رواية قسوة احفاد ال هتان الفصل الخامس والأربعون 45 - بقلم هاجر النعيمي

يوم الرحت مني أنخطف لوني طلع دخان من كلبي وعمه عيوني. *** كعدنا على صوت عمه ماسه، نزلنا تريكنا وطلعنا نبدل نروح لبيت عمو ادريان. دخلت لغرفتي ودخل تميم وراي، بدلت وهو بدل. بلشت أحط مكياج، كال تميم: لا تحطين هواي. هاجر: وليش؟ تميم: لا تحطين هواي وبس. هاجر: طول عمري أحط، وين الجديد؟ تميم: جنت أسكت بس هسه بعد ما أكدر أسكت، مرارتي طكت وأني أشوف الناس تباوعلج. هاجر: منو يباوعلي أصلاً، ما أطلع. تميم:

أهلي يشوفوج، الولد يشوفوج. هاجر: وإذا، ترا من زمان يشوفوني. تميم: من الأخير، أغار. خوش. سمعت كلامه، حطيت بس مسكارة وحمرة خفيفة. دحك عليّ، ابتسم وكال: جمالج كل يوم يزيد، وكل يوم يزيد حبي الج. ساحرتني مو؟ هاجر: أي، وأفكر أرجع أعيد السحر، أحس مفعوله بطل. تميم: بدون سحر ميت بيج، إذا تسحريني شلون؟ هاجر: حلو، لعد أسحرك. تميم: ياهو يجي يكول، لعد أروح فدوه لهل حلك. ابتسمت، رجع كال: أنتي شيء بين الحلم والمعجزة. هاجر: أحبك.

تقرب مني راد يحضني، وبطني منعته. كال تميم: ابن القندرة من هسه مخرب اللحظات الحلوة. هاجر: لا تحجي على ابني. تميم: أي طبعاً، أحجي على روحي عادي، بس إذا على تيم لا ما يصير. هاجر: غير ابني حبيبي وروحي من الدنيا. تميم: والله أنعل أبو إذا ياخذ مكاني، أذبه بالزبالة، فهمتي؟ من هسه لا تفرقين بينه، ترا عيب عليج. هاجر: عزا، ولك ابنك. تميم: خلي يولي، وبعدين لا تكولين ولك، لا أشُك حلكج. هاجر: ها تميم. تميم: جذب، أشاقه. هاجر:

عبالي. تميم: تعالي، أخذيلج راشدي. تقربت يمه ردت أضربه، لزم أيدي وباسها وكال: اختلاف ثقافات. هاجر: ها، أني مو مثقفة؟ تميم: أنتي أصل الثقافة. هاجر: طبعاً. اندك الباب ودخلت ملاك وكالت: يلا فضونا، هنَ ملابس. *** نزلنا وتوجهنا لبيت عمو ادريان. وصلنا ونزلت متحمسة لأن صارلي فترة ماشفت زهراء. دخلت بسرعة، فتت شفتها وسلمت. كالت زهراء: چلبة، شكد مشتاقتلج وأنتي ماكو. هاجر: حتى أني، والله. صدك ما عرفتي بشنو حامل؟ زهراء:

بعد مو مبين. هاجر: إحساسج شنو يكول؟ زهراء: مادري، بس أحس بنية، كلش بنفسي تجيني بنية. هاجر: إن شاء الله تجي. بقينه نسولف، اجت ديانا وكالت: شكد مشتاقتلج، وين رحتي وعفتينه؟ هاجر: وربي حتى أني أشتاقيتلج، بس بعد صارت. ديانا: بعد لا تتعاركون نوب، ما تجين يمنه. هاجر: إن شاء الله. ديانا: ما عرفتو؟ هاجر: شنو؟ ديانا: حوراء راح تزوج يوم الخميس. هاجر: جذب. ديانا: والله. هاجر: اليوم اثنين، وما حد كال. ديانا:

قرروا باجر يروحون كلهم. هاجر: شو أني ما أعرف. ملاك: تميم رفض يكولولج، حتى لا تسوين مشكلة. هاجر: وليش؟ حتى أسوي مشكلة؟ بالعكس، أخلص منه. ملاك: تميم ما يريد يروح، وما راح يخليج ترحين. هاجر: بعد أحسن. ديانا: إنجبي، معليج بيهم، تعالي أني أريد أونّس وياج. هاجر: ما أريد آجي، ما أحبها. ديانا: حتى زهراء راح تروح، وهيا ما تحبها. زهراء: كلهم يرحون، أضل وحدي يعني. ديانا: أي، وأنتي هم تعالي. هاجر: ما أدري.

تغدينا وكملنا. أني ماسويت شي لأن بالكوة أتحرك. بيبي تعرف تسكت، مو عيب. كالت راوية: ديانا، ليش لهسه ما حملتي؟ ديانا استحت ونزلت راسها لأن الولد كاعدين. كال كرار: ما أريد هسه. راوية: تقنعني إنو هيا مبيه شي. كرار: مبيه. راوية: صارلكم شكد مزوجين؟ كرار: أعتقد بكيفي. هَتان: احجي ويا بيبيتك زين. كرار: احجي وياها زين، من تبطل تدخل بيه، كل ما تشوف مرتي وتسألها شعليها. هَتان: كتلك تحجي زين، كرار، دير بالك تحجي بنتر. كرار:

صوچي أجيتكم، كومي نروح. هَتان: محد يطلع. كرار: بكيفي أطلع أو أضل، خوش. إدريس: كراررررر، احجيييي عدللل. كرار: أنّي طلعت الكو***، وأنتو لا. تميم: حبيبي، معليك بيهم، طنش. هَتان: تميم، صاير هواي تتجاوز، دير بالك على نفسك. تميم: راح تحرمني من أمي لو مرتي؟ هَتان: احجييييي عدللللل. تميم: احجي بكيفي، مو بكيفك. هَتان: صاير ماتستحي. تميم: وين الجديد، من زمان ما أستحي. هَتان: نوب يعترف، ما يستحي. تميم: شهادة أعتز بيها. هَتان:

مدري شكلك. تميم: راوية، لا تدخل بـ... ولا شخص بينه، الكلام مو بس للراوية، للكل، خوش. هَتان: لا، أنت ماينسكت عنك، صاير هواي تتمادة. تميم: تربيتك. راوية: كافي، شبيكم؟ لا تضلون تتعاركون. لمى (مرة هَتان الثانية) هَتان، عوفهم، خطيه. راوية: الحية، أنتي اسكتي، معليج. قمر (بنت أخت مرة هَتان) عمه، خالتي حالها حالج، لا تحجين وياها بهل طريقة. راوية: هسه هاي حالها حالي؟ لج، أنتي ثولة؟ تقارنين خالتج بيه؟ قمر:

صح، ماتتقارنين، أنتي بعمر بيبيتي. راوية: ماتستحين، واللههه. تميم: راوية، كافي. قمر: شكراً تميم. تميم: دللي. رفعت حاجبي، انتبه تميم عليه، ابتسم وغمزلي. درت وجهي عنه، عود ضجت. اجه اتصال على تميم، طلع يحجي. برا شوية واجه أخذ أمير وكرار وأحمد وطلعوا. وين ماندري. هَتان كال: باجر كلكم تروحون لعرس حوراء، صح؟ راوية: أي. هَتان: خوش. راوية: مو على أساس تسوي هنا؟ ليش غيره؟ غالية: مادري. راوية: طبعاً من هاجر وزهراء الحياية.

أخذت نفس وغلست، بس بيبي تعرف تسكت، مو عيب. رجعت كالت: هاي الحية هاجر تسويلها مشاكل، وخافت تسوي هنا. هاجر: محد كُللها تجي يم زوجي. راوية: قابل راح تاخذه؟ لو ترجع الي أزوجه لمار وحوراء وأخليج تموتين. ابتسمت وكلت: تميم يحبني، يموت عليّ، ما يتزوج عليّ. راوية: طبعاً، الله يعلم شمسويتلّه ولهسه ما عافج هو، أنتي أحد يطيقج. ديانا: بيبي، والله هاجر تجنن، شوفي جمالها، غير تشك. راوية: اسكتي، الزركة وين تشك؟ حتى ماعدها خلقة.

هاجر: راح أسكت، لأن يكفي زوجي يموت عليّ، ما يهم الباقي. شفت ديانا نزلت دمعتها ومسحتها. كلت هاجر: ديانا، لا تزعلين، والله هيا هيج تضوج من الغريبات، ومن تزوجت لحد هسه تسمعني حجي، ونوب كلش يغث. تخيلي تكول لتميم تجيب وحده من الموصل، ما نعرف شنو ملعوب بيها، تخيلي. ديانا: بس أني ما أكدر أرد عليها. هاجر: لازم تردين، من تسكتين راح تضل تحجي. راوية: ها مريم، إيمتى تخلفين؟ بس لا يطلع الولد يشبهج. مريم سكتت. كلت هاجر:

شوفي، لأن مريم تسكت، تضل تحجي عليها وتضل تسمعها كلام. بس لأن أني ما أسكت، مرات تغلس عني. ديانا: أدري، بس ليش تكلي الزركة؟ أني الله خلقني سمرا، اعترض يعني. هاجر: وربي أحلى شي بيج سمارج. ديانا: تخيلي شكد أتمنى أصير نفسج بيضة. هاجر: مو بالبياض، عندج حوراء بيضة، وأني وزهراء نموت منها. وهاي أنتي سمرا ونموت عليج، وغير هيچ، أهم شي كرار يحبج، خلاص، معليج بالباقي. ديانا:

كلش أستحي، كرار يجنن، عبالك أجنبي، وأني مو حلوة، أحس نضلم وياي. هاجر: أبد والله، ما تصدقين فرحته بيج، وربي حيل يحبج. ديانا: أدري يحبني، بس كلام بيبي وعمة نيرال كلش يقهرني. هاجر: من زماز هم هيج، لا تهتمين، أهم شي كرار يعشقج. كافي. ديانا: أحبج والله، نيال تميم عليج. هاجر: نيالي عليج. بست خدها، وباستني. بيبي كالت: والله واجتمعت الحياية. هاجر: بس بربج مو نموت. راوية: تلعبن النفس، مدري شلون متحملتجن.

ابتسمت وأني حاطة عيني بعينها. كالت ديانا: أتمنى أصير هيج أم لسان مثلج. هاجر: حلو، بس مو بكل الأوقات، هسه عركاتي ويا تميم نصها من لساني. بعد شكد؟ يالله رجعوا الولد، بس الغريب إنو كل واحد بيهم اكو علامة على وجهه تدل بعركة. كمت على تميم بسرعة أشوف خده، وبالغلط لزمت إيده وعاط. كلت هاجر: تميم، شبيك؟ شنو هاي حالتك؟ اجت عمه ماسه عليّ، والبنات كل وحدة راحت يم زوجها لو أخوها. وهَتان كعد يحقق وياهم. كال تميم:

تعاركنا، شنو يعني؟ أخذ هَتان الولد لأن عرف ما يكدرون يحجون يمنه. أني وديانا رحنا وراهم للديوان، نسمع وحاطين أذننه على الباب. كال هَتان: احجو. تميم: حمزة ملتقي ويا فلفولة، ومن رحناله جانو يحجون بموضوع زواجه منها، وراح يطلك مرته علمودها. هَتان: منو كالك؟ تميم: أني مخلي واحد يراقب فلفولة حتى يكلي إذا تلتقي ويا حمزة لو لا. هَتان: أي، وشنو تريد منه؟ تميم:

هيا ما تريد منه شي لأن خايفة من تهديدي، بس هو مو راضي يعوفها، وعرفت مأجرها و *** بيها. هَتان: ومرته؟ تميم: ماتدري أصلاً، دازها لأهلها زعلانة، وهو رايح يلعب بكيفه. وهددني. هَتان: بشنو؟ تميم: كالي إذا تكول لجدو، أخلي هاجر تعوفك. هَتان: وهاجر شلون راح تعوفك؟ هيا تحبك. تميم: نسيت سالفة الملاهي قبل. هَتان: مرتك ماراح تعرف، ولا يهمك، وأني أوقفه عد حده. تميم: مو خايف من تهديده، لأن هذا ماضي مو حاضر. هَتان:

ميخالف، مرتك إذا تدري بي، ماتضل وياك. تميم: أني أهتم بالموضوع، المهم هو حاط باله يخلي فلفولة تحبل منه وتجيبها حتى محد يكدر يحجي وياها. وجاي يهدد رأكان بفيديوهاتنه. هَتان: أنت غبي، تأخذ رأكان وتروحون ملاهي؟ وما تدري منو يصورك حتى يفضح أبوك؟ والي صورك ابن عمك، حتى يهددك بيه، يا غبي. تميم: ما جنت أدري، وحتى رأكان ما يدري، أصلاً ماشفناه. هَتان: وحمزة هيج غبي؟ يجي هو يصوركم؟

المهم، أنت ورأكان ماتدخلون، حتى لا تطلكون، بس أمير وأحمد يصرفون. كرار: وأني هم أتصرف. هَتان: شلون تتصرف؟ أنت ياهو جان ياخذهم للملاهي غيرك؟ تاكل نعل وتسكت، خوش. كرار: وأني شعلي؟ محد كَايللهم يجون وياي. هَتان: تاكل نعل أنت وياهم، خوش. يلا، ولو من كدامي. أفكر حل للمصيبة الي ذبيتوهه براسي. تميم: أني أتصرف. هَتان: أنت تنجب، خوش؟ يلا، ولو من كدامي. ركضنا أني وديانا للمطبخ، وأني بقيت مصدومة. تميم يروح ملاهي. كالت ديانا:

الي سمعته غلط، مو؟ هاجر: أي، أكيد غلط. حاولت أتناسه الموضوع، لأن ما دخل بعقلي تميم يدخل ملاهي. شكد حاولت أنسى، بس مستحيل. اتفقوا يروحون باجر العصر للبصرة، وأني عقلي مو وياي، ويا الي يحجون. منو فلفولة؟ وهاي مو أول مرة أسمع بيها. وليش حتى كرار يدخل؟ تميم ورأكان ملاهي. عقلي فصل. تعبت من التفكير. رجعنا للبيت، تميم يتغزل بيه، وأحس كلامه يجرحني. قررت أصارحه بالسمعته. كلت هاجر: منو فلفولة؟ انصدم، بقة صافن عليه. رجعت كلت:

ماضيك الي تخبي عني، هو الملاهي، صح؟ انصدم أكثر، وعيونه تسوعت أكثر. كال تميم: منو كالج هل حجي؟ هاجر: جاوبنييييييي. تميم: حمزة كالج مو؟ هاجر: سمعتكمممم، سمعتتت حجيكممم كلهههه. اللههههيعلمممم بكممم بنيهههه لاعببببب. تميم: لا لا، غلطانه، والله مو هيج. هاجر: ليش تميم؟ بس فهمني، ليش؟ تميم: ماضي، والله قبل ما أعرفج، ومن عرفتج بطلت، والله. هاجر: الله يعلممممم، شنوووو لاعبببببب. تميم: مو مثل ماتفكريننن، والله ما لازم بنيههه.

هاجر: الييي يروححح ملاهيييي شنوووو يسويييي؟ يصليييي؟ تميم: حرامممم، ثولةةة. هاجر: تاخذني لبيت بارق لو أكله هو يجي؟ تميم: مو قبل ما تستمعين مني. هاجر: ماريددددد. اجه لزمني وكال: والله جنت أروح بس أسكر وأنسى، ما لزمت بنيه وحده، ما لمست شعره منهن أصلاً، نفسي تعبت منهن، بس جنت أبَاوع علمود أنسى، لا أكثر، والله. هاجر: شنووووو تنسىىىى؟ تميم: أنسىىى مشاكل أهلي، أنسى ضرب أبويه لأمي. هاجر: جذابببب. تميم:

والله وداعت أمي، بس جنت أسكر وأباوع، اسأليهم، حتى رأكان وكرار جانو يباوعون، محد جان يتقرب يم الحرام، كلنا جنَ نخاف من الله، بس نسكر ونروح هناك ننسى، لا أكثر. هاجر: ومن تسكر وتباوع، ماتخاف من الله؟ تميم: أدري حرام، والله، بس جنت مجبور، جنت أسوي كل شي حتى أنسى، أضل أسافر حتى ما أشوف عركاتهم. هاجر: شلون أصدكك. تميم: جاي أحلف، وداعت أمي. هاجر: مادرييي، سببك مو مقنع. تميم:

هاجر، لو عشتي بمكاني، تجنين، كل يوم أسمع توسلات أمي، كل يوم أسمع صوت أمي واصل لوين، ولازم أسكت، من أحجي أترزل. هاجر: بس أنت كبير، ما يصير تعالج الغلط بالغلط. تميم: أدري، بس جنت تعبان، وين أولّي؟ ما عندي غير مكان أروح، هناك من أرجع أهلي نايمين كلهم، وإذا أسافر هم أرتاح، وما أسمع صوت أمي. هاجر: ليش تميم؟ تميم:

والله من يوم شفتج أول مرة، بقيت أدور عليج، حتى نسيت السكر والملاهي، بقيت أدور عليج. ومن جنت ألعب وياج ببجي، ما جنت أعرف أنتِ، لحد ما اجت زهراء وكالتلي. ومن وقتها وعدت نفسي وربي، أبطل كل العادات السيئة البيه. هاجر، أنتِ سبب صلاحي، أنتِ سبب تركي للعادات السيئة، أنتِ السبب بتغيير حياتي للأفضل. بقيت ساكته، بس دموعي تحجي. رجع كال تميم:

والله حتى مشاكل أهلي خفت من عرفتج. من جنت أحجي لأمي عنج، جانت تفرح، وشنو يريد أبوي، تنفذ لأن فرحانة بيه. مسح دموعي وكال: من عرفتج، عرفت معنى الحياة. أنتِ الشي الصحيح الي سويته بكل حياتي. هاجر: ما تجذب عليه. تميم: أوكفي. راح توضى، واجه لازم قرآن بيده، وحط إيده على القرآن وكال: والله العظيم، ما جذبت عليج بحرف واحد، من كل الي حجيته. ابتسمت. كال تميم: صدكتي؟ هاجر: أي، بس جان المفروض تكلي. تميم: أستحي من أغلاطي. هاجر:

لا، مستحيل. تميم: شبيج؟ هاجر: أول مرة تميم يستحي. طكها بضحكة بصوت عالي. كلت هاجر: منو فلفولة؟ تميم: ما أكدر أحجي، بس هذا مو اسمها الحقيقي، أني مسميها هيج. هاجر: ليش؟ تميم: مفلفلة على ***. حطيت إيدي على حلكي أكتم شهكتي. كال بضحك: شبيج؟ هاجر: شنو هذا الحجي، شكد عيب. تميم: وأنتي مو مفلفلة؟ هاجر: إنجب. تميم: ها. رفع حاجبه. كلت هاجر: بالغلط، هرمونات. تقرب مني وكال: ما عندي شي اسمه هرمونات. أخذ شفايفي بين شفايفه بهدوء. ***

صار الصبح، كعدنا على صوت عمه ماسه. نزلنا تريكنا. طلعت أحضر ملابس تميم. كلت هاجر: راوية كالت راح نروح لعرس حوراء، ليش ما كتلي؟ تميم: ما أريد ترحين. هاجر: السبب؟ تميم: ما أريد نتعارك، وما أريد تسوين مشكلة الها. هاجر: ها، يعني أني أم المشاكل؟ تقرب مني وحاوط خصري بأيده وسحبني اله كال: أروحلج فدوه، أم المشاكل. هاجر: عوفني. تميم: اسكتي، بالكوة عرفت ألزمج من أبو راسها. هاجر: لا تحجي على ابني. تميم: خلي يولي، فد قندرة هو.

هاجر: إنجب. تميم: شنو كلتييي؟ هاجر: بالغلط، والله. أخذ شفايفي بين شفايفه شوية وعافني. كال تميم: إذا تطلع مرة ثانية، أعاقبج، خوش. هزيت راسي وكلت: هاجر: أريد أروح لعرسها. تميم: مو لازم. هاجر: أريد أروح، حباب. تميم: مو لازم. بست خده وكلت: هاجر: حباب. تميم: چؤ. بست شفته وكلت بدلع: هاجر: حباب، خليي أروحح. تميم: شتعلو أهلج. هاجر: هااا. تميم: أعوذ بالله، طلع جعفر. هاجر: أني جعفر؟ هيج صارت؟ دفعته ورحت للجرباية. اجه يمي وكال:

تميم: أبويه، أني جعفر، مو أنتِ. خاب شنو هل جمال؟ فدوه اروحلج، ماكو هيج جمال. هاجر: ماتضحك عليه بهيج كلام. تميم: وين أضحك عليج؟ غير أحجي الحق. هاجر: أريد أروح. تميم: نروح، ليش لا. هاجر: أنت ماتجي، بس أني. تميم: وأني أضل هنا نفس الجلب، مو؟ هاجر: لا، حشاك، بس ما أريد تجي. تميم: ومنو يطبخلي؟ ومنو يرتب غراضي؟ هاجر: ماعرف. تميم: لو نروح أني وياج، لو ماترحين. هاجر: بس مو تجي يمها، ترا أزعل. تميم: خوش، ولا أجي يمها.

بدل ونزل، وأني بقيت أحضر أغراضنه. العصر انطلقنا. وصلنا بـ 9، سلمنا وكعدنا، هلكت. استشرنا الدكتورة وكالت روحي عادي. وبالطريق، شكد تأخرنا، تميم يمشي على كيفه علمودي. اجتني لمار كالت: لمار: تعالي وياي، أحجي وياج موضوع مهم. هاجر: شكو؟ لمار: بس تعالي فدوه. رحت وياها، دخلنا غرفة، وهيا كالت: لمار: ديانا وكرار تعاركو، والسبب الملاهي، وأكيد أنتي وتميم تعاركتو، صح؟ هاجر: ما تعاركنا، بس شعرفج؟

لمار: ديانا تخبلت من عرفت، وتعارت ويا، وهو دزنا هنا، وكال يتفاهم وياها ويجون باجر. هاجر: شتحجين؟ لمار: والله. هاجر: وبعد؟ لمار: ميار ما أريدها تعرف، لأن موفقها راح يصير نفسجن، وهما جانو هناك، مو علمود بنات، علمود ينسون كل شخص عنده وجع. تميم يروح بسبب أهله، وكلنا نعرف هذا الشي. كرار بسبب حبه لـ... الي مو كادر يعوفه. رأكان جان يروح على الواهس، مجرد يتونس، ما عنده شي. هاجر: أي عرفت هذا الشي، كاله تميم.

لمار: خابري ديانا، قنعيها، مو راضيه تقتنع. هاجر: ولا يهمج، أني أحجي وياها. اجت بستني وكالت: لمار: شكراً الج، من صدك أشكرج من كل كلبي. ابتسمت، عافتني وطلعت. كلت أتصل عليها. *** « ديانا » انتظرت بس نرجع للبيت حتى أفهم منه، لأن ما دخل بعقلي كرار يروح ملاهي. رجعنا للبيت، واجاني كرار متحمس. كلت ديانا: تروح ملاهي، مو؟ انصدم من كلامي. كال كرار: شتحجين؟ ديانا: لا تجذب عليه، فدوه، جاوبني. جنت تروح ملاهي؟ كرار: منو كالج؟

ديانا: جاوبني، فدوه. كرار: حمزة، أخوي، كالج؟ ديانا: لا، مو حمزة، أني وهاجر سمعنا حجيكم كله. كرار: بس ثواني، قصدج جنتن تتصنتن علينه؟ ديانا: جاوبني، وكافي تلف ودور. كرار: أي، أروح، بس مو مثل الي بالج. ديانا بعياط: شلونننن؟ مو مثللل الييي باليييي؟ اليي يروححح ملاهييييي شنوووو يسويييي؟ هااااا؟ كرار: صوتجججج. ديانا: جاوبنيييي. كرار: صوتج، وأحجي بأدب. ديانا: شلوننن أحجييي؟ تريدددد أركصصص منننن الفرحححح؟

وماضيييي زوجييي كلههه بالملاهيييي؟ كرار: صوتجججج، ما أريد أضربججج. ديانا: وفوكهاااا، تريدددد تضربنيييي؟ كرار: جنت أروح ملاهي أريد أنساج، لأن خفت عليج من هَتان، أعرف لو أموت محد يوافق على زواجي منج. ومن أدخل ملاهي، أسكر وأنسى، بس ما جنت أنسى، جنت أتخيلج ترقصين ليدي. ديانا: شتحجييي انتتتت؟ كرار: خلييي أكمللل. ديانا: شتكمللل؟ بسسس فهمنييي، مقتنع بالتحجي؟ كرار:

وجنت آخذ تميم وياي حتى لا يشهد على عركات أهله، ورأكان يجي ويانه للوناسة، يعني بس نروح نسكر، ما نسوي شي، نفس الي بعقلج، خوش؟ ديانا: جذاب، أصلاً أنت سكران، شلون تعرف شنو تسوي؟ كرار: وإذا سكران، قابل ما أعرف بروحي شنو مسوي؟ ديانا: جذاببب. كرار: لج، لو مسوي، تبين من أكعد، أشوفها كبالي. ديانا: ما اقتنعت. كرار:

أنتي ماتردين تقتنعين، بس هاي الحقيقة، وحتى تميم من تعرف على هاجر، بطل يروح، بس جنت أني ورأكان نروح، وبعدها تميم كال لـ هَتان، و هَتان جبرنا مانروح. ديانا: بس. قاطعني وكال: كرار: بدون بس، وهَتان ما يريد أحفاده تروح للغلط، وجبرنا نبطل مانروح، وهددنا، كل شخص بينه تهدد بعزيز، فهمتي؟ ديانا: ما جنتو مجبورين تروحون.

كرار: افهمي، أول شي، أني ما جنت أصلي، والشيطان شاطر. رأكان جماعته علموني، واجه علمنا. تميم مسحور، وكلنا رحنا لهذا الدرب بسهولة، ومحد بينه جان يصلي، حتى برمضان ما جنَ نصوم، تخيلي وين وصلنه من المعصية. ديانا: عزا. كرار: بس هَتان هددنا، وانجبرنا نصلي، بالبداية كلنا نصلي خوف من هَتان، بعدها صرنا نسوي علمودنا، ومو خوف من هَتان، وصرنا قريبين من الله، وتخلصنا من المعصية. ديانا: مادري، ما تدخل بمخي.

كرار: اخذي وقتج بالتفكير، مو مشكلة. ديانا: أريد أروح لهلي. كرار: لا، ماكو روحة، تبقين هنا تفكرين هنا لحد ما تقتنعين، خوش. ثاني يوم راحو كلهم للبصرة، وكرار ما قبل نروح، يريد أقتنع، بس أحس جذاب، وأصلاً ما أكدر أصدكه. بليل، اتصلت هاجر. بعد سلام، كالت: هاجر: دحكي، بخصوص الملاهي، ترا كلشي كاله كرار الج، هو صح، وما بي جذب. تميم حلفلي على القرآن، وأنتي إذا تحسين اكو شك بقلبج، خلي كرار يحلفلج. ديانا: أي، هسه أخلي يحلف.

سديته منها ورحت عليّ، كلته: ديانا: تريد أصدكك، مو؟ كرار: طبعاً. ديانا: حط إيدك على القرآن، واحلفلي بأنو كل الي حجيته الي هو الصح. راح توضى، واجه يمي يحلف. كال كرار: والله العظيم، كل الي حجيته الج هو الصح، ومو مجذب عليج، والله مو لازم بنيه غيرج. أطمنت وابتسمت. رد الابتسامة. *** « هاجر » كاعدين كلنا، وكل اثنين يسولفون وحد، الأطفال يلعبون، وصوتهم وهوسه، كلش أحب هيج أجواء. رحنا نام، تعبانين.

صار الصبح، كالو يروحون للسوك، باعتبار أني ما اشتريت شي، رحت وياها، اشتريت فستان يناسب بطني. رجعنا بليل، فوراً نمنا. صار ثاني يوم، يوم العرس. جنت فرحانة، مدري ليش. بهل يومين، تميم وحوراء يحجون، بس من بعدين محد يقرب على الثاني، وهذا الي فرحني. أني ما عندي شي وياها، بس أهم شي ماتقرب على زوجي. أجو عمات حوراء ونسوان عمامها، سلمنا، وبعدها اجت وحدة يمي، كالت: : ماشاء الله، حامل. هاجر: أي، تعرفيني. : ماتذكرتيني؟

هاجر: لا والله. أم حسين: بيوم عرس أركان، خطبتج لابني، ما جنت أدري بيج مزوجة. هاجر: ها، أي تذكرتج، اشونج؟ أم حسين: الحمدلله، وأنتي شلونج؟ هاجر: الحمدلله. اجيت أروح، وشفت تميم يباوعلي ويخزر بيه. ابتسمت. بقة على نفس الخزرة، عفته ومشيت للمطبخ. شوية واجه علاوي ابن أمير، كال: علاوي: هاجر، تميم يناديج بغرفة حوراء. بست خده وكمت. سمعت صوته يكول: علاوي: أححح. زهراء: خلي تميم يسمعك، اله يشك حلكك. علاوي: أشكه وعلي.

زهراء: سرسري، على منو تطلع؟ غير أبوك. مشيت لغرفة حوراء، دخلت وسديت الباب. تميم جان يفتر بالغرفة. من دخلت، اجه يمي كال: تميم: فرحانة؟ أني لازم أشد لي كرون. هاجر: ليش؟ شكو؟ تميم: لا، ماكو شي، بس الي خطبة مرتي شافتها، وصارت تحجي وياها. هاجر: الحرمة ما كالت شي. تميم: لا، دخلي تكول، شكو؟ تستحي. هاجر: تميم، عيب. تميم: وين العيب؟ أريد أفهم. يخطبون مرتي؟ شنو هاي؟

هاجر: عادي حبيبي، من يخطبوني، أعرف مرتك شكد محبوبة وحلوة، والكل تتمناها. تميم: شلون تريد أزعلها؟ هاجر: أي، احجي، زعلني. باس خدي وكال: تميم: أنعل أبو الي يزعلج. ابتسمت. كال تميم: شما أكولن، أيست، تفضحني عيني، مبينة تنتظر تجيها. من أسمع بديرة جديدة، يكلي كلبي، يجوز بيها، وأمشي أدورك.