رواية قسوة احفاد ال هتان الفصل الرابع والعشرون 24 - بقلم هاجر النعيمي

ثاني يوم هم اجوا، وبنفس اليوم بليل اجاهم الرفض. تعبت نفسيتي، حسيت ماكو أمل نرجع. ورجع تقدم للمرة الثالثة وهم رفض، والرابعة وهم رفض. لما رفضهم جدي للمرة الرابعة، ما عاد راسلني يومين. ما يرد أراسله، ماكو. كاعدين مسوين عصرونية، وجانت عمه أميرة عدنا مع إلياس وتيم، لارا ويارا وأسيل. ندق الباب، طلع تيم رجع كال: تيم: خالو اكو زلم يريدوك بالباب. علي: تعرفهم؟ تيم: أول مرة أشوفهم. حسيت اكو شي، روح شوفهم.

بابا طلع وطلع ويا جدي، وأني رحت من وره بابا للمطبخ أشوف منو. شفت تميم ويا رجال شويه جبير. دخلو يمي، كلبي فدوه لهالطول. دخلو للستقبال. ربع ساعة وصوتهم صار عالي بشكل. خرطت العافيه، ألف فكرة اجت براسي. رحنا نسمع عليهم. كلنا النسوان سمعت تميم يكول:

تميم: الي عندي كلته الكم، أريد الموافقة. بنتكم ما تروح لغيري، لو أعرف أقتلها وأقتل نفسي. أنا شاريها، انطوني ياها. عمي، أنت تريد مصلحة بنتك، مصلحتها وياي. أنا أحبها وهي تحبني، بعد أنت شفت كل شي. جدو: اطلعو برااااااا. متت خوف، شنو تحبني وأحبها؟ شنو أنت شفت كل شي؟ خفت حيل. ماكو دقائق وحسيت جدو دفعني، وكعت. صار يضربني وبابا ساكت. تيم معصب ويخزر بيه. إلياس بعد جدي وكال: إلياس: غير نفهم إيش عملت حتى هيجي تضربها؟

جدو: نزلت راسنا، هاي الكح*** تحكي مع أولاد والي. أربع مرات جا ورفضنه، هيا تحكي معاهم. عدها علاقة بيه. إلياس لزم إيدي وكومني وجابني براشدي. حسيت بالذل، أنا انضرب كدام الكل. كالت أسيل: أسيل: والله يا جدو حسيت من زمان عدها أحد، بس ما متأكده. نزلتي راسنا. الله يسود وجهج. ما أكدر أرد، المشكلة أحس كل شي يحجوه صح. ليش تميم؟ ليش تخليهم يضربوني؟

ما أنت كلت ما اسمح لأحد يمد إيده عليج. تعال شوف صرت ملطشة الهم. ليش كسرتني وكلتلهم؟ ليش كلتلهم؟ جان اكو ألف حل، بس ماهذا. أحس بالخذلان، والذل، والنقص، والرخص، وكل شي بشع أحس بيه. ماما بعدتهم عني وكالت: مروة: إذا هيا تحبه انطوها، خلي يزوجون. جدو: كله منكي أنتِ السبب، ما عرفتي تربيها. مروة: هو ما ضحك عليها، جا خطبها. انطوها. هو يريدها، أحسن ما يصير شي. استرو عليها، تبقى بنتكم. جدو: لو ما بنتنه جان ذبحتوها.

علي: لو يموت ما يشوف أظفرها، لو هسة هيا تموت ما أنطيها الو، لو يبقى آخر واحد. جدو: ماسمعت إيشون يهددني؟ أنا أتهدد؟ آخر عمري يجي عجي (زعطوط) يهددني. إلياس: تريدون نسد الفضيحة؟ أحس نفسي أرتكبت جريمة، رغم بس حجيت. ماسويت شي، ليش يكولون فضيحة؟ ليش أنا ما فضحتهم؟ بس حبيته. ذنبي إني حبيت شخص يستاهلني؟ لو ذنبي حجيت وياه؟ ربي أنت أعلم بحالي، خلي من نصيبي. جدو: أي، إيشون؟ عقلي ما يستوعب. إلياس: سهلة، أنا أزوجها وأستر عليها.

هنا تخبلت. آخر شي أتزوج إلياس؟ لو أموت. كلت هاجر: هاجر: والله لو تضل بس أنت ما أزوجك، ياحقير. إيشون تقبل بوحدة ما تريدك؟ إيشون تقبل بوحدة تحب غيرك؟ إيشون تقبل بوحدة قلبها وعقلها وكل شي يم غيرك؟ إيشوننننن؟ حسيت على راشدي من بابا، جانت أقوى وحدة من بين كل الضربات. أنا الي بعمره ما مد إيده عليه، هسه يضربني. كال: علي: تتزوجين إلياس؟ مبين طمعتوج كثير وصرتي وقحة ودبسزز وما عاد تستحين.

دموعي تنزل بغزارة. رحت للغرفة أبجي للحال الي وصلت له. وأسمع صوت أسيل تبجي وتتوسل إن يلغون هاي الفكرة، تكول: أسيل: خلي تيم يتزوجها. يونس بس لا إلياس. إلياس لا تكسرني حباب، الله يخليك لا تاخذها. أسمع توسلاتها وأبجي. أتمنى يقتنعون منها. أول مرة ما أتشمت بيها. وين أروح؟ وين أولّي؟ شنو أسوي؟ ياربي ما لي غيرك. ياربي امنع هل عرس. ماريد إلياس، والله أنتحر وما آخذه.

تعبت. عشت أسبوع تعيس، محد يحجي وياي. وحدي بالغرفة. عشت منبوذة بوسط أهلي. تعبي يوم بعد يوم يزيد. كم مرة أسمع إيلا ورسل وره الباب يبجون ويدعولي. أحجي وياهم من وره الباب. الطلعة صارت محرمة عليه، من الغرفة للحمام فقط. بابا ماشفتو أبد. كسرني بضربته الي أحس سجينا مو راشدي. لحد هسه أحس بوجعه. طلعت من صفنتي، لأن صوت المفاتيح مال باب. فات بابا. ما كدرت أحط عيني بعيونه. ما جنت أتمنى يصير هيجي. كعد يمي كال:

علي: أنا ما أستاهل الي سويتيه بيه. نظراتهم عليه، عبالك ما عرفت أربي. كسرتيني، كسرتي ثقتي. صاروا يشمتون بيه ويكولولي هاي الي رافع راسك وتحجي بيها، تحكي مع شباب ومصاحبة. ما أقدر أسكت أحد بيهم. كلتلهم حجيهم صحيح. جنت أفوت بنص عيونهم إذا حجو عنج، هسه هما يفوتون بعيوني. ليش؟ سكتت، ما أقدر أرد. شنو أحجي؟ مجرد دموع. دموعي. رفع راسي وكال:

علي: دموعج تأذيني، دموعج تشعل قلبي. أنتِ عزيزتي، ما أتمنى أشوف عزيزتي بعيونها دموع. آسف لأن ضربتج، بس حالة عصبية. قدري وضعي. عيوني بعيونه، وعيونه مليانة دموع. رجع كال: علي: ما أريد زواجج من إلياس، بس هذا الحل حتى الولد ينساج. هو ما من ثوبنه. أخلي إلياس يخطبج فترة وأخلي يطلقج، بس عما هذاك الولد ينسى.

هاجر: أنا ما عار عليكم. ما فضحتوكم. اقتلوني. خلصوا من عاري، اقتلني حتى لا أحد يحجي عليك. ما جنت أتمنى أخلي أحد يحجي عليك. جنت أتمنى يحجون عليك بتربيتك الحلوة. أنا السبب، يحجون عليك بسببي. أنت ربيتني ودللتني وعلمتني، أنت السبب بوصولي لهنا، وأني جازيتك وخليتهم يحجون عليك. آسفة، ما قصدي هذا الشي. جان همي أتانّس. معرف إيشون صرت أحب... سكتت، استحيت أكملها. كال: علي: تحبي؟ هزيت راسي بـ أي. كال:

علي: ما يرهملج، أنتِ سنية، هو شيعي. أبو واصل بالوزارة وإحنا لا. بنتي إذا أخذتي تتعبين. أي شي يصير معاج، غير إنو هما من غير محافظة، ما أقدر آمن عليج يمهم، خصوصاً ما نعرفهم. هاجر: خلي خالي يسأل عنهم، بابا هو نيته زينة. حتى خلاني أتعرف على أخته وأمه وكرايبه. علي: ما أقدر أوديج للتهلكة. حضنته وبست راسه وإيده، وكلت: هاجر: الي تشوفه مناسب سوي. قابلة بكل شي. باسني وكام طلع. شويه واجت ماما كالت: مروة: ليش قبلتي؟

بس فهميني، إيشون تقبلين بإلياس؟ هاجر: كلام بابا تعبني، خلاني ما أريد شي غير رضاه. مروة: كل شي ينحل، حتى لو ما تزوجتي هذاك. المهم ما تتزوجين إلياس. هاجر: بابا كلج؟ مروة: سمعت أبوج وجدج يحجون ويكولون يومين ويجيب الشيخ ويعقدون. هاجر ارفضي، حبابة لا تقبلين. ليش إلياس؟ ياربي. ضلت تحجي معاي علمود أرفض، بس ما عندي سبب أرفض. ما أريد، بس مجبورة. السبب كلام بابا. أحس بكلامه كسر قلبي، صحاني، بس بعدني أريد تميم. ثاني

يوم اجت إيلا ركض كالت: إيلا: ماكو وقت. اسمعي زين، تميم راسلني وكال، هسه ما ردوا خبر يفكرون. الظاهر ما يعرف راح يعقد عليج إلياس. هاجر راسلي، أكيد هو يمنع هذا العقد. تميم يريدج بس صابر لأن ماكو رد. وعبالهم نفكر. هسه تتصلين بي وتكليليه كل شي بمختصر. هاجر ماكو وقت. أخاف أحد يجي. كتلهم أروح حمام. أخذت التلفون وأرجف. اتصلنا، رد. كلت: هاجر: تميم. وبجيت. ما تحملت. كال:

تميم: اخخخ، فدوه أروح لهل صوت. كم يوم وأنتي يمي، لا تخافين. أبوي كال باجر يردون خبر بالليل. هاجر: باجر العصر راح يعقد عليه إلياس. تميم: شـ شنوووو؟ شتحجين؟

هاجر: فدوه اسمعني، ماكو وقت. لازم أفهمك بمختصر. كالوا لكم هشكل حتى تسكتون شويه. وباجر بليل أكون مرة إلياس، وأكيد يرفضون، لأن ما راح تكدر تسوي شي. تميم، إذا تريدني وتحبني، تلكي حل هل يوم. لأن باجر أنا ما أقدر أكون مرتج حتى بحلمنا. خلصني من إلياس. فدوه، ما أقدر أتزوج واحد غيرك. سده بوجهي. لا هو الي انطاني أمل، ولا هو الي رفض. سكت وبس. ياربي شنو راح يصير؟ كلت هاجر: هاجر: أحس الي سويتوه غلط.

إيلا: بالعكس صح. لا تفكرين كثير، ارتاحي. هو فهم، لو يحبج راح يمنع الزواج. كملت كلامها وطلعت بسرعة، لأن ممنوع أحد يجي يمي. جنت ألوّب، أريد أعرف تيم شبي، من يوم الحادثة وما عرف عنه شي. ليش عافني بهل شكل؟ إيشون قبل أتزوج إلياس؟ طيب وعمر! إيشون قبل؟ التفكير هلكني، تعبني فوق تعبي. بعد ساعة صارت أصوات عالية، بعدها إجه جدي وإلياس. جدي كال: جدو: هذا الك*** مالج بالستقبال، من وره الباب تكولين ما أريدك وما أحبك. جنت أضحك عليج.

سكتت، لأن مستحيل أكول هيجي شي. تقدم إلياس وحط سلاحه براسي وكال: إلياس: لو تكونين إلي، لو ما تكونين لاحد. خفت من الموت. ما أريد أموت. جذب لما أكول أريد أنتحر، بس حجي ما أنفذ. طلعنا. ولاول مرة بعد مرور أسبوع وكم يوم أشوف الكل. أسيل حالتها تكسر القلب. جانت نظراتها إلي: وافقي على الي تحبيه، وعوفي إلياس. إلياس سحب أقسام وحطه براسي. همس إلياس: إلياس: تكولين نفس ما كال جدو.

هزيت راسي. معرف منو وره الباب سئلني إذا أريد تميم أو لا. كلت وصوتي يرجف وبي بحة: هاجر: لا، ما أريده، ما أحبه. سمعت صياح تميم يكول: تميم: جذبببببببب، والله جذببببب. أكص إيدي منا إذا مو هسه مهدديها. شيخ، تريدني؟ والله تحبني، بس هما يهددوها. ما يصير شي بالتهديد، مو صح؟ مدري الشيخ شكال. بعدها وجه الكلام إلي وكال: شيخ: متأكدة أنتِ ما تريديه ولا تحبيه؟ لو أنتِ تحت التهديد؟ همس بأذني كال:

إلياس: كولي أي، أنا ما أريده. محد هددني. هاجر: أي، أنا ما أريده، محد هددني. أحجي من كيفي. تميم: جذببببب، شيخ، والله جذبببببي. أحلفلك هسه هما مهدديها. خلي تحلف على القرآن ما تريدني، ساعتها أروح. والله وأعوفكم. فرحت إنو هو مو صدك رافض. كلامهم الشيخ كال: خلي البنية تلبس وتجي. إلياس: تحلفين، وأنا أطلع كفارة عنج. إذا كلتي أريدو، أقتالج. هزيت راسي. لبست عباية وطلعت. جان بس الشيخ وبابا وعمامي. جان القرآن على التخم.

تقدمت كال: الشيخ: تحلفين محد مهددج، وأنتِ ما تريديه؟ هزيت راسي. بس شفت القرآن بجيت. كلت: هاجر: إلياس حط المسدس براسي ويكلي إذا توافقين أقتالج. أسمع عياط تميم وهو يكول: تميم: مو كتلكم أكبر جذابين. الشيخ: يعني تريدين تميم؟ هاجر: أي، وإلياس هددني، وهسه يكلي إذا وافقتي من تطلعين أقتالج. عمامي وبابا وجدي وكفوا على حيلهم. طلعني الشيخ وكال محد يطلع وراها. دخلو تميم والي وياه. كال تميم بصوته الرجولي الي هزني هز:

تميم: عمي، أنا رايد بنتك على سنة الله ورسوله. وشكد تطلبون حاضرين. شنو تريدون يجرالكم، المهم أتزوجها. عمي، أنت أكيد تريد مصلحتها. مصلحتها تتزوجني. ثق بيه، راح أسعدها وما أخلي أحد يمسها بكلمة. عمي، موافقتك هيا راح تسعدني وتسعد بنتك. وأنا ما أكله مثلها، وأنت اكتب شنو تريد، وأنا موافق، حتى لو جان أشتري بيت وأعيش يمكم. علي: باجر نرد الخبر. تميم: خايف منكم. علي: بس نفكر، وهاي شواربي. تميم: هاي هيا.

طلعو، وأني رحت للغرفة ركض. اندفر الباب وفات إلياس وجدو. إلياس مبين متحلفلي. ضربني راشدي واجه يكمل، بس صوت بابا الي وقفه كال: علي: الي يمد إيده أكسره. راح يم إلياس وضربو راشدي وكال: علي: هذا رد للراشدي الي ضربتها. هو هسه. فرحت ودموعي نزلت. طلعو واجه يمي. واجت ماما. كال: علي: تريدين تميم؟ هزيت راسي بـ أي. ضحك وكال: علي: هذوا، باجر أرد خبر. موافقين، خلي يجيب مشيه.

ثاني يوم ردو خبر الهم، على أساس وراها بيوم المشية والعقد وحفلة. بس جدي تعب بسبب بابا، لأن وافق. أطرينه نسويها بسيطة. لبست فستان بسيط. جان لونه أبيض. اجت عمه مريم وبيت عمو تامر. بيت عمو ثامر عدهم عزيمة. بيت أهل جنات ما اجو. جنت أنتظر عمه أميرة تجي، بس ما اجت. ضجت لأن ما اجت وحزت بخاطري.

كاعدين وكالوا السيد راح يعقدلكم. رحت وره الباب وكعدت على الكرسي. حطيت رجلي بماي، معرف شنو بداخله، وبيدي قرآن. بهل أثناء دخلت عمه أميرة. اجت سلمت عليه، بس جان وجها ثقيل، بعكس أسيل الي طايرة فرح. أعرف مو علمودي، بس لأن خلصت مني، وما راح يحطوني ويا إلياس. السيد بدأ يحجي، وبعدها طلب موافقتي. وافقت، وطلب موافقت تميم هم وافق. كمل، واسمع تميم يهلهل. صرت أضحك. علي والكل مبتسمين، وصرت زوجة تميم.

كالو راح يفوت يلبسني. مجان اكو أحد من كرايبهم غير أمير وزهراء. بس الزلم كلهم اجو. بس نسوان أمه وخواته وبيبيته وزهراء. دخل. جنت منزلة راسي. رفعت راسي أشوفه. جنت أتمنى هاي اللحظة، وهسه صارت. وكف يمي، كال: تميم: صرتي إلي، بعد. ابتسمت. رجع كال: تميم: محظوظ لأن أخذتج. أحبج ياقيطان كلبي. أخذ إيدي وباسها، وباس راسي وخدي. صرت حمرة ومستحية، لأن كلهم يدحكون علينه. بعدها كال: تميم: جيبي إيدج. هاجر: ليش؟

تميم: أروح البس أبوي الحلقة. أحسن. ابتسمت ورفعت إيدي الي ترجف. لزم إيدي ولبسني الحلقة الي انصدمت منها. جانت ماس. ما توقعت. كلت: هاجر: ماس مو غالي. تميم: كل شي يمج يصير رخيص. رجعت ابتسمت. ناده أمه. مدري شحجو. وكالت: ماسة: عيني مروة، خلي يروحون للغرفة يحجون. أمي وافقت. ورحنا للغرفة. دخلت، وهو دخل وراي. سد الباب، وكف وره الباب. تنفس براحة، واجه يمي. لزم إيدي، باسها، وباس خدي. كال:

تميم: من سنة وأنا أتمنى هاي اللحظة، وهسه تحققت، بس بتعب. ما أخذتج بالسهل، جبتج بالصعبة. ما جنت أعرف شون أحجي. كال: تميم: أبوچ عباله يكسر ظهري بالمهر. ما يدري. الفلوس نلعب بيها، إذا نمل. هاجر: طلب هشكل حتى أنت بلكي تتراجع. تميم: لو أعرف أبيع كليتي وأخطبج. المهم تصيرين إلي. وهسه أنتِ إلي. ابتسمت. تقرب يمي كال: تميم: حمرتج حلوة، تشهي. هاجر بغباء: أحط لك؟ تميم: أنا أحط لي. تعالي.

طبع شفايفه على شفايفي. رجفت. بيد لزم خصري، وبيد الثانية لزم راسي. توجعت وضربته بخفة على راسه. بعد وكال: تميم: شبيج؟ هاجر: أذيتني. تميم: آسف. تعالي. رجع طبع شفايفه على شفايفي، بس بحب ورومانسية. اختنكت، أريد أتنفس. انتبه بعد وكال: تميم: أنا بدون ما تتفاعلين أفوّل، نوب تتفاعلين. خجلت. امداني شبيه تفاعلت. عاف شفايفي ونزل على ركبتي. بقة يشم. بعدها غض شفتي. توجعت. كلت: هاجر: شبيك؟ ليش تعضني؟ توجعني.

تميم: ترا ما أذيتج، بس أنتِ ترفة، بسرعة تتوجعين. هاجر: والله وجعتني. تميم: آسف، ما أعيدها. باس مكان العضة.ندق الباب. كال بنزعاج: تميم: منوو؟ ملاك: أنا. أطلع. راح نروح. تميم: مشغول. روحي وتعالي بعدين. ملاك: بيبي تكول ماشبع. خلي يجي. تميم: ليش أنتو تخلون واحد يتهنى؟ ملاك: أنا معليه. تميم: هسه أجي. كمل كلامه ورجع طبع شفايفه على شفايفي. شويه وعافني. كال: تميم: هاي طاقة تكفيني كم يوم. ردت أطلع. كال:

تميم: عدلي مكياجج أول شي. رحت للمراية، شفت الحمرة خربانة. وكف يمي كال: تميم: خرب شفايفي صارت حمر. هسه أصير مضحكة للولد. هاجر: أنطيك كلينس. أنطيته كلينس، واني أخذت عدلته. وهو مسح شفايفه وطلعنا. راوية: شبيك؟ رحت وياها وما طلعت؟ شيحجون علينه هسه؟ تميم: ما يحجون. لو مو أنتو جان هسه أبات يمهم. راوية: أي، بعد أفضحنا. تميم: شبيج بيبي، غير نتونس. راوية: ادبسزز، مو بيدك. تميم: نتعلم منكم. راوية: شحجي وياك هسه؟ يلا كوم نروح.

راحو، وأني رحت أسبح ونمت. كعدت الصبح فرحانة. اتريكنا، كملنا. بابا رجع تلفوني. راسلت البنات وحجيتلهن شصار. بل بداية خافن، بس من خطبني لا ارتاحن. راسلت بنات خالاتي، حجيتلهن وفرحن. طلعت ماما جانت تحجي ويا خالاتي اتصال جماعي كامرة. وكالتلهم: هاجر انخطبت وما عزمتكم. صارت بسرعة. بابا سوى عزيمة علمود خطوبتي. اجو عمامي وعماتي. جانو الكل فرحانين، بس عمه أميرة وجدو وإلياس ما عاجبهم الوضع. تيم وعمر تقبلوا الوضع، لأن يسعدني.

كلت: هاجر: عمر كوم جيب ناريمان. عمر: حضري ملابسج، أسبوع الجاي عرسي. هاجر: عزهههههه، صدككككك؟ عمر: أي، راح أصير عريس. هاجر: وأحلى عريس. قاطع حجينه صوت عمه أميرة وهيا تكول: أميرة: بهاي المناسبة جيت أطلب إيد إيلا لتيم. كلنا ابتسمنا، بس إيلا خجلت وطلعت. كالت: مريم: وين ألكي أحسن من تيم؟ طلعت تخابر زوجها وتكوله. لأن عمه أميرة كالتله. تريد الجواب هسه. شويه واجت عمه مريم فرحانة: مريم: إيلا، أنتِ موافقة؟

إيلا هزت راسها، وبلشت الهلاهل. يوسف جاب تلفوني. شفت المتصل تميم. ابتسمت ورديت كدام الكل. اللحظة الي أتمناها أرد وكدام الكل، وصارت. كلت: هاجر: هلا حبيبي. الكل انتبه عليه، لأن حجيت بصوت عالي. كال: تميم: انعل أبو حبيبج، لا جذب. آسف. محمد. محمد: ابن القندرة مو عليه. تميم: مو كتلك آسف. نرجع للج. حبيبي، شلونج؟ هاجر: الحمد لله. وأنت؟ تميم: هسه صرت بخير.... انجب حيوان. هاجر: هاي شبيك؟ تميم: أمير وأحمد يقلدون علي. ولد النعال.

أمير: إذا ما أكول لأبوي يش *****. تميم: ما تروح أنت وأبوك... هلا عمي. هلا تاج راسي. فدوه الك شكد أحبك، بس هذا ابنك قندرة، أقصد ولدك. أدريان: اليوم البارحة قنادر. واسمع أنواع الضحك، وتميم متشمت بيهم ويضحك عليهم. كلش حبيت الوضع. حجيت شويه وراح، لأن بيت عمهم مو بيتهم. سوالف وضحك. كمت أروح أحط تلفوني على الشحن، لأن ما بي. خليته وجيت أطلع. طب إلياس وسد الباب وكال: إلياس: فرحانة؟ هاجر: كلش. إلياس: فرحتي لأن كسرتيني.

هاجر: جنت يمك، بس أنت ما قدرت النعمة الي جانت بيدك. إلياس: ندمان بكد شعر راسي. هاجر: أبد ماينفع. ماراح أنسى الوجع الي سببته الي، ولا راح أنسى كلامكم الجارح، ولا أنسى لما حطيت المسدس تريد تقتلني علمود لا أقبل بغيرك. ليش أناني؟ أنت ما جنت هشكل. جنت إنسان ينحلف بي. ليش رحت للغلط؟ ليش تغيرت؟ إلياس: ما أعرف، بس الي أعرفه أريدج. هاجر، أحبج، والله. ما أقدر أشوفج مع غيري. هاجر: راح تشوفني مع غيرك، وكثير هم.

إلياس: افسخي الخطوبة واخطبج. شنو تريدين أجيب لج؟ هاجر: أنا أريد إنسان يحبني، يحترمني، يقدرني، ما يخوني. ضليت ويا سنة، ماسمعت منه كلمة مو حلوة. بعكس لما جنت وياك تسمعني حجي وأسكت، لأن أحبك. بس حبي لك ما غزر بيك. من أول مشكلة، ألكاك خاطب، ومنو أقرب وحدة إلي؟ إلياس: غلطت وندمان، والله. هاجر: ندمك ما ينفع. إلياس: أنصحج فسخي الخطوبة. ماعرف إيشو ممكن يطلع معاي. هاجر: شنو يطلع بله؟

تقرب يمي. أنا رجعت لورا. صرت يم الجرباية. دفعني، وكعت على الجرباية وصار فوكي. لعبة نفسي أدفع بي، ما يكوم. كلت: هاجر: كوم، لا أصيح. كوم. بعد عني. شبيكككك؟ إلياس: لو تكونين إلي، لو ما لأحد. نزعني الشال وصار يشم بركبتي. أجيت أتقيأ. لعبة نفسي وانقطع النفس مني. أريد بس يوخر. ماكو. أدفع بي، بس هو أقوى. ما كدرت. مادري منو فتح الباب وصار يدفع بإلياس. بعدها سمعت: إيلا: كومم، لا تفضحنه. إلياس شسوي؟ تخبلت.

دفعها إلياس بقوة، وكعت وصارت تتلوى. دفعته بقوة، وكع، وأني قمت عليها. أريد أكومها، ولزم إيدي. كال: إلياس: هذا ما تعب بيج، ما يستاهلج. أنا تعبت. هاجر: أنت خبل، والله خبل. عوفني. حرام عليكم. ما تشبع أنت؟ ما مزوج؟ إيش تريد مني بعد؟ عوفني. على صوتنه إجه عمر وتيم. عمر يريد حجة على إلياس، وتيم هم. وصاروا يضربوه، وطلعوا. تيم اعتذر وطلع خجلان. ما جنت أتمنى يجي واحد منهم. كاعدين وأني أبجي، وإيلا تهديني. كلت:

هاجر: المفروض تميم بس الي يلمسني، مو غيره. أنا مرته. ولمسني هذا النذل. أحس نفسي وصخة. لج، هاي ثاني مرة يريد يعتدي علي. مو كافي؟ إيلا: شنووو؟ ثاني مرة؟ شنو؟ هاجر: أي، يوم الي رحتو تجهزون وبقيت وحدي. أجه وجان سكران، بس الله نقذني. طبت عمه أميرة لغرفتي كالت: أميرة: هاجر، أريد أحجي معاج موضوع. إيلا: عجل، أنا أروح. أميرة: خليج، ما غريبة. هزت راسها وكعدت. اجت يمي وكالت: أميرة: خطيبج بـ إيش أحسن من إلياس؟

أنصدمت منها، وضحكت على حجيها. رجعت كالت: أميرة: ابني ما يستاهل الي تسوي بي. ليش تنخطبين؟ ليش ابني يريدج يتعذب على فراكج؟ إيشون يشوفج بحضن واحد غيره؟ ليش ما تحسين بي؟ هاجر: عمه، أنتِ شتحجين؟ نسيتي ابنك شنو سوى بيه؟ هو الي عافني. هو راح خطب غيري لما جنت حبيته. فضل أسيل عليه. وتكولين يستاهلج؟ وبإيش تميم أحسن؟ عمه، ماكو مقارنة بين تميم وابنج. أميرة: تميم ما يستاهلج. ما جا وتوسل بيج، ولا تعب علمودج.

هاجر: كلكم تعرفون عندي علاقة بي من زمان. تميم من سنة مرتبطة بي. عشنا أيام سوه. جنت ويا رغم ما أحبه، بس بعدين حبيته. عوضني عن كل شي. سواني إنسانة تستحق الحب، بعد ما ابنك سواني إنسانة مذلولة تستحق الكره والحقد. أميرة: من أسيل مو؟ منو؟ هاجر: ابنك الي خلاني بلا قلب. ابنك كسرني بالوقت الي لازم يحافظ علي بي. كسرني، وجا تميم الي صلح كسري. أجه خلاني أحب نفسي وأثق بيها، بعد ما انعدمت ثقتي بنفسي. والفضل لابنك. وتكليلي يستاهلج؟

أميرة: يستاهلج. ابني بسببج يرجع بليل سكران. كل يوم مشكلة مع أسيل، كل يوم مشكلة مع أبو. إيمتا يرتاح؟ هاجر: هاي حوبتي ودعواتي عليهم بلشت تطلع. بعد سنتين، بعد سنتين شفتهم وشفت حالتهم الي وصلولها. شفت انكسار أسيل أكثر من مرة، والسبب أنا، لأن راح يزوجوني لزوجها. شفت انكسار إلياس من راح يزوجوني غيره. من رحت من إيده.

أميرة: ابني يحبج. ما يستاهل. صيرو أنتِ وأسيل سوة، ميخالف. صيرو ضراير، المهم ابني يرجع نفس قبل. ابني عد خسرو. يوم بعد يوم. هاجر: هههه، تشاقين صح؟ أميرة: إذا ما عفتي خطيبج ورجعتي لابني، لساني ما يطخ بلسانج، ولا تجين عندي أبد، ولا أنا أجي. هاجر بصدمة: عمه، شبيج؟ أميرة: الي عندي كلته. ما أريد أخسر ابني علمودج. هاجر بدموع: أي صح، لأن ابنك ما تريدين تخسرين. بس عادي إذا خسرتي بنت أخوج؟ عادي إذا كسرتوها؟ عادي إذا لعبتو بيها؟

عادي إذا ابنك حاول يعتدي علي مرتين؟ عاد..... قاطعتني: أميرة: شنو؟ هاجر: أي، ابنك مرتين يحاول يعتدي علي. أول مرة كدرت أخلص نفسي، لأن سكران وما يعرف شنو يسوي، وما يكدر يسيطر على نفسو. بالمرة الثانية إيلا وعمر وتيم لحكوني. بالمرة الثالثة، منو يلحقني؟ منو يخلصني من ابنك؟ أناني يريد نفسو وبس. طماع، يريدني ويريد أسيل. يحبني ويحبها بنفس الوقت. ما يكدر لا على غيابي ولا على غيابها. أميرة: هيا توافق. أنا أقنعها توافق بيج.

هاجر: من كل عقلك؟ أعوف الشخص الي عوضني عن الدنيا كلها؟ أميرة: يعني تعوفيني وما تعوفي؟ هاجر: ما تتقارنون. أنتِ عمتي، وهو خطيبي. أميرة: خليج معاي. بس هاجر، لساني ما يطخ لساني لحد ما أموت. عافتنه وطلعت. انداريت على إيلا بعيوني الي مدمعة. كلت: هاجر: كلت الدنيا فرحتلي، الدنيا راح تعوضني. تجي عمه تريد تبدي مصلحة ابنها على مصلحتي؟ ليش؟

لأن طماع وأنانى. كسرني ويريدني، ولما جنت معاه، يرزلني ويغلط علي. وأني صغيرة أخاف أحجي عليه لا يسويلي شي، لأن جان يضرب كل واحد يرفض له طلب. إيلا: اهدئي. شبيج؟ هاجر: اهدئ شلون؟ جنت يمه، ما يعبرني. من عفته صار يريدني. ليش هل أنانية؟ أريد أفهم. إيلا: عمه تزعل فترة وترجع ترضى. ما عليج بيها. ............................. انتهى البارت