصلت، مارد. راسلني أمير. شفته كاتب: أمير : هاجر، باعي، تميم كال أنو حجه وياج بموضوع أنو ترجعون، وطلب منج تفكرين، واليوم تردين الجواب، صح؟ هاجر : أي، صح.

أمير : إذا تحبيه، كولي موافقة. إذا ما تحبيه، لا تعبين كلبه، كولي ماريد. هاجر، لا تكولين موافقة لأن تتعاطفين وياه أو محتاجة اهتمام. ديربالج تضحكين عليه، ساعتهت تندمين. هاجر : أمير، اشبيك؟ شهل حجي؟ أنت تعرف أني مو هشكل. أمير : أدري، بس ما أريد العذاب الج أو اله. هاجر : تمام. شوية واتصل تميم. رديت، كال: تميم : اشتعلوا أهلج، ترزلت وطلعت. هاجر : لا تحجي على أهلي، وبعدين ليش ترزلت؟

تميم : *** ولج، حتى ما تعرفين أني طالب مرحلة رابعة. هاجر : عزه، صدك؟ تميم : نعلعله، ليش تخليني أفشر؟ هسه أهلي خوش ناس. هاجر : أي، ما أدري والله، عبالي بس تشتغل. تميم : أي، المهم، اتصلتي حتى تكولين الجواب؟ هاجر : قبل الجواب، أنت طالب شنو؟ تميم : صيدلة، نفسج، بس مو لأن شاطر، لا، بال كوة دخلوني غصب، يعني جنت حاب أدخل أدلة جنائية. هاجر : ها، حلو، بس أشون غصب؟

تميم : أبوي كال، طلع معدل عالي واخليك تروح إيطاليا. ضحك علي، ومن رحت هناك، من طلعت معدل، دخلني صيدلة. رفضت، بس بعد شسوي. هاجر : خطية، أني دخلت لأن حلمي، بس أنت خطية ماتحبه. تميم : دنجبي، وإذا هسه، المهم أخلص. آخر شي ما اتوظف. هاجر : عجل، ليش تتعب نفسك وتدرس؟ تميم : أني دخلت مو برغبتي، يعني شي ما أحبه، ما أكدر أتخصص بي، اشتغل بالمحل وهاي هي. هاجر : براحتك. تميم : لا تغلسين على السالفة، شنو ردج؟ توترت، شنو أكول؟

أخذت شهيق وزفير وكلت: هاجر : بدون مقدمات، أحبك. تميم : لججججج، أييييييي، دكوليييييي هييييججج من الأوللللللللل. صرت أضحك، وهو خابص الدنيا، وأني من كد ما أضحك الناس تدحك علي. خجلت، معرف شنو أسوي. كال: تميم : أحبج، قيطان كلبي. اوف، شكد مشتاقة لهل كلمة. كلت: هاجر : لازم أروح. تميم : وين؟ والله فلا ترحين. انطردت والكل يضحك علي، وأني اللي كلها تريد تحجي وياي، ولد بنات. هاجر : بناتتتتتت، تقنعني ما عندك؟

تميم : أي، ما عندي. باعي، تحذفين كل الولد اللي بكرايبكم. هاجر : وأنت؟ تميم : وأني هم أحذف كل ولد كرايبي، نفسج. هههههه. هاجر : لا بالله، أنت تحذف البنات؟ تميم : لا حبيبي، أني نفسج أسوي. هاجر : بطلت، ما أحذف. تميم : غصباً عليج. هاجر : لا بالله. تميم : شعبالج؟ هاجر : اوي، صدك حبيبي. تميم : اشتعلوا أهلج، اخخخ، كلبي. هاجر : كافي، عوف أهلي. تميم : كولي أحبج مرة ثانية، وكولي حبيبي وياها. هاجر : أحبك حبيبي.

هستوني كملتها والتفت على صوت تيم، كال: تيم .............. .................. خلص البارت. جان بارت حلو خفيف لطيف. أحلى شي أنو رجعوا. بس تتوقعون تيم سمع اللي قالته هاجر؟ بنوتات، صوتوا شكد ما تكدرون وعلقوا بين الفقرات.