رواية قسوة احفاد ال هتان الفصل الثامن والعشرون 28 - بقلم هاجر النعيمي

اميرة : أعرف غلطت وأعرف زعلتي مني، بس ما بإيدي، ابني جان بعيضيع من إيدي، ابني كل يوم يرجع سكران، ابني كل يوم وهو ومرته يتكاونون والسبب إنتي وإني. رغم أعرف ابني ومرته شسوو بيج، فضلت سعادة ابني عليج، بس والله ما بإيدي، سامحيني. هاجر : أعرف والله، بس إني هم بنت أخوج، المفروض توكفين مع الحق، وابنج غلط، ابنج هو عافني، هو فضل أسيل عليه، ليش يتكاون معاها؟ ليش يريدين هو؟ زالنعمة؟ اميرة : أعرف والله، وحجيت معاه،

كتله: هاجر تنساه، إنت اللي فرطت بيها واختاريت أسيل، وأسيل أبداً مو سيئة، بس هي تغار على زوجها، وهذا من حقها. هاجر : صح من حقها، أتمنى يبعدون عني. اميرة : سامحيهم، مشاكلهم ما تخلص، حوبتج.

هاجر : ما أقدر عمه، إلا هذا الشيء مستحيل، ما أسامحهم أبداً، آخر شيء أفكر فيه هذا، تعبت سنتين، آني حالتي حالة، سنتين أعاني بسببهم، خليهم هم يعانون شوية، خليهم يحسون بيه، خليه أسيل تحس باللي حسيت، خليه إلياس يعرف شكد صعبة من شيء ملكك يروح لغيرك. اميرة : كل اللي تقولين معاج حق فيه، بس سامحيهم، خليه تخلص مشاكلهم، اكو طفل جاي بالطريق، ما أريد يتعذب بسبب أغلاط أمه أو أبوه. هاجر : ما أسامح أحد. اميرة : المسامح كريم.

هاجر : آني مو كريمة، آني حقودة، المهم ما أسامح. اميرة : اللي يريحج. خلصت الحفلة والكل راح على بيتهم، تعبت بشكل، فتت سبحت، طلعت أنشف بشعري، تميم اتصل، رديت. تميم : هلا بــ قيطان كلبي. هاجر : هلا بيك كلبي. تميم : شلونج؟ شلونها حفلتج اليوم؟ هاجر : الحمد لله، تجنن، وعمه أميرة صالحنتي. تميم : مممم، زين بعد؟ هاجر : بس. تميم : راح تجين على خطوبة أحمد؟ هاجر : ما أعرف، اليوم أمي تكول لبابا علمود نروح على خالي، وإذا رحنا، آجي.

تميم : خوش. سولفنا شوية وراح ينام، كملت شعري ورحت أنام. كعدت الصبح على صوت أمي وهي تكول: مروة : قومي حضري أغراضج، أبوچ قبل نروح على بغداد. كمت بسرعة، كالت: هاجر : جذبببب. مروة : أدبسزززز. هاجر : بالغلط طلعت، منو راح يجي بعد؟ مروة : الكل، يلا قومي، وراح نروح بــ منشأ. كمت غسلت وصليت، تريكنا وكملنا، طلعت أحضر غراضي، ما أخذت كثير أشياء، توجهنا لبيت جدي، وحسن وحسين معانا، وصلنا بيت جدي، نزلت بسرعة، بابا كال:

علي : على كيفج، لا تطيحين. هاجر : لا ما أطيح. ابتسم بوجهي، دخلنا وهو راح، شفت البنات سلموا عليه، مو سلام كله أحضان، رغم البارحة شفنا بعض، بس نسنا هيج، كل ما نشوف بعض نتحاضن، عبالك صار سنة ما شايفين بعض. كالت هنوش: هندرين : متحمسة كثير. هاجر : حتى آني والله، أهم شيء راح أروح لخطوبة أحمد ومريم، ياااااااا. ريم : وجعا. هاجر : حبيبي، اجمعين بربج، إنت مو متحمسة؟ ريم : ليش الجذب، متحمسة.

هاجر : هندرين، بارق هناك لو هنا، يجي معانا؟ هندرين : لا، مو بالموصل، بــ بغداد. هاجر : حلو، حتى نروح نشوف بيته. هندرين : إي، بس ناقص العروس. هاجر : صحيح، ما خطبتوا له؟ هندرين : أمي بعدها تدور. هاجر : هو ماكو وحدة بالو؟ هندرين : لا، تعرفون إن ثُريا راح تجي على بغداد. هاجر : أهو، راح تبلش الدراما. ريم : كثير، أتفق، ترا لعبة نفسنه. هاجر : بشكل مو طبيعي. ريم : ترا صايرة تضوجني.

هاجر : طبعاً، لا تنسين، هي بنت عمج وبنت خالتج بنفس الوقت. ريم : لا تذكريني، حبابة. أبو ريم وأبو ثُريا إخوان، وأم ريم وأم ثُريا خوات، يعني الخوات مزوجين الإخوان. طلعنا لـ بغداد، الطريق جان حلو، أول مرة بحياتي راح أروح لـ بغداد، جنت فرحانة ومتحمسة، ما كنت أدري إيش راح يصير لي هناك، وشنو المصيبة اللي راح أرجعها وياي.

بعد مرور 6 ساعات، وصلنا الحمد لله، نزلت لـ بيت خالي، سووا عشاء، تعشينا، وبليل صارت لمة حلوة بين الولد والبنات، ناس تلعب ورق، وناس تلعب دومنة، وناس تسولف، وناس تسوي شامية وتحضر الجرزات، حرفياً يوم جان حلو بشكل مو طبيعي. إيليا : هاجر، موبايلج يدك. هاجر : جيبي حبيبي. إيليا : خذي. هاجر : شكراً حبيبي. أخذت التلفون، وكان مسدود، الظاهر كان يدك من زمان، شفت اللي متصل تميم، كالت: هاجر : شوية وأجي.

بارق : بس تكومين، نخلي أحد مكانج. هاجر : ها بارق، بسرعة تبدّليني؟ بارق : روحي هسه، ومن تجين، نكوم اللي كعد يم جاج. هاجر : تمام، بس إذا ما قام، تصير مو خوش. بارق : اتفقنا. رحت لغرفة خالي، سديت الباب، واتصلت بـ تميم، كال: تميم : وين موليه؟ غير تخلين القندرة يمج. هاجر : هاي شبيك؟ تميم : نَجبي، وصلت حدها، مدري كم مكالمة، وحضرتج لو تسدين بوجهي لو تغلسين. هاجر : والله ما سديته، إيليا جابه إلي، جان مسدود.

تميم : مشاء الله، شكد ضليتي تفكرين. هاجر : ما فهمت. تميم : قصدي شكد طولتي حتى فكرتي، جذبة زينة. هاجر : تميم، شبيك؟ شهل حجي؟ آني إيمتى جذبت؟ تميم : لا خطية، أبداً ولا تجذبين. هاجر : آني أجذب؟ أي، شكو حبيبتني عجل؟ تميم : لأن حيوان. هاجر : خوش، عجل.

سديته بوجهه، قمت أفور، صرت أرجف من العصبية، هاي الطبيعة اللي بيه أبداً ما تروح مني، أضل أرجف لحد ما تروح العصبية، بقيت شوية بالغرفة حتى تروح، وماكو، لزكت، نوب تذكرت كلامه، أعصب أكثر. اتصل، رفضت، رجع اتصل، هم رفضت، دز مسج، غلست، بعدها جت مسجات كثير، شفتهن، وكالعادة انصدمت من كمية الفشار عليّ وعلى أهلي، عصبت أكثر. اتصلت بي، رد، كالت: هاجر : إنت حيوان، فهمت لو مو حيوان؟

ما تسب أهلي. إنت إنسان فاشل وأدبسزز وما تستحي وسرسري، فهمت؟ إنت أفشل خلق الله. سديته بوجهه، اللههه، يالراحة، ابتسمت وطلعت، رجعت ألعب ورق. نص ساعة واجه مسج لتلفوني، شفت المسج من تميم، كاتب: تميم : إذا إنتي بنت أبوج وكد كلمتج، اطلعي يم الباب. بلعت ريكي، كالت: هاجر : راح أطلع على الباب. تميم ينتظرني، طلعت يم الباب، جان كاعد بالسيارة، أشر لي، خفت أصعد بالبداية، رجع أشر لي، قرب، كال: تميم : خايفة؟

هزيت راسي بــ لا، فتحت الباب وصعدت بالصدر، كال: تميم : والله وطلعتي بنت أبوج وكد كلمتج. هاجر : شعبالك؟ سحبني من زندي وقربني علي، كال: تميم : بس ماتنسين منو آني. هاجر : ليش؟ منو إنت؟ هو خلك تميم؟ ضربني براشدي، عيوني بسرعة غركت بالدموع، كالت: هاجر : عوفني اطلع، كلبة بنت كلب، إذا أضل وياك. دفعته ونزلت، لحقني، بس سديت باب البيت بوجهه. خدي يوجعني، وعيوني ما توكف من الدموع، تتسابق، ياهي تنزل أسرع؟

هديت نفسي، ودخلت، ورحت نمت بسرعة. كعدت الصبح، حاولت أكون طبيعية، بس فشلت. إجتني هندرين وريم، وكالوا: هندرين : هاجر، بيج شي؟ من البارحة من طلعتي على الباب ورجعتي، ما طبيعية. بجيت، وكلت: هاجر : تميم ضربني راشدي. فتحوا عيونهن على وسعهن، كالت: ريم : واشلون تسمحين له يضربج؟ هاجر : شنو أسوي؟ ونحنا وحدنا، وآنية ويا، ترا تميم كل شيء يسوي، كل شيء أتوقع منه. ريم : خلص، انسيه، اليوم راح يطلعنا بارق العصر. هاجر : تمام، خلي نطلع.

العصر بارق كال: بارق : اللي تحب تطلع ويانه، تتفضل، تبدل. رحنا نبدل، آني وريم وهندرين، ونور ما إجت أحد من البنات غير نحنا، وثُريا هم إجت، من الولد، الكل إجوا، أسامة، محمد، عبدالله، وهمام، كملنا ورحنا، طلعنا نفتر، رحنا كثير أماكن، تونسنا، جنت أضل أصور علمود أنشر ونتونس، حاولت أنسى موضوع تميم فترة، قررت إن أحسن حل ننتفصل، نفضها، وكت الخطوبة أحسن. رجعنا للبيت، نشرت الستوريات، دزيت رسالة لـ تميم، عنوانها:

هاجر : آني هاي الحالة ما توازيني، مال تضربني، ما أسمح بهذا الشيء، وإنت هاي مو أول مرة تسويها، وأسكت لأن أحبك، بس بعد مستحيل أسكت. أتمنى إن تفهم قراري، واللي هو الطلاق، ننفصل هسه أحسن من ما نزوج ونرجع ننفصل، نفضها من هسه، لأن ما نقدر نكمل الطريق، قدامنا مسدود.

دزيتها، وعيوني ما أشوف بسبب الدموع، مسحت دموعي علمود أكوم، إجاني اتصال، شفت المتصل تميم، رفضت، مالي خلق نتناقش، لأن حيل تعبانة، دز مسج، صار عندي فضول، وياريت ما صار، فتحت المسج، كاتب: تميم : تاكلين نعل، فهمتي؟ ماكو شيء اسمه طلاق، إنسي، إنتي البارحة تعديتي حدودج، وأني وقفتج، إذا تجيبين طاري الطلاق، أشوفج وجهي الثاني، وإنتي كلش زين تعرفيه. خفت بصراحة، بس كالت: هيا صارت لو تدير، كالت:

هاجر : التهديد ما ينفع، لو تطلقني، لو آني أرفع قضية خلع، وما يهمني وجهك الثاني. شافها وما رد، كاعدين نتعشى، اتصلت عليه عمه ماسة، انصدمت، رديت، كالت: ماسة : هلا بجنتي. هاجر : هلا بيج. ماسة : شلونج بنيتي؟ هاجر : الحمد لله، إنتي شلونج؟ عمو محمد شلونه؟ ماسة : الحمد لله، شوفي بنيتي، باجر إنتي معزومة عندي، ما أريد أعذار، خوش، معزومة. هاجر : بس أكول لماما. ماسة : أمي عليّ. سديته، وهيا خابرت ماما، وماما كالت: عادي، خلي تجي.

بليل كضيناها دومنة وورق، وبارق ما حالفه الحظ، وصار يخسر، وكل شوية يسب همام، وهمام يضوج، ويسب بارق. راسلتني مريم، كالت: مريم : هاجر، تعرفين بعد باجر خطوبتي، أكيد تجين مو؟ هاجر : طبعاً أجي، لا تخافين. حجينه شوية، وعفتها. كال بارق: بارق : المشكلة أبوك خالي، ما أقدر أسبه. همام : إي، سبه، حتى يجي يشكك. أُسامة : إي، بعد، فضحوا نفسكم يم البنات. كملنا لعب، رحنا ننام، جانت بــ 4.

كعدت الصبح على مسج من تميم، فتحت عيوني بتعب، ضليت أفرك بعيوني حتى أشوف زين، كاتب: تميم : ساعة و آني يمج، تحضري. كمت غسلت وصليت، وجانو كاعدين يتريكون، ماما كالت: مروة : شعجب كاعدة من وقت؟ هاجر : تميم راح يجي ياخذني هسه. كعدت آكل وياهم، وأفكر إن فرصة أتفق وياه تميم علمود الطلاق، وأعرف إن الموضوع صعب، بس ما أقدر أتحمل، بلكي تزوجنا وضلي هيج يضربني، وتصير مشكلة بين أهلي وأهله، لا، نفضها من هسه أحسن.

كملت أكل، كمت أبدل، بدلت وحطيت شوية مكياج. اتصل، رديت، كال: تميم : آني على الباب، انزلي. هاجر : بعدني ما خلصت، بس أكمل وأنزل. جذب، آني مكملة، بس خلي هيج ينتظر ربع ساعة، ونزلت. فتحت الباب وطلعت، طول الطريق محد حجه كلمة. وصلنا بيتهم، أول مرة أشوفه، بيتنه جان أكبر، بس بيتهم أفخم وأحلى من ناحية ديكور وألوان، نزلت، أول ما دخلت بابهم، كالت: بسم الله، ماشاء الله.

سلمت على ملاك وعلى عمه، كعدت، تميم بس جابني وراح، ساعدتهم، بس عمه ما قبلت، بعدين كالت: ماسة : إنتي جنتي، وراح يجي اليوم اللي تدخلين فيه هذا البيت، وإنتي عروس. ابتسمت مجاملة. صار الغدة، انتظرنا عمو محمد وتميم، إجو، وصبين الأكل، كال عمو محمد: محمد : أكول، ليش بغداد منورة؟ مو ثاري بنيتي جايه هنا؟ هاجر بابتسامة: بغداد منورة بيكم. كملنا أكل، نقلنا المواعين، وهما راحوا للصالة، عمه بقت تعزل، كتلها:

هاجر : عوفي، نحنا نكمل، روحي اكعدي معاهم. الضحكة ما فارقت وجها، عافتنا وراحت. ملاك كالت: ملاك : لا تسوين نفسج خطار، تعالي غسلي مواعين. هاجر : لا بله، آني خطار؟ ملاك : دمشي لج، تعالي غسلي. هاجر : تدللين. ملاك : أشاقة، إنتي حضري أغراض الجاي وصبي وديلهم. سويت اللي كالت عليه، قدمت الجاي الهم، تميم ما دحك بوجهي، انهضمت، عمي شرب جاي وراح، هو وتميم مستعجلين، وأخذوا عمه ماسة تروح على بيت عمو أدريان، لأن غالية تريدها بموضوع،

وكالت: ماسة : إنتي مو غريبة، هذا بيتج، اخذي راحتج شوية، وأرجع، ما أطول. راحوا. ملاك كالت: ملاك : نشغل فلم ونتابع. هاجر : يلا نتابع فلم. بعدها كالت: ملاك : باعي، راح أسوي دولمة، وإنتي سولفي وياها. هاجر : أساعدج. ملاك : لا، خليها من تتزوجين، آني أعلمج. حضرت أغراضها، و آني أباع عليها، ما كنت أعرف أسوي شيء، حتى لو كالت لي أساعدج، ما أعرف، بس المهم حبيت أشارك، بدت تحشي غراض الدولمة، دخلت سيارة تميم على الكراج، دخل، كال:

تميم : راح أسبح. ربع ساعة، وسمعنا صوته، ملاك راحت تشوفه، إجت، كالت: ملاك : هاجر، راح أتعبج، بس روحي لغرفة تميم، جيبي ملابس داخلية إله، لأن آني أسوي أكل. طلعت لغرفة تميم، فتحت الباب، كفخ بخشمي عطره، جانت مرتبة وشكلها حلو، ما ناقصها أي شيء، دخلت أدور، بس مالقيت. انسد الباب، كالت: هاجر : ملاك، ما أعرف وينهم، روحي شوفي وين حاطهم. تميم : ياهو؟ اتلبكت، واندارت، كالت: هاجر : هيج، ماكو شيء، راح أنزل.

أشر لي على الباب، رحت يم الباب، أفتح بي، ماكو، اندارت علي، كالت: هاجر : إنت قفلت الباب شي؟ تميم : أي. هاجر : افتح الباب، أريد أنزل. تميم : افتحي إنتي ونزلي. هاجر : ما أعرف وين المفتاح، شلون أفتح الباب، تميم، فدوة، افتح الباب. راح، كعد على الجرباية، ومغلس على كلامي، آني يم الباب، أنتظر يكوم يفتح الباب، وأخيراً، وكف على حيله، تقرب يمي،

كالت: الحمد لله، راح يفتح الباب، بس هو تقرب إالي، رجعت لورا، انضرب ظهري بالحايط، التفتت، شفت الحايط وراي، وتميم قريب علي بشكل، صرت أتنفس بسرعة، وكلبي يدك بسرعة، كالت بمتمتة: هاجر : ا ا افتح الباب، ح حباب. تميم : چؤ. هاجر : شنو تريد؟ تميم : ما يخصج. قرب وطبع شفايفه على شفايفي، حاولت أبعده وقاومت، بس ما قدرت، هو أقوى مني، بعد شوية دفعته، بس ما تحرك من مكانه. لزم فكي، وكال: تميم : تردين تطلقين، مو؟ بالكوه طلعت مني كلمة:

هاجر : أي. تميم : أي، تدللين. نزل لركبتي، صار يعض بيها بقسوة، كالت: هاجر : تميم، فدوة، عوفني، حباب. متت خوف، وبنفس الوقت وجع، بعد عني، لزمت رقبتي، وخر إيدي، ورجع لشفايفي، بس بقسوة، أدفع بي، ما يخور، عيوني صارت تغوش، وكلبي صار يوجعني، خفت حيل، أول مرة أخاف هيج بحياتي، بعد عني، كال: تميم : تدرين شنو بالي؟ هاجر : ما أريد أعرف، بس عوفني أروح، والله حتى سيرة الطلاق ما أجيبها، بس عوفني. تميم : چؤ.

صار يفتح بدكم قميصي، أدفع إيده، ويرجعها، ولزم إيديه بيد وحدة، ورفعها لفوق، وصار يفتح بدكم القميص بيد وحدة، كالت: هاجر : فدوة، عوفني، حباب، والله ما أجيب سالفة الطلاق. تميم : جاي أشوفج شنو بالي. هاجر : ما أريد، حباب، بس عوفني. تميم : هسه إنتي خايفة، خلي أخوفج بالزايد، تعرفين إنو أريد *****. انصدمت، عقلي ما عاد يجمع الحجي اللي أسمعه، صح، كالت برعب:

هاجر : لا، فدوة، لا تدمرني، حباب، خلي نتفاهم، بس لا تسويها، حباب، تدمرني بيها، والله. تميم : لا تخافين، نزوج، بس حابب بزواجي ابني يحضر. هاجر : تميم، فدوة، عوف هاي الأفكار مال شيطان، حباب، خلي نتفاهم. رفع حاجبه بمعنى لا، كمت أصيح، فقدت، أريد يعوفني، وهو مكمل ينزعني، هو جان لابس برنص، نزعه، وكان لابس بس شورت، كالت بصوت عالي: هاجر : ملاكككككككككككككككك.

بس ما سمعت، بقيت أصيح باسمها، ماكو، دفعته ورحت يم الجرباية، صرت بين الجرباية والكنتور، كالت: هاجر : تميم، فدوة، عوفني، خلي أروح. ما جان يحجي، أحس ما يسمعني، دفعني على الجرباية، وصار فوكي، انهاريت، تهسترت، بقيت أصيح. بعدها سمعت صوتها وهي تكول: ملاك : هاجر، بيج شي؟ شكو؟ هاجر : ملاك، م ملاك، ت تميم. ملاك : شبيها؟ هاجر : يريد يعتــ** عليّ.

ملاك صارت تضرب الباب وتصيح باسم تميم، بس هو ما يسمع منها، بقيت أتوسل، بس قاومت، شكد ما أكدر، بس للأسف، جان أقوى مني، أخذ أغلى شيء عني، أخذ حياتي مني، عافني وراح للتخم، حاطي بالغرفة، كعد وصار يدخن ويبتسم، غطيت نفسي، وبقيت أبجي. ملاك صوتها نبح، وهي تصيح بره، كال: تميم : ملاك، هلهلي، أخوج تزوج. دموعي ما توكف أبداً، ساعة السودة، يوم اللي جيت بيها لبغداد. ملاك تلطم وتصيح، كالت بصوت مبحوح من البجي، الكلمة

الوحيدة اللي كالتها هي: هاجر : ليشش؟ تميم : تريدين نطلك؟ أي، تدللين. هاجر بعياط : هسهههه تريددددد نطلكككك؟ بعددددد ما أخذتتتتت اعزززز شيييي عندييييي! الله ياخذني! صرت أضرب بوجهي، إجه ولزم إيديه، كال: تميم : كافي، شبيج؟ تتوقعين أعوفج؟ مستحيل، أصلاً آني أموت بيج، وبعد اللي صار، تتوقعين أعوفج؟ بعد الشيء اللي شفته، تتوقعين أعوفج؟ إذا جنت متمسك بيج بديه، هسه صرت بديه ورجليه هم، أهدي، ما أعوفج، إنتي إلي، إنتي ملكي.

هاجر : عوفني، عوفني، ما أريد شيء، عوفني. عافني، ورجع كعد نفس كعدته، ورجع يدخن، ذبها، وكام بدل، وطلع، أبجي على شنو بالضبط؟ أبجي على اللي راح مني؟ لو على الوجع اللي جاي أحس بي؟ دخلت ملاك، شافتها حالتي، لطمت، كالت: ملاك : الله ياخذني، ساعة اللي كالت جيبي أغراضه. هاجر : راح أموت من الوجع. ملاك : ميخالف، اهدئي. هاجر : شنو أكول لأهلي؟ رحت بنت ورجعت؟

ما كدرت أكملها، وكفت الغصة ببلعومي، جابت لي ملابس، ساعدتني ألبسها، المشكلة ما أقدر أتحرك، بالكوه. كال تملاك: ملاك : هسه تميم راح، معاد يرجع، إنتي نامي شوية، تتحسن حالتج، و آني ما أخلي يجي للغرفة. هاجر : ليش؟ حتى ما تخلي؟ ما هو أخذ كل شيء. رجعت أبجي، صارت تمسح على راسي، مدري شلون، نمت. كعدت أشوف نفسي بحضن تميم، فزت، وبعدت. كال: تميم : شبيج؟ اسم الله. غلست، وكلت: هاجر : رجعني على بيت خالي. تميم : خلي نحجي.

هاجر : كلت رجعني، ما أريد أحجي معاك. تميم : تمام، اهدئي، كومي البسي، أرجعج. بعدت الفراش عني، شفت دم بكمية كبيرة، شهكت، وهو هم انصدم، بقيت أرجف، كال: تميم : لا تخافين، ماكو شي. هاجر : عوفنييي، الله ياخذك. تميم : تمام، اهدئي. هاجر : وخر عني. عافني بسرعة، وكعت، إجه يمي، كالت: هاجر : كلت عوفني. كمت وحدي، بالكوه أمشي، نزلت جوه، صارت بوجهي رشا، ثنينه انصدمنا، كالت: رشا : هاي شنو؟ إنتي يمنه؟ وبعدين ليش هيج باجيه؟

وليش لابسة ملابس ملاك؟ هاجر : إجتني، وما كنت حاسبة حساب، وأخذت من ملاك ملابس، لأن ملابسي تدمرو بالدم، وجنت أبجي، لأن بطني توجعني. رشا : ما اقتنعت. تميم : دخلت عليها. طكتها بهلهولة، انصدمت، هذول يحجون صدك، كالت: هاجر : وإنتي فرحانة؟ رشا : إي، دخلت أخوي، شلون ما أفرح. هاجر : هاي المهزلة عاجبتج يعني؟ رشا : ليش، هيا ما عاجبتج؟ إجيت أحجي، قاطعني تميم، وكال: تميم : ما عاجبتها. رشا : وشلون صارت لعد؟

تميم : عادي، المهم آني أريد. رشا : غصب عنها. تميم : بالضبط. رشا : كلللللللوووووووللليييييشششش! ألف مبروك حبيبي، يوم اللي نشوف جهالك. هاجر : كافي عاد، فوك ما تحجين علي، واكفة بصفي. رشا : عادي، إذا ما صارت اليوم، تصير باجر، ليش مزودة الموضوع؟ هاجر : ووديني لبيت خالي، لأن إذا أضل شوية، أجن. طلعت للسيارة، فتحت الباب، وكعت، وسديت الباب بقوة، كال: تميم : هسه الباب شعلي؟ هاجر : ما عاجبك؟ تميم : راح أسكت، لأن إنتي زعلانة.

هاجر : لا بله، والك حق تحجي. تميم : اسكتي حبيبي. لزم إيدي، وخرتها، وكلت: هاجر : ما تلمسني بعد. هز براسه، بقيت أصبر نفسي، بس المشكلة دموعي وحدها تنزل، والمشكلة الثانية الوجع اللي جاي أحسه، راح أموت من الوجع. وصلت البيت، نزلت، وطلعت، سبحت، وبدلت، ورحت للغرفة، بقيت أبجي لحد ما نمت. حسيت هندرين تكعدني، كالت: هندرين : هاجر، بيج شي؟ من جيتي مو طبيعية، والكل يسأل عليج. هاجر : ماكو شيء، بس إجتني، وبطني توجعني.

عافتني وراحت، مالقيت غير حجة، شنو أكول وشنو أحجي، نمت، وفزيت على كابوس، جنت عرقانة، وميتة خوف، الكل إجوا يمي، و آني أبجي، وما أعرف شكو، هدت، ورجعت نمت، كل شوية أفز على كابوس، بقيت هيج للصبح. ... انتهى البارت.