رواية قسوة احفاد ال هتان الفصل السادس والأربعون 46 - بقلم هاجر النعيمي

هاجر: أعشق كلامك. تميم: كلامي نخلق بس. هاجر: أحبك. تميم: أحبج ياقيطان كلبي. باس خدي وراح. نزلت ويا تغدينا وطلعنا نبدل. جابوا حوراء من الصالون مع أختها ومرة أركان. ونحنا رحنا نبدل. بدلنا وحطينا مكياج. كالت ملاك: ملاك: هاجر حبابة، أنتي خلصتي؟ روحي على تميم جيبي من سيارته حذائي نسيت أنزله. ديانا: أني أجيبه. شوفي بطنها. هاجر: عادي مو مشكلة. أني أريد أمشي. نزلت أدور تميم، لكيته. رحت يمه وكلت:

هاجر: بس تطلع جيب من صندوق السيارة حذاء ملاك. تميم: شني هذا المكياج؟ خلي أشديلي كرون. هاجر: عوف لكرون فدوه بس جيب الحذاء. تميم: أوكفي وهاي الثولة دزتج أنتي بمكان ماهيا تجيبه. هاجر: مو مكملة وأني أريد أمشي. من أكعد أتعب. تميم: هذا الحيوان متعبج مو؟ هاجر: لا تحجي على ابني. تميم: امشي من كدامي أحسن ما أجيبج براشدي. هاجر: يمه خفتت. شوف. رفعت إيدي وأهز بيها عود خفت. أجه وراي. رحت ركض للمطبخ. كال: تميم: على كيفج يولي.

ضحكت ودخلت للمطبخ. بيبي من شافتني كالت: راوية: صوت ضحكتج واصلة لسابع سما. عيب عليج. أنتي مو بيت وحدج حتى هيج تتمضحكين. هاجر: تميم شافني أضحك ما كال شي. يعني عاجبه. تميم: بلا مشاكلكم. طلعنا جبنا الحذاء ورجعنا. وبقه وراي. كلت: هاجر: راح تجي وياي لفوق يعني؟ تميم: غير أوصلج. هاجر: يلا. طلعنا فوك وسحبني من إيدي لغرفة فارغة. سد الباب ودفعني ورا الباب. خلى إيديناته على الباب يمنع أشرد. كال: تميم: اوفف شني هذا الجمال.

هاجر: أستحي والله. تميم: هو ياهو يجي يستحي. هاجر: أويييي كلامك يجنن. تميم: شتعلو أهلج لا تكولين أوي. هاجر: أويييي. لزم راسي وأخذ شفايفي بين شفايفه. شويه وعافني كال: تميم: مو شفايف ضيم تروي العطشان. هاجر: يلا خلي أروح. تميم: دخيل عيونج شكد بيهن سوالف. هاجر: أويييي والله أستحي. تميم: امشي من كدامي لا أشگج. يلاااا. طلعت وأني أضحك. رحت للغرفة. ديانا بس شافتي وكعت من الضحك. بقيت مصدومة وكلهم انتبهوا إلي وصاروا يضحكون.

كلت: هاجر: شبيكم؟ بيه شي يضحك؟ ديانا: شوفي شكلج بالمرآية. رحت أشوف شكلي وانصدمت. الحمرة خربانة. بقيت فاتحة عيوني أحاول أستوعب. كلت: هاجر: هاي مو تلزك على الشفايف؟ شلون؟ زهراء: الظاهر تميم أقوى. هاجر: أنجبي ادبسزززز. بقوا يضحكون عليه وأني شويه وأبجي من الفشلة. رجعت حطيت مكانها وعفتهم ونزلت. شافني كرار كال: كرار: لك شني هاي؟ شنو هل جمال؟ شنو هل أناقة؟ هاجر: جمال عيونك. كرار: باع بطنها والله تضحك.

هاجر: ترا أكول ل تميم عليك. كرار: أسف. كل شي اله يعرف تميم. هاجر: يلا ولي. انصدمت وأني هم انصدمت. كلت: هاجر: أسفه والله طلعت بالغلط. عذرني. كرار: ولا يهمج. عادي. شبعت منهن. ابتسمت عفته وكعدت بالصالة ويا الكل. بعدها رحنا للقاعة. محد من الولد أجو لأن عيب. هما أهل العروس. جانت حلوة الحفلة وكل عايدة. بقيت كاعدة ما كدرت أكوم وأركص. وزهراء يمي ومريم هم. وكل شويه زهراء تحجي على وحدة. كلت:

هاجر: ولج كافي. ابني راح يطلع مُعوق من كد التمنر. كافي يولي. زهراء: يمه يعني بنتي هم تتعوق؟ هاجر: شعبالج. مريم: لا يربي. أني معليه. هنَ جانن يتنمرن. ضكيناها بضحكه أني وزهراء. خلص العرس رجعنا للبيت. ثاني يوم راحوا النسوان الكبار. ومشت ثلاث أشهر. بهاي الأشهر ما صار شي. بليل نايمين كعدت على وجع بطني كلش قوي. كلت: هاجر: تميم حباب راح أموت. بطني توجعني. تميم: نامي يمعوده. هاجر: تميم اخخخخ يمههه الحكينيييي. فز بسرعة كال:

تميم: شبيججج؟ هاجر: راححح أموتتتت. فدوههه سويييي شيييي. اخخخخخ يمهههه بطنييييي لحكونيييي. عافني وراح. شويه ورجع ويا عمه ماسة. لبسوني عباية ورحنا للمستشفى. بطني توجعني كلش. وصلنا ودخلوني للطوارئ. بقيت أصيح. بطني تموتني وجع فضيع. عيوني تغوش. الدكتورة كالت: الدكتورة: اصحي وياي. ساعدي ابنج. عينيا. بقيت أفتح بعيوني وأغمض. كالت: الدكتورة: اضربيها راشدي. راح يروح الطفل من إيدنا. حسيت على راشدي رجعت أعيط من الوجع. كالت:

الدكتورة: اييي عفيه. بعد. يلا حبيبتي ساعدي ابنج. يلا. سمعت صوته ابتسمت بتعب. كلت: هاجر: أريد أشوفه حبابة. حطته على صدري. بست راسه وأخذوه. غمضت عيوني بتعب ونمت. حسيت على صوت تميم وعمه يحجون. عمه شافتني كالت: ماسة: الحمدلله على سلامتج يمه. يتربى بعزكم ودلالكم. هاجر: الله يسلمج. وينه؟ أريد أشوفه. ماسة: هياته شوفي. أخذته بحضني وأجعص بي. كالت: ماسة: يولي ما يصير. طفل بعده ما يتحمل. هاجر: غير أحبه. تميم: وأني شنو؟

هاجر: هم أحبك. بس تيم أكثر. تميم: دباع ماكو هيج صلافة. بس أبقه أحبج. ابتسمت وصار يبجي. كلت: هاجر: صوته كيوتت يربييي يجننن. أريد أشوف عيونه. بلكي نفس تميم. ماسة: ما يبين هسه. رضعي يمه. وأنتي أمشي نسجله. راحوا. دخلت ملاك كالت: ملاك: أريد أشوفه. هاجر: بس يكمل رضاعة شوفي. كمل وهيا أخذته وبقت تتغزل بي. شويه وكالت: ملاك: شوفي عيونه نفس لون عيون تميم. هاجر: جيبي أشوف.

جابته يمي. شفت عيونه نفس تميم بالضبط. كلش حتى السحبة والعين والرموش. كلت: هاجر: صار عندي تميم اثنين. بس تمنيت يطلع يشبه تيم. ملاك: الله يرحمه. شوي ودخلوا عمه ماسة وتميم وعمو محمد. تميم كال: تميم: ابن القندرة إجه. بــ 4 الصبح. باجر يكبر بالشكد يجي أبو راس. هاجر: هههه شوف عيونه نفسَك. تقرب يمه شاف عيونه كال: تميم: أروحلك فدوه يمه. تعالي شوفي عيونه نفسي.

عمو محمد أخذه وصار يكبر بأذنه. رجعنا للبيت. حطينا الكريكوت يمي وخلينه نمت. كعدت عمه أنطتني أكل. تميم النهار كله موجود. والعصر أجو عمام تميم وعماته. علاوي ابن أمير كال: علاوي: هاجر أنتي مو كلتي من أجيب بنت أزوجك؟ ياهازوجيني بنتج؟ هاجر: يبووو ولك هذا ولد نفسَك. علاوي: صدك؟ عبالي بنية. هاجر: لا ولد. علاوي: خلي يولي لعد. ما أريد. كوم دانيال نلعب. دانيال: خاب أنجب. شوفه شكد حلو.

راحوا. ورا أسبوع كدرت أكوم وأمشي. مريم جابت قبلي بشهر. واليوم ولدت زهراء بس بشهر الثامن جابت الطفلة حالتها شويه تعبانة. مشى شهر والكل بخير. بيوم أهله اجو وسووها مفاجأة وجابوا وياهم آيلا. شافت ابني وكالت: آيلا: أروحلك فدوه شنو هل جمال حبيبي. أمي ما عافته طول الوقت بيدها. وأني طول الوقت بيدي ابن تيم. كلت: هاجر: يشبه تيم. بس عيونه نفس لون عيونج. آيلا: كل ما أشوفه أذكر تيم. صارت تبجي. رحت يمها وكلت:

هاجر: الله عوضنه بهذا. هذا تيم الي راح يكبر ويسندج. هذا الي راح يسكت الكل من يحجون عليج. هذا تيم الثاني. آيلا: تعبانه. أريده والله ما جاي أتحمل فراكه. هاجر: اذكري الله. ترحميله. آيلا: والله دائما أدعيله وأذكر الله دائما. أطلع عن روحه. هاجر: أي عفيه عليج. أبد لا تنسي. آيلا: ليش أكدر أنسى؟ هاي شكد مرت على وفاته لهذا اليوم أتذكر وجهه من يجي تعبان من الشغل لو من الجامعة.

هاجر: لا تذكريني. تدرين شكد جان يحجي عليه ويكول صغيره. أتذكر جنت بالسادس وهو أول سنة وأجه يمنا. كال هاي بعدج بالسادس؟ عجل شكد صغيرة. آيلا: سوالفه تضحك. هاجر: أي والله. وأبد ما أنسى سوالفه. آيلا: أي والله. هاجر: كومي سوي ممه ل راوي. بس ليش سميتي راوي؟ آيلا: تيم جان كلش يحب اسم راوي. وسميته. هاجر: أي خوش. آيلا: تدرين أسيل حامل للمرة الثانية. هاجر: الله يكومها بالسلامة. آيلا: من جابت بطلو مشاكل علمود الطفل.

هاجر: أي خوش الحمدلله. آيلا: بس تدرين لهسه إلياس نفسه بيج. حطيت إيدي على حلكها وكلت: هاجر: اششش. أبوس إيدج لا يسمع تميم. هسه يسويلي مصيبة. آيلا: يبو مادري والله. هاجر: خذي ابنك رضعي. وأروح آخذ ابني. أمي احتله. رحت للمطبخ. أمي وعمه ماسة يسولفون. كلت: هاجر: ماما جيبي تيم أضلعه. أخذته منها وطلعت للغرفة. رضعتو. دخل تميم شافني كال: تميم: شوف المسربت مكيف. وأني مو خطية أبقه جوعان. هاجر: روح. تميم: چؤ. أريد أكولج.

هاجر: شتاكل مني يمعود. تميم: إيمتا يكبر أخذه وياي. هاجر: ترا عمره شهر. شبيك؟ تميم: أي هو أريده يكبر. دك تلفوني. تميم جابه إلي وكال: تميم: هندرين. فتحت الخط بعد سلام كالت: هندرين: عرسي بعد أسبوعين. تعالي خوش. هاجر: أي إن شاء الله أجى. بقينه نسولف. كالت: هندرين: طلعي تيم أريد أشوفه. فتحت كامره وخليتها على تيم. وهيا تحجي ويا وهو مو فاهم شي. شويه وصار يبجي. كلت: هاجر: أروح أني أنوّمه. هندرين: نوم العوافي.

سديته منها ونيمته. ونزلنا. تذكرت عيد ميلاد تميم يوم الاثنين. واليوم خميس. لازم أحضر كل شي علمود نحتفل بعيد ميلاده. بليل كلت: هاجر: تميم. أريد باجر نروح للسوق. تميم: عندي شغل والله. هاجر: نروح أني وأمي وأمك والبنات. حباب. تميم: چؤ وحدكم؟ لا. هاجر: تميم حباب يلا خلي نروح. فدوة حبيبي. تميم: وتيم وين يضل؟ هاجر: ناخذه هم. أشتريله ملابس. تميم: روحي. رحت بست خده. كال: تميم: تضحكين عليه بهاي البوسة؟ تعالي.

سهرنا سهره حلوة. ثاني يوم العصر رحنا للسوق. اشتريت شموع أعلكهن بالغرفة. واشتريت شموع على عمره. راح يصير عمره 27. اشتريت ملابس ل تيم. واشتريت هدية ل تميم. ورجعنا. السبت راحوا أهلي. والأحد انعزمنا ببيت عمو ادريان. كعدنا الصبح ونزلنا تريكنا. رجعت رضعت تيم. بدلنا وطلعنا. وصلنا ونزلنا سلمنا. رحت على عمه ماسة وكلت: هاجر: خلي تيم يمج. أروح يم البنات وأساعدهن. ماسة: جيبي. هذا ابني يمه فدوه. شنو هل جمال.

رحت يم البنات كعدنا نسولف شويه. وبيبي كالت: راوية: ولجن كملن طبخ. عوفن السوالف. هاجر: بيبي غير نسولف ونحجي. شبيج. راوية: سدي حلكج واشتغلي. الكوبرا. غلست عليها. وهيا استلمت ديانا. وكل شويه تكله شوكت تحبلين. وديانا طلعت تبجي. أني وزهراء ومريم وملاك ندري بيها عقيم ماتجيب أطفال. وكرار هم يدري. بس هو رفض يكول لأحد. حتى أهله ما يعرفون. ما يريد أحد يحجي على ديانا. أجه كرار معصب وكال: كرار: راوية شبيج ويا ديانا؟

كل ماتشوفها وتكوليلها شوكت تحبلين؟ شعليج؟ راوية: أحجي وياي زين. ترا أكول ل جدك عليك. كرار: كوليله. خايف منكم. مرتي مابيها شي. أني عقيم. ما يصير عندي جهال. ارتاحت؟ شهكت بيبي وعمه غادة لطمت وكالت: غادة: يمه صدك هذا الحجي؟ كرار: أي. ومحد يحجي ويا ديانا. مو كافي متحملتني. وأني ما أجيب أطفال. إذا أسمع واحد حاجي بهيج موضوع. أكره عيشته. خوش. عافنه وطلع. نقهرت ونزلت دموعي. مسحتها وكلت: هاجر: ها راوية؟ رتاحت؟

خربتي حياة الولد. عوفي بحاله. معليج بي. هتان: هاجرررررر. التفتت على الباب وشفت هتان وراي كال: هتان: شلون تحجين ويا راوية هيج؟ هاجر: كل ماتشوف ديانا تسئلها شوكت تحبلين. واليوم كرار كد ما ضاج كال هو عقيم. هتان: شتحجين انتي؟ هاجر: أي والسبب راوية. هتان: تحجين ويا راوية بأدب. فهمتي. أجانه صوت تميم وكال: تميم: مرتي تحجي بالطريقة الي تحبها. وبعدين ما كالت شي غلط. هتان: ولك تحجي على راوية.

تميم: راوية بكل شي دخل نفسها. خلي تحل عن الولد. شويه. وبعدين مثل ما أنت ما تقبل أحد يحجي على مرتك. أني هم ما أقبل أحد يحجي على مرتي. والي يحجي يروح بيها. صح. هتان: تهددني؟ تميم: أبد. بس لو تروح تلتفت ل حمزة وتعوف سوالف النسوان يكون أحسن. هتان: أمير وأحمد يكومون بالواجب. تميم: ما علي بيهم. أني راح أدخل. أعرف ماراح يكدروني. حلوها. هتان: أنت تبقى بعيد. تميم: لا تخاف عليه. مرتي تعرف ماضيي. وما تعوفني. ارتاح. عافنه وطلع.

أجه تميم وكال: تميم: أكص لسان الي يحجي عليج وأذبه للجلاب. هاجر: يلوموني لأن أحبك. تميم: أموت عليج. راوية: طاح حضك. غمتنه وطلعت. ضحكنا على تصرفاتها. كرار جان اليوم كله مو طبيعي. وكل شويه بيبي تهدي. وعمه غادة تصبره. كال كرار: كرار: ما أريد هذا الموضوع ينفتح. عافنه وطلع برا. كمت أدور على ديانا. شفتها بغرفة زهراء تخابر وتحجي وتبجي. دخلت الها. هيا كالت: ديانا: يلا يمه. أروح. من أرجع أحجي وياج. سدته. وأني رحت كعدت يمها.

كلت: هاجر: مو نهاية العالم إذا ما صار عندج طفل. لاتنسين هسه الطب تطور. تكدرين تتعالجين. وإذا ما كدرتي تتعالجين. سوي طفل أنابيب. كرايبنه سوتها قبل فتره. وهسه عدها أطفال. ديانا: شلون؟ هاجر: دحكي. هيا سوتها مرة وصارت. ومن بعدها صارت تحمل بدون ما يسوولها طفل أنابيب. يعني اكو أمل. وأكيد الله ماينساج. ديانا: أنقهر على كرار. مرات من أشوفه يلعب علاوي أو دانيال أو مجتبى. أنقهر شلون هو ما عنده أطفال. وكل العالم عدها.

هاجر: كرار يحبج. وشفتي علمودج كال إنو هو عقيم. حتى لا أحد يزعلج بكلمه. ديانا: صدك؟ هاجر: أي والله. تعارك ويا بيبي وكاللها إنو أني عقيم. ما أجيب ولد. وهيا صابرة عليه. وأنتو تحجون عليها. صارت تبجي. كلت: هاجر: يعني شوفي شكد يحبج. ومستحيل يعوفج.

هديتها ونزلنا. رجعنا للبيت. وثاني يوم العصر تميم راح على أساس جماعته يحتفلون ويا بالكوفي. وصينا على كيكه عليها صورته وصورتي. وسويت حلويات. وكلهن تعلمتهن من النت. ملاك جانت تساعدني. كملت وطلعت أرتب الغرفة. زينتها وكملت. بليل حطيت الحلويات والكيكه على الميز الزجاجي الي بالغرفة. رحت سبحت ولبست بدلة ركص. جانت مخصرة وكل تفاصيل جسمي مبينه. أعرفه يحب هاي السوالف. كملت ورحت أحط مكياج. حطيت كثير بحيث عبالك رايحه صالون. كلت ل ملاك تاخذ تيم يمها اليوم. وما كالت. لا. أخذته يمها. بــ 12 دخل تميم شافني وبقه صافن بيه.

تقرب مني كال: تميم: شنو هل جمال ياربي. هاجر: جمال عيونك. تميم: راح أنجلط من جمالج. أخذ إيدي وفرني نفس العرسان. رجع سحبني علي وكال: تميم: كل هذا لأن اليوم عيد ميلادي. هاجر: طبعاً. قابل كم تميم عندي. تميم: يروحلج فدوه تميم. هاجر: أني أروحله فدوه. تميم: أعشقج ياقيطان كلبي. هاجر: أحبك تميمي. تميم: أحبج هاجري. هاجر: كل عام وأنت بالف خير. وكل عام ونحنا سوه. كل عام وأنت كل حياتي. كل عام وأنت سندي وضلعي. أنت كل حياتي.

تميم: لها عينين تُشبه المحيط، هادئة تَجعَلُك تغرق بهدوء. سهرنا سهره كلش حلوة. كعدنا الصبح على صوت عمه ماسة. نزلنا تريكنا. ومشت الأيام. قبل يومين من عرس هندرين قررت أحجي ويا تميم علمود العرس. كلت: هاجر: أريد أروح لعرس هندرين. تميم: روحي حبيبي. هاجر: أحبكككككككك. بست خده. كال: تميم: حضري ملابسج. أخذج.

حضرت ملابسي وملابس تيم. تميم يوديني للموصل. وثاني يوم يرجع ل بغداد. وصلنا العصر. دكيت الباب. طلع حسن أخذ تيم من إيدي ويحجي ويا. وعافني ودخل للبيت. بقيت صافنه. شني هاي؟ دخلت أني وتميم. وأمي أخذت تيم من حسن وتلعب بي. وكلهم التموا يمه. وأني محد أجاني. كلت: هاجر: هسه أخلي تميم ياخذوه. شنو هاي؟ منو بنتكم؟ أني لو هو؟ مروة: تعالي حبيبتي. كلبي انتي. باستني. كلت: هاجر: بعد وكت. وين بابة؟ مروة: بالعيادة. عندو مراجعين كثار.

تميم ترخص وراح لبيت حيدر. ماما كالت: مروة: امشي نروح نفتر أحسن ما كاعدة بالبيت. حسن بابا مشتريله سيارة. وهو طلعنا. بقينه نفتر وتيم ذبحني. ما يسكت. أمي أخذته تسكت بي. أشو هذا سكت. كلت: هاجر: يذبحني عما يسكت. وهسه بسرعة سكت. مروة: أنتي ماتعرفين تتعاملين مع الأطفال غير؟ هذا أول طفل الج؟ هاجر: أي صح. حسن عود ودينه على بيت عمه مريم. أشوف ناريمان وآيلا. صحيح يونس ما أخذ إيليف.

مروة: على أساس هل فترة لأن ما يلكون حجز للقاعة. هاجر: أي خوش. وصلنا بيت عمه مريم. نزلت دكيت الباب. طلع عمر. كال: عمر: ها؟ خاف متيهة بيتج؟ هاجر: لا يمعود. جيت عدكم. عمر: لا هاي ما بغداد. خاف متيهة. هاجر: اهو. اشكد سخيف. دخلنا سلمت على البنات وكعدنا نسولف. حيل تونست. رجعنا للبيت. وثاني يوم أجو عماتي. أتصلت على رسل حتى تجي. وخطيه شهم جابها. وأربيل مو بعيدة على الموصل بساعة. وصلتنا.