رواية قسوة احفاد ال هتان الفصل الثاني والأربعون 42 - بقلم هاجر النعيمي

مازلتي تزهرين بقلبي. أحببتكِ في منتصف أيامي السيئة وفي ازدحام يومي. وبين جميع أفكاري، كنتِ أنتِ الفكرة الوحيدة التي أتمسك بطرفها دائماً لأنجو. *** وصلنا بيت عمو إدريس. نزلنا وسلمنا عليهم. قعدت ويا البنات، اجتني لمار كالت: لمار: هاجر عادي أحجي وياج؟ هاجر: ما عندي حجي وياج. لمار: بس أفهمج حبابة. كمت وياها، طلعنا لغرفتها كالت:

لمار: اني أعتذر منج كلش أسفه، بس والله ما كنت أكدر أخبي أكثر. والله أحبج وما أريد أخرب بيتج، بنفس الوقت جاي أعذب، أريد أنسى بس ما أكدر. حتى لما كنتي تحجين علي، كانت سكاكين بقلبي، ومن تفشرين علي كلش أضوج، وكنت أتمنى مكانج حتى لو يضربني ما يهم. هاجر: بس هو يحبني ما يحبج.

لمار: أدري والله، بس جيبوا لي يقنع كلبي. شكد صار لي أخبي الموضوع، بس كشفتني حوراء. ومن اعترفت وهو رفضني، قررت أنسى، بس ما أكدر والله. ما أريد علاقتي وياج تخرب، أريد نضل صديقات. واصلاً اجاني عريس، راح أوافق عليه، صديق حمزة أخوي. هاجر: شلون كنتي تكدرين تحبين زوجي وتخبين عني؟ ضميرج شنو موقعه؟ ليش ما يأنج؟ شلون كنت أحجي له عن تصرفاته، وأنتي كنتي تتمنين مكاني؟

كنتي تتمنين تكونين بمكاني ويكون الج. حرام عليج، ترا اني ما أستاهل الي صار أبد. وجدج وبيبيتج من يكعدون يجبرون تميم يتزوجج حتى لو كان بالغصب، أنتي شنو تحسين؟ بس أريد أفهم. لمار: ما قبلت والله، ما أرضى آخذ شخص ما يريدني. هاجر: عجل غير تعوفين تميم؟ ليش لازكة بي؟ عوفي. عفتها ونزلت. قعدنا، بقوا يحجون هواي أمور. دخل كرار وحيدر. حيدر من شافني كال: حيدر: هلا بـ هاجر، هلا بنت ولايتي. هاجر: هلا بيك. حيدر: إشلونك؟ وين رحتي؟

وين جيتي؟ هاجر: الحمد لله بخير. أنت إشلونك؟ حيدر: الحمد لله. ليش ما تروحين للموصل لو نسيتيها؟ هاجر: ما عيب أنساها، بس الدكتورة ما تقبل تقلي، تگلي "ظلي هنا، ما يصير تروحين". حيدر: الله يساعدكِ، تقومين بالسلامة. هاجر: يوم الي نفرح بيك. كرار: يمعودين نحتاج مترجم. هاجر: مو لهل درجة. قعدوا يسولفون الشباب. تميم كال: تميم: حيدر القندرة، ألف مرة كتلك من تنجب وتجي هنا، احجي نفسنة، ترا ما أفهم عليك. لا تحجي مصلاوي.

حيدر: حجيكم ما أعرفه كله. تميم: جيب اللي يترجم. هاجر: يمعودين إشبيكم؟ ترا حجينة واضح، ليش مكبرين الموضوع؟ تميم: يا واضح! كلكم تحجون بالغاء، والله فلا فهمت شي. هاجر: ترا مبينة. كرار: هسه مثلاً تريدون تكولون "مغرب" تكولون "مغغب". هاجر: لا يمعود، نكول "مغب". كرار: خوب كولوا "مغرب" وفضت. هاجر: مو كل الراء تقلب غاء. اجاني اتصال من ماما. ترخصت وطلعت للكراج أحجي. سمعت صوت بجي. كلت: هاجر: ماما إشكو؟ خفت والله.

مروة: تيم اندعم ومات. هاجر: شنوووو؟ شتحجيننن مامااا؟ كولييي تشاقيننن حبابهههه؟ لا ربييي اله تيممم. مروة: بالطريق، داعمته تريلة ومات. اسمع صوت بجي وناس. أخاف أصدك. رجعت كالت: هاجر: أبوسسس إيدججج كولييي غيرهاااا. جاني تميم. من كد ما أعط، كال: تميم: إشكو؟ إشبيج؟ وكع التلفون من أيدي وكلت: هاجر: تيم مات. راح. تميم: إيش تحجين؟ شلون؟

هاجر: تميم حباب لا ربي لا تاخذه من عدنا. ربي يكون بخير يارب. يطلعون مخربطين، ما مات صح. تميم حباب كلي ما مات. تميم: بس اوكفي نفهم. هاجر: لا ربيييي كلشييي اله تيممم. ربي اخذ روحي ورجع تيم. تميم: بس اصبري. أخذ تلفوني يحجي. بقوا يحجون. زهراء لازمتني. اجاني تميم كال: تميم: امشي نجيب الغراض ونروح للموصل. هاجر: كلي مابي شي، حباب. تميم: مابي شي، بالعمليات. امشي نشوفه، يلا حبيبي.

طلعنا للبيت. جبت أي شي وتوجهنا للموصل. الطريق كله أدعي يكون مابي شي. ربي هذا أخوي الي ما جابته أمي، هذا الي دافعلي وصار سندي. ربي كل شي اله. هوربي اخذ من عمري وانطي. وصلنا بيت عمه أميرة وشفت جادر عزاء. كلت: هاجر: ليش حاطين جادر؟ هو ما مات. ليشش؟ تميم: اهدئي. هو مات، بس ما كدرت أكلج. هاجر: لا حبابببب كولللل غيرهاااا. أبوسسس إيدككك ربيييي صبرككك. راححح أخوييي راححح سندييي. تميممم فدوهههه رجعهههه. تميم: انزلي بسرعة.

نزلت مثل المجنونة أركض أدور. دخلت المطبخ، كلهم قاعدين يبجون. كلت: هاجر: وين تيم؟ وين تيم؟ وينه؟ مريم: ما طلعنا، انتظرنا تجين. هاجر: عمه حبابة كولي مابي شي، حبابه. مريم: مات ابني. أختي راح ابني. وكعت يم الباب. أريد أمشي ما أكدر. رجليه ما تحملني. بالكوه دخلت. شفته بالكفن الأبيض. يمه حبيبي، مغطيك الكفن. يابعد روحي أنت، رحت. يمو، جان وجهه مبين. لزمت وجهه وكلت: هاجر: منو يدافع لي غيرك؟ منو يوكف وياي غيرك؟

منو يصير سندي بعد أبوي غيرك؟ كسرت ظهري. ياريت الموت إالي ولا اجاك. أنطيك نص عمري بس أرجع. أرجع أشوف طولك الحلو، وجهك المبتسم. بقيت أحجي ويا وأعاتبه، أريد يقوم. ربي صبرك، أنت تعلم بحالنا. تقربت آيلا يمي. من شفت شكلها تعبت بالزايد، تحجي وتعاتب بي. آيلا: كتلك لا تروح، عوفها غير مرة، وأنت لا. اله تروح. منو الي غيرك؟ ابني، انحرم من أبو. ابني ماشاف أبو. حبيبي أنت حتى ابنك ماشفته ولا تهنيت بي. ليش تعوفني وتعوف ابنك؟

يهون عليك تعوفنه؟ تيم حباب، قبانو الوجهك. قوم الله يخليك قوم. أبوس إيدك، منو الي غيرك؟ عفتني ورحت. ما تسأل شنو يصير بحالي؟ منو الي من بعدك؟ منو؟ يربي، هذا الطفل ليش؟ ربي صبرك يالله. وكعت علينة. أريد أروح الها بس رجلي ما تساعدني. مشت ثلاث أيام العزاء. كانت أيام كلها بجي. رجعت لبغداد، بس مو أني نفسي. رجعت غير وحدة. أخوي راح، سندي راح، أخذ حيلي ويا. اجتني عمه ماسة كالت:

ماسة: حرام الي تسوين يمه، ما يصير تعذبين هيج وأبنج. هاجر: خسرت أخوي، عمه. صعبة والله. ما جاي أقتنع. والله أحس حلم وراح أكعد منه بعد شوية. ماسة: أدري والله، وحقج يمه، بس أبنج ماله ذنب. حرام عليج. من يوم رجعتي لهسه ما تاكلين. يمه مو زين على الطفل. على الأقل إذا مو الج للطفل. وأخوج صار له أسبوع ميت. حرام هيج تعذبوه بقبره. هاجر: إن شاء الله.

كعدتني على ميز الطعام وجابت أكل وجبرتني آكل. أكلت شوية وكمت. رحت لغرفتي، خابرت آيلا. بالي مشغول عليها. ردت والتعب مبين من صوتها. كعدنا نحجي. شوية وكالت: آيلا: ما أكدر أصدك. إشلون راح بهل سهولة؟ عقلي رافض يصدك. هاجر: أحس نفسي بحلم. صعب أكعد. منو؟ آيلا: أريده يمي. إشلون يهون علي يعوفنه ويروح؟ ليش عافنه؟ هاجر: عافنه وراح. منو يصير سندي؟ منو يحميني؟ منو يشاقه وياي؟ منو يضحكني؟ منو يكعد ويضحك علي؟

أريده يرجع. ما أكدر أعيش بدون تيم. آيلا: شنو أگول؟ كل يوم أنام بحضنه. وهاي أسبوع ما نمت بحضنه. أريده يمي. أحتاجه. دخل شهري. إشلون يجي ابني وما راح يشوف أبو غير بالصور. ما راح يشبع من حنان أبو. هاجر: آيلا فدوه اسكتي. ما أكدر أتحمل أكثر والله. دخل تميم. مسحت دموعي بسرعة وكلت: هاجر: آيلا أروح. انتبهي لنفسج خوش، واكلي زين. وانتبهي للطفل. هذا الوحيد الي راح يعوضنه عن تيم.

سديته منها. اجى تميم يمي. لزم أيدي ويفرك بيها. دموعي نزلت. مسح دموعي وكال: تميم: الي تسووه حرام عليكم. هيج راح يتعذب. يهون عليج تعذبي؟ هاجر: أبداً والله. بس مو بيدي. ليش عافنه؟ ليش راح؟ تميم: حرام الي تحجين. هاي الحياة كلنا. باجر نموت ومحد يضل بهاي الدنيا. أنتي جاي تهملين نفسج والطفل، شنو ذنبه يتحمل حزنك وعدم أكلك؟ لازم يتغذى، شلون يعيش؟ هاجر: أكلت قبل شوية.

تميم: الطفل راح يصير عمره أربع شهور ولهسه بطنج. مو كلش مبينة. وين اكو وحدة راح يصير أربع شهور على حملها وما عدها بطن؟ هاجر: يعني طفلي تعبان؟ تميم: طبعاً يتعب. أنتي تحزنين وهو عايش بطنج. ياخذ حزنك وقهرك وياه، وياخذ كل شي منج، إذا كان حزن. ولو فرح، وأنتي ما تردين طفلك يموت قبل لا يشوف الدنيا. هاجر: وعد راح آكل وأدير بالي علي.

تميم: هذا الي أريده. أما تيم، ادعيله بالمغفرة والرحمة. هو هسه يحتاج الدعاء. صح هو موجود بالدنيا، بس يبقى بگلوبنا وما ممكن ننساه. هاجر: الله يرحمه ويغفر له ويسكنه فسيح جناته. تميم: آمين. كومي بدلي نطلع تتغير نفسيتج. يلا. هاجر: ما أريد. مالي خلك. تميم: مو بكيفج. يلا بدلي بسرعة حتى أخابر أمير حتى نطلع.

بدلنا وطلعنا، بس مادري وين وصلنا. سوق وكفنا ننتظر يجون. اجوا أمير وزهراء وعلاوي ابنهم، وأحمد ومريم وكرار وديانا وعلي. بدينا نفتر وهما كل شوية يحجون وياي حتى أضحك. وكل شوية كرار يذب نكتة لو يحشش على الناس. اجت من يمنه وحدة لابسة بنطرون ضيك حيل وتيشيرت هم ضيك. ولابسة شال. ضجت. شنو هذا اللبس؟ بديت أحجي عليها وكرار يحجي عليها وياي. بعدين تميم كال: تميم: يمعوده عوفيها، راح تطلع بالطفل.

حطيت إيدي على حلكي بمعنى بعد ما أحجي على أحد. وصاروا يضحكون. رحنا نتعشى بالمطعم. قعدنا ناكل وتميم وكرار بس يتعاركون. كال أمير: أمير: من جنتوا متعاركين ما خلصنا منكم. نوب حتى من تصالحتوا تتعاركون؟ ماكو هيج قابلية. كرار: إشبيك أنت؟ بس ضايج يمعود. تميم: مضروب مية نعال. أمير: تميم اكل نعل. مالي خلكك. تميم: إشكو اجيت ويانه لعد؟ امشي لا أركعك بدفرة أذبك بحضن ادريان. أمير: اذا ما أكله اطلع كو... تميم: جذب يمعود. أبوك معلي.

أمير: ها خفت. تميم: لا. كرار عيب بدون زيج. كرار صار يضحك. أمير ضرب تميم بالمعلقة الي يمه وكال: أمير: اكل خرا أنت وكرار. كرار: حبيبي مشكور والله شبعان. صاروا يضحكون. رجعنا للبيت بسرعة. بدلت ونمت حتى ما سبحت. اجاني بالحلم تيم. وجان شكله كلش حلو وأبيض حيل. وجان يلومني لأن زعلانه علي. وجان بمكان حلو كله خطار ومكان يجنن. وكال: لا تزعل آيلا وأمي عليَّ. اني مرتاح. وأنتي عيشي بدون زعل. بس لا تنسين. كعدت مرتاحة على الحلم.

تميم حس كال: تميم: بيج شي؟ هاجر: لا، بس حلمت حلم حلو بشكل مو طبيعي. ب تيم يكلي لا تزعلين. تميم: شفتي؟ حس إنك زعلانه. ورفض يشوفج زعلانه. روحه ويانه. نزلت دموعي. ومر شهر ونص بدون مشاكل ولا شي. لمار انخطبت وسوت خطوبة، بس ما رحت لأن تيم ما صار له شي من مات. تحسنت. واليوم عندي موعد ويا الدكتورة نشوف جنس البيبي. تميم ما يعرف. جنت حابة أسويله مفاجأة. صار لي فترة ما شفت بوجهه.

رحنا اني وعمه ماسة وملاك ورشا للدكتورة. رشا لحد هسه زعلانه يمنه. وتميم وعمو محمد ما يقبلون ترجع. رغم اجا سجاد يرجعها، بس رفضو. يريدون بيت وحدها. وهو جاي يسوي المستحيل حتى يشتري بيت الهم. وصلنا الدكتورة. وبقيت أنتظر دوري. نادت اسمي. دخلت اني وعمه ماسة. شافت حال الطفل وكالت: الدكتورة: ابنك بحالة جيدة جداً. ماسة: مو مبين يمچ إذا ولد لو بنيه؟ الدكتورة: قلتلجن ابنك بخير. يعني ولد. هاجر: صدك؟ يعني بيه ولد؟

الدكتورة: اي حبيبتي. ألف مبروك. دحكت على عمه. حضنتني. وطلعنا. راحت تبشر البنات. وأني خابرت ماما وكتلها. فرحت حيل. وبعدها رجعنا. عمه ماسة هي تعرف تسوق وعندها سيارة خاصة بيها. فهي أخذتنا وهيا رجعتنا. رجعنا للبيت. كلت: هاجر: أريد مساعدتكم. رشا: تدللين، بس بشنو؟ هاجر: أريد أسوي مفاجأة ل تميم. لأن ما يعرف اليوم أروح أشوف جنس البيبي. وأريد أسوي مفاجأة وأكشف جنس البيبي. رشا: حلو. بس شلون؟

هاجر: راح أسوي كيكة ونزينها. نرسم عليها أني وتميم والطفل، ونكتب بلون أزرق: "بعد 4 شهور وأجيكم ونصير ثلاث أشخاص". رشا: فكرة حلوة. بدلي وتعالي نسويها. بين ما أدز ماما تجيب الأغراض. يلا ركض أقصد مشي يلا. طلعت بدلت ونزلت بسرعة. بقينا ننتظر عمه ماسة ترجع. اجت وياها الأغراض. بدينا نسوي. اني ما أعرف ولهذا السبب طلبت مساعدتهن. سوينا الكيكة وبدينا ننتظر تصير. رشا راحت تسوي الزينة مال كيك. واني أباوع بالفرن أنتظرها تستوي.

كملت وبدينا نزين بيها. سويت كل شي مثل ما أريده. سويت كاستر وجلي. وصيت عمه على شوية حبشكلات من السوبر ماركت. بقيت أرتبهن. اتصل تميم وكال ما يرجع على العشة. معزوم ويا واحد. وعلمود يتفقون على سعر السيارة. مدري تميم يشتريها مدري هو يبيعها. مادري.

رتبت كل شي بالغرفة ورحت سبحت. عندي شموع خليتهن. بس أسمع صوت السيارة أعلكهن. رتبت نفسي ولبست دشداشة قصيرة لونها أسود تبرز بياضي. حطيت شوية مكياج. وخليت كل شي بمكانه. سمعت صوت السيارة. دحكت من الشباك. شفت سيارته تدخل للكراج. بسرعة طفيت الأضواء وعلكت الشموع. وبقيت واكفة قريب من الباب أنتظر يدخل. فتح الباب وانصدم. وبقه واكف شوية يم الباب. ابتسم ودخل. اجى حضني وكال: تميم: شني هاي الإغراءات؟ هاجر: عندي مفاجأة.

تميم: يالله شني؟ أخذت إيده ورحت على الميز زجاجي دائري صغير موجود بالغرفة كبال التخم. والتخم هم اثنين ويكعد بيهن نفر واحد. شافهن ضحك وكال: تميم: بيج ولد؟ هاجر: أي. حضني وكال: تميم: وأخيراً راح يجي هتان. دفعته وكلت: هاجر: مو هتان تيم. تميم: نحنا متفقين هتان. من وين أجه تيم؟ هاجر: إذا تحبني خلي نسمي تيم. والثاني هتان. تميم: لا حبيبي، الثاني هتان. هاجر: كلت تيم. تميم: واني كلت هتان.

هاجر: هيج تكسر خاطري والله فلا أحجي وياك إذا تسمي الطفل غير تيم. تميم: غبية، لا تحلفين. اسمه هتان. هاجر: تيم. تميم: شلون؟ حتى وهو ميت يبقى يشاركني بمحبتج. انصدمت كلت: هاجر: من كل عقلك تحجي؟ هذا أخوي. تعرف شنو؟ أخوي. تميم: مو أخوج. هذا ابن عمتج. هاجر: أخويه مو بكيفك. تميم: لا تنرفزيني. هاجر: شنو يعني؟ وإذا لك مات وما خلص منك ومن غيرتك عليه؟ تميم: سدييي حلكجججج. كافيييي. هاجر: ما أسدهههه. وهذاااا يتسمىىى تيممممم.

تميم: مو بكيفج ابني. هاجر: وابنييي هم انييي. حملتتت بييي موووو أنتتت. تميم: وانيييي اليييي خليتههه بطنججج. هاجر: اسمه تيم وما يتغير خوش. تميم: ما يتسمى نعل. خوشششش. دفع الميز وانكسر وصار كزاز بالكاع. نزلت دموعي. عافني وطلع. كعدت بالكاع وبقيت أبجي. دخلت علي عمه ماسة وملاك ورشا. شافن الغرفة وشهكن. اجت عمه كالت: ماسة: سويتي شي؟ هاجر: لا. ماسة: لعد إشبيكم؟

هاجر: كتله اسمي الطفل تيم. وهو عصب وكسر الميز وخرب الكيكة والأغراض الي جانت على الميز وراح تعبي. ماسة: ياربي هذا إشبي؟ راح يجنني. هاجر: بابا محمد مو بالدوام. خلي أنام يمج. ماسة: تعالي وياي. رحت أخذت تلفوني ونزلت وياها. كعدت على الجرباية مالتها ونزلت دموعي. صاروا يسكتون بيه. كلت: هاجر: عمه تقبليها. يكول ميت وما خلصت من مشاركته بمحبتج. تخيلي. رشا: هو يغار شوية. هاجر: مو شوية. كثير. رشا: عذري ياعيني.

هاجر: شلون يحجي على أخوي؟ رشا: ميخالف. متأكدة يندم والله. بس هسه مو بوعيه. يحجي كل شي يجي كباله بدون ما يركز. هاجر: بس تيم ما علي. ملاك: ميخالف حبيبتي.

رحت تمددت. ما كدرت أنام. عمه نامت والبنات راحن لغرفة ملاك وراحوا نامن. بقيت شكد. بالكوه نمت. حسيت على إيد تمشي على خدي. فتحت عيوني بفزع. شافني ونصدم. عباله ماراح أحس. التفتت ونطيته ظهري، أريد أنام. سحبني من إيدي. حسيتها نخلعت. اجيت أحجي. حط إيده على حلكي. شالني واني أدفع بي. كلت: هاجر: عوفني ترا أصيح. تميم: قابل إيش؟ شبيج؟ هاجر: فلا تستحي. عوفني. تميم: چؤ.

وصلنا باب الغرفة مال عمه. ضربت الباب دفرة علمود عمه تكعد. خطية كعدت مفزوعة. شافتنه كالت: ماسة: عوفها. نزلها. اجت يمه وصارت تسحبني علمود ينزلني. كال: تميم: لا تدخلين. ماسة: انجب. ما تكول لأمك لا تدخلين. تميم: عوفيها راح توكع. شبيج؟ ماسة: نزلها. تميم: ما أنزلها. وخري عنها. هيا تدفع بي واني أدفع. نزلني وكال: تميم: ماتجين؟ هاجر: لا. تميم: يصير خير. اني أعلمج.

ما خفت. رجعنا للغرفة. بعدني توني تمددت رجع وبيده السلاح الي هددني بي. نفس هذيج المرة. خفت. ولزمت بطني. لزمني من زندي وكال: تميم: وهسه تطلعين. هاجر: تميم السلاح مو لعبة. وكل شويه تجيبه. تميم: كلتلج اطلعي برضاتج، وأنطي رفضتي. تتحمليني لا كدامي. هاجر: وإذا ما جيت؟ تميم: عبالج أخاف عليج؟ لو على الي بطنج؟ مستحيل. والله افرغ المخزن براسج. امشييي كدامي. شد على آخر كلمتين. خفت يرجع يجن علي. مشيت وياه وصعدنا. قفل

الباب والتفت عليه وكال: تميم: كلمتي ماتصير ثنين. فهمتي. هاجر: تهددنييي؟ تكتلنييي؟ تميم: أييي اكتلججج. مووو انيييي الييي ينرفضضض كلاميييي. مووو انيييي الييي كلامييي مايمشييي. هاجر: وشنو يعني تطبق هذا القانون براسي؟ تميم: لا تستفزيني. هاجر: هسه صرت استفزك؟ مو ماتصير آدمي أبد. لزمني من شعري. انصدمت. عاط بوجهي وكال: تميم: بلااااا سخافتجججج. الشياطيننن تنطططط براسيييي. استريييي نفسحججججج منيييي.

هاجر: عوففف شعرييي. واللههه فلااا أضللل وياكككك. تميم: غصباً عليج تبقينننن وياييي. هاجر: مو غصب. راح هذا الزمانننن. تميم: لا تعيطين بوجهي. أشگججج وعلي. هاجر: عوفني. دفعني على الجرباية وصار فوكي. خفت. كلت: هاجر: تميم الطفل. لا تتهور.

ما سمع مني وصاير يشك ملابسي. بقيت أصيح وأتوسل بي يعوفني. وهو مستمر. أخذ شفايفي بقسوة. نزلت دموعي وخفت منه حيل. أظافري جانت طويلة. خمشت صدره وصار ينقط دم. وهو ما اهتم. بقى مستمر. أخذ الي يريده وعافني أبجي من قوة الوجع والخوفي على الطفل. راح يسبح. شوية وطلع لاف منشفة على خصره والثانية ينشف شعره بيها. دخلت أسبح. جسمي كله يوجعني. شوية وطلعت. رحت بسرعة نمت.

كعدت الصبح على صوته يعتذر مني. جان حاضني ويحجي. غمضت عيني وأسمع اعتذاره. كال: تميم: مادري شلون صار هيج. الله يكسر إيدي يوم الي مديتها عليج. والله مادري شصار لي. اني وعدتج ما أضربج. بس مادري والله مادري. مو بوعيي. صار يهمس بكلمات حب. شوية ورجعت نمت. كعدت على صوت رشا تدك بالباب. دحكت بالغرفة. هو ماكو. رحت غسلت ونزلت. جان كاعد يتريك. وكلهم كاعدين. كعدت أكلت شوية وكمت. تميم طلع يبدل وماناداني. واني غلست. نزل وكال:

تميم: اني طالع. تحتاجون شي؟ ماسة: سلامتك. تميم: دانيال تريد شي من الماركت؟ دانيال: من ترجع نروح نشتري. تميم: لا. امشي آخذك هسه نشتري ونرجعك. بنات تريدن شي؟ ملاك: راح أكتبهن وانطيك الورقة. ثواني. رشا: اوكفي اجي وياج تكتبين الي أريده. ماسة: بنيتي ماتردين شي؟ هاجر: لا.

عفتهم وطلعت لغرفتي. حجيت ويا ماما شوية. كملت وسديته منها. ونزلت أساعدهن. كملنا تحضير الغدة. وننتظر يجون. شوية ورجعوا. بدلو واجو وكعدنا ناكل. كملنا ولمينا المواعين. رحت أصُب جاي لعمي وعمتي وتميم. رشا تغسل مواعين. ملاك تعزل المطبخ وتنظفه. أنطيتهم الجاي. رحت يم تميم. أخذه بدون ما يباعلي. وجان مندمج يسولف ويا دانيال. كملنا كل شي. وكل واحد راح لغرفته يرتاح. لأن ضهر. اني رحت نمت. قبل لا يجي تميم. مابيه حيل مشاكله بعد. توني غفيت. وسمعت يحجي واكف يم الشباك. ومدري ويا منو يحجي.

كال: تميم: ما عليج ولا يهمج. انتظر المقابل يرد. رجع كال: تميم: عادي. بس شلون عرفتي؟ انتظر المقابل. رجع كال: تميم: ديانا يم فلفولة. ما ترحين وكرار ما يخونج. هاي نحنا عدنا وياها شغل. لا أكثر ولا أقل. وانتبهي لتصرفج. عيب تكولين علي خاين. بعد ما أسحل نفسي عليج. انتظرها ترد. رجع كال: تميم: إذا مو مصدكتني اسألي أمير، أحمد. أي شخص. بس يم فلفولة ما ترحين. خوش.

سده وتقرب يمي. غمضت عيوني بقوة. اجه تمدد ورفع نفسه. صار ظهره على التاج مال جرباية. شالني بهدوء وخلاني على صدره. بعده عباله نومي ثكيل. صار يمسح على راسي وكال: تميم: ما أكدر أعتذر منج. اعتذاري ما يقدم ولا يأخر. أريد أثبتلج إنو تغيرت. أريد أشوفج هاي مو تصرفاتي. والله مو اني. مو بيدي. كله مو اني. سكت شوية. أخذ نفس ورجع كال:

تميم: أحبج كلش هواي. حتى من أهددج تبقين وياي. لأن أحبج. ما أكدر أعوفج. زين اكو شخص يعوف راحته وروحه وكلبه وعمره؟ أنتي قيطان كلبي. تحركت، عود يعني ضجت. فتحت عيوني. شفته دفعته وتمددت وانطيته ظهري. سحبني من خصري. شهكت. صار ظهري على صدره. هو يتنفس بقوة. واني خفت. كلت: هاجر: عوفني. تميم: إش. تعبان. أريد أنام. ما أريد أسمع صوتج. هاجر: تميممم شبيكككك؟ عوفني. يعيط بيه. تميم: كلتتت صوتجج.

سكتت والدمعة بعيني. حتى ما فكر يراضيني. دفن راسه بركبتي وصار ياخذ نفس بقوة. جسمي قشعر من حركاته. مدري شلون نمت. كعدت على صوت عمه. تميم: جايين. غسلت وتوضيت وصليت ونزلت. جانوا كاعدين يسولفون. من حجيهم فهمت اكو عرس. كلت: هاجر: منو راح يزوج؟ ماسة: حوراء. وراح يصير العرس هنا. هاجر: يعني بغداد؟ ماسة: أي. وباجر يجون يمنه حتى يكملون كل شي ويتزوجون بسرعة. هاجر: وليش يمنه؟ ماكو غيرنه؟ ما تروح لبيت عمو إدريس أو ادريان؟

ماسة: عزا بعيني ولج خطار. هاجر: ما أحب هيج خطار. رشا: حقج والله. ماسة: عزا ولج حتى أنتِ. رشا: يمه حوراء كل ما تجي تصير مشاكل بين هاجر وتميم. وصح مو قصدها، بس تعرفين هاجر تغار على تميم. هاجر: ما أغار. ملاك: أي صح أعرفج. دحكت عليها من فوك لجوه ورحت كعدت. شوية ونزل تميم مبدل وكال: تميم: أبوي راح لو لا؟ ماسة: أبوك راح للمعرض. وكال بس تميم يكعد يجيني. تميم: خوش. إيمتى يروح للدورة مالته؟

ماسة: أسبوع أو أسبوعين ويروح. مادري بعد. مانطوا أمر. تميم: عجيب. بعد ما كان هو ينطي الأمر بـ الدورات. صاروا يتأمرون علي. ماسة: يحتاجون أبوك لأن خبرة أكثر من الباقي. و*** يثق بـ أبوك أكثر من غيره. تميم: أي عيني محمد يحقق حلمه. ماسة: راح تجي ترقية؟ تميم: ياحبيبي هو من زمان يريدها. وهيج راح يكبر سيطه وراح تكثر أعدائه. ماسة: الله لا يقدر. شبيك تتفاءل علي؟

تميم: لا تنسى منصبه حيل عالي. وكلمته ماتصير ثنين. وهو لا لواء ولا حتى فريق. خوش؟ وإذا استلم هذا المنصب راح يصير شخص مهم بالدولة. رشا: بدون ما يستلم هو مهم. تميم: صح. بس أهميته راح تكبر. ملاك: ليش ما صرت نفسه؟ تميم: جنت حابب. بس حضرت جنابه ما قبل. يكول الصيدلة أحسن لك. يلا بله شنو استفاديت منها؟ ماسة: افتح محل أنت ومرتك. تميم: مكرن أخلي مرتي تشتغل. ليش ما عندي فلوس لو شنو؟ رشا: هيا درست وتعبت. ما يصير.

ملاك: صدك راح تبلش الجامعة تداومين؟ هاجر: أي أداوم. ماسة: واني أعتني بالطفل. هاجر: حبيبتي أنتي. طلع تميم بدون رد فعل. عمه كالت: ماسة: أمشن نروح ناكل حلويات. محل فتح جديد. هاجر: خابري تميم وكولي له بين ما أخابر محمد. وكل وحدة تأخر زوجها تاخذ رأيه. لأن حرام. يلا بناتي. طلعت للغرفة. ما جنت أريد أتصل بس الطلعة ماتتفوت. اتصلت بي. رفض. ضجت. شكو يرفض؟ رجع اتصل. رفضته. واتصل مرة ثانية ورفضت. بالثالثة رديت. كال وهو معصب:

تميم: سديته لأن عندي نعل شغل. وأنتي شكو تسدي بوجهي؟ هاجر: وحدة بوحدة. تميم: بنت القندرة. يا وحدة بوحدة. جاي آكل خرا ويا الزبون. هاجر: أنت القندرة. لا تغلط على بابا. أشگ حلك. تميم: أي من أرجع نشوف ياهو يشگ حلك الثاني. هاجر: أهو. يالله شكد بوخه أنت. تميم: تردين أرجع؟ أشگ حلكج. هاجر: يلا باي. راح أروح. سديته قبل لا يحجي. رجع اتصل. سديته ورجع اتصل. رديت يعيط ويفشر علي. كلت: هاجر: كلتلك خلي أروح. أنت تعاند.

تميم: بنت القندرة. أنتي مخابرتني ترزليني لو تطلبين تطلعين؟ هاجر: لا تسب أبويه. تميم: استغفر الله. هاجر: يلا باي. لأن لازم أبـدل. تميم: ماترحين؟ هاجر: أروح. تميم: إذا عناد ترا ماترحين. خوش. هاجر: مو عناد. بس أريد أروح أغير جو. تميم: خلاص روحي. بس بشرط. هاجر: شنو؟ تميم: دزيلي بوسة هسه. يلا. هاجر: بالتلفون. تميم: أي. يلا. أنطيته بوسة. كال: تميم: إفيش.

سديته منه وهو يضحك. يلا المهم وافق أروح. بدلت بس ما حطيت مكياج علمود تيم. اجيت أنزل. وتلفوني يـدك. رحت أشوف منو. شفت آيلا المتصل. دمعت عيوني. فتحته وكلت: هاجر: هلا حبيبي. شلونج؟ آيلا: الحمد لله. تحدد موعد علمود العملية. راح يجي تيم الصغير بعد أربع أيام. هاجر: ياكلبي صدك. آيلا: أي والله. هاجر: تكومين بالسلامة يارب. ويتربى بعزج ودلالج. آيلا: ياكلبي وأنتي هم. هاجر: شخبارج؟ شلونها المعنويات؟

آيلا: خايفه والله. أحتاج تيم بهاي اللحظات يمي. هاجر: شدي حيلج. ميخالف. حلمت ب تيم. جان بمكان حلوة. وجان يكول: "لا تزعلون، أنتي وأمي وآيلا. اني مرتاح". وجان حيل حلو ويضوي. آيلا: الله عليج. هاجر: أي والله. آيلا: فرحت والله. دخلت ملاك وكالت: ملاك: يلا هاجر تأخرنا. هاجر: جايه. راحت ملاك. وكلت: هاجر: راح أروح. عمتي راح تطلع تديحنه. آيلا: أي تونسيها. هاجر: يلا بيباي.

سديته منها ونزلت بسرعة. طلعنا نفتر. دخلنا على محل الحلا. قعدنا اخترنا ميز ورحنا كعدنا. طلبنا وننتظر يجون. قعدنا نسولف شوية. ورشا كالت: رشا: يمه سجاد راسلني يكلي صعب والله أسوي بيت هسه. يمه حاجي أبوي وتميم، خلي أرجع. ماسة: يمه علمودج والله. رشا: والله تعبنا من هاي الحالة. اني وابني بعيدين عن زوجي. كلنا تعبنا. ماسة: أحجي ويا اليوم.

شوية وجابوا الطلب. أكلنا ورجعنا. دخلت للحمام سبحت وطلعت لابسة البرنص. وبقيت أفتر علمود أختار ملابس. اخترت وبدلت. كملت ورحت تمددت. أطمش بالتلفون. بقيت ساعة أطمش. دخل تميم كال: تميم: حضري لي ملابس. كمت أحضر ملابسه. حضرتهن وخليتهن على الجرباية. ورحت أتمدد. شوية وطلع من الحمام لاف منشفة على خصره والثانية ينشف شعره بيها. بدل وراح للمراية يعدل شعره. لبس ساعة وعنده سوار، زنجيل. تعجبت. لأن من ينام مال لابس. كال:

تميم: طالع. أنتي نامي. أتأخر. هاجر: وين رايح؟ تميم: يهمج؟ هاجر: لا طبعاً. تميم: لعد معليج. ضجت من كلامه وكلت بهمس: هاجر: طبك مرض. تميم: سمعتج. هاجر: أركصلك يعني؟ تميم: ياريت. هاجر: شلون يخليني أحجي؟ تقرب مني. رجعت ظهري لتاج الجرباية. كعد كبالي وتقرب مني. كلت: هاجر: أريد أنام. تميم: مو أريد تحجين. هاجر: نسيت شنو أريد أحجي. تميم: لا احجي يلا. هاجر: نسيت. إشبيك؟

تقرب أخذ شفايفي بين شفايفه بهدوء. خليت إيدي على صدره أحاول أدفه. لزم إيديه. عافني بس بقى لازم إيديه. كلت: هاجر: عوفني. تميم: مو كلتلج بس أرجع أشگ حلكج. هاجر: شلون؟ تميم: بطريقتي الخاصة. أشوفج. كملها وغمز. كلت: هاجر: لا ما أريد. تميم: بس اني أريد أشوفج. هاجر: حباب عوفني. تميم: چؤ. ضوجتيني. هاجر: ترا المفروض أنت تعتذر. أنت غلطان مو اني. نسيت شنو سويت البارحه. بلكي صار للطفل شي. تميم: مو غبي ترا أعرف.

هاجر: بس أذيتني. يهون عليك؟ تميم: طبعاً ما يهون. بس مادري بروحي والله. شلون صار هيج؟ مادري. وعيت على نفسي وعفتج فوراً. اجه اتصال على تلفونه. رد كال: تميم: ما اجي. روحوا انتو. انتظر المقابل يرد. رجع كال: تميم: معليك باي. سده. كلت: هاجر: ليش مارحت؟ تميم: أعوف هذا الجمال وأكابل أمير الكو***. ابتسمت. بقة يعتذر ويحلف بعد ما يأذيني. سهرنا وبعدين نمنا. كعدنا الصبح على صوت عمه ماسة. نزلنا تريكنا. وكالت ماسة:

ماسة: دخلو بغداد. شويه ويصلون. تميم: خوش. وكلهم يجون يمنه. صح؟ ماسة: أي. بقينا ننتظرهم. ساعة واجو. سلمت عليهم. سوينا غدة. تغدينا. كالو نروح للسوق لأن حوراء تريد تكمل جهاز عرسها. تميم كال روحي وياها. ما جنت حابة أروح. بس هو جبرني أروح. كال لبيبي: تميم: راوية عود اشتري ملابس نوم ل هاجر. انصدمت. فتحت عيوني. كالت: راوية: ها. ما تونسك؟ فتحت عيوني أكثر. كال: تميم: أي والله فلا تسوي شي. علميها. راوية: معليك. خليها يمي.

التفتت إلي وغمزتني. واني بعدني بصدمتي.