رواية قسوة احفاد ال هتان الفصل الثاني والعشرون 22 - بقلم هاجر النعيمي

تيم بعصبية: منو تحبين؟ منو؟ هاجر بتمتمة: تيم شبيك؟ ش هال حجي؟ تيم: كلتي أحبك لمنو؟ احجي لا تجننيني! هاجر: تيم فدوة، الكل صار يباوع علينة، حباب، ما جاي أحاجي أحد. تيم: مو مضحكة، ويا منو تحجين؟ هاجر: أكلك بس لا تضحك عليه. تيم: كولي. هاجر: صديقتي جانت تحجي وياي بصوت رجولي، وأني رديتلها بصوت أنثوي. تيم: تضحكين علية ها؟ هاجر: شبيك، أخابرها حتى تصدك. تيم: خابري يلا! هاجر: أي، أوكف.

قلت أخابر زهراء لأن أعرف مشغولة وما راح ترد، اتصلت عليها ماكو. تيم يباوع علية. هاجر: هي متزوجة وهسه أكيد غارقة بشغلها. بعدين تذكرت مرة كتبتلها "أحبك يا عمري"، قلت خلي يشوفها يتأكد. طلعت المحادثة واندريت عليه، دحك وضحك. كال: امداج، عبالي مصاحبة. هاجر: ما تطلع مني. تيم: أدري، يلا أروح، انتبهي لنفسج. هزيت راسي وراح. اوف، ارتحت. هسه اتصلت على تميم، فتح خط. هاجر: بسببك جنت راح أروح بيها، ضروري تخيل أكلك أحبك!

تميم: أي صدك، ليش سديتي؟ هاجر: غير ابن عمتي سمعني أكلك أحبك حبيبي، وكوة قنعته. صديقتي لما شاف المحادثة مع زهراء كاتبتلها "أحبك حبيبي". تميم: لا، هذا منصبه. هاجر: مو منصبه، بس يثق بيه. تميم: ليش حتى يثق بيج؟ يحبج مو؟ هاجر: وين مكلبني، أصلاً يحب بنت عمتي. تميم: ممم. هاجر: ممم. تميم: تعالي صدك، إيمتى حبيتين؟ هاجر: من عفتني، افتقدتك. تميم: لو أعرف من زمان أعوفج. بس شلون عرفتي مشاعر حب مو غير شي؟

هاجر: ما جنت أدري، بس صديقتي كالت إذا يصير بيج كم شغلة يعني تحبين، والي كالتها صارن بيه. تميم: خوش، باعي، أني أريد أخطبج. فرحت، ما عرفت شنو أگول. زفرت نفس وقلت: هاجر: أخلص مرحلة أولى وبعدين. تميم: خوش، بس من تخلصين نخطب. هاجر: أوكي. تميم: أحبج ياقيطان كلبي. ابتسمت، بقينا نحجي بعدها شفت البنات، سديته ورحت يمهن. نحجي، كتلهن شنو صار. كالت سارة: ثولة، تأكدي محد يمج وبعدين كولي أحبك. هاجر: أني شعرفني راح يجي وراي تيم؟

سارة: تيم مبين يخاف عليج ويحبج. هاجر: حتى أني أحبه. سارة: هو ينحب حيل. بعدها مر كم يوم عادي، حياتي مليئة بالحب والحنان والاهتمام. جنت مفتقدة هالشي، جنت أضوج، أما هسه أتمنى، جنت أكره يراسلني، هسه إذا يغيب شوية أضوج. تعلقت بيه بشكل مو طبيعي، صرت مدمنة على شي اسمه تميم. جانت تصير مشاكل بس نحلها بسرعة، بس الي صار اليوم غير. أهل تميم وكرايبهم جانوا بالبصرة. راسلت تميم، ما رد. راسلت ملاك.

كالت ملاك: هياته موجود بس كاعد ويا الجماعة. هاجر: صوري حبابة. صورت، وجان اكو بنية يمه، جانت حلوة كلش. ضجت، شكو كاعدين سوا وهو يشوفها بتلفونه شي، وجانوا قريبين حيل على بعض ويحجون. كتبت: هاجر: منو هاي؟ ملاك: بنت عمتي حوراء. فوراً تذكرت كلام زهراء شلون كل مشاكلهم بسبب هاي الي اسمها حوراء، الي يبعدني عن تيم، وهو عادي إذا كعد يم هاي الأدبسز. راسلته وكتبت:

هاجر: تمنعني أحجي ويا تيم أو التقي بيه، وأنت كاعد يم هاي مدري شسمها وقريبة عليك بحيث شوية وتصير بحضنك. لا حلو، استمر. انتظرت يرد بس ما رد، عصبت وذبيت التلفون وكمت أفتر بالغرفة. بعدها جاني مسج، فتحته، جان من ملاك. غلست ورجعت هم أمشي بالغرفة. إيديه صارت ترجف من العصبية. بعدها جاني اتصال، رحت بسرعة، جان هو، رديت. كال: شهل خرط؟ شبيج؟ شنو تكعد بحضنك؟ أنتي شجاي تمثلين؟ هاجر: مو أمثل، بس ماشايف روحك شلون كاعد يمها؟

خوب تجي بحضنك وفضها. تميم: هاجر بلا هال حجي، ما أريد أحجي شي يضوجج. هاجر: يعني أنت ما تخليني أحاجي تيم، وأنت تحجي ويا كل البنات عادي؟ تميم: وين حاجي ويا بنات؟ هاجر: هاي الي يمك شنو؟ فهمني. أوكف، أدزلك صورة. رحت حفظتها من المحادثة مال ملاك ودزيتها. صار يضحك وكال: تميم: من كل عقلج؟ ترا هاي أختي. هاجر: وين أختج؟ ملاك تكول بنت عمتك. تميم: أي صح، بس هي مثل أختي. عصبت وكلت: هاجر: وتيم مثل أخويه.

تميم بعصبية: عوفي قندرة، لا تظلين تجيبين اسمه. هاجر: أنت قندرة، لا تحجي على تيم. تميم: أنعل أبوچ إذا تغلطين، حلكج أشكه، وهذا الـ... اله أشكه. هاجر: أيييع، شهل غلط؟ بطل، مو مال زلم، هل غلط مال خنثة. تميم: أنعل أبوچ، أشوفج الزلم شتسوي. سده بوجهي. بقيت أشيل روحي وأركعها بالغاع. عليش هيج يسب أهلي؟ صرت أبجي. بعدها مسحت دموعي. ليش صايرة هيج حساسة من كل شي أبجي؟

ما جنت هشكل، جنت قوية، دمعتي ما تنزل على أي شي. جنت مصدر للقوة بين البنات، تالي أبجي من وره تميم أفندي. أشو فلا أبجي، رحت نمت لأن صار ليل. كعدت الصبح ورحت للجامعة عادي، مر اليوم طبيعي، لا أني أراسله ولا هو. ثنينة زعلانين من بعض، وأني ما أنزل نفسي وأراسله.

امي العصر كالت نروح لأن الخميس عرس إلياس، وأني لحد هسه ما عندي ملابس، واليوم ثلاثاء، ولازم باجر نروح عدهم العصر ونبات يمهم. رحنا للسوك، اشتريت فستان مال محجبات، لأن قبل يومين تحجبت، صرت أحبه وأطلع باليوتيوب لفات، وكل يوم من أروح للكلية أسوي لفة شكل. رجعنا للبيت وبس رجعت نمت، لا درست ولا شي.

كعدت الصبح على أمل تميم مراسلني، بس خاب أملي. جانت الرسائل من بنات خالاتي، وجانوا من إيلا ورسل مسوين كروب وجاي يتناقشون علمود العرس. هما مسوين حنة من زمان، بقى العرس.

طلعت على الكلية، شفت البنات، سلمت عليهن، وبلشت أدرس. وصلنا، وعندي بس محاضرتين، أخذتهن وطلعت. الي أخذني تيم، وبل رجعة مشغل أغاني لأن فرحان لأخوه، وأني فرحانة هيج من لا شي. جان يركص ويطك أصبع. صورته واني أطك بيد وحدة، ومن رجعت للبيت نشرتهن. وباجر عندي امتحان، أضطر أروح، ما أكدر أغيب. كلت أمتحن وأطلع. لمينا الملابس ورحنا لبيت عمتو أميرة، الي الكل جانوا هناك، حتى عمام إلياس وعماته، وهم سوو هوسة.

بليل طلعت أدرس لأن ما درست شي. شوية واجت مسجات على تلفوني، أريد أفتح التلفون ما أكدر، صار يعلق من الرسائل. بعدها أجه اتصال، رديت وما عرفت منو المتصل. بعدها سمعت صوته، فوراً سديته. رجع اتصل وسده، دز مسج كاتب: تميم: ردي لا تخبليني. اتصل، رديت واجاني صوته المعصب كال: تميم: متونسة ويا تيم الحيوان؟ هاجر ببرود: كلش. تميم: جان ركصتي وياه خطية. هاجر: ليش منو كلك ما أركص؟ باجر بل عرس أركص.

تميم: لا تمضرطين، ماكو ركص، تروحين تكعدين وبس. هاجر: ومنو أنت تسمع كلامك؟ ها؟ تميم: حبيبج. هاجر: مرحبا حبيبي. تميم: تستهزئين؟ هاجر: أي. تميم: نعلعله والديج، أني أعلمج. هاجر باستزاء: يمه يمه يمه، خفت. تميم: ميخالف، يصير خير، وهذا القندرة لا تظلين يمه. هاجر: مثل ما حضرتَك تكعد يم حوراء، أكعد يم تيم، لمن تصير إنسان وتبطل تروح يم هاي القندرة، وكتها أبطل أروح يم تيم. تميم: ليش تغلطين عليها؟

هاجر: مثل ما أنت تغلط على تيم، أغلط على هاي الأدبسز مالتك. تميم: يصير خير. سديته بوجهه، وصرت أتنفس بقوة، أريد أهدأ. كم أررجف من العصبية. دخلت عليه إيلا. كالت إيلا: عزة، اشبيج؟ هاجر: تكاونت ويا تميم. إيلا: ليش؟ هاجر: هو يحجي ويا بنات عمو عادي، أني إذا أحجي ويا تيم حرام. إيلا: هذا اشبي؟ هاجر: أني أعرف، على حظي. إيلا: دعي، وأنت شكو تخابري بغرفة تيم؟ بلكي طلع وسمعج. هاجر: جنت أدرس وراسلني.

إيلا: ادرسي وعوفي، يولي، لا تغثين نفسج، باجر عندج امتحان. هاجر: أي. طلعت ورجعت أدرس، بس ما أكدر أركز، بالي كل شوية يروح. سديت الكتاب ورحت نمت. الصبح كعدت على المنبه، وشفت نفسي بغرفة تيم. ضربت كصتي، أني شلون أنام بغرفته؟ وهو وين نام؟ خطية. طلعت أغسل ورجعت للغرفة، شفته طلع، ابتسمت. ردها كال: تيم: محتلة غرفتي. هاجر: ما حسيت على نفسي من نمت. تيم: يلا، شنسوي؟ تروحين غير؟ هاجر: أي، بس أشعجب أنت كاعد؟

تيم: غير عندي امتحان، أمتحن وأرجع. هاجر: خوش، عجل نروح ونرجع سوا. تيم: هاي هيا، بس تعالي سوي ريوك. هاجر: يلا. حطيت الجاي، وشفت شنو اكو بالثلاجة، طلعت كيمر وعسل، وطلعت لبن وجبن، وخلّيتهن. حضرت الستكانات ورحت أبدي بين ما يصير الجاي. بدلت بسرعة ونزلت، شفت تيم يصب جاي. كعدت على الميز مال طعام. كال: شنو هاي الريحة؟ يجنن. هاجر: شعبالك؟ غير أحسن وحدة تسوي جاي. تيم: دنجبي، هو جاي، عبالك مسوية باجة.

هاجر: أيييع، راح أزوع، اسكت. تيم: نسيت، أنت نازكة، ما تاكلين هيج أكل. يمعودة صيري نفس إيلا، كلي الأخضر واليابس. ضحكت وبلشنا ناكل. كملنا، وهو راح يبدل، وأني كلت أحط مكياج شوية. حطيت حمرة وأيلاينر ومسكارة. طلعت تيم مكمل ورحنا للكلية. عندي نت مجاني. كلت: هاجر: دحك، أمسك إيدي، خلي أسوي فيديو وأنزلوا، وعود أسويلك تاك. وافقني، ومسكت إيده ونزلت ستوري. جان كل همي أضوج تميم. أني يغلط عليه؟ بسيطة. وصلنا ونزلنا. كال:

تيم: انتظري بالكووفي، أكمل وأجيج. هزيت راسي، وهو راح، وأني رحت. بدأ الامتحان. جاوبت، بس مو على كل الأسئلة، اكو منهن ما درستهن. مو كلش تعبت نفسي علمود الامتحان. عفت سؤالين، وجاوبت ثلاثة، بس طلعت ورحت للكوفي انتظر تيم. أني خلصت بنص ساعة، هسه هو يضل سنة. طلبت جاي وكعدت. صورته ونزلته، كلت أشوف منو شاف الستوري. دخلت للستوري، جان تميم شايف الستوري! أي نعم، هو هذا الأريده. ابتسمت. البنات بل امتحان، وأني كاعدة وحدي.

أجه يمي ممثل الشعبة كال: سوار: هاجر، شنو إجابة السؤال الرابع؟ أني ما عرفته. هاجر: حالي حالك، هم ما عرفته. سوار: خوش، جواب سؤال الأول نفسو الي قال عليه الدكتور مهم؟ هاجر: أي، كال عليه بالمحاضرة. سوار: شكراً، تعبتج. هاجر: عفواً، تدلل. فزينة على صوت ضربة على الميز الي كاعدين عليه. رفعت عيوني أشوف منو ضرب الطاولة بهل شكل، وشفت الي ما توقعت أبداً أن أشوفه. شفت تميم، عيونه حمر، ويلهث، وشكله معصب. بصراحة خفت. كام سوار كال:

سوار: شنو هذا؟ ما عيب عليك هال تصرف؟ تميم: وأنت الي تعلمني العيب؟ سوار: إذا ما تعفو، أنا أعلمك. تميم: هههههه، دروح علم نفسك. وبعدين... سوار: أنت منو حتى تضرب الطاولة بهل شكل؟ تميم: لأن عيب تكعدون وحدكم، مو هيج هاجر؟ أريد أحجي، ما كدرت، لساني انربط. سوار دحك عليه وكال: سوار: تعرفي هذا؟ هزيت راسي. وكال: سوار: أنا أروح عجل. بس وكف على حيله، وتميم جابو براشدي. سوار وكع. كمت بسرعة، وكفت كدام تميم. كلت:

هاجر: تميم، شنو هذا؟ عيب هال تصرف. تميم: أنتِ الي عيب عليج تكعدين ويا واحد، يا محترمة. هاجر: اسكت فدوة، فضحتنة. كام سوار دفع تميم، وتميم واكف على حيله حتى يتعارك. لزمت إيده وكلت: هاجر: بلا مشاكل، كافي! سوار تفهم الوضع وعافنة. تميم وجهه ما يتفسر، معصب، وعيونه حمر، الشرايين بيه، وأني جنت معصبه. من شفت منظر شرايينه بارزة، كزكزت عليهن، أحب الشرايين من تظهر. كال:

تميم: ما تستحين تكعدين يم واحد ما تعرفيه، وتحجين وتتبسمين اله؟ هاجر: جان يسأل، جاوبته. ومن شكرني ابتسمت. خوما كفرت؟ تميم: أي كفرتي، ما مسموح الج تكعدين يم أحد. لزم إيدي وطلعنا من الكافتيريا، لأن صرنا طماشة والكل يباوع علينة. أخذني ورحنا لقاعة فارغة. سد الباب ودفعني على الباب. الباب صار وراي وهو كدامي. حط إيديه على الباب وتقرب مني. كال وهو صاك على سنونه: تميم: فرحانة لازمة إيد تيم وأغاني رومانسية؟ جان بستي خطية.

هاجر: شهل حجي؟ بلا سخافة. تميم: لا عادي، شبيج؟ من جنتي مخطوفة يمي تستحرمين تلزمين إيدج، وهو لازم إيدج وعادي، مو؟ هاجر: أخويه. تميم: مو أخوج! هاجر: أي مو أخويه، أنت شعليك؟ ضربني راشدي. انصدمت، وفتحت عيوني على وسعها، ودمعت عيوني. رديت الراشدي الو، ورفعت إتنيني محذرة، كلت: هاجر: الأيد الي تنمد عليه آخرتها كسر. أنت منو وتمد إيدك عليه؟ أهلي محد مد إيده عليه. آخر شي تجي أنت وتمدها؟ أكسرها وأعلكها بركبتك. تميم: هههههههه.

لزم إيدي الي ضربته بيها، لوها لورا ظهري، صارت توجعني. هو تقرب عليه بحيث ظهري صار على صدره. أحاول أبعد نفسي ما أكدرت. بعدها لزم فكي ويحجي من بين سنونه: تميم: مو تميم الي تضربه مرة. لج، أني زلم مشروپة، محد تجرأ ورفع إيده بوجهي. أنت ترفعين إيدج بوجهي. هاجر: عوفني. تميم: أي أعوفج، بس لازم تتعاقبين. هاجر: ترا أنت ضربتني أول. تميم: محد كالج طولي لسانج عليه. أني تميم، مو تيم. هاجر: تيم تاج راسك، مو مثلك يمد إيده على مرة.

دفعني وكال: تميم: كافي تحجين بي، كافي. لزم فكي ويحجي بعصبية. بعدها طبع شفايفه على شفايفي. رجف جسمي وحسيت بخوف. صرت أضرب بي أريد يوخر، وهو بعده ما ابتعد مني. صرت أبجي، أريد يوخر، ماكو. اختنكت. أريد أجر النفس، أحس ضاع مني. انتبه وعافني. مسحت شفايفي وصرت أبجي. كلت: هاجر: حرام! حرام! ما يصير. تميم بابتسامة: أنتِ جبرتيني. هاجر: حيوان، والله أنت حيوان. لزم فكي وكال بابتسامة: تميم: شكد تغلطين؟ راح أبوسج.

دموعي ما توكف، أبجي بقوة. مسح دموعي وكال: تميم: صيري حبابة حتى ما أعيدها. هاجر: وخر، أكرهك. تميم: وأني أحبج. هاجر: عوفني، شبيك؟ تميم: أحبج يا قيطان كلبي. هاجر: عوفني. تميم: چؤ. رجع لزم فكي، بس برخاوة، كال: تميم: طعمهن يجنن. هاجر: وخر، جلب! بس كملت الكلمة، رجع طبع شفايفه على شفايفي. رجعت أبجي وأدفع بيه، بس ما أكدر أبعده. صرت أضرب على صدره أريد يوخر، ماكو. ما يقبل. هو لازم راسي، ما أكدر أوخر. بعدها بعد، عندي كلت:

هاجر: حرام! الي تسويه حرام! ما يجوز. تميم: كلتلج لا تغلطين، لأن هسه كتفيت، بس هيج، بعدين أخربها. هاجر: عوفني، أكرهك. تميم: جذابة، مو من كلبج. صرت أمسح شفايفي بقوة. لزم إيدي وكال: تميم: على كيفج، شبيج؟ هاجر: عوفني. تميم: شكد حلوة والحمرة خربانة، طالع تشكين شك. هاجر: صدك؟ حط التلفون بوجهي، شفتها خربانة وحالتي حاله. كمت أبجي وأدفع بيه. هاجر: ليش؟ حرام عليك، والله حرام. خليتني أرتكب ذنب.

تميم: أحب ذاك ارتباكج من ألكيج عكس ذيج الوكاحة بالرسائل. ابتسمت، بس رجعت معبسة. طلعت الحمرة والكلينس من الجنطة، أعدل الحمرة. أخذ الكلنس من إيدي وصار يمسح بشفايفي بهدوء. كمل وكال: تميم: يلا، هسه خلي. خليت الحمرة، ودك تلفوني. شلته وشفت تيم. ضربت كصتي. تميم كال: تميم: افتحي سبيكر. رديت وفتحت سبيكر. تيم: هاجر، وينج؟ دورت بالكوفي، أنت ماكو. وين رحتي؟ همس تميم يم اذني كال:

تميم: كوليله عندي محاضرة مهمة، أنت روح، أني أرجع بس أكملها. كلت الي كال عليه تميم. كال تيم: عجل أنتظرج، كملي وكوليلي أضل بالكوفي. تميم رفع حاجبه بمعنى لا. كلت: هاجر: لا، روح، يحتاجوك بالبيت، أني أخلي الخط يجيبني. قنعته كوة. سديته والتفتت حتى أطلع. كال: تميم: وين؟ هاجر: أروح أشوف البنات، أشعندي واكفة هينة. تميم: منو كال تبقين هنا؟ أني أوصلج. هاجر: ما يحتاج، أني أروح وحدي. تميم: أشديلي كرون أحسن. هاجر: ما عليك بيه أنت.

تميم: هاجر، كافي، طوختيها. طلعنا وشفت البنات صاروا يباوعون علينة. رحت يمهم. كلت: هاجر: هذول صديقاتي، هاي سارة، وهاي رزان، وهاي ريماس. تميم: تشرفت بيجن غلا. البنات: النه الشرف. سارة: شعجب جيت؟ تميم: هيج فجأة. يلا هاجر نروح. سارة: هاجر وين تروحين؟ هاجر: أروح مع تميم. سارة: وحدكم؟ تميم: لا تخافين، أوصلها، مو غير شي، هههههه. مشينا وصلنا للسيارة. ضليت فاكة حلكي. كال: تميم: سدي حلكج، لا تطب بي ذبانة. هاجر: أيييع!

تميم: تعالي يلا. هاجر: ما كدر أجي وياك. تميم: ما تثقين بيه؟ هاجر: مو هيج، بس نسيت أنت شنو سويت. تميم: جنت معصب، معليج. هاجر: وهسه؟ تميم: لأن غلطتي عليه. هاجر: ممم. تميم: ححح. هاجر: شني هاي؟ تميم: مو أنتِ كلتي ممم، وأني رديت بـ ححح، يعني مممححح. هاجر: أدبسزز! من تسويها بالمحادثة ما أبالي، بوسة، عبالي هيج تكولها. تميم غمز وكال: تميم: أعجبج؟ درت وجهي ضايجة. صعدت وياه بالـ...

طول عمري أحلم أصعد بسيارة شبح، مو ستنك، وتحقق حلمي. قاطع تفكيري كال: تميم: أعرفج تحبين الموستنك. أجيتج بيها، أحقق حلمج. ابتسمت. كال: تميم: استاهل بوسة لأن حققت حلمج. هاجر: أدبسزز! ما تصير لك جارة. تميم: تعالي صدك، ليش حاطة كل هال مكياج؟ إن شاء الله كل يوم تجين هيج. هاجر: أي. تميم: لا، حلو بعد. بله، هو شبقيتي؟ مخلية المكياج كله بوجهج. هاجر: ترا بس حمرة ومسكارة وأيلاينر. تميم: هو شبقة؟ هاجر: بعد فونديشن وأيشادو...

اجيت أكمل، قاطعني كال: تميم: على أساس أعرفهن. وين أحسن مرطبات عدكم؟ هاجر: ليش؟ تميم: نروح الها، ليش يعني؟ هاجر: أنت كلت توصلني، مو نروح مرطبات. تميم: أي صح، بس هسه أجه بالي، لأن أريد نضل سوا. هاجر: ما أكدر، تخيل أحد يشوفنه. تميم: محد يشوفنه. يلا كولي. هاجر: ما أعرف. جذبت، أعرف، بس أريد ياخذني لبيت عمتي. طلع تلفونه، اتصل، معرف على منو. بعدها كال: تميم: حيدوري، أريد مرطبات تكون طيبة...

دز الوكيشن. صار يباوع بالتلفون، وبعدها حرك. كلت: هاجر: فدوة، رجعني لبيت عمتي. تميم: اشششش. صار يشغل بالمسجل، بعدها شبك تلفونه، وصار يقلب بي وهو يسوق. يباوع هينه وهينه. بعدها طلع أغنية رومانسية وصار يغني. صوته غير، يشك شك، بي بحة وصدى، جان كلش حلو، بحيث نسيت كل شي، ومركزة بصوته. كال: تميم: هيج صوتي حلو؟ هاجر: يخبل. تميم: غني أشوف صوتج. غنيت وياه. كال: تميم: أححح، طلع صوتج يشك شك. ابتسمت. وصلنا، كلت: هاجر: خلي ننزل.

تميم: على شنو؟ ناكل بالسيارة. هاجر: ننزل، أطيب. تميم: كلت هنا، كافي نقاش. كال: تميم: شنو تردين؟ هاجر: ولا شي. تميم: طنكرت أحجي. هاجر: كلت ولا شي. تميم: مو مال أسأل، أجيب بكيفي أحسن. نزل وعافني. فلا آكل، ليش مارضاني؟ شوية واجه كال: تميم: تريد تنزل؟ محد اكو، كلها شباب ام راس. هاجر: لا رد. تميم: لسانج أكله البزون. هاجر: رجعني. تميم: اخذي اكلي. هاجر: كلتلك ماريد شي. تميم: ليش تعصبيني؟ ها ترتاحين من تضوجيني؟ هاجر: أي.

تميم: هاجر، أنت وياي، يعني مو جان نحجي من التلفون؟ انتبهي. هاجر: وشنو يعني؟ تضربني؟ أكسر إيدك. سحبني علي، ولزم فكي وكال: تميم: يعني تكونين حذرة بكل كلمة تكولينها. أنتِ يمي، ومو مسؤول على شي أني. هاجر: وخر، إذا راح تضل هيج، أحلم أبقى وياك. تميم: لأن بكيفج. هاجر: أي بكيفي، ومثل ما عفتك مرة، أعوفك ألف مرة، أهم شي كرامتي. تميم: بل حب، كرامة المرة من رجلها، فهمتي؟ هاجر: وخر. تميم: صوتج، لا أخفي. هاجر: بعد عندي.

عافني، واني فتحت باب السيارة ونزلت، أوكف تكسي. عصب ونزل، لزم إيدي وكال: تميم: صعدي، أحسلج. هاجر: عوفني، ترا ألم الدنيا عليك، وأكوللهم يتحرش بيه. تميم: أي كولي، يلا! هاجر: عوفني، كلت. سحبني من إيدي وصعدني، وسد الباب قوي. لزمت أذاني. بعدها صعد ولزم إيدي. كلت: هاجر: عوفني، ما أنزل. تميم: ما أصدك. هاجر: رجعني، يلا. تميم: اكلي وأرجعج. هاجر: ماريد، مو كوة. تميم: كوة، يلا حبيبي، اكلي.

أخذتها وبديت آكل. كملنا، وهو حرك السيارة، وهم يطلع أغاني. كال: تميم: ماتلزمين إيدي وتصورين؟ لو مانعجب؟ هاجر: ماريد. تميم: أي عيني، مانعجب، بس تيم يعجب. هاجر: وتالي وياك؟ ضحك وكال: تميم: يلمسودة، أحبج. ابتسمت، وتذكرت ضايجة، عبست. كال: تميم: ماكو بعد ضحكتي. هاجر: عوفني، ما أصالحك. تميم: تصالحيني بعدين. هاجر: وهيج يهون عليك تخليني زعلانة؟ تميم: لا طبعاً، أحبج، يا روحي، أموت عليج. هاجر: أني ما أحبك.

تميم: أعشق الكاع الي تمشين عليها. هاجر: ما أحبك. تميم: فدوة للضايجة، أسف يا عمري، عصبت، وأنتي أبد ما زودتيها. ضل يعتذر. وصلني، وبس نزلت من السيارة، شفت إلياس. خفت حيل. تميم حرك وراح، الظاهر ماشاف إلياس. إلياس قرب عليه وكال: إلياس: ويا منو صاعدة؟ احجي! هاجر: ......... ....................... انتهى البارت هل بارت أقصر، عذروني بنوتات، صوتوا، علقوا بين الفقرات، شنو رأيكم بل بارت وشنو تتوقعون يصير؟