رواية قسوة الرعد الفصل السادس 6 - بقلم زوزا

ادهم بفرحة: رعد! ادهم جري نط على رعد، ورعد مسكه بسرعة. رعد: مش قولتلك قبل كده، بلاش طاقتك الزيادة دي. ادهم: آسف، من فرحتي والله. رعد: اتعلم تبقى راجل ومسؤول. آدم: الكبير أخيراً جه. آدم راح لرعد وسلم عليه وحضنه. آدم: أخبارك؟ رعد: تمام. زهرة: نورت يا ولد عمي. رعد سابهم وكان هيخرج، قابل جده وأبوه وعمه. بلال: حمد لله بالسلامة يا رعد. رعد بصلهم ببرود وخرج بره القصر. عادل بغضب: ولدك مش متربي يا عمر.

عمر: معلش يا أبويا، انت عارف رعد زين. عادل بغضب: طيب. بلال: معلش يا أبويا، انت عارف رعد. عمر بص لبلال وسابهم ومشي. ادهم: هو ماله أخوك؟ آدم: الطبيعي، انت مجنون؟ ادهم: أوووف. آدم: تعالي معايا نروح له. ادهم: طيب. آدم وادهم كانوا رايحين ورا رعد. *** عند رعد. رعد كان بيتمشى بين الأراضي الزراعية، طلع علبة السجاير من جيبه وبدأ يشرب واحدة. مسعد: أخيراً شفناك يا راجل. رعد ببرود: عايز إيه يا مسعد؟ مسعد: برحب بيك يا أبو نسب.

رعد: طيب. مسعد: وشغلك أخباره إيه؟ رعد أخد نفس من السيجارة بتاعته، ومسك مسعد من جلبيته وزقه على الشجرة اللي موجودة. رعد: بص يا مسعد، أنا مش بطيقك ولا بطيق أبص في وشك حتى، فابعد من وشي أحسن، وربي أعلقك في الشجرة دي وساعتها محدش في البلد كلها هيقدر ينزلك إلا بأمر مني. اتقي شرّي يا مسعد وخد بعضك وغور في داهية. رعد ساب مسعد، ومسعد بصله بغضب ومشي. آدم: إيه يا عم مالك؟ رعد: مفيش. آدم: يا ابني السجاير غلط.

رعد: عيل لسه 17 سنة وبيتكلم. آدم: والنبي؟ رعد بصله من فوق لتحت، وآدم كان بيضحك على منظر أدهم. آدم: من أعمالكم سُلط عليكم. آدم: طيب يا أدم، اصبر عليا. آدم بعصبية: بتقول إيه؟ ادهم بضيق: إيه بقى، انتوا الاتنين عليا؟ أنا راجل زيي زيكوا. رعد ببرود: هو انت لو مكنتش راجل، كان زمانك من عائلة السيوفي. آدم: خلاص، يلا عشان الأكل. رعد: يلا. التلاتة راحوا ولقوا الأكل مفروش على السفرة، قعدوا يأكلوا.

ملك بحماس: عجبتك الملوخية يا رعد؟ أنا اللي عملاها. ورد ضربت ملك في جنبها وقرصتها. ملك: احم، بعرف رأيه بس. عادل: بليل في اجتماع مع عائلة الشرقاوي. كل الرجالة ما عدا رعد: تمام. عادل: سمعتني يا رعد؟ رعد ببرود: شوفوا هتتفقوا على إيه، وابقى قولولي. عادل بحدة: لا، هتيجي معايا وكلمتي هتمشي. رعد قام وقرب من عادل وسند على الترابيزة. رعد ببرود: ابقى اجبرني لو تقدر. رعد سابهم كلهم وطلع على أوضته نام شوية.

عادل بغضب: عمر، شوف حل مع ولدك أحسن لك. عمر: يا أبويا. عادل بغضب: آخرس، مش عايز أسمع حسك. عادل سابهم وطلع السطوح. هدي طلعت وراه. هدي: يا حاجة. عادل: خير؟ هدي: متقساش على رعد عشان خاطري. عادل بغضب: انتي واقفة في صَفّه يا مرة؟ هدي: مقدرش يا حاجة. عادل بغضب: امشي من وشي يا ولية. هدي سابت عادل ونزلت. بلال: اظبط ولدك يا عمر. عمر: متخافش يا خوي، ابني مظبوط، ده طبعه. بلال: طبع ماسخ. عمر: ولو اسمه راجل برضه.

علا: يلا يا يوسف نطلع فوق. بلال بص ليوسف برفع. علا أخدت يوسف وطلعته أوضته. علا: عايز حاجة يا حبيبي؟ يوسف شاور ليها بمعنى لا. علا: طيب يا عين أمك. علا سابت يوسف ونزلت. يوسف سند راسه على السرير وبص للسقف، وغصب عنه عيط. حاول كتير يتكلم بس مقدرش. *** تحت. شربات بوجع: سي بلال. بلال: إيه يا شربات؟ شربات: كنت عايزة أروح للحكيمة، أصلي موجوعة جوي جوي. بلال: ابقي خدي ورد أو علا يا شربات وروحي. بلال سابهم وخرج بره البيت.

ورد: يلا يا ملك انتي وزهرة على المطبخ. زهرة وملك: حاضر يا أما. شربات: تيجي معايا للحكيمة يا ورد؟ ورد: هشوف يا شربات. ورد: قدامي يا صبايا، يلا. عمر: شايفين أخوكم منك ليه؟ ادهم: كله عارف طبع رعد يا بابا، محدش يستغرب. عمر: لا، زاد فيها جوي. آدم: دايماً زايد فيها. واجهه لو تقدر، تلاقيه زي الأسد اللي لقى فريسته. ادهم: عن إذنك يا بابا. ادهم ساب عمر وآدم ومشي راح لأوضته. عمر: الأجيها منك ولا من البومة أخوك ولا أخوك الكبير.

آدم: بابا، رعد مش هيتغير مهما حصل. وأنا بشتغل معاك في المصنع، وادهم بيحدد مستقبله. عمر: طيب يا آدم، لما نشوف آخرتها مع أخوك. عدى اليوم بدون ذكر أحداث تُذكر. *** في مكان تاني. في تركيا. في المستشفى. سلطان: دكتورة نبض. نبض: اتفضل. سلطان: هتمشي؟ نبض: أيوه. في حاجة؟ سلطان: كنت عايزك في حالة مريض عندي. نبض: أنا واثقة فيك، أكيد هتحل الموضوع. يلا عن إذنك. سلطان: لحظة. احم، بس يعني مش هأخرك كتير. نبض: قدامي يا دكتور سلطان.

نبض وسلطان راحوا لأوضة سلطان وقعدوا. سلطان: ملف المريضة. نبض بدأت تشوف الملف الخاص بالمريضة. نبض: الحالة واضحة جداً. سلطان: حبيت أستفيد منك برضه، ممكن تشوفي حاجة أنا مش شايفها؟ نبض: اللي أنا شايفاه إنه ورم مؤثر على العصب. أثناء العملية ممكن يُصاب المريض بالعمى. سلطان: ده اللي أنا عايزاك فيه، خايف أخاطر لوحدي. سلطان حط إيده على إيد نبض ومسكها. سلطان: محتاجك جمبي يا نبض. نبض شالت إيديها وقامت وقفت.

نبض: تمام، دكتور سلطان، قراري هيوصلك بكرة. عن إذنك. نبض سابت سلطان ولقيت ميران في وشه. نبض: شكلي حظي زفت. ميران: دايماً يا بيبي. نبض: بيبي؟ لا يا روحي، انتي مش بتكلمي طفلة عندها سنتين. اتعدلي وإنتي بتتكلمي معايا. ميران: أعتقد وصف بيبي لايق عليكي أكتر مع عنادك المشهور يا دكتورة نبض. ميران دخلت لـ سلطان. نبض بصت مكان ما هي دخلت. نبض بتريقة: بيبي! أكبر مصيبة في حياتي. فتون: نبض، بتكلمي نفسك؟

نبض: طبيعي هكلم نفسي، أنا في مستشفى مجانين. نبض سابت فتون، وفتون جريت وراها. فتون: ميران تاني؟ نبض: في غيرها هنا؟ فتون: هتمشي؟ نبض: خير، انتي كمان عايزة إيه؟ فتون: محمد حاجز تلت تذاكر للسهرة. نبض: روحوا انتوا. نبض: قولي لمحمد قبل ما يمشي يطمن على ثريا. فتون: حاضر. محمد: لا، أنا اطمنت، وأخيراً خدت حريتي. مش يلا؟ نبض: لا، لازم أروح بدري عشان بابا لوحده. يلا، باين. نبض سابتهم وركبت عربيتها ومشيت.

فجأة لقت اتنين موقفينها في نص الطريق. نبض: إيه اللي بيحصل هنا؟ شخص 1: انزلي من العربية. نبض فتحت باب العربية ونزلت منه وقفلته. الشخص كان هيفتح الباب، نبض مسكت إيده. نبض: بتعمل إيه؟ شخص 1: النساء كلهم أغبياء. انتي دلوقتي بتتسرقي. نبض: آه، شكراً على المعلومة. نبض مسكت دراع الشخص الأول وكسرته، والتاني كان لسه بيرفع إيده يضربها، هوووب، ضربته مكان قلبه بقوة، الراجل وقع في الأرض، والتاني بيتلوي بسبب دراعه المكسور.

نبض بسخرية: إذا كانوا النساء أغبياء، فأنتم أغبى يا عزيزي. نبض ركبت عربيتها ومشيت ناحية البيت، بس طلعت تليفونها واتصلت بالإسعاف. نبض: حادثة على طريق (*******) . كسر في اليد اليمنى وإغماء بسبب تعرض القلب لضربة قوية. نبض قفلت التليفون ورمته على الكنبة جمبها، وبعد فترة وصلت للقصر، لقت جلال لسه بينزل من عربيته. جلال: نبض، رجعتي؟ نبض: آه. حمد لله بالسلامة. جلال: يا بنتي، اتكلمي عربي بقى. نبض: بابا، يلا ندخل.

جلال حاوط خصر نبض، ونبض حضنته ودخلوا القصر. نبض: هطلع أغير هدومي وأنزل أعمل عشا. جلال: منتظر. نبض باست خد جلال وكانت طالعة على السلم. نبض: يلا اطلع غير هدومك. نبض دخلت أوضتها، غسلت وشها وعقمت نفسها وخرجت تغير هدومها. نبض لبست شورت باللون الأبيض والبينك وبيبي بلو وتيشيرت بنص كم، بس الحمالة مايلة على الكتف، وبنفس الألوان الشورت قصير مبين بطنها. رفعت شعرها على شكل كحكة لطيفة. نبض نزلت لتحت ودخلت المطبخ. جلال: محتارة؟

نبض: لا، هعمل أكلة رهيبة. جلال: يا خوفي منك. نبض بغمزة: متقلقش يا جلال. نبض بدأت تعمل الأكل وهي مش عارفة هي بتعمل إيه أساساً. بعد فترة. نبض: الأكل. جلال جه وقعد على السفرة، ونبض قعدت جنبه. نبض بحماس: دوّق وقولي. جلال بدأ يأكل من الأكل، ونبض بصاله بحماس. جلال: حلو أوي يا روحي. نبض بفرحة: الله... ماما كانت بتعملها، أنا فكراها من ساعتها. نبض بدأت تأكل وتفت اللي هي كلته. نبض: هو ده اللي حلو؟

جلال: معلش يا روحي. تيجي نطلب بيتزا؟ نبض: اطلب يا عم، يلا اصرف ما في جيبك. جلال: جيبي فاضي. نبض: يا راجل! جلال طلب بيتزا، وبعد فترة البيتزا جت، وبدأ هو ونبض يأكلوا. جلال: تيجي نقعد بره شوية؟ نبض: تعالى نام جمبي شوية. جلال: طيب يا روحي. جلال ونبض طلعوا أوضة نبض، ونبض جريت على السرير، وجلال وراها وأخدها في حضنه. جلال: يلا نامي. نبض: بابا. جلال: إيه؟ نبض: هو أنا فعلاً أشبه ماما؟ جلال: أيوه يا روحي. بس ليه بتسألي؟

نبض: احكيلي بشبهها في إيه؟ جلال: طيب يا روحي. لون عيونك الجميلة دي هي هي نفس عيون حياة. نبض مغمضة عينيها: وإيه كمان؟ دي عارفاها. جلال: لسانها الطويل زيك. جلال: جمالك، مرحك، حبك للحياة. كانت قوية الشخصية، مش بتخاف من حد غير اللي خلقها. جلال: كانت إنسانة رائعة بمعنى الكلمة. كل يوم بصحى على وشك بفتكرها، بفتكر ضحكتها، بحسها حواليا وجمبي. نبض: وحبتك صح؟

جلال: حياة بسبب حبها ليا خسرت ناس كتير هي بتحبهم. وكمان هي كانت كسولة زيك، وكانت متهورة وعبيطة. بصي، انتي نسخة تانية من حياة يا نبض. نبض: عارف، مع إن اسمي غريب، بس مبسوطة منه، لأن ماما هي اللي مسمياني. نبض دفنت نفسها في حضن جلال. نبض: تصبح على خير يا أحلى بابا. جلال: وانتي من أهله يا قلب بابا. نبض غمضت عينيها وبدأت تنام.

جلال بعد ما اطمن عليها، قام وراح أوضته. جاب صندوق من دولابه وفتحه. مسك أول حاجة في الصندوق، وكانت صورته وصورة مامت نبض اللي هي حياة وهي شايلة نبض وفرحانة. جلال: وحشتيني يا حبيبتي. جلال باس الصورة ونام على السرير. *** في الصباح الباكر. عند نبض. نبض بدأت تفوق من نومها، فركت عينيها وقامت قعدت على السرير بكسل. تليفونها رن. الخط اتفتح. نبض: ألو. جول: دكتورة نبض، آسفة لو أزعجتك، بس. نبض: بس؟ جول: الإسعاف مزدحم ومحتاجينك.

نبض: طيب، هقوم ألبس وأجي. نبض قامت ودخلت غسلت وشها وخرجت تغير هدومها. نبض لبست بنطلون أسود وتيشيرت أبيض بكم قصير لغاية الخصر، ولبست فوقه جاكت كحلي، وسابت شعرها على ضهرها. ولبست صندل بكعب باللون الأسود. نبض خرجت ونزلت لقت جلال كان هيمشي. نبض: استنى. جلال: إيه يا حبيبتي؟ قولي، مستعجل؟ نبض: متنساش نفسك وكل كويس. جلال: طبعاً. نبض: عارفة إني فاشلة في الأكل، بس والله بحاول أتعلم.

جلال: اعملي فيا معروف واتكلمي باللغة العربية. نبض قربت من جلال وباست خده. نبض بغمزة: وا"لعة يا عم. نبض كانت طريقتها في نطق اللغة العربية مميزة. نبض راحت ركبت عربيتها وكانت هتمشي، شاورت لوالدها المصدوم وغمزتله. جلال بصدمة: يوم ما تتكلمي تقولي وا"لعة؟ يالهوي عليك يا جلال. جلال ابتسم لما افتكر طريقة حياة. فتون: جول، هاتي (*******) جول: حاضر يا دكتورة. محمد: دكتورة ميران، تعالي. امسكي ده كده. ميران: ده عنده جرح في بطنه.

محمد: جرح رأسه آه. نبض: فتون، سيبي اللي في إيدك وتعالي هنا. فتون: ها، لحظة. نبض: خلاص، خليكي. نبض: أزاد، تعالا هنا. أزاد (ممرض) : نعم يا دكتورة. نبض: امسك ده من هنا. أزاد: كده؟ نبض: بالظبط. وكل واحد كان مشغول في المريض اللي قدامه. سلطان: نبض، تعالي، في حاجة مهمة. نبض: دكتور سلطان، لو الموضوع يقدر يستنى لبعد ما أخلص اللي في إيدي، فاصبر. سلطان: لا. نبض بصت لـ سلطان بغضب، وخلعت الجوانتي ورمته بغضب في السلة.

نبض: اضغط يا أزاد هنا. أزاد: حاضر يا دكتورة. نبض خرجت بره أوضة الإسعاف مع سلطان. نبض بحدة: خير، لو سمحت اتفضل اتكلم. ورايا مرضى مستنيني. سلطان: خدي اقرأ. نبض شدت اللي في إيد سلطان وفتحته. نبض مسكت سلطان من قميصه بغضب. نبض بغضب: انت مناديني عشان التفاهة دي؟ أكتر حاجة بتعصبني إنك جايبني من شغلي للحاجات التافهة اللي شبهك.

نبض بغضب أكبر: وشك لو شفته قدامي لمدة يومين يا سلطان، قسماً بربي لأكون مظبطاك. وزقت سلطان بغضب على الكرسي. سلطان: انتي مش طايقاها، وأنا قولت نرفضها، وكمان قولت لـ جلال بيه، بعتله خبر. نبض بغضب: بابا مستحيل يوافق على القرف ده، ولو هو وافق، فأنا مش موافقة. سلطان: مش انتي بتكرهيها؟ أكيد هتكوني عايزة تخلصي منها حتى لو بموتها. نبض ضربت سلطان بوكس في وشه بكل غضب. نبض بغضب: وشك مش عايزة أشوفه. محمد: إيه يا نبض؟

اهدي. حصل إيه يا سلطان؟ محمد مسك الورقة اللي في إيد نبض، لقاها ورقة رفض ميران من المستشفى. نبض بغضب: مش فاضية لمواضيع تافهة زي دي. ودخلت تكمل شغلها. محمد: الوصول لـ نبض مش سهل أبداً. انسي يا سلطان. سلطان أخد إجازة ومشي لبيته. محمد مشي كمل شغله هو كمان. الكل لاحظ تغير نبض وأسلوبها البارد مع الكل. *** في مكان تاني. في الصعيد. رعد كان قاعد على السطح وبيشرب سجاير. عمر: رعد. رعد: اتفضل. عمر: لحد ميتة يا ولدي؟

رعد: لحد ما توصلوا جثتي للقبر. عمر: بعد الشر عليك يا ولدي. عمر: براحتك يا ولدي، أنا اتقبلك كيف ما انت. رعد ساب عمر ورجع لأوضته، اتصل بـ مهند. الخط اتفتح. رعد: وصلت؟ مهند: لا، ومعايا فاطمة وزياد أهو وهنوصل كمان شوية. رعد: طيب، كلمني لما توصل. مهند: طيب يا صاحبي. عايز حاجة؟ رعد: لا، تسلم. مهند: بق... رعد: كمل يا مهند. رعد بصوت عالي: مهند رد عليا. فاطمة بصريخ: مهند!!!