رواية قسوة احفاد ال هتان الفصل الرابع والأربعون 44 - بقلم هاجر النعيمي

«ملاك» أبوي صدمنا من كال محمد: حيوان! راجع البيت سكران! تميم: مو سكران. محمد: وهايي ريحتكككك شنوووو؟ تميم: لا تلح، كتلك مو سكران. محمد: امشيييي منننن كداميييي! خذييي للعار! الرامي لزمت تميم لأن ما يكدر يمشي. صعد غرفته وصار يكسر بأغراضه. كلنا خفنا عليه، وأمي تتوسل حتى يفتح الباب، وهو مستمر. بعدها ماسمعنا صوته. رأكان وأركان قرروا يكسرون الباب. كسروا ودخلنا، جان متقيئ شي أسود ومغمي عليه، وأكو دم بالكاع، بس ماندري منين.

أخذنا للمستشفى، بقينا ننتظر يطلع الدكتور. ياربي كون ما يصير بي شي، هذا أخوي الوحيد، ربي احفظه النا. طلع الدكتور، طمنا على حالته، مابي شي. طلعنا على البيت، وليل كله أمي يمه لأن حرارته مرتفعة، يهلوس ويتوسل بأمي ترجع هاجر، وشويه يفشر عليها، وبعدين يرجع يتوسل حتى ترجع. عجزت افسر حالته. ثاني يوم جدو جاب شيخ، نفس الي أخذ تميم عليه، وبقه يشرح حالته. كال الشيخ:

الشيخ: ابنكم مسحور، وهذا السحر كلتلكم ما يروح لأن بمعدته. لو مدفون ممكن يطلع، بس مطعم صعب. لازم تنتبهون اله، ولا تخلو يزعل. كل ما يزعل راح يتمرض ويوكع عليكم. قاطعه جدو وكال: هَتان: يعني شلون مانزعله؟ لازم يزعل، وخاصة هسه حياته مو مستقرة. الشيخ: هذا الي رجع حالته للاسوء، وهذا الي خله يرجع لنقطة الصفر، رجع عبالك مو معالج. وكل علاجنا راح. أعتقد جان عدكم واحد ثاني هم نفسه؟ هَتان: أي. الشيخ: بس هذا ما صار له شي؟

هَتان: من يوم الي عالجتهم، سوه ما صار بي شي. الشيخ: وهذا دليل على إنو ما عنده ضغوطات ومرتاح. ربي يديم هاي الراحة. وأهم شي تخلون الولد يرتاح. شنو يريد جيبوله، بس هاي الفترة على الأقل. هَتان: شكراً الك، ما قصرت. طلع جدو يوصله. رجع كال: هَتان: هسه تروحن تجيبن مرته. ماسه: مو راضية ترجع. هَتان: مو بكيفها. مو مستعد أخسر حفيدي لخاطره. ماسه: من يصحى هو يحلها وياها. هَتان: كلت ترجعوها، فهمتن؟ رشا: وشنو يعني ترجع غصب؟

هَتان: أي. رشا: حرام عليكم، تحملت كل شي منه، وهسه تريدون تغصبوها ترجع حتى ما يتأذى ابنكم، وهيا إذا تتأذى عادي. هَتان: وانتي هيج مو هامج حياة أخوج؟ رشا: طبعاً تهمني، بس تميم غلطان، هيا حامل شلون يضربها؟ وفوكها علمود حوراء الي كل ما تجي تسوي مشاكل بينهم. حوراء: معليه، والله بدون قصد تصير المشاكل. رشا: هيا كالتلج جوزي عني، ليش تخليها تسوي شي؟ تندمج علي. هَتان: رشاااا! رشا: ما يعجبكم الي يحجي الحق.

قامت وراحت للغرفة مالتي. بقوا يتناقشون علمود يرجعوها. هاجر أمي خابرتها ورفضت ترجع للمرة الثانية. ورغم أمي كالتلها مريض، وهيا ما اهتمت. حسيت ما عاد تحبه. هيج صارت هاجر ما تهتم ل تميم. مرت يومين، تميم حالته تتراجع ويضل يتقيئ هذا الأسود. ويجي الشيخ يقرأ على راسه ويروح. بعدها مر يومين ثانية، وتميم حالته من سوء إلى أسوأ. بطل ياكل. تكول زعطوط. أخذت الأكل إله. وكفت يم الباب أسمعه يحجي ويا أمي. يكول:

تميم: أريدها، رجعيها. يهون عليج ابنج متعذب؟ ماسه: ما ترضى، شنو اسوي؟ يا يمه. تميم: أني أريدها، أريدها. ماسه: أجيبها الك، والله بس تحتاج وقت، اصبري يا روحي. تميم: ل يمتا أضل أصبر؟ تعبت، ما عاد عندي طاقة أو صبر. ماسه: ميخالف حبيبي، الله يختبرك. تميم: بس مو يختبرني براحتي، يمه. هيا راحتي، هيا كل حياتي. شلون أعيش بدونها؟ ما أكدر والله. أحس صار لي سنة ماشفتها. ماسه: حاجيها. تميم: أخاف ترفض ترجع واعصب عليها وأجبرها ترجع.

ماسه: جدك يريد يجيبها حتى لو غصب عنها. احجي ويا. يعوفها، هيا تجي وحدها، بس تحتاج ترتاح. تميم: راح يصير أسبوعين، بعد شكد تريد ترتاح؟ ماسه: ميخالف. تميم: رچيچَة كلوبنة وطاريك يرد الحِيل. ماسه: أدري تعبان، بس اصبر، وما بعد الضيق إلا الفرج. تميم: هو هيج. دكيت الباب ودخلت مبتسمه. رد الابتسامة الي. كلت: ملاك: شنو هاي؟ متحسن اليوم؟ يلا عيني شو مغلس. كوم طلعني. تميم: تدللين، كم ملاك عندي. ملاك: أبوسك.

رحت يمه، خليت الأكل ورحت بسته. كال: تميم: مو جوعان والله. ملاك: تاكل. تميم: مو جوعان والله. دخلت رشا وكالت: رشا: لخاطري. تميم: خاطرج جبير، بس ما أشتهي. رشا: خوش لعد، أني هم ما آكل. ملاك: أي واني هم. تميم: شعليجن بيه؟ أني ما أشتهي، بس انتن شكو حتى ما تتلكلن؟ رشا: ما نشتهي، صح ملاك. ملاك: أي صح. تميم: تصرفاتجن مال زعاطيط. ملاك: ديلا، على أساس تصرفاتك مال كبار. تميم: ها، مو شفتيني مريض تذبين كلام، عبالج

ما أكدر أقوم ألجملاك: مخيالف، كوم إذا تتحسن. تميم: تعالي أبوسج، هو أني كم ملاك عندي. ملاك: هيا وحدة، وشالعة كلبك. تميم: أتفق. ملاك: هاااا. تميم: أقصد هيا وحدة، يعني. دخل دانيال، واجه يمنه للجرباية، صعد وبقه يكمز. ورشا تعيط علي لا يجفص بطن تميم، وهو مستمر. بطل وراح. يم تميم يحضنه كال: دانيال: كوم خالو، طلعني. هنا محد يطلني. صار لي أسبوعين محصور حصرة الجلب.

تميم: لا، هسه أكوم اطلعك. يلا بنات كومن بدلن. وخلي البنات حوراء وزينب يبدلن، وهسه أخابر أمير يجي. رشا: لا تخابر أمير. تميم: ليش؟ رشا: حوراء وزهراء علاقتهم مو تمام، وما أريد يلتقون. بعدين تصير مشاكل بين أمير وزهراء. تميم: خوش لعد. رشا: انت هم ابعد عن حوراء، يا عيني. مرتك تغار، ومن حقها. انتو مزوجين عن حب، هسه انت مو جنت تغار من تميم الله يرحمه؟ وهيا تغار من حوراء. إذا تريد هاجر ترجع لك، عوف حوراء. تميم: هو هيج.

رشا: عفيه بحبيبي واخوي وتاج راسي. تميم: انتي تاج راسي. يلا كومي بدلي. طلعنا نبدل، وبقت أمي يم تميم تحضر ملابسه. بين ما نحنا نبدل، هو يسبح. كلت للبنات. بدلنا وكملنا، وبقينا ننتظر تميم يخلص. شويه وخلص. نزل، ورحنا. بقينا نفتر، حيل تونسنا، بس حوراء جانت ضايجة، لأن بسببها خربت حياة تميم.

رجعنا بـ 11. ورشا راحت تحجي ويا هاجر تقنعها ترجع. طلعتني من الغرفة تريد تحجي وياها براحتها. وأبد ما توقعت هاجر ورشا تقوى علاقتهم، لأن جانن وحدة ما تطيق الثانية. « هاجر » خالي عزم خالاتي وأمي وأني وبارق. رحنا يمهم. وكال: محد يرجع. تنامن عندي. كلنا بقينا، بس بارق رجع بليل. جاني اتصال. أخذت نفس وجاوبت. رشا: هلا حبيبتي، شلونج؟ هاجر: هلا كلبي، الحمدلله. وانتي؟ رشا: مو زينة أبد. هاجر: ليش يا ستار؟

رشا: شلون تردين أكون زينة وأني أشوف أخويه ينهار؟ هاجر: ما فهمت. رشا: أعرف الي سواه تميم بيج غلط، وصعب ينغفر، بس هاجر، تميم تدهورت حالته، وكل يوم من سوء إلى أسوأ. محد يكدر يشافيه غيرج. انتي علاجه. وبسبب الي صار، رجع لنقطة الصفر، وصار السحر يأثر عليه. والشيخ كالي يحتاج راحة، لا ترفضون طلب اله، ولا تخلو يزعل. هاجر: المعنى؟

رشا: ارجعي، حتى لو مؤقت. بس فترة يتحسن، وروحي. مثل ما أني ما أقبل على نفسي من سجاد يضربني، ما أقبل عليج تنضربين من أخوي. هاجر: بس أني كلت لأمج ماريد أرجع، وأريد أطلق. رشا: وبرأيج هذا حل؟ هاجر: أي حل. رشا: إذا تتوقعين تميم يعوفج، ف انتي غلطانة. تميم ما ممكن يتخلى عنج. هاي أول شي. ثاني شي، اكو طفل بطنج، شلون يتربى بدون أبو؟ هاجر: أني أصير أمه وأبوه. رشا: وتميم يعوف ابنه؟ تتوقعين يتخلى عن ابنه بسهولة؟

هاجر: أني كتله عوف حوراء، وهو ما يسمع مني. خلاص، ما عدي حل، وتعبت منهم ومن مشاكلهم. ما عدي طاقة أتحمل أكثر. رشا: أنصحج ترجعين برضاج، لأن جدو ما يعوفج، وهو يدري انتي علاج حفيده، وأكيد يرجعج غصب. هاجر: ماكو شي اسمه غصب.

عجزت تقنعني. سدته بوجهي. وراحت. ثاني يوم رجعنا لبيت بارق. وأمي وخالاتي رجعن لبيوتهن. بقينا أني وبارق. مر كم يوم، وبارق خطيه ما يتعبني. كله يجيب من بره، وهو ينظف. بقيت يم بارق فترة طويلة. دخلت شهري السادس. بلشت أحضر ملابس للطفل، وبارق بكل شي وياي. وحتى من فلوسه يشتري لي، لأن هو متكفل بيه وبكل شي يخصني، بعتبار أخته بالرضاعة. بيوم اندك الباب. طلع بارق. رجع كال: بارق: اكو واحد چبير بالعمر يريدج، بس ما أعرفه. منو؟

هاجر: أكيد هَتان أجه ينفذ تهديده. بارق: تهديد شنو؟ هاجر: رشا كالت لي إذا ما تجين برضاتج، راح يجي جدو ياخذج غصب عنج. بارق: وانتي تتوقعين أعوفج؟ هاجر: طبعاً لا. ما تشوف مو خايفة؟ لأن أعرف وراي زلمه. ابتسم وطلع. دخل هَتان وبارق. كعدوا. ضيفتهم جاي. وكعدت. بعد صمت دائم. وأخيراً نطق كال: هَتان: إيمتا ناوي ترجعين؟ هاجر: بصراحة مو ناوي أرجع. وبصراحة أكثر، حابة أطلق. هَتان: لأن هو بكيفج.

بارق بعصبية: عمي، انت ببيتنا، ياريت ماتنسى. هَتان: وشنو يعني تهددني؟ بارق: أبد، بس انتبه لكلامك. هَتان: أني مو جاي أحجي وياك. المهم، كومي وياي نرجع. هاجر: تعذرني والله. هَتان: شنو رأيج نسوي اتفاق؟ هاجر: ما أريد. هَتان: بس أني حاب أتفق وياج. هاجر: شنو؟ هَتان: حسب ما أعرف، تحبين أهلج، صح؟ هاجر: أي، ليش؟ هَتان: وانتي تعرفين شكد أحب حفيدي. بارق: ياريت تختصر، وبدون مقدمات.

هَتان: أي، مو تدلل. يا تجين وياي، يا أدز ناس تكتل واحد من إخوانج. بارق بعصبية: انت شتحجييييه؟ هَتان: وبعتبار انت واحد من إخوانها، انتبه لنفسك. هاجر: لأن الدنيا سايبة، وتمشي بكيفكم. هَتان: ابني ترقه، وأعتقد تعرفين هذا الشي. هاجر: أي. هَتان: صار أقوة من قبل. تتوقعين صعب يدز ناس تكتل أخوج؟ هاجر: اكو قانون، واكو كل شي. نشتكي عليكم قبل لا تسوون شي. هَتان: تتوقعين أحد يصدك انتي جاي تتهمين ال هَتان؟ هاجر: وشنو يعني؟

وإذا اتهمكم. هَتان: هاجر، أعرفج ذكية، وتفهمين على الطاير. معقول صرتي غبية؟ بارق: احترم نفسك، انت ببيتي. هَتان: ترجعين لو لا؟ هاجر: لا. هَتان: براحتج. طلع وعافنه. مر أسبوع وماكو شي. عرفت أنو جذاب، وبس جان حاب يخوفني حتى أرجع. وأني أعرف عمو محمد مستحيل يأذي أحد من إخواني.

بيوم بارق تأخر على الغدة، وأني جوعت كلش. اتصلت عليه ما يرد. اتصلت أكثر من 10 مرات وماكو رد. بعدها كلت أتصل آخر مرة. رد. خوش، وإذا ما رد أعوفه. أكيد مشغول. أتصلت ورد واحد غريب كال: صاحب الجهاز مسوي حادث، ونحنا بمستشفى ****. وكع التلفون من أيدي، وبقيت أرجع. بالكوة سيطرت على نفسي. اتصلت على خالي، أنطيته عنوان المستشفى. يجيه هناك. خفت، أخذ تكسي وما عندي غيره. خابرته. رد. كلت:

هاجر: كرار، ما عندي غيرك. تعالي اخذني. أريد أروح لمستشفى ****. ابن خالتي مسوي حادث. كرار: جايج، تحضري. تحضرت، وبقيت أنتظر. شويه واتصل كال برا ينتظرني. طلعت، وأخذني للمستشفى. وبقه وياي. نزلت ركض أسأل. دلوني على مكانه. رحت وشفت خالي. كال: أبو إيليا: بالعمليات. هاجر: وهيج حالته خطرة؟ أبو إيليا: أي. بقيت أبجي، وأدعي ربي يطلعه بسلامة. بعد فترة طلع الدكتور. رحنا يمه. كال:

الدكتور: الحمدلله، المريض صار بخير. ننتظر يفك البنج، واتدخلون علي. بقيت ننتظر يفك البنج. شويه وكال: الدكتور: تكدرون تدخلون. دخلنا. وخالي بقه يسئله شلون صار الحادث. وهو بلش يسولف. كال: بارق: طلعت من الشغل، رايح أجيب أكل. رحت بسيارتي، وجانت تجي سيارة تضل تكسر علي، لحد ما كلبت بيه السيارة. أبو إيليا: يعني متعمد؟ بارق: مادري. فوراً تذكرت تهديد هَتان، كلت: هاجر: من رخصتكم، أروح للحمام.

طلعت. ما عندي رقم هَتان. خابرت على كرار. رد. كلتهاجر: كرار، أريد رقم هَتان. كرار: شلون صار ابن خالتج؟ هاجر: الحمدلله بخير. كرار: هسه أدزه بمسج. بقيت أنتظر يدزه. دز. اتصلت عليه. رد. كلت: هاجر: انت السبب بحادث بارق، مو؟ هَتان: من أكول عنج ذكية، يلوموني. هاجر: إذا عبالك نسكت، تحلم. وشوف شنو ممكن أسويه. هَتان: لا تهدديني. أني هَتان، مو تميم. أسمع كلامج وأسكت. هاجر: يصير خير.

سدته. شويه واجو الشرطة ياخذون أقوال بارق. خالي راح يجيب أكل. وهمزين ما جان موجود. كلت: هاجر: نحنا نعرف الي دبر الحادث. الضابط: منو؟ هاجر: هَتان *****. هو مسوي الحادث. الضابط: قصدك ***** محمد هَتان؟ هاجر: أي، أكيد يعرف. الضابط: وشنو مصلحته؟ هاجر: هددنا. الضابط: من كل عقلج تحجين؟ بارق: الي كالتة الك هو الصح. الضابط: ياهو يكدر يلعب ويا *** محمد؟ بارق: خايفين يعني؟ الضابط: انت ماتعرف منو هذا؟ لو تغشم نفسك.

هاجر: محمد يكون عمي، أبو زوجي. الضابط: وإذا أبو زوجج؟ تتبلين عليها. هاجر: ما أتبلى. عفت ابنهم، وأريد أطلق، وهما هددو بقتل أخويه. الضابط: *** محمد راح يلعب وياكم. انتو منو حتى يعوف شغله ويجي يلعب وياكم؟ معافنه وراح. كلت: هاجر: بسيطة. بارق: لا تتهورين. اندك الباب ودخل هَتان. كلت: هاجر: والك عين تجي هنا؟ هَتان: لا هاجر، عيب عليج. أي بارق، الحمدلله على سلامتك. بس شلون طلعت سالم؟ هذا الي تعجبت منه. توقعت تروح لربك.

هاجر: وبكل عين وقحة تجي تعترف؟ هَتان: ليش ما اشتكيتي علينه؟ هاجر: محد صدكني. هَتان: شكتلج؟ وانت هاي المرة طلعت سالم، وعد المرة الثانية ماتطلع منها. هاجر: كافي، حرام عليك. هَتان: أني حرام عليه، لو انتي يا عديمة الضمير؟

عايفه رجلج وباقيه تفترين ويا هذا، وتحضرين لابنج، وهو بالبيت مريض، حتى شغله ما يروح. وبسببج محمد أخذ أجازة علمود يهتم بأبنه الي محد يعرف شلون صار هيج، وشلون رجعت حالته. حفيدي وصل للموت، وانتي السبب. تتوقعين أشفق عليج؟ هاجر: حفيدك هو سوا بيده هيج، محد كله يضربني. هَتان: هو ضربج، بس أني ما أضربج. أني أقتل. أني مو تميم الرچيچ. أني هَتان.

طلع وعافنه. بقينا يومين بالمستشفى، وطلعنا. أسبوع بارق تحسن، راح لشغله. بس الغريب إنو رجع ورا ساعة. كلت: هاجر: ليش رجعت؟ بارق: هَتان منطو فلوس لصاحب المحل، وكاله شرط تبطل بارق منك. انصدمت. لهل درجة وصلت بي. عفت بارق ورحت لغرفتي. اتصلت بعمه ماسه، وكتلها على كل شي. نصدمت، وكالت: هيا تحل الموضوع. « ملاك »

كلهم مجتمعين يمنه علمود يشوفون تميم. عمه ميرال راحت. وره فترة رجعت تطمن على حال تميم الي من سوء إلى أسوأ. محد يعرف ليش ضعف وصار بالكوة ياكل. وإذا أكل كله يتقيئه. وهسه عايش على المغذي. كاعدين كلنا، وأمي اجاها اتصال. راحت. وره نص ساعة رجعت معصبه، وكالت: ماسه: محمد، شلون تسوي هيج ب مرة ابنك؟ محمد: شمسوي؟ ماسه: ماتعرف؟ انت مدبر حادث ل بارق حتى يموت. وانت طارده من الشغل. واشتكو عليك، ومحد صدك من العسكر.

محمد: دقيقة، شتحجين انتي؟ أني ماسويت هيجه. هَتان: انت ماسويت، بس أني سويت، وبأسمك. محمد: شلون، شلون؟ هَتان: أي، وإذا ماترجع ل حفيدي، أقتل كل أهلها، مو بس أخوها. محمد: شلون تسوي هيج؟ ما خفت على ابني؟ إذا عرف شنو ممكن يسوي. هَتان: وابنك شلون راح يعرف؟ هيا راح ترجع، وغصباً عليها، وتصير آدمية ويا تميم. دخل تميم وكال: تميم: ومنو سمح لك تتدخل بحياتي؟ هَتان: كل هذا لمصلحتك.

تميم: أكدر أجبرها ترجع، بس ما أريد. أريدها ترجع بس برضاتها، مو غصب. هَتان: ولك انت شنو؟ بعدك خايف عليها؟ وهاي عايفك ورايح تتونس؟ تميم: وانت شعليك؟ بصفتك شنو تتصرف هيج؟ هيا مرتي لو مرتك؟ انت اهتم بنسوانك الثنين، وعوف مرتي. عوفني. هَتان: ما أعوفها لحد ما ترجع لك. تميم: تعوفها. وإذا أعرف مسويلها شي، أني أشتكي عليك. فهمت؟ ومو بس هيج، تحلم بيوم من الأيام أباوع بخلقتك. هَتان: ولك تفضلها عليه؟

تميم: أفضلها عليكم كلكم. كلكم ما تستاهلون. هيا بس تستاهل. هيا الي تستاهل أتعب وأتمرض وحتى أموت علمودها. مو انت الي تستاهل. وكع وأغمى علي. أخذنا بسرعة للمستشفى. والدكتور قرر يسويله عملية. ثاني يوم صارت عمليته. بقينا ننتظر يطلع. الكاتبة: (الأبطال ما ذكروا شنو نوع العملية الي سواها تميم) « ملاك » رشا خابرت هاجر، وهاجر رفضت تجي. وأمي اتصلت عليها وتوسلت بيها ترجع، وهيا رافضة. كالت:

هاجر: هو طلب من جدو يقتل أخويه. ما أرجع له. ماسه: والله محد ما يعرف غير هَتان. حتى محمد ما جان يدري. هاجر: شلون يعني عمو محمد معلي؟ ماسه: والله ما يدري بشي. هَتان هو مسوي كل هذا. محد بينه يدري. هاجر: هسه أجي. سدته. نص ساعة اجت هيا وبارق، وبقو ينتظرون ويانه. بعد مرور 5 ساعات، طلع تميم. دخلنا نشوفه، وهو تحت تأثير البنج. شاف هاجر، وبقه يتغزل بيها. من شاف هَتان، بقه يفشر علي. تميم: انت السبب. انت خربت حياتي. فلا أسامحك.

هَتان: انت بس صير زين. ما أريد شي منك. ماسه: نادو الدكتور يشوفه. تميم: وهذا الدكتور ابن الكح*** يسوي لي عملية يريد أموت. ابن القندرة. فوك ما منطي فلوس، وأهليه ابن الزفرة ما يعرف يشتغل زين. ابن الكو***. عمه تسد حلكه حتى يسكت. بعد إيدها. وشاف أمير يضحك، كال: تميم: أمير القندرة، متونس على وجعي. طبعاً كو** شأترجه منك. وهذا كرار الكو** ما يجي عليه. طبعاً ملتهي بمرته. ابن الزفرة.

وبقه يسبهم واحد واحد، وأحنا ميتين ضحك عليه. وأمير يصوره حتى يهدده بي. وره يومين طلع من المستشفى. بهاي اليومين جان كله نايم. والدكتور هو الي ينطي مهدئ حتى يتحسن. وغير المغذيات الي ياخذها. طلع من المستشفى، تمدد بغرفته. كال: تميم: هاجر، ليش ما اجت؟ ماسه: حبيبي، ما عافتك وانت بالمستشفى. تميم: ماشفتها. ماسه: انتي غير جنت نايم، ماتدري. تميم: يعني اجت علمودي؟ ماسه: أي، غير تحبك. بس جدك الله يصلحه، هو خرب كل شي.

تميم: مو جدي. ما عدي حجي وياه، ولا أعرفه، ولا يعرفني. ماسه: ما يصير. تميم: يصير، وما أريد أحد يناقشني. ماسه: صير زين حتى تروح تجيب هاجر. تميم: ما تقبل. ماسه: انت ماشفتها شصار بيها. ثاني يوم بارق جاب هاجر، وبقه يحجي وياها شويه يم الباب. باسته وراح. « هاجر »

قررت أرجع. ما أعرف ليش. كل ما أشوفه أضعف. أكره ضعفي كدامه. من أشوف عيونه، ينتهي كل حزني. من أشوف شكله، أنسى الحزن، وأنسى العاركات، وأنسى كل شي سواه الي. أكره نفسي الضعيفة كدامه. دخلت، سلمت على البنات، وعلى عمه ماسه. واعتذرت من عمو محمد، لأن عبالي هو السبب بحادث بارق. واعتذرت من عمه ماسه، ومن البنات. دخلت غرفتي، وانصدمت. أكثر الأشياء ماكو، مثل التخم والميز والعطور والكنتور مكسور.

رحت يمه للجرباية، خليت إيدي على شعره. فز من شافني. ابتسمت. كعدت يمه، وبقينا بس نباوع بعيون بعض. أشوف بعيونه الندم، وأشوف بعيونه يطلب السماح مني. أشوف حبه الي. أخذني بحضنه، وكال: تميم: لا تعوفيني. تميم ما يسوه شي بدونج. هاجر: ما أعوفك أبد. أصلاً عمري ينتهي بس أعوفك. تميم: أحبج يا قيطان كلبي. هاي الكلمة كفيلة حتى أرضى. مر شهر. ماكو شي جديد. نفس الروتين. واجه عرس حوراء، الي أصلاً ماراح أروح عليه، علمود تيم الله يرحمه.

عمه أميرة كالت: أميرة: روحي على العرس، حتى لا يزعل ويضوج. لأن بس نحزن، مانفرح. هاجر: ما أكدر أروح لعرس، وأخويه صار له فترة من مات. أميرة: ميخالف، يا عيني. اقتنعت أروح. بس ما جان عندي ملابس. تميم بيوم العرس الصبح كال: تميم: كومي اشتريلج ملابس. هاجر: مو لازم. تميم: يلا، عيب عليج. كمت وياه، واشتريت فستان مرتب، لونه أسود، وبي شذر أبيض. على الحنة مارحت، بس راح أروح على العرس.

وصلنا القاعة، ورحت كعدت. بطني تمشي كدامي. دخل شهر السابع، وأحس بتعب فضيع. أريد بس أجيب وأخلص. بقو يركصون. شكد مريم دخلت شهرها الثامن، وزهراء دخلت شهرها السادس. شويه واجه دانيال وعلي. ودانيال فرحان. ورشا كالت: رشا: شبيك فرحان؟ دانيال: شفت أبويه. رشا: صدك، وينه؟ دانيال: برا، وكال خلي أمك تجيني، أريد أحجي وياها. باوعت لي، وكالت: رشا: راح أروح، بس مو تكولين لأحد. هاجر: حتى إذا أحد عرف، معلي. هذا قرارج.

طلعت، وبقيت أنتظرها. وأشوف الناس تركص، وأتحمس. أريد أكوم وأغلس، علمود الطفل. شويه ورجعت رشا. كالت بفرح: رشا: سجاد شرى بيت، وباجر يجي يصالحني. هاجر: إن شاء الله تعدي على خير، وترجعين يم زوجج. رشا: أي، عفيه دع ليلي. انتي زينة، بلكي ربي يستجاب منج. خلص العرس على خير، وأني خلصت من حوراء. وثاني يوم اجو بيت عمه نيرال، وصالحو رشا، وأخذها سجاد علمود يرتبون بيتهم، ويدرون أثاث. بليل اجاني تميم كال:

تميم: باعي، أريد أغير الغرفة. أحس ضايج منها كلش. هاجر: براحتك. تميم: راح أسوي لونها فيلي عميق. هاجر: الي تشوفه، سوي. تميم: وبس نكمل، نشتري كريكوت ل تيم. هاجر: ثواني، شنو كلت؟ تميم: نشتري كريكوت ل تيم. هاجر: وأخيراً اقتنعت أسمي تيم. تميم: أي، فكرت بيها، وحبيت الاسم. راح يصير اسمه تيم تميم. اللههههه هههههه.

ابتسمت. أخذني بحضنه، ونمنا. كعدنا الصبح. نزلنا تريكنا، وهو راح للشغل. سوينا غدة، ونظفنا البيت ورتبناه. رجع الظهر، تغدينا، ونمنا. والعصر رحنا للسوق، اشترينه غرفة نوم مع تخم اثنين، وبس واحد يكعد بي. اشترينه كريكوتويا، لون الغرفة. واشترينه ميز صغير دائري زجاج، نفس الي جان عدنا.

رجعنا للبيت، وتميم جاب ناس تشد الغرفة، واجه أمير وكرار وأحمد يساعدوه. كمل كل شي. طلعت أشوفها. تجنن، أحلى من غرفتي القديمة. القديمة جان لون الخشب أبيض، بس هذا الشغل لونه فيلي عميق، يجنن. ولون الغرفة أبيض، وبيها ديكور بالسقف. نزلت، جانو يضحكون الولد. وكل شويه واحد يصيح: ما صار الجاي وترجع ملاك تعيط. دقيقة، وكل شويه يعيدوها. متت ضحك عليهم. كرار كال: كرار: باع كرشها شكبره. تميم: عينك الفكر. عين الحاسود، بيها عود تففف.

وصار يتفل على كرار. كال: كرار: شبيكككك؟ شبعتني تفل. تميم: غير أسبحك. الله يعلم إيمتا سابح. كرار: نوب يكلولي ليش ما تجي عدنا؟ شوفي عمه، ابنك شلون يحجي وياي. ماسه: ولك تميم، عوف كرار. تميم: يمه، قابل *****. شبيكممم. شهكت ونزلت راسي، استحيت. كرار كال: كرار: على الأقل مو كدام البنات كلها. كولها بينه. تميم: عادي، قابل يفرق. كرار: شلون راح أشقق. تميم: تمشي من كدامي، لو أحط رجلي بط***.

كرار: عمه، العشة، ترا متت جوع. عيب عليكم جايبنه نشتغل، على الأقل أكل، شويه دلعونه. تميم: ما تروح لبيتك تاكل مخلفك وناسيك. كرار: ابن القندرة، نكسر ضهري واني أشتغل بغرفتك. على الأقل طعمني. تميم: أطعمة سم. كرار: حتى لو سم، قابل المهم أكل. أمير: عوفه. امشي آخذك ناكل. مندي بويه، يجنن. فتح جديد. تميم: يلا، امشي. أمير: كلت ل كرار، مو الك. تميم: تفرق؟ أمير: أبد. وادعتك، إذا تريد، حتى كرار ما يجي. تميم: هاي هيا.

كرار: ولد الجلاب، مو هيج. بقو على العشة. تعشو وسهرو يمنه، وراحو. وأمير عزمنا يمه باجر. دخلت لغرفتي تعبانه. رغم ماسويت شي، بس كاعدة. دخل تميم شافني كال: تميم: ها، تعبانه. هاجر: كلش. تميم: من دخلتي شهر السابع، صايرة ثكيلة. هاجر: غير ابنك، تعبت. تميم: ما ضل شي. تقرب مني، أخذ شفايفي بين شفايفه. شويه وعافني. راح يسبح. طلع لاف منشفة على خصره، والثانية ينشف بيها شعره. لبس شورت، واجه يمي كال:

تميم: فَهل للورد يلدُ ورداً بهيئة بشر يُشابهُكِ. ابتسمت، وكلت: هاجر: أحب كلامك. تميم: كلامي قليل بحقج، يا أحلى انتصار بحياتي.