رواية قسوة الرعد الفصل السابع 7 - بقلم زوزا

رعد بصوت عالي: مهند رد عليا. فاطمة بصريخ: مهند!!!!! رعد: مهند سامعني. مهند كان هيرد على رعد بس بدأ يحس نفسه مش كويس وبدأت الرؤية تبقى غير واضحة ووقف العربية فجأة. فاطمة بدموع: مهند انت كويس؟ فاطمة مسكت التليفون وكلمت رعد. فاطمة بدموع: رعد بيه مهند مش بيرد عليا. رعد: هتعرفي تبعتي المكان ولا جاهلة؟ فاطمة بدموع: هعرف. رعد: طيب انجزي. فاطمة بدموع: حاضر. فاطمة بعتت المكان لرعد. رعد أخد نفسه وركب عربيته وراح لمهند.

بعد فترة رعد وصل ونزل من عربيته لقي عربية مهند في نص الطريق، عُرضة إن حد يشيلها وهو جاي. رعد: مهند انت كويس؟ رد عليا. رعد شاف نبض مهند وبعدها مسك دراعه ولفه حوالين رقبته ومسكه من وسطه ومشي بيه لغاية عربيته وركبه العربية. رعد أخد من فاطمة زياد وفتح الباب لفاطمة. فاطمة كانت بتعيط ونزلت راحت ركبت في عربية رعد وأخدت زياد من رعد. رعد بحدة خفيفة: بطلي عياط. رعد بدأ يسوق ناحية القصر وبعد فترة وصل.

رعد: انت يا زفت نادي الدكتور. حارس: حاضر يا بيه. دخلوا مهند أوضة من الأوض وفاطمة واقفة شايلة زياد وبتعيط. علا: تعالي يا حبيبتي معايا بره. فاطمة بعياط: هيبقي كويس؟ علا: أيوه متخافيش تعالي. فاطمة راحت مع علا وقعدت مع باقي الستات. ورد: متخافيش يا بنتي خير. ملك: يا رعد رعد. رعد: خير؟ ملك: الحكيم جه. رعد: دخليه. دخلوا الدكتور وبدأ يكشف على مهند. الدكتور: مش شايف سبب للإغماء، ممكن يبقى نتيجة قلة تغذية متقلقوش.

آدم: طيب اتفضل معايا. آدم حاسب الدكتور ومشّاه ورجع لرعد. رعد: لما يفوق ناديني. آدم: طيب. رعد خرج ولقي فاطمة وزياد. رعد: خلوها تبات في أوضة هي وابنها. هدي: طيب يا حبيبي. هدي: هتاكل إيه بقى؟ رعد: لا. رعد سابهم وطلع لأوضته. وكل واحد راح يشوف وراه إيه. بليل. عادل: فين الوكل؟ علا: أهو يا عمي. ورد: بنجيبه... بس شربات يا عمي مش بتساعدنا في حاجة. عادل: مش ممكن هي اللي تجيب الواد اللي انتي ومرات ابوه علا مجبتيهوش.

ورد حطت رأسها في الأرض وزهرة وملك وقفوا جنبها. زهرة: اقعدي يا أما إحنا هنجيب الوكل. ورد: طيب يا زهرة. ورد وعلا قعدوا وجت شربات وقعدت بكل راحة. شربات: والنبي يا زهرة ناوليني كوباية ميه. زهرة: حاضر يا مرات أبويا. زهرة: اتفضلي. بلال: فين آدم وادهم؟ عمر: مع أخوهم رعد. بلال: طيب. عادل: حد ينادي الباقي. هدي: خليكوا يا بنات. هدي طلعت أوضة رعد لقيته قاعد مع اخواته. هدي: يلا يا حبايبي العشاء. رعد: انزلوا انتوا...

وقولوا لمرات مهند وابنها. هدي: مش واجب يا ابني نقول لأهل مهند. رعد: أنا كلمتهم وقولت لهم إنهم مش جايين النهارده. هدي: طيب يا حبيبي. أدهم: رعد. رعد: خير؟ أدهم: هو إنت راجع تاني امتى؟ رعد: هشوف بس ضروري لازم أرجع في أسرع وقت. آدم: علشان موضوع عائلة الشرقاوي. رعد: فيه غيره. آدم: طيب ربنا معاك. رعد قام وراح لأوضة مهند لقي بدأ يفوق. رعد: احكي حصل إيه؟ مهند بتعب: الناس بتقول ألف سلامة حمدلله بالسلامة، عامل إيه.

رعد: الناس مش أنا، يلا. مهند: معرفش حسيت فجأة إني مش قادر أتنفس وعايز أرجع وبعدها الرؤية انعدمت، وقفت العربية بسرعة ومحسيتش بنفسي بعد كده. رعد: طيب، قوم يلا علشان تتعشى. مهند: فاطمة وزياد؟ رعد: كويسين. مهند: غريبة مش بتتكلم على مراتي بـ "قرف". رعد: مراتك وانت أدري، مليش دعوة قوم يلا. رعد سند مهند وخرجوا. فاطمة جريت على مهند حضنته. مهند: أنا كويس متقلقيش. فاطمة بدموع: الحمدلله. ورد: تعالوا يلا كلوا.

كلهم راحوا وبدأوا يتعشوا. رعد: هتقعد النهاردة يا مهند. مهند: طيب. عادل بص لرعد ورعد بص له ببرود. عمر: كُل يا مهند. مهند: تسلم يا عمر بيه. بلال: مبسوط في شغلتك يا مهند؟ مهند: أكيد وإلا مكنتش اشتغلتها. بلال: ومبقتش إنت القائد ليه؟ رعد بص لبلال نظرة حادة ومهند بص لبلال ورعد. مهند: لأن رعد جدير بالمنصب بتاعه وأنا ليا الشرف إني اشتغل معاه ويكون القائد بتاعي وأتعلم منه ومن خبرته. عادل: بطلوا كلام، إحنا على الوكل.

الكل لقي يوسف نازل من على السلالم وماشي ناحية باب البيت. بلال: رايح على فين يا زفت؟ يوسف لف له وشاور بمعنى إنه خارج. بلال: مفيش خروج اقعد في البيت زي الولاية. بلال: مش عارف أنا مستحملك إزاي. يوسف بص لهم بنظرة انكسار وطلع أوضته تاني. علا: عن إذنكم. علا طلعت على أوضتها وقعدت تعيط على حالها وحال ابنها. شربات: هتبات الليلة عندي يا سي بلال؟ بلال بص لورد وبعدها بص لشربات. بلال: آه. شربات بصت لورد بانتصار. بلال:

الحكيمة: قالتلك إيه؟ شربات: قالتلي أخلي بالي من نفسي لحد ما الحبل يتثبت. بلال: اسمعي كلامها. بلال: تعالي ورايا. بلال قام وشربات طلعت وراه بدلع. ورد: عن إذنك يا عمي. ورد سابت السفرة وطلعت أوضتها قعدت تفكر كتير. زهرة: شايف يا جدي أبويا كيف بيعامل بنت المركوب يا جدو إزاي. عادل: مراته يا زهرة متدخليش وبعدين فين جوزك؟ زهرة: مسعد بيشتغل يا جدي. عادل: طيب. عادل قام وساب السفرة وهدي راحت وراه. ملك: عمي اتصرف أنت.

عمر: هو حد بيعرف يتحدت مع أبوكي عاد. ملك: بس أما مظلومة. عمر: معلش يا ملك. لما شربات تخلف هتبقى زيها زي أمك وعلا كمان. زهرة: طيب يا عمي. عمر قام وراح لأوضته يرتاح شوية. ملك: يرضيك يا رعد؟ رعد: مهند يلا قوم أنت ومراتك وادخلوا في الأوضة اللي كنت فيها. مهند: تسلم يا صاحبي. مهند أخد فاطمة اللي مستغربة ودخلها أوضة. فاطمة من أصل مصري بتيجي مرة مع مهند كل فترة كبيرة بس عمرها ما دخلت قصر عائلة السيوفي.

آدم: يلا يا زهرة أنتِ وملك لموا الأكل. آدم: عايز حاجة يا رعد؟ رعد: لا. أدهم: خدني معاك يا آدم. أدهم وآدم طلعوا لأوضهم. زهرة شالت حبة من الأطباق وراحت للمطبخ. ملك: رعد. رعد: خير؟ ملك: في واحد بيضايجني علطول لما بطلع من القصر. رعد: مكانك في البيت متطلعيش بره البيت وهو مش هيقرب منك. ملك: أنت مش خايف على عرضك يا رعد. رعد: قولي لأبوكي أو لجدك. ملك: دول يقتلوني يا رعد.

رعد بنفاذ صبر: ملك ابعدي من وشي مش طايقك. وبطلي حبة الاستعباط بتوعك دول. رعد ساب ملك وطلع لأوضته. ملك قعدت وهي في قمة غضبها. زهرة: خير؟ ملك: متحركش خطوة وزعق ليا. مسعد: حبيبتي. زهرة: جاية وراك يا مسعد. مسعد: مستنيكي. زهرة: شيلي أنتِ الباقي يا ملك. ملك: طيب يا خيتي. زهرة طلعت ورا مسعد علطول ودخلت أوضتها وقفلت الباب. مسعد: وحشتيني يا جلب مسعد. زهرة: وانت كمان وحشتني جوي جوي. زهرة: مسعد. مسعد: إيه يا حبيبتي؟

زهرة: عايزين نجيب واد علشان يأكل كل الورث وتكون أنت الكبير. مسعد: حلمي أنا كمان يا زهرة. مسعد قرب من زهرة و... في مكان تاني. تركيا. في المستشفى. تون: فكي وشك بقيم. محمد: يا نبض. تون: أعوذ بالله عيونك بتقلب غابة لما بتغضبي. نبض: ابتسمت غصب عنها. محمد: أخيرا.. قوم يا جميل يلا نسهر. نبض: اللي ضايقني إنه فكر فيا زيه، أنا مش بأذي حد غير اللي يستحق وميران متستحقش. نبض: ميران غيرانة مني بس. تون: لأنك الاحسن.

نبض: طيب روحوا غيروا هدومكم.. هروح أبص على ثريا وأجي. محمد: تمام. نبض راحت لأوضة ثريا لقتها فايقة. نبض: حمدلله بالسلامة. ثريا: الله يسلمك يا نبض. نبض: قلقتيني عليكي... عموما يا قمر هتطلعي بكرة الصبح. ثريا: كلتوا إيه؟ نبض: متفكرنيش. ثريا: عكيتي؟ نبض هزت رأسها بمعني آه. ثريا: كل ما أقولك أعلمك تقولي لا. نبض: بعرف أعمل بيض أومليت وبعرف أعمل ساندوتش جبنة، محتاجة إيه من الدنيا. ثريا: توبة توبة استغفر الله.

نبض قربت من ثريا باست رأسها. نبض: يلا هسيبك ترتاحي وهمشي أنا. ثريا: طيب يا حبيبتي. ثريا: -جات ونبض عندها 7 سنين, نبض مكنتش بتحبها في البداية وبعدها اتعودت عليها واتعلقت بيها أوي. نبض خرجت راحت أوضة التغيير وقلعت البالطو وبدأت تغير هدومها. نبض لبست بنطلون كحلي وقميص أبيض دخلته جوا البنطلون ولبست كوتشي أبيض عالي نوعا ما. رفعت شعرها ديل حصان. نبض خرجت لقت محمد وفتون مستنيينها. محمد: لسة بدري. نبض: عارفة.

نبض راحت ركبت عربيتها ومحمد وفتون ساقوا وبعد فترة وصلوا للـ Night club. نبض: مش هنطول. تون: أيوه. نبض وفتون ومحمد دخلوا واختاروا طرابيزة وقعدوا عليها. نبض: هدخل جهنم بسببكم. محمد: يتعافى المرء بأصدقائه. نبض: ونعمة الأصدقاء. نبض: جديد المكان. محمد: علشان كده جبتكم. تون: محمد عايزة عصير. محمد: عايزاه إيه؟ تون: فراولة. محمد: وأنتي يا نبض؟ نبض: خليكوا هروح أنا. محمد: عايز كحول. نبض: لا ورانا شغل بكرة.

نبض قامت وراحت عند المشروبات وبدأت تطلب. شاب 1: قمر. شاب 2: جمال جمال من الآخر. نبض غمضت عينيها وفتحتهم وكانت نظرتها حادة. شاب 1: وكمان عصبية. نبض لفت لهم ببطء وبارود ربعت أيديها. نبض: خد صاحبك وامشوا لأني مش فايقة لعيال تافهة.. ولو فوقت هخليكم ملكوش لازمة أكتر ما أنتوا أساسًا ملكوش لازمة. الجرسون: اتفضلي. نبض أخدت المشروبات ولسه هتمشي لقت واحد كعبلها الكوبايات وقعت اتكسرت ونبض كانت هتقع بس مسكت نفسها. شاب 2

بضحك: إيه يا قطة؟ الشاب لسه هيقعد على الكرسي وهو بيبص لـ نبض بتحدي. نبض زقت الكرسي برجليها الشاب وقع في الأرض. التاني مسك سكينة ووقف قدام نبض. نبض بصتله وبصت للسكينة وإيده مسكت إيده ولفّتها ورا ضهره وضربته برجليها ووقعت السكينة من إيده. الأول قام من على الأرض ومسكها من ضهرها وهي كانت ماسكة التاني ضربته برجليها وقربت من الطرابيزة والشاب ماسكها من ورا مسكت إزازة إزاز ضربتها على رأس الراجل.

الاتنين وقعوا في الأرض ومحمد قرب من نبض وربّع إيده. محمد: هو في أي مكان مصيبة؟ نبض: بيضايقوني. نبض راحت أخدت شنطتها والجاكت بتاعها وخرجت. محمد وفتون وراها وهما مش مستغربين لأنهم اتعودوا. محمد: حرام كل يوم مشكلة. نبض: كنت أسيبهم يعاكسوني. تون: نبض إحنا خايفين عليكي. نبض: متعودتش أسكت عن حقي وكمان مش متعلمة دفاع عن النفس من فراغ.

نبض: لو كانوا عدد يفوق قدراتي ساعتها هضربهم لآخر نفس فيا على الأقل هموت وأنا كنت مستهلكة آخر طاقتي لحماية نفسي وشرفي. نبض سابتهم وركبت عربيتها وراحت. تون: معلش يا حبيبي هي دي نبض. محمد: تركيبة غريبة هتجيبلي جلطة. تون: يلا بينا نروح. محمد: يلا يا حبيبتي. عند نبض. نبض كانت بتسوق بسرعة كبيرة لغاية ما روحت. نبض: بابا مرجعش؟ حارس: لا يا هانم. نبض: راجع ولا؟ حارس: لا يا هانم وراه مشوار مهم وشغل كتير. نبض: تمام.

نبض دخلت القصر وطلعت لأوضتها أخدت شور طويل وخرجت تغير هدومها. لبست شورت قصير أسود وتيشيرت طويل للركبة باللون الرمادي. رفعت شعرها على شكل ديل حصان. نبض نزلت تاني ودخلت أوضة النبض لبست قفازات في إيديها وبدأت تضرب كيس الرمل برجليها وإيديه. نبض قعدت كتير تعمل كده لغاية ما عرقت وحست بتعب شديد وقعدت في الأرض. نبض: الصبر يا رب. نبض قامت وطلعت أوضتها غسلت وشها وغيرت هدومها. نبض لبست هدوم مريحة عشان تنام.

راحت على السرير بتاعها وحاولت تنام. نبض: والنبي... عايزة أنام. تليفونها رن. الخط اتفتح. نبض: الووو. سلطان: دكتورة نبض. نبض: احم أنا بعتذر على اللي حصل الصبح. نبض: مش فاكرة إني شوفت وشك النهاردة. سلطان بغيظ: طيب يا نبض. نبض قفلت التليفون وحطته جمبها وبدأت تنام. التليفون رن مرة تانية. نبض: انتوا قاصدين بقا؟ نبض قامت ومسكت تليفونها. الخط اتفتح. جول: دكتورة نبض. نبض: خير يا جول؟ جول: في حالتين جايين الإسعاف ومحتاجينكن.

نبض: بتهزري يا جول؟ جول: حضرتك من أفضل الدكاترة اللي هنا... وكمان حضرتك فاهمة طب كويس. نبض: اقفلي يا جول باين. نبض قامت وغيرت هدومها. ولبست بنطلون جينز واسع نوعا ما وفوقه تيشيرت أبيض بكم دخلته جوا البنطلون. شعرها ديل حصان ولبست كوتشي أبيض. نبض أخدت شنطتها وموبايلها وخرجت من القصر. حارس: نبض هانم. نبض: إيه؟ حارس: حضرتك رايحة فين؟ نبض رفعت حاجبها للحارس.

حارس: بعتذر لو كنت تجاوزت بس لازم أعرف حضرتك رايحة فين لأن الوقت متأخر وحمايتك واجب وأنتي أمانة لازم أحافظ عليها. نبض: محتاجيني في المستشفى. عن إذنكم. نبض مشيت وركبت عربيتها وراحت للمستشفى. نبض: ميران!!!! نبض: ما الدكتورة ميران أهي.. نادوتوني ليه؟ جول بهمس: بنثق فيكي أكتر. نبض: ا... نبض كانت هتتكلم بس عربية الإسعاف وصلت فتحت الباب ونزلوا الراجل على نقالة. نبض: الحالة؟

ممرض: شاب في الثلاثينات حصل حريق في بيته ضغطه 110/80... النبض 108. نبض: تمام... أزاد دخله الإسعاف يلا فوراً. نبض: ميران أنتِ وجول اهتموا بيه. عربية الإسعاف التانية وصلت ونزلوا منها واحدة ست. نبض: الحالة؟ ممرض: في أواخر العشرينات نفس الحريق ضغطها 140/90... النبض 30. أشين: اتفضلوا. نبض: جهزوا غرفة الأشعات. أشين: زينب جهزي غرفة الأشعات. زينب: تمام. وبدأوا يشتغلوا لغاية ما خلصوا الحالتين اللي في إيديهم. نبض طلعت ع السطح.

مبنى المستشفى كان عالي. ميران: خدي. نبض: وه لا كده بتفأجيني بحاجات كتير. نبض أخدت من ميران كوباية القهوة وبدأت تشرب. نبض: طعم السم. ميران: لو عايزة أقتلك هقتلك بأرخص حاجة عندي. نبض: واو لا لا براڤو فخورة بيكي. نبض وميران بصوا لبعض وضحكوا. نبض وميران حضنوا بعض. نبض: يا غبية إحنا صحاب. ميران: عارفة بس. نبض: مفيش بس إحنا صحاب ودرسنا طب مع بعض.. مش معنى إني مشهورة وإنتي لا يبقى تزرعي جواكي كره.

نبض: رد فعلي كان مجرد رد فعل على أفعالك متزعليش. ميران: مش زعلانة. نبض: طول عمرك معندكيش دم إيه الجديد. ميران: يا رخمة. أزاد: دكتورة نبض. نبض: خير؟ أزاد: ملفات المرضى كلهم حطيتهم على مكتبي. نبض: تمام شكرًا. ميران: أزاد. أزاد: نعم. ميران: عايزك تروح تمر على أوضة رقم 309 وقولي الأخبار. أزاد: حاضر. نبض: عايزة أنام أوي. ميران: القهوة هتفوقكم. ميران: هتسافري زي كل مرة؟ نبض: أكيد. ميران: خديني معاكي.

نبض: هأخدك هعمل بيكي إيه مش هستفاد منك. ميران: توبة توبة. نبض: قومي من جنبي. ميران: لالالالالا. نبض: استغفر الله. ميران: عمي جلال عامل إيه؟ نبض: شغال. ميران: تصدقي أنا غلطانة إني قاعدة بتكلم معاكي. نبض: أنا عسل. ميران: أييييوه. ميران كانت بتبص فوق وبعدها فتحت عينيها على آخرهم. ميران بصدمة: نبض!!!!!!!!