رواية قسوة الرعد الفصل الثامن والعشرون 28 - بقلم زوزا

دكتورة نبض دخلت المريض أوضة العمليات، بس فجأة الضغط وطي والنبض بيقل. نبض جريت مع اعتماد ودخلت أوضة العمليات. لبست جوانتي وكمامة بسرعة وبدأت تتدخل. نبض: عايزة وحدتين دم. ممرضة: حاضر. رعد كان بيبص على نبض من خلال شباك أوضة العمليات. **Flash back** رعد كان راكب عربيته ووصل للقصر. لسه هيدخل لقي نبض والممرضة بيجروا. رعد استغرب جداً وبعدها سأل واحد من الحراس. رعد: إيه اللي جاب الممرضة دي هنا؟

حارس: أصل يابيه نبض هانم بقت بتشتغل في المستشفى وربنا يكرمها غيرتها خالص وخلت كل الناس تشتغل فيها لغاية ما خلتها جميلة قوي. رعد لنفسه: وقعتك سودا يانبض. رعد ركب عربيته وراح على المستشفى. استغرب من تغيرها بالشكل ده والنظام اللي موجود فيها. رعد: أنا غبت تلت أيام؟ رعد دخل المستشفى وسأل على نبض. رعد: إنتي مين؟ ممرضة: نعم يارعد بيه. رعد: فيه هنا دكتورة اسمها نبض، هي فين؟ ممرضة: حضرتك بتشتكي من إيه؟

رعد بغضب: سألتك سؤال انطق. ممرضة بخوف: بتتخانق فوق. رعد طلع لفوق بالفعل لقي نبض وهي بتتخانق. **Back** نبض: الحمد لله، هو بخير. راجل: ربنا يخليكي يحضرة الحكيمة. نبض: اعتماد، اتكلمي معاهم في اللي أنا قولتهولك. نبض لقت رعد واقف وحاطط إيده في جيبه. بصتله وسابته ومشيت. رعد بص لها بغضب وراح وراها. مسك دراعها بغضب وسندها على الحيطة. رعد بغضب: هو محدش علّمك تتصرفي مع جوزك إزاي؟ نبض بتريقة: هو فين جوزي ده؟

أووه، نسيت جوزي اللي سابني ليلة فرحي. رعد: قصدك إنك زعلانة إني سبتك ليلة الفرح؟ نبض: مش بزعل من ناس ملهاش قيمة عندي. رعد قرب وشه من نبض. رعد: نعيد اليوم تاني، معنديش مانع. نبض: حد قالك إنك سافل. رعد دخل نبض أوضة مكتبها وقفل الباب بالمفتاح. ضربها قلم على وشها. نبض حطت إيديها على خدها بوجع. رعد ببرود: دي حاجة بسيطة عشان تعلمك بعد كده متكسريش كلام جوزك. خروج من البيت بعد كده مفيش. مسك شنطة نبض ورمها في وشها. نبض مسكتها.

رعد مسك دراع نبض وشدها وراه لغاية ما خرج من المستشفى. رعد: اركبي. رعد (بزعيق) : اركبي. نبض رفعت عينيها في عيونه وركبت العربية. رعد لف وركب وبدأ يسوق ناحية القصر. **بعد فترة** رعد (بصوت عالي) : مش هقعد كل شوية أقولك انزلي واركبي. نبض فتحت الباب ودخلت القصر ورعد وراها. هدي: إيه اللي صابك يا بتي؟ رعد ظهر من ورا ضهر نبض وقرب منهم. رعد (بغضب) : مين سمح ليها؟