رواية قسوة احفاد ال هتان الفصل التاسع والعشرون 29 - بقلم هاجر النعيمي

لم يعد في داخلي رغبة لخوض أحاديث أو الاقتراب من أحد. فجأة ومن دون أن أرغب، شعرت بثقل التواصل مع الجميع يسيطر على داخلي. لا أكره أحداً، لكنها نفسي فقدت رغبتها دفعة واحدة. « ملاك » بعد ما راحت هاجر حسيت بخنقة مو طبيعية. عفت الأكل وكل شيء وبقيت قاعدة. كالت رشا: " أنتي وذيج ليش مزودينها؟ ملاك: " ليش اللي صار شنو تعتبريه؟ رشا: " اللي صار صار، إذا ما صار اليوم يصير بعدين." ملاك: " بس حرام، أخوج غلطان." رشا:

" مو حرام، عاقدين." ملاك: " انتي ليش هيج مو مهتمة؟ واللي صار بالبنية مو حرام؟ اليوم عرفت إن تميم قاسي، تميم رجع طلع قساوته اللي خباها من زمان. وعلى منو طلعها؟ على مرته! المفروض ما يأذي شعرة منها." رشا: " لا تزوديها، خلاص. انسي، باجر يتزوجون." ملاك: " ترجع ماما وبسيطة." رشا: " انتي غبية، منو أهم؟ تميم لو هاجر؟ ملاك: " تميم أخوي وهاجر أختي، وأخوي غلطان وهو يتحمل غلطه." رشا:

" انتي الحجي وياج ما ينفع. روحي رتبي غرفتها، أكيد هسه مخربطة." عفتها وطلعت. فتحت باب الغرفة. شنو هاي؟ شلون صارت هيج؟ من دخلت على هاجر مانتبهت على الغرفة من خوفي عليها. رحت للجرباية أعدلها وشفت دم. خفت بس شلتها حتى أشوفها لأمي وما غسلتها. ما أريد أتصرف بشيء بدون ما آخذ رأي أمي. رتبتها ونزلت. جانت أمي موجودة. كلت: " تعرفين ابنك شنو مسوي؟ رشا: " مو وقتها، هسه اسكتي." ماسه: " شكو؟ ملاك:

" وقتها، وأمي لازم تعرف ابنها شمصخم." ماسه: " خوفتوني، أحجن شكو." ملاك: " ابنك اعتدى على هاجر." ماسه: " شنووو؟ ملاك: " أي." ماسه: " وهي شلون تقبل؟ ملاك: " مو بكيفها، غصب عنها. صوتها راح، وهي تتوسل يعوفها، وابنج ما اهتم لا لبجيها ولا لعياطها." ماسه: " انتي شتحجين؟ ملاك: " الفراش كله دم." ماسه: " شنووو؟ وينه؟

جبت لها الفراش. شافتها ونصدمت وبقت تلطم وتحجي على تميم. بالليل أجه تميم بس ويا أبوي. أمي سكتت علمود نتعشى وبعدين ينفتح الموضوع. كملنا أكل وكعدنا كلنا علمود الجاي. أمي كالت: ماسه: " تميم، انت شمسوي؟ تميم: " شمسوي؟ ماسه: " ما تعرف؟ هز راسه بـ لا. كالت: ماسه: " محمد، ابنك مسوي مصيبة." محمد: " يا ستار، شنو مسوي؟ ماسه: " داخل على مرته." محمد: " شنو؟ ماسه: " أي، وفوقها بدون رضاها." محمد: " تميمممم، شنوووو هذااا الحجييييي؟

تميم: " هي مرتي، اليوم لو باجر تبقى مرتي، محد إله يمي شي." كام أبوي وضرب تميم راشدي. تميم عصب وطلع برا البيت وهو يفشر. أبوي طلع وراه جابه وكال: محمد: " مو وقت زعلك، هسه خلي نلكي حل لهل مصيبة اللي جبتها على راسنا." ماسه: " خلي باجر تجي، بما إنها هنا هم." محمد: " خبروها تتفاهمون وياها." ماسه: " أني هسه أخابرها." راحت ماما تاخذ التلفون وتخابرها. أبوي كال: محمد: " افتحي مايكروفون." انسد وماردت. تميم كال: تميم:

" الظاهر نايمة." كمل كلامه وهيا اتصلت. بعد سلام وكلام أمي كالت: ماسه: " هاجر، بنيتي، تعالي باجر الصبح نحجي وياج علمود الموضوع اللي صار. وهم جيبي أغراضج حتى نروح خطوبة أحمد." هاجر: " أشوف وأردلج خبر." جان صوتها مبحوح. سديته. وأبوي كال: محمد: " إذا صوتها هيج، حالتها شلون؟ ماسه: " الله لا يوفقك على هاي السواية." تميم: " كافي، شبيكم؟ شي صار، ترا هي مرتي. ماله داعي تحجون بالموضوع." ماسه: " يا غبي، إذا تحمل شلون؟ تميم:

" سهلة، نسوي العرس بسرعة." ماسه: " وين نلحق جهاز وكل شيء؟ تميم: " مو مهم، أهم شيء تجي يمي. بـ هاي الفترة... « هاجر » كلت لماما علمود أروح. كالت روحي. رديت خبر العمة ماسه إنو راح أجي ثاني يوم. أجه تميم ياخذني. حسيت اكو حجي بحلكه بس سكت. محد بينا حجة لحد ما وصلنا. نزلت سلمت عليهن، وجانت رشا موجودة. عمه كالت: ماسه: " حبيبي دودي، روح لغرفة خالة ملاك. باوع هناك." راح دانيال. وعمه كالت: ماسه: " شلونج؟ تعبانة مو؟

هزيت راسي بـ أي. كالت: ماسه: " نبدي وحدة وحدة. الغلط على ابني." قاطعها تميم وكال: تميم: " أني مو غلطان." ماسه: " انجب وسكت. شوفي، أحسن حل نسوي عرس بسرعة. يمه، خاف يصير عندج حمل، هذا اللي مخوفني." هاجر: " هي مرة، ما أعتقد." ماسه: " ميخالف، ياما اكو ناس من أول مرة يصير عدها." هاجر: " وأهلي شلون أكلهم؟ بجيت، ما تحملت. أجت يمي وحضنتني وتمسح على راسي. كالت: ماسه: " أمج صار عدها خبر؟ كلتلها قبل ما تجين."

شهكت وفتحت عيوني على وسعها. أريد أحجي ما أكدر. شيء ماسكني ما يخليني أحجي. كالت: ماسه: " حاسة بيج، لا تخافين أو شي. أمج تفهمت الموضوع. صح نقهرت، بس ميخالف، يتصلح." رشا: " ترا مزودين الموضوع كلش." ماسه: " اسكتي، حالج حال هذا." (أشارت على تميم) رجع كال: تميم: " رشا اللي تفهم." ماسه: " قصدك أني ما أفهم؟ يا طايح الحظ." تميم: " انتي الخير والبركة، انتي شمعة بيتنا." ماسه:

" اخذ مرتك واطلعو تفاهمو على العرس وصالحها على عملتك السوداء." ما جنت حابة أروح وياها لأن خفت، بس بنفس الوقت ما أريد عمه تضوج مني. طلعت. هو سد الباب وكال: تميم: " ما أعرف شنو أحجي، لأن اكو كلام بداخلي، بس ما أعرف أعبر عنه. اللي أعرفه إنو أني أحبج يا هاجر. انتي كل حياتي، انتي ملاكي البريء، انتي كل شيء. شكد ما أحجي ماراح أكدر أوصف مكانج بكلبي." هاجر: " بس اللي صار غلط." تميم: " شوفي، خلي أفهمج. نحنا عاقدين، صح؟ هاجر:

" صح." تميم: " حلو، يعني صرتي مرتي. العرس مجرد علمود الناس تدري. اليوم راح يدخل عليها، يعني اللي صار مو حرام أو عيب. فهمتي؟ هاجر: " أي، بس يبقى غلط. افرض صار طفل؟ تميم: " وإذا؟ محد إله يمنه شيء. ليش نضل نخاف من المجتمع؟ ليش مانخاف من الله؟ نحنا مجتمع يخاف من كلام الناس أكثر من خوفه من ربه. مقصد كلامي، كلام الناس آخر همي. اللي يهمني انتي وبس." هاجر: " ليش عملت هيج؟ تميم: " انتي تريدين نطلق؟

أني حاربت الدنيا كلها علمود تصيرين إلي. آخر شيء تجين تكولين نطلق. نسيتي شنو سويت في سبيل تبقين وياي؟ هاجر: " مانسيت، بس عملتك كسرتني. أذيتني بشكل." تميم: " آسف، والله مادري شصار، فقدت، حتى ما حسيت على نفسي." هاجر: " موضوع العرس شلون؟ تميم: " سهلة، نحجز قاعة بأقرب وقت." هاجر: " بس ما أعتقد اكو بوقت قريب." تميم: " انتي عرسج بيا قاعة تريديه؟ هاجر: " اكو قاعتين بالموصل تشك شك، أريد وحدة منهن. والثانية أسوي بيها الحنة."

تميم: " ليش مو بغداد؟ هاجر: " خلي موصل، أني قرايبي محد يجي هينة." تميم: " هاي هي. انتو إيمتا ترجعون؟ هاجر: " باجر." تميم: " خلاص، باجر أرجع وياج، نحجز قاعة ونبدي نجهز. وإذا ما كمل لجهاز من نزوج تكمليه. مو ضروري صالحني. بس رغم كل شيء، بعدني ضايجة. منو السبب؟ اللي ينطيني يا مو مقنع. سكتت، لأن بال أول والآخر راح نزوج، ومستحيل يتخلى عني مهما كانت الأسباب."

نزلنا نتغدى. عمي محمد جان كلش حنون. كل شويه يتغزل بوحدة بينا. أني وعمه وملاك ورشا. حبيتهم كلش، اعتبرتهم أهلي. عمو كال: محمد: " هجورة، حبيبي، بنيتي، اعتبري نحنا أهلج. لا تكولين عمو وعمه، كولي بابا، أبوي، اللي يريحج. و ماسه كولي ماما، أمي، هم اللي يريحج. أريدج تصيرين منا، انتي بنيتي." هاجر: " تتدللون بابا." أكلنا وكملنا. ما خلوني أساعدهم بشيء. كالو بدلي. رحنا لغرفة ملاك نبدل. بدلنا وكملنا، بس بقى مكياج ملاك. كالت:

ملاك: " هاجر، ليش اكو طرات زرك على جسمج؟ استحيت أحجي. كالت رشا: رشا: " ملاك، انتي ليش ثولة؟ ملاك: " مو ثولة، أني." رشا: " البارحة شنو صار بينهم؟ ملاك: " أي، أعرف." رشا: " يعني من تميم؟ هاي فهمتي. امداه اللي ياخذج."

شكد استحييت وتفشلت. الله ياخذك تميم. كملنا مكياج وكل شيء. طلعنا. ما أنكر تونسنا بالطريق. رحنا لبيت عمو أدريان. بيتهم جان جبير كلش، أكبر من بيتنه. وهم ديكور حلو. جدي تاجر، شي طبيعي يكون بيته حلو. جدي عنده فلوس ما تخلصها النيران. هاي الفلوس مخليه جدي هيبة وشخصية وكلمته مسموعة بين الناس. وما أنكر إنه يساعد الناس بكل شيء، بس أهم شيء تكون مصلحته بيها. عمامي بيوتهم كبار، وبيت جدي مو بيت قصر، بس كل هذا مو مهم، لأن مو كلنا كلوبنا على بعض. أغلبها مشاكل. بيت عمو ثامر يسوون مشاكل ويا الكل. واجه إلياس وكملها. ما صرنا مثل قبل ننجتمع ونتونس. صرنا متفككين، وكل شخص يدور مصلحته. للأسف.

دخلنا سلمت. كالت بيبي: راوية: " هاجر، مريضة انتي؟ هاجر: " لا، ليش؟ راوية: " مادري، بس أحس اكو شيء غريب بيج." دحكت على عمه ماسه. كالت: ماسه: " لا، هي هيج." راوية: " ما اقتنعت." غالية: " هجورة، نورتي كلبي." هاجر: " منور بيكم عمه." الكل جانوا حبابين، عدا عمه نيرال اللي ما أطيقني. هي وبناتها. وبيبي هم، أما الباقي كلهم طبيعيين. أجت زهراء كالت: زهراء: " فرحت لأن اجيتي." هاجر: " حتى أني، ومتحمسة هم."

طلعنا لبيتهم. جانت هوسة بالطريق. وكل شويه ينزلون الولد يركصون ويهوسون. أحمد جان فرحان بشكل مو طبيعي. كلش فرحت الهم، لأن من صدك أحبهم وأتمنى الهم الخير. وصلنا بيتهم. أول ما فتنا جانوا يركصون. هاي جوي واجوائي. ركصت وياهم، بس مادري شبيه تعبانة. يمكن من اللي صار. ما كدرت أكمل. كعدت يم عمه ماسه. كالت: ماسه: " بيج شيء؟ هاجر: " معرف، ركصت شوية وتعبت وجسمي يوجعني." ماسه:

" كعدي لعد، لا تكومين تركصين. انتي تعبانة. من اللي صار، نسيت أكلج على سالفة الدم. ليش جان هواي؟ هاجر: " مادري، حتى أني نصدمت." ماسه: " أعتقد تأذيتي."

هزيت راسي بـ أي. كعدت يمها. أدحك عليهم حلوين. فوك الفجعة، ما أتحمل ما أركص. كل شويه أريد أكوم وعمه تسحبني وتكعدني. رغم كل شيء، جانت حفلة حلوة. دخل أحمد علمود يلبسون الحلقات. حطينا شالات على راسنا ودخل. لبسوا الحلقات وصار هلاهل. كالو الولد يدخلون يسوون هوسة بسيطة. أخذوا مريم للغرفة ودخلوا الولد. ناس تركص، ناس تصفك، ناس واكفة. كلش حبيت. نوب ركصهم حلو. أجت عيني على كرار. ما شاء الله، شنو من جمال. جان أحلاهم. يشبه الأجانب. مدري من وين جايبي.

كلت لزهراء: هاجر: " كرار من وين جايبي؟ ليش هيج يختلف؟ زهراء: " على بيبيته، أم أمه جانت تشك شك. كلش حلوة." هاجر: " ترا كلهم حلوين، حتى البنات." زهراء: " أي صح. يكولون من هتان ماخذين جمالهم. مادري شلون رضي براوية." هاجر: " اسكتي، هسه تجي تكطع النعال على راسج." زهراء: " شكد أكرهها، فلا تنجرع." هاجر: " أني ماشفتها غير كم مرة وكرهتها. انتي نوب عايشة يمكم؟ زهراء:

" لا، كلبي. كل كم يوم تروح لبيت واحد من ولدها. وراح تجيكم يعني، وبس تجي اخذي على مشاكل. نوب هي تكره عمتج وتفضل." هاجر: " ليش تكرهها؟ زهراء: " شمدريني؟ هيا ما تحب أحد، حتى عمتي مو كلش تحبها." أجت عيني على تميم. جان يركص بشكل حلو كلش. يهز بخصره ويطك أصبع. سرسحت. أويي يربي، كيوت. شكد حلو طالع. انجبي ادبسزز. لا، حلو والله. أجه يمي كال: تميم: " رشا كالت مرتك ماتعرف تركص، خطية. صدك؟ هاجر: " ها، أي صح." تميم:

" تعلمي. وين اكو بنية ماتعرف تركص؟ عود أعلمك بعدين." والله لو تدري بيه ركاصة. كال: تميم: " ليش وجهج أصفر؟ هاجر: " ماعرف. حتى بيبي كالت ليش مو على بعضج. صدك مبين عليه مريضة." تميم: " أي، مبين مريضة." أجه أحمد وسحب تميم يركص وياهم. وكال: أحمد: " عذريني، بس أحتاجه هسه." ضحكت. وهو هم ضحك. وراحوا يركصون. شوية وطلعوا. رجعوا مريم والبنات. رجعن يركصن. هم جان ركصهن حلو. رحت يم زهراء كلت: هاجر:

" واني أكول ليش أمير كاتل نفسه عليج؟ زهراء: " ليش بله؟ هاجر: " دشوفي الرقص، خرب يومج. شهل رقص." زهراء: " ديلا، على أساس انتي أذكرج بالفيديو اللي دزيتيها؟ هاجر: " بالغلط، هههه." رجعت كعدت يم عمه. بقينا شكد. رجعت بيت خالي. جانت بـ 11. من التعب فوراً نمت. صبح ماما كعدتني. كالت نرجع. وما جان أحد بالغرفة. كالت: مروة: " ليش ما كلتيلي اللي صار؟ هاجر: " استحيت أكلج. أصلاً بيمن وجه أكلج." مروة:

" الغلط ما منج. واللي صار ما حرام، بس ما كان لازم يصير. هسه." هاجر: " أعرف والله، بس ما بيدي." مروة: " انسي الموضوع ولا تهتمين. خوش." اللي رجعنا للموصل هو تميم. وأجو ويانة ثريا وأمها. وراح يجون أهله علمود نكمل جهاز. والي يجيبهم عمو محمد. وصلنا بيت خالتي. نزلت ثريا وكالت: ثريا: " والله وطلع يحبج وخطبج. أي نيالج. علي شكد حلو."

ما كدرت أرد، لأن راحت بسرعة. بس بقيت أفور وأغلي. أشون تحجي هيج. رجعنا للبيت من التعب نمت. كعدت ساعة 12. كعدت على وجعي ببطني. طلعت أدور شي أكله. جان اكو أكل مخلي الي. أكلت ورجعت للغرفة. شفت تلفوني. جان تميم مراسلني. ما رديت، لأن مالي خلك أرد أصلاً. زهراء راسلتني. حجينه شوية وراحت، لأن أمير أجه. طلعت مسلسل باليوتيوب وبلشت أتابع. راسلني تميم. ردت أمسح الرسالة من فوك. بالغلط فتت عليها. امداني شكد ثولة. دعوفيها، اله توخريها. دوده. أتصل. رديت.

كال: تميم: " وينج؟ ماكو؟ شكد صارلج؟ هاجر: " نايمة. لو تحاسبني على نومي هم." تميم: " الظاهر النومة بعدها بيج. وجان تخطوين بصف الاستكان." هاجر: " بالعكس، كلش مصحصة." تميم: " تعرفين إني بالموصل، يعني انتي قريبة عليه. مو عبالك دنيا ليل، ترا أجيج." هاجر: " مالي خلكك. روح، خلي أكمل المسلسل." تميم: " راح أروح، بس مو علمودج. لأن حيدر يمي، وباجر حسابج." هاجر: " تعال شوفني، أموت خوف." تميم: " بسيطة."

سده بوجهي. ديلا، ميتة عليك. ما أكدر أسمح له. هو خرب كل شيء. جان يكدر يحلها بالحجي، مو يسوي اللي سواه. بقيت أتابع المسلسل لحد 4. تعبت ونمت. كعدت الصبح نشيطة، لأن نمت شكد. بس تعبانة. جسمي تعبان. معرف شبيه. العصر أجو أهل تميم علمود نروح نجهز. أني وماما رحنا نبدل. بعدني هستوني سديت الباب، وينفتح. التفتت. جان تميم. زفرت نفس. سد الباب وكال: تميم: " نبلش بعقابج." هاجر: " مو عجيبة (زعطوطة) أني حتى تعاقبني؟

وبعدين ماسويت شيء غلط." تميم: " لا، خطية. أبداً. انتي ماتغلطين، بس أني ليش؟ لأن أني كلني أغلاط." هاجر: " اختصر، شنو تريد؟ أريد أب بدل حتى نروح." راح كعد على الجرباية وكال: تميم: " أي، بدلي. خلي أباع، أمتع نظري." لحد هنا وبس. طكت مرارتي. هاجر: " انت شنو؟ بس فهمني. ليش هيج ماتستحي؟ وين زاتين مستحاتك؟ تميم: " يلا حبيبي، بدلي، تأخرنا." هاجر: " لا، لحد هنا وكافي. انت شنو من بشر؟ تحجي صدك لو تشاقه؟ أكيد تشاقه." تميم:

" ليش معصبة؟ هاجر: " ليش كلامك يخلي الواحد هادي؟ تميم: " حبيبي، خاف تستحين، ولا يهمج. شايف كل شيء وحافظج هم." صرت أصبر نفسي. خذ شهيق وزفير. غمضت عيوني، لأن تعبت. كعدت يمه على الجرباية. كال بخوف: تميم: " بيج شي؟ هاجر: " لا." تميم: " بس فهميني، شبيج؟ ليش وجهج أصفر؟ شصار؟ هاجر: " ماكوووو شيييي." تميم: " صوتج." هاجر: " اطلع، خلي أب بدل."

طلع وسد الباب. بدلت وحطيت شوية مكياج. بلكي يروح صفار وجهي اللي أجه فجأة. نزلنا للسوك. اشترينا أشياء. بعدين تميم كال: تميم: " راح آخذها ونروح للقاعات. انتوا كملوا كل شيء." أخذني. رحنا للقاعات. محد حجة بينا. اكتفينا بالسكوت. وصلنا أول قاعة. كال: تميم: " أريد موعد للعرس، بس يكون قريب حيل." صاحب القاعة: " عندي بعد أربع شهور." تميم: " مثلاً قبل شهرين، أكثر شيء." صاحب القاعة: " للأسف، ماكو."

طلعنا ورحنا قاعة ثانية. كال ست شهور. وصلنا قاعة ثالثة. وادعي تصير قريبة، لأن هاي القاعة كلش نفسي أتزوج بيها. دخلنا وتميم كال: تميم: " أريد أقرب حجز لعرس عندك." صاحب القاعة: " ثلاث شهور." تميم: " ماكو قبل؟ صاحب القاعة: " لا." جان اكو واحد يم صاحب القاعة. كال: -اكو حجز بعد شهر، يفيدكم." تميم: " أي، كلش زين." صاحب القاعة: " إيمتا؟ شلون؟ -اكو ولد عرسوا بعد شهر، بس خطية عدهم حالة وفاة."

كال يلغي الحجز. اتفقوا على كل شيء وخلاص. بعد شهر يصير العرس. رجعنا للبيت. ميتة تعب. فوراً نمت. كعدت الصبح. بابا كالعلي: " روحوا احجزوا قاعة علمود الحنة والنيشان." مروة: " ليش؟ هو اكو هاي بالزور (بالكوة) لكوها؟ علي: " وهو ليش مستعجل؟ سكتنا ثنينا. جدي كال: جدو: " لقيلم قاعة حلوة، خلي تعمل الحنة بيها. هاجر، ما قل من أسيل."

بصراحة فرحت. ابتسمت وكمت بستو. ما أذكر آخر مرة بستو بيها. العصر رحنا مع بابا نحجز قاعة. وحجزنه. بينها وبين العرس يوم للراحة. حمدت ربي، لأن جان كل شيء سهل. بقينا كل يوم نطلع للسوك نجهز. تعبت والتعب بين علينا. وجهي صار أصفر. توقعنا من فقر الدم. مانطيت أهمية للموضوع. تعبي يوم بعد يوم يزيد. المشكلة ما أعرف السبب. صرت أدوخ وتلعب نفسي وأشتهي شغلات. المشكلة مو من عوايدي أشتهي. معرف شنو صاير. ما كالت لاحد، لأن هسه يكولولي

أمشوا على الدكتور وراح يرجع ينطيني علاجات. مابيه حيل. تميم ماتصالحت ويا ابد. المشكلة رغبتي بي قلت. صرت ما أطيقه وما أتحمل صوته. بس أسمع صوته أتقيئ. وأخيراً أجه يوم الحنة المنتظر. كعدت من الصبح. رحت صالون البنات. ما عافوني. وجانت زهراء يمي، وآيلا وهنوش وريم.

هاجر: " زهراء، ليش ما جبتوا مريم؟ زهراء: " أبوها ما قبل. تعالي، صدك، ليش وجهج أصفر وضعفانة؟ هاجر: " غير متت بهذا الشهر، ما كعدت." زهراء: " انتوا هم اكو أحد يتفطن هسه؟ هاجر: " تميم، قابا أني." دك تلفوني. جابته آيلا. رديت بدون ما أشوف. رديت مجرد ما سمعت صوته. لعبت نفسي. كلت: هاجر: " يمعودة، وين الحمام؟ أريد أتقيئ." علمتني مكانه. رحت للمغسلة. بقيت أتقيئ لحد ما تعبت. وأسمع صوت تميم يصيح. ارتحت شوية ورديت. كال: تميم:

" شبيج يمعودة؟ أجيج بس كولي. هاجررر، أحجي. راح أموت. شبيج؟ هاجر: " ماكو شي، يمعود. قلبت الدنيا." تميم: " أجيج نروح للمستشفى." هاجر: " يمعود، لا تزودها. ماكو شي. هسه راح أروح حتى أكمل." سديته. من أحجي وياه أتعب. ياربي، شبيه؟ شنو هاي الحالة؟ رجعت طمنتوه البنات عني. كملنا كل شيء. وأجو أخذونا. رجعنا تغدينا. كملنا ورحت أب بدل. ساعدتني آيلا وهنوش وريم ورسل. شافوا جسمي. كالت: آيلا: " شنو هاي ولج؟ هاجر: " انطخيت قبل كم يوم."

آيلا: " أي، حمرة صايرة. لهسه ماراحت؟ بقت شوية حمرة. جسمي حساس لدرجة. جانت حمرة، صارت زركة، وبعدها صارت بنفسجي، وهسه رجعت حمرة. كملت لبس البدلة. جانت حمرة. ما حبيتلونها، لأن أكره الأحمر والوردي. بس عمه ماسه اختارته. ما كدرت أكل ماريدها. رغم حلوة، بس لونها ما أحبه. كعدنا برا ننتظر يجون. وصلوا. دخل تميم. باس راسي وأيدي وطلعنا. جانت سيارة عالية. كلت: هاجر: " أشلون أصعد وأني لابسة هاي شكبرها؟ تميم: " أشيلج." هاجر:

" أي، ونوكع والكل يضحك علينا." تميم: " لعد خلي يضحكون علينا." أجه شالني. شوية وصعدت بالسيارة. كال: تميم: " حرامات، وما وكعنا. جان تونسنه." غلست. كال: تميم: " أي، حتى بيوم الحنة تزعلي." هاجر: " ما عاجبك؟ تميم: " عاجبني غير. دخت من شفت جمالج. شنو هل بياض؟ هاجر: " ترا حتى انت مو كلش أسمر." تميم: " أدري، وهذا الشيء الوحيد اللي ما أحبه. أحس كل ولد أبيض يصير دلوع." هاجر: " بس كرار حلو."

ضرب الستيرن. فزيت ولزمت كلبي. صار يعيط ويفشر. تميم: " حلو؟ أزوجج؟ يا ما تستحيننننن! ادبسززززز! أنييييي كو**** مكرننن! لزمت إيده وكلت: هاجر: " مو قصدي إنو حلو، قصدي إنو أبيض." قاطعني: تميم: " أكلي نعلللل. كافيييي." هاجر: " فدوه تميم، راح نموت. على كيفك." تميم: " اشششش، ما أسمع صوتتججججج." سكتت. وعيوني مليانة دموعي. وبطني مغصتني وصارت توجعني. أجتني الدوخة. وخفت من وضعه. كلت: هاجر: " تميم، فدوه." قاطعني: تميم:

" اشششش، إذاااا تريدينننن تبقينننن عايشهههه، تسكتيييينننن." سكتت. صرت أتنفس بسرعة. والغصة وكفت بلعومي. وبطني تأذيني. وعيوني ما أشوف بيها من كثر الدموع. وصلنا. مسحت دموعي. ونزلت. دخلت للقاعة. وكفت بنصها علمود الفقرة اللي مسويها. طول الأيام أخطط لها اليومين. والأغاني من اختياري. دخل تميم. جان ظهره علي.

وصل يمي. نزل على ركبته. وجانت بيده باقة الورد. التفتت علي. انطاني ياها. وكام وكف على حيله. باس راسي وخدي. جان شكله معصب. ركصنا سلو شوية. جان ما يباع بوجهي. نقهرت، لأن الكل يدحك علينا. كملنا ورحنا للكوشة. كعدنا وهو ساكت. كام يطلع. لزمت إيده وكلت: هاجر: " بس ثواني، أكلك شي." كعد يمي وهو ساكت. أعترف، أني جفصت. ياربي، إنشاء الله ما أجفص أكثر. كلت: هاجر:

" آسفة، بس ما عرفت أعبر عن الموضوع. وانت فهمتني غلط، أو أنا شرحت غلط. تميم، فدوه، والله آسفة." عافني وراح. شكد ضجت. أجت يمي لارا كالت: لارا: " أريد أكولج شي." هاجر: " ما أسمع شي، والله." أجت يم أذني تحجي. كالت: لارا: " بعدين نحجي." راحت. والكل صار يركص. أجو كوموني أركص. ركصت شوية وتعبت. رحت كعدت. صار وقت نتحنى. أني وتميم متفقين هو اللي يحنيني. بس هو ماجه. ضجت كلش. وينه؟ ليش ماكو؟ كالت عمه ماسه: ماسه:

" هسه أنادي. شنو ما يجي؟ راحت. شوية واجت وهو وياها. حناني شلون ما جان. وحط بيدي ورقة. وباس راسي وراح. ضجت. شنو هاي المعاملة الناشفة؟ حنة نعل. بقيت مطنكرة. عمه كالت: ماسه: " حني البنات." حنيت البنات وكملت ويا القاعة. جان اكو عاملات يجيبون ماء وأكل وكيك. وقفو الأغاني فترة عشاء. جنت كاعدة وحدي. المشكلة برا ماكو شيء. يعني هو واكف ويا الولد. هيج ماكو لا ركص ولا حنة مال ولد. لأن تصير بليل، من يرجعون على بيت عمتهم أم حيدر.

أجت يمي لارا كالت: لارا: " اكو موضوع لازم أكولك هو." هاجر: " أحجي." لارا: " إلياس كلي أوصلج هذا الخبر." هاجر: " كولي." لارا: " يكول فصخي الخطوبة، لأن راح يصير شيء ما يرضيج. وهذا آخر تهديد الج، لأن هو ما مسؤول على اللي راح يصير." هاجر: " أخوج بس يهدد؟ لو بس خير؟ نفذ؟ لارا: " أني اللي عليه، إنو أوصل الخبر. وهاي وصلته." عافته وراحت. أجت يمي زهراء كالت: زهراء: " اكو شيء بينج وبين تميم؟ هاجر: " شلون عرفتي؟ زهراء:

" ترا مبيه عبالك مجبورين على بعض. شبيكم؟ هاجر: " تكاونا واحنا جايين هينة." زهراء: " اكو أحد يتعارك وهو بحنته؟ والله مدري شكلج. شنو سببها؟ حجيت الها الموضوع. شهكت وكالت: زهراء: " طاح حظج ولج! عفتي الكل واجيتي على كرار؟ هو وتميم مو صحبة ودوم مشاكل." هاجر: " غير بس هو وتميم البيض." زهراء: " انت السبب. منج ترا. ولج ذول ماينكال الهم على أحد. يعني مرة بداية زواجي كلت على رأكان حلو. أمير ضربني، تخيلي." هاجر: " معقدين."

زهراء: " أي، بس من تكوليله معقد يكلج اشدلي كرونه أحسن. عود يغارون. ترا كلهم هيج. يموتون من غيرتهم. غير حب التملك الفضيع." هاجر: " هسه شلون أراضي؟ قاطع حجينه تميم من كال: تميم: " ببوسة." بلعت ريكي. وزهراء ابتسمت وراحت. كال: تميم: " هيج زعلي يضوجج؟ هاجر: " أي." تميم: " خوش. بوسيني، أنسى." هاجر: " قابل هينة؟ تميم: " تدللين، بالغرفة."

سولفنا شوية. لحد ما رجعت الأغاني. كمنا علمود نركص. استحيت شوية، وفوكها تعبانة. وهسه تطلع جذبتي بأنو ما أعرف أركص. كلت: هاجر: " ما أعرف." سحبني وكال: تميم: " سوي أي شيء."

نزلنا نركص. بس شوية. حركت إيدي. صارت بطني توجعني. نوب تعبت. وأجيت أد و خ. رجعت. خلصت الحنة والعالم راحت. بقينا بس أني وأمي وعمه ماسه وملاك ورشا. وزهراء وأمير وتميم. راجعين. أجيت أصعد بالسيارة. واجه إلياس. لا ياربي. صاروا يم السيارة يتناقشون. وعلت أصواتهم. إلياس: " هسه تطلكها. أني أريدها. انت منو حتى تاخذها؟ أني أولى بيها." تميم: " اكل نعللل حيوانننن. الككك خلككك تحجيييي. تمشيييي مناااا لاااا أكوممم أنعللل والديككك."

صاروا يضربون بعض. وأمير يبعد بينهم. أمي سحبت إلياس وجابته براشدي. وهو يكول: إلياس: " ما يستاهلها والله. هيا ماربت يمه. هيا اللي يماتصير الغيريييي." تميم سمع الكلام وراح عليه. كع إلياس. وصار تميم فوكه ويضرب بي. ونحنا نعيط. وأمير دفع تميم وكال: أمير: " ولككك حيوانننن. شوففف حاللل مرتتكككك." تميم دفع أمير وكال: تميم: " اخذهم. أني أوصل هاجر." راحوا ويا. وأني ميتة خوف. وحدي ويا تميم. صعد وضرب الستيرن. فزيت. كال: تميم:

" أني يجيييي واحددددد قندرةةةةة علييييهههه مثلللل هذاااا ويكوللل المرتيييي ماتصيريييين الغيريييي. لعددددد شكدددد مكرنننن انييييي." هاجر: " ف فدوه ت تميم ح ح حبابب اهدئ." تميم: " ليشششش بسسس فهمييننييييي." هاجر: " شنو؟ تميم: " ليششش كاتلللل نفسههه عليجججج انتيييي. الييييي الييييي وبسسسس. المفروضضض محدددد يفكرررر بيجججج غيريييي." دموعي تنزل. وما أحجي شي. يسكتني. بقه يفشر على نفسه وعلي وعلى إلياس. وكفها على جهة. التفتت

الي وسحبني من زندي وكال: تميم: " شعندججج ويااا؟ مو معقول يجي هيج. إذا ما عندجشي ويااا." انصدمت من كلامه. كلت: هاجر: " شعندي ويا؟ أشبيك تميم؟ انت تعرف إني أحبك. ما أحب إلياس. ولو عندي شي معاه ما جان أني معاك هسه." تميم: " جذابة. لو ما عندج مو هيج كاتل نفسه عليج." سكتت. ودموعي تحجي حالتي. أني يشك بيه. كلت بصوت مبحوح: هاجر: " رجعني." تميم: " تنجبينننن. تبقين هنا. فهمتي؟ لحد ما أفهم شعندج ويا." عطت بوجهه: هاجر:

" انتتت شنووو؟ أكوووو بعقلككك؟ مننن كلككك عقلكككك؟ عنديييب شيييي معاااا؟ وينننن تفكيركككك؟ فهمنيييي! ليشششش تشكككك بيهههههه؟ صرت أضرب وجهي وأكول: هاجر: " ما استاهللل تشكككك بيهههه. فضلتككك علىىى كلللل الناسسسس. تاليييي تشكككم بيهههه. ليششش؟ فهمنيييي." حضني وصار يهدي بيه. كال: تميم: " آسف. والله. بس عصبت. عذريني. مادري شمسلت." تبعدت عنه وكلت: هاجر: " رجعني."

رجعنا للبيت. رحت سبحت ونمت. الحنة مالتي صارت مشاكل وتلعب النفس. من بدايتها لي نهايتها. نقهرت على حظي. انتهى البارت.