تحميل رواية «قسوة احفاد ال هتان» PDF

تيم: أي شكد صغيرة، بعدج بالمدرسة.

هاجر: هههه، تحسسني أنت متخرج، هو أنت هسه أول سنة، صدك، شلون الجامعة حلوة؟

تيم: تخبل، غير والله فد بنات، وحدة أحلى من الثانية.

هاجر: يبو، ولج، الحكي إيلا.

سد حلكي وكال:

تيم: والله جذب، كلهم يلعبون بالنفس، وحتى ما أدحك على وحدة، بربج اسكتي لا تفضحيني، هسه تطلكني.

بعدت ايده وحجيت:

هاجر: تستاهل خاين، عايف حبيبتك بالبيت وهي واثقة بيك، وأنت بالجامعة تلعب بكيفك.

تيم: هههه، تحسسيني جاي أخون زوجتي، يمعودة، والله جماعتي يدحكون ويزحفون، وأني كاعد، صاحبي يكلي هيج تخاف من حبيبتك.

هاجر: حلو، طلعت تخاف من إيلا، بسيطة، أله أفضحك وأكولهم يخاف من حبيبته.

تيم: دفوتي، جاي نحجي بالشارع، فوتي.

دخلنا، نزعت حذائي ولزمته بيدي، لأن أخليها بغرفتي، عندي مكان بالكونتور خاص بيهن.

حطيتهن، وبدلت وطلعت، كعدت مع الكل، وجان إلياس يكول:

إلياس: جدي، شلون تخلي هاجر تطلع بدون حجاب؟ كبرت وصارت العين عليها، ولحد هسه تطلع سفري؟ من إيمتى أنت تقبل؟

جدو: أي والله، كلامك صحيح، هاجر، تحجبي.

هاجر بعصبية: من أقتنع ألبس حجاب، مو هسه، وبعدين بابا ما قال البسي، وأني أسمع كلام أبويه وبس.

جدو: صوتكِ أدبسزز.

عفتهم وطلعت، أيع، ولا طايقة أحد، رحت للغرفة، شوية وانفتح الباب وفاتوا تيم وإيلا ورسل، كلت بسرعة:

هاجر: هاي مو حالة، والله مليت منهم ومن نقهم، كل يوم مطلعيلي سالفة جديدة، وهذا إلياس الخيخة، كل يوم يسوي سالفة، تعبت منهم.

أجه تيم يمي وحط إيده على كتفي وكال:

تيم: والله أعرف الي تمرين بيه صعب، وأعرف إلياس شكد نذل، بس الي ما أعد أفهمه، ليش كل هاي الشغلات، شيريد منج؟ ما أعرف.

هاجر: مبين يريد يخرب حياتي، الكلب، ليش عنده غير شي؟

رسل: أي، لأن هو وأسيل كل كم يوم مشكلة، ويجي يطلع حرتو بيج.

هاجر: شعرفج؟

رسل: سمعتهم أكثر من مرة.

تيم: أي صح، كل يوم مشكلة، ويجي أبو راس يطلعها بينه، تعرفين كل يوم يسوي مشكلة ويا لارا، خطية البارحة كاللها جيبي مي، وهيا ملتهية، وهو عصب وكام ضربها، وأمي ما حكت لابويه حتى لا تصير سالفة، وغير يارا الي واكفة وياه.

هاجر: هيج حامية السالفة، عجل؟

تيم: الله لا يشوفج، الي جاي نشوفه، لعبت رواحنا.

هاجر: وليش ساكتين له؟

انفتح الباب واجه إلياس وأسيل وياه، عبالك راح نخطفه منها إذا تعوفه دقيقة. كال إلياس:

إلياس: شنو هاي الجمعة الحلوة؟

هاجر: جانت حلوة، بس لوما جيتوا.

إلياس: لا، ما حبيتها منج.

هاجر: طبك مرض، لا تحبها.

أسيل: هاجر، احجي بأدب.

هاجر: ليش عيني، قابل كدامي مؤدبين حتى أحجي بأدب؟

إلياس: هيو، بلا سخافتك، هسه.

هاجر: هيو بعينك، وبعد لا تدخل بأموري، خوش، تدخل بهاي.

أشرت على أسيل وكالت أسيل:

أسيل: ما اسمي هاي، اسمي أسيل.

هاجر: خره عليج وعلى اسمج وعلى الي يمج هم.

عاط بيه إلياس وكال:

إلياس: كافي، وخليني أحترمك، ولا تحجين شي، فهمتي؟

هاجر: أوي، خفت. تيم، خبيني بجيب بنطرونك، حباب.

شفت إلياس عصب حيل، وأسيل لزمت إيده وكالت:

أسيل: عوفها حبيبي، هي مضغوطة من عرسنا.

هاجر: هههههه، والله حلوة هاي النكتة، ليش أني وين عبرتكم؟ وبعدين ما حاجة أعيد، لأن لو أريد إلياس، آخذه منج وبسهولة.

أسيل: ههههه، ليش عيني، خوما هيج، أني رخيصة؟

هاجر: لوما رخيصة، ما تلعبون لعبة نفس وجهكم، أنتي وهو.

إلياس: كافي، عاد، وهاجر، البسي حجاب، حجي مفهوم.

هاجر: Bardon، ليش منو أنت؟

إلياس: أنتِ ما عليج بمنو، أني، المهم، حجي يتنفذ.

هاجر: أسيل الثولة، هي تنفذ حجيك، مو هاجر.

إلياس: لا تحجين على خطيبتي.

تيم: إلياس، كافي لخاطر الله، ترا كلنا بزعنا منك ومن عمايلك، عوفنا بحالنا، مثل ما جاي تشوف، محد يريدوك، وغير مرحب بيك بينه، ياريت تاخذ مرتك وتطلعون.

إلياس: انجب، حيوان، من إيمتى العجايا يحجون؟

هنا ما تحملت، طفح الكيل، كلت بصوت عالي:

هاجر: والله محد غيرك العجي، تيم، محد يحجي ويا هيجي، مفهوم؟ وإذا تحجي كلام زايد ناقص، ساعتها أشوفكم جناني شلون يصير.

إلياس: يعني هذا تهديد؟

هاجر: مثل ما تريد اعتبره، والله ثم والله، أحجي كل شي موجود بكلبي، وما عندي مانع أطلع حجي، أنتو بغنى عنه.

إلياس: يعني تتهمينه؟

هاجر: أي، بشي صار وما صار.

أسيل: أنت ما تخافين الله؟

هاجر: أني لو أنتو، وين ما أروح أشوفكم كدامي، لعبت نفسي منكم ومن فعايلكم، كل ما تشوفوني وأذوب بين كلام، عبالك لهسه أحب إلياس، من يوم الي خطبج بي، طلع من راسي وما عاد له وجود بحياتي، وهو مصدق روحه يجي يكلي تحبيني وراح أخليج تحبيني، عتقوني لوجه الله.

الكل ضل صافن، وعلامات تعجب على روسهم، وإلياس هادئ بشكل، حتى رد فعل ماكو. فوراً أسيل بجت وكالت:

أسيل: من أكلك بعدك تحبها، تكلي لا، حرام عليك الي تسوي بيه، حرام، يكفي عاد، تحملتك كثير.

عافت الغرفة وطلعت، إلياس راح وراها يراضيها. تيم كال:

تيم: أخيراً، ولو.

رسل: كل هذا إلياس مسوي؟

هاجر: أي.

تيم: وأني أشهد.

بقينة نسولف شوية، وبعدها طلعنا، صار العصر، كلت لتيم: تعال درسني، وما كال شي، أجه وبدأ بالشرح، جان شرحه حلو بشكل، يعني يفهم الغبي. كمل وكال:

تيم: اسمعي، عندي دفاتر بيها كل الحلول موجودة، أجبلج هما.

هاجر: ياريت والله.

تيم: خليها يمي.

صار يصفح بالكتب، بعدها كال:

تيم: شيلي، وخلي نطلع بره يمهم.

هاجر: يلا، امشي.

طلعنا، وجان الكل بالصالة ويحجون بعرس إلياس وأسيل.

عمي ثامر كال:

ثامر: العرس ماريد يصير هسه، خلي بعدين، بعد ما كمل جهاز البنت.

بقوا شوية يحجون بالموضوع. تيم جان كاعد يمي، كال بهمس:

تيم: أنتي ضايجة من حجيهم؟

هاجر: لا، أبد.

تيم: أكيد؟

هاجر: أكيد.

وفعلاً، ما كنت ضايجة، عادي حاله حال كل يوم، يمكن هسه اقتنعت بأنو الي يصير لصالحي، وربي بعدني عن واحد حقير ومتسلط.

صار الليل وراحوا الكل، والكل نام. دخلت بوبجي ألعب شوية وأتونس. أول ما فتحت اللعبة، تميم دزلي، انصدمت، بالعادة أمير أو زهراء يدزون. تميم صاير أحسن وما يتعارك وياي دائماً، هاي بس إذا مات وعصب، يفشر ويحجي على الكل.

دخلت وياهم، والكل رحب بيه، حتى تميم ترحيبه جان حلو. استغربت، هو من إيمتى هيج؟ كلت:

هاجر: أوي، خجلتوني والله.

أمير: فدوه للخجلانة.

سولفنا شوية ودخلنا كيم، جان الكيم حماسي وكله جلد. تميم كتل ثلاثة، وأمير كتل واحد، وكال تميم:

تميم: شو محد سمعني؟ الكفو شسالفة؟ ترا كتلت ثلاثة.

أمير كال بستةزاء:

أمير: كفو، كفو، من شاربك.

تميم: جان المفروض أخليهم وليّة مال مخانيث عليك، وبعدها تبوس رجلي، ما عالجك ابن ال***. لا تضل تستهزء.

أمير: أبو ال****، لا تفشر على أمي.

حجيهم جان وصخ بشدة. كال تميم:

تميم: أروح أشرب ماء شوية وأجي.

أمير: لا تجي، غير مرحب بيك.

ضحكنا، واختفى صوت تميم. كالت زهراء:

زهراء: أمير، مو عيب تفشرون كدام البنية؟ هسه شتحجي علينا؟ تكول معدان.

هاجر: لا حبيبي، على شنو أحجي عليك؟ بعد كل واحد براحته، شعليه، المهم أنتِ يمي، طز بكلشي.

زهراء: أروحلج فدوه يكلبي، على هل كلام. صدك، هاجر، شصار علمود الدوام؟ شلون جان؟

هاجر: زين والله، يوم حلو لو ما اجوا بعض ناس وخربوا الوناسة.

زهراء: قصدج إلياس؟

جنت أريد أجاوب، تميم كال:

تميم: منو إلياس؟

هاجر: ابن عمتي.

تميم: ها، هذا عود صاحبج كلش.

هاجر: لا، أيع، شجاب تيم على إلياس؟ ياريت يشبه تيم.

تميم: اها، بس بشنو مضوجج؟

هاجر بمتمتة: ها، لا، مو شسمه، مو مضوجني.

تميم: أحاول أصدك.

هاجر: تصدك أو لا، عمرينك.

تميم: استغفر الله، بابا، شبيك؟ مو صار كم يوم ما متعاركين؟ لو بيج دودة، اله تعاركيني.

هاجر: احترم نفسك، وعدل ألفاظك.

أمير: تميم، بلا أكلان نعل، كافي.

زهراء: طب كيم، تميم.

طبينة كيم، وهم كيم حماسي، كله جلد، وبش واحد يكتل الثاني. بقينة بس إحنا وأربعة، وندور عليهم، ماكو. جنت أمشي وما أشوف غير أكع نوك (أموت). كلت:

هاجر: انتبهوا، مكمبر بالحشيش، خرب راسه، فنش.

تميم: حطي علامة، مو مبين.

هاجر: أي، لأن لابس بدلة حشيشية (لابس لبس نفس الحشيش وداخل بالحشيش).

تميم: هسه أكتله، شنو يكتل من تيمنه.

صارت مواجهات، وتميم ضربه بالأوم براسه ومات. كال أمير:

أمير: هيد شوت.

زهراء: كفو أمير، يلا باقي ثلاثة.

بعدها أجه واحد وكتل أمير، وكال تميم:

تميم: أمير، مشاهدة ممتعة، عود شاهد تاج راسك.

أمير: تاج راس ***.

زهراء: أي، كافي، شبيكم؟ عيب ويانه بنية. تميم، لمعيدي، اكعد.

تميم: لج، حتى أنتِ لفيتي علي؟ روحي شوفي زوجج أبو صماخ.

هاجر: شلون ماخذين راحتكم، وعلاوي نايم؟

أمير: مو نايم، يباوع بالتلفون.

تميم: كافي، أريد أركز.

أمير: أخ، إذا تموت، أله أشهرك.

تميم: أكلك، أحمد شبي هل كم يوم؟

أمير: متعارك ويا مريم، وكايلتلها ننفصل.

تميم: علمود نفس السبب مو؟

أمير: بذاته. صدك، ليش ضارب عباس؟

تميم: كل عادة، يتجاوز وينسحل. أنت وين جنت؟ بس شنو، كرار ضربه بكتفه، غير متت فرح.

أمير: إيمتى تحل الخلاف بينك وبين كرار؟ ترا والله سالفة وصارت، وهو مو قاصد.

تميم: دمشي، خلي يولي، لو يموت ابن الزربة.

أمير: هيو، عمو إدريس، شغلت؟

تميم: شعرفني؟ كل ولده حيوانات.

أمير: وليش تحجي على حمزة؟

تميم: مهليك، البارحة ضارب مرته كدام الكل، بس شنو، بيبي ميتة فرح.

زهراء: بيبي، هيا تموت على المشاكل، عاد كل ما يتعارك واحد من والولد ويا زوجته، هيا تسوي عرس. عدا سجاد، إذا تعارك ويا رشا، لا، هنا يختلف، لأن الثنين حفادها. أما نحنا، خره علينه.

أمير: اسكتي، لا تحجين على بيبي.

زهراء: اوف، إيمتى نخلص؟ ما أعرف، حتى مم تضربني، هيا تكيف. تضل كم يوم تعيرني.

انصدمت، شنو أمير يضرب زهراء؟ وشلون تسكت؟ عصبت وكلت:

هاجر: أمير، شلون تضربها؟ مو حبيبتك.

أمير: هيا السبب، ليش تعلي صوتها.

هاجر: وإذا تكون معصبة؟

تميم: مو عدنا معصبة، تلزم أعصابها وتاكل نعل، وما ينرفع صوتها على زوجها، وما تعاند.

هاجر: أنت تشاقه مو؟

تميم: لا، طبعاً.

هاجر: يعني عادي عدكم رجال يضرب زوجته؟

تميم: إذا غلطانة، ليش لا؟ يربيها.

هاجر: فاهمين التربية غلط، وبعدين الزلمة ما يضرب المرة، هاي مو رجولة.

صار نقاش بيني وبين تميم، وصار أخذ وعطي بالموضوع. كالت زهراء:

زهراء: تميم، طب كيم وعوفو هاي السالفة.

هاجر: شلون أعوفها، وأنتي تنضربين وكلش عادي؟ وبعدين ليش ما تحجين، تعترضين؟

زهراء: هاجر، حبابة، كافي، بعدين نحجي.

سكتت، لأن شفتها زعلت، ومبين عليها شكد مكسورة، بس أبد ما توقعت أمير يضربها. لعد والحب الي بينهم؟ تأكدت ماكو حب، وكل الزلم نفس الشي، أنانين، وما يستاهلون الوفاء.

كرهت الزلم، فوك ما كنت أكرههم. يعني إذا الي متزوجين على حب هيج يصير بيهم، شخلو للزواج التقليد؟ عجيبببب.

كلت:

هاجر: أروح أنام، تصبحون على خير.

طلعت وطفيت التلفون ونمت. كعدتني ماما الصبح علمود المدرسة، ما شبعت نوم، وإذا ما شبع نوم، أصير مثل الثولة.

سويت نسكافيه علمود أصحصح، وما صحصحت. سويت اثنين وشربتهم. طبعاً، قبل ما أشرب، صورت ونزلت ستوري انستا.

عندي كل شي أسوي، أنزله ستوري، حتى العالم تشوف، وأني حسابي عام، وعندي متابعين، ويحبون الي أنشره. وأمي تكلي: على الضرطة والفسوة تنشرين، هههه، شكد يضحك حجيها.

سمعت هورن أبو الخط، طلعت بسرعة بدون ما أشد حذائي (تكرمون). شفت البنات، سلمت وكعدت، حجينه شوية لحد ما اجت رزان. فاتت وصوتها يعلي بالخط، وأبو الخط يباوعلها ويضحك. كالت:

رزان: أول شي، سلام عليكم، شلونجن؟

الكل: زينين.

رزان: تدرون، خطوبتي راح تصير أسبوع الجاي، راح أسوي حفلة، وراح أدز كرتات دعوة، عود أريد الكل يمي، وأريد نسوي فعاليات.

سارة: وين راح تكون؟

رزان: راح نسويها بالبيت.

ريماس: ليش مو قاعة؟

رزان: تعرفين وضع بابا، ما يسمح.

هاجر: أي، صح. التخطيط خلي عليه، خوش، بس أي يوم بالضبط؟

رزان: الجمعة مو هاي، الي تجي البعدها، لأن هما يجون قبل كم يوم علمود نخطط.

هاجر: أي، خوش.

وصلنا المدرسة، وكل عادة، نزلنا براس الفرع. كالت ريماس:

ريماس: خلي نروح نشتري من ابن خالتي.

سارة: شنو اسمه؟

ريماس: عمر.

هاجر: أنتِ تحبيه؟

ريماس: أي، بصراحة.

هاجر: من إيمتى؟

ريماس: جان مسافر علمود الدراسة، فما كنت أعرف بي. من رجع قبل كم شهر، حبيته.

سارة: يعني جان مسافر؟

رزان: هو شنو؟

ريماس: شنو؟

رزان: أقصد، تحسي معجب بيج أو لا؟

ريماس: ما أعرف والله.

وصلنا المحل ودخلنا نشتري، جان محل كبير، نفس السوبر ماركت، وبي كم شخص. كلت:

هاجر: هسه الي معاه كرايب لو غرباء؟

ريماس: أصدقاؤه.

فترنا شوية حتى نشوف شنو نشتري. أني اشتريت كولا ونستله وجبس، والبنات هم. رحنا نحاسب. صار يحجي مع ريماس، كال:

عمر: أشونج ريماس؟ أشونها خالتي؟

ريماس: زينة الحمد لله، تسلم عليك.

عمر: تجون الخميس على بيت جدي؟

ريماس: أي. وأنتوا تجون؟

دار نقاش بينهم، ونحنا حاسبناه يم ولد صديق عمر. سمعت بنية تكول:

... أشقد ما تستحي، أشون تحكي معاه، هيك.

... عادي، عندهم هذولي ما يستحون.

... قح***.

من سمعتها تحجي هيجي، فقدت. انداريت عليها وكتلها:

هاجر: ألفاظج مو مال بنية محترمة وتستحي، وبعدين أنتِ أش تعرفين حتى تحجين؟ الولد ابن خالتها وجاي يحجون، يعني ما بيها شي وحدة تحجي مع ابن خالتها، وغير هيج، اعرفي السالفة وبعدين احجي. ناس ما تستحي تحجي من يمها، وما تعرف السالفة.

... أسفة، ما كنت أعرف.

هاجر: خلاص، خلاص، روحي.

راحت، وأشوف الولد الي واكف على الكاشير مبتسم، وأني معصبة. دحكت عليه من فوق لتحت، أكثر من مرة، هاي عادتي، من أضوج أسويها، وإذا مجان عاجبني الوضع، هم أسويها. ضربتني رزان وكالت:

رزان بهمس: عوفي الولد، هسه يحسب غير شي.

هاجر: شنو يحسب؟ خلي يحسب.

طلعنا من المحل ورحنا للمدرسة، ومر الوقت طبيعي، ورزان خبصتنا بالخطوبة، ونحنا نضحك ونحشش عليها. جان يوم حلو، لابأس به. رجعت للبيت وتغدينا، وغسلت مواعين، وطلعت نمت. كعدت بالـ 5 على صوت ماما، كالت:

مروة: الجمعة نروح على بيت جدج.

هاجر: أي، خوش. تعرفين، ما هاي الجمعة، الجمعة الي بعدها خطوبة رزان.

مروة: رزان بنت...

هاجر: أي.

مروة: منو خطبها؟

هاجر: ابن عمتي.

مروة: الله يقدم لها الي بي الخير ويسعدها.

طلعت ورحت سويت قهوة أصحصح. شربتها. زبلشت أدرس، صار المغرب، أخذت ريست ورحت ساعدت ماما. كملنا تحضير، وأذن العشاء. الكل راح يصلي ورجعنا كعدنا على السفرة. كال جدي:

جدو: حسن وحسين، اتصلوا ما؟

حسن: أي، نصلي جدو.

جدو: أي، عفيه، والي أشوفه ما يصلي، ياويله.

كملنا أكل، وجدي يحجي مع بابا بخصوص الشغل، وبعدها كال:

جدو: علي، لازم تغشع المحلات، ما كلو عليه.

علي: يابه، أني ما عندي مجال، العيادة مقلوبة، وغيغ، هشكل الدوام بالمستشفى. خلي ثامر يروح، هل كم يوم ما عنده شغل.

جدو: قلتو أنت تروح. انتهى النقاش.

سكت بابا احترام لجدي. كل يوم أكرهه أكثر من الي قبله. يجبر بابا يسوي كل شي، وما يخلي ثامر وتامر يتعبون، رغم الاثنين ما عندهم شغل وكاعدين هاي الأيام، بس لا، ما يكدر، لازم بابا.

كملنا أكل، وغسلت المواعين، وماما سوت جاي وصبت للكل. أني خلصت ورحت غرفتي، كعدت أدرس. ما حسيت إلا لما أجه مسج لتلفوني. شلت التلفون وفتحته، جان مسج من زهراء. مكتوب:

💬 زهراء: وينج حبي؟ اليوم متأخرة، غير عن العادة.

شفت الساعة، جانت بـ 12:50. كتبت الها:

💬 هاجر: مراح ألعب وياكم اليوم، عندي درس كثير. خلصت وهسه نعسانة كلش، أروح أنام.

بعثتها وطفيت الجهاز، رحت نمت. حسيت الصبح ماما تكعدني. كمت وياها، أكلت وسويت نسكافيه، شربتها وطلعت أبدل. كملت ونزلت، لبست الحذاء (تكرمون)، وانتظر شوية، واجه الخط. طلعت ومشيت الأيام هيج. يوم أدخل بوبجي وألعب، وعشرة لا. بعدها اجت امتحانات نص السنة، وخلصت، واجت العطلة، واليوم أول يوم عطلة.

وكل هاي الأيام، جان تيم يجي عدنا ويساعدني بكل شي. وبفضله، درجاتي توب. واليوم الكل يجي عدنا. مانسى قلق الامتحانات، لو مو تيم، جان هيه وكعت بكم درس، جانت صعبة كلش، بس من جان يشجعني وينطيني تحفيز.

أتشجع، وخاصة من يكول:

تيم: خلي إلياس يتندم على الساعة الي عافج بيها. صيري أحسن من أسيل، انجحي وروحي كلية، أحركي كلبه وكلب أسيل، وهيا تكره تشوفج ناجحة. أنتِ على عنادها، سوي العكس.

رحت سلمت، جان الكل موجود، بس تيم وعمر ماكو. كلت:

هاجر: عجل، تيم وعمر ماكو، ليش؟

مريم: شوية ويجي عمر.

إلياس: ليش ما تتحملين فراق حبيب الكلب؟

هاجر ببرود: أي، ما أتحمل.

دار وجهه عني، يحجي ويا أسيل. صايرة تلعب نفسي منهم. أكدر أقول، صرت أكرهه، وأكره الكاع الي يمشي عليها، بس بعد اكو حقد بقلبي. رحت أشوف تلفوني بالـ غرفة، بين ما يجي تيم.

شفت رسائل من تميم، أكثر من 20 رسالة. خفت، وتوقعت زهراء بيها شي، بس من شفت الرسائل، انصدمت. بقيت فاكة حلكي وأقره، أعيد وأرجع أقره بالكلام، أحس ما أستوعب. عدت قراءة الكلام أكثر من عشر مرات، وكل ما أعيد، أرجف، والصدمة تزيد. قريتها مرة ثانية، وجان مكتوب:

💬 تميم: أني ما أعرفج من زمان، بس أني كلش حابج، وخاصة من تعاركتي وياي بمجمع السدير، انهوست بيج. ولما عرفت أنتي نفسج الي وكعت بحبها، تهت. مجاي أعرف ليلي من نهاري.

💬 تميم: شكد ما أكولج أحبج، ما أكدر أوصف ربع حبي الج. تجي الأيام، وأثبتلج شكد أحبج، وأريدج. نيتي وياج أبد مو على غاية، أو لأن حلوة، أريد أتنّسس بيج. وهاي زهراء تدري شكد أحبج. أني ما أحجي بي، وأوفي، وأني مستعد أخطبج، بس أسمع موافقتج. أني أعرف بشنو مريتي، لا تبالي، زهراء تحجي أسرار الناس، لا، بس أني جبرتها تحجي.

💬 تميم: من يوم الي شفتج، ما طلعتي من راسي. ويوم الي سألتي زهراء عني، وإذا رحتي للموصل أو لا. هنا عرفت أنتي نفسج. ما أعرف شنو من صدفه، بس الي أعرفه، أحبج وأريدج.

ما أدري، كلش مصدومة، وأني ما عندي مشاعر تجاهه. أكيد أرفض. كلت:

💬 هاجر: أني طالبة سادس، مثل ما تعرف، وما عندي استعداد أدخل علاقة وزواج. أني مو كد المسؤولية. أني أهلي ما يزوجوني غريب من غير محافظة. وأنت ما بيك عيب، بس أني وأنت أبد مانرهم.

رد عليه بسرعة، جان مبين منتظرني، كال:

💬 تميم: ليش مانرهم؟ وعادي، أنتظرج لحد ما تخلصين سادس.

💬 هاجر: مانرهم، تفكيرك غير تفكيري.

شاف الرسالة ومارد. طلعت من الانستا وطفيت الجهاز، وكمت حتى أطلع من الغرفة. أجه اتصال على الانستغرام منه. فتحته، وأجه صوته، بس جان هادئ:

تميم: اسمعيني كلش زين، ماكو شي اسمه تفكيري غير تفكيرك. أني أريدج، افهمي يمعودة، أريدج، وأني أنتظرج لحد ما أكملين سادس. أصلاً أني هم كلية عندي.

قاطعته وكلت:

هاجر: أني ما أريد أحب أحد، ولا أريد أحد يحبني. يكفي أنو نضل هيج أصدقاء. وإذا راح تضل تجيب سيرة الحب، ف حتى هاي الصداقة ما أريدها.

عصب، وصار يعيط بالجهاز. خفت كلش، لأن أخاف من الصوت العالي والعياط.

تميم: أنتِ ثولة، لو شنو؟ جاي أكولج أحبج، يعني أريدج. لا تضلين تاكلين خره، أريدج، فاهمه؟

سكت، وأني أباوع على الباب، أخاف أحد يجي. كلت:

هاجر: ما كدر، افهمني رجاءً.

أجيت أكمل، قاطعني وكال:

تميم: الج منا لأسبوع تفكرين بيها، وأريد جواب. أسبوع الجاي بنفس هذا اليوم.

أجيت أحجي، سده بوجهي. كلش تنرفزت، كتبت:

💬 هاجر: عيب عليك تسده بوجهي. أشوه أنت ما عندك احترام؟ عبالك تهددني؟ ترا جوابي ما يتغير أبد، ف ما أنصحك تنتظر.

دزيتها، وبقيت بالغرفة أنتظر يرد. طول تقريباً ربع ساعة، بعدها رد، وكال:

💬 تميم: مجاي أهددج، ومن سديته حتى لا أحجي شي يضوجج، وجوابج يتغير، ماريد أسمع هذا الجواب.

غلست على الرسالة، وما رديت. كمت أطلع، فتحت الباب، صار بوجهي إلياس. كلت:

هاجر: خلصت من هذاك، اجيت أنت تكملها.

إلياس: منو قصدج؟

هاجر: ما عليك، لا تدخل، شي ما يخصك.

إلياس: احجي عدل.

هاجر: وإذا ما حجيت عدل؟

إلياس: أعلمج أشون تحجين عدل.

هاجر: خاب، ما طير أحسن.

دفعته من الباب وطلعت. رحت ويا البنات، سوالف وضحك، أريد أحجي الي بقلبي، وأريد أكول لـ إيلا عن تميم وشنو يريد، بس أراجع، أخاف تكول لـ تيم، والله يعصب ويزعل مني، وأنزل من عينه. كالت إيلا بهمس:

إيلا: شبيج؟ أحد مضوجج؟

هاجر: إذا أكلج شنو مضوجني، ماتكولين لـ تيم؟

إيلا: طبعاً لا، هاي أسرار بيني وبينج.

أخذتها، وأخذت رسل، ورحنا لغرفتي، سديت الباب وقفلته، خوفاً أحد يجي. حجيت لهن على تميم وعلى كل شي، وشلون عرفته، وعلى يوم السفرة، وحتى من اعترفلي. الصبح، كالت رسل:

رسل: أشون تحجين مع أولاد؟

هاجر: والله جنت أريد أدخل ويا بنية، وطلعوا هما، وهم موجودة زهراء، وصارلي زمان أعرفهم.

إيلا: إذا يحبج ويريدج وصادق، ليش لا؟

هاجر: شهل حجي؟ طبعاً ماريده، شبيج؟ أني وهو أبد مانرهم، حسب ما عرفت، هو عصبي، وأني عصبية، مستحيل تضبط، وغير هيج، لسانه وصخ.

إيلا: كل الولد هيج صايرين، محد هسه يحترم، وكلها ولسانها وصخ.

رسل: أي صح، حتى شهم هيج.

إيلا: مو بس شهم، حتى تيم وعمر ويونس. أكلج، عندج صورته؟

طلعت صورة من الانستا وشفتها لهن. كالت:

إيلا...

...

انتهى البارت.

شنو توقعاتكم لبارت الجاي؟

إيلا: تشاقين هذا وين لكيتيه؟

هاجر: شنو؟ وين لكيتو؟ هو هذا تميم اللي حجيت عنه.

إيلا: والله حلو كلش، شوفي عيونه. أول مرة أشوف هيج عيون.

هاجر: حتى أنا، بس أنا ما أريد أرتبط بيه. هو هسه يريد علاقة وأنا ما أحب هذا الشي. وأصلًا ما عندي ثقة بيه.

إيلا: الثقة تجي بعدين. لا تروحي من إيدج.

رسل: إيلا اسكتي. كلامج غلط. هسه صح الثقة تجي بعدين، بس أنتِ لحد هسه ما تخطيتي إلياس. شلون ترتبطين؟ وبعدين ما بيها شي إذا ارتبطتي. هاي إيلا وتيم هسه مرتبطين.

هاجر: أي أعرف. وهو من غير محافظة، أكيد جدي ما يقبل. وإذا قبل إلياس يحجي براسه.

رسل: إذا يحبج يسوي المستحيل حتى ياخذج.

هاجر: بس لسانه وصخ ويفشر كثير.

رسل: هذا مو عذر، لأن أغلب الولد هشكل.

هاجر: ودراستي؟

إيلا: كافي حجج. أنتِ كليلُه موافقة وكافي.

هاجر: أفكر.

رسل: فكري. وإذا ما اقتنعتي ارفضي. هو بكيفج مو بكيف أحد.

هاجر: بس كلامه مثل التهديد، يعني بمعنى توافقين مو بكيفج. وبعدين أصلًا هما عندها المرة اللي ما تحترم زوجها يضربها وماحد يدخل. هاي زهراء هيج كالتلي. وهم هيا حالتها هيج.

رسل: شنو هذا الحجي؟

هاجر: والله.

إيلا: ما على أساس زهراء متزوجة على حب. شصار؟

هاجر: أي على حب، بس هما هشكل.

إيلا: عجل الخلل بتميم وأمير؟

هاجر: مو بس هما. حسب ما فهمت كل ولد عشيرتهم نفس الشي.

رسل: عجل ارفضي. أنتِ وينج وين الضرب؟ يم أهلج محد يضربج. تروحين للرجال هو يضربج؟ أهلج ما يسكتون وتصير مشاكل. فارفضي أحسن.

إيلا: والله حلو. حرامات ترفضوه.

رسل: شنو فائدته حلو بس ما يحترم زوجته ويهينها ويضربها ولسانه وصخ عليها؟

إيلا: أنا ما أعرف. بس يمكن الولد ما نفس أهلُه.

هاجر: نفسُه طبعًا. يعني كلهم هيج. هو راح يطلع غير؟

رسل: سوي اللي تشوفيه مناسب. ما عليج بـ إيلا. إيلا الجمال مو كل شي. يعني هسه كدامِج إلياس غير يخبل. بس شوفي أخلاقُه وشخصيتُه المتسلطة. يلعب النفس.

إيلا: على سيرة إلياس. تدرون قدم خارجي علمود يصير عسكري؟ طيط أحسن.

هاجر: أش نعملُه. خلي يولي.

إيلا: هو بلا شي نافش ريشُه علينه. هل مرة يصير شرطي. وإذا ترقى هنا ينفش ريشُه أكثر.

هاجر: ما أعرف ليش تيم يسكتلو.

إيلا: يحترمو لأن أخو الكبير. وعلمود عمو محمد لا يزعل.

انفتح الباب وفات تيم وكال:

تيم: أذني جانت تون. أحد حجه عليه.

هاجر: أكص إيدي إذا ما كنت تسمع.

تيم: لا والله. هسه جيت. سألت عليكم أمي كالت بغرفة هاجر. مادري شعدهم.

هاجر: أي خوش. عبالي كنت تسمع.

تيم: ليش؟ أش كنتوا تحجون؟

هاجر: مو يمك السالفة. سالفة بنات.

تيم: ها حلو. طرده باحترام.

هاجر: لا يا غبي. ماهشكل قصدي.

تيم: أحاول أصدك.

هاجر: تعال اكعد.

كعد على السرير ولزم إيد إيلا. حجينه شوية وهو على هذا الوضع. إيده بيد إيلا. انفتح الباب وفاتت أسيل وأسيا ويارا. كالت يارا:

يارا: مشاء الله. سوالف الحب بغرفة هاجر صايرة. أش أنتِ ما تستحين تمسكين إيد أخويه؟

تيم: أنا مسكت إيدها مو هي.

أسيا: يدافع عنها. عيني عوفي.

يارا: ما أعرف أش شايف منها.

إيلا: يمه. غير أخبل. بس بياضي يكفي.

أسيل: أي. الف خلطة حطيتي حتى صرتي هشكل.

إيلا: لا عيوني. طبيعي الحمد لله. مو مثل بعض جماعة.

تيم: كافي بلا مشاكل. أريد فد يوم ننجمع بيت جدو وما تصير مشاكل. أنتو المشاكل تمشي بدمكم.

إيلا: حبيبي. هما حجو عليّ. تقبلها؟

تيم: لا ما أقبل. ممنوع أحد يحجي على إيلا.

أسيل: هاي بعدك ما زوجتها وهيج كاتل نفسك عليها. لو تزوجون أشون؟

تيم: وأنتِ أش عليج؟ خليج يم إلياس.

أسيل: لأن إلياس ما هانه. تحجي عليه. لو هانه جان حط نعال (تكرمون) بحلكك.

أجه يجاوبها قاطعته وكلت:

هاجر: أي لا النعال بحلكج. أنتِ حيوانة. احترمي. ترا أكبر منج. وهذا الجحش اللي عندج لو بي شوية رجولة جان شك حلكج من حجيتي على أخو. ما بيكم خير. وأنتِ الثولة. هذا مو أخوج؟ ليش مدافعين عنه؟ وتسدين حلكها.

يارا: أنتِ ما عليج. بس لا تدخلين.

هاجر: أدخل. تيم أخويه. واللي يحجي عليّ أحط قندرة بحلكه. فهمتوا؟

أسيل: خوفتينا.

هاجر: شو أنتِ عاجبج المشاكل؟ شنو رأيج أطلع الفيديوهات؟ وبعدها نشوف موتج. شنو كتي؟

تبلكمت لأن الفيديوهات هيا وإلياس يتباوسون من زمان. هيا دزته الي علمود تغثني وأنا حفظته ويبين اليوم والسنة.

أسيل: بلا حجي سخيف.

هاجر: أي. أسيا شو ماكو صوتج؟ من فتي للغرفة ماسمعت صوتج؟ شعجب؟

أسيا: أنا ما عليّ. أجيت متفرجة لا أكثر.

هاجر: اها. أنا عبالي خايفة لا أطلع فضايحج.

الكل صار يباوعلي وعلامة استفهام على وجهم. اله أسيل وأسيا صارن حمر. كالت أسيا:

أسيا: هاجر. أنا كتلج ما عليّ. من يوم اللي تحدينا بعض وأنا خسرت. وأنتِ ذللتيني. بعد ما عليّ بيج ولا أجي يمج.

هاجر: خوش. خلصت منج. بقيتو أنتو. يارا شنو رأيج أخرب علاقتج ويا خطيبج؟ تعرفيني خبيثة وأسويها.

يارا: أنا ما عندي شي حتى أخاف منه. إذا أنتِ مهددة أسيل وأسيا. أنا ما عندي هاي السوالف. وزواجي تقليدي. والكل يعرف بهذا الشي.

هاجر: أي أعرف. بس عادي. أطلع حجي من يمي. مو شغلة صعبة.

تيم: هاجر كافي.

هاجر: شفتي أخوج يريد يسد الموضوع حتى أنتِ لا يصيرلج شي؟ وأنتِ العار واقفة ويا هذني. (أشرت بصبعي على أسيا وأسيل). كالت أسيل:

أسيل: خلي نطلع أحسن. هاي محد يكدر عليها غير إلياس.

هاجر بابتسامة: حتى النص رجال ما يكدرلي.

أسيل: منو قصدج؟

هاجر: إلياس طبعاً. ليش اكو أحد غيره نص رجال؟

اندفر الباب. متت خوف. جان يطب إلياس كال:

إلياس: هذا النص رجال اللي ما عاجبج راح يخرب حياتج.

هاجر: تيم. بدون زيج لك بابا. دروح. هو أنت تمشي بكيف مرة. والله يالله.

إلياس بابتسامة خبيثة: نشوف. كل شي بوكته حلو.

أخذ البنات وطلعوا. بقينه أنا وتيم وإيلا ورسل صافنين. بعض رجعنا نكمل سوالف وضحك. تيم يداهر إيلا وأنا ورسل ميتات ضحك. اجت عمه مريم كالت:

مريم: قوموا يلا. يكفي قعدة. ماشبعتم حكي.

كمنا وطلعنا بره ويا الكل. بدها راحوا عمامي وعماتي وهكذا. مر أسبوع بلمح البصر. جا اليوم اللي لازم أرد جواب لتميم. كعدت الصبح تريكت وساعدت ماما بالغدة. جدي كال:

جدو: العصر تغوحون لبيت مريم.

الكل صافن. ليش بابا؟ كال:

علي: شنو السبب؟ وهل نحنا هم لو لا؟

جدو: الكل يغوح. اليوم النسوان يغوحون يتعرفون على أهل البنت. والشباب يقعدون مع الشباب.

سكتنا واذكرت عمر. قبل كم يوم خطب. وأول بارحة دزوا خبر موافقين. وعمه مريم عزمتهم على العشة والمل لازم يروح. يلا بلكي أتونس.

كملنا أكل ولمينه السفره. أنا وماما. بابا وجدو راحوا ينامون ويرتاحون. حسن وحسين مو بالبيت. بيت عمو تامر مع يوسف. هما أصغر شي.

كملنا تعزيل. رحت للغرفة أنام. لأن بليل سهرانة على البوبجي. توني حطيت راسي أنام. أجه مسج. شفته جان من تميم. مارديت. عفته ونمت. كعدتني العصر ماما. نروح على بيت عمه مريم. تحمست.

غسلت وفرشت أسناني وصليت العصر. وفتحت الكنتور أدور لبس. بقيت صافنة تقريبًا 10 دقائق. بعدها عرفت شلبس. طلعت تيشرت بس ورق شجر لونه أسود. والورق مال شجر لونه أبيض لأن بي فصوص أبيض. طلعت بنطرون أسود وقميص أصفر.

لبست التيشرت وفوتتها جوه البنطرون ولبست القميص وخليت الزرار مفتوحة. وطلعت شوز أصفر. وسويت شعري كعكة. ونزلت شوية من براجمي (كذلتي) منا ومنا. باوعت بالمراية وكلت:

هاجر: خرب يومج. شكد حلو. يروحولي فدوة. شكو واحد يكرهني. أنطيت لنفسي بوسة. وطلعت. شفت الكل جاهز. وجدي ما عاجبه الوضع. بس ما حجه لأن بابا يقبل البس هيج. وصلنا بيت عمه مريم. مو بعيد علينه. نزلنا وسلمت. جانوا الخطار موجودين. سلمت على الكل. من وصلت يم أسيل وأسيا ويارا. عفتهن وكملت أسلم.

لارا وإليف ما يدخلن أبد وحدُهن. يمكن صغار لهذا السبب. طبعاً لارا جانت مخطوبة وخطيبها فسخ بسبب صغر سنها. وهو جان أكبر منها. هيا جان همها ألعب وأونّس. وهو همه الزواج والأطفال. ف فسخ. وكال بنتكم صغيرة ماتفيدني.

وهيا كلش فرحت. لأن جدي هو جابه. ومو لسواد عيون الولد أو عيونها. لا. بس جانت عنده مصلحة يم أبو الولد. وصارت. ومن فسخ جدي كال أحسن. لأن خلصت المصلحة. حتى بهاي يخلينه علمود المصلحة.

كعدت يم إيلا ورسل. أنا وإيلا نسولف. رسل مو يمنه. مدري وينها. عيونها بالتلفون وتبتسم. فهمنا إنها تحجي مع شهم. شهم إنسان جداً لطيف. وسمعته حلو. والكل يحمد بأخلاقه. وهيا فرحانة بي. وهو فرحان بيها. ما فد يوم اجت اشتكت منو. الله يسعدهم.

بس إيلا وتيم يوم مشاكل وعشرة صحبة. حسب. هيا مرات تضوجُه بلبسها وترد عليه. وهو ما يقبل. يكولها: أنا رجال. ما يصير تردين بوجهي. ومن أعصب هديني. مو تعيطين بوجهي.

وأنا أتفق وياه. لأن إيلا صايرة ترد على كل شي. وتحب نفسها. من يوم اللي تيم اعترف الها. واللي عرفته من طفولتها تحبه. وهو لما كبرت حبها. هيا حلوة بشكل. يمكن أحلى مني حتى.

عيونها خضر نفس شلون الحشيش. وبيضه. حتى أبيض مني. رغم أني شكد بيضة. هيا أبيض. شعرها أصفر. وكلش حلو. أما تيم شعره أسود. عيونه عسلي. أسمر. والكل يكول إلياس أحلى من تيم. هو صح أحلى. بس تيم أخلاقه تغطي إلياس.

لأن إلياس ما عنده أخلاق. ولسانه وصخ لدرجة. وإذا أحد يضوجُه يفشر عليه بكلمات تلعب النفس. يحب التملك. وأنا أكره هذا الشي. أناني. يحب كل شي لنفسه. هسه يريد أسيل. وبنفس الوقت يريد هاجر. ما أريد أحد ياخذ منه هذني البنتين.

إيلا: شبيج؟ بشنو تفكرين؟

هاجر: ولا شي.

أجه عمر. جان كلش مرتب وحلو. هو هم أشقر. وعيونه خضر. على أهل أبو. وهما أصلهم مو من العراق. جد أبوهم شرد من تركيا. لأن قاتل واحد. وجه للعراق. واتزوج مرة عراقية. وهيج صار. وأجو هما. وماحد يعرف أهلهم منو. بس اللي يعرفوه إنهم من تركيا. غيرها لا. وأسماء بناتهم أولادهم كله تركي. حتى أسماء إيلا وإليف وعمر. عدهم بتركيا هيج أسماء.

هاجر بهمس: عمر طالع يخبل. والله. عود ياهي عروسته؟ أشوفها ترهم ويا لو لا.

أشرت لي على وحدة كاعدة يم مرة جبيرة. جان شكلها عادي. يعني ما بيها شي مميز. واللي فهمته إن هاي البنية عمر شافها بالشارع ولحقهم لبيتها. وسأل عنها وعن أهلها. والكل كال خوش بنية وحبابة. وهيج خطبها. وحبها.

إيلا: ما حبيتها.

هاجر: حتى أنا.

رسل: عوفوا البنت بحالها. خلوكم ويا أسيل وأسيا ويارا.

إيلا: ليش؟ منو كالج أنا يمها؟ ختولي.

رسل: أنا إذا يونس يزوج غير أحب مرته وأدللها.

إيلا: مرت الأخ ما ينعطيها وجه.

هاجر: دكافي. روحي جيبيها ونطلع لغرفتج نتعرف عليها. وساعتها نعرف زينة لو لا.

بل فعل سوت اللي كتلها عليه. نادتها. وطلعنا لغرفة إيلا. وإليف كعدت البنية خجلانة. والبسمة ما فارقت وجها. مدنكة راسها. كالت رسل:

رسل: ارفعي راسج عمري.

رفعت راسها. انتبهت عيونها صفر. بس من بعيد عبالج قهوائي فاتح. كلش حبيت عيونها. ابتسمت. ردتلي البسمة. كالت:

- عرفوني عليكم.

إيلا: أنا تعرفيني. هاي رسل بنت خالي. مخطوبة. وهاي هاجر بنت خالي الثاني.

- تشرفت بيكم. أنا اسمي ناريمان. وعمري 18.

هاجر: نفس عمري.

ناريمان: خوش صدفة. بأي شهر أنتِ؟

هاجر: 7.

ناريمان: أنا شهر 9.

هاجر: خوش. أنا أكبر منج.

رسل: أنا أكبر منكم كلتكم.

هاجر: أي. أنتِ العجوز مال الشلة. عمرج 20.

إيلا: أي العجوز. وأنتِ هم عجوز.

هاجر: ترا أنتِ أصغر مني سنة. ف اسكتي أحسلج.

إيلا: آسفة عيني.

سولفنا شوية. وتعرفنا عليها. وهيا يوم اللي شافت عمر تربع بقلبها وحبتُه. حبيت قصتهم نظيفة. فززني مسج على تلفوني. فتحت التلفون. وشفته من تميم. وكاتب:

💬 تميم: أعتقد خلصت المهلة. وأنتي مغلسة. وراسلتج أنتِ ماكو.

قررت أجاوب عليه. وأنتي الجواب اللي فكرت بيه كثير. لحد ما أخذت هذا الجواب.

💬 هاجر: أنا وأنت مناسب بعض. أنت تفكيرك يختلف عن تفكيري. وبعدين أنا فارس أحلامي مو نفس شخصيتك. صح بيها كم شغلة. بس مو كلها موجودة بيك. وجوابي هو لا. ما أريد أرتبط بيك.

دزيتها وطفيّت التلفون. خليته يمي. وأشوف البنات مندمجات يسولفن. حبيت البنية كلش. أخلاقها عالية. كلش لطيفة. ولسانها ينقط عسل. أجه مسج. فتحت التلفون من تميم. كاتب:

💬 تميم: أنا ما أنرفض. سمعتي مو تميم اللي ينرفض. وداعت أمي. أنا حطيتج براسي. أسود عيشتج فوك ما هي سودة. جاي أكلج أحبج. ارضي بنفسج. أحسن ما تصير غصب عنج. راح أسوي نفسي ماشفت جواب منج. بليل أريد الموافقة. وإذا مو موافقة يا ويلج. ساعتها أخربها عليج. وأنا طكة ونص. وماكو شي أخسره.

خفت من تهديده. بس فكرت إنو هو لا يعرف بيتي. ولا يعرف وين أنا. بس يعرف بالموصل. يعني ماكو خطر عليه. إذا أرفض. سويت نفسي عادي. وكالت:

💬 هاجر: حضرتك تهددني؟ أنا ما ينفع معاي التهديد. وشنو تسوي مثلاً؟ أنا ما أريدك. السالفة ما تصير بالغصب.

💬 تميم: وأنا أريدج. وإذا عبالج بس أهدد. فه أنتِ غبية. لأن أنا أنفذ. ما أهدد. وإذا أريد شي يجيني ليمي. حتى لو جان غصب. فهمتي حبيبي؟ يلا روحي فكري وتعالي بليل ردي الخبر بالموافقة. خوششش.

رحت على أمير. ماكو غيره يشوف هذا المخبل شيسوي. أخذت سكرينات للمحادثة. ودزيتها وكتله:

💬 هاجر: أمير. تميم شنو ممكن يسوي إذا رفضت؟

💬 أمير: وافقي. على ترا يحبج كلش هواي. وأنا أشهد بهذا الشي. شكد يعرف بنات. بس ماكو وحدة مثلج. كاتل نفسه عليها. كل يوم يجيب سيرتج.

💬 هاجر: بس أنا مو مستعدة أدخل علاقة. وأكيد زهراء كالتلك عن ماضي.

💬 أمير: أنتِ كولتيها ماضي وراح. خلص. وشنو صار ما يهم. تميم اللي يهمه أنتِ. يريدج. يحبج. أنتِ ما يهمه شنو يكون ماضيچ. لأن حتى هو عنده ماضي. وحب قبل. وماضيچ خلص. راح. أنتهى. مجرد ذكرى تضل براسنا. ليس منشيلها ونكمل حياتنا.

💬 هاجر: حتى لو أوافق. أهلي أكيد ما يوافقون.

💬 أمير: السبب؟

💬 هاجر: كثير أسباب.

💬 أمير: وحدة منهن؟

💬 هاجر: من غير محافظة. وجدي ما يعجبه يزوج بناته أو ولده لغير طائفة.

💬 أمير: إذا قصدج إنو نحنا شيعة. وما يقبل جدج؟ لا تخافين. تميم يحلها. ما يخليج ياخذج حتى لو غصب عنج. نصيحة وافقي. لأن هذا طكة ونص. وممكن يسوي شي يخليج تندمين إنو عرفتي.

مارديت. عفت التلفون. وخايفة. شنو ممكن يسوي؟ اجت أفكار براسي. كلها أزفت من بعض. البنات انتبهوا على حالتي. كالت إيلا:

إيلا: هاجر. بيج شي؟ خوفتيني.

رسل: هاجر. احجي. ليش ساكتة؟

هاجر: ماكو شي.

إيلا: أشون ماكو شي؟ شوفي وجهج صاير أصفر.

ناريمان انتبهت إنو أنا ما أريد أحجي كدامها. ترخصت وطلعت بسرعة. فتحت موبايلي و أرجف. شفت البنات المحادثة. كالت إيلا:

إيلا: ترا مجرد تهديد. لا تخافين. مايسوي شي.

هاجر: زهراء تكول إذا يحط شي براسه يسوي. وأمير هم يكول هيجي.

شفتهم المحادثة مال أمير.

رسل: أنتِ شنو راح توافقين. لأن هددج وخايفة منو؟

هاجر: ما أعرف. الي أعرفه خايفة. يريد يخرب حياتي إذا ما أقبل. ليش ربي؟ مو كافي اللي سواه بيه إلياس؟

صرت أبجي وأشهك.

هاجر: ليش ليش أنا؟ ليش؟ المفروض أنا أعيش أزبل عيشة. ليش ربي ما تعاقب إلياس وأسيل على فعلتهم؟ تجيب تميم طريقي؟ ما لحقت أتخطى إلياس. يجي تميم يخرب حياتي أكثر ما هي خربانة.

أبجي وأضرب وجهي. رسل لزمت إيدي وكالت:

رسل: ما له داعي اللي تسوين. وافقي. وأنتي سوي كل شي يكرهه. حتى يكرهج ويعوفج.

هاجر: ما أريد أدخل ولد بحياتي. أكيد يخوني ويا وحدة. ما أريد. ما أريد.

رسل: والله يسوي هيج لأن يحبج. شوفي كاتل نفسه عليج. حتى أمير هيجي يكول.

هاجر: افهمي. ما أريد. ما أريد. خلي يروح يحب ويرتبط. بس ليش أنا؟ ماضل بنات غيري.

إيلا: أنتِ تنحبين. والله كل اللي يشوفج يحبج. روحج حلوة ومرحة ولطيفة. وشكلج حلو. بعد شكو؟

قدمت تلفوني لإيلا. وكلت:

هاجر: إيلا. احجي وياه. كليلُه ما تريد. خلي يحترم قراري. قنعي إنتي. تقنعين أكبر واحد. حبابة.

أخذت تلفوني. واني أراقب. كتبت:

💬 أنا بنت عمت هاجر. أخويه هاجر ما تريد أحد بحياتها. تريد تكمل دراستها. تريد تتخرج وتتوظف. تشتري بيت سيارة. تعيش وحدها. أحلامها مو يم الحب والزواج. أتمنى تفهم قرارها. وأنت إذا تحبها من صدق. عوفها. هيا تختار.

مجرد ما دزت الرسالة. اتصل. وكال بصوت عالي:

تميم: وداعت أمي. إذا رفضت أنهيها. والله. شنو اكو بالكم؟ خرة أسوي. أسوي أي شي. في سبيل أخذها. مستعد حتى أقتل شخص. وإذا ما توافق. ما عندي مشكلة أقتلها. وما أخليها لغيري.

إيلا: خويه. افهم. حباب. هاجر مرت بظروف صعبة. ما تكدر تفوت بعلاقة جديدة.

تميم: ما يهمني. بشنو مرت. اللي يهمني إنو تحبني. مثل ما أحبها. والله ما أخونها. عيوني ما تشوف غيرها. أعشق الكاع اللي تمشي عليها. أنت مو بنت عمتها. وتتمنين الخير الها. خلي توافق عليه. أحسن الها.

مدري شلون طلعت مني كلمة:

هاجر: موافقة.

تميم: شنو؟ عيديها. جاي أكلج. عيديها.

كوه أحجي والدمعة بعيني.

هاجر: م-موافقة.

تميم: تمام. راح أكلج شروطي. وأنتي نطيني شروطج. حتى من هسه. اللي ما أريده ما يصير.

أخذت التلفون من إيلا. وكالت:

هاجر: شنو شروطك؟

تميم: أهم شي ماتعانديني. كلامي يتنفذ من أول مرة. ما أحب أعيد. لما أكلج هذا البس ماينلبس. يعني ماينلبس. تتحجبين. ما عندي مرة تضل سفري.

قاطعته وكلت:

هاجر: الحجاب معليك بي.

تميم: أعتقد كتلج. كلامي يتنفذ من أول مرة.

هاجر: من أقتنع. ألبس.

تميم: بعدين نحجي بالموضوع. المهم ماتحاجين ولد من كرايبج. وأي شخص يراسلج. دزيلي مسج. وأكلج حاجي أو لا. حاجيج ويا أمير يكون قليل. هذا اللي عندي. أنتِ شنو عندج؟

هاجر: تحترمني. وتحترم ارتباطي بيك. ممنوع تحاجي بنية بدون إذني. إذا حجيت وأنا ما أعرف. ساعتها أنهي هاي العلاقة. وإذا أشوف ماكو اهتمام. ماكو حب. ماكو احترام. هم أنهيها. أهم شي ماتخوني. ماتحاجي غيري. وإذا عندج بنات هسه. أتمنى تحذفهن.

تميم: ما عندي. أصلًا ما حاجي أحد غير زهراء وحوراء وخواتي. ومرات لمار ميار.

هاجر: تمام. لبسج. طلعتج. أنتِ ما تدخلين بيها. أطلع أروح أجي بكيفي.

تميم: لا والله. رجل كرسي أنا؟ على الأقل انطيني خبر.

هاجر: هاي شروطي. عجبتك أهلاً وسهلاً. ما عجبتك. الله معاك.

تميم: اتفقنه. أنا أروح. لأن عندي شغل. وهسه أنتِ صرتي حبيبتي.

سده وراح. كال:

رسل: زين سويتي. ممكن بعد فترة تحبي. وممكن من أسلوبج يوضح. ويعوفج.

هاجر: ليش؟ شبي أسلوبي؟

رسل: أقصد إذا تعاندي وتغثي وتطيّزين كلام. ساعتها يضوج ويعوفج.

بلحظة ذكرت كل شي صار. شلون إذا حبيته وتعلقّت بي. ويطلع جذاب. ويضحك عليه؟ منو يكول يحبني وما يتسلى بيه؟ منو يكول يريدني زوجة مو ونسة؟ ما أعرف شلون راح أثق بي. حسيت دموعي بدأت تنزل. كالت رسل:

رسل: ليش هل دموع؟ فهميني.

هاجر: أخاف أحبه وأتعلق بي. ويطلع جذاب. ويضحك عليه.

رسل: أدري بيج ما تخطيتي عملت إلياس وأسيل. ترا مبين يحبج. لو ما يحبج. ما هشكل يصر عليج. يمكن هذا الله بعثه تعويض الج على اللي صار.

هاجر: شلون أثق بي؟

رسل: مو ضروري يكون هسه. ممكن بالمستقبل. ممكن هذا اللي كنتي تدورين عليه بـ إلياس. يمكن يعوضج عن كل شي.

هاجر: وإذا طلع جذاب.

إيلا: تفائلي بالخير تجديه.

هاجر: خوش.

طول الوقت جنت صافنة. الكل لاحظ هذا التغير اللي اجاني. الصبح ما كان اكو شي. بس الضهر صار تغير بيه. اجت يمي عمه أميرة وكالت:

أميرة: اللي يشوفج هسه يكول حبيبج خطب غيرج. أش بيج يا روحي؟ ليش شكلج تعبان؟ بيج شي يا روحي؟ إلياس ضوجج بكلمة؟ كليلي. أشُك حلكُه.

ابتسمت وكلت:

هاجر: لا عمه. بس مالي خلق. مدري شبيه على غفلة.

أميرة: أكيد إلياس ما بل سالفة.

هاجر: والله مو من إلياس. أصلًا ماشفته اليوم.

أميرة: بعده يضوجج.

هاجر: أي. كل ما يشوفني يضوجني.

أميرة: أريد أعرف أش بي. ليش هشكل صار. والله ما كان هشكل.

هاجر: ما أعرف. والله.

أميرة: يلا. ضحكي وغيري جو. لا تهتمين لشي.

كمت يم البنات. جان كل البنات كاعدات. كرايب البنية وكرايبنه. ومن ضمنهم أسيل وأسيا ويارا. كالت يارا:

يارا: ليش مبومة؟

سويت نفسي ماسمعت. وغلسّت عليها. كالت:

يارا: أنتِ طرشة. عد حجي معاج؟

هاجر: إيلا. جيبي مبيد حشرات. اكو حشرة مضوجتني.

الكل صار يضحك. وهيا وجهها أحمر من الفشلة. حبيت خواتها. ناريمان كلش فرفوشة نفسها. وفطيرة كلش. كالت ناريمان:

ناريمان: .................

انتهى البارت.

ناريمان: هاجر ويارا ليش تتكاونون؟

هاجر: حبيبي هيا مضغوطة مني، معرف ليش.

يارا: هسه أنا مضغوطة منج على شنو بله؟ أشوف حتى أنا أحلى منج ومخطوبة، وأنتي محد مكلبج.

هاجر: ليش هي بل خطوبة؟ أشوف ابن عمج خطبني، وأنتي تعرفين ليش انرفض. وغير هذا انخطبت كثير، يعني الجمال مو بل خطوبة، لو أريد جان هسه عندي طفل بطولج.

أسيل: بنات كافي عيب، هسه أش يحجون علينه.

هاجر: هاي أنتي لو غيرج، أسيا عيني شوفي حرارة أختج خاف تهلوس.

أسيا: هاجر أش بيج؟ أشوف لا من نتكاون وياج مخلصين، ولا من نعوفج مخلصين. أش تريدين؟

هاجر: ولا شي. شنو أريد مثلاً؟

دخلت عمه مريم وشافتنه شلون كاعدين، ابتسمت وكالت:

مريم: هجورة، تيم جو يصيحلك.

هاجر: هسه أجي. من رخصتكم بنات.

طلعت أشوف وين تيم، دورت جوه ماكو. عمه كالت بل كراج. طلعت أشوفه، جان واكف ويا عمر. واحد ما عرفه. وكفت يم باب المطبخ وأشرت العمر. أجه وكتله صيح تيم. معرف شيريد مني. راح وشويه واجو ثنينهم. كال تيم:

تيم: هذا خبصني يريد شي منج، وما يقبل يكول أنا أريد هاجر. يكول تيم يريد هاجر حتى خطيبته ماتزعل.

هاجر: ههههه، حلو هاي. أي عمر غرد.

عمر: شوفي أنا أغيد أقعد مع ناريمان شويه ونحكي بوحدنا. ياريت تسوين شغله من يمچ حتى أطيق أغشها بدون ما أحد يعرف.

هاجر: سهله. يمي. أنت اطلع على غرفتك وياي بحجت تشوفني شي مادري شنو. المهم وأني أكول ل ناريمان إنو أحد يناديها وأجيبها ل غرفتك. فهمت؟

عمر: أنعل أبو الي ما يحبچ.

هاجر: أي أي. بعد بعد. هههه.

رحنا للبيت أنا وعمر، ومحد سئل لأن شافوني وياه. طلعنا فوك، وهو راح ل غرفته، وأني رحت أصيح ناريمان. فتت للغرفة مال إيلا الي كاعدين بيها البنات، وكلت:

هاجر: ناريمان، عندي موضوع وياج عل انفراد وماريد أحد يعرف بي. تعالي معاي.

بدون كلام، كامت وراي. وإيلا ورسل يأشرن وراي، وإيلا تسويلي مال بسيطه. متت ضحك عليها.

ناريمان: خوفتيني، شنو الموضوع؟

هاجر: لا تخافين. عمر بل غرفة مالتو وينتظرج. تروحين علي يحجي معاج شويه.

ناريمان: بس أمي ماتقبل.

هاجر: هسه أمج وين؟ شفتكم وبعدين عمر عاقد عليج، ف يلا.

دفعتها للغرفة، وأني نزلت جوه حتى البنات ما يشكن بالموضوع. معرف أمها شلون عقل عدها. نزلت جوه، وأم ناريمان كالت:

أم ناريمان: هاجر، عمر طلع فوك وياچ، وأنتي نزلتي، وهو مانزل. بس لا يحجي مع ناريمان.

هاجر: لا خاله، بس عمر استحى شويه، وأني طلعت معاه علمود يسبح ويغير ملابسه ويطلع مع الولد.

هزت راسها بـ أي وعافتني وراحت. شفت إنو صدك تخاف، بس على شنو؟ هما غير لازمين عقد. بعد شكو؟ طلعت أشوف تيم، ما صار فرصة أحجي ويا اليوم، وأني لازم أحجي ويا كل يوم. ما كدر. ومن ما يكون موجود، أتصل علي.

وكفت يم باب المطبخ، واجت إيلا ركض وكالت:

إيلا: يا خاينه، عندج سالفة مع ناريمان؟ بعدها ما صارت. جنتنه راح تاخذ مكاني بقلبج.

هاجر: أنجبي وبلا هاي التفاهة. أنتي ورسل مكانكم محفوظ هنا.

أشرت على كلبي. وكالت:

إيلا: عجل شنو السالفة؟ كليلي حبابه.

هاجر: بس دقيقة، أريد أشوف تيم وبعدين...

إيلا: عجل أجي معاج. اليوم ماشفتو ولا حجيت معاه. ياربي أريد يخطبني.

هاجر: اصبري علي شويه، لأن بعد ما مكمل دراسة، وأنتي تعرفين إذا تزوجتو يهملچ، ف يكمل وبعدين...

إيلا: غير أيجون خطابه وأمي تكلي وافقي.

هاجر: جذب.

إيلا: والله. وغير أم ناريمان كل ماتشوفني تمجد جمالي وتكلي نيال الي ياخذج. وأكثر من مره أسمعها تهمس الله يجعلج من نصيبه يارب. بس منو، معرف. أعتقد ابنها.

هاجر: هاي السالفة ماينسكت عنها. تيم لازم يعرف بيها.

إيلا: ماريد. أخاف يكول تجذب بل خطابه حتى أجي أخطبها.

هاجر: أنجبي. تيم ما عنده هاي السوالف، وأنتي تعرفيه كثير زين. أش كثر يحبج وما يقبل بغيرج، ولا يقبل تاخذين غيره. وأكيد راح يسوي المستحيل.

سمعت صوت عمه مريم تكول:

مريم: منو يعمل المستحيل؟

هاجر بمتمتة: شسمه، إنو هو. يعني هو.

مريم: منو هو؟

هاجر: أقصد شسمه، يعني الي يحب يعمل المستحيل.

مريم: أي، هسه فهمت ليش واقفين يم الباب.

هاجر: جنت أدور على تيم، أريد أحجي معاه.

مريم: أنتي أحجي معاه، بس إيلا ليش هنا؟

هاجر: جبتيها معاي، لأن هيج.

مريم: أشون هيج؟ فوتي جوه. لا يجي أبوچ يغشچ وبلا حجاب، ويوقف وأكو ولد بل استقبال. فوتي بسرعة.

فاتت إيلا. أحس عمه مريم عدها إحساس إنو اكو شي بين إيلا وتيم، لأن أكثر من مره تمنع إيلا تحجي ويا تيم، حتى لو نكون أنا ورسل معاه. وأني ورسل وإيلا وتيم، كلنا ملاحظين هذا الشي. وأريد أجر لسانها حتى أعرف منو كتلها، أو هي شلون عرفت.

طلعت للكراج أشوف تيم، وشفته ويا هل مره ثلاث ولد. والمشكلة هو منطيني ظهره، يعني ما يشوفني. وما كدر أروح، لأن أستحي. وهم ما عدنا صغار كثير، وماكو لا يوسف، ولا حسن، ولا حسين. أشون؟

قررت أني أروح. مشيت صرت قريباً عليهم، بس مو كلش. وصحت:

هاجر: تيم.

شفت تيم أناديله. ابتسم وأشر براسه بمعنى فوتي جوه.

فتت للمطبخ، وأني أنتظر يجي. شويه واجه، كال:

تيم: أشون تجين هشكل؟ ماتشوفين الولد.

هاجر: أي شبيك؟ غير ماكو أحد يصيحك.

تيم: أعتقد اكو اختراع اسمه تلفون.

هاجر: نسيت والله. وأصلًا تلفوني فوك بغرفة إيلا.

تيم: شلونها إيلا؟

هاجر: أدبسزز. بمكان ماتسألني أنا أشوني؟ فوراً جطيت على إيلا.

تيم: هسه مو قبل شويه شفتج.

هاجر: تيم، أنت لازم تتقدم ل إيلا.

تيم: بعد وكت. خلي بس أخلص.

هاجر: ماكو شي اسمه تخلص. البنت أيجون خطابه، وهي ترفض، وأهلها يشكون عدها أحد.

تيم: منو كلج؟

هاجر: ترا الكل يعرف. حتى أمك.

تيم: بس أمي ما كلتلي، وهيا تعرف إنّي أحبها.

هاجر: أمك تريد تخلص جامعة، وبعدين تزوجك.

تيم: هيا أربع سنوات تنتظر.

هاجر بعصبية: يعني ماتريدها؟ خوش. أروح أكولها تزوج، ولاتضل تنتظرك يا عديم الإحساس.

درت وجهي أريد أروح، ولزم أيدي وكال:

تيم: أنا عديم إحساس؟ أش بيج؟ ليش هشكل تحجين معاي؟

هاجر: لأن جاي تتعلم من أخوك.

تيم: شنو قصدج؟

هاجر: مبين قصدي. ترا مالازم أشرحلك.

تيم: أنتي تعرفين ما كدر أرتيط بشي هسه. أريد أكمل.

هاجر: أي كمل. محد ماسكك. بس هيا أنساها، لأن لكوا موضوع خطبة جاي ينطبخ الها.

تيم: شلون؟ ومنو؟

هاجر: ماله داعي تعرف. دام هيا ماتهمك. أنت كل الي يهمك الدراسة.

تيم: هاجر، لا تزيديها علي. قبل كم يوم فتحت موضوع الخطبة ويا أمي وأبويه، وجان الكل كاعد.

قبل كم يوم.

« تيم »

شفت الكل كاعد. وشفتو وقت مناسب أفتح موضوع الخطبة. كلت:

تيم: أريد تخطبولي إيلا بنت خالة مريم.

شفت الكل انصدم. محد جان متوقع إني أطلب هيجي طلب. بس لارا كلتلي إنو أيجون خطابه. وأيليف كلتلها.

كال أبويه:

محمد: أي حبيبي، خوش اختيار. ونعم من إيلا وأهلها. بنت مؤدبة وأخلاقها عالية.

فرحت على كلام أبويه. بس الي صدمني رد أمي، من كالت:

أميرة: أنت صغير. وإذا تريد تزوج من تكمل جامعة، ما هسه.

تيم: بس ماما، أيجون خطابه. ماريد تروح لغيري.

أميرة: إذا تحبك، ف تصبر.

تيم: بس ما...

قاطعتني، وكالت:

أميرة: ماكو زواج اله تخلص جامعة.

عفتهم وطلعت على غرفتي ضايج ومالي خلك نفسي. وبيها تكاونت مع إيلا، لأن كالت أجوه خطابه. وكتلها:

تيم: إذا أنتي تحبيني، ف تنتظرين أكمل وأجي أخطبج.

إيلا: تيم، ما بيدي شي. أمي تلح عليّ، وتكلي كبرتي. وبعدين محد يريدج.

تيم: أشون محد يريدج؟

إيلا: هيا ماتعرف إني أحبك.

تيم: المهم، أنتي انتظري.

إيلا: ما أكدر أنتظر. ليش ماتفهم.

سدته بوجهي. عرفت إنها راح تبجي. أتصل ماتريد. وأمي حالتها ما عاجبتني أبد، طول الوقت صافنة. وأجه يزم العزيمة مال بيت أحمة عمر. وجانت ناشفة ويا إيلا. والي كلي لارا. وكالت:

لارا: بوست البنات وتحضن بيهم. بس من جت تسلم على إيلا، أكتفت ببوسه وحده وتخرت. وإيلا بقت مصدومة. والكل تعجب من الوضع.

« هاجر »

تيم: هسه عرفتي ليش أمي ماعرف أشبيها.

هاجر: أنا أحجي معاها. لا تخاف.

عافني وراح. مبين حتى هو ضايج، بس ما يريد أحد يعرف. طلعت فوك يم البنات. وصار عمر بوجهي يضحك. ابتسمت. وكال:

عمر: قبانو القلبچ. والله أشنو تريدين أعمل لك؟

هاجر: أريد شي واحد بس، إنو تكف يم إيلا. وإذا هيا جانت رافضه الزواج، أنت تكف يمها وتسندها.

عمر: أصلاً قبل ماتقوليلي، أعرف.

هاجر: أشون؟ شفت تيم اليوم؟

عمر: أشنو قصدچ؟

هاجر: أقصد يعني ضايج. لأن أنا هيجي حسيت.

عمر: حتى أنا هيجي حسيتو. بس يتكاون مع الكل. وحتى أخو ناريمان قلي ليش هذا ضيج؟

هاجر: خوش. يلا ننزل سوى لعد.

نزلنا، وهو طلع. وأني رحت كعدت يم عمه. أريد أعرف شكو، وليش هيجي تسوي مع إيلا. كلت:

هاجر: عمه، أحس إيلا هاي الأيام ما خوش.

أميرة: أي، أبد ما خوش.

هاجر: ليش؟ شفتي شي عليها؟

أميرة: أخ أخ، أش أحجي.

هاجر: خوفتيني. اكو شي؟

أميرة: تعالي معاي. ماريد أحد يسمع.

نحنا على غرفة عمه مريم. وكالت عمه أميرة:

أميرة: إلياس شايف إيلا وتيم بوضع استغفر الله.

انصدمت صدمة عمري. كلت:

هاجر: شنو هذا الحجي؟ عمه إلياس أكبر جذاب. بس يريد يشوه سمعتهم، حتى لا يزوجون، ويحرم تيم من الي يحبها.

أميرة: شنو مصلحته؟ حتى حلف مية يمين.

هاجر: مصلحته، لأن تيم واكف معاي، ويدعمني. وهو ما يريد أنجح. هاي مصلحته. وعمه نسيتي؟ من إلياس هدّد تيم يوم الي كلتلج بخطوبة إلياس، إنو إلياس هدّد تيم وكاله أكول لامي أنت وإيلا بينكم علاقة محرمة.

شفتها صفنت. بعدها كالت:

أميرة: أي والله. بس إلياس حلف لي. مامعقوله يحلف جذب.

هاجر: ابنچ أكبر سرسري، وأكبر أدبسزز، وفاشل. يعني كل شي يطلع منه.

بقينه نتناقش حول هذا الموضوع، وأقنعت إنو إلياس جذاب. وكالت كم يوم وتروح تخطب إيلا. فرحت، وكلت أروح أفرح تيم وإيلا.

حجيت لتيم، وجانت فرحته ماتنوصف. وحجيت ل إيلا، وفرحتها مو أقل من تيم. فرحت الهم. ورجعنا للبيت. مشت الأيام عادية. تميم أراسله بشكل يومي، وغير إنو ندخل نلعب بوبجي بليل. زهراء هم أراسلها بشكل يومي، وأسأل على أمير. بس أمير أراسله بين فتره وفتره، وإذا اكو مصلحة عندي.

رجعت المدرسة. وهاي آخر فرصة حتى الطلاب يعدلون درجاتهم لدخولهم للوزاري. رحنا مشي للمدرسة، لأن أول يوم ما يجي الخط. بس بل رجعة نرجع ويا. أجو عليّ ساره وريماس، وكله أحضان وكذا. وبعدها رحنا ل رزان.

رزان فرحانة، لأن سوت خطوبتها قبل كم يوم. وأني ما كدرت أروح، وهيا زعلت مني. كلتلها عندي ظروف، بس مجان اكو شي. بس جدي ما قبل أروح. حاولت ويا، وأبد ما قبل. وحتى أمي حجت ويا، ورزلها.

من بعدها عفته، وأني كرهي يزيد لجدي يوم بعد يوم. معرف ليش يدخل بينه. لازم كل شي يريده يصير، وكل شي ما يريده ما يصير. هو يمشي بكيفه، عبالك أحجار شطرنج، وهو يلعب بينه. وإلياس مابطل يضايقني. كل ماتصحاله فرصة يضايقني.

وصلنا المدرسة، وجان الروتين عادي. درس كومه. طلعنا من المدرسة، وريماس كالت اشتري. أني رحت وياها، وأنيطت جنطتي ل رزان تحطها بل باص. ورحنا نشتري من محل ابن خالتها. ونفس الأسطوانة كل يوم. سلام، ويأهل، ويسهل بيها. وهيا فرحانة.

وأني فرحانة على فرحها. أشتريت وكملت. وطلعت. أشوف أبو الخط ماكو. لعد رزان وساره وين راحن؟ وكفنه على صفحة. أجه ولد شاب، وكال:

.. أنتو ليش واقفين؟ إذا عدكم اشتراك، روحوا. وإذا مشي، ارجعوا. ما حلوة وقفتكم هينه.

هاجر: إذا اشتراكنا ماكو، وين نروح؟

.. بس كل الاشتراكات هينه. ماكو أحد ماموجوده.

هاجر: الملا ماكو.

.. أي مريض، وأني أوصلكم عما يصير زين.

ريماس: أي، يعني الباص الكبير أنت توصلنه بيه؟

.. أي، أوصلكم بيه.

طلعنا للباص، ورحنا للاخير. مكاني المعتاد. أنا يم الشباك، وساره يمي. ورزان واكفة فوق راسي. وريماس المقعد الأخير، واحنا قبل الأخير.

سولفنه شويه. وبعدها وصلت بيتي. ونزلت، وتغديت، ونمت. والعصر راسلت تيم حتى يدرسني. وأجه يدرسني. وابد ما انزعج. درسني وكمل، وتعشى عدنا، وراح.

بليل دخلت بوبجي. واليوم ماراسلت تميم، لأن درس عندي. ما صار بيدي مجال. دخلت ويا تميم، وكال:

تميم: ياهلا بروحي، ويا هلا بقيطان كلبي.

هاجر: أهو، هم كال قيطان كلبي. ترا كلبك مو حذاء.

تميم: هسه شعليچ؟ أنا بكيفي.

هاجر: شو أمير ماكو؟

تميم: شعليچ بنعل؟ خلي يولي.

هاجر: أشوف وحدك؟ ماكو أحد؟ وينهم؟

تميم: ليش زهراء ما كلتلج؟ عجيبببب.

هاجر: أي شبيك يمعود؟ ما كلتلي. وهيا ماتراسلني حتى لا تشغلني على الدرس.

تميم: أنعل أبو الدرس الي متعب عيونچ، ومسهرچ.

هاجر: بس أنا هسه سهرانة وياك، مو ويا الدرس.

تميم: أخ كلبي. *** بيج أمير.

هاجر: تميم، بلا فشار، حباب.

تميم: تأمرين يا قيطان كلبي.

هاجر: هم رجع. استغفر الله. أشون تخليني أغلط؟ حتى على كلبك. هسه صدك شبيهم أمير وزهراء؟

تميم: بيبي وزهراء تعاركن. وأمير سمع زهراء تحجي على بيبي. وبيبي شويه خلت بهارات. ومن شافت أمير طب، صارت تبجي وتكول لها: أنا مثل بيبيتج، شلون تحجين عليّ. وأمير عصب، وتعالكو. وراحت لهلها، وأخذت عليّ. وأمير وحده هسه بل غرفة، وماله خلك لشي.

هاجر: يا خطية. وبعدين أمير ليش ما فهم السالفة من زهراء؟

تميم: زهراء هم ما قصرت. صارت تفشر على أمير، وأنت مو رجال، وأنت مدري شنو. يمعودة، دعوفينه منهم. شلونج يابعد قيطان كلبي؟

هاجر: هم رجع لسالفة. نعل تميم، ترا أروح والله.

تميم بصوت أنوثي: تميم، ترا أروح والله. هههه. بيها مجال أضحك على راكان؟

هاجر: تخبل الولد. صار يحجي ويا نفسه.

تميم بعياط: لجججج.

هاجر: لا تكول لج.

تميم: لج، أنعل أبو المايحبچ.

هاجر: راح تضل تتغزل لو ندخل كيم، لو نطلع؟ لو شنو؟

تميم: راح أدخل شخص. أحجي ويا. أنتي سدي المايك، ولا تحجين شي أبد. مفهوممم؟

هاجر: مفهوم.

دخل شخص، وصار يحجون. بعدها كال تميم:

... حوراء، أجوه خطابه من بغداد. وأمي كالت نسأل عليهم، ومادري إذا يوافقون لو لا. بس الي أشوفه، حوراء عاجبها الوضع.

تميم: هسه وإذا، يمعود.

... مو هنا المشكلة. المشكلة بس حجز، يعني مو خطوبة وعقد. يردون يحجزوه، بين ما يكمل ابنهم جاي يدرس خارج البلد.

تميم: هذا وين لكاكم؟

... أخو صديقة زينب.

تميم: وليش ما خطبت زينب؟ باعتبارها صديقتها.

... زينب تكول هم خطبتني، بس أنا ماردت. كلت خلي حوراء. أنا ماريد. وبل فعل، أجو، وأخذو صورة حوراء. وشفنه الولد مابي شي.

تميم: راكان، أحس السالفة بيها إنه. يعني مو معقولة هيج بساطة.

راكان: حتى أنا.

تميم: خليها يمي. أنا أشوف حوراء، وأفهم منها.

راكان: هههه، والله هسه أنتبهت. أي عيني شيخة، ليش ساكتة؟ متحجين؟

انصدمت. تت شبي هذا؟ كال تميم:

تميم: ابن القندرة، كتلي أحجي سالفة، وأولي. شكو تحجي ويا حبيبي؟

راكان: حبيبي؟ ولك كول حبيبتي، مو حبيبي.

تميم: هسه أنت شعليك؟ ابن القندرة. شكد تدخل؟

راكان: ولك بيبي مخابرة أمي، وراح تموت من الفرح. لأن أمير متعارك ويا زهراء.

تميم: جذب.

راكان: وداعت أمي. وحتى بيبي كالت، هسه كم يوم ويرجعوها أهلها. ما يتحملون مسؤليتها. مدري على شنو خلفوها.

تميم: ترا هم صدك. يعني زهراء لو أهلها بضهرها، جان من زمات تطلكت. حتى علاوي ميجي.

راكان: أي والله. بس أمير هنا حظه واكف. عود يكتلها، ويزوركها، وتروح لهلها يومين، ويرجعوها. مادري شلون أهل.

تميم: يمعود، ما يتحملون ولدهم؟ چا ليش تجيبوهم؟

راكان: أي والله. ولك تميم، جيب لي وحدة من صاحباتك.

انصدمت مره ثانية. معقول تميم يحاجي غيري؟ مو محبة بي، بس هم انخان. عصبت، وفتحت المايك، وحجيت، مقاطعة تميم:

هاجر: شنو صاحباتك حضرتك تحاجي غيري؟

تميم: راكان، أحط رجلي ****. ابن القندرة، وين عندي صاحبات؟

راكان: والله خويه، الي أعرفه عندك صاحبات.

هاجر: إذا تراسلني بعد، أشگ حلكك.

طلعت من يمهم، وطفيت اللعبة، وتمددت. معقول يرجع الزمن للوراء؟ بس ويا تميم، مو إلياس. أصلاً شلون أصدك بي إنو يحبني؟ شلون أثق بي؟ فزيت على صوت مسجات. طفيت النت، حتى ما يوصلني شي. خلال ما أفكر، نمت.

كعدت على صوت ماما تكعدني. كمت، غسلت، وصليت، وبدلت، وطلعت أتريك. أكلت شويه، وكمت. ماشتهي. أخذت الجنطة، ورحت وكفت ورا باب الكراج، أنتظر الخط. شويه واجه. طلعت، شفت الشاب الي حجينه ويا أنا وريماس. الضاهر الملا تعبان كلش. دعيت الله يشافيه.

دخلت يم البنات. بوس وحضن. مو عبالك البارحه شفنه بعض. بس هاي لازم بعد. كعدت بمكاني المعتاد. بس هل مرة ساكتة. وسكوتي جان غريب ب النسبه للبنات. وحتى رزان سألتني إذا مريضة. هزيت راسي بـ لا.

وصلنا، ونزلنا. رحنا نشتري من محل ابن خالة ريماس. ونفس كل يوم. يأهل، ويسهل بيها. وأشوف نضراتهم حب. والثنين ساكتين، وخايفين من رد فعل الطرف الثاني. أشتريت كم شغله، وطلعت قبل البنات. فتت للمدرسة وحدي. ونسيت إنو البنات بعدهن بل محل.

دخلت للصف، وكعدت بمكاني. وأصفن بل رحلة، وأفكر. معقول يخوني؟ معقول كلام راكان؟ شقه؟ أو بلكي راكان عباله إني صديقة تميم، ما عباله حبيبته؟ وجفص؟ ياربي راح أموت من التفكير. هم لو سمعت تميم، جان افتهمت. وحتى من كعدت، ما فتحت نت.

ياربي شهل دوخة. راسي يوجعني، وأحس دايخة. ونفس تلعب. فزيت على صوت رزان، وهيا تدخل الصف، وتكول:

رزان: والله ماتستحين. ليش تعوفينه وت...

سكتت من شافت حالتي. كالت:

ساره: هاجر، ليش وجهج أصفر؟ هسه مجان بيج شي.

رزان: ريماس، صيحي للمدرسة بسرعة.

أغمض، وأرجع أفتح عيوني. أريد أكوم، ما كدر. أحس ما عندي قدرة. وبعدني أفكر ب تميم، وكلام راكان. كمت، وساره مسكتني فوراً. كعت، وساره كعت وياي. صرت بحضن ساره. وأغمض، وأرجع أفتح. وأسمع صوت بنات يمي. وكل وحدة تحجي شكل.

وسمعت وحدة كالت:

.. معقوله هاجر بعده الجني بيها؟ وما طلع.

.. لا يمعودة. كالو طابت، وما بيه شي.

رزان: سكتن. مابيها شي. بس مريضة شويه. وخرو من يمني. قطعتو النفس علينه.

راسي بشكل يوجعني. حطيت إيدي على راسي، وصحت بهمس:

هاجر: راسي. راح أموت. راسي راسي.

سمعت صوت المدرسة، والمديرة. ويسألن. وأني مابيه حيل أحجي. بعدها ساعدتني ساره ورزان. ورحنا لسيارة الحارس، وللمستشفى.

« ساره »

هاجر وضعها اليوم أبد مجان عاجبنه. وخاصة من عافتنه وطلعت من المحل، وهيا ماتسوي هيج أبد. نقلناها بسيارة الحارس للمستشفى. والمديرة كالت:

المديرة: تغفين رقم أهله.

ساره بدموع: لا ست، حبابه. ليش هيجي وجها أصفر.

المديرة: معرف والله.

شفت المديرة تطلع موبايلها. دكت على المدرسة علمود تطلع اسم هاجر من الفايل مالها، وتأخذ رقم ولي أمرها، وتتصل بيهم.

هاجر تهلوس، ولازمة راسها. وضعها كلش يكسر القلب. عبالك مخبية بقلبها، وما تحجي.

وصلنا للمستشفى. وأخذوها للطوارئ. شويه واجو أهلها.

سألو عليها. وأمها تبجي. رحت يمها. تحضني وتبجي. وعمو علي يبجي مثل الي مات أبوه. وأني أبجي. نخبطت المستشفى بينه. الكل يبجي. وحتى المديرة تبجي. عال حال عمه مروة، وعمو علي.

طلع دكتور، وكلنا رحنا يمه علمود نفهم. كال:

الدكتور: أش تصيغلكم المريضة؟

مروة: بنتي، بس كلي أشبيها.

الدكتور: مابيها شي. بس لأن ما أكلت شي، وعنده فقر دم حاد. المفروض تنتبهون على أكلها. مايصير هشكل تهمل نفسه.

انصدمت. هاجر عدها فقر دم، بس هي ما كالت. وصدمنا الدكتور مرة ثانية، من كال:

الدكتور: وعدها حساسية قوية من العطور وغيرها.

بي شفت إنو أهلها عادي. كلت:

ساره: عمه، أنتو تعرفون بيها هاي الأمراض؟

مروة: أي أعرف. الله ياخذني. الله لا يوفقك إلياس.

تدعي على إلياس بحرقة قلب. فهمت إنو هو وراء السالفة. وهو جاب هاي الأمراض الها. وشلون أمراض تلعب النفس؟ شويه وكالو صحت المريضة. فتنه عليها. جانت شادة كانونة ومغذي بـ يدها. من شافتنه ابتسمت.

واستلمتها عمه مروة، وعمو علي. شلون ماتاكلين؟ وليش طالعة بدون أكل؟ وأنتي راح تموتينه؟ ومن هل حجي الي كله عتب. شفت إنو حيل خايفين عليها. عرفت إنو أمها وأبوها سند الها، وما راح يتركوها طول عمرهم. وأكيد أخوانها نفس الشي. لأن تربوا على يد هاي المرة الحنونة.

طلعوها من المستشفى. وأني طلعت وياهم. وصلوني للبيت. وكثير تشكرو مني. حتى عمو علي تشكر مني حيل. خجلت. ورجعت للبيت. وأسئلة من محمد، وأمي، وأبويه ميت الله يرحمه. ونورس تحجي بخوف:

نورس: وين رحتي؟ جا الاشتراك، وأنتي ماكو؟

حجيت لأهلي على الصار. وكالت أمي العصر نروح نشوفها. وراح تجي ويانه نورس. وبل فعل، أجه العصر، ورحنا يمها. رحت لغرفتها. جانت كاعدة، وبيدها المغذي. وحالتها تصعب على الكافر. كلتلها:

ساره: بيج هاي الأمراض؟ وما تكولين؟

هاجر: ما حسيت الهن داعي أحجي بيهن.

صوتها جان مبحوح، وكوه تحجي. كعدت يمها، وصرت ألمس وجها الي جان أبيض كطن، صاير أصفر على أزرك. كلتلها:

ساره: ولج بهاي المرضة، وصايرة زركه؟

هاجر: أي، مو أنتي يمي. ف أخذت منچ شويه.

بقينه نحجي، وكالتلي عن تميم، وشنو صار البارحة. وكلت:

ساره: المفروض تسمعين من تميم. ويمكن راكان يشاقه. وبعدين كل هذا علمود تميم.

هاجر: لا يمعودة. بش الدكتور كال سوء تغديه هم. وأكو صدمات عندي عشتو.

ساره: بس الصدمات من زمان. يعني من شي 9 أشهر.

هاجر: يكول هسه بينت عليها. مخبية بقلبها؟ وين مخبية؟ شو مفضوحة. هههه.

دخلت أمي ونورس يطمنن عليها. وبعدها طلعنا من يمها، ورجعنا للبيت. راسلت البنات، وطمنتهم عن حالها.

انتهى البارت.

تتوقعون راكان يشاقه، لو كلامه صحيح، ويطلع تميم يلعب على هاجر؟

بقيت أسبوع بالبيت حتى تتحسن صحتي. أجو خالاتي وعماتي وشافوني. المرض جان بنسبة إلي كلش عادي، ما جنت مهتمة بي ذاك الاهتمام. يعني هيا حساسية وفقر دم حاد، ممكن لازم أدير بالي على نفسي، وهذا اللي سويته.

عطلت حساباتي بهذا الأسبوع. جنت مالي خلك أراسل أحد أو أحجي ويا أحد. طول الوقت بغرفتي وأصفن وأفكر. ماعرف ليش هيج رجعت لورا. أتذكر اللي صار بيه يوم عرفت خطوبة إلياس، جنت مدمرة بشكل. بس هسه أحس دمارى أكبر لأن صدكت بواحد بحبني. إذا ابن عمتي هيج سوى بيه، الغريب شلون؟

قاطع أفكاري دخول ريماس ورزان وسارة. استغربت جيتهم، بلعادة ما يجون وحدةم، لازم أهلهم وياهم. سلمن وكعدن. مانطقن بحرف نهائي. خفت إنو صاير شي.

"صاير شي؟ اكو شي؟ ما مرتاحة لجيتكم."

"إذا نحجي ما أعتقد أحد يسمع من أهلج، مو؟"

"لا، لما تجون انتو محد يجي. بس ماما تجيب الضيافة وتروح."

"حلو. هاجر، تميم راسلني."

"شنو؟ ليش؟"

"مادري. جان يراسلج وما تردين، وما فاتحة صارلج زمان. خافوا عليج. وجان يراسلني من كم يوم بس ما أكدر أجاوب عليه. أخاف أحجي شي وأجفص."

"أي، كملي لا توكفين."

"طلبت من رزان تراسله وراسلته."

قاطعتها رزان وكالت: "إجه دوري أكمل."

"احجي، بلشت أخاف."

***

"رزان"

راسلني سارة علمود تميم. ورحت راسلته وكتبتله.

"اني رزان صديقة هاجر، وانت جاي تراسل صديقتي. إذا تريد شي احجي وياي ولا تراسل سارة."

ماكو خمس دقايق ورد كتب: "هاجر الها فترة ماكو، واني خايف عليها. معقول بيها شي؟"

"أي بيها شي."

حجيتله شنو صار بالمدرسة. فوراً اتصل. رديت.

"ما أكدر أكتب، ايديه يرجفن. كملي هنا."

"وهذا اللي صار. الدكتور يكول من الأكل، بس هو مو من الأكل، من نفسيتها زمان وهسه طلع عليها. وفوق هذا إجه قريبك وزاد الطين بلة."

"راكان جان يشاقة وما يدري هاي حبيبتي. عباله صاحبي ونريد نضحك عليه."

"ماكو هيج شقة. يكلك جيبلي وحدة من صاحباتك، قابل انت هلكد كوستار؟"

"انجبي وسدي حلكج واحجي وياي بأحترام."

"أي اسمع. مو اني اللي ينحجي وياي هيج. باوعلي زين. هاجر صارت ماتطيقك، وهيا من البداية ارتبطت حتى تجرب حظها وما حبتك. وصدك من كالت لسانه زفت، ما جذبت."

سديته بوجه. مادري شحجيت من العصبي. واهس جفصت كثير.

***

"هاجر"

"رزان، شلون تكليله هيجي؟"

"والله ماعرف. عصبت."

"المهم، البارحة بليل راسلني. وجان يهدد ويكول خلي هاجر ترد عليه، لا تشوف شي ما يعجبها. وهدد كثير. من خوفي مسحت المحادثة."

"هاجر، ردي علي وفهمي الموضوع. وكليله رزان كالت هيج حتى تضوجج لا أكثر."

"أي، لأن يكول جانت تضحك عليه، ومو اني اللي ينضحك عليه. واني تميم ابن محمد الـ... ابن الـ... وصدك أبو... لو جذب؟"

"والله ماعرف. هسه أراسله."

فتحت حسابي الإنستا. أول شي جانت رسائل مثل زخة المطر من كد الرسائل. جهازي علك. شفت إنو زهراء وأمير مراسليني، مو بس تميم. ورسائل كثير. رديت بل بداية على زهراء، وبعدها أمير. بعدها جيت على تميم.

بل بداية جان مبين الخوف عليه. بس قبل يومين مامخلي فشارة ما كايلها عليه. كلمات كثير ما حلوة. كلمات كلها عيب. البنات شافن وياي. وكلنا أثر صدمة.

بعدها دخلت أمي واستغربت حالتنا. كالت: "خوما بيكم شي؟ وكعتو كلبي. هاجر بيج شي؟ احجي حبيبي."

إجت ركض عليه فوراً. ريماس كالت: "لا خالة، جنه نشوف محادثات رزان وعلي متعاركين وبعدها تصالحوا. وجان منظرهم حلو."

هزت راسها بأي وطلعت جابت الضيافة واجت. وبعدها طلعت مرة ثانية. عرفت إنو هيا ماسمعت شي لأن مبين من ملامحها. رجعنا لتلفوني اللي مليان تهديد من تميم.

جان يكول: "لج كلبة، اني تلعبين علي بربوك؟ اني البنات اللي كلها تلحك وراي تجي وحدة مثلج تهيني وتهين شخصيتي ومسويتني مضحكة؟ هيا وصديقاتها الـ... لو اني مو كـ... ما تسوين هيج؟ بس بسيطة اني الج. اخلي عيشتج سودة مثل لون عيونج. اخليج عبرة لكل بنية تحاول تضحك على شاب. اطلع كـ... إذا ما خليتج تندمين. اطلع ناقص من الزلم إذا ما خليتج تبوسين رجلي حتى أسامحج. اني الج."

تخبلت. شبي هذا؟ وتهديداته كلش خوفتني. واللي خوفني أكثر إنو كاتب جاي للموصل. ومن أوصل الموصل أجى لبيتكم وأنعل والديكم. هنا صدك تخبلت. صرت ألطم على وجهي. إذا إجه شنو أكول؟ منو هذا وليش هيج جاي؟ لو أكلهم حبيبي واجه؟ يفضحني؟ لأن رزان غلطت بكم كلمة؟ لو شنو أكول؟ شنو يكون موقف بابا؟ صدك تهسترت. أبجي شلال مو دموع.

فوراً رزان دست اتصال وكالت: "احجي ويا. قنعي. أي شي. المهم ما يجي على أهلج. هاجر تنفضحين. يمكن حتى كلام عنج يحجي."

تخبلت بالزايد. وسارة تهديني. وهذا ما يرد. كالت سارة: "مالنه حل غير الرقم. جيبو رقمه."

"أمير. أمير ماكو غيره يساعدني."

لزمت تلفوني أرجف. ماعرف أكتب. اخذت الجهاز مني ريماس وكتبت: "أمير، أريد رقم تميم ضروري. تميم فاهم الموضوع غلط. وإذا ما صححت الموضوع راح يجي عليه."

كتب فوراً. كال: "هاي اني ويا. جايين للموصل لأهلج."

هنا ردت أموت. ريماس اتصلت علي وانطيتني الجهاز وفتحت سبيكر.

"أي هاجر. احجي."

إجه صوت تميم وهو يكول: "لا تحجين ويا هاي الكـ... حسابها يمي. بس أوصل الموصل."

"تميم حباب افهم. والله رزان فهمت الموضوع غلط. هيا ما عرفت تشرح. والله اني أريدج. لو ما أريدج جان عفتج. على شنو ألعب عليج؟ افهمني. الله يخليك لا تجي لهلي. والله نحل السالفة. حباب لا تجي."

أحجي وأبجي وأشهك. والخنكة واضحة بصوتي.

"عبالج اني زوج وتضحكين عليه؟ نفس كواويدج؟ اني الج بس أوصل."

"تميم والله رزان جذابة. بس هيا عصبت منك وكالت هيج. لا أكثر. وحتى مجانت تقصد. وهيا يمي. هنا أحجي وياها. رزان احجي شي حبابة."

"تميم، اني آسفة. بس والله جنت معصبة وما عرف شلون طلع من حلكي الكلام. هاجر مو من النوع اللي تحجي ويا ولد. بس الكم ارتاحت وبقت وياكم. وهيا تحبك كلش هواي. حتى بل مدرسة ثابرتنه كل شويه تميم كال وتميم حجه."

أنصدمت. أصلاً اني ما أجيب سيرته إلا هن يكولن إلي. كملت سارة: "أمير فدوة. انت فاهم وأوعى أكثر. فهمه السالفة. ترا هاجر ماكو أحسن منها. ونياله عليها. كلش حبابة. وهيا تحبك كثير كثير. حتى بدفاترها تكتب حرفه."

"إذا إجيت للموصل اعتبر هاجر ما عاد موجودة. أكيد أهلها يذبحوها."

"محد يكدر يجي يمها واني موجود. بس لازم تعرف ويامن تلعب."

"تميم فدوة. والله جذابة رزان. اني اني اني ما أضحك عليك. ولا عندي هيج نية. والله يشهد على كلامي. والله هيا جانت معصبة وحجت هيج لا أكثر. حباب صدكني. الله يخليك."

"البنية جانت معصبة ومو قاصدة. وبعدين اني اعرف هاجر ما عدها هيج سوالف."

"خلص. لعد اني فاهم الموضوع غلط. آسف حبيبي خليتج تبجين."

هدأت شوية وسمحت دموعي. وكلت بفرح: "يعني ما تجي لبيتنا مو صح؟"

من كال لا، مي بارد ونزل على كلبي. سديته منهم. بعد ما حلفلي رايحين لعمتهم. ماراح يجون إلي. لأن ماتسوى يرجعون. وصلو تقريباً.

حجيت شوية ويا البنات وصارن يضحكني حتى أنسى. وفعلاً نسيت. بعدها راحو واني كمت درست. لأن باجر أداوم وراح تجي عمة أميرة. معرف شعدها جاية.

راسلت تميم شوية ورجع اعتذر وطلب نصعد اتصال. رحت تفقدت إنو الكل نام. رجعت للغرفة واتصلت وأحجي بصوت ناصي حتى إذا أحد كعد ما يسمع.

"هجورتي الحلوة زعلانه مني."

"أي، أكثر ما تتصور."

"أنعل أبوي خوش رجلي بـ... أمير."

"هسه أمير أشعلني. صدك سؤال، رجعو لو لا؟"

"لا لهسه زهراء معاندة وباجر نرجع. وراح ياخذ ابنها منها حتى تنجبر ترجع."

"تحجين صدك؟ ليش هيج صاير حقير؟"

"بعد يحبها. ما يكدر بدونها."

"إذا يحبها ليش يضربها؟"

"هيا تجبره يضربها. يعني تحجي على بيبي. عداها بمزاجه. بس مال تعيط علي وترزله؟ لا. هنا ما يسكت. أمير."

"حالة عصبية وكلشي يطلع منها."

"تسكت شوية؟ مراح تموت. وبعدين من يهدأ تحجي ويا بتفاهم مو بعياط."

"مادري. بس انت أقنع أمير يعوف علي. لأن حرام علي يحرم طفل من أمه. وأكيد زهراء تنجبر ترجع علمود ابنها اللي ما يكدر بدونها دقيقة."

"والله مادري. طبهم مرض. شلونج؟ مشتاقلج بكد عمر بيبي."

"الله يحفظها الكم."

"ويحفظج إلي يا قيطان كلبي."

"هم كال قيطان كلبي. أدري كلبك حذاء وبي قيطان وتشده."

"لا حبي. هيا مال غزل. بس انتي مو مال غزل. حالج حال زهراء بعين الحمرة تجين."

"لا بله. دمشي. ما تخوفني أصلاً."

"منو جان يتوسل بيه ويبجي العصر؟"

"لأن راح تجي لهلي. لهسه هيج سويت. وإذا ماتنسى السالفة أنهي كل شي."

"ليش؟ هيا بكيفج تنهين كل شي؟ بعد صرتي إلي. وفنه التقربلج."

"أهو. بده يحمه الأخ."

"أحبج يا قيطان كلبي."

ابتسمت. لأول مرة جان من يكلي أحبج أغير السالفة. كلت: "باجر لا تراسلني. إلا اني أراسلج."

"ليش؟"

"يجون عدنا بيت عمتي. وابن عمتي يدرسني."

"ماكو شنو يدرسج؟ شعندي؟ عرضي يشوفه غيري؟ لا ما أقبل."

"ترا تيم من زمان وياي من الطفولة."

"شكد عمره؟"

"أكبر مني سنة."

"امم. حلو."

"أي حلو."

"ياهو حلو؟"

"تيم. انت مو كلت أي حلو. كتلك أي. يعني تيم حلو."

"هيو شنو حلو؟ واني كدامج نعال؟ تتغزلين بي كدامي؟ أروح أشدلي كرون."

"ترا انت سألت."

"أقصد أي حلو. إنو أكبر منج بسنة. مو معناها إذا حلو أو لا."

"اها. ممم. مادري."

بقينا نسولف بعدها نعست وكتله أروح أنام. ونمت. كعدتني الصبح ماما. جنت نشيطة رغم ما نايمة كثير. غسلت وصليت وبدلت وطلعت أكل. أكلت زين كلش حتى لا أتخربط وأتخزز. رحت فرشت سناني وأخذت الجنطة وطلعت. البس حذائي (تكرمون). شوية واجه الخط. أول ما صعدت كال أحمد: "كالو مريضة. سلامتج."

"تسلمين."

دخلت للأخير وكلت البنات: "هذا شعرفة اني مريضة؟"

"غير يوم اللي دختي. كل المدرسة عرفت بالموضوع وصرتي مشهورة أكثر من المديرة."

"ههه. خرب يومج."

"والله شبيج؟ كلها تحجي بيج. لا ويكولون هاي الحلوة تخربطت."

"واييي. يشوفوني حلوى؟"

"أي والكل يسألنه عنج. عبالج سكرتيرات يمج؟"

"عود نضملي أدوار البنات اللي راح يسلمن عليه."

"أيع. شكد مغرورة."

"تدرون حتى تميم مغرور."

"لا ربحنا. إذا هو مغرور وانتي مغرورة. الأطفال شلون يطلعون؟"

"بعد وكت. ومنو يكول أزوجه؟"

"هو بكيفج. حتى بدلات اشترينا."

انتبهنا إنو سارة مو يمنة نهائي. كلت: "سوسة، بيج شي؟"

"لا هجورة حبيبي. ماكو شي."

واليوم كله سارة مو طبيعية نهائي. والكل ملاحظ عليها. بالمدرسة الكل يتحمدلي بالسلامة. حتى المدرسات. حسيت بفخر إنو الكل يعرفني. واني بلا شي أحب نفسي. وأنوب معارفي صارو أكثر. شعور حلو. وأحلى شي من يصير تحضير البنية اللي تفتش على الواجب وتكتب أسماء البنات اللي ما كاتبين تحطلهن خطأ وتنطي للمدرسة. اني جانت ماتفتشني. فوراً تحطلي صح وتكلي كلش حلوة انتي وأحبج. واني أكللها حبيتج.

رجعت للبيت. بس اللي يقلقني سارة. مو من طبعها تبقى ضايجة. دائما تكون فرفوشة وضحك. ونسى تغير جو إلنه. اله اليوم جانت ماتحجي كلمة. وإذا نحجي تكتفي بـ أي أو لا. ما حبيت أضغط عليها. تركتها هي تحجي وحدها.

وصلت البيت ونزلت. دكيت الباب. طلع لي حسن. فتح الباب ودخلت. رحت سلمت على عمة أميرة وتيم ولارا. وجان عمو محمد موجود. استغربت لأن بلعادة ما يجي. لأن هو وجدي مو طيبات.

رحت للغرفة بدلت وطلعت. جانو يحطون الأكل على السفرة. ساعدتهم وبلشنا أكل. كملت وكمت أغسل. رجعت وتيم كال يدرسني. رحنا ندرس. وفهمني زين. وغير هيج بلشت امتحانات الشهر الأخير. كملنا وكلت: "خلي نطلع نكعد معاهم."

"أريد أكلج شي."

"كول."

"بس أخلص أول سنة جامعة. أمي تروح تخطبلي إيلا."

"هاجر بأبتسامة: جذب. الله عليك مو شقة."

"والله حتى اني مصدوم. لأن قبلت."

"من رفضت. لأن إلياس كال شافكم انت وإيلا بوضع أييعع."

"شنو شنو؟"

"أي. يوم العزيمة كالتلي وصدمتني."

"اني أعلمه. يطلع حجي عليه وعلى إيلا. ما صاير. والله ما تخليني أمسك أيدها."

"ميخالف حبيبي. المهم أمك عرفت. كافي."

"والله بزعت من هاي الحالة. إلياس بكل شي حاشر روحه. وإذا أمي تضوج منه يكولها ترا أكول ل جدي وأبويه. تعرفين علاقة هو مع جدي. أبد ما خوش. وإلياس مستغل هذا الشي. وأمي مضطرة تسمع كلام إلياس حتى لا يروح يخرب ويحجي حجي ما صاير ل جدي عن بابا."

"انسى. خلي يولي. هسه بس يزوج يعوفكم."

"أريد أكولج شي ثاني."

"أي كول."

"تعرفين شكد إلياس ويونس مقربين؟ بعتبار نفس العمر تقريباً."

"أي. ماسمعت. اني اعرف الكل يعرف."

"سمعت إلياس يحجي ويا يونس. ويونس يكله عوف هاجر بحالها. انت خاطب وتحب أسيل. كاله إلياس: بس اني أحب هاجر هم. مو بس أسيل. كال يونس: شلون تحب اثنين بنفس الوقت؟"

***

"تيم"

"يونس: إلياس ما يصير هيج. انت كسرت كلبها وهسه تريدها؟ ما ترهَم أصلاً. ماراح تقبل بيك."

"إلياس: أريدها تسوي غلط واحد حتى أخلي جدي يزوجها الي غصب عنها. بس ماكو شي. ماتسوي شي غلط. يارا تكول عدها واحد. بس شلون أثبت هذا الشي؟ معرف."

"يونس: ما أعتقد. وانت تعرف يارا شكد تكره هاجر. ف طبيعي تكول هيج."

"إلياس: شنو مصلحتها؟"

"يونس: ما أعرفك غبي لهل درجة. مصلحتها تخرب سمعت هاجر. وتثبت إنو هيا مو أحسن وحدة. بَل هيا أسوأ وحدة."

"إلياس: راح تجنيني. ليش هيج صايرة تكرهني؟ والله جانت تموت على الكاع اللي أمشي عليها."

"يونس: انت تحب أسيل."

"إلياس: لو ما أحبها ليش أخطبها؟"

"يونس: عجل شلون تحب هاجر؟"

"إلياس: كلبي ساكنين بي هاجر وأسيل. الاثنين أحبهم."

"يونس: بس هذا مو حب. هذا طمع."

"إلياس: ما أعرف. ممكن طمع."

***

"هاجر"

"شلون يحبنه اثنينه؟"

"هذا اللي سمعته. بعدها إجه اتصال على إلياس وسكتوا."

"أخوج بي شي مو صاحي."

"أي مو صاحي."

فات إلياس وكال: "منو هذا المو صاحي اللي تحجون عنه؟"

"انت."

"إلياس بعصبية: انجبي. شنو انت؟"

"انت سألت. واني جاوبتك. بيها شي غلط؟"

"تيم: إلياس كافي بلا سخافة. ترا كثير تماديت."

"إلياس بخبث: شلون تماديت؟"

"تيم: انت تعرف شنو كالت لماما عني وعن إيلا؟ تريد ما آخذها؟ كله لأن أوكف ويا هاجر. ما..."

"إلياس: كلامك كله صح."

"هاجر: حتى لو تيم يجي يقنعني بيك. ما أقبل بيك. جان ما عندي ذوق. هسه صار عندي."

ابتسم وطلع. كلت: "أشو هذا صاير مؤدب. منو من الشيطان؟"

"دعوفي. صارله يومين خوش ولد."

طلعنا نكعد مع الكل. وجانت سوالف وضحك. انتبهت عمو محمد ماكو. عرفت راح. لأن ما يطيق جدي وجدي ما يطيقه. السبب محد يعرفه.

راحو بيت عمه أميرة. وخابرت عمه مريم تعزمنا. مو هذا الأسبوع. أسبوع الجاي. على حنة عمر. تفاجئنا. وأمي كالت: "ليش هيج مستعجلين؟"

"شعملو؟ هو يريد."

"الله يوفقه ان شاء الله."

"أمين يارب. والجميع. هم بعد اخباركم؟"

"والله ماكو شي."

"هاجر، اخبار المدرسة مالج؟"

"الحمدلله زينة. ما بقى شي ونمتحن."

"الله يسهلج."

عفتهم وكمت. شويه أرجع باجر امتحان. كملت. جانت الساعة 12. صفنت. هاي شكد درست؟ كلت خلي أحجي ويا زهراء. هاي كم يوم ما حاجة وياها. راسلتها وردت. كتلها نصعد اتصال وصعدنا ونحجي. جان علاوي ابنها يمها. وكل شويه يكلي أحبج. وبعد سلام وتطمنت على حالتها. كتلها: "تميم يكول تعاركتو البارحة. عرفت."

"أي والله. بس اللي كاسر ظهري أهلي."

"ليش؟"

"أهلي واكفين ويا أمير. وأبوي يكلي شلون تغلطين على الحجية؟ وما يدرون بيها كلش خبيثة."

"أي. وبعد؟"

"أبويه كال ارتاحي هاي الكم يوم. وبعدها ترجعين مثل الحبابة. وأمير مرتاح ومطمن إنو أرجع."

"شلون عرفتي مرتاح ومطمن؟"

"ملاك كل يوم هناك. هيا وأهلها."

"منو ملاك؟"

"أخت تميم."

"ممم."

"هيا دزتلي اخباره."

"ليش تتابعين اخباره؟"

"أريد أشوف ضايج علمودي لو لا."

"أي. وشصار؟"

"قبل يومين اجتمعوا. وأمير طلع حركته بعباس. وعباس هادي ويستفز أمير. وعلكت شلون علكة. وعلي بين نارين. نار أخوه ونار صاحبه. المن يدافع؟ وكرار يريد يبعدهم. وتميم لكاها فرصة وصار يضرب كرار. وكرار خطية كلشي ماسوه. سكت وبلعها. رغم جان يكدر يأذي تميم. بس ماسوه شي."

"شنو المشكلة اللي بينهم؟"

"ما اعرف."

"يعني حتى عدكم مشاكل؟"

"وين اكو بيت عراقي خالي من المشاكل؟"

"بهاي اني أتفق وياج."

"علاوي: هادل، أريد أشوف الدبدوب."

فريت الكامرة على الدبدوب. كال: "هذا أكبر مني."

"هذا أكبر مني هم."

"انت شون عندج كل هذا؟ انت جبيرة."

"من جنت صغيرة بابا يجيبلي وأخبيهم وأحتفظ بيهم."

"عوفي اهلج وتعالي عيشي عدنا."

"عزة. شلون أجي يمكم وأهلي؟"

"عادي. زهراء تعوف أهلها علمود أمير."

"أشو انت رافع الكلفة."

"شلون يعني؟"

"أقصد يعني تكول أمير مو بابا. وتكول زهراء مو ماما."

"هذول مو مال احترام."

متنا ضحك عليه. سوالفه تجنن. صاير يعرف يحجي بدون ما يلفظ غلط. وجان حجيه كلت: "هذا مين جايب هذا اللسان؟"

"من أمير."

"يعني أمير يعلمك؟"

"أي يعلمني. بس من أغلط يكول عيب. بس تميم هو يخليني أغلط."

"زهراء: ولج يفشر فشار وصخ."

"شلون يعني؟"

"علاوي: ... بعباس."

فتحت عيوني من الصدمة. هذا منو معلمه هيج فشار وصخ؟ كلش يعني الكبير كوه يحجيها.

"علاوي: هذا تميم كلي من أحد يكلك نجب كله ... بيك."

"لا حبيبي عيب هذا الحجي. هذا مال ولد الشوارع."

"علاوي: يعني أمير ابن شارع؟"

"هاجر: أمير شعلي؟"

"علاوي: هو يكول لزهراء هيج."

أنصدمت. وزهراء ترزله وتكول له: "ا اله أكول لأبوك يربيك." وهو مستمر. بعدها صار يسب أمير. أنصدمت. هذا طفل عمره 3 سنوات شلون يحجي هيج حجي؟ أصلاً شلون يعرف يلفظ؟

بقينا نحجي شوية وراحت. واني شفت تميم كاتب: "شلونج؟" رديت عليه. ورد فوراً. هم حجيت ويا شوية ورحت نمت. هذا الفترة ما جاي أهتم بأحد. رحت على مدرسة. وهيج مر أسبوعين. وبعدها صار يوم خميس. ورجعت من المدرسة. والجمعة الحنة مال عمر. وعلى أساس من أخلص امتحانات يزوج. لأن ناريمان هم سادس. إجه يوم الجمعة اللي الكل انتظره. اللي صار بي ألف تخطيط وألف فيكة وألف لبس. الكل جان متحمس. وأخيراً عرس. راح يفرح الكل. مو ناس فرحانة وناس لا.

كعدت من الصبح ورحنا لبيت عمه مريم. جانت الفرحة مبينة على وجها. جنت أشوف بعيون عمر الفرحة والسعادة. رغم إنو اليوم حنة مو زواج. لكن جان فرحان بشكل. سلمت عليهم وكعدت. انتظرت البنات يجون. لأن راحن على الصالون ويا نورة. بعدها صار موعد الغداء. وما شفت البنات. حيل تأخرن. جاي تخلي الأكل على السفرة. وجان تفوت إيلا بمكياجها وشعرها اللي يجنن. وهيا شعرها طويل. كلش. بعدها دخلت إيليف. جمالها ما يقل عن جمال أختها. ماخذين جمالهم من أبوهم. حتى عمر جميل نفسهن. العيون خضر. ومسوي شعره ومحدد لحيته. وطالع فد شي. بعدها دخلن أسيا وأسيل. هم جانن حلوات. أصلاً هما من كاعهم حلوات. بس لوما سوالفهم.

عفتهم. وجنت فرحانة لفرحت عمر وناريمان. صدك يستاهلون كل خير. بهاي الفترة علاقتي وياها كلش زينة. وعمر هو طالب منها تتقرب مني. وبعدها حبتني. وإيلا وتيم متعاركين. ما عرفت السبب. لأن جنت ملتهية بالدراسة.

"أوف شكد مشتاقتلج."

"حتى اني. وربي كلش مشتاقتلج."

شفتها دمعت عيونها. وصارت تنزل دموعها. اخذتها بسرعة على غرفتها. ماريد أحد يشوفها. نوب يحجون عليها.

"اسكتي. مكياجج راح يخرب. والله."

"آه. راح أموت. والله ليش بس وياي؟ ماعرف."

"بس فهميني شكو."

"إلياس."

"شبي؟"

"............... "

انتهى البارت

شنو تتوقعون إلياس يريد من إيلا؟

يكلي إذا تخلين هاجر تقبل بيه وترجع تحبني أخليج تتزوجين تيم، وإذا ماسويتيلي اللي كتلج عليه، تحلمين تتزوجين تيم.

شهالخرط؟ قابل بكيفه. منو هو حتى يقبل أو لا؟ عمو محمد يوكف وياكم، وأبوچ هم. فلا تخافين، ما يسوي شي.

يكول أخلي جدو يمنع زواجكم.

شنو؟ الدنيا كلها تمشي بكيف إلياس أفندي؟

وأني شأعرف شأسوي؟ من عرفت إنج تكرهينه ومستحيل تقبلين بيه، وأني أصلًا ما أقبل ترجعيله. ومن جهة ثانية أريد تيم.

مادري مادري، بس أوقفي بجي. راح يسيل المكياج وتخرب حالتج وتروح الفلوس.

هههههه، أهم شي عندج الفلوس؟

طبعاً. لو ما عندي فلوس شلون أشتري وأصرف على نفسي؟ هذا شي مهم بحياتنه.

بس الفلوس وصخ دنيا.

حرام تكولين وصخ دنيا. هاي نعمة والله يبعثها إلنا. ما يصير تكولين عنها وصخ.

المهم، شلون هسه؟

أني أحله.

شلون؟

خليها علي. المهم تصالحي ويا تيم، فهمتي؟

أي، أصلًا قررت اليوم أصالحَه.

فَـتَـتْ إيليف تنادينه ناكل. شافت أختها تبجي كالت:

إيليف: إيلا، ليش تبجين؟

هاجر: شسمه، فرحانة لعمر.

إيليف حضنت إيلا وكلتلها:

إيليف: قِـبـلـيـنـي للحنونة.

ابتسمت وطلعنا. نزلنا ناكل وكملنا أكل وساعدناهم شويه، وبعدها رحنا نبدل.

لبست فستان سمائي طويل ومخصر يبرز الخصر، من يم الصدر مثل السبعه ومشلح، كلش حلو.

حليت شعري، ماسويت بي تسريحة أو شي، بقيته. لأن قبل يومين رحت بيت سارة ونورس، كصت شعري مدرج، صار يموت. فخليته محلول.

مكياج ما حطيت كثير، اكتفيت بمسكارة وحمرة ترابي أبرزت شفايفي، وحطيت إضاءة وكحل أبيض.

لبست كعب مو كلش عالي حتى أكدر أركص براحتي.

ولازم اليوم أحجي ويا إلياس، رغم ما أطيقه أشوفه، بس للضرورة أحكام. بسيطة، أني الك.

رسل: قِـبـلـيـنـي لجمالج. أنتي ومكياجچ تجننين. وأنتي وصادة هم تجننين. نيالو لـ تيم.

ضربتها بسرعة لأن كانت أسيل واقفة يمنه. كالت:

أسيل: منو تيم؟

هاجر: بي شي سمعچ؟

أسيل: لا.

هاجر: لعد شلون سمعتي؟ تيم؟ إحنا وين عدنا واحد اسمه تيم؟ شهل اسم. كالت تيم لأن تعرفين إيلا راح تصير سلفتچ.

أسيل: أني متأكدة سمعت تميم مو تيم.

هاجر: غلطانة يعمري، إنتي.

شفتها اقتنعت. رحت يم رسل وضربتها بخفة وكلت:

هاجر: لو سمعت جان قريتي الفاتحة على روحي وروح تميم.

رسل: ما بالي أذنها يمنه.

هاجر: دير بالج، هل مرة نفذنا. مرة ثانية نوقع.

كملنا وطلعنا بالسيارات. رحنا لبيت ناريمان وأخذناهم وطلعنا للقاعة. أهلها حالتهم زينة وما يريدون ينخبص بيتهم، كالو نسويها بقاعة. وصلنا ونزلنا. إحنا بالبداية، وبعدها هما يدخلون علمود يسوون دخولية.

طول هاي الأيام نخطط أني وناريمان وإيلا وإيليف وخوات ناريمان علمود الحفلة، وصارت نفس ما نريد.

دخلو على أغنية تامر حسني اللي صارلها كم يوم من نزلت، وهي حلم سنين.

دخلت هيا أول، بعدها دخل عمر. هيا منطيتها ضهرها. هو دخل، وبعدها لفت عليه. وأنطاها الباقي. مال ورد ويا الأغنية، وبعدها ركصوا سلو سوا.

وأني أدندن ويا الأغنية:

هاجر: ليلى وأنتي جنبي، ليلى تسوى عمري، ليلى بألف ليلى معاك. ليلى وأنتي جنبي، ليلى تسوى عمري، ليلى بألف ليلى معاك.

نصفك ونركص. وأني وإيلا ورسل وحدة يم الثانية ونغني ويا الأغنية:

هاجر: يا ليالي يا ليالي، يا ليالي، أحكيلو على حالي. كنتي فين؟ آه، كنتي فين يا حبيبي؟ د انت حلم سنين.

بعدها دخلو للكوشة وكعدوا، كلش حلوين. فدوه.

شغل ورد، ونزل الكل. وردح للكاع. نركص أني وإيلا ورسل. فرحانين لأن ما صار مشاكل، وفرحانين على فرح عمر وناريمان.

ضلينه نركص. أحس رجليّ بعد ما تشيلني. تعبت فدنوب. رحت أكعد.

وبعدها كصوا الكيك وركصوا مرة ثانية. وبعدين بعدها فاتوا الولد يقدمون الأكل.

إجا إلياس يقدم النه. وإجا من يمي. كتله:

هاجر: أريد أحجي وياك موضوع ضروري ما يتأجل.

إلياس: روحي للغرفة اللي بيها الأكل. أكمل وأجيچ.

بسرعة رحت الها وانتظرت يجي. تأخر شوية، بس مجبورة. لازم أحجي ويا.

بعدها دخل والابتسامة شاكة حلكه. عباله جاي أكله أحبك. بس بسيطة. بدون مقدمات كالت:

هاجر: إلياس، أحبك.

باوعلي بصمة، وبعدها ابتسم وكال:

إلياس: وأني أحبچ وأموت عليچ.

ابتسمت بخبث وكلت:

هاجر: أنت تحب أسيل، شلون تحبني؟

إلياس: أحبكم إثنينكم.

هاجر: هههههه.

إلياس: شبّيچ تخبلتي؟

هاجر: لا، بس راح أخبلّك. شوف حبيبي، تروح تكول لأمك تخطب إيلا لـ تيم. وتقنع جدو.

إلياس: إذا أنتي وياي، أي أكله. ليش لا.

هاجر: هههههه، تحلم بظفر من أظافري، مو أني.

إلياس: أكيد بيچ شي. هسه منو كال أحبك؟

هاجر: أضحك عليك. اعتبرها رد الدين إلَك.

إلياس: ما فهمت.

هاجر: اوف، لا حبي. عبالي أنت ذكي. صاير أثول؟ شسالفة؟ هيج حبك عاميك؟ المهم، الي أريده يصير.

إلياس: بس اكو شروط. أعتقد تعرفيها.

هاجر: أي أعرفها. وسبق وكالتلَك، تحلم تشوف ظفر مني، مو أني.

إلياس: يعني شلون؟ مستحيل أسوي هيج شي إذا ما تكونين إِلي.

هاجر بعصبية: شكد طماع لخاطر الله! عندك أسيل وتريدني هم؟

إلياس: هذا مو طمع، هذا حب.

هاجر: أول مرة أشوف واحد مثلك يحب بنتين بنفس الوقت. شلون؟ فهمني.

إلياس: ماله داعي تفهمين. وأني كالت الي عندي.

التفت يطلع. طلعت تلفوني وطلعت تسجيل. من كتلَه أحبك ورد عليّ: أحبج وأموت عليچ. سجلت كل الحجي اللي حجينه.

التفت بصدمة.

إلياس بعصبية: شنو هذا؟

هاجر ببرود وابتسامة تغث: مثل ما تشوف.

إلياس ببرود: تهدديني؟

هاجر: اعتبرها شلون ما تريدها.

ابتسم واجه لزمني من زندي وكال بهمس:

إلياس: روحي. سمعي للكل. وأني هنا يبلش شغلي.

هاجر بصدمة: أي، ما شغل؟

إلياس: راح تشوفين. جدو أكيد.

هاجر: أي طبعاً، علمود يربيك.

ابتسم وباسني بخدي. بعدته. وقبل لا أحجي صدمني:

إلياس: أي، عادي. كليلُه. مو شغلة مهمة، بس هيج تسهلين عليّ الموضوع. من جدو يعرف أكول أريدها، وأكيد يقبل وما يرفضلي طلب.

هاجر بعصبية: شنو؟ أنت؟ فهمني! عوف إيدي.

رجع ابتسم بخبث وكال:

إلياس: يلا يحلوة، روحي كولي للكل حتى أكدر آخذج.

خفت من كلامه. وأكيد يكدر يقنع جدو. كالت:

هاجر: شتريد مني؟

إلياس: أريدج.

هاجر: وأني ماريدك. مو كوه.

إلياس: جؤ، كوه.

هاجر: إلياس، خليني محترمتك، ولا تخليني أغلط بحقك.

إلياس: جعل محد غيرچ يغلط بحقي.

هاجر: خبيث، خبيث. أول مرة أشوف واحد يفضل نفسه على إخوانه.

إلياس: أبد ما أفضل نفسي على إخواني.

هاجر: لو صحيح جان خليت تيم ياخذ حقه. بس أنتم ما تكدرون تشوفون أحد فرحان.

إلياس: أريد كل شي، بس هاي الطريقة الوحيدة الي أخلّيج إِلي.

هاجر: تحلم. حتى بحلمك ما تصير إِلي. أني لغيرك زوجي ينتظرني. أكمل ويجي يخطبني. لا تتأمل زايد. أني وياك مانرهم أبد. ولا يجي يوم ونصير.

إلياس: أي، بكيفج. تيم وإيلا يظلون هيج.

هاجر: ما يهمني. الي يهمني راحتي وفرحي ونستي. محد يهمني.

نزلت دموعي وأني أشوفه مستعد يخرب حياة أخوه في سبيل نفسه. شكد كرهته بعد هذا الموقف. صرت أحقد عليه أضعاف. دفعته عني وكلت:

هاجر: مستحيل يجي يوم وأقبل بيك. تبگه إنسان بنظري فاشل، أناني، يحب نفسه وبس. تبگه إنسان قذر.

عفته وطلعت. شلون ممكن أكدر أخلص منه؟ فكرت، مالي غير تميم. ممكن يكدر ينطيني فكرة. بس على أساس صديقتي، بهيج موقف. مو أني.

بس طلعت شفت إيلا بوجهي. حجيت كل اللي صار. بقت مصدومة. كالت:

إيلا: استغل التسجيل لصالحَه حبيبي. ولا يهمج. أني وتيم نبقة نحارب.

هاجر: شنو ذنبكم؟ بس فهيميني. شنو ذنبكم تتحملون شي أنتو معليكم بي في سبيل شخص ثاني؟ ما يصير.

إيلا: مستعدة أحارب الدنيا واللي بيها علمودچ وعلمود تيم. لا تصدقين يجي يوم أبيعج علمود تيم. أنتي أختي اللي ما جابتها أمي. أنتي بنت خالي اللي أشّد بيها ظهري. ما أنسى معروفچ يوم خليتي تيم يعترفلي. ما أنسى وقفتچ وياي بكل موقف مو حلو أبد. ومستحيل أضحي بيج لسبب سعادتي.

ما تحملت كلامها. صرت أبجي وحضنتها. بعدت عنها وهيا تمسح دموعي. بعدها شويه وطّلع إلياس. شافنه وابتسم وراح.

مخي صار ما يجمع. شلون حقير استغل السالفة لصالحه؟ خلصت الحنة بكل خير.

رجعت للبيت فوراً، سبحت ونمت. كعدت الصبح. عطلة. كالت: نروح بيت أهلها. كيفت. صرت أكمز من الفرح. صارلي شكد ماشفتهم. مشتاقة للبنات.

بسرعة بدلت ورحنا.

وصلنا هناك، سلمت على الكل. والبنات سلمت عليهن بكل حرارة. كان السلام يعبر عن اشتياقنا وحبنا لبعض.

كعدنا نحجي. وهل مرة جانوا الولد موجودين. بارق يضحكنا. وهمام ماخذ دور الضحية. محمد وأُسامه يضحكون نفسنه. بس الولد مو كلهم إجو. اللي مزوجين مو دائمًا يجون، يعني بس بالمناسبات.

كالت هنوش:

هندرين: شلونها دراستج؟

هاجر: آخ، أتمنى بس أخلص. تعبت منها بشكل.

نور: ما بقى شي. كم يوم وبس.

هاجر: أي، آخر شهر هذا ويفصلونه علمود الوزاري. خايفة وما أعرف شلون أجيب معدل.

ريم: أنتي كتلتي ابن عمتج يدرسج. ليش خايفة؟

هاجر: أريد معدل حتى أدخل جامعة وجدو ما يحجي. لأن إذا ما أجيب معدل يمكن يكعدني بالبيت.

ريم: جدج ليش هيجي متخلف؟

هاجر: أني أعرف على حظي. أشو عمامي وأبويه كلهم خرجين. وحتى عماتي. وهسه يلاحكونه أني وتيم حتى نبطل بحجة الدراسة ما تفيد.

هندرين: يمعودة، خلي يولون. وأنتي شنو بالج؟

هاجر: صيدلة. حلمي من الطفولة. بس أحس مستحيل. لأن تيم يكول: أني شكيت نفسي حتى جبتها.

نور: أي، وأنتي هم شكي نفسج وجيبيها. أنتي كفو وتقدرين للسادس.

ابتسمت وصاروا يشجعوني. فاطمة أخت هندرين جان ببالها طب أسنان. إن شاء الله تجيبها.

كلت:

هاجر: لو أسحل السادس لو يسحلني.

صرنا نضحك. واجه بارق كال:

بارق: السالفة بيها سحل يعني مشاكل. وين ماكو مشكلة تلكون بارق بنصها.

صرنا نضحك. بارق عايش ويا خوالي بغداد. ومن شغله سواله بيت هناك وصار عنده شغل محترم. ما كنت أشوفه دائمًا. يعني مرتين لو ثلاثة شايفته. لأن يكون بغداد.

بارق: هسه ما كتلنا منو يسحل منو؟

هاجر: أني لو أسحل السادس لو هو يسحلني.

بارق: لا، مبينة هو يسحلج. هههههههه.

ضحكت على ضحكته. كالت:

هاجر: ضحكتك ضحك. ههههه.

بارق: أي أدبسزز. خلي أروح. وبعدين تنمرين مو بوجودي.

هاجر: ههههههه. لا بوجودك حتى ما تنحسب غيبة علينة. هههههههه.

بارق: خرب يومچ. هلكد عندچ سيئات.

هاجر: اوووه، مليانة.

كلنا طكينه ضحك. شكد روحه حلوة ويضحك. كال:

بارق: والله سوالفچ حلوة. جيبي الأنستا مالتچ حتى من أضوج تضحكيني.

نور: زحفة بدون ما تبين. ههههه.

بارق: دروحي. هاي مال واحد يزحف عليها غير تموتنه بتنمرها. ههههه.

رجعنا نضحك موتنه ضحك. كل شويه يحشش على واحد. كال:

بارق: عبدلله صاير ستيرن يمين.

نور: ليش؟

بارق: شنو ليش؟ كتله تعال. يكلي: خلي أودي مرتي لمطعم وأجي حتى ما تفتح جبها عليّ. شنو أنت؟ أخخخخ. ولكم هيج الزلم تخاف. امداني. أني لو أتزوج غير أخليها ترجف مني.

هاجر: خاف العكس.

بارق: طبعاً. بس شوية حميت.

رجعنا نضحك. كالت:

هاجر: أول مرة أشوف واحد يحشش على روحه.

بارق: شسوي؟ غير محد يحشش عليّ. كالت أحشش على روحي. خطية. أنتو استلمتكم. حاصل فاصل.

انطيتها الأنستا مالتي وتابعني. كالت:

هاجر: اوف من هل معجبين. كل يوم واحد متابعني وداخلي خاص.

بارق: عود هم اكو أثول يدخلچ خاص؟

هاجر: اكو ثولان مو أثول واحد. ههههه.

بارق: ههه. أروح. لأن إذا أبقى يمج شويه بعد تحجين على الدنيا كلها. مابيه حيل سيئات.

هاجر: هشكل مليان.

بارق: على كولتج. مليان مليان.

عافنه وراح. بقينه نحجي شويه. وبعد يوم حلو رجعنا للبيت. وصار وقت الجد. لازم أشد حيلي. لأن ماباقي شي للامتحانات. عمه كالت: أروح عدهم. وأهلي قبلوا. قررت أروح أسبوع، وبعدها أرجع. وبعدين هم أروح. وهيج لحد ما يخلص الشهر.

وبالفعل، إجا تيم واخذني. وكل شويه يكول:

تيم: أني لو أصير مدرس مو أحسن لي؟

هاجر: ليش؟

تيم: يا عيني. جاي أدرسچ بلاش. على الأقل أكسب فلوس.

هاجر: تموت على الفلوس.

تيم: وين اكو أحد ما يحب الفلوس؟ هيا تريح القلب.

هاجر: أتفق والله.

تيم: وأنتي العبي بيها. أبوچ مليان فلوس.

هاجر: هههه. على أساس أبوچ ما عدنه خطية. صدك ذكرت. تصالحت ويا إيلا.

تيم: لا.

هاجر: هيا كالت تصالحك من يخلص نيشان عمر.

تيم: ماكو. ما راسلتني.

هاجر: ولعد أنت ما تراسلها؟

تيم: مو أني الغلطان حتى أراسلها وأعتذر.

هاجر: هيا بشنو غلطت؟

تيم: شنو ما تعرفين؟

هاجر: أمبلا أعرف.

تيم: لعد نجبي.

هاجر: أنت انجب.

وصلنا بيت عمه أميرة ودخلت سلمت. بعدها كعدت بغرفته. يارا ولارا. وتيم بدأ يدرسني. حرفياً جانت متعبة. وهو يريد كلش أحفظ. وماكو شي ما أدرسه. حتى اسم المؤلف.

بعدها إجت الامتحانات وخلصت. وكنت فرحانة وخايفة بنفس الوقت. ما أعرف إذا أجيب معدل عالي أو لا. تميم علاقتي بي صارت أحسن. صرت أميل له وأتقبل وجوده بحياتي. بس لهسه ما حبيته. بس أحس انعجبت بي.

كعدت الصبح وشفت إذا أحد مراسلني. شفت حساب غريب مراسلني وكاتب:

.. أنا أحبج من أول يوم شفتچ بي. وظليت أدور حسابچ. والبارحة لكيتو بمساعدة بنات. طبعاً أتمنى تردين عليه. ونيتي شريفة وياچ وأريد أخطبچ. أنا أحمد صاحب الاشتراك.

نصدمت. أحمد؟ وشلون؟ وأصلًا ليش يحبني؟ بسرعة كتبت:

هاجر: مو مفكرة بالموضوع. وما أريد لا أحب ولا أزوج. أتمنى تنسى إنو تحبني. إنو تنساني.

وحظرته. ماريد يصير تواصل بينه. رديت عليّ تميم. وجان مصبح عليّ غزل وكلام حلو. كلامه دوم يخجلني. حيل حلو.

قررت أحجي ويا تميم علمود موضوع إلياس. بس على أساس صديقتي. مو أني. راسلته. وره شويه رد وكال:

💬 تميم: بس أكمل من الزلمة وأجيچ.

عفته بين ما يكمل. نزلت أتريك. كملت وراسلني. كلت:

ما أروح أخابر سارة تريدني بموضوع حتى أمي لا تصيحني. فتت لغرفة وسديت الباب وكعدت أتصلت بي. فرواً رد وكال:

تميم: هلا بـ "قيطان كلبي".

هاجر: شونك؟

تميم: هسه صرت زين. أنتي شلونچ حبيبي؟

هاجر: زينة. عندي موضوع وياك.

تميم: خير يا ستار.

هاجر: شوف. صديقتي مرة بظرف. وأني أريد أساعدها. بس ما أعرف شلون.

تميم: احجي وشوف إذا أكدر. ليش لا.

حجيت الموضوع إله وكال:

تميم: هذا مريض حبيبي. الأفضل تكولين لأمها. على الأقل حتى إذا صار شي أمها تعرف.

هاجر: أمها فقيرة. وإذا أهلها عرفوا أمها تعرف. وما كالت يحجون عليها.

تميم: مادري والله. ماكو شي بالي. يعني هيا تحبه لو شلون؟

هاجر: تميم، كتلَك هو يريدها ومستعد يضحي بسعادة أخوه علمود سعادته.

تميم: مريض والله مو صاحي. خاف يشرب شي.

هاجر: لا مو لهل درجة.

تميم: هلا حبيبي. اتفضل أغاتي. جوه بالمكتب. بينظرك. هلا بيك عيوني.

هاجر: ويا منو تحجي؟

تميم: واحد حاجي ويا أبوي علمود سيارة. على أساس يشتريها. عاد معرف.

هاجر: الله يرزقكم.

تميم: حبيبي. أروح هسه. لأن عندي شغل لفوق راسي. يا خلص ونحجي.

سديته منه. وأني أريد طريقة أخلص من إلياس. بس شلون؟ معقول إذا أقول لأسيل تخلي يعوفني؟ بس إذا هيا قفلت وعافوا بعض. توكع براسي. لا معليه.

ياربي والله راح أموت. شلون؟ سمعت صوت جاي من المطبخ. استغربت. طلعت وشفت عمه مريم والبنات وعمر موجودين. طلعت سلمت عليهم وباركت لعمر. شكد صارلي ماشايفهم. حضنت إيلا. وهيا تحضن وتبوس بيه. وعمر يقلد علينه. بعدها كال:

عمر: أروح أجيب ناريمان. لأن مكملة.

هاجر: تشاقه؟ راح تجيبها؟

عمر: أي عيني. أشعبالج.

هاجر: والله فد محبوبة. نيالك عليها.

عمر: ترا أغار. لا تتغزلين بيها.

هاجر: عمر، اسكت أحسن لك.

عمر: عمي، أني آسف واعتذر. بس خلي أروح أجيبها.

طلع ونحنا ميتين ضحك عليه. هو ما يخاف منها. بس هيج يسوي. ياخذها بضحك. شويه واجو بيت عمو ثامر. واجت جنات أفندي وخشمها للسما. كعدت شويه. وبعدها كالت لأمي ولعمه مريم:

جنات: أختي خطبت أسيا لـ ابنه.

مريم: الله يقدم إلها اللي فيه الخير.

مروة: آمين.

جنات: وعلي ابن أختي كثير يحب أسيا. بس أقله لـ عمي حتى يقبل. وبعدين نبدأ نجهز.

ابتسمت ودحكت على إيلا. الظاهر فهمتني وضحكت. هذا أسيا جانت تحجي وياه من قبل. وعدها علاقة بيه.

جاي يحجون وطبت عمه أميرة والبنات وإلياس. الغريب تيم ماكو. وحتى سلمن وكعدن. وتيم ماكو. كالت:

هاجر: عمه، وين تيم؟

أميرة: عندو شغل. ما يجي.

رفعت حاجبي بمعنى ما عجبني الكلام.

هاجر: خوش. عجل يصير خير.

إلياس: تتوعدين لأخوي وكدامنه؟

هاجر: أنت لا تسود وجهك. ما عندي حجي وياك.

كمت قبل لا يرد وطلعت. ولحكتني إيلا. اتصلت بي. جاوب وعطت بي:

هاجر: يعني لأن ما تريد تصالح مع إيلا ما تجي لبيتنا؟ ما؟

تيم: هاجر، عندي شغل.

هاجر: ليش؟ أنت إيمتى جنت تشتغل؟ أشو أبوك يصرف عليك.

تيم: أي. والبارحة طلعت أدور شغل ولكيت و اشتغلت.

هاجر: تقنعني بحجيك هذا؟ خوش. عجل أنت اشتغل. بس إذا جيت عدنا ما أحجي وياك. ودير بالك تحجي ويايه. فهمت؟

سديته بوجه لأن نرفزني. شفت إيلا تدمع بعيونها. كالت:

هاجر: هو الخسران. خلي يولي. وحتى لا تصالحي.

إيلا: حجيت معاه وما قبل يصالحني. وصار يتحجج.

هاجر: هو كال إنتي ما صالحتي.

إيلا: شلون؟ تعالي شوفي الرسائل.

طلعت المحادثة. وجانت تعتذر منه وتحجي وياه. لكن هو جان بارد. وحتى معاجبه الوضع. تحجج بالشغل وعافها. نرفزني أكثر. يجذب عليّ. وليش؟ كالت:

هاجر: ترا مشكلة سخيفة مالها داعي. تيم ليشمكبرها.

إيلا: معرف والله.

سمعت جهازي يدك. شفته تيم. رفضت. رجع اتصل. وهم رفضت. بعدها رديت وكالت:

هاجر: أعتقد كالتلك لا تحجي ويايه.

تيم: هسه شبيكم؟ كالتلكم عليه خره بروحي.

هاجر: ما فهمت.

تيم: أنسي. بس شبيج؟ معقول لأن ما جيت ت...

قاطعته وكالت:

هاجر: إيلا تراسلك وتعتذر. وأنت ولا يمها.

تيم: هيا غلطت وتتحمل.

هاجر: هيج. عجل دولي.

سديته بوجه. رجعت إيلا تبجي. كلبي يتقطع عليها. سكتتها بالكوة. دك تلفوني. شفت المتصل تميم. رديت. كال:

تميم: هلا بروحي، هلا بكلبي، هلا بـ "قيطان كلبي".

هاجر: بس لو تبطل تكول "قيطان كلبي" أرتاح.

تميم: لا حبيبي. خليچ مامرتاحة أحسن. ههههه.

إيلا بهمس: ضحكته حلوة.

هاجر: أدبسزز. تزحفين على حبيبي.

تميم: أخ الله. شو عيدها.

هاجر: أدبسزز. تزحفين على حبيبي.

تميم: أنعل أبو الحبيبچ. خلي يسمعني محمد. الله يشك ط****.

إيلا خلت إيدها على حلكها. مصدومة من كلامه. انيكلت.

هاجر: تميم. عدنا خطار. لازم أروح.

تميم: نيالهم يشوفوج.

هاجر: قابل أنت ماشايفني؟

تميم: أخ الله. لو يرجع ذاك اليوم. جنتي معصبة. وجهچ أحمر. وكوة طايقة نفسچ. بس رغم كلشي جنتي تخبلين. سحلتي كلبي وراج. اجيت ألحكچ. بس ما لحكت. حيدر ابن الـ... لزمني. وصار يعيط بوجهي. لأن دخلت. وبعدها اتلفت. أشوفچ ماكو.

هاجر: رحت أدور على ريماس وسارة.

تميم: يلا كلبي. اخذي راحتچ. أحبچ.

ابتسمت وسديته. كالت إيلا:

إيلا: شكد كيوت. عجل نفس تيم.

دخل تيم علينه. وصفنه. كال تيم:

تيم: منو هذا الكيوت؟ وما نفسي؟ تاكلين خره.

إيلا: ليش تغلط عليه؟ أشبيك؟

تيم: ما جيت عليچ. فه انجبي. ماسمع صوتچ.

عافته وطلعت. واضح شكد نرفزها. كالت:

هاجر: أشون صاير نسخة إلياس؟ خير إن شاء الله.

تيم: أني ما نفس قندرة.

هاجر: كافي. واطلع بره. وجودك مو مرحب بيه.

تيم: هيج صارت. عجل.

هاجر: أي. لأن صاير نسخة إلياس.

تيم: ما نفسو والله.

هاجر: اطلع. أنت هم نفسو. أناني وتحب نفسك. ما همتك إيلا. وعفتها زعلانة منك أكثر من شهر. بس كلي أشون تتحمل تزعل اللي تحبها؟ بس نسيت أنت أخو إلياس. أكيد ماراح تصير أحسن منو.

تيم: كافي تقارنوني بـ إلياس. كلكتم نفس الكلام.

عافني وطلع. شكد كرهته بهل لحظة. بس لما عرفت ليش هيجي متغير عذرته. ويا ريت ما عرفت.

بعدني كاعدة أريد أهدئ نفسي. ودخلو إلياس وأسيل.

هاجر: أي لا كملت والله.

أسيل: ليش ضوجناج عيني؟

هاجر: أي والله ضوجتوني بشكل ماتتوقعوه. شلون ناس بلا إحساس وبلا ضمير.

أسيل: خليناهم الج.

هاجر: أي غردو.

إلياس: حضرتچ تستهزئين بينا؟

هاجر: ليش؟ منو أنتو؟

أسيل: جايين نحجي معاج بموضوع.

هاجر: أعتقد كالت غردو. لو عدكم خلل بالسمع.

أسيل: أكيد تعرفين تيم وإيلا تكاونو.

هاجر: الله أعلم منو السبب.

إلياس: أني.

هاجر: وبكل عين وقحة تكولها! أشون ماتستحي؟

إلياس: أسيله، طلي بره. أحجي وياها أني.

طلعت أسيل. وهو بقى. ابتسم وكال:

إلياس: أعتقد أنتي اخترتي سعادتچ على سعادة تيم وإيلا.

هاجر: ما فهمت.

إلياس: أعرفچ ذكية. ليش هسه غبية؟

هاجر: تحجي لو تلحق حبيبتك؟

إلياس: أني سبق وكالتلَك أني أريدج. وكتلَك اختاري. تجين وياي؟ إيلا وتيم هسه يزوجون. بس أنتي اختاريتي مصلحتچ عليهم. وهسه إثنينهم يتعذبون. والمشكلة اللي كالولچ عليها جذبة. حتى يسكتوج. ولا تعرفين. هذا اتفاق بينا.

هاجر: يعني؟

إلياس: إيلا وتيم مابينهم أي مشكلة. بس هما كالو هيجي حتى أنتي لا تنجبرين وتقبلين بيه. يعني ضحوا بسعادتهم علمودچ. وأنتي جازيتيهم شلون؟

هاجر: أييي. أنت شعليك؟ إلياس اطلع من حياتي. لخاطر الله. ما أريدك أنت. أنتتتتت. ماتفهمممم.

إلياس: ما أفهم. غبيييي أنيييي.

هاجر: لا تخليني أسوي شي أندمك عليه. أسيل تعرف بالموضوع.

إلياس: لا. وإذا تريدين تكليلها ماتصدكج.

هاجر: لو تعوفني بحالي. لو أكول لجدو على كل شي. وساعتها شيصير خلي يصير.

إلياس: امشي. نكلو.

هاجر: عبالك أسكت؟ إذا كال خلي ياخذج. إذا أبويه مالوه كلمة على جدو. أمي تحجي وياها. خوالي مو وحدي أني.

إلياس: هههههه. ليش؟ منو الي لازم يربيج؟ أهل أمچ؟ لو أبوچ؟

هاجر: تطلع لو لا.

إلياس: لا.

رحت يمه. وضربته راشدي. لزم إيدي وعصرها حيل. صوتت. نفسي طبيعي. وكلت بتحذير:

هاجر: آخر مرة أكول اطلع.

ما طلع. وبقه معاند. جريت إيدي حيل وطلعت. جان الكل موجود. كالت:

هاجر: إلياس أكبر طماع. هو خاطب أسيل. ويحلك ورايه. ويريد يخرب حياتي وحياة أخوه علمود نفسه وأنانية. بكل شي حاط روحه. تعبت منه. لو تلكون حل. لو أروح أعيش يم أهل أمي.

الكل بقة بصدمة. وأسيل دموعها تشرح اللي جاي يصير بيها. أبد مانقهرت عليها. ولا نهز كياني. بالعكس، تمنيت أشوفها هيج تبجي. لأن خطيبها يحبني. رجعت كالت:

هاجر: هذا خطيبچ اللي عبالچ ميت بيچ غلطانة. مالچ مكان بكلبه.

جنات: ليش تتبلين على صهري؟

هاجر: ما ميته علي. اسألي هيانو كدامج.

إلياس: أي صح. وأعتقد مابيها شي الي يزوج ثنين.

أسيل كامت تلطم. جنات يمها. واجت عمه لزمتها وتحجي وياها. لكن ما فاد. بقت تبجي وتضرب نفسها. كالت أسيل:

أسيل: ليش؟ بس فهمني ليش؟ بشنو قصرت معاك؟

بقت تعبت بي. أي، هذا الحال اللي ردتو توصلون إله. أريد أعيشكم بعذاب طول عمركم. أريد أنكد عليكم حياتكم. كالت:

هاجر: هههههههه. كافي عتبچ ماراح يقدم أو يأخر شي. هذا إنسان أناني. لا مو إنسان، حيوان.

جدو عاط بصوت عالي وكال:

جدو: إلياس، اللي يريده يصير.

راح إلياس يم جدو. باس إيده ورأسه. وأشر عليه وعلى أسيل وكال:

إلياس: أريد الاثنين.

جدو: تدلل. هذوا. تريد اليوم تعقد على هاجر لو غير يوم؟

هنا وكف شعر راسي. أني أوقع بلعبتي. مستحيل. كالت:

هاجر: مو كأنو زودتوها. أني حجيت حتى تحموني.

جدو: منو؟ ما راح يأذيكي.

أسيل: جدو، حباب. ماريد. خلي إلياس بس إِلي. الله يخليك. أبوس إيدك.

جدو: انجبي. ما بكيفچ. بكيف إلياس.

مروة: كافي عاد. تقررون حياة بنتي بكيفكم. مراح يصير اللي تريدو. هاجر تزوج اللي هيا تريده. ماهذا العار.

جدو: إنتي محد كللچ دخلي. اسكتي أحسن.

مروة: مستحيل أسكت. راح تخرب حياة بنتي. علمود حفيدك المدلل يشبع نفسه؟ لا. ما أقبل والله.

جدو: ابن عمتها أولى بيها.

مروة: إذا أنت جدها وما عرفت تحميها من حفيدك. إذا تزوجو راح تحميها؟ بنتي تروح لبيت أهل تعيش غادي. كلهم يحبونها ومحد يضحي بيها علمود أحد. أهلي ما همكم نفسكم.

جدي صار نار. وصار يصيح ويغلط على أمي وأهلها. اللي موجود بس نسوان. وجدي لا بابا ولا أحد من عمامي اكو حتى يحجي يدافع عن بنته. كالت:

هاجر: أهل أمي أحسن منكم. أنتو تفضلون الولد على البنت. أنتو ماتحترمون بناتكم. لازم كل شي بكيفكم. ماكو شي يصير بكيف بناتكم. بس لا. أني ماسكت. بيت جدي خط أحمر. محد يحجي عليهم.

جدو: تربية مروة. أش يطلع منكي.

هاجر: تربية مروة أحسن من تربيتك لهذا العار.

ضل بس يهدد ويلغي. أناني يحب نفسه وبس. وإذا أنت كبرت ما عاد يهتم بيك. بس لأن هسه أنت كل شي بيدك. هو يحجي هيجي.

جدو: أنعل أبوكي لابو أمكي. بنت الكلب. لسانچ قصي.

إلياس: صوتچ ما يعلى على جدو. لا أشك حلكچ.

هاجر: هههههه. زلمة والله. لك أنت نعالي؟ ماتخوف. تريد تخوفني؟

أسيل كعت. والتهوا بيها. أمي فرواً خابرت أهلها يجون عليها. كالت:

مروة: روحي حضري أغراضچ بسرعة. أني راح أحضر أغراضي وأغراض خوانچ. يلا يمه بسرعة.

رحت أحضر أغراض. بس معرف شنو صار. كملت ولبست بسرعة. معرف شلون. رحت يم أمي. بعدها تحط بل ملابس. ساعدتها. وهيا كامت تبدل. ماكو نص ساعة وخالي يمنه. ما كان اكو أحد غير عمه مريم وبناتها. أمي سلمت عليهم وطلعت. وطلعنا وياها. أول مرة أشوف أمي بهل قوة. طول عمرها جانت ما تكدر تسوي شي. رحنا بيت جدي. وسلموا علينه. أمي كالت:

مروة: ترضوها؟ يريدون يغصبون بنتي على ابن عمتها. وفوق هذا خاطب. وعرسه عن قريب.

بيبي: هذول شبيهم؟ أكيد بيهم شي. عجل علي وين؟

مروة: مايعرف.

خالي أبو همام: اللي سويتي صح. واحنا نكف معاج. بنتي عمري إنتي.

ابتسمت. واجتني غصة. لو جدي هيج واكف وياي ضد إلياس. شيصير؟

إجه همام. ومن شاف ملابس يمنه توقع أمي وأبويه متعاركين. لكن من عرف السالفة ضاج. وحجه على جدي.

....................

انتهى البارت.

شنو تتوقعون يصير؟ معقول هاجر تزوج إلياس؟ وهل أسيل تسكت؟

الجو متوتر.

اجا خالي علي ومن عرف رفض اللي سوا جدي وصار يلوم بجدو لأن يجبر هاجر على إلياس.

توقعت إن خالي علي ما يسوي شي لأن جدو يبقى أبوه، بس صدمني من كال:

علي: بنتي ما تتزوج إلياس. وإذا أحد يجبرها، أنا أطلع من البيت وما تشوفون وجهي لا أنا ولا عائلتي.

جدو: أنت شلون تعوف أبوك لوحدك وتلحق مرتك وبنتك؟ خلي رضاهم يدخلك الجنة.

علي: أي رضاهم يدخلني لأن مرتي نص ديني. وإذا ربيت بنتي تربية صالحة أدخل الجنة. وإذا أنت غلطان، غفرانك ما ينقبل.

ثامر: صوتك لا يعلى على أبوي. جان استحيت على نفسك من تصيح.

علي: المفروض موقفك نفس موقفي. لو نسيت نسيبك يريد يزوج وحدة وبعده ما زوج بنتك؟

ثامر: بس شويه صوتكم، العالم إيش تحكي علينا؟ خلينا نتفاهم أحسن، ماكو حل إذا تتكاونون.

علي: بس أريد أفهم شلون يزوج بنتي لواحد مزوج؟ أنتِ ما تحجين شي؟

كان يأشر على عمته أميرة اللي ساكتة ودموعها تجري لأن إخوانها يتكاونون والسبب ابنها العار.

أميرة: إيش أعمل بس فهمني، أبوك ليش يتفاهم؟ وابني العار إيش أعمل له؟

علي: خابري زوجك يجي يربي، لأن بعدين أنا أربي.

جدو: أكصها للإيد اللي تنمد على حفيدي.

علي: محد غيرك اللي طلع عينه. اللي عندي كلته، وبعد أنتو بكيفكم. بنتي أذبحها وما أنطيها لهذا الناقص.

انفجرت أسيل بيهم:

أسيل: جدو ترضاها يزوج علي قبل ما يزوجني؟

جدو: الشرع محلل أربعة.

أسيل: أييي بس لما أكون منقصه عليه؟ مو لما ما مخليه يحتاج شي؟ بيه شي فهموني؟

صارت تبجي وتلطم. انقهرت عليها، جت عمه جنات تهدي بيها وأسيا لازمتها تمنعها تضرب نفسها.

جدي كمل كلامه وتجاهل أسيل وحالتها، كال:

جدو: إلياس إذا يريد هاجر، يأخذها وما عندي غير هذا الكلام.

علي: على موتي ما أزوج بنتي لشخص ما تريده. الله ياخذك إلياس، خليت الكل يبجي وينقهر. اطلع من البيت لا أشكككككك، اطلععععععع!

جدو: بيتي هذا وإلياس ما يطلع. اللي ما عاجبه هو يطلع.

علي: تطردني من بيتك علمود حفيدك؟ وأنا اللي خدمتك بكل شي؟ هذول الاثنين ولا واحد منهم كان يجي يكمل شغلك. أعوف العيادة وأجي أساعدك وأنت تذمر وتحجي علي وعليهم. محد سلم منك. خليتنه نفس الحيوانات نسمع كلامك ونسكت لأن أبونه وأكبر منه. والله وصى بالوالدين نسكت واحنا نشوفك دلل إلياس مع إنه يونس بعمر إلياس، بس أنت تفضل إلياس. عمر وحتى تيم بشنو ينقصون؟ بس إيش أقول وإيش أحكي؟ ما راح يفيد. وبنتي ما تتزوج هذا الحيوان.

جدو تجاهل كلام خالو علي ووجه السؤال للياس:

جدو: جدو حبيبي، أنت تريد هاجر؟

إلياس: أي.

جدو: هاي هيا اللي تريده يصير.

أسيل: خلي يطلقني.

إلياس: ما أطلق.

جدو: يأخذكم اثنينكم وانتهى الموضوع.

خالو علي ما سكت. أول مرة أشوفه بهل عصبية. حقها بنته شلون يزوجها واحد مثل إلياس. بقه يحجي ويتوعد، بس جدو ما اهتم. عمه أميرة وأمي وعمه جنات يحجون وياه، ما اقتنع وكال:

جدو: الموضوع انتهى. إلياس يزوج هاجر وأسيل.

أسيل: لو أنا لو هاجر، ما أقبل اثنينه.

جدو: سدي حلقكِ بنت الكلب! آخر وقت تجي وحدة بطول النعال ترفض كلامي.

جدو أخذ إلياس وطلعوا. بطلعتهم فاتوا عمر وناريمان. استغربوا حالة جدو. فاتوا وأمي شرحت الموضوع.

عمر صار بارود. تيم بس أحد يحجي وياه ينفجر. يونس مانطق بحرف ويوسف كاعد يم أمه وساكت.

رسل تدحك عليه والدموع بعيونها.

جدي ماسمح لأحد يحجي وطلع. خالو علي راح لبيت أهل عمه مروة. وخالو ثامر كاعد على أعصابه. وعمو تامر راح يحاول مع جدو. رجعوا وكل محاولاته باءت بالفشل. الوضع متوتر.

بعدها رجعوا وراحوا لبيت جد هاجر يرجعوهم ويحلون الموضوع.

« هاجر »

اجه حارث من بره وكان يلهث، كوه يجر النفس.

بعدها سمعنا صوت زلم وراحوا للاستقبال. شويه وفات همام وكال:

همام: بيت جدك اجوا كلهم.

هاجر: ليش؟

همام: بعد معرف.

راح يصيح أمه تسوي ضيافة، بس ما استاهلون.

رحت يم الباب أريد أسمع. سمعت:

أبو همام: البنت بنتكم، بس المفروض ما تجبروها على شخص ما تريده.

جدو: أنت قلت بنتنه، يعني نحنا نعرف مصلحته.

أبو همام: تعرفون مصلحتها وتريدون تزوجوها لواحد خاطب؟ وعلمود هو عينه جوعانة؟

إلياس: عيني ما جوعانة، فهمت.

همام: احجي ويا أبويه باحترام، لا أشكك.

علي: إلياس، أنت آخر واحد يحجي. المفروض تسد حلكك بنعال.

أبو همام: علي، يعني أنت ما تريد هذا الزواج؟

علي: أي ما أريد.

أبو همام: هاي هيا، لعد انحلت. الزواج ما يصير. أبوها وهي رافضين، وحتى أمها. شلون تزوجوها بالغصب؟

جدو: أي بالغصب.

أبو همام: تعرف إنه هي تكدر ترفع عليك قضية.

جدو: ما تكدر، لأن أنا واصل.

أبو همام: مثل ما أنت واصل، أحنا هم واصلين. وأنا أساعد بنت أختي اللي أنتم ما راح تساعدوها. وعلي، المفروض أنت ويا بنتك مو ويا ابن أختك.

علي: أنا مع بنتي، بس محد يقتنع وأبوي رافض. شلون تنطيني حل؟

همام: الحل هاجر ما تتزوج هذا الحيوان.

إلياس: انجب، لا أشك حلكك.

همام باستخفاف: لا رجال، الله يسلمك.

أبو همام: أصيح للبنية، إذا رفضت محد يجبرها. حاجي، وإذا تبقة على قرارك، أوديها لبغداد على أخويه.

جدو: بنتنه هي، ما بنتكم.

انفتح الباب وصار بوجهي همام. كال: فوتي.

فتت وساكتة، ما حجيت شي. رحت بست بابا وكعدت يم خالي. وكال:

أبو همام: أنتِ تريدين تزوجين؟

هاجر: لا.

أبو همام: أنتِ ما تريدين إلياس لو ما تريدين تزوجين؟

هاجر: اثنينهم.

أبو همام: حلو. أعتقد سمعت حفيدتك شنو كالت. وأنت لو عندك ذرة كرامة، ترفض تاخذها.

إلياس: هاي هيا، ما أريدها.

انتهى النقاش. بعد كلام إلياس، ما توقعت يقتنع بسرعة.

رجعنا للبيت ومن شافوني البنات، بوس وحضن. رسل كالت:

رسل: شصار؟

هاجر: خالي الله يديمه حل السالفة.

رسل: الحمد لله.

جدي أبد ما كان عاجبه الموضوع. طلع وما شفت وجهه لثاني يوم. إلياس كل ما أحد يحجي وياه، يكب بوجهه.

تيم مرتاح وعمر نفس الشي. يونس عادي، يعني ماشفت بي شي إنو ما همته السالفة، لأن هو إلياس سوى بكل شي وإلياس أكبر من يونس بكم شهر. عمر أكبر من تيم سنة وهو بطل من زمان. بس ناريمان تدرس. وصلني مسج، فتحته وابتسمت لأول مرة. لدرجة رسل وإيلا يأشرون بيدهم واجو يمي وشافوا شكو بالتلفون. كانت رسائل غزل من تميم. كلش حبيت كلامه ومن ختمها بـ "قيطان قلبي". أبد ما ضجت، عكس كل مرة. معرف شرد، أخذت جهازي إيلا وكتبت:

"حبيبي فدوه لهل كلام الحلو، ربي يديمك."

جريت التلفون منها، بس دزتها قبل ما آخذه. رد تميم وكال:

تميم: كلامج بنص قلبي. أريد بس أسمع كلمة "حبيبي" من حلكج العسل، بس أنتِ حارمتني منها وهي حقي.

رسل غمّتني، وإيلا تعلم بيه، عبالك جاهلة. كف فوق راسنا إلياس وكال:

إلياس: هيج مفرحتكم المراسلة؟ بله ويا منو؟

هاجر: وأنت شكو شعليك؟

إلياس: شلون شعليك؟ احترمي.

هاجر: أنت ما خليت احترام لنفسك.

إلياس: المهم ويا منو تحجين؟

هاجر: ويا حبيبي، شعليك أنت؟

هو عباله أشاقه، بس جنت أحجي الصدك. بس هو ضحك مستهزء وعافني وراح. كلت:

هاجر: ترا أنا كتلته الحقيقة، بس هو غبي. أنا شكو؟

إيلا: أنتِ كتلتيها غبي.

بقينا نسولف وقررت اليوم أحل موضوع تيم وإيلا، لأن ما عاد يُسكت عنه. بعدت خبر لتيم وإيلا يمي. أجه تيم، من فات شاف إيلا فهم الموضوع وكال:

تيم: أروح أنا.

هاجر: فوت.

تيم: استغفر الله.

هاجر: ما تحسون نفسكم عجايه؟

تيم: إيش بيك؟

هاجر: من تراسلك وأنت تغلس عليها؟ شنو هاي مو سوالف عجايه؟

تيم: إيش بيك؟ ترا هي السبب مو أنا.

هاجر: شلون بله؟

تيم: ترزلني عبالك ابنها مو حبيبها. ما تحترمني وتغلط عليه. وكل كلمة تكلي "انجب" لو "كل خره". شنو طفل أنا؟

هاجر: تحجي صدك؟

تيم: هاي يمج، اسأليها.

رسل: لا إيلا، ما يصير. شهل تصرف؟

إيلا: ينرفزني.

رسل: بس ما تحجين ويا هيج.

هاجر: اعتذري.

رسل: مو بس اعتذار، بوسيه من خده يلا.

وكفت كباله واعتذرت وباسته. وهو هم باسها واعتذر. كلت:

هاجر: أوي يربي شكد حلوين. تخلوني أشتهي أحب.

إيلا: مممم مبين.

بقينا سوالف وضحك وكل شوية تميم يدز مسج، وأنا أبقه أبتسم. وتيم يسأل وأنا أكله صديقتي. والبنات يفهمن. خلص اليوم بهدوء. بعدها مرت أيام عادية. إذا يجتمعون، إلياس ما يكون موجود. علاقته هو وأسيل شبه خربانة واحتمال يصير طلاق. هو ما يريد يطلق وهي تريد يطلقها. وعلى هذا الحال.

عمر وناريمان أحلى من العسل، عصافير الحب.

تيم وإيلا كلش زينين وحلوين.

جنت أتواصل ويا زهراء وكلتلي شلون رجعت. بقت شهرين هي زعلانة، لحد ما أجه يوم...

............

« زهراء »

كل يوم أهلي يحجون وياي وأنا أرفض أرجع. كافي عاد، سهل كرامتي. وأنا كتلهم أرجع بس أريد وقت. وهيك سكتوا عني. اليوم كاعدين وكانت عدنا مريم بنت خالتي، وهي حبيبة أحمد أخو أمير. كاعدين متونسين، أجه أمير يشوف علي وراح علي يسلم على أبو. شويه وفاتت أمي وكالت:

أم زهراء: وين علي؟

زهراء: يم أمير.

أم زهراء: أمير من نص ساعة طلع.

زهراء: تشاقين؟ لعد علي وين؟

أم زهراء: يعني وين يكون الولد.

زهراء: ابني وين يمه؟ وين راححححح؟

مريم: خابري أمير، بلكي أخذه يشوف أمه.

زهراء: هسه أشوف جهازي ويننننن.

مريم انطتني الجهاز. اتصلت على أمير، رفض. اتصلت أربع مرات، يرفض. بالمرة الخامسة رد، وأنا على أعصابي. رد ببرود:

أمير: ها؟ شنو؟ اشتاقيتيلي؟

زهراء: علي وين؟

أمير: وياي، ليش؟

زهراء: ليش تاخذه؟

أمير: ابني، قابل بس ابنك؟

زهراء: أمير، جيب ابنييي.

أمير: تحلمين تشوفيه إذا ما ترجعين لي.

زهراء: هذا استغلال.

أمير: أنا كالت اللي عندي. ترجعين، عود تصالي بيها. جي آخذج. ما ترجعين، لا تظلين تلغين براسي ودوخيني. ما فاضي، خوش؟ وابنج ما تشوفيه إلا ترجعين لي.

سده بوجهي قبل ما أجاوب. متت أبجي وأحجي.

زهراء: يريد يرجعني؟ يريد يكسر ظهري بابني. راح ياخذ علي مني حتى أرجع له. شسوي فهميني؟

مريم: حبيبتي، احجي وياه، فهمي. ما تريدين أنتِ.

زهراء: يكلي إذا ترجعين، عود تصالي بيها. وإذا ما ترجعين، لا تتصلين ودوخيني، ما فاضي. وابنج ما تشوفيه.

مريم: هو ما عنده حل ويريد يرجعج بهل طريقة. راح أحجي وياه أحمد.

زهراء: تميم، هو يقنعه. ماكو غيره.

اتصلت على تميم، جاوب:

زهراء: تميم، أريدك بشغلة.

تميم: إذا أكدر عليها، ليش لا.

زهراء: أصلاً محد غيرك اللي يكدر. أريد تحجي ويا أمير يرجع ابني. ما أكدر بدونه. يريد أرجعله غصب. شني كوه؟ تميم فدوه حاجي، بداعت هاجر، بداعت أمك.

تميم: يعني سواها؟ ما توقعت يسويها. عبالي يأجلها شهر بعد.

زهراء: يعني أنت تعرف؟

تميم: أي، من طلعتي من البيت وراها أسبوع وكال أسوي هيج حتى ترجع.

زهراء: أنا ما أريده، مو كوه. فدوه حاجي.

تميم: ما أكدر هسه. ينفتح بيه. أنتِ رجعليه أحسن. لأن مال يطلقج، هاي طلعيها من أذانج، مستحيل.

زهراء: تميم فدوه ساعدني، ما أريد أرجع، حباب. بداعت هاجر، أنت مو تحبها؟ ترضى تنذل؟

تميم: أحاول وأشوف.

سديته منه. يومين هو ماكو. مريم حاجت أحمد، يحاجي أخوه. وأحمد يكولها قافل. ماكو بس تميم.

مريم بقت يمي لأن جنت تعبانة، مالي خلق الشي. أريد ابني يرجع لحضني. شويه واتصل تميم:

زهراء: بشر؟

تميم: والله قافل. هاي يومين أقنعه وهو ماكو.

زهراء: والحل؟ ما كدر على فراك علي. راح أموت. أريده.

تميم: ارجعيله. أصلاً علي جاي مفرفح عليج. خابصهم بجي ويدك ويلطم.

زهراء: أفكر وأشوف.

سديته منه وأنا فاقدة الأمل خلاص. أمير ما يرجع علي، يخليه يمه. ما عندي حل غير أرجع. اتصلت. رد بسرعة كال:

أمير: مال أرجع علي، تحلمين ترجعين. كولي أي، ما ترجعين، كولي لا.

زهراء: تعال خذني، أرجع.

أمير: مسافة الطريق وأنا يمج.

كرهت روحي وكرهت أهلي اللي دائماً ويا أمير، ولا يوم كانوا وياي. طول الوقت أمير صح وأنا غلط. أتحمل ضربه وإهانته علمود أحجي كلمة. وإذا أرد على علي، يجن يقلب إنسان ثاني. غير غيرته الزايدة وغير حب التملك اللي عنده. أحس العائلة كلها هيج. أول واحد عمو محمد أبو تميم. وشيل إيدك الحب عندهم. عبالك هواس. أنا ساعات أنقهر لأن هاجر راح تعيش نفس عيشتي، بس أفرح لأن تكون وياي ودائماً أشوفها. على مريم ما أخاف، لأن أعرف أحمد يختلف عن الكل. كملت غراضي وبديت أبدل. ودك تلفوني، شفت أمير. رديت كال:

أمير: ما راح أطب، طلعي لي.

زهراء: بس أكمل تبديل.

أمير: بسرعة.

سديته وكملت تبديل، بس على كيفي. خلصت وطلعت. كال:

أمير: بعد وقت؟ جان تأخرتي أكثر. ليش مستعجلة؟

غلست، ما حجيت شي. رجعت للبيت، بوجهي للغرفة. أشوف ابني. دورت عليه ماكو. انداريت على أمير وكلت:

زهراء: علي وين؟

أمير: مو موجود. ماشفتي من فتي، محد اكو.

زهراء: أي صح. وينهم؟

أمير: بيت عمي محمد.

زهراء: وعلي هم؟

أمير: طبعاً.

عفته ورحت أبدل. كملت وهو كاعد هادئ على التلفون ويراسل. عرفت تميم، لأن لازم ينطي الأخبار. معرف شنو أسوي. كتله:

زهراء: شنو أسوي عشة؟

أمير: ماله داعي، تميم يجيب من بره.

سكتت، ضايجة. محد اكو وكاعدة وحدي. أمير ملتهي بشغله وأنا أصفن. كلت، خلي أراسل هاجر وأتونس وياها. راسلتها شويه وردت:

💬 هاجر: هلا قلبي، إشلونج؟

💬 زهراء: الحمد لله، وأنتِ شلونج؟

💬 هاجر: بعدج يم أهلج؟

💬 زهراء: اليوم رجعت. خلي أحجيلج، لأن راح أطق إذا بقيت ساكتة.

حجيتلها على كل شي، وهيا تسمعني. ما حجيت شي. اكتفت بالسمع وكالت:

💬 هاجر: ما أعرف أنصح بصراحة، بس سمعي كلامه، لأن مبين أنتِ ما تخلصين منه. والله صرت أخاف من تميم.

💬 زهراء: اثنينهم نفس الخرة.

💬 هاجر: يعني أعوفه أحسن؟

💬 زهراء: بكيفج، بس أحسن من ما تعانين نفسي.

بقينا نسولف شويه وراحت. هيا أصلاً مترددة من ناحية تميم. ف كلت، أخليها تخلص منه ترتاح، مو تصير نفس حالتي، لأن هيا ما تستاهل. كافي اللي صار بيها. أجه تميم جاب أكل وراح. كعدنا أكلنا، كملت ولميت السفرة. وبعدها أمير صار يتحرش بيه وبدت سوالفه السرسرية.

..............

« هاجر »

كلام زهراء ما طلع من بالي. يومين أنا أفكر فيه. قررت أصالح تميم وأكول له: ما حبيتك. راسلته وكتله موضوع ضروري ومصيري. ورا شويه رد. كتله نصعد اتصال يكون أحسن. وبالفعل صعدنا اتصال. كلت:

هاجر: بدون مقدمات، أريد نترك.

تميم: هههه، شنو؟

هاجر: ما أعتقد حجيت شي يضحك.

تميم: من كل عقلك؟

هاجر: ما حبيتك. حاولت أحبك بس فشلت. أنا وياك ما نرهم. أنت تختلف من ناحية التفكير وغيرها.

تميم: هسه فكرتي تحجين إنو ما تحبيني؟ وين جنتي؟

هاجر: من البداية كتلج وأنت تغلس.

تميم: راح أسوي نفسي ماسمعت ولا شي.

هاجر: لا سمعت. وأنا ما أريد هاي العلاقة.

تميم: لأن هو بكيفج.

هاجر: لعد بكيف منو؟

تميم: كافي مسلته، يلا، عندي شغل.

هاجر: جاي أحجي بـ جدية. ليش ماخذ الأمر عادي؟

تميم: لا تجننيني.

هاجر: ما أجننك، أريد أترك وبس.

تميم: ماكو. أنتِ صرتي إلي، شي يخصني. مستحيل ترحين بسهولة.

هاجر: أني مو شي تافه علمود تصيرين إلي وتخصيني. أنا إنسانة.

تميم: إنسانة أو غيرها. كلامج ما يهمني. وراح أنسى السالفة بمزاجي. ولا عاد تعيديها.

بعدها حجيت كلام حتى أخلص منه، ويا ريت ما حجيته.

هاجر: أفهم، ما أكدر أحبك. قلبي مو يمك، قلبي يم واحد غيرك.

تميم بعصبية: بنت الكلب! شنو يم غيرك؟ أشكك. وعلي؟

هاجر: هيو، شبيك؟ شهل تصرفات؟ شهل غلط؟

تميم: سمعي زين. هالكو**** تنسي. أنا اللي بقلبج. وإذا أسمع كلام منج عن القندرة، أنهيج. أنتِ اللي مو لغيري. كالج ملكي. قسماً بالله إذا فتحتي الموضوع، أخطفج وأسود عيشتج وأرجعج لأهلج. وياج طفل، دير بالج.

انصدمت. ما عرفت شحجي. شنو وياي طفل؟ كلت بغباء:

هاجر: يعني تجيب وياي طفل؟ من ما عرفوا يخلوني أرجع لأهلي؟ يعني ينقذني منك؟ شهل لعبان نفس. لعد طفل ينقذني منك، عجيب.

تميم: أنتِ ثولة لو تسوين نفسج ثولة؟ طفل يعني تحبلين أنتِ. ابنك.

هاجر: شلون أحبل وأنا مو مزوجة؟

تميم: من أخطفج، ألعب وياج وتصيرين حامل.

انصدمت. شهل لعبان نفس؟ شلون يحجي وياي هيج؟

هاجر: احترم نفسك. أنا متربية مو مثلك. احجي وياي بأدب، أحسن لك.

تميم: إذا ما حجيت بأدب، دزيلي كوا*** يربيني.

هاجر: هسه إلياس شكو؟ تحجي عليه.

تميم: ضجتيييي؟ علىىىىى حبيبببب كلبججج؟

هاجر: كافي تصيح. شسالفة؟ أنا ما أريدك، مو غصب.

تميم: غصب؟ محد كالج وافقي من البداية.

هاجر: أنت هددتني.

تميم: وهسه هم جاي أهددج. ترا أنا مو بس أهدد، أنفذ. هم. وأنتِ بنت أبوج وسباعية ومن ظهر زلمة. عوفيني وشوفي.

سديته بوجهه. ياربي، وين وديت نفسي؟ وين رحت؟ ليش دخلت نفسي بهل شي؟ مالي غيرك ربي، تساعدني وتنقدني من الناس المو زينة.

بقيت يومين ما أحجي ويا. بعدها أجه وكال:

تميم: ما حاجيتيني وماتحجين وياي؟ شنو سالفتج؟

شفتها وغلست، ما رديت. أمي كالت: نروح لبيت أهلها. وبالفعل رحنا وشفت البنات وارتحت. حجيتلهم كل شي، كل شي حرفياً بدون أي نقص. جنت كاتمة بقلبي لحد ما شفتهن.

نور: يمكن يحبج ويكلج هيجي حتى تخافين وما تعوفيه.

ندى: أي أتفق معاج. ما معقولة يسوي هيجي. بعدين أحنا وين عايشين؟ شهل فلم الهندي؟

ريم: ليش تاخذون الموضوع بمزح؟ يمكن يكون صادق بتنفيذ وعده. ولاتنسين لما صديقتج كالت له ماتريدك، إيش سوا؟

هاجر: هو يعرف بيتي، بس أنا ما علمته المنطقة حتى.

هند: نسأل بارق، هسه أصيح له.

راحت شويه واجت وياها بارق. كتلوا:

هاجر: شوف، إذا مثلاً أنت تريد تجي علي، بس ما تعرف بيتي وين، إيشلون تجيبه؟

بارق: سهلة، من الموقع.

هاجر: بس مثلاً ما حاطة موقعي بالتواصل، شلون؟

بارق: باعي، اكو برنامج يحدد موقعج، وهذا بفلوس. نزلي ويبحث عن أي عنوان تردي.

هاجر: شكراً، تعبتك.

بارق: ولا يهمك.

راح وأنا أصفن. هو جاب موقعي من هذا البرنامج اللي كال علي بارق؟ أكيد تناقشنا بالموضوع. ما حبيتها تاخذ قرار بسرعة وتندم عليه. كلت، أشوف زهراء تنصحني. نكت على بيت جدي. جانوا مغيرين الرمز، بس حطيت الرمز. اجت كمية رسائل من كدها. تلفوني صار يصفن. فتحتها وكلها من تميم. كمية سب وغلط قذر علي وعلى إلياس. كمية لعبان نفس. ساعة يتعزل بيه، وساعة يغلط ويسب. حسيت بي عنده انفصام بالشخصية. كتبت:

💬 هاجر: خليني أفكر.

رد بسرعة، عبالك جان منتظرني.

💬 تميم: بس أخلص الزبون، أتصل عليج. ما أريد أي اعتراض.

نص ساعة واتصل بيه. ترددت، فتحت. استغفرت وفتحت.

تميم: أي أسمعج.

هاجر: إذا أنهيت اللي بينه، شنو تسوي؟

تميم: أعتقد كتلج.

هاجر: شنو؟ سايبة الدنيا حتى تخطفني ومحد يعرف؟ شكلك تابع هندي كثير.

تميم: ارفضي وشوفي.

هاجر: عناد بيك، راح أرفض.

تميم: أي، يلا يا بنت أبوج، يا سباعية، ارفضي.

كلامه كان تحدي، وأنا أحب اللي يتحدا. كلت:

هاجر: خوش، أنا ما أريد وراح أنهي كل شي.

بعد هاي المحادثة، مشت يومين وماكو شي. تميم ما يراسل ومختفي. راسلت زهراء وكالت:

زهراء: أنتو مو عفتوا؟ ليش تميم طبيعي وعبالكم ما بي شي؟ يضحك ويحشش نفسه.

هاجر: جذاب، والله عرفت.

زهراء: هما صح مجانين، بس ماتوصل بيهم للخطف. لأن عمو محمد من سابع المستحيلات يقبل أو يخلي ابنه يروح لهيج طريق، لأن يعرف عواقبها.

هاجر: أي صح، حسب مكانته. هو يعرف عقوبة اللي يخطف. وبعدين إيشلون يخطفني؟ شنو ما حد راح يعرف؟ شهل خرط؟ يربي، هذا يتابع هندي زايد.

سديته منها. ومشى أسبوعين. هيج نسيت السالفة، أصلًا ماتصدق إنو يخطفني. شنو مسلسل هندي؟ كاعدين على الغداء واتصلت عمه مريم. كال:

مريم: اليوم نروح للسوق نجهز لعمر، وراح تجي معانا ناريمان.

مروة: منو يجي بعد؟

مريم: أنا وأنتي وهاجر وإيلا وإيليف وعمر وناريمان.

مروة: أكول لعلي وأرد لج خبر.

طبعاً بابا كان بالعيادة وكال تغدوا، ما أجي. كملنا أكل. وأمي اتصلت بـ بابا وكال روحوا. بدلنا العصر. جنت متحمسة. يريدون يكملون جهاز حتى يزوجون قبل المدارس.

أجه عمر أخذنا ورحنا. جانت حشكة المكان، بس رغم ذلك متونسين. نزلنا على كوزمتك، يشترون عطورات ومكياج وملابس نوم وهيج أشياء. ناريمان وجها أحمر. عمر قرر يبقى بره، لأن هو هم خجول. كالت إيلا:

إيلا: خذوا الأحمر، حلو.

مريم: أنتِ انجبي، أدبسزز.

إيلا: اهو، إيش بيكم؟ والله كبرت.

عمه رزلتها بنص المحل، وبقينا نضحك عليها. وهيا كلبت خلقتها، ما عاجبها. اشتريت شوية شغلات وياهم على الواهس، لأن ما أعرف أطلع لمكان وما أشتري.

إيلا: هي دودا، لازم تشترين.

هاجر: أي طبعاً.

طلعنا من المحل ودخلنا أكثر من محل. كل ما أطلع ألك شخص واقف يدحك عليّ ويضحك. ونفس الشخص وين ما أروح موجود. ما اهتميت للوضع، لأن دائماً أشوف زاحفين. وخصوصاً هل فترة، لو لابسة كونيه مال حب شمس هم يدحكون. مانطيت أهمية للموضوع. بقينا نفتر ونشتري. خلصنا وكال عمر:

عمر: خلي نروح مطعم نتعشى.

محد اعترض، لأن الكل جان ميت جوع. رحنا للمطعم، وشفت نفس الشخص كاعد ويمه عصير. خفت من الموضوع، لأن ماينسكت عنه. المشكلة ولا مرة شايفته. منو هذا؟ ومعرف وليش يلحقنا؟ ومن أدحك عليه، يضحك، عبالك يعرفني. مو سالفة زحف أو شي. بسبب هذا الشي، ما عرفت أكل عدل. كل ما أشيل راسي، أشوفه يدحك عليّ ويبتسم. تنرفزت حيل. كملنا وطلعنا، وعمر يحاسب. رحنا للسيارة، باعتبار قريبة. عمه كالت:

مريم: هاجر، ودي هاي الفلوس لعمر، لأن صرف كثير. أخاف ما عنده.

رحت، بعدني ما واصلة المطعم، وشفت أجه الولد عليّ وكال:

هاجر، شلونج؟

بلعت ريكي وخفت كلش. وين يعرف اسمي؟ ومنو هذا؟

رجع كال: ليش مبين عليج خايفة؟

هاجر: مو خايفة، منو أنت؟

..: ما تعرفيني، بس أنا أعرفج.

هاجر: أروح، أحسن لي.

ردت أمشي ولزم إيدي وحط إيده على حلكي. متت خوف. وبعدها ما حسيت على شي. المشكلة المكان اللي كنت بيه جان فارغ وقريب من الساحة مال انتظار، وماكو بي أحد. والمطعم جديد فاتح وماكو يمه محلات كثير. كعدت، شفت نفسي بغرفة، بس إيدي مشدودة وحلكي هم. أريد أصيح، أسوي شي، ما أقدر. حتى رجلي مشدودة. بقيت أنتظر فترة أحد يجي. بعدها فات واحد ملثم. بقيت فاتحة عيوني وخايفة. فتح حلكي، بس ما حجه شي. كلت:

هاجر: أنا ليش هينة؟ أريد أفهم. منو أنت وشعليك بيه؟

ضحك وعافني وطلع. تنرفزت. بقيت أصيح أريد أحد يجي أو هو يرجع. ماكو. مرة فتره ورجع وجايب أكل. لعبة نفسي. كال:

..: أكلي.

هاجر: ماريد. أحجي، منو أنت؟ وين أنا؟ وليش هنا أصلاً؟

..: مستعجلة؟ تعرفين.

هاجر: يعني هسه أنا مخطوفة؟ شهل دراما هاي؟

..: ههههه. دراما؟ ليش دراما؟ ممكن غير شي.

هاجر: شلون يعني؟

..: مو هسه تعرفين.

هاجر: أهلي وين؟ وشعجب سكتوا؟ بعدين شنو مخطوفة؟ من كل عقلك؟ ما تعرف بنت منو أنا؟

..: بنت منو يعني الوزير؟ وكافي عاد، أنتِ مخطوفة. لا تظلين تعيدين السالفة.

هاجر: ليش أحس جاي نصور مسلسل؟

..: عاط بيه؟ متت خوف.

..: كافي، أنتِ مخطوفة. شنو مسلسل؟ شنو خره؟ سدي حلكج، ترا طلقة براسج وأخلص منج. تحملتج هواي.

هاجر بمتمتة: تـ تـ تمام، بس مـ مـ منو أنت؟

..: معقولة حتى صوتي ما حافظته؟

هاجر: يعني أنا أعرفك؟

هز راسه. أجه بالي إلياس، بس ليش حتى يخطفني؟ كلتها:

هاجر: أنت إلياس؟ مو؟ احجي.

..: هم كالت قندرة. أنا مو النعال مالتج.

هاجر: منو أنت؟ عدو جدي لو شنو؟

..: أنا.....

................

انتهى البارت.

منو تتوقعون خطفها وليش؟ كالت عدو جدي، هيج جدها عنده أعداء؟

اني شخص تعرفه من زمان بس معقوله نسيتيني؟

ليش هيج ولج تنسين ناس عزيزة.

هاجر: انت عزيز تمام، شيل النظارة وشيل هاي اللي حاطها على وجهك حتى اعرف منو، وبعدين ليش لابس نظارة و بالـغرفة؟ شنو ماشايف؟

.. بس لو شوية تسكتين. راكان تعال.

حسيت سامعة هل اسم بس وين، فات شخص والمشكلة مو لابس شي على وجهه يعني كله مبين، جان حلو ونفس الشخص الي جان يلحقني وخطفني. حبيت أنكت بل وقت الغلط.

هاجر: وايييي الي خاطفني حلو. هذا مو انت الي جنت تلحقني بل سوق؟

اكلي خره شني حلو، شو اني ماتستحين.

هاجر: اوي، خليت المستحة الكم. هسه منو انت وليش خاطفني؟ هيا وحدة من الاثنين، لو انت عدو جدي لو انت من طرف إلياس، ياهو انت؟

.. وإذا اكلج اني اصلا مو من الموصل.

صفنت، اذا مو من الموصل وين يعرفني؟ اجى بالي تميم بس اكيد ميسويها. بعدين هذا صوته غير، طب واحد للغرفة واجه يم هذا الي ملثم، حجى شي بس مادري شنو والملثم صار يضحك. يمه شبي خبل هو.

هذا الناقص.. بعدج ماعرفتيني.

هزيت براسي بمعنى لا، هو فهم نزع النظارة وعيونه بالگاع بحيث ماشفتهن، ونزع الثام عن وجه. انصدمت، ابد ماتوقعت يسويها ابد ولا اجى بالي فد يوم تميم ينفذ تهديده. صراحة خفت ورجعت تذكرت كلام هيوم الي هددني واني ما اهتميت، كالت دنيا وامه. شلون يخطفني؟

صار يضحك وكال:

تميم: ماتوقعتي مو؟

هاجر: انت مـ.. مـ.. مو اختفيت مدري شكد شهر؟ اكثر شرجعك؟

تميم: جنت اخطط شلون اخطفج. تذكرين تهديدي مو؟

هاجر: لا نسيته.

تميم: اذكرج بي. بعدين يولد خلونه شوي وحدنا.

راكان: تميم الي بالك ما يصير، وإذا صار اني اول واحد اعوفك. وراح لابوك خوش.

تميم: تهددني؟

راكان: ابد. بس اني وانت نعرف انو الي تسوي غلط تنحل كلشي بس مو بهاي الطريقة. كلش اتفق تميم لتسوي شي تندم عليه، وانت حتى لـ امير ما كتلته شنو راح تكون رد فعله وهو يعرف لبنية.

تميم: حيدر، انت وياي؟

حيدر: وياك بس اكول تكول لـ امير كلشي.

تميم: اطلع انت وخابره واحجيله.

حيدر: اطلع خوش. هسه يلا راكان.

راكان: تميم مثل ما كتلـك الي بالك لا. خوفها هددها. هاي بس الي بالك لا يدمرك ويدمرها.

تميم: خوش.

بعد هذا الكلام خفت وافكار براسي صارت كلش تلعب النفس. خفت حيل للحظة حسيت الي كدامي مو تميم الي يحبني، واحد ثاني. واثنينهم يحجون ويا حتى لا يسوي الي باله. زين السؤال هنا شنو باله؟

تميم: اي سولفي وين جنتي اليوم؟

هاجر: شعليك؟

تميم بعصبية: احجي بأدب لا اكوم اشكج.

هاجر: نجهز.

تميم بعصبية: المن؟ إذا جان الج اموتج هنا فهمتي؟

هاجر: اييي شبيك مو الي لابن عمتي.

تميم بستهزاء: وين اكو هيج كلاوات؟ شني طفل؟ المفروض هو ويا جماعته يجيبون ملابس اله.

هاجر: اقصد لخطيبته. ليش غبي انت؟

تميم: هيي شنييي؟ غبيييي؟

هاجر: كافي تصيح شبيك.

تميم: شكلج متونسة بغيابي تضحكيني وعادي؟

هاجر: صراحة اي.

تميم: صريحة هم. بس ادفعج ثمنهن.

هاجر: اختصر شتريد؟

تميم: بعد وكت. خليج يمنه كم يوم نضيفج.

هاجر: تميم هسه اهلي يدورون عليه. خليني اروح.

تميم: من كل عقلج ترحين؟

هاجر: خليني اروح حباب. هسه اهلي بالهم يمي.

تميم: معليج بيهم.

هاجر: ريحني وكلي شتريد.

تميم: مو إذا اكلج تتخبلين. هسه.

اجت ارد ودخل الي اسمه حيدر والجهاز بيده. انطه لـ تميم وتميم رد بس جان مفتوح السبيكر.

امير: انت حيوان فهمني شلون تسوي هيج؟ تميم هسه ترجعها. وإذا مارجعتها اروح احجي لعمي محمد. هسه ترجع.

تميم: اوكف ثواني.

طلع بره يحجي ويا واني بقيت، وهذا حيدر كبالي كال:

حيدر: لا تخافين. هو معصب منج بس ما يأذيج.

هاجر: مصلاوي انت؟

حيدر: اي. وانا ابن عمة تميم مثل ما كتلج. ما يصيغ شي.

هاجر: حباب طلعني من هينه حباب.

حيدر: ما أطيق (ما أكدر) بس انصج نصيحة. صيري حبابة وتطلعين.

دخل راكان اخذ حيدر وطلعوا. بقيت وحدي والخوف مستحلني. هسه اهلي يدورون عليه لو غلسوا فرحوا من اختفيت؟ لو لا بالي يم امي وابويه شنو حالهم.

« إيلا »

رجع عمر بس الغريب هاجر مو وياه. مارتحت للموضوع. امها كالت:

مروة: عمر هاجر وين؟

عمر: هبا ما جانت وياكم.

مروة: امك بعثتها علمود تنطيك الفلوس.

عمر: ماشفتوها؟

مروة: عجل بنتي وين؟

نخبصنه صرنا ندور عليها. بعدها عمر كال:

عمر: خلي ارجعكم للبيت وندور عليها.

مروة: ماتتحرك من هينه إذا بنتي ما معاي.

عمه مروة تبجي. كوه قنعناها ترجع. رجعنا والولد يدورون عليها. محد يعرف وين اختفت. اجى إلياس ومعصب كلش.

إلياس: انت اخذتهم المفروض تدير بالك عليها. ماتعوفها بوحدها.

مريم: بعثتوها تودي فلوس العمر وهيه مارجعت. واصلا ماراحت على عمر.

إلياس: وين اختفت اريد افهم وينها؟ تخيلو خالو علي يعرف.

نخبصنه ورجع خالو علي. نهار صار يبجي حرفياً لان بنته ماكو. عمه مروة مرتين يغمى عليها. البيت عبارة عن بجي عبالك فاتحة. اني ورسل مصدومات. رسل تبجي. اني مانزلت دمعة مني رافضة اصدگ. مر يومين محد يعرف خبر عنها. كالت أسيل:

أسيل: اكيد هربت مع واحد.

أميرة: انجبي اشنو هذا الحجي.

تيم: كلي خره هاجر ماتهرب مع احد. ماعدها سوالف نفسكم الي يحجي عليها اش حلكه. هاي اليومين الكل بيت جدي. عمه مروة حالتها ابد مو مستقرة. خالو علي يذبح روحه يدرو عليها. جدي كال:

جدو: هاجر مخطوفة.

الكل نصدم. كمل جدي:

جدو: اكيد مخطوفة لان مالها اثر وتلفونها وياكم. واني عندي عداوة مع الناس اكيد احد منهم خطفها.

اني رافضة اصدگ بس ابجي. الكل يبجي. أسيل وأسيا وجنات عادي لو بيدهن يكومن يركصن لان هاجر ماكو. محد يدري عنها ولا يعرف وينها.

« زهراء »

رحت انادي امير خالتي تريده. وكفت يم الباب واسمع يحجي ويا تميم ويم امير احمد ويحجون. ردت ادخل بس وكفني كلام احمد:

أحمد: انت تحبها خوش بس مو تخطفها لان رفضتك. تميم اصحه على نفسك راح تودينا بداهية.

تميم: لا تخاف ما اخلي احد بداهية. الي اريده محد يدخل. خلوني براحتي.

امير: حيدر كالي شي بس ان شاءلله يطلع غلط.

تميم: شنو؟

امير: تريد ترجعها لهلها حامل وتندمها لان رفضتك.

انصدمت. ابد ماتوقعت تميم توصل بيه لهنا. معقول جاي يحجون على هاجر. رد تميم صدمني اكثر.

تميم: اي وهيج ماتكدر تروح لغيري.

امير بهمس مايل للعياط: ابن القندرة. اهلها يذبحوها.

تميم: محد يعرف. وهيج اضمنها الي.

أحمد: لا ضل تاكل نعل. إذا رفضتك تقنعها مو تغتصبها.

تميم: حبيبتي لو حبيبتك من تصير حبيبتك تدخل.

امير: تميم هاجر ماتستاهل حرام عليك. لا تضل حيوان وتهدم كلشي وتصير بعينها الصغيرة.

تميم: اني ليش ما كتلـك علمود لا ضل تتفلسف.

امير: لا تعصبني. ما كدر اعيط. صير حيوان ورجعها.

تميم: چؤ ماترجع.

امير: راح اجيك ديربالك تسوي شي. اني وياك نتفاهم.

تميم: ليش تعرف وين اني؟

امير: اي صدك وين انت؟

تميم: مراح اكول. وإذا عبالك تزحلك راكان او حيدر فـ مستحيل.

أحمد: اني اجيك والله ماسوي شي بس اتاكد لبنية ماتتأذى. زين اسمع عندي الك حل.

تميم: خلي الك ماحتاجه.

امير: ابن القندرة اسمع منه.

أحمد: روح احجي وياها وكللها اطلعج منا وما أذيج بس بشرط تبقين وياي. ومن تعوفيني ارجع اخطفج. بس هل مرة أذيج.

تميم: شعل دراما ماحبتها.

امير: لعد تضمنها بعد ماتغتصبها تعوفك بحالها؟ ابنيهاي هاجر مو وحدة سهلة.

تميم: هيا هاجر واني تميم ونشوف.

امير: تمام. افترض انت سويت كلشي بعقلك وطلعتهامن يمك. بلكي حجت لهلها اغتصبني. هنا راح تصير حرب عشائر.

تميم: ما يكدرون. نسيت ابوي منو؟

امير: وانت نسيت جدها منوو؟

تميم: هسه شتريد؟

امير: خليها يمك سبوع بس لا تأذيها. خلي بعينك انت تحبها. ماكو واحد يحب وحدة يأذيها.

تميم: اذكرك انت شسويت لو تذكر منو حرمها من ابنها حتى ترجع؟ مو كتلك لا تسوي هيج وضربت حجيي بعرض الحايط واني هم هسه اضرب حجيك بعرض الحايط.

امير: ابن القندرة ليش تسده؟ هسه شسوي؟

أحمد: طلع موقعه من جهازه.

امير: قفله ابن النعال يعرف اريد اسوي هيج.

أحمد: من حيدر او راكان بسرعة قبل لا يغلقون الأجهزة.

بقوا شوية ساكتين بعدها امير كال:

امير: عرفت مكانهم. غير ملابسك هسه نروح.

بقيت مصدومة واكفة هنا وميتة خوف عليها. انفتح الباب واحمد بوجهي.

أحمد: من امتى انتي هنا؟

نزلت دموعي وكلت:

زهراء: من جنتو تحجون ويا تميم. لان خاطف هاجر.

اجه امير وحط ايده على حلكي واحمد راح يبدل. وخر ايده وكلت:

زهراء: هو مو يحبها ليش يدمرها؟

امير: ما اسمحله. هاجر اختي. مستحيل اخلي يأذيها.

زهراء: امير اخذني وياك ابوس ايدك. اموت تفكير والله.

امير: ما اكدر. الولد كلها هناك.

زهراء: ابوس ايدك على الاقل ابقه وياها.

امير: حبيبتي والله ما اكدر. خليج هنا واني احاجيج.

ضليت اقنع بيه لحد ماقبل. راحت بسرعة البس اي شيعلمود اروح. اريد انقذها منه. توجهنا للموصل وللمكان الي بي تميم. الي فهمته انو المكان باطراف الموصل يعني بيت اهل حيدر عدهم مزرعة هناك. وحيدر كايل لاهله اروح اني وجماعتي كم يوم نتونس حتى ينفذون الي بالهم من دون ما احد يخربعليهم. حيل خفت على هاجر. هذا مخبل طكة ونص بعد اضرب من امير. شلون راح تتحمله؟ زين هو ليش هيج يسوي مو يحبها؟ الي يحب يأذي الي يحبها. بقت افكار تاخذني وافكار تجيبني.

« هاجر »

بقيت وحدي وخايفه. شنو بباله وليش مخليني هنا؟ افكار تاخذني وافكار تجيبني. بدون ما أحس نمت. حسيت على صوت واحد يلعب بشعري. ضليت مغمضة. سمعت تميم يكول:

تميم: هسه لو تحبيني وتعوفين عنادج جان عشنا احسن عيشة. ما جان جبرتيني على شي ما اريده. شلون راح اسويها مادري. كلبي ماينطيني بس لازم تصير حتى اضمن تصيرين الي.

كلامه خوفني وهو مستمر يحجي واني اسمع واسوي نفسي نايمة. خفت يعرف كاعدة ويسويلي شي. بقيت مسوية نفسي نايمة لمدة طويلة وهو فوك راسي يحجي. شوية وشوية يسكت ويبگه يتلمس وجهي. بعدها كلت اكعد خاف يعرف كاعدة وجاي اضحك عليه. فتحت عيوني بنزعاج كلت بعياط وعصبية كاتمتها:

هاجر: منووووو سمحلككك تلمسسسسنييييي؟

تميم: اششش حبيبي نامي خليج نايمة حلوة وانتي نايمة.

هاجر: بعد عني قذر.

تميم: انيييي قذرررر؟ تعالييي اشوفججججج القذررر شيسوي؟

خفت. صار يفتح بل حبل الي شاد ايديه ورجليه بي. فتح الحبال واني وكفت وردت اطلع من الغرفة. سحبني من زندي وصرت قريبة عليه كال بخباثة:

تميم: اشوفج القذر شيسوي.

بقيت ابجي واتوسل بيه:

هاجر: حباب عوفني. والله إذا تعوفني احبك ونرجع احسن من قبل. والله بس عوفني.

تميم: اعوفج؟ مو اني اعلمج.

قرب يريد يبوسني. منعته وكلي ارجف ميته خوف والف فكرة براسي. كمت اصرخ حتى احد يجي ينقذني. منو؟

تميم: ما يفيدج العياط. انتي يمي محد يمنعني.

هاجر: ابوس ايدك عوفني فدوه. والله نرجع احسن من قبل بس عوفني. انت مو تحبني بداعت امك.

تميم: إذا اعوفج مراح ارجع اخذج. بعد هاي الفرصة الي عندي.

هاجر: حباب ليش تريدني اكرهك؟ من كل عقلك؟ إذا تسويلي شي ارضى بيك فدوه عوفني بداعت امك. حباب فدوه.

عافني وصار يضرب براسه. خفت وصار يحجي كلامات مو مفهومة. فهمت منهن:

تميم: انعل الشيطان ياغبي تخرب كلشي بهاي الأشياء. اطلع من راسييييييي.

يعيط ويضرب راسه. خفت ورحت كعدت بل زاوية. بعدين انتبهت الباب مفتوح. كمت وركضت للباب. وقبل لا اطلع انجريت وضربت بصدره. حاولت ابعد عنه بس ماكو. لازم ايدي والثاني لازمها من زندي بحيث حتى اصبيع ايده انطبع بزندي. بقيت اتوسل يعوفني ما فاد. صار يبوس بركبتي. ابجي وادفع بيه واتوسل بس ماسمع. بعدها انفتح الباب وشفت راكان جاي ركض. سحب تميم مني وضرب تميم راشدي. تميم مثل الي صحصح وشافني وانصدم وعاف المكان وطلع. اجاني راكان وكال:

راكان: اعذري فدوه مو بوعيه.

هاجر ببجي: مو ذنبي. حباب خلي يعوفني. طلعوني من هنا ابوس ايدك طلعني.

راكان: اهدئي فدوه. كلشي ينحل. انه يمج ما اخلي يجي.

بجي بقوة بعدها كال:

راكان: ابقي اروح اجيبلج عشة.

هاجر: فدوه حباب لا تعوفني. والله يرجع.

راكان: حيدر يمه لا تخافين.

طلع. بعد مرور فترة طويلة رجع وبيده اكل وجان مشاوي ومعاها مقبلات وببسي. انطاني وكعد يمي وكال:

راكان: هاي اليوم لازك بيج. بلكي باجر الصبح يوصل امير. لا تخافين.

اخذت لقمة من الفه.

هاجر: صدگ امير يجي؟

راكان: اي هو واحمد.

اطمنت لان اعرف امير يكدر يحميني من تميم ومو بعيدة يطلعني منا. اكلت وكملت كال:

راكان: نامي بعد اخوج واني يم الباب. لا تخافين. حتى راح انام يم الباب.

هزيت راسي وطلع واني تمددت ونهاريت بجي. ليش اني اتعذب؟ فوك كلشي صار وياي ابقه اتعذب؟ ياربي لا اعتراض على حكمك بس تعبت. ما عندي طاقة اتحمل. لمتى ابقه اتحمل اذية الناس؟ لمتى ابقه أعاني؟ ما لحكت افرح لان تخطيت إلياس يجيني تميم. ليش ياربي تعاقبني؟ لان مو ملتزمة؟ صح اصلي يوم وعشرة لا. القرآن مو دائما اقرة بس برمضان ورمضان كله بس اقرة سورة البقرة وكم سورة وراها. ياربي تعاقبني لان مو ملتزمة بعبادتي؟ بنص تفكيري نمت. وانتظر امير يجي. هو الامل الوحيد. كعدت ومادري اذا صار صبح او لا لان الغرفة مابيها شباك. قررت اطلع اتوضى واجي اصلي بلكي تنطفي النار الي بصدري. فتحت الباب وراكان نايم قريب على الباب. انصدمت. هذا صدك سواها ونام يم الباب. جان بي كعدة مال عرب هاي الي بل گاع. مجان اكو احد. بعدها جان اكو ضوء جاي من وحدة من الغرف. صرت امشي على كيف لحد ماوصلت الها. جان مطبخ وتميم وحيدر يسولفون. قررت اروح بس وكفني كلامهم. تميم يكول:

تميم: عقلي يكلي سويها وكلبي يمنعني.

حيدر: ياحبيبي انت تحبها ليش تأذيها؟

تميم: اريدها الي.

حيدر: اعف والله بس هيا ماتغيدك.

تميم: الف مرة كتلـك من تكون وياي احجي بغدادي. ما افهم عليك.

حيدر: خوش. الي اكولها عوفها بحالها. خطية الي سويته بيها. تريد تعتدي عليها. حرام عليك تضيع مستقبلها. حبيبي قيسها بعقلك. اخذها برضاتها مو غصب. الغصب مو حلو وهيا تحبك بس غير انت تكون وياها. زين؟

تميم: انصحني. تهت والله. الشيطان يلعب بعقلي. شنو اسوي؟ معاد اتحمل. اكو صوت بداخلي يكلي اذيها سويها. وكلبي يكلي لا ديربالك بعدين تكرهك.

حيدر: مثل ما انت كلت. اكيد تكرهك. انت اخوي. ما اكدر اشوف اخوي يتأذى. ياعيوني ديربالك عليها. هيا بل مسايرة تجي. اهتم بيها. البنات يحبن الاهتمام والحب مو الهمجية والعنف.

تميم: اني همجي؟ اصلا اكره الهمجي والي يعنف.

حيدر: بس انت جاي تسويها.

تميم: جاي اكلك مو اني. والله ما جنت بوعيي.

حيدر: شلون يعني قابل بيك جني؟ شبيك؟

تميم: مابيه شي. غلس. اروح انام. باجر يوصل امير ومالي خلك لرزالته.

حيدر: روح الله يريح كلبك.

كام وفوراً طلعت. فكرت بكلامهم بس بعدين كلت انسى. رحت للحمام اتوضى ورجعت اصلي. صرت اصلي بدون وعي. اصلي وادعي الله يطلعني منا. بقيت هيج لفترة ماعرف شكد. مجان اكو شال خليت على راسي بطانية المهم اصلي وما يكون مبين شي. بعدها تعبت ورحت نمت. فزت على صوت عركة. رحت يم الباب جان صوت امير. واحد اول مرة اسمع صوته. عرفت هذا احمد اخو امير. وجانت كلها رزايل. اريد افتح الباب ماكو مقفول. صواتهم صارت قريبة. انفتح الباب وطب امير والكل. وجان اكو صوت بنية توخر بيهم. شفت زهراء كدامي. ما صدكت. اريد اروح الها ما اكدر. رجليه ماتساعدني. اجت يمي تحضني وتهديني واني ابجي. ومن تهدي بيه ازيد بجي.

هدئت شوية وامير يحجي وياي كال:

امير: هاجر جاوبي بصراحة. تميم اذاج؟ سوالج شي؟

هزيت براسي ورجعت ابجي ونزلت راسي. امير تخبل صار يفشر ويغلط بس تميم ماله اثر. رفع راسي بيدو كال:

امير: احجي شسوه؟ راح اموت.

راكان: حاول يغتصبها.

امير: شدتحجي؟ مو كتلكم ابقو يمه. هذا حيوان وينه؟ هو وين ولى؟

راكان: من انطاك المفاتيح طلع.

امير: كومي اخذج لهلج.

فرحت كلش. كمت ويا وطب تميم كال:

تميم: شنو مسمعت؟

امير: تاكل نعل. مو كتلـك لا تسوي شي؟ جايك ليش تريد تودينه بداهية؟

تميم: بس ماسويت شي. هيا بوسة.

امير: ابن القندرة بوسة شنو؟ شوف ركبتها زركة.

تميم: امير لا تدخل شي ميخصك وماكو متروح من يمي تبقة هنا.

امير: شراح تسوي؟

تميم: معليك. هل كم يوم عود تعرف.

امير: تحجي لو اكوملك؟

تميم: راح ارجعها بس قبلها نسوي اتفاق.

الكل على ملامحهم تسائل. كال:

تميم: حبيبي هجورة الي اريده ترجعين تحجين وياي. هاي اول شي. ثاني شي من تطلعين تكولين ماشفت وجه الي خطفوني وماتحجين شي عني ولا عن واحد من الولد. وإذا حجيتي ابقه وراج لحد ما اموتج على ايدي. واني راح اطلب فلوس من اهلج حتى عبالهم انو انتي انخطفتي علمود فلوس.

امير: ابن القندرة انت بحاجة للفلوس؟

تميم: مو بحاجتهم بس لازم اسوي هيج حتى يعرفون انو انخطفت لغرض فلوس. واهم من هذا تكولين محد قرب الي بس جانو ينطوني اكل ويروحون وما شفت وجه احد. ونرجع نحجي اني وياج وترجعين حبيبتي. شكالتي؟

جاوبت بدون تفكير:

هاجر: اي موافقة. كل الي تكوله يصير.

تميم: خوش. تبقين هنا كم يوم وتروحين ومحد يدري. هاجر اتمنى احد يدري حتى اخذج لمكان محد يدري بي غيري. اموتج فهمتي؟

هزيت براسي اكثر من مرة علمود يعرف موافقة. اقبل بس المهم ارجع. المهم ما يبقه يمي. وبعدين اكدر اتخلص منه بشي. حجه. طلعوا الولد وبقينه اني وزهراء نحجي. كالت:

زهراء: ما جنت اتمنى اول لقاء النه بهيج ظروف.

هاجر: حتى اني.

زهراء: حبيبتي احجيلي شسوالج؟

عيوني دمعت ونزلت دمعتي.

هاجر: حاول حاول.

زهراء: خلص انسى مو مهم. بس ليش هيج ركبتج زركة؟

هاجر: باسني. اريد اوخرها شلون؟

زهراء: يبگه اثرها كم يوم.

هاجر: جسمي حساس. هسه تبقه سنة متروح.

زهراء: عادي حبيبي كومي اكلي.

كمت وياها ورحنا للمطبخ. الولد بل صالة واني وياها ناكل بل مطبخ. صوتهم عالي ومبين كلها ترزل تميم. لكن هو ماسكت. من يحجون كلمة يرد بعشرة. عبالك مو غلطان. هما غلطانين. شكد كرهته وحقدت عليه. كلت:

هاجر: ليش يسوي روحه بريء وهو غلطان؟

زهراء: تميم مو اول مرة يسويها. دائما هو الصح والكل غلط. حتى لو هو غلط بس هو يشوف نفسه صح.

هاجر: بس ما يصير هيج. هذا الشي غلط.

زهراء: وشلون يفهم بعد؟

هاجر: هاي يوم واحد بقيت يمه وهيج. اريد اموت. لو اتزوجه شلون؟

زهراء: يتغير طبعاً لان تصيرين اله. هسه انتي مو اله. هو هيج مفكر. هما كلهم يحبون التملك. شي وراثي.

هاجر: ما اتحمل حياتي ويا. شلون فهميني؟ هو لازكلي.

زهراء: يتغير. يصير احسن من تصيرين اله.

هاجر: امير هم هيجي؟

زهراء: يعني ولد عم. شتتوقعين؟

هاجر: وصلني الجواب بس مو مبين على امير.

زهراء: اي بس وياي عيني.

هاجر: لعد شكد متعذبة بحياتج؟

زهراء: خليها لله.

طب النه امير معصب وتربع بل كاع لان ماكو كراسي وكال:

امير: شلونج كلبي زينة ان شاءالله؟

هاجر: تتوقع اكون زينة واني يم واحد مخبل؟

امير: ترا مو مخبل. بس هو هيج.

هاجر: لا مخبل ونص.

طب تميم وكال:

تميم: منو مخبل؟

هاجر: انت.

تميم عصب حيل واجه يريد يضربني وامير كام اله. مدري شحجه بذنه وتميم مات ضحك. حرفياً صار يضحك عبالك مخبل. لا هاي العائلة بيها شي. كال امير:

امير: حوراء خابرت وكتلها على سالفتك وكالت شلون يسوي هيج وتريد ترزلك. عود تحمل.

تميم: وين غير اضحك عليها واخليها وياي.

امير: اذا ما اكللها اطلع كو****.

تميم: متصدك.

اجه صوت راكان وجان بل باب مال مطبخ وبيده تلفونوكال:

راكان: عود انتي سمعتي ماله داعي نكلج وتكولين جذب. شفتي الي تفضلي علي شكد جذاب.

اجه صوت بنية شابة من التلفون كالت:

... تميم طعنتني بظهري. اخخخ يمه تعالي شوفي ابن اخوج شكد جلب وجذاب.

تميم: اكلي خره. اني جلب؟ حوراء سدي حلكج ترا اشكه. اني مو راكان يسكتلج.

حوراء: مو مال شقة. تعال صدك خاطف حبيبتك.

تميم: لا جذب. شهل جذب هذا؟ ويني ووين الخطف؟

حوراء: بصراحة اتوقعها منك.

زهراء: خاطفها وهاي نحنا يمها.

حوراء: عزة بعينك ولك رجعها.

تميم: شلون تريد اسبها بابا. لتدخلين خليج وحدج.

حوراء: خلي احجي وياها امانة. ضل بالي عليها.

تميم: قابل كتلها حتى يضل بالج عليها.

حوراء: تسويها تميم فدوه خلي احجي وياها.

راكان قدم الجهاز الي وكلت:

هاجر: سلام.

حوراء: وعليكم السلام. شلونج؟

هاجر: الحمدلله وانتي.

حوارء: الحمدلله حبيبتي. خوما تميم ما أذيج؟

هاجر: انت ادرى بي.

حوراء: مو لان ادري بي اسئلج.

هاجر: اذاني.

حوراء: خلي يولي فد قندرة تميم. بس اشوفك اله اشك حلكك يا ادبسز. شمسوي بل بنية؟ كوه تحجي. الله لا يوفقك.

تميم جر التلفون مني وسده بوجها وطلع معصب. مدري شبي اجته الحالة. كعدوا الولد يكولون ورجعت اكل وياهم. طبخ زهراء طيب بشكل. واني مثل الثولة معرف اطبخ شي وهيا اكلها يشهي يفتح النفس. اجى بالي طبخ امي. اخخخ ياريت بس ارجع حتى لو اكل نعل اهم شي ارجع لحضنها لدفوها. اريدها بشكل. هسه شنو حال بابا؟ شنو حال حسن وحسين؟ البنات شلونهن؟ إيلا ورسل وهندرين ونور ويم وناريمان. شلون صارو هسه؟ احس من اذكرهم اختنك. كمت بهدوء اريد اروح لمكان ابجي بي واتذكر براحتي بدون شفقتهم عليه. ما احب احد ينظرلي بشفقة. كال امير:

امير: وين رايحه؟

هاجر: افوت جوه مالي خلك.

امير: بيج شي؟ احجي.

هاجر: اشتاقيت لهلي.

وانفجرت بجي. كام امير وكعد يمي ويمسح على شعري ويهدي بيه. زهراء واكفة كبالي يهدي بيه. حيدر صار عاجز مايعرف شيسوي. راكان بره ويا تميم شوية وفات تميم واجه مثل المخبل. دفع ايد امير وكومني واخذني للغرفة الجنت بيها وكال:

تميم: شنو بيج حبيبي احجي؟

هاجر: اريد اهلي. رجعني فدوه.

تميم: ارجعج والله بي. اريد وقت.

هاجر: ليش الوقت؟ فدوه رجعني. ماريد ابقه هنا.

تميم: والله بس هل يومين وارجعج. كومي وياي غسلي.

كمت غسلت ورجعت للغرفة. طلبت منه يعوفني وحدي وعافني. شويه واسمع صوت عياط بره. طلعت واشوف امير وتميم يتعاركون بل حجي. كال امير:

امير: انت غبي؟ اكو بعقلك شي؟

تميم: ماحب احد يلمس مرتي.

امير: مو مرتك هيا اختي. وهيا مجرد حبيبته ومو برضاها. فه اسكت احسن. كوه طايقك على فعايلك.

تميم: محد كلك تعال. اني ما طلبت منك تجي. روح إذا تريد. وبعدين مو اختك هيا هاي حبيبتي وعن قريب زوجتي. لا تدخل انت وما اسمحلك مرة ثانية تلمسها. هيا الي وبسسسسس.

امير: انتي غبي لو تتغابة؟ اني عرفتك عليها بفضل مرتي. صارت حبيبتك بفضل زهراء. انت كدرت تتعرف عليها وتصير حبيبها. لو نسيت زهراء شكد حاولت تقنعها؟ كاعدة وتجذب على البنية. هو حباب وخوش ولد. وانت ولا وحدة بيك. اشو لا حباب ولا خوش.

تميم: اني كو** انت شعليك على شنو حارق دمك؟

راكان: ترا مو حلوة هاي. انتو الي كلش سوه هيج. وتميم حركتك ما حلوة ابد. اني لو بمكان امير هم اسويهه. مابيها شي. هو يعتبرها اخته وهيا تعتبره اخوها.

تميم: انت انجب لتحجي شي مو مجربة.

راكان: تغار؟ يحقلك بس مو من امير. هو مزوج. غار مني من حيدر.

امير: الظاهر نسيت منو اني؟ مو نسيت شنو سويتلك. تبقى ناكر معروف وجميل. تبقى حيوان على هيئة بشر. طول عمرك تضل جوه متصعد لفوك.

تميم: دمشي لك. هو انت ياهو وتحجي هيج؟ روح شوف نفسك.

بقوا واحد ينطي والثاني ياخذ وهيج. بحيث فضحوا المستور. نصدمت من مشكلة سخيفة. طشرو بعض وفضحوا كل شي. هذول نفسهم الي جنت العب وياهم. اكيد مو هما. مبدليهم. امير......

.........

انتهى البارت

شتكولون تصرف امير صح وليش هيج تميم ضايج؟

تميم يكول: "عينَاكِ رواية، أيا ليتني كُل القارئين."

أمير: كافي لعبة، روحي. منك اني هنا لان ما ضلت الي ثقة بيك.

تميم: ليش بله؟ شسويت؟

أمير: المفروض انت ماتسأل على فعلتك وتكون رافضها وكاره روحك بسبب غلطك.

تميم: كتلك مو بوعيي، ما حسيت على روحي لحد ما اجو الولد.

أمير: عذر أقبح من ذنب.

حيدر: كافي عاد، اشو ما عاد تستحون هيج فضحتو نفسكم. هسه بربكم انتو هم ولد عم. روحو طمو بنفسكم. بل طين ما خليتو ستر على بعض، فضحتو المستور.

تميم عاف المكان وطلع. صار بوجهي، باوعلي من فوك لجوه وكال:

تميم (بعياط): لغرفتج!

خفت، روحت ركض للغرفة. من الخوف اصبع رجلي الصغير انضرب بطرف الباب. بقيت أتلوى من الوجع. كلش يوجع.

شوية ودخل أمير، كال:

أمير: شلونج؟ ان شاء الله أحسن؟

هاجر: زينة بوجودك.

أمير: كلش زين، ابقي قوية. هسه كم يوم وترحين عادي. بس الي أريده منج ماتكولين انو تميم الي خطفج. تكولين معرف لان تصيرله سالفة.

هاجر: هيج خايف عليه وهو قبل شويه يصيح عليك؟

أمير: ادري بيه معصب واني هم ماسكتت. بس حتى لو تعاركنه، يبقى عزيز على كلبي.

هاجر: عجل علاوي وين خليتو؟

أمير: يم امي واجيناج بسرعة.

هاجر: عطلتكم أعرف.

أمير: لا تكولين هيج. الله مارزقني خوات بس عوضني بيج انتي اختي الي ما جابتها أمي.

رد تميم:

تميم: ها، ابن الجلب زعلان مني؟

أمير:

تميم: اهو، عود يغلس عليه حبيبي. هاي تصرفاتي.

أمير: اي حبيبتي، بعد وين رحتي وين اجيتي؟

هاجر: وين أروح واني هنا؟

أمير: شلون جابج الي ما يتسمى هنا؟

هاجر: ههههههه، جنت ويا أهلي ورحت لوحدي شويه، وخطفني.

أمير: شني هل فلم الهندي؟ معقول محد اكو؟

هاجر: المطعم الي رحناله جان جديد بمنطقة جديدة، هسه جاي يبنون بيها وجان ليل، فه محد عرف ومحد جان اكو.

تميم: اكو حيوان جاي يحجي وياك.

أمير: صدك، بس الحيوان شلون يفهم كلام البشر.

تميم: ليش انت حاسب روحك على البشر؟

أمير غلس واجه تميم كعد بصف أمير وضرب كتفه وكال:

تميم: اخوي العزيز، اريد منك شغلة.

أمير: غرد.

صاروا يحجون، والي فهمته انو شلون راح يخابرون أهلي.

تميم طلع تلفونه وكال:

تميم: حافظه رقم أحد من أهلج؟

هاجر: اي، رقم بابا.

تميم: كلش حلو، جيبي.

رديته اله واتصل على بابا. رد بابا.

تميم: السلام عليكم.

علي: عليكم السلام، تفضل.

تميم: اني خاطف بنتكم...

اجه يكمل رد بابا:

علي: وينها؟ انت وينك؟ ليش خطفتها؟ اشتريد منها؟

تميم: بس خليني أحجي، اسمعني زين. بنتك ما أعرفها بس اعرفكم انتو واعرف عدكم فلوس واريد فلوس حتى أعوف بنتكم بحالها. ولا تخاف محد أذاها بس الكم يومين لو الفلوس يمي لو بنتكم تروح.

علي: اشكد تريد؟ اني حاضر، احجي.

تميم: .....

علي: هاي هيا، اليوم يجوك.

تميم: خليها الباجر لان هسه تعبانين نريد نام.

علي: يول ابن الجلب، كتلك اليوم. ماريد بنتي تضل يمكم.

تميم: لا، خليها يمنه نتونس، عود باجر ندزها. ههههه.

علي: ابن ال****.

سده بوجه بابا. عصبت وكالت:

هاجر: اشون تحجي مع بابا بهل طريقة؟

تميم: حتى يعرف خاطف مو جاي أتونس.

هاجر: اطلع بره.

تميم: شنو؟

هاجر: اطلعععع برههههه.

أمير: اطلع ياعيني.

طلع تميم وعافنه. كال أمير:

أمير: ضايجة على ابوج؟

هاجر: كلش، ماشفت الغصة بحجيه.

أمير: شفتها يعمري. تضل حجي، باجر ترجعين. بس مثل ما كتلك وتميم لا تعوفيه لان يمكن يكررها ومو بس هيج ويسوي شغلات ماتجي بال. تجفي شره.

هاجر: ادري.

بقه يحجي وياي وطلع. بعدها بقيت أفكر اذا بابا ما كدر يجيب المبلغ شلون أضل يم تميم. بس أكيد جدو يساعده، ما يعوفه. وأعرف عنده فلوس بكد رحمة الله. بس المبلغ مو قليل، حيل مو قليل. راح يكسر ضهرهم بي. بس هما مو محتاجين، ليش ياخذ هيج مبلغ؟ طردت الأفكار من راسي ورحت أنام.

نمت ما حسيت غير زهراء تكعدني.

« إيلا »

كاعدين كلنه والخوف مبين بوجوه الكل. بل بدايه جنات وأسيا وأسيل ما خافن بس هسه خافن عليها. مادري شلون حن كلبهم عليها. اكو كثير أسئلة براس الكل.

شوية ودك تلفون خالو علي. فز وكال:

علي: رقم غريب.

جدو: رد بسرعة.

فتح الخط وفتح سبيكر علمود الكل يسمع. الولد طلب مبلغ عالي بشكل. بس محد اهتم لان يكدرون يدفعون بكل سهولة. دارت محادثة بينهم طويله وتخوف ومليئة بقرف من حجي الولد. وبعدها سده بوجه خالو علي، وخالو يشيل روحه ويركعها بل كاع. حقو هاي بنتو، ويحجون بطريقة تلعب النفس. حسيت سامعة صوت الخاطف. بس وين مادري. كال جدو:

جدو: المبلغ غدا يصير بيدك.

علي: اي عفيه، لان والله ما عندي هيج مبلغ.

تامر: عيب تحجي هيج. أنا أدفع، هم هاي بنتي.

علي: ماتقصر يا خويه.

ثامر: حتى أنا أدفع.

جدو: ما يحتاج، أنا عندي واطيق (أقدر) أدفع هيج مبلغ. ما عليكم، إلياس ويونس تعالو معاي.

ثامر: خليها الصبح، وين تروحون بهل ليل؟

جدو: ميخالف، هاجر تستاهل.

طلع جدي والولد، وبقينا نحنا. عمه مروة وضعها ابدمو مستقر. يرتفع الضغط عدها وهي مريضة قلب. حيل خايفين عليها. ما صدكنا تتحسن حالتها وهسه رجعت انتكست. كال تيم:

تيم: راح نضل ننتضر. والله راح أموت.

عمر: مجبورين. بس لو أعرف منو خطفها، أنعل والدي.

تيم: اخ لو أعرف. هسه هيا من تجي تكللنه، أكيد تعرف.

رسل اجت كعدت يمي وتحجي بهمس:

رسل: صوت الخاطف سامعتو؟

إيلا: عبالي بس أني سامعتو.

رسل: منو تتوقعين؟

إيلا: ما عرف.

رسل: معقولة إلياس؟

إيلا: أكيد لا، ماتشوفه راح يتخبل.

رسل: هم صح. عجل منو؟

إيلا: معرف، بس الصوت أبد مو غريب عليه.

رسل: حتى أني.

أميرة: اشبيكم عتحجون بصوت ناصي؟

رسل: ماكو شي، بس عنحجي بموضوع هاجر.

أميرة: أحس راح أتخبل.

« هاجر »

هاجر: تعبت، أريد أرجع لأهلي.

زهراء: اوف، والله أمير كلي شسوه أبوچ. حسيت من كلام أمير يريد يموت بس حتى يعرف خبر عنج.

هاجر: اي، وتميم يستفزو ويحجي بقرف. نزل من عيني.

زهراء: مخابيل عدنا والله. ماتوقعت يسوي هيج أبد.

هاجر: ولا أني. عبالي بس يهدد.

دخلو الولد يتغدون ويانه، كملوا وطلعوا للصاله. زهراء وددت جاي الهم، وجان تميم يكول:

تميم: اشش، لحد يحجي. راح أخابر عمي.

أمير: وإذا حجينه عادي، قابل عمو إدريس يضوج؟

تميم: مو عمو إدريس، عمي علي أبو هاجر.

سكتنا، وهو خابره. رد بابا:

علي: منو وياي؟

تميم: ما عرفتني.

علي: هاي أنت وين وليت؟ ليش أدك عليك ماكو.

تميم: أني مو غبي، كل ما أحجي وياك أكسر السيم كارت وأجيب غيره.

علي: ما يهمني، أريد أحجي مع بنتي.

تميم: اي تحجي، ليش لا. ثواني.

اجه يمي وهمس بذني:

تميم: تحجين وتسوين نفسج خايفة، ماتكشفين منو نحنا. ديري بالج، ترا أنتِ يمي.

هزيت راسي وانطاني التلفون. حجيت كوه وصوتي مخنوك:

هاجر: بابا.

علي: ياروح أبوچ، ياعمر أبوچ.

هاجر: طلعني من هينه، حباب.

علي: أطلعج، والله اليوم ماتضلين. بس على كيفج، لا تبجين. عبالك دموعج نار على كلبي.

هاجر: خلصني منهم، حباب.

علي: أنعل أبو الي ما يخلصج، بس اهدئي. أحد أذاج؟

هاجر: لهسه لا.

علي: حبيبتي، ديري بالج على نفسج. اليوم ننطيهم الفلوس.

هاجر: اي، حباب لا تتأخر. ماتحمل أضل يمهم.

تميم أخذ التلفون مني وكال:

تميم: خلي نتفق شلون راح تجيبون الفلوس وأستلمها.

اتفقوا على مكان، وتميم حذر بابا انو يجيب أحد وكال:

تميم: أجيك أستلم الفلوس، بنتك تبقه يمنا. وإذا خبرتو الشرطة عليه وانلزمت، بنتك تموت. بنتك تروح لربها، فهمت؟

علي: مو أثول حتى أجيب الشرطة. وأعرف بنتي ماراح تسلموني هيا قبل ما تاخذون الفلوس. بس أشنو الي يضمنلي بنتي محد يأذيها بعد ما تاخذون الفلوس؟

تميم: كلمة زلمة، لا تخاف. ما أخلي أحد يجي يمها. هيا بأمانتي، بس اذا لعبتو بذيلكم، بنتك بحححح. خوش.

اتفقوا وسد الخط. اندار الي وكال:

تميم: تعرفين تمثلين؟

هاجر: منو كلك جنت أمثل؟

دحك عليه بعصبية بس سكت وكال:

تميم: انطيت كلمة لابوج، محد يمسج بشي.

بعدها راحوا وجهزوا نفسهم وطلعوا يجيبون الفلوس. والي بقه ويانه حيدر، جان طول الوقت يطمنه انو ماراح يصير شي. لان زهراء بالها يم أمير وحقها صراحه. طولو لحد الليل. ساعة 11:49 فاتوا، جان مبين على وجهم التعب. كال راكان:

راكان: خلوني أحجيلجن شصار.

أمير: أني أحجي.

راكان: بداعت بيبي، أني أحجي.

أمير: حلفتني بل عزيزة، احجي.

« راكان »

طلعنا والخوف واضح على وجوهنا. ما عمرنا سوينا هيج شي. تميم لازم يورطنا، أبداً. كلبي مو مرتاح. كلت:

راكان: يا ولد، أبد مو مرتاح.

أمير: شلون أصارحك؟ حتى أني.

راكان: كله بسبب هذا المهيلك.

تميم: معاجبك؟ ارجع، بعدنا مارحنا.

راكان: أخليك وحدك؟ عيب ولك.

تميم: جا سد حلكك.

وصلنا للمكان المتفق عليه، نزلنه وجان اكو اثنين واكفين شوية بعيد. قربنا عليهم، طبعاً نحنا ملثمين ومو مبين شي، حتى عيونه مو مبينة. انتظرنا لليل حتى ما يشوفونا. اجه رجال مو كلش جبير، تقدم وكال:

علي: بنتي وينها؟

تميم: مو كتلك بنتك ماتجيك لحد ما أخذ الفلوس وأتأكد محد ورانه. بعدين أدزها الك.

علي: شنو يضمنلي بنتي ماتتأذه؟

تميم: نحنا مو بحاجتها، بحاجة الفلوس.

علي: زين بنتي اشعليها؟

تميم: والله عرفنا بنت عائلة وفلوس، كلنا ماكو غيرها.

أمير: وين الفلوس؟

علي: تيم، الفلوس.

اجه الي اسمه تيم وانطه أمير جنطة، الضاهر بيها فلوس. فتحها أمير وبل فعل بيها فلوس. كال أمير:

أمير: الفلوس كاملة؟

تيم: ماناقص ربع. ايمتا ترجعون بنتنه؟

تميم: باجر.

علي: أيما وقت؟

تميم: مادري، عود من تجي تعرفون.

اندارينا نروح، كال الي اسمه تيم:

تيم: بنت خالي، اذا يصير بيها شي، أنهيكم.

تميم: لا تحمه فدوه.

تيم: أنعل الوالديك. هسه بس أخاف عليها لان هيا بيد ولد حرام. معرف شيسون بيها.

تميم عصب حيل واجه يروح يضربه. أمير لزمه وكال:

أمير: غلس.

غلسنا ورجعنا.

« هاجر »

راكان: وهاي نحنا كدامك.

هاجر: كلت تيم اجه ويا بابا.

راكان: اي، هو ناده باسم تيم.

هاجر: يعمري، ما خله بابا يجي وحده.

تميم: اكلي خره، شني يعمري؟ اشك حلكج.

هاجر: معليك، ما يخصك.

تميم: صبرني ياربي. اذا تبقين هيج ما أرجعج.

هاجر: أخذت الفلوس، شتريد مني؟ رجعني.

تميم: مو فرحان فلوسكم؟ ترا هاي الفلوس أخذتها حتى أبين انو موضوع خطف لا أكثر.

كام أخذ الجنطة وطلع الفلوس وحطها كدامنه. زهراء شهكت. طلع جكارة وشربها، خلصها ذبها فوك الفلوس واحتكّن. مابقا منهن شي. محد حجه. الضاهر يعرفون يريد يسوي هيج. متت قهر، هذا تعب بابا. كلت:

هاجر: هذا تعب بابا وانت جيت وشعلته كدامي. اشكد ما تستحي؟ الله ياخذك.

عصب حيل بس هم غلس عليه. عرفت شما راح أحجي ما راح يسويلي شي، لان انطه كلمة. عشتو كلتها.

هاجر: لو فلوس أبوك يهلك، تشعلها؟ الله يشعلك.

تميم: سدي حلكج. كوه متحملج.

هاجر: الله ياخذك، أكرهك.

اجه يمي واني ركضت للغرفة وسديتها. ماكو قفل. وكفت وراها واسد الباب. لكن هو أقوى، فتح الباب وطب. واجه ورا أمير ولزمه. كال تميم:

تميم: هدني، أنعل والديها.

هاجر: كل خره، لا تحجي على أهلي.

تميم (بعياط): عوفني، ماتسمعها؟ اليوم أشكج.

هاجر: زلمة، الله يسلمك.

أمير: اسكتي، شبيج انجليتي؟ راح يجنزج. اسكتي.

تميم: اني أعلمج، بسيطة.

طلع وعافنه. أمير لزم ايدي وكعدني وكعد يمي. وطبت زهراء. كال:

أمير: ما يصير تحجين هيج.

هاجر: شعل كلبي من شعل تعب بابا.

أمير: هاي حركهم علمود يبينلج هو ما خطفج علمود فلوس وعلمود يبينلج انو يريدج وحتى يحرك كلبج مثل ما حركتي كلبه من عفتي.

هاجر: حرك كلبي لما حاول يعتدي عليه، بس ماله حق يشعل تعب بابا، سهر سنين حتى يجيبها. وهاي مو بل ساهل تجي وانتو طلبتو مبلغ صعب.

أمير: هذا المبلغ الصعب تميم يجيبه بيومين. واني هم، نحنا عائلة عدنا خير بسبب جدي الله يرحمه.

هاجر: ايمتا أرجع؟

أمير: والله ما أدري، هسه أشوفه.

طلع أمير وعافني. اجت زهراء يمي وحضنتني وكالت:

زهراء: أبوچ دفع هاي الفلوس لسلامتج. أبويه ياخذ هاي لفلوس لأذيتي.

صفنت عليها، كلت:

هاجر: ما فهمت.

زهراء: أنتي أبوچ ضحى بهيج مبلغ جبير. أما أبويه يضحي بيه بربع هذا المبلغ.

هاجر: تشاقين؟ وين اكو هيج أب؟

زهراء: لا تستغربين. من أروح زعلانه ما يتحملني ويرجعني، حتى ما يتحمل أكلي وأكل ابني ومصروفنه. ياخذ من أمير فلوس ويكله اخذها، أمي تسكت. ماتكدر تسوي شي. وهيا تكلي أرجعي، خلصي من حياتج ويا أبوچ. بس المشكلة حياتي ويا أمير كابوس.

هاجر: أمير مبين يحبج كثير وهو حنون.

زهراء: ما أنكر حنانه ولا حبه، بس يدمرني بتصرفاته.

هاجر: شلون؟

زهراء: حب التملك الي عنده قاتل. غيرته قاتلة. لا زم أكون إله بس. تخيلي يغار من علي؟ يغار من ابنه؟

هاجر: ما أصدك.

زهراء: وداعت ابني.

هاجر: عجل اشكد متأذية؟

زهراء: بكد رحمة الله.

هاجر: كلمتي. ههههه.

زهراء: خرب يومج. دعوفيني حزينة شويه. لازم تضحكيني وتخربين الحزن والدراما.

هاجر: اضحكي، محد يستاهل. وداعت عيونج.

طب تميم مبين هادئ عكس قبل شويه وكال:

تميم: كومي أوديج لأهلج.

هاجر: خوش.

كمت لان ما عندي شي أخذه وطلعنا. كلت:

هاجر: نروح وحدنا؟

تميم: اي، لان عندي حجي وياج هم.

هاجر: ما أروح وياك وحدنا.

تميم: سبب؟

هاجر: ما أثق بيك.

عصب حيل وجرني من زندي وكال:

تميم: تنجبين؟ شنو ما أثق بيك؟ تمشين وياي وانتِ الممنونة. وإذا تعصبيني أكتلج وأخلص منج.

بعدته عني وكلت:

هاجر: أني ما أتهدد. فهمتتتت.

تميم: صوتج لا أرفعه.

غلست عليه ورحت كعدت على كرسي قريب علينه. اجه كومني وكال:

تميم: لا تستفزيني وحافضي على نفسج. مو مسؤول عن تصرفي، فهمتتتيييييي.

هاجر: خوش.

خفت من عياطه بس سويت نفسي عادي وطلعت. وصعدت بل صدر، رغم خايفه منه وابد ما أثق بي، بس طلعت لان أريد أهلي. وأعرف ماراح أحد يجي ويانه لان يثقون بي، بس أني أبد ولا أثق بي. كال:

تميم: مو من ترجعين تغلسين عليه، ترا أرجع أخطفج. بس ما أخلي أحد يعرف بيج وين تبقين يمي. حتى أمير ما أخلي يندل مكانج.

هاجر: كافي تهددني، فهمت.

تميم: عفيه شطورة.

باس بوسة بل هوى. باوعتله متقززة. كال:

تميم: عيونج لا أفكسها.

بقينا نحجي فتره كلش طويلة، مدري وين ماخذني. بعدها كمت أعرف المكانات، بس هو الضاهر ما يعرف، لان مطلع بل موقع ويمشي. بعدها فتنه منطقة قريبة حيل على منطقتنه. كلت بفرح:

هاجر: راح نوصل. هاي قريبه علينه.

باوعلي وابتسم. وصلنا المنطقة. عيوني تتفحص لبيوت. شفت بيت رزان، كلش مشتاق لها. بعدها وصلنا بيتنه. نزلنا واجه يمي بدون مقدمات، حضني ويشم بيه. كلت:

هاجر: ابتعد عني، حباب.

تميم: اششش، خليني اشمج لان بعد ما أشوفج فتره طويلة.

سكتت، مدري شنو الي منعني أحجي. بعد تقريباً خمس دقايق عافني. ابتسم بوجهي وكال:

تميم: راح أنتظر براس الشارع لحد ما يفتحولج الباب. أروح.

هزيت راسي وهو تحرك، واني دكيت الباب بقوة. أريد يفتحو بسرعة، أحس راح يرجع ياخذني منهم. فتح الباب بابا، وكعت بحضنه أبجي. وهو من الصدمة ما حجه شي. بعد سلام، طبينه جوه. شفت الكل، حرفياً كلهم موجودين، بس ماما ماكو. كلبي صار يدك بسرعة. كلت:

هاجر: ماما وين؟

علي: بل غرفة.

رحت ركض الها. فتحت الباب، جانت نايمة وفزت على فتحت الباب. شافتني وصرخت وصارت تبجي. اجت حضنتني وتبجي. بقيت فتره بحضنها، محتاجتها. كمت وشفت الكل ورانا. رحت سلمت عليهم كلهم. وبعد ما خلصنا، جان واضح التعب بوجهي. كال بابا:

علي: روحي نامي، ياروح أبوچ.

طلعت على غرفتي ورسل وإيلا وراي. كلتلهم اسبحوا واجي. ما حجو شي. سبحت وطلعت. ما كالو وين جنتي، واني ما حجيت. محتاجة أنام بـجربايتي. كعدت الصبح على لمسات ماما. عبالي حلم، ما حبيت أفيض منه. بعدها ماما كالت:

مروة: كومي، ياروح أمي.

فتحت عيوني وحضنتها وبديت أبجي، أريد أشكي لها. طلعنا نتريك وكملنا. جدو كال:

جدو: احجيلنا كل شي، أبد لا تخبين شي.

حجيتلهم شلون انخطفت وشلون الولد جان يلحقني. وكلت:

هاجر: الي استغربته، محد أجه يمي يجيبولي لاكل ويرجعون يطلعون.

تيم: ماشفتي أحد منهم؟

هاجر: لا، كلهم ملثمين. ماميزت أحد بيهم.

تيم: لازم نسلمهم، بس اشون؟

جدو: ما أعرف اشون أجيبهم.

كالت جنات:

جنات: معقولة طلعتي من يم شباب؟ بنت؟

ما فهمت جملتها، بس عمي ثامر وتامر وبابا وجدو عاطوا بوجها وسكتت. كال جدي:

جدو: حفيدتي شريفة. والي يحجي عليها أكص لسانه. فهمتو؟ الموضوع ينسد.

هنا أدركت شنو جانت تقصد بكلامها. نزلت دموعي وكلت:

هاجر: لا تخافين، محد لمسني.

جنات: ركبتج شبيها؟

هاجر: ضربت واحد منهم حتى أفهم ليش أني يمهم. وضربني. معرف اذا اقتنعوا أو لا، بس ما يهمني. كلت:

هاجر: اذا مامصدكين اني مابيه شي، نروح نفحص دم دكتورة.

علي: بنتي مابيها شي، والي يحجي عليها أشكو.

رحنا لغرفتي وحجيت ل إيلا ورسل على كل شي. وانصدمن. كالت رسل:

رسل: اشون دبرها كل هاي؟

إيلا: شيطان مو بشر.

هاجر: حاول يعت* عليه.

شهكن اثنينهن. كالت إيلا:

إيلا: تشاقين؟ وشصار؟

هاجر: اجو راكان وحيدر وطلعوا من يمي.

رسل: نزل من عيني حيل.

هاجر: بس يكول مو بوعيي. معقول جان شارب؟

رسل: ريحته مو حلوة.

هاجر: بل عكس، حلوة.

إيلا: قصدو الشيطان مسيطر عليه.

هاجر: وين اكو شيطان مسيطر على إنسان؟

إيلا: مادري والله.

رسل: يعني الشيطان لعب بعقله، مو شيطان بي.

هاجر: مادري والله.

إيلا: يعني الأثر الي بركبتج منو؟

هاجر: اي.

إيلا: لازم يروح بسرعة، بس اشون؟

رسل: يومين ويروح.

هاجر: هاي صار ثلاث أيام مدري أربعة، وما راح.

رسل: جسمج حساس، أعتقد يطول أكثر.

هاجر: قرفانة من نفسي، أريد أشيله. اشون؟

رسل: اهدي، ميخالف. المهم تهدين وتاخذين راحة. من كل شي ابتعدي عنو، نصيحة.

هاجر: خلاني أرجع لان كتله، أرجع أحجي وياك وترجع علاقتنا.

رسل: غلط سويتي.

هاجر: لو ماسويت هيجي جان أني مو يمكم.

رسل: وبعدين اشون؟

هاجر: أضل أسوي مشاكل وأخلي يكرهني، وخلصت.

رسل: انتي أدرى.

اجت عمه أميرة وكالت:

أميرة: بنات اطلعو بره، أحجي معاها.

طلعو البنات وبقينا أني وياها. كالت:

أميرة: احجيلي، اش صار؟

هاجر: حجيت كدام الكل، ماكو شي أضيفه.

أميرة: الأثر الي بركبتج شنو؟ لا تقنعيني ضربة. متصير. احجيلي.

هاجر: يعني محد قتنع؟

أميرة: الي بره كلهم مقتنعين، بس أني لا.

هاجر: ليش؟ حتى ماتقتنعين؟

أميرة: أعرف أحسن منج. احجيلي.

هاجر: أحجي، بس محد يدري بلي أكوله.

أميرة: أسمعج.

هاجر: واحد بينهم حاول يعت* عليه.

شهكت وحطت ايدها على كلبها وكالت:

أميرة: اش عتحجين؟ واش صار؟

هاجر: ما صار شي، اجو اثنين وطلعوا.

أميرة: يعني ما صار شي؟

هاجر: اي، بس خله هذا بركبتي.

حجت وياي شويه واستني وطلعت. بعدها محد دخل. تمددت أنام، لان جنت هناك ما أنام. وإذا أنام أفيض بسرعة. من خوفي على نفسي. ومن باسني بركبتي مانسى كلامه من كال:

تميم: هاي أثر الج، تذكرني بي، وتعرفين انو أني كادر على كل شي، وما أحد يوقفني.

أحاول أستوعب كلامه. معقول؟ بس جان يريد يخوفني. ولأن أني سمعتهم يحجون هيج خفت، وعبالي يسويه. بعدين مستحيل يسويها. أني حبيبتو، شنو يستفاد؟ أكيد ولا شي. واستوعبت انو هو خلاها ذكرى تخوفني منه. والي أكد كلامي زهراء، سمعتهم يحجون. وجان يكول مجرد خوفتها. واني شفتها واكفه تسمع، كلت انو مو بوعيي. يعني ضحك عليه وخلاني أعيش برعب علمود أنفذ كلامه وأطلع. نمت واني أفكر. كعدت على صوت مسج اجاني. فتحت عيوني بنعس، لكن من شفت صاحب المسج، تعدلت بسرعة وبقيت أفرك بعيوني. كاتب:

💬 تميم: شني حبيبي؟ نسيتي الاتفاق؟

💬 هاجر: لا، بس احتاج فترة راحة. صدكني تعبان، ما ألي خلك لشي. اعطيني كم يوم أنسى الي صار وأرجع أحجي وياك طبيعي. بس خلي أنسى الي سويته بيه.

💬 تميم: براحتج. عندج أسبوع، ارتاحي بي. من ماراح أدز شي، بس بعد هل أسبوع نحجي.

دزيت اوكي وطلعت. وثاني يوم اجن رزان وريماس وسارة. وضليت أبجي. وهم كتلهن هو خطفني، وانصدمن.

رزان: شلون هيج؟

ما جبتهن سيرة الاعتداء، لان هيا جانت بغلط تفكير مني ونيته يخوفني ونجح بهل شي. ماله داعي أحجي بي. كضينا يوم حلو ويا البنات. جان يوم يجنن. بعدين اجو خالاتي والكل عرف بسالفة خطفي. والبنات مبين خايفين عليه. جنت بس أصفن. مادري شبيه. بارق جان موجود وكال:

بارق: شني خاله؟ مطعمين هاجر لحم مطايه؟ شو بس تصفن؟

الكل ضحك. جان يريد يونسني. هل إنسان قمة بل أخلاق، حيل يشاقي. نيال الي تاخذه. بس المشكلة هو رافض الزواج، ليش محد يدري. بقوا لليل وراحوا. ثاني يوم اجو عمامي وعماتي. مجان عندي طاقة أكعد وياهم. رحت لغرفتي. شويه واندك الباب. كلت:

هاجر: تفضل.

دخل إلياس، وجان وجه ما يتفسر ومبين ضعفان. كال:

إلياس: شلونج؟

هاجر: الحمد لله. وانت؟

إلياس: من رجعتي صرت زين.

هاجر: شكراً.

إلياس: ما عرفتي أحد بيهم؟

هاجر: لا.

إلياس: ليش؟ تريدين تحميهم؟

هاجر: ما أحمي أحد، بس صدك ما أعرف أحد بيهم.

إلياس: لا تجننيني. بقيتي أسبوع يمهم، مو معقول. ما سمعتي واحد يصيح على أحد بيهم باسمه؟

هاجر: لا، جان الهم ألقاب.

إلياس: اشون ألقاب؟

هاجر: جاي تحقق وياي، عبالك ضابط.

إلياس: ترا امتحنت سادس، واذا انجح ادخل كلية عسكرية.

هاجر: اي، بيها الخير.

إلياس: ليش هيجي كارهتني؟

هاجر: نسيت شسويت.

إلياس: ماراح تنسين.

هاجر: أبد.

إلياس: انسي حبابة. أني أحبج.

عصبت وكلت بعياط:

هاجر: انتتتت شنووووو؟ فهمنيييي اشونننن تحببببثنيننننن بنفسسسس الوقتتتت؟ فهمنييييي انانييييي! بس تريددد لنفسكككك.

مسك أيدي ورفع راسي بيده. يحجي وياي وسكت، وجان يدحك على ركبتي وعيونه صارت حمر وعصب. وكال:

إلياس: شنووو هاييييي؟

هاجر: شنو؟

إلياس: الي بركبتج شنوووو؟

هاجر: عضتني بكه.

إلياس: روحي اضحكي على غيري بهاي الجذبة. أحد قرب عليج؟ احجي حبابه.

هاجر: ما عاش الي يقربلي. أنهي نسيت اني منو.

إلياس: مانسيت والله. بس طمنيني. راح أجي.

هاجر: لا تجن، ماكو شي من الي بالك.

إلياس: خوش، أوعدج بس أدخل كلية عسكرية، أخذ حقج منهم وأجيبهم جوه رجليج. وأصلاً عرفت كم شغلة.

كام وطلع. وكف بل باب وكال:

إلياس: الي خطفج واحد اسمه.........

إلياس: أمير، له يد في الموضوع؟

انصدمت، كيف عرف؟ قلت بسرعة:

هاجر: لا أمير، ما له علاقة.

إلياس: لا تكذبين، قول لي. ليش خطفك؟ ماذا يريد منك؟

هاجر: مو هو، أنا أعرفه. وبعدين، ما مصلحته يخطفني؟

إلياس: أحاول أصدقك. إن شاء الله، ما له يد في الموضوع. لأن ساعتها، راح يندم. ويندمك لأنك تعرفت على ناس زبالة.

عافني وطلع، وأنا بقيت مصدومة. كيف عرف؟ من قال له؟ ما معقول البنات؟ لأنهم معي. يا ربي، من قال؟ ضليت أفكر، تعبت من التفكير. راسي صار يوجعني.

أجن إيلا ورسل، قعدوا يمي يغيرون نفسيتي. قلت:

هاجر: إلياس يقول لي: "أمير له يد في خطفك".

صدمتهن مو أقل من صدمتي. قالت:

إيلا: كيف عرف؟ من قال له؟ هاجر، أنتِ حكيتِ لأحد؟

هزيت رأسي بالنفي. قالت رسل:

رسل: كيف عرف؟ أريد أفهم.

إيلا: هاجر، لازم تخليه يبتعد عن موضوع خطفك، لأنه مبين راح يعرف.

هاجر: سألني وحقق معي، كأنه ضابط أمامي. مو إلياس.

إيلا: البارحة طلعت نتائج الخارجي، وإلياس ما طلع المعدل اللي يريده. وقالت خالة إنه راح يقدم كلية عسكرية بهل كم يوم.

هاجر: هذا الناقصنا. تخيلوا يصير عسكري؟ يا رب، منو راح يخلصنا؟

طلعن البنات، وجيت أنام. نمت وفزيت على كابوس مرعب. أبكي وأصيح، وأتخيل شغلات. الكل طب علي، يهدون فيني. وأنا على نفس الصرخة. ما هديت. أبكي، عيوني تحرقني، وراسي يفتر. قال أبو علي:

علي: بس أحكي، إيش فيك؟ قولي لي.

ما أقدر أرد، لساني انربط. كوة طلعت من حلكي كلمة:

هاجر: ما يعوفني، ما يعوفني.

الكل فهم إن سبب الكابوس هو خطفي. كنت خايفة بشكل. بس أحضن بابا وأبكي. ما أقدر أسوي شي.

مرت يومين، وأنا كل ما يمر يوم أختنق. لأني راح أرجع لنفس السجن. قررت أراسل تميم، أقول له يعطيني وقت.

دزيت رسائل، ما رد فوراً. اتصل، ومبين معصب. قال:

تميم: أنا قلت أسبوع، ما قلت شهر.

هاجر: حباب، افهمني. والله ما أقدر. بس أحتاج وقت. تميم، فدوه افهمني.

تميم: لا تخبليني. راح أجن. ليش تكرهيني هيك؟ بس فهميني.

هاجر: ما أكرهك، بس أحتاج وقت أنسى اللي صار.

تميم: إيش صار؟ محد آذاك؟ يمنا معززة مكرمة.

هاجر: محد آذاني. بس أنت آذيتني.

تميم: بس فهميني، إيش سويت.

هاجر: راجع نفسك، راح تعرف. وأتمنى وقت لا أكثر.

سديته بوجهه. أبداً ما عندي طاقة أحكي وياه. كارهته وكارهة روحي. ليش أفوت بالحرام؟ كيف ارتبط؟ حرام. ما كنت مهتمة للحرام. راح أموت. تفهم تميم حالتي وعافني. قال: من تصيرين زينة، تعالي.

كل يوم أنام وأكعد على كابوس. حاروا فيني، وين يودوني؟

مر أسبوع، والكل مخبوص فيني. عمي ثامر عزمني وعزم الكل. وأنا كوة رحت. مالي رضا أروح. تعبانة، مو يمهم. يحجون ويضحكون، وأنا مخنوقة. طول هاي الأيام ما أضحك. تيم يحاول معي، ما يفيد. عمر، وحتى إيلا ورسل وإيليف ولارا. ما ضل أحد. حتى أسيل جت تضحكني. بس الكل فشل. ما أقدر أتخلص من صدمتي. وأنا أقنع روحي ما يخوفني. كان يريد يكسرني. كان يريد ياخذ أعز شي عندي، علمود نفسه وكبريائه. كل يوم أحلم به وبنفس الموقف الوسخ. وأكعد أتخيل لو حيدر ورأكان ماكو، شكان صار فيني. جان نفذ تهديده.

من يقول لي: "أرجعك حامل". معقول يسويها؟ ليش مو معقول؟ مو حاول يسويها؟ أتعب من التفكير.

عمي ثامر قال:

ثامر: جوجو، روحي صيحِ جنات من غرفتي.

هزيت راسي ورحت لغرفة عمي ثامر. وأجيت أدخل، وكفني صوت جنات تقول:

جنات: مستحيل. كيف؟

أسيل: ماما، أنتِ إيش تعرفين؟ بلّكي محد أجه يمها.

جنات: لا تصغين، ثولة. وين اكو وحدة بين شباب وما حد قرب عليها.

ردت وحدة، الظاهر تحكي بالتلفون. قالت:

... جنات، حرام عليكِ تتهمين البنت.

جنات: ما أتهمه، بس شفتي حالته؟ لو لا؟ كل يوم تقعد على كابوس وتصيح: "حباب، عوفني. ما أريدك. عوفني". إيش يعني؟

أسيل: بلّكي أحد راح يكتلها.

جنات: بعدكِ تحبها؟ كل مرة تعمل مشاكل بينكِ وبين إلياس. نسيتِ؟ كان راح يتزوجها عليكِ.

أسيل: ما أحبها، بس بلّكي خايفة من الخطف.

جنات: صح كلام بنتكِ. ما شرط يكون عملوا لها شي. يمكن بس خايفة من الخطف.

جنات: أحلف إذا ما أحد قرب عليها.

بعدهم يحجون بعرضي. محد نسى. كلّهم مقتنعين إني ما فيني شي. أكيد، هسه بابا وماما يشكون فيني، بس ما يحجون. فقدت. أبكي. رحت لغرفة عمي. مخليها للضيوف. وجهازي بيدي. اتصلت على تميم فوراً. وهو رد. قلت:

هاجر: الله يأخذك يا جلب. الله يخلصني منك. خره على الساعة اللي عرفتك بيها، يا قندرة. عوفني بحالي. أكرهك. الله يأخذك.

عاط فيني وقال:

تميم: إيش فيك؟

هاجر: الله يأخذك. محد مصدق فيني. كلهم يشكون فيني. الله يأخذك.

تميم: فهميني، إيشكو؟ إيش فيك؟ ليش هالبكي؟ والله ما جاي أفهم إيش فيك.

هاجر: يشكون فيني. محد مصدق. رجعت سالمة. كلهم عبالهم أنتم غلطتوا وياي. الله يأخذك ويخلصني منك. أكرهك. أكرهك.

تميم: ياهو اللي يحكي؟ أشُك حلكه. بس قولي لي.

هاجر: على أساس أنت ما كنت تريد تسويها. نجس. أكرهك. الله يأخذك.

انفتح الباب وطب إلياس. متت خوف. وهو عيونه حمر. قلبي وقع. ما عاد أعرف شكول. من جهة تميم يصيح ويحكي، وأنا ما أسمع بس عياطه. وإلياس وجهه ما يتفسر. وعيونه حمر. تقرب يمي. قلت:

هاجر: ها؟ اكو شي؟

راد يجر التلفون مني. طفيتُه. والمكالمة بعدها. قال:

إلياس: ويا منو تحجين؟

هاجر: سارة.

عاط فيني:

إلياس: وسارة تقول لها: "أكرهك، والله يأخذك، ونجس، وتريد تسويها".

بقيت ساكتة. ما أعرف شحكي. بس لا يسمع باقي الكلام. رجع عاط وقال:

إلياس: احجيييييييييي.

هاجر: عليك أحجي.

إلياس: عليّ أنا؟ إيشكو؟

هاجر: أنا قلت لها إني أكرهك، وأنت نجس.

إلياس: أنا إيش عليّ؟

هاجر: أنت السبب.

إلياس: إيش دخلني؟

هاجر: سمعت حميتك تقول: "هاجر مو معقولة تطلع سالمة". ومو بس أنا هيج أقول. إلياس هم.

انصدمت. وأنا هم انصدمت. كيف أحكي هيج؟ هي ما قالت. بس ما لقيت حجة غير هالشي. عافني وطلع. وأنا طلعت وراه. ونسيت مفتوح مكالمة ويا تميم.

صاح إلياس على جنات وقال:

إلياس: أنا إيمتى قلت إن هاجر ما ترجع سليمة؟ لا زم بيها شي.

الكل انصدم. ومحد يعرف شحجي. رجع قال:

إلياس: عمه، عيب عليكِ تقولين كلام أنا ما قلته.

جنات: ليش؟ أنا إيش قلت؟

إلياس: هاجر، سمعتكِ تقولين: "هاجر مو معقولة تطلع سالمة". ومو بس أنا هيج أقول، حتى إلياس. أنا إيمتى قلت هيج؟ فهميني.

جنات: أنا ما قلت. ليش تكذبين؟

نزلت دموعي. كف بابا وقال:

علي: اللي يحكي على بنتي، أتبرى منه. والله، إذا سمعت أحد حاكى على بنتي، ما يدخل بيتي، ولا أدخل بيته. وليوم الدين ما أحكي معاه.

دحك علي وقال:

علي: روحوا بدلوا. ما أضل بمكان بنتي تنهان فيه.

رحت أبذل. واجت أسيل قالت:

أسيل: ليش تجذبين؟ إحنا حكينا عليكِ. بي أمي ما قالت إلياس يقول.

هاجر: سمعتها.

أسيل: جذابة. هاجر، حبابة، احكي إنو جذب. والله بابا يطلق ماما. أبوس إيدك.

هاجر: مو جذابة. أنا سمعتها.

أسيل: تمام، تمام. أنتِ مو جذابة، بس روحي قولي سمعت غلط. والله يخليكِ. والله نتبهدل. وعلاقتي تخرب ويا إلياس، فوق ما هي خربانة.

بقت تتوسل فيني. وأنا ما أقدر أحكي شي. تطلع جذبتي. بعد ما تعبت. طلعت وانتفصت براحة. أي جذبت، بس حتى تتعلم ما تتبلى عليّ. حتى آخذ حقي منها.

فززني صوت مسجات على تلفوني. وشفت الاتصال مفتوح. تمنيت الأرض تنشق وتبلعني. قال:

تميم: ليش جذبتي؟ مو حرام عليكِ؟

هاجر: لا تسود وجهك.

تميم: احكي عدل. لا أشُكك.

هاجر: مو خايفة منك. عوفني بحالي. كافي اللي كان. بسببك.

تميم: أنتِ لو ثولة، لو ثولة. وين أعوفك؟ من كل عقلك؟ أنتِ صرتي ملكي. مسجلة باسمي. فهمتي؟

هاجر: لا، ما فهمت. أنا مو ملك لأحد. ولا مسجلة باسم أحد.

تميم: إذا مو بكيفك، ف غصب. معاجبج؟ ركعي راسك بأقرب حايط يمج.

هاجر: أكرهك. تلعب نفسي منك. نجس.

تميم: لا تخليني أجي أشُكك. كوة ساكت لك.

هاجر: يمه، الحقي. أموت خوف. دطير.

سديته بوجهه. وأسمع صوت المسجات. تلفوني احترق. طلعنا. وصلت البيت. كملت تبديل. ورحت أشوف شيريد. خبلني. جهازي ما وقف من الاتصالات والمسجات. كلامه تهديد وختم.

تميم: احمدري ربج. مو يمي. جان شكتك. بس بسيطة. يجي يوم وتصيرين يمي. ساعتها، إذا تحجين حرف، أشُكك.

شفتها. وغلسّت عليه. أكرهه. كل ما أتذكر شلون كان يلمسني ويحكي وياي بكلام يلعب النفس. أكره نفسي. ما لحقت أتخطى إلياس، أجا تميم. مصيبة ورا مصيبة. إيمتى أرتاح؟ إيمتى أحس بأمان؟ إيمتى يجي يوم وأبكي من الفرحة؟ إيمتى يجي يوم وأشوف كل شخص آذاني متأذي؟ تعبت وأنا أشوف الفرح بوجوهم. أشوف تميم يتحكم فيني، وما أقدر أحكي. لأن طكه ونص. وما أقدر ألعب ويا.

أمير هالايام ما يعوفني. يراسلني دائماً يتطمن. وزهراء هم. مر أسبوع. بيوم صعدت اتصال ويا زهراء. ونسولف. وعلاوي فرحان. وأنا أشوفه. ألعابي. رغم إني أكبرني، بس لهسه متعلقة بيهن. وأحبهن. وأتمنى أبقيهن. وأنهيهن لبنتي.

كال علاوي:

علاوي: هاجر، عوفي أهلج وتعالي يمنة. والله أخلي بابا يصير أبوك.

سمعت أمير يضحك. وندك الباب مال غرفتهم. قال:

أمير: منو؟

تميم: أنا. أدخل.

كمت زهراء تلبس شال. وأمير يقول له: أدخل. دخل. وأنا على عناده. قمت أحكي، حتى يعرف إني بس وياه. ما أحكي. قلت:

هاجر: علوشاتي، أنا أحبكم. بس ما أريد أجي يمكم. أريد أضل يم أهلي.

سمعت تميم يقول:

تميم: علوشاتها تجي يمكم، إن شاء الله. بس مو هسه.

علاوي: كيف؟

تميم: أنا أزوجها. وعود تجي لبيتنا تلعب وياها.

علاوي: لا. أنت ما تزوجها. هي تعيش ويانا. أنا وزهراء وأمير. ومو وياك.

تميم: ابن القندرة، إيش شايل الكلفة؟

علاوي: *** بيك. معليك. شحجي بكيفي. أهلي لو أهلك؟

تميم: ابن القندرة. أنا أعلمك. مو حتى تكولهن الـ...

علاوي: علمني. وأنا أقول للكل.

تميم: أبوك عار. أنت إيش تطلع؟ دكتور.

هاجر: علوشاتي، عوف هذا. معليك بي. خلي يولي.

تميم: علوشاتها، قل لها هذا راح يجي يشُك حلكك.

هاجر: حمى زايد.

أخذ التلفون من زهراء. وسوى بيده. بسيطة. أنا وياها. جنه نحجي. كامرة. دائماً. غلسّت عليه. وبقيت نسولف. شوية. وطبت وحدة الهم تلطم وتقول:

... حوراء، أهلها لازمينها. تحاجي واحد. ورأكان وأركان راح يموتوها. كوموا، الحكو. عمو إدريس يقول: "هسه نروح الهم بسرعة". كوموا.

الكل انصدم. وأنا هم انصدمت. يمه، إيش صار بحالها؟ إيش رد فعل أهلها؟ يربي. زهراء قالت:

زهراء: راح أروح. عود أحجيلك بعدين.

سدته مني وراحت. وأنا أخذني التفكير. هم يجي يوم وأهلي يعرفون أحاجي تميم؟ هم يجي يوم وأبويه يضربني؟ هم يجي يوم وأصغر بعين أهلي؟ كلش خفت. وبقيت أفكر. تعبت من التفكير. ونمت.

« زهراء »

كمنا بسرعة نبدل. نروح لها. حضرت ملابس. هيج بسرعة. لأنهم بالبصرة. وإحنا بغداد. أكيد يذبحوها. هما معقدين. شورطها؟ رغم ما أحبها. وأموت منها. بس أبداً ما كنت أتمنى أحد يعرف. تحاجي ميدو. ملاك جت ميتة خوف. قالت:

ملاك: ولج، معقول يكتلوها؟ كيف؟ أكيد ما راح يسكتون. كلنا نعرف شكد تحب ميدو. وأكيد هسه يرفضو.

طلعنا متوجهين للبصرة. إحنا وبيت عمو إدريس. وعمو محمد (أبو تميم). ساعات طويلة. يلا وصلنا. ولكينا القيامة مقلوبة يمهم. بس حوراء ماكو. بصراحة، هنا بلعت العافية. خفت حيل. معقول قتلوها؟

أجت ملاك قالت:

ملاك: حابسيها بالغرفة. امشي نروح لها.

زهراء: والله فلا أروح.

ملاك: ليش؟

زهراء: دمشي. شني؟ ماريده. روحي. أمير يموتني إذا عرف إني أعرف بعلاقتها.

بعد نص ساعة تقريباً، أجو أهل ميدو. وهو أجه. والولد التموا عليّ. بحيث الكل لازمين الولد. وتميم فلت روحه. وضربه راشدي. من يمي. أذاني. بقت تئن. ميدو ما حجة شي. كرار فلت روحه. وضرب ميدو بوكس. وكع بل كاع. وشفتها انشقت. بعدها دخلو عمو إدريس. وأدريان (أبو أمير). وعمو محمد. وأبو حوراء. والولد يمنه يلوون. أمير متحلف بسي. يشوف حوراء يكتلها. تميم نفس الحال. لأنهم قريبين عليها بشكل. وحاسبينها أختهم. هيج تكسرهم. وتحاجي ولد.

الجو متوتر ويخوف. وأنا ما أقدر أحكي شي. غير أمير يموتني. مالي خلكه. والبنات من يريدن يرحن. يجن إليّ. وأنا أرفض. أروح. شني؟ ما أريد. روحي.

علي ودانيال (ابن رشا أخت تميم) يبجون وخايفين. أخذت ابني يمي أهدي بي. قال:

علاوي: خلي نصعد فوك. خايف.

زهراء: لا تخاف حبيبي. محد يمك.

علاوي: خلي نخابر هاجر.

زهراء: مو هسه. بعدين.

عمة ميرال قَامت جابت بنتها وحوراء. الخوف واضح عليها. أمير قام وجرها براشدي. متت خوف. هاي شلون تحملته؟ إيده ثقيلة. يخوف. وهو معصب. يتحول. يروح أمير الحنون. يصير وحش. هي بقت تبكي. وقوم تميم كمل. وجرها براشدي ثاني. وكعت. وصارت تبكي. كرار أجه ودفرها ببطنها. وبعدها قام رأكان وأركان. وكملوا عليها. عمه ميرال توخرهم. ماكو. محد يعوفها. حتى حمزة. اللي ما كان يدخل بكل شي. قام كتلها. بيبي تسبها وترزل بيها. قالت:

راوية: لج، عفتي كل هالولد ورحتي حاجيتي واحد ما يسوى نعال لولدنا.

بقت ترزل بيها. ونسمع عياط من الديوان البره. قام تميم يروح. بيبي قالت:

راوية: انجب واكعد. هسه طلعت رجولتك.

سكت. يمسح بوجهه. عافت حوراء. وصارت ترزل. تميم قال بنفاذ صبر:

تميم: راوية، سكتي. لا تجننيني. هسه أجن عليكم. تكفو شري.

راوية: ابن القندرة. كتلك آخذها. ما قبلت. عنده وحدة ساقطة. مو؟

تميم: لا تحجين عليها. راوية، مالي خلكك. كافي.

راوية: نوب يرجع يقول لي: "راوية، شكد ما تستحي؟ شتترجى منك؟" دافع على وحدة ساقطة.

تميم: كافي. عوفوني. معليكم بي. حتى لو رحت ****. معليكم. خوش.

راوية: تسويها؟ ما نعرفك.

اللي ضوجني حجيها وياه. شلون تحجي على هاجر. طبعاً هنا الكل عرف تميم عنده حبيبة. ويحاجيها. والسبب عباس. سمع أمير وتميم يحجون بيها. وهو استغل الفرصة. ومن اجتمعوا. حجه بيها. وصارت مذبحة. واحد يكتل بالثاني.

تميم عاف المكان. ورح للديوان. ربع ساعة ورجع. وجهه ما يتفسر. بس واحد يكله: "إيش فيك؟". ينفجر. أجه عمي أدريان قال:

أدريان: حوراء، راح يعقدولك على الجلب اللي جوه. كوميييي.

قامت ويا. والكل مصدوم. بعدها فهمنا إنهم اتفقوا يعقد عليها ويتزوجها. لكن مو هسه. بعد ثلاث سنوات أو أكثر. بقينة يمهم كم يوم. وبهل كم يوم، تميم يكعد راحة؟ لا. كل ما تصير فرصة. يروح يتعارك ويا كرار. وكرار جان قبل يسكت. هسه بطل يسكت. قال بنفاذ صبر:

كرار: كافي. سكتت لك هواي. عوفني بحالي. مو عفتك؟ إيش تريد مني بعد؟ كل مانجتمع تصير زلمة براسي. ترا أكدر أكتلك. بس أسكت. احترام لعمي.

أمير لازم تميم. وتميم يفشر ويسب كرار. كرار عاف المكان وراح. حوراء الكل يرزلها. محد محترمها. وبيبي تحب حوراء. بس هسه مدري إيش بيها. حوراء ماتحجي حرف. الكل يذلها. قال:

رأكان: كومي جيبي لي مي، قندرة.

أمير: كافي. طوختوها. هاي كم يوم. إنتو محد محترمها. نذلت. عيب عليكم. صح غلطت. وهو ما ضحك عليها. أخذها. كافي تتعاملوا هيج. إذا بقيتي هيج، آخذها يمنة.

راوية: والله فلا تجي. لو يموتوها. هسه.

أمير: بيبي، ترا بيت أبوي.

راوية: أي، تذلني. لأن قاعدة بي.

تميم: تعالي راوية. عيشي يمنة.

راوية: أنا ما أعيش ويا ماسة. تميم، ليش؟ إيش بيها أمي؟

راوية: أنا ويا ماسة ما أعيش.

شكد تكره عمه ماسة. رغم عمه كلش حبابة. ما عندها أذية على أحد. بس بيبي متكدر تحب أحد. واللي تكرهه، فه هذا حظه خره. لأن اللي ما تحبه، تكرهه. عيشته. شلون هسه؟ مكرهتني عيشتي ومشاكلي ويا أمير. نصهن بسببها.

ماسة: ميرال، خلي آخذ حوراء يمي.

ميرال: ليش؟

ماسة: علمودها. والله، متشوفين شلون يعاملوها. كسرت كلبي.

ميرال: أنا مو بيدي شي. ياريت تخليها يمج. بس شسوي.

ماسة: نحنا باجر نرجع. أقنعي أبوها. وخلي نأخذها ترتاح يمنة. لازم تقنعي. لأن نحنا باجر نرجع. محمد عنده شغل.

ميرال: أحاول. إن شاء الله يقتنع. وأخلي زينب هم تحاجي. يحبها.

صار الليل. البنات بغرفة. والولد بغرفة. قالت لمار:

لمار: كيف عرفوا بيج تحاجين ميدو؟

حوراء: كنت أحجي وياه. وعادي مثل كل يوم. بس ما كنت أدري أركان جاي يناديني. وسمعني أحجي وياه. وتخبل. يكتلني ويسب ويفشر. وأخذ الجهاز. يحاجي ميدو. وميدو تخبل من سمع عياطي.

لمار: لما أجه كرار وكال لنا: "أنا خفت عليج بشكل".

ميار: يلا، المهم صرتي حبيته. بس رأكان خوفني.

حوراء: ليش؟

ميار: شفته شلون يكتلج. يمه، متت خوف. إذا تزوجنا، شلون؟

زينب: لا تخافين. أركان يحبج. وإذا صارت عركة، يحلها بينكم. بس يا ويلكِ تردين عليّ. ساعتها يقطعك.

ميار: أدري. مو مرات أرد عليه. يجن ويتخبل. ويتوعد. وأنا أموت. ومن يجي، أراضي. وينسى.

لمار: صدق، تميم طلع عنده حبيبة.

زهراء: أي. وصديقتي تصير.

زينب: حلوة.

زهراء: أي، طبعاً. تعرفين ذوق تميم.

حوراء: عندكِ صورة لها؟

زهراء: (بستهزاء) ليش؟ تميم ما يشوفكِ ياها؟ على حد علمي، كلش أنتِ ويا.

حوراء: ما حجيت ويا. وأصلاً قبل فترة عرفت.

زهراء: حتى أمير يحجي وياها.

علاوي: وأنا هم. وأحبها.

رشا: أنا ما حبيتها.

زهراء: ليش؟ إيش شفتي منها؟ غير تجنن.

ملاك: حتى أنا ما حبيتها.

زهراء: السبب؟

ملاك: من يوم اللي تعرفت عليها لهسه، تميم مو نفسه. تغير علينا. ودائماً معصب. وبس نسمع العطور. وهو يكسر بيهن. بسببها.

زهراء: أخوج يأذيها؟

رشا: أخوي ما يأذي أحد. مو نوب حبيبته.

زهراء: غلطانة. أنتِ ما تعرفين شي. وتجين تمثلين.

ميار: أعرف شغلة. أنا.

زهراء: إيشني؟

ميار: أركان كالي عليها. لأن هو كان ويا تميم. لما سووها. وهيا تخص هاجر.

زهراء: أركان كالج؟ أنا كنت بيها؟

ميار: أي. وحتى صارت بالموصل.

زهراء: اسكتي. جا.

زينب: صار عندي فضول. كلولي.

زهراء: معليج. ميار، إذا تحجين، تميم يجنزك.

ميار: أدري. أصلاً حتى أركان هددني.

رشا: إيش فيج حبابة؟ إيشني؟ تكليله؟ والله يموتني.

ميار: إيش فيج؟ حبابة. شني؟ تكليله؟ والله يموتني.

رشا: جا احجي. يلا.

ميار: أحجي. بس ما تقولين. والكلام يبقى بينه.

قاطعتها:

زهراء: تميم خطف هاجر. وهددها.

رشا: شتحجين أنتِ؟

زهراء: صوتج. مو تذكرين مرة بقينة أسبوع مو بالبيت؟ جان أخوج الأفندي خاطفها. واللي ساعده أركان وحيدر.

ملاك: تميم متأكدة؟

زهراء: كنت وياهم ترا. لأن عافته. وما تريد تبقى وياه. بسبب سوالفه. خطفها. ويكلها: "أرجعك وبإيدك طفل".

ملاك: أخوي ما يسويها. زهراء.

زهراء: أي. لأن أنا أجذب.

ملاك: حاشاج.

زهراء: والبنيه انجبَرت تبقى وياه. يعني هيا هسه وياه. مو برضاها. لأن مهددها يخطفها مرة ثانية.

رشا: دمشي لج. يصحلها.

زهراء: مو لأن أخوج تكولين هيج. كلنا نعرف تميم شكد ادبسزز. وما يستحي.

رشا: تحجين على أخوي؟ أشُك حلكج.

زهراء: ليش تضوجين من الحقيقة؟ ترا كلهم هيج. كو بس تميم. بس اطلع منهم. أحمد الوحيد العاقل. بين كل هال مجانين.

لمار: ترا جاي تحجين على إخواني.

زهراء: ليش إخوانج مو نفسه؟ بربج حمزة مو يضرب مرته؟ كرار مو نفسه؟ جايفة بس كاضيها فشار؟ وسجاد كم مرة كتلج رشا؟ وتصير عركات. وترجعين. وما تسمعين أبوك. وتميم حتى لا يجنون. خليني ساكتة.

لمار: ما خليتي شي.

زهراء: كل وحدة منجن إذا تزوجت وتعذبت. أعرفن هاي حوبة مرت أخوج. وإذا كو أخوها أبوها. عفتهن. وكمت أتصل على هاجر. من يوم اللي أجينة. ما حجيت وياها. اتصلت. وردت فوراً. وحجيت لها إيش صار. نصدمت من اللي صار. وكالت:

هاجر: جاي أتخيل أهلي يعرفون. زهراء، إذا يعرفون أموت والله.

زهراء: لا تكولين هيج. أنتِ انتبهي.

هاجر: بابا واثق بيّ. وأنا أكسرها. بسبب الجلب.

زهراء: انسى تميم. ماراح يعوفك. والله.

دخلت ملاك. كالت:

ملاك: يكولون... هاي ويا منو تحجين؟

زهراء: حبيبت أخوج.

ملاك: صدق؟ خلي أحجي وياها. عندي كم كلمة لها.

فتحت سبيكر. وكلت:

زهراء: هجورة، راح تحجي وياكِ ملاك. أخت تميم.

هاجر: تمام.

ملاك: أول شي، سلام عليكم. شلونج؟

هاجر: عليكم السلام. تمام الحمدلله. وأنتي؟

ملاك: الحمدلله. ممكن أعرف ليش ما تردين أخوي؟

هاجر: من حقك تعرفين. أخوج ما يعجبني.

ملاك: السبب؟

هاجر: تصرفاته، شخصيته المتسلطة، أناني، لسانه وسخ، وغيرها وغيرها.

ملاك: شخصيته حلوة أصلاً. وهيبة. مو متسلط. لكن اللي يملكه ما يحب أحد يشاركه بي. وإذا على فشار، ف كالولد يفشر. وين الجديد؟

هاجر: أنا مو شي. حتى يملكه. أنا مو ملك لأحد.

ملاك: أنتِ هيج مفكرة. بس هو يفكر إنكِ ملكه. ترا أخوي حالته مو زينة. هاي كم يوم. يخرب غرفته وغراضه. وبس يعارك الولد. والسبب أنتِ. لأن رافضته.

هاجر: هسه كل شي نحط براسي. أنا إيش عليّ؟ وليش حتى يخرب غرفته ويتعارك ويا ولد؟

ملاك: لأن معصب وضايج من فراقك. هاجر، أنا ما أعرفك. بس أثق بذوق أخويه. إذا ما تريدينه، كولي له. ماله داعي هيج معلعل قلبه.

هاجر: كتل له. ما أريدك. وهو مجلب. شكد حجيت وياه. وهو ماكو. يفوت من أذن. ويطلع من الثانية. وسوى أشياء آذتني. في سبيل أبقى وياه. وأنا كدامكِ مجبورة أبقى.

ملاك: قصدك على الخطف؟ هو خطفك. حتى يكول لكِ: "لو وين ما كنتِ أجيبك". وحتى يجبرك تبقين وياه. وتنفذين كلامه.

هاجر: بس هالشي غلط.

ملاك: أعرف. والله. بس شنسوي؟ اختاركِ أنتِ. وأنتِ راح تتحملين. وهو يجبرك. لأن يحبك. أول مرة أشوف أخوي بهل وضع. هاجر، أخوي مهووس بيج. مو بس يحبج.

هاجر: تصرفاته ما تعجبني. وشني مهووس؟ ماكو هوس بالحب.

ملاك: غلطانة. نحنا عدنا الحب هوس. اللي يحب، ممكن يدمر اللي يحبها. بسبب الهوس.

هاجر: شني هاي؟ وأنتو مجبورات تتحملن؟ يعني؟

ملاك: أي مجبورات. لأن مو بيدنا شي. ممكن إذا أحد خطبني. وابن عمي كان يريدني. بكل سهولة. يكول: "أريدها". وحتى لو انرفضت. راح يجبروني آخذه.

هاجر: شهل أهل؟ وين اكو أحد يجبر بنته؟

ملاك: أي حبيبتي. نحنا عدنا. الكل ينجبر. حتى الولد.

هاجر: يمه. إيش هذي؟ أييععع.

ملاك: كنت آخذة نظر عنكِ. مو حلوة. بس هسه صلحتها. وأريد أصير صديقتج. إذا ما عندج مانع.

هاجر: طبعاً ما عندي. اتشرف بيج.

ملاك: هسه راح أتابعك. وأنتي رديها.

تابعو بعض. حتى يحجون بعدين. سديته منها. كالت:

ملاك: حبيتها. والله. كنت أثق بذوق تميم. وهسه وثقت أكثر.

زهراء: ترا البنية وردة مال الله. بس أخوج يأذيها دائماً.

ملاك: يحبها. والله. بس تعرفي عصبي. ما يكدر يتحكم بأعصابه.

زهراء: هيا مو ذنبها تتحمل عصبيته. وترا أخوج عصبيته أكثر من عصبيت أمير. يعني أمير شكد أضوج من عصبيته. لكن تميم عصبي أكثر.

ملاك: تعرفين اللي مر بي. خلا هيج. ما أقول غير الله يسامحهم. هما سو هيج.

زهراء: أي والله. الله يسامحهم.

ثاني يوم رجعنا لبغداد. ويانه حوراء. راحت لبيت عمو محمد. تضل يمهم فترة.

............ « هاجر »

كلش خفت من أنو أحد يعرف بعلاقتي ويا تميم. أنا غلطت. بس كيف راح أصلحه؟ هو ما راح يعوفني. لازق. ياربي ساعدني. ما أريد أنزل من عين بابا وماما. كيف إذا عرفوا؟ واجه أحد يعيرهم بي؟ كيف راح يرد بابا؟ هو واثق بي لدرجة. وأنا أكسر ثقته. من ينام. أحجي وياه زلمة. ليش أسوي هيج؟ لأن مو منقص عليّ. لو من دلالي الزايد؟ أسوي الغلط. أنا مو هيج. مو هاجر اللي تسوي الغلط.

تعبت من التفكير. فزيت على مسج. شفته من تميم. تنهدت بتعب. إيش يريد بعد؟ ياربي. فتحتها. كاتب:

💬 تميم: مو كافي علعلتي قلبي؟ والله.

💬 هاجر: حتى تعرف غلطك.

💬 تميم: عرفته والله. هاجر، ثقي. أحبج. وأسويةيج حتى تكونين وياي. مو ضدي. ما أريد تبتعدين عني. بعدج أذية لي.

💬 هاجر: من أحجي وياك أحس نفسي نذلة. خايفة. ناكرة. ورخيصة.

💬 تميم: لا يا قيطان قلبي. أنتِ مو هيج. مو هيج. واللي يكول أنتِ هيج، أكص لسانه وأحطه ****.

💬 هاجر: لا تفشر يمي. حباب.

💬 تميم: دللي. هسه قولي لي. إيش اللي مضوجج؟

💬 هاجر: أخاف أهلي يعرفون. تميم، أموت والله. ما أقدر أشوف بعيون بابا الخاين والغدر وقلة الثقة.

💬 تميم: محد يعرف. وإذا أحد عرف، أجي أخطبك. ما أعوفك. أنا مادامج وياي. ابن أمه اللي يتدنالج.

💬 هاجر: الله كريم.

💬 تميم: سؤال. بنفسي أسأله الج من زمان. وأعرف أنتِ ما تحبيني. بس اعتبريني واحد من الشارع. وباوعتي له. إيش اللي يلفتج بي؟

💬 هاجر: سؤال حلو. بس ماله علاقة بالحب. خلي أكلك. أو لا. أستحي.

💬 تميم: انجبي. مو مني تستحين؟ يلا غردي.

💬 هاجر: أحب لون عيونك. غريبة بشكل. وأحب غمازتك. لأن هيا وحدة. ونادر اللي عندهم غمازة بخد واحد. وأحب أنيابك. كلش أحبهن.

💬 تميم: كتلج اللي يلفتج. مو اللي تحبين.

صفنت. شكد ثولة. كعدت أحجيله إيش أحب بشكله. أمداني. شكد ثولة. كيف أصحح.

💬 هاجر: هو يعني. يلفتني.

💬 تميم: چؤ. مو مضحكة. أنا تحبينهن؟ جا ليش ما تحبين تصرفاتي؟

💬 هاجر: أنت أناني. متسلط. تحب التملك. لسانك.

💬 تميم: ..................

...............

انتهى البارت

بنوتات، أريد تصويت وعلقوا بين الفقرات. إيش رأيكم بالبارت؟ بارت خفيف لطيف.

بارق: اخخخ كلبي لو تدرون شصار فشلنه

همام: دحجي كلبي وكع

بارق: خوش يلا الزمو اعصابكم

كام همام يضرب بارق لان نرفزنا وماحجه بعدها كال بجديه:

بارق: مرت عبدالله لكفته يحاجي بنيه وصارت مُشاده بل كلام وهيا كومي واضربي عبدالله راشدي ويوكع بل كاع من قوته

همام ضرب على وجها ويصير فشلتنه

هندرين: تشاقون اكيد

بارق: وين اكو شقه بهيج موضوع

همام: على كولتك فشلنه كدام امة محمد

هاجر: تحمست اشوفه

بارق: ل عبدالله

هاجر: اي

بارق: ليش مشايفته

هاجر: لا

جر التلفون من جيبه ويكلب بي طلع صوره وقدم التلفون الي شفته شاب عادي بس لحيه وشوارب

كلت هاجر: والله فشلنه كدام امة محمد

ام همام: دعوفو الولد وتعالو ساعدوني نكمل لم الغراض

كمنا نحنا نريد نسمع السالفه بعدها كلت

هاجر: تعال ولك شعرفك انت

بارق: غير جنت يمهم

هندرين: يعني شفت الصار كله

بارق: للاسف اي

هاجر: نيالك حضرت فلم مو ضحكت وفشلتنه

بارق: دمشي لج غير كوه كاض ضحكتي

هاجر: هنا انت الي تفشلنه مو هو

كملنا الغراض ورحنا نبدل كالو نبقه يومين هيج ونتونس

طلعنا بل سيارات اني وهندرين وريم ونور ويا بارق وهمام

همام مشغل اغاني ردح ويطك اصبع

همام يهز جتف اني والبنات نصفك

كالت هندرين: الله تونسون هههههه

بقينه ضحك واغاني والطريق طويل

كلت اصور شويه يبقه ذكره

صورت الولد شلون يركصون

بارق يعوف لستيرن ويطك اصبع لو يهز كتف

همام شويه يطك اصبع شويه يهز راسو وكتفو

كلت هاجر: شني بس انتو تركصون اشو اله اركص

صرت اركص والبنات تحمسن ويركصن وياي رغم مكان ضيق شويه بس الونسه كافيه النه

كال بروق بارق: على هاي الونسه الي ونستكم ياها لازم تعزموني من نرجع

همام: تدلل عازمك على بيض وطماطه من ايدين هاجر تدللل هههههه

هاجر: شني لا بلا والله ماعليه اني عزمتكم على مطعم على حساب هميم

همام: والله فلا اقبل دمشي لج تعزم على حسابيام حلك

هندرين: هميم اعزمنه سويها شي مره وابهرنه

همام: ماتخلين اخوج يبهرنه

هندرين: بارق دوم يسويها بس انت ولا مره سويتها

همام: دمشي لج ولا مره سواها

هندرين: قابل انت بيتنه

همام: هو وكته كله ب بغداد من وين اجه حتى يعزمكم عمي يكول ولا مره مسويها دوم هو يعزمه

بارق: والله خالي جذاب عزمته مرتين وحتى جاب ابنه وبنته غير صمطو ابو ابوي غير ايليا بس تبجي بزعتني نوب تريد تضربني خالي يكلي عوفها طفله اخ ربي اني بس اجي هنا ارتاح

هاجر: تحمست اروح ل بغداد

بارق: روحي حلوه بس اذا تكعدين بيت خالي تموتين

هاجر: ليش

بارق: ابو ايليا زعاطيطه يموتون الواحد

هاجر: اجي يمك

بارق: تجين بس تطبخيلي

هاجر: لا بله مطعم اكو

بارق: ياهو الي راح يتورط بيج

همام: سمعتو بأخر الاخبار

الكل: شنو

همام طفه المسجل لان الكل يلعي صوته حتى يسمعون كال همام:

همام: اعذرني بس لازم اكلك

بارق: احجي شكو

همام: ثُريا

بارق حسيته عصب وعيونه وسعت وينتظر همام يكمل كال

بارق: دحجي شكو تكول اسمها وتسكت

همام: زوجها ضاربها وهيا حامل الطفل نزل وبسبب الضرب صار خلل بل رحم وستئصلو

بارق بعصبيه: شتحجيييييييي

همام: ماجنت اريد اكول وانت موجود بس اطريت احجي

نور: اصلا كالو راح تجي ويانه هسه لان زعلانه وراح تطلع تغير جو

بارق بعصبيه: شني تجي ليششش تجيييي ليشش

نور: بارق فدوه اهدئ مايحتاج هيج تعصب

بارق بقه يسوق وهندرين تلوم ب همام بصوت ناصي مافهمت شي من الي كالو ولا فهمت ليش بارق ضاج على ثُريا بنت خاله صح كلنا نقهرنا بس مو مثله عصب ونقهر وعيونه مدمعه

بعدها صار هدوء

هندرين: همام رجع الاغاني ملل

بارق: محدددد يطلعععع شيييييي

الكل سكت ومحد تجرء وسو صوت لان بارق معصب

مافهمت شي نفس الاطرش بل زفه حاولت اربط بس ماكدرت نعست ونمت

كعدت على طسه مارجعت نمت شويه وصلنا نزلنا نشوف المكان جان يجنن وبي حيوانات

لفتني مكان بي بيوت مال حيوانات رحت اله وشفت الحيوان الي اعشقه وهو جلب بس جان هاسكي يجنن ماكو احلى منه ولونه ابيض

رحت اله بسرعه وصرت امسح على راسه بقه هادئ حبيته طلعت تلفوني واخذت صور ويا

اجه بارق وعيونه حمر من شافني كال

بارق: شسوين هنا

هاجر: شفت مكانهم ولفتني واجيت

بارق: ممكن تروحين لان ينادوج

حسيت كلامه مابي ربط شلون ممكن اطلع وينادوني غلست رجعت جانو ينزلون بل غراض صورتهم وهما ينزلون بعدها فتنه وجان ماكو نت وين اروح نوب حتى مجاني ماعندي بقيت الوب ماكدر بدون نت

رحت ل همام وكتله

هاجر: عندك نت

همام: اي

هاجر: كنكلي

همام: دللي بس مو تصرفي بداعت امج

هاجر: لا بس رسائل

همام: حلو تعالي انطيج

سوالي يا وصار عندي نت وصلني مسجات تجاهلتها ورحت انشر ستوريات الي صورتها

كملت نشر رحت يم البنات سولفنه جانو يحجون ب ثُريا اني ماشايفهتا بس مره ماعرف شي عنها كالت ريم

ريم: محد كللها تروح تزوج ترا هيا كتلت نفسها علي نسيتو من حاربت اهلها والكل علمودو

هندرين: محد نسى بس هيا ماتستاهل هيج يصير بيها

ريم: والله محد ضربها على ايدها وكللها تزوجي غريب بارق شبي

انصدمت بارق شعلي كلت

هاجر: بارق شعلي

ريم: بارق يحبها وراح خطبها هو وخاله ورفضته واهلها عرفو تحب واحد واجه خطبها ورفضو وانتحرت يلا وافقو علي

نور: لعد بربج بارق ينرفض اشو جمال واخلاق وعنده بيت وسياره واحسن شغل بس هيا تتبطر راحت لواحد محد يعرفه بسبب الحب دعوفونه منها هيا وصلت حالها لهنا

هاجر: شنو حال بارق هسه

هندرين: راح اموت مقهوره علي والمشكله هيا جايه لهنا مع امها شويه ويوصلون معرف شلون راح يشوفها

هاجر: حتى اني خايفه علي اروح احجي وياه

هندرين: يعصب اذا احد يحجي بيها

شفناها فاتت وهيا بكامل اناقتها ويا امها الظاهر مو كلش مهم الطفل طيب ورحمها مو راح شلون تجي هيج معقول ما ضايجه بعد ماتكدر تجيب اي طفل

ثُريا: انتي هاجر بنت خالتي

هاجر: اي اعتقد شفتيني مره وهم سئلتيني نفس السؤال

ثُريا: ماادري نسيت

باوعتلها من فوك لجوه عدة مرات وعفتها وكعدت على الكرسي كاعده وصفن اجتني وبيدها تلفوني كالت

ثُريا: فونج يضوج بس يدز مسجات منو الي يدز لج الله اعلم

هاجر: ههههه حبيبي

ثُريا: عندج

هاجر: انتي شتكولين

ثُريا: كلشي يصير

ابتسمت بخبث وجريت تلفوني من ايدها كالت

ثُريا: اخخ ايدي على كيفج

هاجر: ومن ضربج الافندي ماكلتيله اخخ على كيفك

ثُريا: انتي ماعليج

رجعت ابتسمت وعفتها وفتحت تلفوني وهيا واكفه فوك راسي كتلها

هاجر: شكلج ماراح ترحين

ثُريا: مااروح اشوف ويا منو تحجين

هاجر: مو كتلج حبيبي

عفتها وطلعت من البيت رحت لمكان الجلب وسمعت صوت بجي منو يبجي هنا باوعت بل مكان محد اكو ياربي وين هل صوت بصراحه خفت كلش بس شفت انو اكو احد يم الهاسكي تقربت وسمعت

بارق: ثُريا رفضتني وعيشتني بقهر وهيا تونست وهسه خسرت اعظم شي وهو انها تكون ام شنو حالها هسه اكيد ضايجه ومقهوره ونفسيت زفت هيا لو مارفضتني جان اعيشها احلى عيشه اخلي البنات تتمنى تكون مكانها لكن فضلت واحد علي ساقط مايحترمها يهينها ويذلها ويضربها دوم

سكت من انتبه الي وكال

بارق: من ايمتا انتي هنا

هاجر: هسه اجيت واريد احجي وياك

بارق: كولي

هاجر: والله ماتستاهل كل هل قهر روح شوفها اجت هسه ولا عبالك ماعاد تصير ام اجت بكامل اناقتها وتتمضحك ولا هامها شي صدك ماتستاهل كانت تستاهل الاحسن منها بهواي

بارق: استاهلها هيا احسن من الكل

هاجر: غلطان والله اسلوبها يلعب النفس حتى كلامها مدري شلونه ثق بيه والله ماتناسبك انت تستاهل الاحسن منها بهواي بارق شوف عيش حياتك على انو اليوم اخر يوم ماكو باجر حب من حقك ارتبط تزوج جيب اي شي واني وياك هي تأشر عليها باجر نجيبها يمك

بارق: ماريد غير ثُريا

هاجر: ثق بيه والله ماتستاهلك

بارق: شيقنع كلبي بس فهميني اني عقلي فاهمانو ماريدها بس كلبي يريدها يبجي عليها

هاجر: انسى محد يستاهل والله

بارق: ماانسى وكفتج هاي وانتي تواسيني

هاجر: انت اخوي الكبير

كام واجه يمي باس راسي وجان يجي صوت ورانه

ثُريا: مشاءالله شني هاي سوالف الحب بحديقه خالي

اثنينه التفتنه على الصوت شفت ثُريا ورجعت اباوعل بارق الي ساكت وماحجه شي كلت

هاجر: اوف لو تبطلين دراما

ثُريا: واني اكول ليش عفتيني احجي وياج ورحتيمو اثاري بارق يناديج

هاجر: هههههههه وانتي ليش ضايجه بروقي يريدني مشتاقلي انتي شكو

طلع بارق وعافنه كتلها

هاجر: يم بارق ماتجين تتجنبي فهمتي

ثُريا: تخوفيني

هاجر: مااخوفج قربي منه وشوفي شنو اسوي لا عبالج اني نفس البنات فطيره اني غير كلش

ابتسمت وعفتها ضايجه طلعت وصوت مسجات تجيني صار عندي فضول اشوف منو الي يدز فتحتها وجانت كلها من تميم دخلت الها يسبني ويسب روحه بعدها كال

تميم: القندره الي يركص مايعرف خلي اعلمه

هاجر: لاتحجي علي وترا ركصه حلو

تميم: انتي جايه تغثيني شني ركصه حلو شعنج ويا وشني هل ركص وموليه وين مو كتلج اذا تطلعين مكان تكليلي

هاجر: شرطي جان مااخذ رأيك وين اروح واجي

تميم: لان رجل كرسي اني باعي لج بكلشي تاخذين رأيي حتى اذا تسبحين هاجر تسمعين كلامي فهمتي

اتصلت بي لان مالي خلك اكتب والكل بعيدين علي حتى اذا اعصب محد يدري فتح خط انفتحت بيهاجر: مايحقلك انت مو زوجي انت مجرد حبيب ماتدخل بيه تميم لعبة نفسي كافي عاد

تميم: اكلي خره شني هل مضرطه باعي لج كلامي يتنفذ بل حرف فهمتي

هاجر بستهزاء: تميم تقبل اروح للمزرعه ويا بيت جدي

تميم: اني الج تستهزئين بيه بسيطه

سده بوجهي ربع ساعه واتصلت عليه ملاك جنت بنفس المكان لان احاول اهدئ نفسي رديت عليها كالت

ملاك: شني صاير تميم يكسر بل غرفه فدوه احجي بالنه يمه اجه صوت مره تبجي وتكول ... بسبب هاي ابني هيج يصير بي الله لا يوفقها

ملاك: يمه فدوه اهدئ بس افهم منها عيب

حجيت الها الي صار كالت

ملاك: اخوي هيج هو يدخل بكلشي هاجر فدوه سايسي ترا يأذي روحه

المره الي يمها اخذت التلفون منها كالت

.. سمعيني لج ابني ولا مره صار بهل عصبيه تسمعين كلامه ماريد اخسر ابني بسببج

هاجر: خاله شهل حجي بعدين ابنج عصب ورزلني وغير المسبات الي يسبني ياها يستحي ابن شارع يكولها

.. ابني مو ابن شارع وشوفي انتي شمسويه حتى ابني هيج جن

هاجر: مالي دخل اني روحي ربي احسن

سديته بوجهم نوب هاي نرفزتي وحجيت هيج ماكو دقيقتين وتميم يتصل فتحته كال

تميم: بنت الجلب شلون تحجين ويا امي هيج

هاجر: هيا لا تدخل بيني وبينك وانت لا تسمع بس من يمها اسمع مني

تميم: شسمع منج اني ابن شارع يستحي يفشر نفسي اني الي امي تربيني من جديد

هاجر برود: ماحجيت شي غلط

تميم: شني ماحجيتي غلط انتي تريدين تموتينيتجننينييي شهل تصرفاتتت ماللل زعاطيططط

هاجر: بعدين انت طفل تكسر غرفتك علمود كم كلمه

تميم: غرفتيييي موووو غرفتتججججج لا تدخلينها

هاجر: لا بله بس انت تدخلللل

تميم: ايييي بسسسس انيييي

سديته بوجه وملاك تراسلني تكول

ملاك: يشيل روحه ويركعها بل كاع تخبل تهستر شني حجيتي ويا

هاجر: دعوفي شني منطي هيج اهميه

ماردت عليه وراحت لليل محد اكو قررنا نعلب ورق وناس تلعب دومنه بعتبارنه كثار اني وبارق وهمام وثُريا ورق نور ريم هندرين واسامه دومنه

اني ماحبيت انو ثُريا تلعب ويانه لكن هيا حشرت روحها عبدالله جان حابب يلعب ويانه بس هيا كالتله خلي العب وياهم وبعتبار اخوها وافق

نلعب بحماس طرق(فاز) بارق عصبت وكلت

هاجر: همام شبيك زتلي ورق بي خير بس اثنين وثلاثه لو مخليهن يمك تسوي بِير ( مجموعه ورق يسموها هيج) والله فلا اكعد جو ايدك

بارق بدل مكاني بدلنا المكانات شويه وتجي لتلفوني مسجات تجاهلتها لان العب واكيد تميم وراح يضوجني غلست بقينه نلعب كيم جر كيم بدون مانحس صارت بل 4:22

همام: كومو صلو اذن

كمنا نصلي ورجعنا نكمل لعب صارت بل 6 ضبط عافنه ورحنا نام نمت وكعت الصبح نفس الحال ونسه وضحك تريكنه ورحت اشوف تلفوني لان البارحه اجت مسجات بس ماشفت من منو انصدمت انو مو من تميم من ملاك وزهراء والمشكله ام تميم تسبني ومدري شبيها طبيت للرسائل وعرفت انو تميم مسوي حادث من سديته بوجه خفت بشكل مو طبيعي اتصل محد يرد كلبي وكف هسه ليش محد اكو ياربي

كلت اشوف امير خابرته رد يلهث كلت

هاجر: امير فدوه كلي تميم بي شي شلون مسوي حادث والله ماجنت ادري فدوه طمني

امير: الله ستر جان راح بيها

هاجر: تحجي صدك

امير: اي والله ليش بالجذب حالته مو كلش زينه

هاجر: بسببي مو الله ياخذني يوم الي عصبته

امير: اني مافهمت شي اجتني عمه ماسه تلطميكولون تميم ماكو نتصل علي ماكو بعدها المستشفى ماخذات تلفونه وداكين على عمي محمد وكايليله

هاجر: شلون صار الحادث

امير: معصب ويسوق بسرعه والدنيا ليل وطب بنص التريله

هاجر: تشاقه شلون

امير: والله صار بي كسور والحمدلله طلع سلامات بس وجها بي بلول لان الجام انكسر وطب علي

كمت ابجي بسببي صار بي هيج لو ساكته ومو معصبته الله ياخذني

كال امير: هاجر على كيفج تميم قوي مايصير بيشي هسه لازم اروح

هاجر: فدوه طمني دائما

كال اي وسده بقيت ابجي والوب بمكاني شلون ياربي اذا صار بي شي شويه واجاني مسج دخلت جانت صوره من امير تميم نايم على السديه وحالته تبجي ايده مكسوره وجها وارم جان يخوف صرت ابجي اكثر ماعرف شنو اسوي المفروض اني شنو اسوي هسه كاعده وبس ابجي

طبت هندرين شافتني شهكه

هندرين: هاجر شبيج شكو خوفتيني

هاجر: تميم مسوي حادث البارحه بليل

هندرين: صدك هسه شلون حالته

هاجر: مو زين كله بسببي

هندرين: انتي شعليج

طبت ريم ونور ريم كالت

ريم: شكو ليش وجهكم مخطوف وهاجر ليش تبجي

هاجر: تميم مسوي حادث

نور: شلون

حجيت الهن الي كاله امير شهكت ريم وكالت

ريم: الحمدلله طلع بخير هاي كرايبنه هم هيجندعم بس ذاك راح بيها مات

من سمعت هيج زدت ابجي شلون لو صار بي شي مااسامح نفسي ابد

دخلت علينه ثُريا كالت

ثُريا: شصار ياستار

هاجر: معليج شكد تدخلين

ثُريا: ليش تبجين

هاجر: شعليججججج

ثُريا: يمكن بارق مضوجج

هاجر: بارق شعلي

ثُريا: مو تحبون بعض

هندرين: هي شبيج كافي مسلته سدي حلكج

ثُريا: هندرين انتي مو كدي حتى تحجين هيج

هندرين: ليش منو انتي خلك وحده بلا كرامه وبلا ضمير

ثُريا: انجبي مااسمحلج

هندرين: بدون ماتسمحين طلعي براا احسلج

ثُريا: اي راح اطلع بس بسيطه ادفعج ثمن هل كلام يا هندرين اخت بارق الجلب

هاجر: ايا جلبه يا بنت الجلب برااااا

طلعت وهيا تتوعد النه بعد نص ساعه تحسنت بس دموعي مجاي توكف وحدها تنزل اول مره اخاف على شخص لهل درجه اول مره احس روحي بي شلون اذا مات وعافني واذا خلي يموت مو اني ماريده لا انجبي شني يموت واهله خطيه ياربي شهل تفكير شهل تناقض اخخ راسي صرت اضرب راسي بيدي بلكي يهدئ

دخل بارق وجه مايتفسر كال

بارق: تلفوناتجن

انصدمنه شبي وليش يريد التلفونات

ريم كالت

ريم: ليش

بارق: بدون كلام جيبوهن

البنات انطو التلفونات بس تلفوني ماانطيته مو لان خايفه انو يعرف بس لا اريد اعرف ليش وبعدين انطي كال بعياط

بارق: هاجر تلفونجججج

هاجر: لا تصيح عليه ديربالك تعيدها

بارق: النعالللللل جيبييييي

هاجر: ماانطي اذا مااعرف ليش

بارق: ليش تبجين؟

هاجر: شعليك اشو اليوم كلها تسود وجها

بارق: هاجر احجي بأدب اني مو بعمرج

هاجر: كافي عاد كلكم احجي بأدب ليش مو مؤادبه

بارق: ليش تبجيننن؟

هاجر: صديقتي مسويه حادث ومحد يرد من صديقاتنه وماعندي احد من اهلها

بارق: شلون صديقتج ثُريا تكول ولد مدريشسمه حتى نسيت

هاجر: شهل حجي بارق تصدك بهاي الحقيره

ريم: شكالت

بارق: كالت طبيت عليهن يحجن ويا ولد بس ماتدري ب يا تلفون وكالت حتى ماخافن منيوكتلهن اكول لبارق كالن مايصدك

هاجر: اي عفيه بارق عفيه

صرت اصفك بقوه ولزم ايدي كال

بارق: شبيج

هندرين: تشك بيه اني مو اختك بارق ليش

هندرين صارت تبجي وتعاتبه وهو حتار يبوسها ويهيدها وماكو هيا بس تبجي انوب اني اريد حجه حتى ابجي ورجعت ابجي بصوت مسمع كال بارق:

شبيجن والله مادري ماضل عقل براسي من كالت يحجن ويا ولد

طبت ثُريا تبتسم كتلها

هاجر: شكد جذابه اذا عبالك نحنا مثلج نموت على الزلم ف انتي غلطانه ديربالج تلعبين وياي اني هاجر مو هندرين حتى اسكت والله ادمرج انتي ماتعرفيني واكيد ماتريدين تشوفين وجهي الثاني

ثُريا: خفت منج كلش انتي ام الزلم ادبسزز

بارق: اشششش شنو استفاديتي من جذبتي

ثُريا: بارق تصدك بهاي ترا جانت تحجي ويا ولد وحتى اسمه تميم وجانت تبجي علي

هاجر: هذا تميم اخو صديقتي مسوين حادث اثنينهم والولد حالته خطره وهيا كوه طلعت منها وهسه جاي تتبلين عليه حقيره

ثُريا: اكص ايدي اذا ماعندج شي ويا

بارق: كافييييي انتي ماتوبين ليش تحبين تتبهذلين ليش تريدين تنسحلين

هاجر: تعلمت شكد ما المحروس يضربها ويهينها

ثُريا: اسمعيني ادبسزز سيرت زوجي ماتجيبيها على لسانج

هاجر: منو كلج اجيبها حتى يتلوث حلكي بوصاخته

عصبت صارت تشيل روحها وتركعها بل كاع عافتنه وطلعت وبارق كال

بارق: اسف شكيت بيجن بس والله العظيم جنيت اسف

هاجر: ولا يهمك لو بمكانك همام هم يجن

طلع بعد مامطرنا بل اعتذارات اجاني اتصال رحت ركض جان من ملاك رديت فوراً على امل انو تميم بخير فتحت خط وردت وحده جبيره كالت

.. الله لا يوفقج بسببج ابني تأذه ابني راح يموت الله ياخذج راح يخسر حياته بسببج ليش فهميني

معرف شحجي لساني نربط هندرين تكرصني حتى ارد بس شنو اكللها وهيا كلامها كله صح عاطت

.. ردي ليش ساكته اخخ كلبي ابني وحيدي بس ابجي وصوت شهكاتي يسمعها الاطرش .. جذابه هذا البجي كله جذب ممثله انتي جذابه ليش ابني مايستاهل والله مايستاهل

كوه حجيت

هاجر: خاله فدوه والله راح اموت

.. جذابه بس يطلع ابني سلامات مايكون اسمي ماسه اذا مااخلي يعوفج

هاجر: عادي يعوفني بس يطلع سلامات

ماسه: جذابه انت منافقه

هاجر: مو منافقه ولا جذابه مثل ماهو ابنج هو حبيبي تتخيلين اكدر اشوف حبيبي بهيج وضع

ماسه: لو كلامج صح مجان خليتي يعصب ويجن

هاجر: والله مادري هيج يصير خاله هو عصبني ومادري شحجيت بس والله ماريد يتأذه

ماسه: جذابه حتى هاي دموعج جذب لو يهمج ماعلعلتي كلبه

هاجر: مو جذب

ماسه: جذابه اصلا ليش يهمج انتي تحجين ويا وتتونسين ومايهمج الحرام ولا ثقه اهلج انتي حالج حال الكح***

انصدمت هيا تشوفني هيج كلت

هاجر: مو هيج اني حتى انتي صرتي ضدي اعرف انو اذا احجي ويا حرام بس ابنج مهددني اذا اعوفه مايخليني يخطفني مايخلي احد يعرف وين اني

ماسه: جذابه ابني مايسويها

هاجر: اسئلي زهراء ملاك وحلفيهن

سديته لان كلمها تعبني اكثر مو اني تعبانه مااستاهل ينحجي عليه هيج مااستاهل كلامها جرحتني كسرت خاطري هندرين تهديني لان يمي وجانت تسمع ريم تبوسني وتكلي

ريم: معصبه لان ابنها وضعه خطر اكيد مو قصدها

نور: صح كلام ريم

مسحت دموعي وطلعنا لان وضعنا صار ينشكبي كاعده وياهم ويضحكون واني صافنه بل فراغ اذا صارله شي مااسامح نفسي ارجع احبه واسايره ومااعصبه بس لا يصيرله شي تعبت من التفكير راسي ماطاب ابد رحت على خالاتي ادور براسيتول اخذت ثنين لان الوجع ماينحمل

كاعده بنصهم وخابرني امير عفتهم وطلعت رديت كال

امير: تميم صحه وحالته هواي تحسنت لا يضل بالج

هاجر: اي خوض عفيه طمني دائما

سديته وردت ارجع ملاك اتصلت رديت

ملاك: هاجر ليش كلتي لامي

هاجر: حجت وياي ب سلوب كلش مو حلو

زهراء: حلفتني براس ابني احجي انجبرت احجي

ماسه: بنيتي عذيني انه ماادري والله وجهي اسود منج شلون احجي هيج

هاجر: ولا يهمج خاله اعرف موقفج صعب وما انكر الي بي تميم اني سببه

ماسه: ابني اكيد مايريد يأذيج بس يريد يضمن تكونين اله

هاجر: ادري

ماسه: يمه عذريني على كل كلمه كلتها بحقج

هاجر: ولا يهمج بس عمه ماريد احد يعرف يضل سر بينه حتى تميم لا تكوليله

ماسه: ادري

ثُريا: .......

........................

انتهى البارت

بنوتات صوتو وعلقو بين الفقرات