رواية قسوة الرعد الفصل العشرون 20 - بقلم زوزا

رعد طلع أوضته وفتح الباب ودخل وقفل الباب وراه. رعد بص لـ نبض اللي طرحتها مغطية وشها. قرب منها وقعد على السرير. نبض اتخضت نوعًا ما. رعد شال من على نبض طرحتها، ونبض فتحت عينيها ببطء وبصت لـ رعد. رعد فضل يتأمل نبض وعيونها وجمالها وفستانها. "نبض كانت لابسة فستان بسيط بكم ضيق محدد جسمها ومبين جزء من الضهر وفيه تطريز بسيط، وكانت حاطة روج باللون الهادئ وكحل حدد عينيها، وطرحة على رأسها قصيرة."

رعد بسخرية: اومال فين أم لسان واللي مش بتعرف تسكت لحظة؟! نبض: لازم تراعي إنّي محرجة، ولا أنت معندكش قلب؟ رعد: لا، معنديش قلب. نبض بتلقائية حطت إيديها على قلب رعد: طول ما ده بينبض، يبقى أنت عندك قلب. رعد مسك إيد نبض وشالها بعنف وقام دخل الحمام. نبض بتريقة: لا، معنديش قلب. 😒 نبض: أوف، ربنا ينكد عليك زي ما نكدت عليا. نبض قامت وقفت ودخلت أوضة الملابس. لقت هدوم كلها قصيرة.

نبض بصدمة: دول لو قاصدين يخلوني أنتحر ما هيعملوا كده. رعد: انجزي، غيري. نبض: ما براحة بس بكتشف المكان. رعد: طب انجزي، ورايا سفر. نبض بصدمة: سفر إيه؟! أنت هتسبني وهتمشي؟!!!! رعد: ليه نغة صغيرة؟ نبض: لا، بس على الأقل النهاردة افضل معايا. أنت عايز الناس تتكلم عليا. رعد: بت بت، مش فايق. ابعدي كدة من وشي. نبض: طب والله لو نزلت لأكون قاتلة نفسي. رعد: أحسن، هرتاح منك. محسساني إني متجوزك حب.

نبض: لا، أنا مش هخلي وشي وحش قدام حد. رعد: بصي، كل اللي عندك ليا هو إني أبقى جوزك، بس غير كده معنديش. رعد: لما أكون عايز أقربلك، أبقى أقربلك بمزاجي، فابعدي عن وشي، لأني لما بشوفك بتفكريني بواحد صاحبي بكرهه أوي ومش بطيقه. 😏 نبض: هو أنت كارهني أوي كده ليه؟ رعد: لأنك زي غيرك، عايزة ضرب الجزم. يلا بره. نبض خرجت بره أوضة الملابس وقعدت على الكنبة.

رعد غير هدومه. "لبس بنطلون أسود وتيشيرت أسود وكوتشي جملي وحط البرفيوم بتاعه ولبس ساعته." رعد جهز شنطة صغيرة وحط فيها هدومه وخرج. رعد: قومي، اقفي. نبض قعدت تصفر ببرود تام. رعد مسكها جامد من دراعها وقومها غصب. نبض: إيه بقى، وسع؟ رعد لف نبض وفتح ليها الفستان، ونبض شهقت ومسكت الفستان قبل ما يقع. رعد: نخلص بدل فقرة الكسوف بتاعتك، لو سمحت افتح لي السوستة ومش عارف إيه... انجزي، ورايا شغل، خشي غيري هدومك.

نبض: ما أغير هدومي براحتي يا أخي، أنت مالك؟ رعد: طيب، لو عايزاني أتكلم معاكي وإنتي بالشكل ده، ماشية. رعد قرب من نبض، ونبض رجعت لورا، اتكعبلت في الفستان، ورعد مسكها من خصرها. رعد: متخافيش، مش ولهان (بمعنى عايز أوي أو حابب) أوي إني أقربلك. رعد: لو عايزانا نتكلم بالشكل ده، معنديش مانع. هقول كلمتين وأخلص.

رعد: مبدئيًا، كلام مع رجالة غير اللي في البيت ممنوع. لو فكرتي بس تهربي، قسما بربي لأكون فاصل رقبتك عن جسمك. خروج بره البيت ممنوع إلا بإذني. سجلتلك رقمي على تليفونك، ومتسأليش فتحته إزاي. لو قربتي من أي خيل تحت، هعرف. لو عرفت إنك لبستي ضيق وقصير، وربي أجيبك من شعرك وأمسح بيكي بلاط الأرض. مسعد ده، إياكي إياكي تتكلمي معاه. إياكي. يوسف، إياكي تقعدي معاه في أوضة واحدة والباب مقفول. تحترمي قوانين البيت ده وتحترمي كلام جوزك.

رعد: ويا ويلك لو خالفتي حاجة من دول، وربي لأخليكي تندمي على اليوم اللي اتولدتي فيه. رعد: أتمنى يكون كلامي مفهوم. رعد زق نبض، وسندت على الحيطة. رعد مسك شنطة الهدوم وحطها على كتفه ونزل لتحت. كان الكل نام وخرج، ركب عربيته ورجع القاهرة. عند نبض. نبض كانت واقفة مدهوشة من كل الأوامر ومن طريقة كلامه ومن أفعاله. وأكتر حاجة ضايقتها إنها هتبقى بكرة تسلية لـ زهرة.

نبض دخلت أوضة الملابس غيرت هدومها. "نبض لبست طقم قصير لغاية قبل الركبة بحمالة رفيعة على الكتف مبين الضهر باللون الأسود.. سابت شعرها على ضهرها." نبض طلعت على السرير، شمت ريحة رعد في المخدة. نبض: اوف، حتى وإنت مش موجود مضايقني. نبض قامت ونامت على الكنبة وكانت منكمشة على نفسها. في مكان تاني. في أوضة ملك. ملك كانت قاعدة بتعيط أوي لأن رعد اتجوز نبض. ملك بعياط: حرام عليكوا... أنا أعرفه قبلها. اشمعنى هي؟!

طب وربي لأكون مسودة أيامه. ملك حطت رأسها على المخدة وقعدت تعيط لغاية ما راحت في نوم عميق. في الصباح الباكر. هدي: يلا يا ست منك ليها، جهزوا الفطار. ورد: فطار العرايس جاهز يا أما. شربات بتعب: صباح الخير. الكل: صباح النور. هدي: إيه اللي خرجك بره أوضتك يا شربات؟ شربات: حسيت بملل يا حاجة. هدي: طيب، اجعدي. شربات: شكرًا. علا: اطلع الأكل. ثريا: نبض هتلاقيها مصحيتش، لما بتتعب بتنام لفترة طويلة. نبض شبه نايمة: صباح الخير.

الكل بص لـ نبض. "نبض كانت لابسة بنطلون أسود وتيشيرت زيتي بكم و كوتشي أبيض ورفعت شعرها ديل حصان." ورد: حد يلبس غامق يوم صباحيته؟ نبض: بصوا، أنا مش فايقة لحد. هدي: فين رعد يا بتي؟ نبض: أنا أعرف أهو، راح في أي داهية. ثريا قربت من نبض وقعدتها على الكرسي. ثريا بهمس: حصل إيه يا نبض؟ نبض: أنا أعرف، أهو غار، سافر ولا اتزفت. بصي، هو اختفى. علا بصدمة: رعد سابك ليلة فرحكوا؟!!!!! نبض: فرح مين بس، مين جاب سيرة الفرح؟!!!

زهرة: بتتحدي ولا كأنه هامك حاجة كيف؟ نبض: أساسًا ميهمنيش... فليذهب إلى الجحيم. ثريا: طب تعالي معايا يا نبض. نبض وثريا طلعوا أوضة نبض ورعد. ثريا: حصل إيه يا نبض، احكيلي. نبض حكت كل اللي حصل لـ ثريا. ثريا: اممم، هتلاقيه فعلاً عنده شغل. ثريا: أصل نسيت أقولك، هو بيشتغل إيه؟ نبض: الباشا بيشتغل إيه؟ ثريا: ظابط يا نبض. نبض: طيب، ألف مبروك. ثريا: بصي يا نبض، ممكن تبقي كسرة نفس ليكي، بس لازم تقدري... ماشي يا حبيبتي؟

نبض: بصي، ولا فارق معايا أي حاجة. نبض: يلا ننزل. نبض وثريا نزلوا وقعدوا على السفرة. عادل: فين جوزك؟ نبض: سافر. عادل: كيف عاد؟ نبض: اتصل بيه اسأله. عمر: متأكدة يا بتي؟ نبض: هكدب يعني؟ هو أنا هصاحبه. جلال بغضب: إزاي ده يحصل يا عمر؟ إزاي يسيب مراته ليلة الفرح ويمشي؟ عمر: اهدي يا خويا. نبض: فيه إيه يا جماعة، عادي يعني ما تسيبوه، مكبرين الموضوع أوي. الكل بص باندهاش لبرود أعصاب نبض.

نبض: عادل بيه، عايزة حضرتك في موضوع بعد الأكل. هدي: كُلي يا بتي، كُلي. نبض: تسلمي يا طنط. ملك: تأكل كيف وعريسها سايبها ليلة فرحها؟ لـ تكون مع"يوبة. الكل بص لـ ملك، ونبض سابت الأكل من إيديها. نبض: شغل التحفيل اللي هتعمليه ده يتلم، علشان معلمش عليكِ. نبض قامت وسابتهم، طلعت للجنينة. وأدهم قام وراها. أدهم: احم احم. نبض: خير؟ أدهم: أسف لو هزعجك، بس متضايقش. أدهم: بس للأسف، رعد أهم حاجة في حياته شغله.

نبض: مين قال إني مضايقة؟ عادي جدًا، أساسًا مش متجوزين عن حب عشان أزعل. وبعدين، هو مين أصلًا عشان أفكر فيه؟ أدهم: فيه إيه يا بنتي، أنتِ قاسية أوي كده ليه؟ نبض: فين القسوة دي؟ بس عمومًا، عايزة أسألك سؤال. أدهم: اتفضل. نبض: أنت مختلف ولا زي إخواتك؟ أدهم: طول عمري فريد من نوعي. نبض ابتسمت لـ أدهم. عادل جه ووقف جنب نبض. عادل: ادخل يا أدهم. أدهم: عن إذنك. عادل: اتحددي.

نبض: كنت هنزل أشتغل في المستشفى اللي هنا.. عايزة مساعدة. عادل: مرتب يعني؟ كيف الباجي؟ نبض: لا، أنا هشتغل مجاني لغاية ما أرجع المستشفى بتاعتي في تركيا. نبض: أقصد، عايزة المستشفى تبقى مستشفى نضيفة مش مز"بلة كدة، يحصل فيها تجديد وأنا هشرف عليها بنفسي. نبض: وكمان، بدل القعدة دي.. مش عارفة أعمل إيه. عادل: اتعلمي وكلّي لجوزك ولعيالك. نبض: خلينا متفقين إن الجواز ده جواز مصلحة. عادل: ولو؟ نبض: مفيش ولو...

وكمان، أنت لسه متعرفنيش، لما يكون في دماغي حاجة بنفذها ولو هيحصل إيه. نبض: عنيدة بقى، معلش.. وكمان، أنا مش بعاند في حاجة غلط وحرام. نبض: الشغل مش حرام ولا غلط، وكمان أنا بشتغل شغل شريف. نبض: وكمان، أنت مش جوزي عشان توافق أو ترفض.. رعد عارف ووافق. عادل بصدمة: رعد وافق؟ نبض بخبث: أيوه. عادل: طيب، شوفي عايزة إيه واعمليه. نبض: شكرًا.

نبض عرفت أن عادل ورعد علاقتهم متوترة، فاستغلت ده، وقالت إن رعد عارف لأنها عارفة إن عادل مش هيكلمه. نبض: آه، عايزة خيل أو مهرة. عادل: بتعرفي تركبي؟ نبض: عيب عليك. عادل بص ليها من تحت لفوق. نبض بصتله برفعة حاجب. عادل: آدم يا آدم. أدم: نعم يا جدو؟ عادل: روح مع بنت عمك خليها تختار مهرة. أدم: حاضر يا جدو. عادل: قدام. نبض بصت باستحقار لـ أدم، وبعدها مشيت ناحية الأسطبل، وأدم وراها. أدم (بعصبية) : مش خدامك أنا. نبض (بغضب)

: أنت تطول يا حيوان أنت. أدم (بغضب) : لا، ده أنتِ ناقصة تربية بقي. نبض: آه، هتعمل إيه يعني؟ أدم قرب من نبض وكان رافع إيده عشان يضربها، نبض ضربته بركبتها في بطنه. نبض مسكت أدم من التي شيرت بتاعه. نبض (بغضب) : قسما بربي، إيدك الحلوة دي لو لمست شعرة مني، لأكون كسرهالك ومش هكتفي بكده وبس. أدم (بغضب) : شيلي إيدك، أنتِ اتجننتي ولا إيه؟ أدم زق نبض بعيد عنه بغضب. نبض: والمفروض أخاف منك...

ويلا، مش محتاجة منك حاجة، غور في داهية. أدم: ما أنتِ لو كان عندك أم ربتك، كان زمانك محترمة نفسك. نبض رفعت عيونها لـ أدم بغضب: أمي ربتني أحسن تربية، الدور والباقي عليك.. واضح من تربيتك أوي إن أمك عرفت تربيك كويس. أدم مسك رقبة نبض بغضب. نبض بصتله بتحدي. ملك: بتعملوا إيه هنا؟ نبض وأدم بصوا لبعض، وبعدها بصوا لـ ملك. نبض حطت إيديها على كتف أدم: كنا بنشوف طول بعض، مين أطول من التاني؟

ملك بصتلهم باستغراب، وأدم اندهش من فعل نبض. ملك: أدم، عمي عمر عايزك. أدم: تمام. ملك سابتهم ومشيت. أدم بص باستغراب لـ نبض. نبض شالت إيديها وقربت من الخيول وبدأت تتفحصهم. نبض لقت المهرة اللي هي ركبتها في الأول. نبض: اسمها إيه؟ أدم: ملهاش اسم. نبض بابتسامة كبيرة: يبقى أنا اللي هسمي القمر دي. نبض: قدر. اسم حلو أوي. نبض باست قدر وحضنتها. نبض: تقدر تمشي؟ مستني إيه؟ أدم بص لـ نبض وسابها ومشي. نبض فضلت تتكلم مع قدر.

نبض: يا أختي، كميلة عليكي أنتِ. نبض ضحكت، وبدأت تأكل قدر، وبعد فترة سابتها ومشيت. في القصر. نبض: اومال فين الباقي؟ علا: كل الرجالة راحت تشوف مشاغلها. نبض: تمام... أخبارك يا مدام شربات؟ شربات: بخير يا حضرة الحكيمة. نبض: دكتورة بعد إذنك. شربات: ماشي. نبض: آه صح، هو فين يوسف؟ زهرة: عايزة إيه من يوسف؟ نبض: هتكلم معاه. زهرة: لا، معندناش الكلام ده. نبض برفعة حاجب: ليه بقى؟

زهرة: لازم الكل يحترم نفسه ويحترم المكان اللي هو عايش فيه. زهرة: والكل يمشي بالتقاليد والأصول. نبض (ببرود) : خلاص، جيبوا لنا قرد صغير زي جوزك كده. 😂 نبض قامت وسابتهم، وزهرة فتحت عينيها على آخرها. هدي لنفسها: هي طالعة جبارة كده لمين؟ ورد: بتقولي حاجة يا أما؟ هدي: ها؟! لا. هدي: يلا، همي من هنا. ملك (بغضب) : هي جاية وفاردة جناحتها كده ليه؟ هدي: عيب يا ملك، دي بنت عمك. ملك: المفروض تعرفوها الأصول يا جدة.

علا: اهدي يا ملك، اهدي. عند نبض. نبض طلعت لأوضة يوسف وخبطت الباب ودخلت. نبض: هاي. نبض: جيت أتكلم معاك شوية. يوسف (بتقطع) : اا نننت يي تتا اان نني (أنتِ تاني؟ يوسف (بتقطع) : ممم شش الننه هها ارر ددة صصب با ااح يي تتتك (مش النهاردة صباحيتك) نبض قعدت على سرير يوسف وربعت. نبض: والله ما شوفت نهار عدل من ساعة ما جيت هنا. يوسف (بتقطع) : لل لي يه (ليه؟ نبض: معرفش، ممكن عشان مش متعودة... معرفش.

نبض: عمومًا، طمني عليك، عامل إيه؟ يوسف (بتقطع) : رر ععد دد ععا اا رررفف (رعد عارف؟ نبض: هاخد إذن الباشا كمان عشان أجي أقعد معاك، وكمان أنت ابن عمي، عادي عادي. يوسف (بتقطع) : ههه ننا ممف ييش شش ععا ااد ددي (هنا مفيش عادي) نبض: يوسف. يوسف (بتقطع) : نن ععم مم (نعم) نبض: مش هتحكي لي؟ يوسف (بتقطع) : ااحككي ي للك ااا ييه هه (أحكيلك إيه) نبض: أنت عارف كويس يا يوسف. الباب خبط، وعلا دخلت. علا: مساء الخير. نبض: مساء النور.

علا: نبض حبيبتي. نبض: نعم يا طنط. علا: يا حبيبتي، أنتِ دلوقتي متجوزة، لازم تعملي حساب لجوزك وهو مش موجود قبل ما ييجي موجود. ورعد لو كان هنا ما كانش هيسمح تقعدي أنتِ ويوسف في أوضة لوحديكوا مجفول عليكوا باب واحد. عشان كده يا حبيبتي، معلش متيجيش تقعدي أنتِ ويوسف لوحديكوا في مكان مقفول. نبض: بس يا طنط، أنا ويوسف زي الأخوات، وأنا حبيته جدًا غير أدم وملك وزهرة، وأنا بحب أتكلم معاه، بحسه بيفهمني كده.

علا: خلاص يا حبيبتي، ابقوا اقعدوا قدامنا عشان يا حبيبتي سمعتك وعلشان خاطر جوزك. نبض: حاضر يا طنط. عن إذنكن. نبض خرجت بره أوضة يوسف. علا حضنت يوسف وقعدت تقرأ شوية قرآن لغاية ما نام. في مكان تاني. في القاهرة. عند رعد. رعد كان في المبنى بتاعه هو وفرقته. عز: كده يا عم تتجوز ومتقولش ليا؟ رعد بحدة: مهند. مهند: نعم يا كبير. رعد: جيت هنا، قلت للكل إني اتجوزت صح؟ مهند: لا والله، هما الفرقة كلها.

رعد بحدة: طيب، الكل يسمعني، أي حد هيجيب سيرة إني متجوز لأي مخلوق، لا يلوم غير نفسه. مهند بهمس: إحنا هنستعبط، ما أنت متجوز من سبع سنين. رعد بصوت هادئ: على أوضة التدريبات يا مهند. مهند: وشي، أبوس إيدك، أنا عايز أرجع سليم لمراتي. رعد بهدوء: سمعتني؟ مهند بص للكل وراح على أوضة التدريبات، ورعد راح وراهم. محرم: هو ليه مش عايز حد يعرف إنه متجوز؟ عز: هتلاقيه جواز تقليدي عشان الصعيد وكده. يزيد: ممكن. في أوضة التدريبات.

مهند: طب قولي، هتضربني فين طيب؟ رعد: إيه يا حضرة الظابط، أنت نسيت إننا نحاول قدر الإمكان توقع مكان الضربة. مهند بص لعيون رعد، شك إنه هيضربه في الضلع. رعد مد إيده عشان يضرب مهند. مهند رجع ورا ضهر رعد، بس رعد بكوعه ضرب ضهر مهند. 😂 مهند بوجع: ربنا على المفتري. 😑 رعد: هتقوم ولا أجلك؟ مهند سند على الأرض بإيده وقام. رعد ضربه بوكس في وشه: كفاية عليك كده. رعد ساب مهند وراح لمكتبه، ومهند عالج جروحه ورجع للباقي.

يزيد: أنت كويس؟ مهند: سأخبر الله بكل شيء. 😑😒😂 عز: وأنا هاجي معاك. 😑😂 رعد بحدة: عز. عز: ولا أعرفه يا باشا. 😂 كل واحد قعد على مكتبه وبدأ يشتغل. رعد: هات لي صورة الواد المشتبه. محرم: اتفضل يا باشا. رعد قعد يبص على الملف والصورة. رعد: خرجوه بره القضية. يزيد: مش هو؟ رعد: لا. يزيد: تمام، فيه واحد تاني. رعد: وريني. يزيد: اتفضل. رعد كمل شغل شوية، وبعدها رجع ضهره للكرسي. رعد: القضية خلصت. عز: بجد؟ إزاي؟!!!!!! رعد: تعالا.

رعد بدأ يحكي كل اللي هو اتوصل ليه. في مكان تاني. في تركيا. في المستشفى. (حوار مترجم بالتركية) محمد: ميران، مشوفتيش فتون؟ ميران: على ما أعتقد في أوضة التبديل. محمد: شكرًا. محمد راح لأوضة تبديل الملابس، دخل لقي فتون بتلبس القميص بتاعها وضهرها للباب. محمد قرب من فتون وحضنها من ضهرها: وحشتيني. فتون: كذاب. محمد: مقدرش أكذب عليكي يا قمر. محمد: حقيقي وحشتيني. محمد با"س رقبة فتون وشدها ليه أكتر.

(نسيبهم مع بعض شوية بقا، مالناش دعوة 😑😂) عند ميران. اشين: دكتورة ميران، في حالة مستعجلة. ميران راحت للإسعاف، ولقيت حالة غريبة قدامها. ميران: إيه اللي حصل؟ آزاد: شاكين إنها حامل. ميران بصدمة: طفلة وحامل!!!! ميران: جيب السونار. آزاد: لحظة. ميران: لقيتوها فين؟ اشين: في شخص وهو ماشي، لقاها واقعة في الأرض وبتصرخ. ميران: استعجلي يا آزاد. اشين: حاضر. بعد فترة، جه جهاز السونار، وميران بدأت تفحص بطن الطفلة.

ميران: نادي الدكتور محمد. اشين: حاضر. اشين قعدت تدور على محمد لغاية ما راحت أوضة التبديل. اشين: دكتور م... اشين لفت وشها بسرعة، ومحمد بعد عن فتون. محمد: خير يا اشين؟ اشين: دكتورة ميران كانت عايزة حضرتك في الإسعاف. محمد: حاضر، جايم. محمد بص بضيق لـ فتون ومشي ورا اشين، وراح لميران. ميران: خير؟ محمد (بعصبية) : مش عارف أقعد مع فتون ولا في البيت ولا حتى في المستشفى، ده إيه الذ"ل ده؟ متجوزها أنا ليه بقى؟

ميران: مش وقته، بعدين تعالا كده. محمد: إيه؟ محمد راح وشاف اللي ميران بتشاور عليه. محمد: هيأخد وقت كبير. ميران: أو ممكن نجري عملية. محمد: حجم كبير زي ده، نتقلصه يا ميران؟ ميران: الحل الوحيد عشان نقدر ننقذ الطفلة. محمد: المسؤولية؟ ميران: عليا. محمد: طيب، موافق. ميران: جول، جهزي أوضة العمليات. جول: حاضر. وبدأوا يجهزوا نفسهم للعملية. 💜💜💜💜💜💜💜💜💜💜💜💜💜💜 في مكان تاني. في الصعيد. في الليل.

نبض كانت بتتمشى في الجنينة لوحدها، فجأة لقت حد كتم بوقها بإيده وشدها لورا القصر. نبض كانت بتقاوم بس معرفتش بسبب إن نفسها مكتوم وضغطها بدأ يوطي. نبض لقت الشخص اللي وراها حاطط سك"ينة على رقبته. نبض فتحت عينيها على آخرهم و......