رواية قسوة الرعد الفصل الحادي والعشرون 21 - بقلم زوزا

نبض بخضة: استغفر الله العظيم. نبض قامت من نومها عرقانة ومخضوضة، وكانت حاطة إيديها على رقبتها. "إيه الحلم ده؟! نبض بصت حواليها، لقت الدنيا قربت على الليل، والباب خبط. نبض: ادخل. ثريا: نبض... بقلق: مالك ي حبيبتي؟ ثريا قربت من نبض ومسكت وشها بين إيديها. نبض: مفيش حاجة، شوية إرهاق. نبض: كنتي عايزة إيه؟ ثريا: قومي البسي فستان شيك كده من بتوعك يحبيبتي، علشان الستات جاية تبارك ليكي. نبض: ستات مين؟ ثريا: ستات البلد.

نبض: ليه؟ هو فيه إيه؟ ثريا: مش انتي اتجوزتي امبارح؟ نبض: بتقولوا. ثريا: ي بت اتعدلي بقى. نبض: ي ثريا سيبيني أنام الله. ثريا: ي بت قومي بقى، من امتى وانتي بتنامي كتير؟ نبض: من ساعة ما جوزتوني وأنا معرفش.. قومي بقى متقلبيش عليا المواجع ي ثريا. ثريا: ربنا يشفيكي. نبض: طب وسعي من على السرير بقى، عايزة أنام. ثريا: طب قوليلي، اتكلمتي مع رعد؟ نبض: هه، مين دي؟ أنا؟ وحياتك أبداً. ثريا: ليه؟ مش المفروض تطمنّي عليه؟

نبض قامت وسابتها ودخلت الحمام، أخذت دوش بسيط وخرجت. ثريا: طب اعرفي راجع امتى وجهزي نفسك. نبض: ثريا اطلعي من دماغي. نبض دخلت أوضة التغيير، واختارت فستان شيك باللون الأسود بكم ومفتوح بسيط من الجنب، مع روج غامق. وخرجت لقت ثريا قاعدة وحاطة إيديها على خدها. نبض: اممممم؟ ثريا: أنا عملت حاجة؟ نبض: هرمونات النكد هتبدأ تظهر أهي. نبض سابت ثريا وخرجت بره أوضتها، خبطت في أدهم. أدهم: انتي كويسة؟ نبض: آه. أدهم: أحب أقولك حاجة.

نبض: إيه؟ أدهم: انتي جميلة. نبض: مع إني عارفة، بس شكراً. نبض سابت أدهم، وأدهم فتح بوقه من كتر الصدمة بسبب ثقتها الزايدة. هدي: تعالي يحبيبتي. نبض: نعم ي طنط. زهرة: ما تعدلي بوقك. نبض: دي طريقة كلامي، واللي مش عاجبه يروح في داهية تاخده. هدي: ده انتي مصيبة ي نبض... ثريا شكلها قالتلك. نبض: مش عارفة، هو أنا بضاعة هييجوا يشوفوها؟ هدي: معلش يحبيبتي، دي العادات عندنا. نبض: طيب.. مطلوب مني إيه؟

ورد: ولا أي حاجة، الستات هتيجي تسلم عليكي وبس. نبض: طيب، شغلانة سهلة أهي. نبض لقت عادل ماشي رايح أوضة مكتبه. نبض: عادل بيه. قامت وراحت لعادل ووقفت قدامه. نبض: بالنسبة للمستشفى، أنا عايزة أبدأ فيها من النهاردة، مش هستنى. عادل: مسعد وأدم هيبقوا معاكي. نبض: ماشي، مش مشكلة. عادل: طيب، بعد المباركة ابقي تعالي الأوضة. نبض: ماشي، شكراً. نبض سابت عادل ومشيت بتفكر. نبض لنفسها: هو ممكن يقول لأخوه؟ نبض لنفسها: إيه ده؟ إيه ده؟

من امتى أنا خايفة؟ أنا مش...