رواية قسوة الحياة الفصل الخامس والسبعون 75 - بقلم ريتاج محمد

اياد بقلق وحنية لنور: مال... سكت ومكملش لما لقى قلم من نور نازل على وشه. نور بغل: دي مطرح الي انت ضربتهولي قدام كل العيلة. اياد بعصبية وعينه بدأت تحمر وعروق دراعاته ورقبه تبرز وصدره بدأ يطلع وينزل من العصبية: انتي متخلفة... انتي ازاي تعملي كده. انتي قد الي عملتيه ده. نور بخوف، لكن اتكلمت بقوة: آه قده... اياد بمقاطعة وعصبية: اخرسي مش عايز اسمع صوتك. نور: لا مش هخرس... اياد

بمقاطعة بحدة وصوت جهوري: اخرسسسسسي بقولك.!!!!! نور بغضبة: واناااااااااا قولتلك مش متزفتة خارصة. اياد بص لها بعصبية ورفع ايده وكان هيضربها، فلقاها حطت ايدها الاتنين على وشها بخوف منه. فنزل ايده وكورها جامد لدرجة انها ابيضت. وقال بحدة وحاول يهدي صوته: إطلعي برة... وروحي عالبيت يلا مفيش جامعة النهاردة. نور بعناد: انتي مالك انت... انت ملكش حكم عل...

سكتت لما بص لها بصة لو كانت النظرات بتموت كان زمانها مفروشة عالأرض دلوقتي. اياد بهدوء مخيف وصدره بيعلى ويهبط: متكتريش. في الكلام.. اللي أنا قولته هيحصل.. تخرجي دلوقتي وتاخدي تاكسي وتروحي على البيت. كلامي واضححح. نور بقوة: ب... اياد بحدة وصوت جهوري وهو بيشاور على بقه بإصباعه: كلامي واضح ولا أي النظام. نور بخوف: حاضر. اياد: حضر لك الخير يا أميرة يا بنت الأمرا. نور طلعت جري وهي بتدور على سجدة.

واياد راح قعد على الكرسي وهو فاتح بقه فتحة بسيطة وبيمرر لسانه على شفايفه السفلية بغضب. *** عند سجدة. وهي قاعدة في الكافتيريا بغضب: راحت تبات هي في أي مكتبة.. اتأخرت ليه دي. استغفر الله العظيم يارب. أما أقوم أجيب حاجة أشربها. معلش يا عم محمد واحد نسكافيه بلاك. عم محمد: يبنتي ارحمي نفسك دي تالت كوباية تشربيها في نفس الساعة. سجدة وهي مش طايقة نفسها وبتتكلم بهدوء وهي بتتك على ضروسها الخلفية: معلش يا عم محمد ونبي.

بسرعة بس. ووقفت خمس دقايق وخدت النسكافيه وحاسبت وجت تمشي وسبحان الله منلاشئ يطلع لها واحد ويخبط فيها والنسكافيه كله يتدلق عليها. الشاب بأسف: أنا آسف والله ما كنت أقصد. لحظة.. وراح جاب مناديل بسرعة ولسه جاي يمسح. الدريس بسرعة. سيدرا بهدوء: ابعد. الشاب: 🤨... !!! سيدرا: من فضلك ابعد. الشاب بعد وقال: طب أنا آسف والله. سيدرا: طيب.. اتفضل بقى.. شكراً أوي. ومشت وهي حاسة بتلزيق على الفستان بس الكويس.

إنّه أسود وكمان الخمار اللي هي لابساه مداري حتى لو كان فاتح. سجدة قعدت تستنى نور. وبعد مدة لقتها جاية عليها وهي بتسرع بخطواتها. سجدة: لا والله لسه بدري تصدقي. نور: اسكتي ياسجدة استكي... سجدة: طب اقعدي طيب. نور: لا أنا ماشية. سجدة وهي فاتحة بقها: نعم.!!!! نور: ماشية.. انتي متعرفيش حاجة دا اياد لو شافني النهاردة في الجامعة مش بعيد يبعتني على المريخ. سجدة: لا انتي تحكي لي بسرعة أي اللي حصل. نور: بصي...

وبعدين أنا ضربته بالقلم جامد كده بغل و... وبس كده هو ده اللي حصل هل أنا كده غلطانة..؟ سجدة: لا يبت هو اللي بغل انتي كده تمام بتاخدي حقك. فيها أي. وبعدين أقول لك حاجة طظ في أياد على كلامه انتي مش متحركة من كلامك وأقول لك الكبيرة هنروح المحاضرة بتاعته كمان. نور بخوف: لا ياسجدة أنا خايفة. سجدة: متخافيش يبت.. في ضهرك آآآآآآسووووووك تاكل الأخضر واليابس. نزر: يختي اسكتي بقى. بقولك أي أنا ماشية.

سجدة: وربي وما أعبد انتي مش ماشية. اقعدي. نور بخوف: على ضمانتك. سجدة: على ضمانتي. *** عند بدر ويزن. يزن وهو ماسك راسه جامد: آآآآآه يانييييي. بدر بحزن: لسه الصداع ماسكك. يزن: أمم. بدر: طب تعالى ننزل نكشف. يزن: انتي ليه بتحسسيني إني هموت. يستي مش محتاجة. بدر: طب بقولك أي. يزن: ها. بدر: أنا هنزل أجيب حاجات للبيت عشان أنظفه. أكيد مش هنقعد فيه متوسخ يعني. يزن: طيب. بدر كانت نازلة. يزن بسرعة: استني. بدر: أي.

يزن: هو انتي معاكي فلوس. بدر: الحمد لله. يزن: طيب خليهم معاكي وادخلي جوا.. في المحفظة. شوفي انتي عايزة كام وخديه. بدر: يبني معايا والله. يزن بحدة: اسمعي الكلام.. أنا مش متجوز عشان انتي اللي تصرفي عليا. بدر: وهو أنا كده بصرف عليك ده أنا يا دوب هشتري منظفات وشوية حاجات. يزن: بردو.. ادخلي بقى عشان دماغي وجعاني أوي. بدر بزهق وهي بتدب برجها في الأرض زي الأطفال: أوووف طيب حاضر داخلة.

ودخلت خدت فلوس من المحفظة وخرجت لقيتة قاعد على الكنبة بيلبس الكوتشي. بدر باستغراب: إيده انت رايح فين.. يزن: جاي معاكي. بدر: كده..!!! يزن وهو بيبص على شكله: مالي ما حلو أهو (كان لابس شورت جينز أبيض وتيشرت كحلي مرسوم عليه بالأبيض وكوتشي أبيض) بدر: أمم طيب.. بس انت راسك وجعاك. يزن: يستي انتي مالك.. قدامي بقى. وزقها براحة. وهي نزلت وهو قفل باب الشقة براحة. ونزلوا وهي كانت ماشية لقتها بيركب عربية مرسيدس زرقا. يزن

وهو بينزل شباك العربية: اركبي. بدر ركبت بهدوء وسألت باستغراب: إيده انت أبوك وافق يديك العربية بتاعتك. يزن وهو مطط شفايفه قدام: تؤ دي عربيتي من تعبي. مش عيب بردو يبقى عندي شركة كبيرة وميبقاش عندي عربية.. بدر بتفكير: تصدق صح بس لا لا لونها حلو. يزن بضحكة: في الأحلى على فكرة. بدر بدهشة: إيده انت عندك عربيات تاني. يزن: أمم.. اتنين. بدر: ما شاء الله ربنا يبارك لك فيها.. طب إيه مش هنتحرك بقى.

يزن: طيب اصبري.. بقولك أي افتحي كدة البتاعة اللي قدامك دي. بدر: ليه. يزن: انجزي بقى. بدر فتحته ولقت فيه علبة دتها له وهو فتحها وطلع منها برفان رجالي غالي ورش منه. وعشان يغيظها رش عليها رشات متتالية وهو بيضحك. بدر: بس يا غلس بقى.. عات دي كدا هات. يزن بضحك: خلاص خلاص وراح حطها في العلبة بتاعتها ورجعها مكانها وبدأ يسوق. وبعدين وصلوا مول كبير. ودخلوا وهي اشترت اللي هي عايزاه. ووقفوا على الكاشير عشان يحاسبوا.

بدر كانت هتطلع الفلوس اللي في جيبها عشان تدفع. لقت يزن بيحط إيده على إيدها ودخل الفلوس تاني في جيبها.. الكاشير كان ولد.. وكان بيبص لبدر أوي. وبدر اتضايقت بس متكلمتش. ويزن لاحظ فقال بحدة: ... *** عند نور وسجدة. جه معاد محاضرة اياد. نور بخوف: سجدة أنا مش عايزة أدخل. سجدة: جبانة.. شجعي قلبك كدة. يلا. نور: اوف طيب يلا. ودخلوا ومكنش لسه اياد دخل نور حمدت ربها. وبعد تلت ساعة دخل اياد وكان بيبص بين وجوه الطلبة.

كإنه بيدور عليها ولما لقاها عيونه حمرت و...