رواية قسوة الحياة الفصل الحادي والأربعون 41 - بقلم ريتاج محمد

مرة واحدة لقت اللي بيشدها من وسطها بعصبية وقال: "انتي إيه اللي منزلك في ساعة زي دي بالليل كده؟ فجر بتوتر وهي بتبعد: "م.. مهو.. مهو" أيمن بعصبية: "مهو إيه؟ اخلصي." فجر بتلقائية: "نفسي هفتني على شوكولاتة. ومفيش حرس عشان يجيبولي." أيمن بغضب: "تقومي نازلة لوحدك؟ فجر بإحراج وهي حاطة إيدها على راسها: "بص لو سمحت متزعقليش. أنا ملقتش قدامي حل غير إني أنزل كده." أيمن بص لها من فوق لتحت وقال بعصبية بعد ما شاف إنها لابسة عباية

مفتوحة وطرحة على البيجامة: "تقومي تنزلي كده؟ اطلعي على فوق ومشوفكيش نازلة في وقت زي ده تاني.. يلا." فجر بخضة: "طب والشوكولاتة؟ أيمن بعصبية: "مفيش زفت. انجزي يلا." وبزعيق: "يلاااا." فجر وهي هتعيط من طريقته وهي ماشية وبصوت عالي: "والمصحف ما مكلماك تاني يا زبالة يا همجي." وقالت في سرها: (غير بمزاجي) أيمن بدهشة: "أنا زبالة وهمجي؟ خدي هنا يا بت." لكن كانت هي طلعت الفيلا.

أيمن راح ركب عربيته تاني وراح على أقرب سوبر ماركت وجاب اتنين شوكولاتة وكام كيس شيبسي على كام آيس كريم 4U وصاروخ. وعشان عارف إنها عيلة جاب لها مصاصات ولبان مربيلا والجيلي الشعرية والجيلي الدبدوب والدودة والهم برجر والجيلي العين. على كام كيس إندومي وبليزو على هوهز وجاب لها جاجوار عشان عارف إنها بتحبه. وسبشيال ودوريتوس وفشار بالبيتزا الإيطالي وبرنجلز وسبيرو سباتس. من الآخر عمل لها تشكيلة حلوة.

وركب عربيته وراح على الفيلا تاني. *** عند فجر وهي طالعة على السلم قالت بشر: "وربنا لما أشوفك يا أيمن الكلب. انت بقى انت متخلينيش أشتري الشوكولاتة اللي أنا عايزاها. طيببببب طيب وربنا لأوريك." وافتكرت حاجة وجرت على أوضة كانت جنب السلم وراحت فتحت الباب. (دي أوضة الرسم بتاعتها لو فاكرين هي في فنون جميلة) جابت جردل بلاستيك خفيف وملته مية وجابت اللون الأحمر ودلقته كله وقلبته في المية.

وراحت حطت الجردل ده على باب الفيلا من فوق وهي خايفة يقع. بحيث أي حد جاي الجردل هيقع فوق راسه. وطلعت وهي مرتاحة نفسياً من اللي هي عملته. *** عند هنا لقت المسج اتبعتتلها على الماسنجر. دخلت لقت واحد باعتلها: "لعبك جامد على فكرة. ابقى علمني بقى." هنا باستغراب وهي بتكلم نفسها: "هو لهب معايا فين ابن المهطولة ده؟ وكتبت: "أفندم؟ سراج: "أنا الكينج." هنا: "انت؟ سراج: "آه." هنا: "امممم طب فاكرني؟ سراج باستغراب:

"هو أنا شفتك أصلاً قبل كده؟ هنا: "آه من 10 شهور أو 9 مش فاكرة. لما خبطت فيا في السوبر ماركت وأنا هزقتك." سراج: "إيدها. هو دي انتي؟ هنا: "تخيل." سراج: "دنتي ورايا ورايا بقى." هنا: "ليه؟ هو أنا اللي دخلت وكلمتك أو بعت ألعب معاك ببجي؟ سراج: "طب لي الإحراج ده؟ هنا بابتسامة: "أحسن." سراج: "طيب طيب خلاص فكينا من ده. عاملة إيه؟ هنا: "انت مش لسه سألتني واحنا بنلعب؟ سراج: "انتي قصدك تحرجيني على فكرة." هنا: "ممكن." سراج:

"انتي في كلية إيه؟ هنا: "هو بعيداً عن إنك مالك بس إشطة. هندسة ديكور. وانت؟ سراج: "شرطة." هنا: "واو." سراج: "هو إيه اللي واو؟ انتي معندكيش ضابط في العيلة؟ هنا: "لا عندي." سراج: "مين؟ هنا: "... *** أيمن وصل عند باب الفيلا وكان داخل وناوي يصالح فجر عشان زعقلها. ولسة بيفتح باب الفيلا لقى جردل كبير بيدلق عليه. أيمن بشهقة بسبب المية اللي غرقته: "هيييي." أيده لقت الهايكول اللي كان لابسة الأبيض بقى أحمر.

أيمن عينه احمرت وبص بغضب عشان عرف إن فجر هي اللي عملت كده. طلع بسرعة على أوضته وخبط على أوضتها. فجر فتحت لقت أيمن بيحدف كيس الحاجة الحلوة في وشها جامد. فجر بوجع وهي حاطة إيدها على وشها: "ااااه. انت متخلف يلا." أيمن بعصبية: "يلا... ماشي. هروح أغير هدومي وأجيلك يا عرة. بقى أنا يتدلق عليا جردل مية بلون من حتة بت مجبتش نص طولي." هنا بصتله جامد ورفعت سبابتها في وشه وقال بتحذير: "متغلطش في طولي عشان مقلش منك." أيمن بسخرية:

"لا يماما خوف. حد يخبيني في جيبي بسرعة." وكمل بغضب: "تعالي قلي مني. أقولك أنا هروح أغير وأجي نشوف مين اللي هيقل بالتاني." هنا: "طب غور بقى." ورزعت باب الأوضة في وشه. أيمن بغيظ: "طييييب طييييب وربنا لأوريك." وراح عشان يغير هدومه المبلولة. *** عند جودي كانت قاعدة بتفكر في المكالمة اللي كلمتها مع سالي. فلاش باك. جودي بتوتر وكذب: "انتي جبتي الكلام ده منين؟ أنا معملتش كده." سالي بثقة:

"بصي يماما. الكلام ده يخيل على كلو ما عدا أنا. عارفة ليه؟ لأن أنا ليا عيون في بيت عدي. وخلتها تصورك وإنتي بتحطي السم في كوباية سيدرا اللي فجر شربتها واتسممت. فاحذري مني." جودي بتوتر: "طب انتي عايزة إيه دلوقتي؟ سالي بتعالي: "امممم.. متلفيش على عدي عشان مخليهوش يزعل منك." جودي وهي بتحاول تخوفها:

"طب بصي بقى. انتي هتقولي له اللي أنا عملته. انتي كمان ممكن أقول له اللي انتي عملتيه وإنك كنتي بتسربي أهم ملفات من وراة لأعداءه من مكتبه بحجة إنك كنتي بتيجي لفجر على أساس صاحبتها." سالي بدلع: "حببتي. فكري عدي أهبل؟ عدي عارف يماما. لو مكنش عارف مكنش آخر مرة روحتلهم كلمني بقرف. هو وفجر." جودي: "يعني انتي معندكيش كرامة؟ وكنتي رايحالهم بجاحة؟ سالي: "مش شغلتك. عمتا اللهم بلغت اللهم فشهد. سلام يبطة." *** جودي بغيظ:

"فعلاً عدي مش أهبل عشان يسيبها بعد اللي كانت بتعمله ده. أكيد في سبب كبير يخلي عدي محبسهاش لحد دلوقتي. عمتا الأيام هتعرفنا. وبعدين قال متلفيش حوالين عدي قال. دنا مصدقت اللي اسمها سيدرا دي تغور عشان أحاول أقرب منه. يلا." *** عند عدي قعد طول الليل يفكر إزاي ميخسرش سيدرا وفي نفس الوقت ميخسرش الملف المهم. لأن الملف ده فيه أدلة على راشد المجيدي توديه ورا الشمس. فلو الملف راح يبقى بمثابة قضية كاملة لمتهم خطر راحت عليهم.