رواية قسوة احفاد ال هتان الفصل السابع والثلاثون 37 - بقلم هاجر النعيمي

بقت توجعني مدري شبيها. حس علي تميم: بيج شي؟ هاجر: بطني توجعني. تميم: امشي نروح للدكتورة. هاجر: مايحتاج، هسه تطيب. أعرف هذا الوجع مال دورة. غلست وتوضيت وصليت. تميم صار فترة ما يصلي، استغربت. أني أعرف يصلي. هاجر: ليش بطلت تصلي؟ تميم: أني بذات نفسي ما أعرف. كل ما أتوضأ يضيق نفسي وما أكدر أتنفس. وإذا أقاوم وأجي أصلي تفتل الدنيا بيه وراسي يثكل عبالك سكران. هاجر: ممكن تكون مريض، أكيد مو بسبب الصلاة.

تميم: راجعت دكتور كالي مابيك شي. هاجر: دكومي صلي يلا. سمع مني وكام يصلي. توضأ واجه كال: تميم: راح أموت مختنك كلش، مادري شبيه. عبالك ماكو هواء. وكف على السجادة وبلش يصلي. أول ما سجد وكع. ركضت عليه، جان مغمى عليه. أخذت راسه حطيته بحضني وأحجي ويا بس ما يسمع. كمت بسرعة، أخذت تلفوني. اتصل على أمير. أول ما رد كالت هاجر: هاجر: أمير فدوه الحكني. تميم مدري شبي وكع من طوله. حباب تعال. أمير: جاي.

سديته وبقيت أنتظر. كمت بسرعة لبست عباية حتى نروح للمستشفى. ربع ساعة واجه أمير ويا زهراء وعلي. أخذنا للمستشفى. صحى والدكتور كال: الدكتور: مابي شي، وضعه عادي. تميم: ما أدري أحس بدوخة وراسي يوجعني. أمير: دكتور خاف حامل. ضحك الدكتور وكلنا ضحكنا وياه. تميم كال: تميم: أكل نعل. الدكتور: حالته طبيعية ماكو شي يخوف. لا تخافون. طلعنا من المستشفى ورجعنا للبيت. تميم تمدد على التخمالي بالصالة وكال:

تميم: أني مريض. أنت روح شوف المعرض. أمير: خاب كم والله يالله. لو تموت كلشي مابيك. تميم: مريض يمعود. أمير: كافي بطل دلع. أحسك مرتي وجاي تتلوك الي. تميم: خاب لو أني مرتك أطم نفسي بالطين. هو زهراء شلون تقابل شكلك الخايس؟ وين تلكه مثلها جمال وأناقة وأنت أملح أملح. أمير: غير بس أرفع رجلي أغطيك أنت وزهراء. تميم: طبعاً جنك تيل منتول. تعال ليش مسوي شعرك كيرلي؟ أمير: أحبه والله. بعدين أنت شكو؟ تميم: غسلت أيدي من ذوقك.

أمير: أنت مو مريض؟ غير تنجب وتاكل نعل وتسكت. تميم: أني غير إذا أمرض أضل أمسلت وما أسكت. إذا ما أكرهكم عيشتكم كو***. أمير: ياربي شبيك. تميم: تعال صدك شنو صار على المشروع الجديد مالتكم؟ أمير: بعدني ما بلشت. تميم: ليش؟ أمير: يحتاج شغل وأني ماشاء الله كل يوم طالعتلي سالفة. كلت أكمله بهذا الأسبوع. طلعتلي عمتك إذا ما تجون يوم السبت ما أحجي وياكم. بله هاي شتحجي وياها؟

تميم: أحمد ربك اكو أحد يكلبك. بس تدري هي ما تريدك بس كالت خطية حتى لا يضل وحده. جلب خلي يجي. أمير: إيمتى يصير الأكل حتى أولّي؟ تميم: شنو لا بله؟ إن شاء الله تاكل يمهن. أمير: منو أخذك المستشفى؟ على الأقل وكّلني. تميم: أوكلك نعل. امشي اطلع برا. بس خلي زهراء وحتى ابنك العار أخذه وياك. يلا. أمير: هاجر أريد دكمة أطفي بيها. موتني. ضحكت وكلت: هاجر: موجودة ورا أذنك. كام أمير من صدك وكرص تميم من أذنه وكال:

تميم: أنعل أبـ**ـوك لأبـ**ـو أمك. شبيك؟ أمير: ابن القندرة شكو تحجي على أبوي وأمي؟ تميم: لأن مخلفين عار نفسك. هسه لو صاير نفس أحمد. أمير: ليش ما دريت؟ تميم: يا ستار. شصار؟ أمير: هاي راوية تعبي براس أحمد على مريم وهو ما يسوي شي. نوب من تحجي عليه يكولها أني مو مضحك. نفس أمير وتميم. عود شقصده؟ تميم: هتلي بس أشوفه أحط رجلي بـ طـ**ـك. صاير مسلت هواي. أمير: أني رزلته كدام الكل. راوية تكلي أي يستاهل.

تميم: عاد راوية ماتحب المشاكل. أمير: أبداً. لا تظلمها لك. ماتدري؟ تميم: يا ستار. أمير: فلفولة رجعت على الخط. كال اسمها وتميم جان مدد بس سمع اسمها تعدل وكعد. كال: تميم: شجابها؟ ومنو كلك؟ أمير: العصفورة كلتلي. تميم: بلا مسلته. منو كلك؟ أمير: كرار كلي وكال سوي شي أنت وتميم وابعدوها. تميم: شمدري؟ أمير: سمعهم وكالي. تميم: هو جان يدري؟ أمير: طبعاً يدري. لا تنسى جان ويانا. تميم: شلون أنسى. بس هاي الكـ**ـحـ**ـبة أني أعلمها.

أمير: بدون ما يدري خوش. تميم: ولا يهمك. تجي وياي لو وحدي؟ أمير: روح وحدك. وإذا تريد أخذ كرار. أني ما عندي وقت. تميم: أني آخذ كرار. تخسي. أمير: حبيبي خلي أكلك شي. كرار حاجة هاجر وجان يقنعها بيك وبصفاتك الزينة وأنت تكره ودائماً تذله بيها. اللي يحبها لأن ما تريده. تميم: شمدريك؟ أمير: هو كالي وكال أنت فهمه بطريقته. لا تضربها. صح هسه أني الوحيد اللي أعرف. باجر الكل يعرف. وظل يحجي بيك بالزين. تميم: هاجررررر. خفت ورحت يمهم.

كال: تميم: صحيح كرار يحجي وياك بالزين عليه؟ هاجر: أي. تميم: خوش. أمير: تصالحه مو؟ تميم: أي طبعاً. أمير: وتنسى اللي صار. صح؟ تميم: صح. بقو يحجون. إحنا كملنا الغدة وحطينا على السفرة وناديناهم. كعدنا ناكل وعلاوي كال: علاوي: هاجر شكد عمر الولد المناسب للزواج؟ صفنت. شنو قصده؟ أمير كال: أمير: يكون فوق الـ 25. علاوي: أني عمري 4. يعني باقي. بقه يحسب بيده. بعدها دحك وكال بفرح: علاوي: بعد 21 سنة ونكدر نزوج. خوش هاجر.

تميم: كافي ابن الركعة شبيك. علاوي: انجب أبوي تاج راسي. تميم: أبوك *** مالعبه مو تخلي تاج على راسي. أني وزهراء دنكنا راسنا. استحينا من الكلام اللي كاله. تميم علاوي كال: علاوي: ما أقبل تحجي شي عيب كدام زهراء وهاجر. تميم: خاب كم أنت الثاني. هاجر: حبيبي أزوجك بنتي. أني كبيرة. ما يصير. علاوي: ما أريد بنتج. أريد أنتِ. تميم: يصحلك بنتي تاخذها. علاوي: هاجر كالت بنتها مو بنتك. تميم: ليش بنت هاجر مو بنتي يا غبي؟

علاوي: أهووو. انجب خلي آكل. تميم: استغفر الله. صفنت على كلامه. هذا من وين يجيب هاي الأفكار؟ كملنا أكل. أمير راح على شغله وتميم راح هو. بس مادري وين. كلت: هاجر: تعرفين منو فلفولة؟ زهراء: لا. علاوي: أني أكثر من مرة سمعتهم يحجون بيها. بسمعرف منوبقيت محتارة. منو هاي وليش هيج مهتمين بيها وليش يريدون يبعدوها؟ أفكار كثيرة براسي. زهراء كالت: زهراء: كومي نحضر شغلات ونتابع مسلسل.

حضرنا شامية وعلاوي راح يشتري حلويات. سوينا كيكة. أو زهراء سوت كيكة. أني جنت أدحك عليها. ماعرف حتى أطبخ. نوب أسوي كيك. كالت: زهراء: لازم تتعلمين الطبخ. ما يصير. هاجر: أحب الطبخ بس مالي خلك أتعلم. زهراء: ولج ما يصير. يعني مثل هسه منو يطبخ لكم؟ هاجر: هو يطبخ أو يجيب من برا. زهراء: تميم مو كلش يحب أكل البرا. هاجر: أي صح. بس شنو أسوي ما أعرف. زهراء: لازم تتعلمين. حضرنا كل شي وكعدنا نتابع مسلسل. صار الليل وكالت:

زهراء: كومي نحضر أكل الهم. هسه يرجعون ميتين جوع. حضرنا عشة وأجو سوى. وجانو يحجون. ما فهمت شي منهم. كالت زهراء: زهراء: غسلو وتعالوا. راحو شوية واجو. تميم مبدل ومنطي أمير ملابس. بدينا ناكل. علاوي ياكل وحده. وجان ياكل بيده. تمن. صارت إيده وصخة. ولزم أمير. تميم عاط بي: تميم: ملابسي ابن الزمال قابل ملابس أبوك. أمير: شكد ما تريد الزمني حبيبي أنت. تميم: تخسرلي تراك خوش. أمير: يخسي شاربك. تميم: علاوي اركع أبوك زيج حبيبي.

علاوي: هاي عود أنتو كبار. تميم: دباع منو يحجي. علاوي: باجر أبوي يجيبلك تراك غيره. تميم: ميت على تراكات أبوك. أشاقي يا غبي. علاوي: عبالي تحجي صدك. تميم: لا حبيبي أشاقة. أصلاً أني وأمير واحد ياخذ من الثاني. تتذكر بالجامعة أمير؟ هههههه. أمير: يبو. تميم ما يحب يروح للجامعة بملبس لابسهم من قبل. جان ياخذ مني وأني آخذ منه. لأن كل واحد قسم. وكل خميس ننزل للسوق نشتري. تميم: أي والله أيام حلوة.

تذكرت أني لازم هسه مرحلة ثانية. بس أجلت لأن راح أتزوج. لو مكملة ولا هاي السالفة. راحو ومشت الأيام. ما عاد فتح موضوع الحبوب أو غير شي. صار طبيعي. بس إذا أعيط بوجهه يضوج. إجا اليوم اللي لازم يرجعون بيه من البصرة. كعدنا الصبح على صوت تلفون تميم. أخذ التلفون وكال: تميم: هلا يمه. ماسه: يمه جيب وياك غدة. عمتك جايه ويانه. راحتكعد يمنه أسبوع. لأن يريدون يحددون موعد لزواج حوراء. تميم: بس الثلاث سنوات ما خلصت.

ماسه: ميدو يريد يزوج مستعجل. تميم: خوش. إيمتى تجون؟ ماسه: صار إلنا ساعة من طلعنا. تميم: خوش. سد التلفون. باس راسي وكال: تميم: يلا حبيبي. صحصحي عيب حتى نستقبلهم. هاجر: كلهم نستقبلهم لو بس حوراء؟ تميم: استغفر الله بابا. شبيك؟ عوفيها. معليج بيها. ومن هسة أكولج ما أريد مشاكل. وبس تجي أكولها ماريد مشاكل. خوش حبيبي. كرص خدي وكام. أخذت تلفوني أشوف الستوريات. سويت ريوك. تريكنا وكال: تميم: راح أطلع ساعة هيج أجي. خوش؟

لا تتعبين نفسج. وإذا تعبتي اتصلي عليه. هاجر: مابيه شي. تميم: أدري بيج متأذية. غلست. راح بدل وطلع. خابرت ماما. جانو الكل يمهم. حجيت وياها. وبعدها بقيت أحجي ويا العمة. آيلا كالت: آيلا: كومي شوفيني غرفتج. هاجر: دللي. طلعت للغرفة. فتحت الباب وشفتها. جانو كلهم يمها. كالت: آيلا: ليش غرفتج بيها بابين؟ هاجر: فشلتينه. هذا حمام. فتحت باب الحمام وشافته وصارت تضحك. كالت: آيلا: وأني أكول بيت جدي بي كل شي جديد وحديث. طلعت غلطانة.

رسل: بيتكم كبير. هاجر: لا ما كثير. لأن نحنا ما كثار. رسل: ديلا سويلنه جولة ببيتكم. نزلت. رحت للمطبخ شوفتهم. وبعدين للصالة وفريت البيت كلو. كعدت بالصالة كلت: هاجر: تعبت. الله لا يوفقكم. رسل: بطرانه أنتِ. هو بيتكم صغير. بس حلوة الأثاث والألوان. هاجر: صدك ما عرفتو جنس البيبي؟ آيلا: ولد. هاجر: حبيبي قبانو. رسل: أني بعد ما يبين. وأسيل هم ولد. هاجر: مبروك الكم حبيبي. يتربى بعزكم ودلالكم. آيلا: صايرة تعرفين تحجين يولي.

هاجر: لا بله. شايفتني ما أعرف أحجي؟ آيلا: وأنتي؟ هاجر: لا. بعد شكو مستعجلين؟ انشال التلفون من آيلا وصار كدامي. تيم وعيطت. كالت: تيم: أي عيني. من تزوجتي نسيتي تيم؟ هاجر: لا والله. بس مابيدي مجال. تيم: ليش نعطلج عن شركاتج عيني؟ هاجر: أي تعرف يحتاج وقت. تيم: بيج زيج. هاجر: شلونك وربي مشتاقتلك. تيم: المشتاق يراسل لو أني غلطان؟ هاجر: يمعود هو أني أمي ما أكدر أحجي وياها كل يوم. أكثر الأيام مانكون بالبيت.

تيم: مو أكولج شركاتج متعبتج. هاجر: صدك شلونها الجامعة وياك؟ تيم: تخبل. شلون بنات يبووو. بس كمل كلامه رجع عاط كال: تيم: عمه مريم تعالي على بنتج تعضني. أشنو ماخذ جلب من عدكم؟ صارو يضحكون. هيا زعلت وكالت: آيلا: شلون بنات مو أدبسزز. تيم: أنتِ ليش أجلتي؟ جان كملتي. هاجر: زواج وجامعة صعب. تيم: عادي. هاي أني. هاجر: أني عندي مشاغل مو مثلك. تيم: بس لا تطبخين والبيت كله عليج. هاجر: لا يمعود. تريدهم يتسممون.

تيم: أي. ما أكول. ما يصير تطبخين. هو أنتِ أقوى شي عندك. البيضة ومرات تشعليها. هاجر: لا. بعدني ما حرقت ولا وحدة. تيم: أي عيني. كلو حركت ومدري وبعد شنو. هاجر: اشكد سخيف. صار لي ساعة أحجي. ما وصل بس شوية. قلبت. حجيت عليه. يبو منك. سمعت صوت السيارة مال تميم. كلت يلا خلي يشوف. أحجي ويا تيم. دخل للصالة ورفع حاجبه عود ويامن تحجين. بعدها تيم كال: تيم: ها هاجر وين رحتي؟ صفنت نفس أبو صابر. تميم يخزر بيه. كلت بضحك:

هاجر: دنجب. بس إجه تميم ودحكت عليه. تيم: سلميلي عليه. هاجر: تدلل. يلا أروح. بعدين نحجي. سديته وتميم كال: تميم: لا تاخذي راحتج. كملي ويا. هاجر: عادي ترا أخوي. تميم: مو أخوج. ابن عمتك. هاجر: وأنت هم مو أختك. بنت عمتك. من تبطل تحجي ويا حوراء. عود أفكر أبطّل أحجي ويا تيم. تميم: صار لي يومين ساكتلج وأكول انجب لا تضربها. مراتك هاي عيب. بس أنتِ تجبريني. غلست وكمت أريد أمشي. مسك إيدي وكال:

تميم: من أحجي وياج ماتعوفيني وترحين. هاجر: شتريد؟ تميم: أحجي زين. هاجر: أي حبيبي تفضل. تريد شي؟ تميم: لا تستهزئين أحسن لج. هاجر: أهووو. حيرتني. أش أحجي تكلي ما هشكل. أش أعمل؟ تميم: كافي. حضري لي ملابس. أريد أسبح حتى أطلع أشتري أكل. وأنتي تجين وياي. هاجر: ما أريد أجي. تميم: تجين حبيبي. هاجر: شنو تريد أحضر لك؟ تميم: التراك الأسود. هاجر: ياهو منهم؟ تميم: بي كتابة بلون أبيض.

هزيت راسي. حضرتهم. بدلت وكعدت أحط مكياج. طلع من الحمام لابس منشفة على خصره والثانية ينشف شعره. دحك عليه ورفع حاجبه وكال: تميم: رايحين نجيب أكل مو رايحين عرس. هاجر: مو بس علمود الروحة. علمود من يجون يشوفوني مكيجة وحلوة. تقرب مني وهو يحجي كال: تميم: ليش منو يكول عليج مو حلوة؟ صار يمي. ردت أكوم. رجعني على الكرسي الي كبال الميز تواليت. حط إيدي على جانب الكرسي وتقرب مني وكال: تميم: وإذا يجون خطار. يصير تحطين هيج حمرة؟

هاجر: عادي. تميم: هاي الحمرة تحطيها بالغرفة مو كدام الخطار. ونوب ماروني لونها يجنن وصايرة ويا شفتج تجنن. عضيت شفتي وكال: تميم: مو هيج حبيبي. تعالي أعلمج. تقرب مني. أخذ شفايفي بين شفايفه بكل هدوء وحب. انصدمت من هدوئه. تميم مو هيج. استسلمت حتى لا يأذيني بعد. وضحك وكال: تميم: هيج أحلى. دحكت على المراية وشهكت. هاي شنو الحمرة ملطخة يم شفتي. أخذت كلينس ومسحتها. واجيت أحط من جديد. كال:

تميم: شكد ما راح تحطين منها راح أشيلها بطريقتي. عفتها وأخذت وحدة فاتحة. حطيت منها وكمت. رحت للسرير. شفت تلفوني. حجيت ويا ديانا. بين ما تميم كمل. نزلنا اشترينا أكل ورجعنا. طلعت لبست دشداشة مال فراشة. شافني وكال: تميم: أحلى فراشة أشوفها بحياتي. فراشتي.

باس خدي. ندك الباب. نزلنا. جانو جايين. جانت بـ 8. فتحنا الباب. سلمت عليهم ودخلو. كعدو ارتاحو. بعدها راحو يبدلون. أني حضرت الأكل وخليته بالصحون. وحطيت سفرة بالصالة وحطيت عليها كل الأكل. ناديتهم وكعدنا ناكل. بليل إجو أمير وزهراء ومريم وأحمد وكرار. تميم سلم عليهم وراح سلم على كرار واعتذر منه كدام الكل وكال: تميم: أني غلطت بحقك. بس أنت هم غلطان بحقي. كرار: عادي. أنت أخوي. لو شكد ما تغلط أبقى أحبك.

إجا اتصال على تميم. جان كاعد. شوية وكام وكف على حيله كال: تميم: صدك يعني راح تجي؟ وين أنت؟ بس كلي أني أجيك. انتظر المقابل يرد. كال تميم: تميم: خليك بالمطار جاي. انتظر المقابل يرد. رجع كال: تميم: بس أوكف. أجيك. انتظر المقابل. وكال تميم: تميم: ننتظرك. مو تتأخر. سده وبعيونه دموع. الكل منصدمين من حاله. ليش هيج يحجي ويا. منو جان هيج يحجي؟ أسئلة صارت براس الكل. أمير كال: أمير: ويا منو جنت تحجي؟ ضحك وكال:

تميم: هَتان. هسه جاي بالطريق. الكل صار يبجي. بس أني وزهراء ومريم مو فاهمات شي. مو على أساس هَتان ميت؟ بقينة ننتظر. شكد بعدها اندك الباب. كلهم طلعو يركضون. تميم فتح الباب. دخل واحد كبير بالعمر ويا بنات ثنين. وحدة بالاربعين من عمرها والثانية عشرينات. كلهم يحضنون الرجال الكبير. وأني بعدني صافنة. هذا مو ميت؟ شجابه؟ سلم على الكل. وشافنه أني وزهراء ومريم واكفين يم بعض. كال: هَتان: منو هذني؟

تميم: هاي هاجر مرتي. هاي زهراء مرة أمير. وهاي مريم مرة أحمد. والي وراهن مرة أركان. هَتان: ولكم متزوجين ومحد عازمني؟ ماتكولين عيب؟ تزوج وجدي ماكو؟ أمير: هَتان غير صار عندي طفل عمره 4 سنوات. وأنت ماكو. بس تميم وأحمد وأركان كلهم مزوجين جديد. تقرب مني باس راسي. وراح باس راس البنات. البنات باسو إيده. وأني بعدني بصدمة. شنو فلم هندي؟ كعد يشرحلنه ليش هو مختفي. بقى شكد يحجي وكلهم يسمعون. بعدها تميم كال:

تميم: منو هذني الي وياك؟ هَتان: مرتي وبنت أختها. بيبي فتحت عيونها وشهكت. راح يمها باس راسها وكال: هَتان: تدرين شكد أحبج. بس نجبرت والله علمود المهمة. راوية: عاديا. استغربت أنو مو هامها الموضوع. معقول؟ الكاتبة: (بنوتات الأبطال ما يقبلون يذكرون ليش جدهم جان مختفي. وهاي السالفة يريدوها تبقى بينهم. ما يريدون أحد يعرف بيها.)

كامو يصلون العشة جماعي. وراح وياهم تميم. بدو يصلون. بعدهم بأول ركعة تميم وكع. ركضنا عليه. هَتان أخذه بحضنه ويحجي ويا. وتميم ما يرد. عاطت زهراء. ندحك على أمير. نفس حال تميم. أخذناهم بسرعة للمستشفى. طلع الدكتور وكال: الدكتور: مابيهم أي مرض. بس أنصحكم اسألو شيخ. هَتان: ليش؟ الدكتور: اسألو أحسن. هسه أدزكم على شيخ من أهل الله. إنسان طيب.

تميم رفض يروح. يكول هذول جذابين. كلهم أمير تعبان من الشغل. مشى كم يوم بعدها نفس الحالة تتكرر. هَتان رفض أنو يسمع منهم. أخذهم لشيخ. وبس رجعو صدمونه. هَتان: يكول مطعمين. عمه شهكت. هيا وعمه غالية. وأني مو فاهمة. كلت: هاجر: جدو شنو يعني مطعمين؟ هَتان: مسحورين. انصدمت. رجع كال: هَتان: وين ما أكلين؟ بس أريد أفهم. منو اله مصلحة؟ تميم: نحنا ناكل بهواي أماكن. وين ممكن يكون؟ هَتان: هو هذا اللي غاثني. والسحر مسوي من زمان.

زهراء: شلون يعني ما يروح؟ هَتان: لا بنيتي. يبقى وياهم. بس بالعلاج يتحسنون. وممكن تبقى نسبة قليلة. زهراء: يكون مدفون بشي مكان؟ هَتان: حطيلهم بالاكل سحر وهمَ ما كلي. يعني صار ببطنهم. وراح يضل. لو مدفون يطلع. بس راح يبقى ببطنهم. وهذا السحر هو السبب بكل هاي تصرفاتهم العدوانية. أمير: يا تصرفات؟ هَتان: أعتقد تعرف قصدي أنت وذاك الثاني. كلت بهمس: هاجر: يعني تصرفاتهم ويانه بسبب السحر؟ زهراء: أي. هيج فهمت.

رجعنا للبيت. لأن جن بيت عمو. أدري تميم بس صافن. ما يحجي. كلت: هاجر: انطاهم علاج؟ تميم: مي. عزم علي كال تشربوه دائما. ومن يخلص تجوني. هاجر: بس؟ تميم: وما أدري شنو طعمنا وتقيأنا كلشي. وكان اكو دم. هاجر: وشلون تظلون هيج؟ تميم: للأسف. نضل هيج. بس يخف بالعلاج. بس ما يروح أبد. لأن ما كلي. بس أريد أفهم منو وشلون مسوي. هاجر: شوف. أني فهمت شغلة من كلام جدو. بس لا تعصب. تميم: قصدج على تصرفاتي وياج؟ هاجر: أي.

تميم: الشيخ كال هاي مو برغبتكم. هيا خارج عن رغبتكم. وأنتم مو مسؤولين على اللي يصير وياكم. حتى أني ما جنت هيج. جنت أكره الزلمة اللي يضرب المرة. وطول عمري أحجي عليهم. وما جنت أريد يكولي نفس أبوك. هاجر: أبوك شعلي؟ تميم: لا شعلي. معليه. بس جاي أخربط بالحجي. أريد أنام.

نقهرت عليه. ويوم بعد يوم يبين حنانه ويرجع تميم اللي أعرفه. وطلع مشاكلنه بسبب السحر. الله لا يوفق كل شخص يسوي سحر للناس. صارت تجيه كوابيس. ويكعد بالليل يغلط ويفشر ويرجع ينام. وما يكدر يصلي أبد. مشه شهر كامل بين علاجهم. تعبنا بهذا الشهر. أمير وتميم حالتهم مو زينة بسبب التفكير. صار الليل وتميم ماكو. عبرت 12 وهو ماكو. ومو من عادته يتأخر. نزلت لغرفة عمي. دكيت الباب. كال: محمد: تفضل. هاجر: بابا تميم ماكو. اتصل علي مغلق.

محمد: ماسه. جهازي. اتصل على أحد وكال: محمد: عزلتو المعرض؟ انتظر المقابل يرد. كال: محمد: بس تميم ماكو. شلون راح بمكان ويا أحد. رجع يسمع المقابل. كال: محمد: هاي هي. روح. سده وكال: محمد: معزلين من 8 المغرب. ماسه: يمه ابني وينه؟ محمد: أكيد ويا الولد. أوكفي. خابر أدريان وفتح سبيكر. كال: محمد: تميم يمكم؟ أدريان: لا. ليش؟ محمد: بس شوفه يم أمير لو أحمد. لأن ماكو بالبيت. والمعرض معزول من 8 وهو ما إجه لهسة. أدريان: خليك وياي.

سأل عليهم. طلع حتى أمير ماكو. محد اهتم. لأن يكونون يتفرون. رحت لغرفتي. مادري شلون نمت. كعدت الصبح على صوت عمتي. فتحت عيوني أشوف تميم ماكو. معقول ما إجه لهسة؟ نزلت جوه وسألت إذا طلع. كالو لا. وصارو يدورون عليه. وفوقها أمير ويا. واثنينهم ماكو. صار يومين هم مختفيين. ثلاث يوم. الكل جان بيت أدريان. إجا اتصال لعمو محمد. رد. شويه صار يعيط. محد فاهم شي. كال: محمد: شنوووو؟ تريدددد؟ يصيرررر ابنيييي؟

معلييييخفت. وقلبي صار يوجعني. سده والكل يستفسر. كال محمد: محمد: جماعة... خاطفين أمير وتميم. ويكلي أكتلهم. وأجيب لك راسهم. إذا ما تطلع... من السجن. ماسه: يمههه ابنييي محمددد فدوههه طلععع ابنييي أبوسسس إيدككك. غالية: ابنييي ليشش خاطفييي ابنييي؟ شعلييي بهذاااا ليششش دخلوننن ولدكممم بمصايبكممم. محمد: يا مصايب أنتِ الثانية. واحد لزمته تاجر مخدرات. وطلع ويا ناس. وهما خاطفين أمير وتميم. وبس أطلع هذا اللي لازمه. يرجعون.

الكل مخبوصين. حالنا حاله. تميم بعد ما صار زين. انخطف. شلون ما أدري. وشصار مادري. بقينة أسبوع بقلق وخوف ورعب عليهم. محد يحجي شي. عمي ساكت. وعمو أدريان ما يقبل يحجي. هَتان مشغول وياهم. عمتي ضغطها ارتفع. وعمه غالية صابتها جلطة. وأني مريضة. وجهي أصفر وما آكل. زهراء مو أقل مني. علاوي يبجي. حال البيت يبجي. إجت عمتي كالت:

ماسه: حالتج ماتعجبني. ليش هيج شكلج تعبان. يمه نحنا أخذناج وردة وهسه ذبلتي. تردين تميم يرجع يشوفج ذبلانة؟ امشي وياي للدكتورة. رحنا للدكتورة. انتظرت دوري. إجه ودخلت. وصدمتني. من كالت: الدكتورة: دلع. الحمل. ألف مبروك حبيبتي. انصدمت. ياحمل؟ هاي شبيها؟ صح وقفت العلاج. بس مو بشهر أحمل؟ مو معقول. كلت: هاجر: متأكدة؟ الدكتورة: تشكين بيه؟ غير مجيبة هواي بنات. هاجر: بشهر؟ الدكتورة: ثلاث أسابيع.

ضحكت بفرح وصرت أبجي. أني حامل. وتميم ويني؟ ياربي ما يصير شي علي ولا على أمير. كلت لعمتي. وطارت من الفرح. وتكول: ماسه: بس يرجع ابني. أني أبشره. محد غيري يبشره. رجعنا للبيت. بس ما حجينا. كالت شوية تعبانة. « أمير »

طالعين نتعشى. أني وتميم. عازمني. علمود أشترى سيارة. طلعنا من المطعم راجعين للبيت. وكفت سيارة كبال النهر. أدي يرجع تميم لوره شوية. وشفت سيارة ورانا. إجه من يمي واحد. فتح الباب وضربني بوكس. أريد ألحك أحجي. ما أكدرت. دفعني من السيارة. وكعت بالكاع. وصار ثلاثة يضربون بيه. أريد أدافع عن نفسي. ما أقدر. واحد منهم حط شي على حلكي. وما حسيت بشي. فتحت عيوني. أني بغرفة فارغة. مابيها غير عمود. رابطيني بي. صحت:

أمير: تميمممم. وينههه؟ ويننن تميمممم؟ تميم: وراككك. أنييييي. أذنيييي. أحتاجههه. عرفت تميم وراي رابط. كال: تميم: كو****. إذا أنتو زلم. تجون واحد واحد. مو عشة مخانثة. دخل واحد كال: : منو بيكم تميم؟ تميم كال: تميم: ليش تريد توقيعي؟ : لا. أريد راس أبوك. عصب تميم وضل يفشر علي. كلت: أمير: نحنا ليش هنا؟ وشنو مطلوب منه؟ : أخذناكم حتى نطلع أخو الزعيم. تميم: يا نعل. هذا؟ : احجي زين. راح وضرب تميم وكال:

: أبوك أخذه. ومثل ما أخذه هو. وهو بنفسه يرجعه. تميم: لك ابن القندرة. هذا أبوي محمد ابن هَتان. تخسي. : يسمع. وغصبن علي. لأن إذا ما يسمع. ماراح نكتفي بالسحر. لا راح ندزله راس ابنه. تميم: يعني أنتو مسوين سالفة السحر؟ : حجينه ويا أبوك بهدوء ورفض. أجينه بأكثر شخص يحبه. وأكيد هو ابنه. بس ابن عمك جان وياك. كلنا يفيد. أمير: ونحنا نظل هنا إذا ما طلع صاحبكم. : عفيه ذكي أنت. تميم: ما يطلع صاحبكم. لو أعرف أموت. فهمتتتتت.

: مو لمصاحتك. لأن أنت وابن عمك تموتون. وغير هيج. أبوك يلحكك. .................. « هاجر » إجا اتصال على عمي. رد وكال: محمد: شنوووو؟ بيا مستشفى جايين؟ سده وكال: محمد: طلعوهم. بس أمير مصاب. وهسه هو بالمستشفى. طلع هو وعمو أدريان. رحت يم كرار. جانو راح يطلع. كلتها: هاجر: كرار بداعت أمك أخذني حباب. الله يخليك. كرار: بسرعة.

لبست عباة عمتي. وهيا لبست عباة ملاك. واجت ويا. غالية وزهراء وهَتان. وصلنا المستشفى. نزلنا ركض. كرار سأل الرسبشن. راح ركض. ونحنا نركض وراه. وصلنا غرفة. كال: كرار: ثنينهم بهاي الغرفة. عياط ما أريد. مفهوم. دخلنا. شفت حال تميم. وجهه ورام. وكله كدمات. وجان ملابس تيشرت وصدرو كلو جرح. أني وعمه نبجي. وهو يسكت بينه. عمي محمد يبجي. تميم حجه النه الي صار. وكال:

تميم: من طلعنا واحد منهم. ناداني. وجان رافع سلاحه. بس أمير دفعني. وصارت الطلقة برجله. ماسه: يمه الحمد لله على سلامتكم. وأبوك هو يتصرف وياهم. شوية وطلعو. عمي كال: اخذو راحتكم. ابتسمت وكلتها: هاجر: الحمد لله على سلامتك. جنَ ننتظر ترجع. تميم: من أشوفج أصير بخير. هاجر: بس ماسألت. منو ينتظرك وياي؟ تميم: مبينة أهلي. هاجر: لا. تميم: لعد؟ أخذت نفس وكلت: هاجر: ابنك. ضحك وكال: تميم: يعني أنتِ حامل؟ هاجر: أي. ثلاث أسابيع.

تعدل وكال: تميم: تعالي بحضني. ما أكدر أجيك. كمت يمه وحضني. أوف مشتاقة لحضنه. كلت: هاجر: بعد لا تعوفني هيج. منو يهتم بيه؟ بعد يومين طلعو من المستشفى. تميم متغير 180 درجة. أبد مو نفسه. يوم تزوجنا رجع تميم اللي حبيته. اللي يحبني. وما راح يأذيني. كال: تميم: أريد تسامحيني. هاجر: صعبة شوية. تميم: راح آخذج. شهل عسل. هاجر: جذب. يعني نسافر؟ تميم: أي طبعاً. هاجر: وين؟ تميم: شنو؟ جانت المكان الي تحبين تروحيلها وتحبين لغتهم؟

هاجر: اسطنبول. تميم: راح نروح الها. بعد يومين. أني وأنتي وأمير. وزهراء. وأحمد ومرته. كمت حضنته وبست خده. كال: تميم: لو أدري هيج كل يوم أسفرج. تسامحيني؟ هاجر: صح تصرفاتك مو أنت المسؤول عنها. بس تبقى أنت الي ضربتني. أحتاج وقت. تميم: الوقت كله بيدج. ....................

انتهى البارت. اختصرت الأحداث بهذا البارت بشكل مو طبيعي. وراح ننهي الرواية بعد كم بارت. أتمنى محد يحجي على تميم. تصرفاته جانت بسبب السحر. وهو مو مسؤول عنها. وأمير جان ويا بكل شي. وهو هم صار مسحور نفسه. تصرفاتهم هسه رجعت نفس قبل. بنوتات. شنو رأيكم بالبارت؟ وشنو تتوقعون يصير؟