رواية قسوة احفاد ال هتان الفصل الحادي والأربعون 41 - بقلم هاجر النعيمي

تميم: اسمي منى وإذا ما عجبك الحكي أنا بيدي آخذك لأهلك، بس اسمعيني أول. هاجر: ما أريد أسسسمع، ما أريد. راح تجذب عليّ وأصدق. عوفني، ما أريد أسمع شي. اطلعوا برا. حوراء: اصبري، باعي لمار تحب تميم من كانوا صغار. ويوم اللي عرفت يحب وحدة ومرتبط، خبت هاي المشاعر. بس أنا كنت أدري بيها لأن من زمان قالت لي ورفضت أقول لتميم لأن هي تبغى تعترف بحبها. ومن عرفت اكو وحدة بحياته، فضلت تبتعد وتنسى، بس مو بكيفها، قلبها يجبرها ترجع له.

هاجر: كذابين، كلكم كذابين. برااااا. أخذني بحضنه يهديني، دموعي ما توقف، أحس بخنقة، أحس قلبي راح يطلع من صدري. ما توقعت تميم يخوني أبد. شعور مقرف ما أتمناه لعدوي. حوراء: ومن خطبك قررت تعترف لأن ما تريد تخسرك، ولكي يبطّل عنك. وراحت حكت وياه وهو رفضها وفضّلك عليها. هي حاولت تنسى بس ما تقدر. شكد حاولت تخبي، خاصة من تعرفت عليج وشفتج شكد حبابة وما تستاهلين تتأذين. هاجر: أششش، جذابة. وأنت، وخر عني. عوفني. تميم: صوتك فضحتينه.

حوراء: وهسه ما تقدر تكتم، تريد تميم يتزوجها، حتى لو كانت وحدة ثانية مو مشكلة. وأنا جيت أحكي وياك، تميم يلكى حل قبل لا تجي تقول لك. وتميم يعرف إنك ما راح تتفهمي الموضوع وتعوفيه. رفض يقول لك. هاجر: جذابة، كذابين كلكم كذابين. عوفني. تميم: صوتك كافي عاد. حوراء: أجيب لك لمار تحكي إذا مو مصدقة. هاجر: طبعاً تجيبها، مهدديها ما تحكي عن علاقتهم. عوفني، شبيك. تميم: صوتك. هاجر: عوفني. ما تخوفني بصوتك العالي. عوفني، وخر عني.

تميم: ولج سدي حلكك. إيده على حلكي يسده وقال: تميم: قولي لأبويا يسوي أوراق خروجها. شهرتنا بسرعة. راحت حوراء تقول لعمو محمد، وأنا تعبت من العياط وأحس بطني تتكطع، بس كسر روحي أكبر من وجع بطني. كسر خاطري وقلبي بخيانته لي. تميم: اسمعيني زين، كل اللي قالته حوراء صح. وأنا مستعد أحلف لك على كتاب الله إنها ما قالت شي غلط، وأحلف إنه ما عندي شي وياها. سكت شوية، رجع قال: تميم: راح أوخر إيدي، بس إذا أسمع صوتك أقتلك، خوش.

شال إيده من حلكي. قلت: هاجر: هسه توديني لأهلي. دقيقة ما أضل وياك، خاين. تميم: لا تجننيني. هاجر: جذاب، خاين. تميم: لج، حتى رأكان وأمير يعرفون. أناديهم. هاجر: تضحكون عليّ كلكم. أنت قايل لهم يقولون هيج؟ تميم: ثولة، افتحي عقلك شوي، شغلي. والله مو بفلوس، بلاش. هسه أنا لو من صدق أحبها وأريدها، ليش جاي أقنعك؟ ما عندي شي وياها. هاجر: حتى لا أعوفك. تميم: ها، وأنا إذا أحبها، شكو مبقيتج يمي؟ هاجر: علمود ابنك.

تميم: وأنا شعلي بـ بني؟ لو أحبها حتى ابني ما يهمني. لو أحبها ماكو قوة تمنعني منها. هاجر: إذا مو علمود ابنك، عوفني. تميم: لا تظلين ثولة. هاجر: يعني أنت ما تحبها، تحبني؟ تميم: أموت عليج، أعشقج. هاجر: أكيد. تميم: والله وداعتج. دخلت عمه ماسة، قالت: ماسة: يمه، شلونج؟ شلون صرتي؟ هاجر: زينة. ماسة: وهاي الحية، أنا أعلمها. بسيطة.

طلعنا من المستشفى ورجعنا للبيت، كانوا موجودين كرايب تميم كلهم. أنا صعدت للغرفة أرتاح شوي، بعدها قلت أنزل أكعد يمهم أتانّس. الدرج مالنا ما يكون بالصالة. بالصالة اكو باب تفتحه وتدخل، من جهة اكو حمامات ومن جهة ثانية الدرج. نزلت أريد أفتح الباب وسمعت: هتان: إذا بنت عمك تحبك، خذها عادي. وشنو يعني إذا صار عندك حرمتين؟ تميم: جدي، هذا مو حل. أنا أحب مرتي، ليش آخذ غيرها؟

هتان: أنا مو أحبها، بس انـُـجبرت آخذ غيرها. أنت هم تنـُـجبر. تميم: أنا مو مجبور آخذ وحدة على مرتي، حتى لو كانت بنت عمي. أنا أريد مرتي وبس. ما أريد غيرها. وأكيد هي ما تقبل وحدة تشاركها بزوجها. راوية: تاخذ لمار مو بكيفك. تميم: ما آخذها، وما حد له يمي شي. محمد: ابني، اللي يريده يصير. هتان: مو بكيف ابنك يتعلق بوحدة وبعدين ياخذ غيرها. تميم: أنا ما تعلقت بوحدة بي، وأنا معليه، هي حبتني. مو أني اللي قلت لها حبيني.

هتان: تاخذها. تميم: ما آخذها. خوش، فهمتوا كلكم؟ تسمعون، ما آخذها. هتان: تعصي كلامي، تميم. تميم: ما أعصي كلامك، بس ما أريد آخذ غير مرتي. واللي يجبرني أسوي شي أندمه. وكل الناس تعرف شنو هذا الشي، صح هتان؟ هتان: شوف محمد، ابنك يهددني وأنا قاعد بنص بيتكم. محمد: لا مو هيج يابوي، بس تميم معصب. هو ما يريد يكسر مرته. عوفه. هتان: مو هذا اللي أشوفه. أنا جاي أشوف تهديد.

تميم: مثل ما تريد، احسبها. وأي واحد عنده اعتراض، يجي يكلي، حتى أعرف أتعامل وياه. كرار: هي أختي وتميم أخوي، وما أرضى أخرب بيت أخوي علمود سعادة أختي. أختي يجي يوم وتنسى تميم وتتزوج. هتان: لو تنسى، جان أنت نسيت هاي الكحبة. كرار: هي مو كحبة، أشرف من الشرف. تميم: كل اللي حكيته عنها جذب. أنا ردت أسوي فركة، أذن لكرار لا أكثر. هتان: صايرين أحزاب، وكل واحد يعارك الثاني. من إمتى أحفاد آل هتان يتعاركون ويا بعض؟ ها؟

تميم: سوى شغلة ضوجتني ورديتها له. هتان: تميم، وجهك ما أريد أشوفه. خوش؟ لا تطلع كبالي. بعد دللناك هواي، ودللانه فسدك. تميم: لو صدق مدلعيني، ترجع أمي. ما تهدد خوالي حتى لا ترجع لأبويا. محمد: شنو؟ تميم: أي، هتان هدد جدي وخوالي، ما ترجع له إلا لأن راوية تريد تزوجك بنت أختها. محمد: شلون عرفت؟ تميم: قبل فترة، أجه خالي واعتذر مني وقال...

محمد: سنين وأنت تشوف ابنك متعذب على فرقة مرته، وأنت مغلس، وفوقها أنت السبب حتى ما ترجع. وليش؟ كله لخاطر حبيبتك حتى ترضى؟ كله لخاطر راوية حتى ترضى؟ تميم: أي، شفت شكد جدي قاسي، ما عنده رحمة. ولعلمك، حمزة هو هم بسبب دخول فلفولة للملهى. حمزة: شنو؟ تميم: أي، لأن عائلتها فقيرة، ما تناسب مستواك. هتان: تميم، كافي. تميم: لا، عندي بعد حجي، خلي أقوله كله. وبعدين... هتان: قلت لك كافي. تميم: ليش خايف يعرفون شنو مسوي وياهم؟

ماكو واحد بينا ما مأذي؟ ليش حتى يطلع مثلك ويصير هتان ثاني؟ علمتنا وعلمت ولدك على الضرب والقسوة، ولا فكرت شنو ممكن يصير بالمسكينات اللي يمنه، وكان كل همك تجيب وحدة بنت عائلة حتى تناسب مستواك. هتان: لك، كل هذا علمودكم. أعلمكم القوة، وإنو ما حد يكدر يضغط عليكم بشي، حتى كل شي تردوه يصير. تميم: منو كالك نريد نصير هيج؟ هتان: أنا أريد أسويكم هيج. ابني، الدنيا ما ترحم، لا هي ولا اللي بيها.

تميم: الدنيا ما بيها شي، ولا ممكن تتغير. بس الناس هي اللي تتغير، هي اللي تصير حياية. راوية: جدك يسوي كل شي لمصلحتكم. تميم: ومصلحتي جانت تبعدون أمي عني؟ صح. هتان: أنت تعرف شي وأنا أعرف شي ثاني. تميم: شنو تعرف؟ هتان: خوالك وجدك طمعانين بسلطة أبوك. تميم: سلطة أبويا، هي نفسها اللي خربت حياتنا. هتان: كافي، انسى الماضي. تميم: شلون أنسى؟ بس فهمني، شلون؟

6 سنين ما أشوف أمي، ومن أشوفها، راوية تعبي براسي عليها حتى أكرهها. هذا الماضي اللي تريدني أنسى؟ هتان: كافي، أنا رايح. تميم: كل عادة، كل ما تخسر بالنقاش تروح. طلع هتان، انتظرت شوية ودخلت مبتسمة، عود ماسمعت شي. شفت لمار قاعدة وبعيونها دموع. شكد كرهتها وشكد ضجت منها. وهنا تبين إنه تميم يحبني ومستحيل يعوفني. تبين لي شكد اختياري كان صح له، وما راح أندم لأن أخذته وحاربت علشانه.

من شافني، أجه لزمني وكعدني على التخم وكعد يمي. بقوا يسولفون شوية عن هواي أمور. بعدها كرار قال: كرار: أريد نروح نخطب ديانا. غادة: تدلل. راوية: ما تاخذها؟ مو من ثوبنا. كرار: وإذا هما ناس فقرة، شنو يعني؟ راوية: لك غبي، تطمع بفلوشك. كرار: ما يطمع، أعرفها وأعرف تربيتها. تميم: راوية، معليج، خليه يخطبها. إدريس: كوموا، هسه نخطبها. كرار: صدك؟ إدريس: أي. هاجر: عادي أجي، لأن هي صديقتي. كرار: إذا أنتِ ما تجين، ياهو يجي؟

تميم يخزر بينه. غلست وكمت أبـدل، وأجه تميم وياي. كال بهمهمة: تميم: إذا أنتِ ما تجين، ياهو يجي؟ هاجر: قلت شي؟ تميم: لا. سمعت، بس غلست. أدري يكره علاقتي ويا كرار، وخاصة إنه هاي الفترة قوة، ما أدري ليش يكره هذا الشي. بدلنا ونزلنا ورحنا نخطبها.

أجت عمه ماسة وعمه غالية وعمه غادة أم كرار، وأنا وراوية وميار. من الولد تقريباً كلهم. وصلوا ونزلنا. وبيبي ترزل بـ كرار لأن بيتهم مو ذاك الفخم، بيت عادي لدرجة. ومن خلال بيتهم بينت حالتهم المادية شكد ضعيفة. وبيبي أبد ما عاجبها، بعكس غادة اللي ميتة فرح لأن راحت تشوف ابنها عريس. دكينا الباب، فتحوا وطلع طفل صغير، أتوقع عمره 10 سنوات، هيج. نادى الأب، دخلنا. النسوان بالصالة والزلم بالاستقبال. بعد حجي شكد، كالت غادة:

غادة: نحنا جايين نطلب إيد بنتج. أم ديانا: نتشرف بيكم، بس ياهي منهن؟ غادة: هاجر، شنو اسمها صديقتج؟ هاجر: ديانا. أم ديانا: نتشرف بيكم. غادة: روحي ناديها نشوفها. راحت نادتها، دخلت ديانا. ما كانت حاطة مكياج، وهاي أول مرة أشوفها بالواقع. جمالها حلو، بس شوية سمرا. أجت سلمت علينا، وأجت باستني وتحضنتني، وأنا أحضنها. قعدت شوية، وعمه غادة ما خلت شي ما عرفته عنها. راحت تجيب ضيافة، رجعت حطت الضيافة كبالنا، وعمه قالت:

غادة: أريدج لابني، شنو قلتي؟ هي استحيت ودنكت، رادت تطلع، بس عمه قالت: غادة: فدوة، قولي موافقة. أم ديانا: خلينا نفكر ونسأل عنكم، واسألوا عنه. غادة: ابني مستعجل. سأل عنكم، وأنتم عود اسألوا بعدين. سكتت شوية ورجعت قالت: غادة: ها ديانا، شنو قلتي؟ موافقة؟ ديانا: موافقة.

كل شي صار بسرعة، بحيث الخطوبة بأسبوع صارت. واليوم يوم الخطوبة مالتهم، وبنفس الوقت عقد القران. قعدنا من وقت، وبيت عمو إدريس عازمينا على الغدا، مثل كل مرة، أي شخص يصير عدهم مناسبة، الكل يروح يمهم. وصلنا يمهم وقعدنا تغدينا ورحنا نبدل. زهراء: شلونها؟ حلوة؟ حبابة؟ هاجر: كلش حلوة وحبابة. ميار: وين حلوة؟ أشو زركة. هاجر: وإذا، ترا أحلى شي بيها سمارها. خلي يسمعك كرار. ميار: ما حكيت شي غلط أنا.

هاجر: ما يصير تحجين عليها، ترا حبابة. كلش. ميار: لأن صديقتج هيج تقولين. هاجر: لا، طبعاً.

كملنا ورحنا على بيتهم، وصلنا ونزلنا. وهلاهل ورقص، بس أنا كنت قاعدة لأن ما أقدر أرقص، بعده وضع الطفل مو تمام. الكل كانوا فرحانين. طلبوا موافقتها، وافقت. بعدين طلبوا موافقة كرار، وافق، والهلاهل وصوت الهلاهل تتعالى. دخل يلبسها الحلقة، وجان كلش حلو، وقاطه الأسود بارز بياضه، وبارز زراق عيونه. خلصت الخطوبة ورجعنا للبيت. ما صار شي مهم بهاي الفترة. دخلت شهري الثالث، وكنت فرحانة وتميم فرحان. قرب موعد زواج كرار. الكل كانوا يتحضرون له. أجو عماتهم، وحدة من البصرة والثانية من الموصل. صار فترة ما شفت أهلي، لأن الدكتورة منعتني إنو أسافر، حتى لو كانت المسافة قريبة. فهم أجو مرتين وراحوا. أجه اليوم الموعود، يوم عرس كرار وديانا.

وصلنا القاعة ودخلنا. بعدها هم سووا دخولية، شوية رقصوا وراحوا للكوشة. قعدوا، قمنا نرقص ورقصنا شوية. تعبت ورحت أكعد. رحت يم عمه ماسة وقلت: هاجر: أشوف شتهيت ليمون وملح. ماسة: أي مكان بسمج تحكك، لا تحكيها، تطلع بالولد. وحمى على شكل ليمون. أوكفي، أصيح تميم يجيبلج. راحت، قالت لتميم، وهو طلع يدور شوية ورجع وانطاني علاقة بيها ليمون وملح. عفت القاعة والرقص وكاعده آكل. جت يمي زهراء، قالت: زهراء: طاح حضج، شتهيت.

هاجر: تعالي أكعدي. زهراء: أوكفي، أنادي مريم تاكل ويانا. راحت نادت مريم، وأجو ثنتينهن وكعدنا ناكل. مريم: ولجن، حامض ما حبيته. هاجر: غير ليمون، قابل يصير حلو. مريم: مشتهية بقلاوة. هاجر: تدرين؟ أبداً ما اشتهيت شي حلو. زهراء: حتى أنا. مريم: يقولون اللي تتـُـوهم على موالح ولد، واللي على حلو بنت. هاجر: يجيني ولد. مريم: أي، أنتِ وزهراء. بس أنا بنية. هاجر: شتعرفين؟ مريم: ليش ما قلت لج؟ هاجر: لا.

مريم: غير رحت شفت جنس البيبي، وطلع بنية. هاجر: ها؟ وأنا آخر وحدة تدري؟ ليش؟ مريم: نسيت أقول لك. هاجر: تعالي، ليش هو يبين بالرابع؟ مريم: أي، بس مو الكل. زهراء: أنا بالخامس بين. هاجر: ليش ما يتحرك؟ أريد أحس بيه. زهراء: بعد وقت. أنا علاوي ما يتحرك بسرعة، يمكن للشهر الخامس، وبس ثلاث مرات، حتى مرات ابني ميت، لا سامح الله. هاجر: ما يتحرك بطنج، يتحرك بالدنيا. زهراء: ولا يكعد، وهسه مجلب، أريد أزوج. هاجر: قولي والله.

زهراء: وعلي. هاجر: عزااا، خلاص. أطلق تميم وأتزوجه. أجت مرة يمّنا، هي وبنتها، قالت: : شكد عمرج؟ وأشرت عليّ، قلت: هاجر: 20، بعد كم شهر يصير 21. : العمر كله. شسمج؟ هاجر: هاجر. : وين أمج؟ هاجر: مو موجودة. : عاد شلون جيتي هنا؟ أنتِ من طرف العريس لو العروس؟ هاجر: العريس، ويصير ابن عم زوجي. : عزا بعيني، يعني أنتِ مزوجة؟ هاجر: أي، ليش ما شفتي الحلق مالتي؟ : يمه، نظري ضعيف، مو كلش أشوف، اعذريني. هاجر: ولا يهمك. عافتنه وراحت.

زهراء قالت: زهراء: هسه تميم يموت. هاجر: ليش؟ زهراء: غير أجت تخطبج. هاجر: شتعرفين؟ زهراء: من صدق، تميم ما يظلمج. من يكول ثولة، لج اللي تتسائل هيج تريد تخطب. هاجر: عزا بعيني. زهراء: طاح حضج. صار وقت يدخلون الشباب، يسوون هوسة لكرار. دخلو. عيوني تدور على تميم، شفته يمه. شكد حلو، لابس قاط أسود، بس نازع السترة ولازمها بيده ويرقص. أجه يمي، كال: تميم: خليها يمج.

أخذتها من إيده وخليتها بيدي. جانوا يرقصون بشكل حلو. خلص العرس، رجعنا للبيت. وصلنا البيت بسرعة، رحت للحمام، سبحت وطلعت. دخل تميم وراي، بدلت ونزلت. جانوا قاعدين شوية، وملاك قالت: ملاك: صحيح، وحدة خطبتج؟ هاجر: لا يمعودة. ملاك: جذابة، زهراء كالت لي. دخل تميم وقال: تميم: شبيها زهراء؟ ملاك: خطبوا هاجر. وزهراء كالت لي. تميم: صدك؟ هاجر: لا، زهراء تشاقى. تميم: وليش حتى تشاقى هيج؟ شقـة. غلست.

أشر لي بعيونه بمعنى: امشي، فوك. سويت نفسي ما شفت. أجه مسج على تلفوني. فتحت تلفوني، جان منه كاتب: تميم: ليش غلستي؟ اطلعي فوك، جايج. شفت إنه ماكو مهرب، ترخصت وكمت طلعت للغرفة. جنت خايفة من رد فعله. شوية واجه تميم، قفل الباب وقال: تميم: انخطبتي مو؟ هاجر: لا. تميم: ليش تجذبين؟ مو الجذاب الله يذبه بالنار. هاجر: ما جذبت. تميم: عاد ليش تقولين ما حد خطبني؟ هاجر: هي ما قالتها هيج مباشر. تميم: المهم، جانت تريد تخطبج.

هاجر: وإذا، عادي. المهم إني مراتك. تميم: أي، صح. طبعاً هذا المهم. تقرب مني، خفت، رجعت لورا، وهو يتقرب أكثر. وصلت للكنتور، ظهري انضرب بالكنتور. تقرب مني، حط إيدينه على الكنتور حتى لا أشرد، وقال: تميم: المهم، أنتِ الي، ملكي. هاجر: أي، صح. أي. تميم: شبيج خايفة؟ هاجر: چؤ، ليش حتى أخاف؟ خلى إيده على وجهي وصار يمشي إصبعه على خدي. كزبر جسمي. قلت: هاجر: خلي أروح. تميم: چؤ. هاجر: تميم...

قاطعه حجي بـ بوسة عميقة، بحب، بلهفة. بعد عني، كال: تميم: وين أخذج؟ شلون أخلي الناس ما تشوفج؟ هاجر: هههه، ماكو هيج. تميم: تدرين شنو يجي بالي؟ هاجر: يا ستار. تميم: يجي بالي أحبسج بهاي الغرفة، وما تطلعين منها أبد. هاجر: تميم، بيك شي؟ تميم: بيه أنتِ. هاجر: تميم، خلى أروح، وخر. تميم: ليش خدج ناعم؟ هاجر: مادري. تميم: ليش هيج أنتِ ترفـة وحلوة؟ هاجر: هم ما أدري. تميم: ليش تدخلين قلبي بدون استئذان؟

شلون أنتِ قاعدة بقلبي وما تدفعين أيجار؟ قابل قلبي سبيل؟ هاجر: أحب سوالفك. أصلاً أحبك كلك على بعضك. تميم: وأنا أعشقج. ابتسمت. رجع كال تميم: تميم: أنتِ السهم اللي اخترق قلبي. رجع كال تميم: تميم: أنتِ اللي كنت أحلم بيج، وهسه صرتي واقع. هاجر: أنت كل العالم بالنسبة لي. تميم: وإي جَمال بعد عينيكي يُذكَر؟ هاجر: عمري، جعل ماننحرم منك. تميم: بسبب كلامج، كل يوم يزيد حبي لج. هاجر: أحبك. تميم: أحبج يا قيطـان قلبي.

هاجر: شكد صار لي ماسمعتها منك، اشتقت لها. تميم: وهي اشتاقت الج. تقرب مني وأخذ شفايفي بين شفايفه بحب ورومانسية. بعد، أخذت نفس ورجع أخذ شفايفي بس بقسوة. نزلت دموعي. شافه بعد، وقال: تميم: آسف، والله ماسيطرت على نفسي. هاجر: وخر عني. دفعته ورحت للجرباية، قعدت وصرت أهز برجلي. نزل على ركبتيه كبالي وكال: تميم: وربي ما حسيت على نفسي، طعمهن يجنن، وما أدري شلون آذيتج. آسف. هاجر: ما أحجي وياك، عوفني.

قعد يمي على الجرباية، وأنا قمت أريد أروح. سحبني من إيدي، وكعت بحضنه. أدفع فيه، ما يوخر. ضحك وكال: تميم: صايرة دبدوبة. هاجر: لا والله، ترا بسبب ابنك. تميم: أروح له فدوة، هو وأمه. هاجر: بلكي طلعت بنية. تميم: بعد أحسن. هاجر: عوفني، عيب، ترا. تميم: أوي، صدك، عيب. هاجر: أي، لا تكول أوي، مو حلوة بحلكك. تميم: هو ياهو اللي يجي يكول أوي؟ غير انخلقت الج. هاجر: أويييي، خجلت. تميم: شتعلو أهلج. هاجر: تميممممم.

تميم: آسف، شتعلو أهلي أنا. هاجر: انجب. تميم: هاي شنو؟ هاجر: عوفني، أريد أكوم. ترا عيب عليك هيج مكعدتني بحضنك. تميم: ترا بس مكعدتـك بحضني، ما... انصدمت، وفتحت عيوني على وسعها، وقلت: هاجر: أدبسززز، ماتستحي. تميم: شهادة أعتز بيها. هاجر: سرسري. تميم: هم شهادة أعتز بيها. هاجر: لا، شيل الشقة. أنت ليش هيج تفشر؟ عادي، ترا عيب. تميم: العيب بالجيب، خوش حبيبي. هاجر: النقاش وياك معدوم. تميم: نفتح نقاش غيره. هاجر: أي.

تميم: عندي نقاش يموت. هاجر: شنو؟ تميم: كومي، ركصيلي. هاجر: لااااا بلههههه. تميم: غير نتونس، يلا كومي. دفعني من حضنه وراح يم الدي جي، مخلي بالغرفة. نصه الصوت وشغل أغنية ردح، وكال: تميم: يلا، لا توكفين. شوية وأجي. راح، وأنا صافنة، هذا صدك يحجي؟ رجع كال: تميم: جهزي نفسج، ربع ساعة وأجيج. بقيت صافنة، هذا صاحي؟

والطفل يبجي بالزاوية. قمت طلعت بدلة رقص عندي، من جهازي، ما لبستها ولا مرة، طلعتها ولبستها، وحطيت حمرة حمرة، ومسكارة وكحل أبيض، لأن الأسود يطلعني شبح. طفيت الضوء ورحت للجرباية، تغطيت، خلي أضوجه شوية. وبعدين دخل، فتح ضوء خفيف بالغرفة، وكال: تميم: كومي، مو وقت نومج، هسه. هاجر: تميم، نعسانة. تميم: مو قلت لج تجهزي؟ ليش تغلسين؟ طبعاً تغلسين، قابل رايحة لعرس؟ قابل راح تشوفج الناس وتخطبج؟ لا. لأن لتميم ما يصير؟

مو لأن تميم يهودي من بني قريظة؟ ضحكت وقلت: هاجر: اهو، تعال شوية. تقرب مني، شلت الفراش عني، وهو بقى مصدوم، كال: تميم: لج أدبسزز، شنو هاي؟ هاجر: عجبك؟ تميم: تشكين غير. هاجر: حبيبي، خجلت. تميم: كومي، انعل أبو الخجل. أخذ إيدي وكمت. راح قعد على التخم اللي بالغرفة، وكدامه النـَـرگيلة. حط رجل على رجل وشغل أغنية. بديت أرقص، وهو يراقب كل حركاتي. شوية وكفت، حسيت على دفـرة من ابني. قعدت. كال: تميم: بيج شي؟

هاجر: لا، بس ابنك ما عاجبه أرقص. تميم: انعل أبو وابني، كومي. هاجر: دفرني، والله بطني توجعني. تميم: اشتعل أبوك، ابن القندرة. عشنا ليلة تجنن، جانت مـُـن العمر. قعدنا الصبح ونزلنا أكلنا، وكالوا نروح لبيت عمو إدريس علمود الصباحية مال كرار.