رواية قسوة الرعد الفصل الرابع 4 - بقلم زوزا

رعد بصوت عالي: نبض.. رعد طلع مسدسه وضرب نار. نبض حطت إيديها على ودنها وصرخت. رعد جري على نبض ومسكها من ضهرها وبص على اللي وقع قدامها. رعد لاحظ عربية سودا بتتحرك بسرعة، جري وراها بس ملحقهاش. رجع تاني لنبض. رعد بغضب: انتي غبية؟! إزاي تقفي مع راجل غريب في نص الشارع كده؟! نبض بخفوت: انت قتلته.. انت ماشي عمال تقتل ناس كتير. رعد بصوت عالي: أمن.. الأمن كان جه أساسًا وخدوا الشخص اللي مرمي في الأرض ونازل منه دم.

رعد: دخلوه وعالجوه وحطوا حراسة على بابه محدش يدخل ليه خالص. رعد شد نبض وركبها عربيته ولف ركب مكانه وبدأ يسوق. رعد بعصبية: انتي متعرفيش أضرار اللي انتي كنتي هتعمليه ده إيه؟! نبض بحدة: كانوا هيعملوا إيه؟! رعد بغضب: كنتي هتخطفي يا هانم وساعتها ممكن يبيعوا جسمك لأي حد يدفع فلوس أو ياخدوا أعضائك. كنتي هتموتي يا هانم... ممكن كانوا يصوركي وينشروا الصور على مواقع زبالة زيهم. عرفتي كانوا هيعملوا إيه؟! ليا حق ولا لا؟!

نبض بعصبية: مين قالك كده؟! الراجل كا.. رعد بغضب: اخرسي بقى مش عايز أسمع حاجة. رعد بغضب: من هنا ورايح قبل ما تعملي أي حاجة حتى قبل ما تتنفسي تستأذنيني. نبض بعصبية: انت كده بتقول موت بالحياة. رعد بغضب: أيوه لأنك غبية. نبض بعصبية: أنا بكرهك، بكرهك سامعني، بكرهك. رعد بغضب: وأنا مش بطيقك ومش بطيق حتى إنك تبقي جنبي بالشكل ده. نبض بعصبية: محدش جبرك على العيشة معايا، طلقني وكل واحد يروح لحاله، على الأقل هرتاح من قرفك.

رعد مسك رأس نبض وضربها في التابلوه. رعد بغضب: دي حاجة بسيطة على ما نوصل. رعد كانت عيونه حادة جدًا ونظراته بتشع غضب، بيبص على الطريق قدامه بتركيز. نبض رأسها وجعتها أوي بس مبينتش، بصت للشباك واتنهدت وأخدت نفس عميق. *** رعد وصل قدام المبنى ونزل، فتح باب نبض وشدها من دراعها وركبوا الأسانسير وطلعوا للدور الـ 25. رعد فتح باب الشقة وزق نبض ودخل وقفل الباب.

رعد: عايزك دلوقتي تمسحي كل الشقة وتنضفيها وتنضفي الحمامات وتعملي عشا في ساعة ونص. رعد كان هيطلع على السلالم بس وقف مكانه. نبض ببرود: ولو معملتش؟! رعد لف ليها ونزل بكل برود على السلم لغاية ما وصل ليها. رعد: ولا أي حاجة. رعد ضرب نبض قلم على وشها وشدها من شعرها رماها في الأرض. رعد بغضب: أنا لغاية الصبح كنت طيب، دلوقتي هتشوفي وشي الحقيقي يا نبض. رعد ضرب نبض برجله وقعد يضربها كتير.

رعد بعد عن نبض وأخد الجاكت بتاعه وحاجته وفتح الباب ومشي. نبض كانت مرمية في الأرض، صعبانة عليها نفسها بسبب اللي بيحصل ليها، وقعدت تعيط كتير وهي مكانها لغاية ما نامت من التعب والعياط. *** الفجر. نبض فتحت عينيها ببطء، لقت نفسها في الأرض وكل جسمها واجعها. سندت على الحيطة وبدأت تقوم وطلعت على أوضتها بتعب وخدت دوش بس وجعها أكتر. نبض بدأت تشوف الجروح والكدمات اللي في جسمها، حمدت ربها إنه مش باين حاجة في وشها.

نبض خرجت من الحمام بروب الحمام واترمت على السرير، ظبطت منبهها ونامت بعمق. *** في الصباح الباكر. في مكان تاني. في الصعيد. عمر: إيه اللي مصحيك بدري يا خوي؟! جلال: بشوف آخر صورة، كنا أسرة سعيدة. عمر قعد جمب جلال ومسك الصورة من إيده. عمر: من صغرها وهي كيف البدر. جلال بابتسامة: نبض طول عمرها كده. عمر: رعد محظوظ لأنه اتجوز بنت زيها. جلال بابتسامة: نبض جميلة جدًا لوالدتها.

جلال بحزن: بس ربنا خلاني أخسر أعز ناس على حياتي. مش باقي ليا غير نبض. جلال: عايز أموت وهي مش زعلانة مني. عمر: بعد الشر يا خوي. متقلقش هي مش زعلانة منك. جلال: نبض قلبها أبيض. عمر: مش أوي. عمر بضحك: لأ، إحنا شوفنا على الواقع اليومين اللي فاتوا. جلال: لسانها طويل شوية. عمر: أنت اخترت الزوجة الصح يا أخوي اللي خلفتلك أولاد كيف البدر زي نبض. جلال: فعلاً حياة كانت ست البنات كلهم. عمر: ربنا يخليلك نبض. جلال: يا رب يا خوي.

هدي: صباح الخير. عمر وجلال: صباح النور يا ماما. هدي: صاحيين بدري أكده ليه؟ جلال: مش جايلي نوم. عمر: وأنا صاحي للشغل. هدي: طب تعالوا أفطركم. عمر وجلال راحوا مع هدي وقعدوا حواليها وهي بتعمل الفطار وكانوا مبسوطين. جلال: مفيش أحلى من فطير أمك يا عمر. عمر: عندك حق. هدي: بالهنا والشفاء على قلوبكم يا حبايب قلبي. *** بعد فترة بسيطة. شربات: أساعدك في حاجة يا ماما؟ هدي: لا، اجعدي ارتاحي يا شربات، خلصت الفطار. *** عند بلال.

بلال: هتحددي مع أبويا في الموضوع ده يا ورد. بلال: جهزي روحك. ورد: حاضر يا حاج. بلال: واه، شوفي حل مع بتك زهرة، مسعد ملهوش أمان. ورد: حاضر. تؤمر بحاجة تاني؟ بلال: لا، أكده كفاية. بلال وورد كانوا نازلين على السلالم ونزلوا لقوا السفرة محطوط عليها الأكل. ورد: ليه تعبتي نفسك يا ماما؟ هدي: مفيش حاجة يا ورد. يلا اجعدوا. هدي: بت يا ملك. ملك: نعم يا جدة. هدي: اطلعي نادي جدك. ملك: حاضر.

ملك طلعت تجري على أوضة عادل، فخبطت في يوسف. ملك بتوتر: للمرة التانية آسفة. يوسف شاور ليها بمعنى "عادي". ملك: عن إذنك. ملك كانت هتمشي، يوسف مسك إيديها وملك وقفت. يوسف شاور ليها بمعنى "رايحة فين؟! ملك: رايحة أنادي جدي، عن إذنك. ملك جريت وراحت لأوضة عادل وخبطت الباب. عادل: ادخل. ملك: صباح الخير يا جدي. ملك قربت وباست إيد عادل ووقفت عينيها في الأرض. عادل: عايزة إيه؟ ملك: الفطار جاهز. عادل: طيب، جاي. ملك: عن إذنك.

ملك رجعت قعدت تاني على السفرة وعادل نزل وراها. الكل بدأ يفطر ولقوا يوسف جاي يقعد جمبهم وبيأكل. عادل وبلال بصوا ليه بضيق وكملوا أكلهم. بلال: يا أبويا، في حديد عايز أقوله ليك. عادل: قول يا ولدي. بلال: لا، لوحدينا. عادل: بعد الأكل. بلال: طيب. *** في مكان تاني. عند نبض. نبض صحيت على المنبه، قفلته وقامت قعدت على السرير، كانت حاسة بوجع شديد في كل جسمها. نبض: منك لله يا رعد.

نبض قامت وقفت بس حست بعدم اتزان وكانت هتقع، لولا رد فعلها السريع قعدت على السرير بسرعة. *** بعد فترة بسيطة. نبض قامت وراحت أوضة الملابس، بدأت تغير هدومها. نبض لبست فستان بـ ¾ كم طويل لغاية بعد الركبة باللون الأبيض وفيه فتحة بسيطة من الضهر. رفعت شعرها ديل حصان ولبست صندل أسود بكعب. وحطت مكياج بسيط. نبض خدت شنطتها وكانت هتخرج، لقت أدم وأدهم في وشها. نبض: صباح الخير. أدم وأدهم: صباح النور. أدم: رايحة فين؟ نبض: الشغل.

أدهم: هو رعد وافق؟ نبض: آه. أدم: هي مش الدكتورة قالت راحة تامة؟ نبض بتنهيدة: وأنا مش مكتوب عليا الراحة في الوقت الحالي. البيت بيتكم أساسًا، عن إذنكم. نبض فتحت الباب وخرجت، أخدت تاكسي. تليفون نبض رن. الخط اتفتح (حوار مترجم بالتركية 👇👇) ميران: أخيرًا رديتي. نبض: تليفوني باظ معلش. ميران: ولا يهمك. احم، في سؤال. نبض: قولي. ميران: انتي اتجوزتي؟!! نبض بصدمة: مين قالك؟!!!!! ميران: يعني صح؟! نبض: استني، مش جواز زي...

أقصد هو ابن عمي واتجوزنا. ميران: إجباري؟!!!! نبض: لا لا، مش إجباري. ميران: هترجعي تركيا ولا؟! نبض: هرجع، هرجع متقلقيش. ميران: محمد لو عرف. نبض: وظيفتك إيه يا حلوة؟ ميران: المشكلة إن فتون هي كمان عارفة. نبض: وظيفتك انتي وهي إيه بقى؟ ميران: خلاص ماشي، هنكذب عشان خاطرك. نبض: كذبت كتير عشانكم. ميران: طيب يا ست نبض. ميران: بس احكيلي عامل إيه، شكله إزاي؟

ابعتيلي صور الفرح بتاعتكم، ابعتيلي الفستان بتاعك وقوليلي عملتوا إيه وروحتوا شهر العسل فين؟!!!!! احكي احكي. نبض: أنا وصلت شغلي يا ميران، بعدين. ميران: كمان وداكي شغل؟ نبض: باي، وسلميلي على محمد وفتون. بحبك. نبض قفلت مع ميران ونزلت من التاكسي. نبض: بص حضرتك، مش معايا فكة، تيجي معايا نسحب من هناك. السواق: طيب يا هانم. السواق جه مع نبض ونبض راحت للماكينة اللي جنب المستشفى وهي مش عارفة تتعامل معاها. طارق: احم احم.

نبض: أفندم؟! طارق: ممكن أساعدك؟ نبض: اتفضل. طارق علم نبض إزاي تشتغل على الماكينة المصري، ونبض ودت السواق فلوسه. نبض: شكرًا. نبض كانت هتمشي، بس طارق وقفها. طارق: متعرفناش؟ نبض: هتصاحبني؟ نبض سابت طارق ودخلت المستشفى. منار: دكتورة نبض. نبض لفت لمنار ولفت انتباهها إن الكل بيبص عليها. نبض: أيوه يا دكتورة منار. اتفضلي. منار: كنت عايزة آخد رأيك في مريض تحت إشرافي أنا. نبض: تمام، اتفضلي. منار: ماشي.

منار: طارق، أنت متأخر عشر دقايق. نبض: لا يا دكتورة منار، هو ساعدني بره لأني كنت لسة جديدة، هو اتأخر بسببي، بعتذر. منار: خلاص ماشي. اتفضلي. منار ونبض راحوا لأوضة نبض وبدأوا يشتغلوا. لوسي: واقف كده ليه؟ طارق: مفيش، بفكر عادل. لوسي: انتي يا اسمك إيه، هي دكتورة إمبارح جت؟ ممرضة: اسمي ميرفت، الاسم مش صعب والله. ثانيًا الدكتورة نبض، أيوه جت. لوسي: إن شاء الله قلبها يقف. ياسر بضحكة خفيفة: بتدعي على مين يا بت انتي؟

لوسي: على الهانم اللي شرفت إمبارح. ياسر: آه، نبض. مالها؟ لوسي: مش عارفة انت إزاي شغلتها عندنا؟ ياسر وطارق: ليه؟ لوسي: هيكون ليه؟ مبتفهمش حاجة طبعًا وشايفة نفسها أوي. ياسر بضحكة خفيفة: أنا شايف تتراجعي عن الجزء الأول. أحسن ترجعي تندمي على كلامك. ياسر: أسيبكم مع بعض. ياسر ساب لوسي وطارق باصين باستغراب. طارق: هو قصده إيه؟ لوسي: معرفش. بس اللي متأكدة منه، في حاجة بينه وبين اللي اسمها نبض دي. طارق: هما لحقوا؟

لوسي: هي بت مش سهلة. ميرفت: استغفر الله العظيم. طارق: في إيه؟ ميرفت: مش عارفة الدكتورة لوسي حاطة الدكتورة نبض في دماغها ليه. حرام، إحنا شوفنا منها حاجة وحشة؟ لما نشوف نبقى نتكلم. ميرفت: باين عليها طيبة وبسيطة جدًا، لما تثبت غير كده نبقى نتكلم. طارق: طيب، هروح أشوف أنا المريض بتاعي، يلا عن إذنكم. لوسي بعصبية: بعد كده متتكلميش طول ما أنا بتكلم، فاهمة؟ نبض: بعد إذنك يا ميرفت، هاتي ملف المريض رقم 302.

ميرفت: حاضر يا دكتورة. ميرفت جابت الملف ولسه هتوديه لـ نبض، لوسي شدته منه. لوسي: عايزاه ليه؟ نبض: هاتي الملف. لوسي: قولتلك، قولي عايزاه ليه. نبض ضربت لوسي قلم على وشها. نبض ببرود: كان في دبانة على وشك. 😂 نبض شدت الملف من لوسي ومشيت بكل برود. لوسي فتحت عينيها على الآخر بصدمة، وكل اللي كان موجود اتصدم وبصلها. ميرفت كانت هتموت وتضحك. 😂 لوسي بغضب: بتبصوا على إيه؟! كله على شغله. لوسي سابتهم وراحت لأوضة طارق.

طارق بحدة: في إيه يا لوسي؟ حد يدخل كده؟ لوسي بعصبية: بنت الـ**** ضربتني. طارق بصدمة: مين!! لوسي بعصبية: الزفتة الجديدة. طارق: ليه؟ حصل إيه؟ احكي. لوسي حكت اللي حصل تحت، وطارق كان مصدوم من جرأة نبض. طارق: طب اهدي، وأنا هتكلم معاها. لوسي بعصبية: هتقولها إيه؟ دي دي حيوانة، المفروض تترفض. طارق: هششش، اهدي بس، إحنا هنسخن بس. اهدي واتعلمي أصول اللعب. طارق: أخد الحق صنعة. لوسي: ماشي يا طارق.

طارق قام وراح لأوضة نبض وخبط الباب. نبض: ادخل. طارق: ممكن أدخل؟ نبض ببرود: قولت ادخل. طارق قعد قدام نبض وبصله. نبض: عينك. طارق: مالها؟ نبض ببرود: شكلهم هيوحشوك. طارق: انتي إزاي كده؟ نبض: زي الناس. ولو مفيش أي حاجة ليها علاقة بالشغل، اتفضل بره. طارق: احم، لا فيه. نبض: اتفضل. طارق: انتي ضربتي لوسي ليه؟ نبض: معرفش حد بالاسم ده. طارق: أفندم، اللي انتي ضربتيها الصبح. نبض: أيوه افتكرت. مالها الغندورة؟ طارق: ضربتيها ليه؟

نبض: كان في دبانة على وشها، قمت ضربتها. طارق: بس كده؟ نبض: بس كده، واللي عندها تعمله. وقتك خلص، مش فاضيالك. طارق بص لـ نبض باندهاش وقام خرج. نبض رجعت جسمها لورا. *** في مكان تاني. في المبنى. مهند: طيب حاضر، عيوني. مهند: طبعًا هاجي بدري عشان زياد وأم زياد كمان. حاضر يا روحي. مهند: باي بقي، ورايا شغل. باي. يزيد: إيه يا عم الحنين؟ مهند: اخرس ياض. محرم: خلاص بقي، عايزين ننفذ اللي رعد قاله. عز: آه صحيح، هو فين رعد؟ مختفي.

يزيد: هتلاقي العروسة الجديدة معاه. مهند: نحترم نفسنا بقي قبل ما يجي. محرم: عندك حق. وكمان من حقه يغيب وينبسط، من ساعة ما اتعين وهو نازل شغل، خليه يتمتع شوية مع مراته. مهند: طيب يا عم الحنين، نكمل شغل. مهند لنفسه: يا ترى إنت فين يا صاحبي؟ *** عند رعد. رعد كان نايم في أوضة فندق، بدأ يفتح عينيه ببطء، حاسس بصداع في دماغه. رعد حس بحد جنبه، بص جنبه لقي بنت نايمة جنبه.

رعد بص ليها بصدمة، وبص لنفسه وحاول يفتكر حصل إيه امبارح. البنت بدأت تفوق وقامت قعدت نص قعدة. البنت: صباح الخير. رعد قام بسرعة وفضل باصص ليها بصدمة. رعد: إيه اللي حصل بينا إمبارح؟ أو بمعنى أصح، حصل إيه من الأول للآخر؟ انجزي، اتكلمي. البنت بزهق: انت جيت الكباريه وقعدت تشرب كتير، وبعدها جيت أنا، وأخدتني وجينا على الفندق على طول. رعد: بس، اللي هو بس؟ يعني مفيش حاجة حصلت بيني وبينك؟

البنت: لا، انت جيت نمت على طول، وقبل ما تنام قولت اسم نبض، مفهمتش كان قصدك إيه. رعد بحدة: طب خدي حاجتك واطلعي بره يلا. البنت: طب وفلوسي؟ اديني جيت معاك على الفاضي. رعد طلع فلوس من محفظته ورماهم في وش البنت وسابها ودخل الحمام. البنت: ده إيه أصله ده؟ البنت أخدت حاجتها ومشيت بره الفندق. رعد أخد دوش طويل وقعد في البانيو كتير لغاية ما خرج، غير هدومه وأخد حاجته ونزل لتحت، حاسب على الفندق وخرج، ركب عربيته ومشي بسرعة.

رعد رجع البرج وطلع على شقته بسرعة، أول ما فتح الباب لقي أدم وأدهم بس اللي موجودين. أدم: حمد لله بالسلامة. نبض قالت إن عندك شغل. رعد بجمود: هي فين؟ أدهم: راحت شغلها، أنت عارف صح؟ رعد: أيوه. لما تيجي متقولوش ليها إني جيت. رعد طلع على أوضته، وأدم وأدهم بصوا لبعض. أدم: أنت فاهم حاجة؟ أدهم: وحياتك أبدًا. *** عند رعد.

رعد مسك موبايله وكان هيتصل بنبض بس رمى الموبايل على السرير وقام غير هدومه لهدوم بيتي وقعد يشتغل على اللاب بتاعه. بعد فترة سمع صوت نبض تحت. نبض: هطلع أغير هدومي وننزل نتغدى سوا. أدم: طيب. نبض طلعت على فوق ودخلت أوضة الملابس وملاحظتش رعد. نبض أخدت هدوم ليها ودخلت الحمام تأخد دوش وخرجت. لبست بنطلون أسود واسع وتيشيرت بـ ¾ كم باللون الأبيض لغاية الخصر، رفعت شعرها على شكل كحكة. نبض: آآه. نبض لفت وقعدت على السرير.

كان رعد قاعد في آخر الأوضة على الكنبة. نبض بدأت تشوف إيديها وتحسس على الكدمات بإيديها. نبض بدأت تدهن كريم على معظم الكدمات اللي عرفت تطولها وقامت غسلت إيديها. رعد بغضب مكتوم: هوا أنا قدامك. نبض اتصدمت لما سمعت صوته وفتحت عينيها على آخرهم لما لقته قدامه. نبض: بتعمل إيه هنا؟ وجيت إمتى؟ رعد: لازم أستأذنك قبل ما أدخل بيتي؟ نبض: لا، عن إذنك. رعد مسك نبض من إيديها وبص في عيونها. رعد: لو مكنتيش استفزيتيني مكنش ده حصل.

نبض بلامبالاة: عندك حق، أنا اللي غلطانة. وسع بق. نبض زقت إيد رعد ونزلت لتحت، لقت أدهم بيجهز السفرة. نبض: إيه النشاط ده؟ أدهم: قولي بقى جايبة لينا إيه؟ نبض: سمك مشوي، كان نفسي آكله. يلا تعالوا. نبض: يلا يا أدم. أدم: لا، ده سمك مشوي، محدش يقدر يقاوم يا بنتي. التلاتة قعدوا على السفرة، وأدم كان لسه هيأكل. أدم بصوت عالي: يلا يا رعد، نأكل. رعد نزل وقعد هو كمان وبدأوا يأكلوا. أدهم: احكيلنا عملتي إيه أول يوم شغل؟

نبض: النهاردة كان التاني. معملتش حاجة مهمة يعني. نبض: مفيش لذة في الشغل لأني مش معايا صحابي. بس يلا مش مشكلة. أدم: السمك ده جبتيه إزاي؟ نبض: كنت ماشية شميت ريحته، فضلت أمشي لغاية ما وصلت لمحل سمك اشتريت منه. أدهم: أنا فخور بيكي. نبض بضحك: مش أوي كده. نبض: بس السمك حلو الصراحة. أدم: حلو أوي أوي. إيه رأيك يا رعد؟ رعد: عادي، مش بطال. نبض قامت شالت طبقها ودخلت المطبخ، غسلت إيديها في الحمام الأول وخرجت.

نبض: شكرًا يا أدهم. أدهم: على إيه بس؟ نبض بدأت تغسل الكام طبق اللي قدامها وخرجت. أدم: هنرجع يا رعد. رعد: تمام. وانت يا ادهم؟ أدهم: هرجع معاه باقي. رعد: ماشي. أدهم: هطلع أرتاح قبل ما نسافر. أدم: لا، خدني معاك. أدم وأدهم أخدوا بعضهم وطلعوا لشقتهم، وبعد فترة مشيوا رجعوا الصعيد. نبض كانت هتقوم بس رعد مسك إيديها وقعدها جنبه. نبض: أفندم! رعد لا رد. نبض: لا، أنت مريض فعلًا. شيل إيدك دي.

نبض حاولت تشيل إيده كتير معرفتش، اتنهدت وقعدت. نبض بعصبية: على فكرة بقى أنت رخـم ورزل. رعد: متشكر. نبض: ما تسبني أقوم أنام بقى. رعد: لأن.. نبض بضيق: يا رخـم. رعد حاوط كتف نبض بدراعه وبص للتلفزيون. نبض بحدة: لا، ده انت بتستعبط بقى. وسع كده. رعد: ما تهدي بقى شوية، سيبيني أتفرج على التلفزيون. نبض: ما تبعد عني وهسيب المكان كله وأقوم. رعد: قومي. رعد بعد عن نبض وطلع سيجارة وبدأ يشربها.

نبض: مش خوف عليك، بس معلومة التدخين غلط. نبض سابت رعد وطلعت أوضتها نامت، وبعد فترة رعد طلع نام جمبها. *** بعد فترة. نبض كانت بتتقلب، إيديها جت على رأس رعد، قامت مفزوعة. نبض بقلق: رعد، رعد. نبض حاولت تفوق رعد بس مفاقش. نبض جريت على تحت جابت تلج وماية ساقعة وقماش وطلعت على الأوضة تاني. نبض بعصبية: أدي آخرة الكحول اللي انت بتشربه. نبض بدأت تعمل كمادات لـ رعد بس الحرارة زي ما هي.

نبض بدموع: يا ربي، مستشفى إيه اللي هتكون فاتحة دلوقتي. أنا معرفش حاجة هنا. هن.. نبض: رعد. نبض كملت في الكمادات لغاية الصبح، الحرارة نزلت بس بسيط. رعد فتح عيونه ببطء وتعبر. رعد بخفوت وتعب: أنا فين؟ نبض: رعد، سامعني؟ رعد بخفوت وتعب: إيه اللي حصل؟ بتعيطي ليه؟ نبض بدموع: مش بعيط. وانت حرارتك زي ما هي. رعد بتعب: مش حاسس بنفسي ليه؟

نبض بدموع: عشان حرارتك عالية. وأنا معرفش حاجة هنا، كنت نزلت شوفت دوا في أي صيدلية بس خايفة أتوه ومعرفش أرجع، وساعتها ممكن يحصلك حاجة. وكمان معرفش أماكن مستشفيات هنا. وأدم وأدهم مشيوا، وكنت خايفة تروح مني ساعتها مكنتش هسامح نفسي و... رعد بتعب: هشششش. مش بتسكتي خالص. نبض بدموع: وكمان ا.. رعد بتعب: هشششش. اسكتي شوية، أبوس إيدك. نبض: حاضر. رعد بتعب: أنا كويس خلاص.

رعد غمض عيونه بتعب، وكان حاسس بتقل في كل جسمه ورأسه كانت وجعاه أوي. نبض: رعد، سامعني؟ نبض: يا رعد، استحمل بس ساعتين، أبوس إيدك. نبض: طب فتح عيونك، طب. رعد بتعب: صاحي، أهدي بقى. رعد بتعب: وكمان المفروض انتي تفرحي إني ممكن أموت. نبض بدموع: مش بشمت في حد. رعد بتعب: طيب خلاص، أهدي، أنا كويسة. نبض عملت كمادات تاني لـ رعد، ورعد كان بين الوعي واللاوعي لغاية ما النهار طلع والحرارة نزلت. نبض بفرحة: الحرارة نزلت.

نبض شالت كل الكمادات والمية ونزلتهم تحت وطلعت لـ رعد، بدأت تفوقه. نبض: يلا فوق يا رعد. نبض: رعد. رعد فتح عيونه وبص لـ نبض، وبدون وعي حاوط خصرها بإيده وقربها منه. نبض: تأثير الحمى ده ولا إيه؟ وسع. رعد: شكرًا. نبض: مقبول. رعد شال شعر نبض من على وشها وباس رأسها. نبض: قوم يلا غير هدومك وتعالى وصلني الشغل. نبض نزلت لتحت، طلعت اللي في التلاجة وحطته على السفرة. رعد قام بتعب بسيط وقام غير هدومه ونزل لتحت.

نبض: افطر عقبال ما أغير هدومي. نبض طلعت على فوق تغير هدومها. نبض لبست بنطلون أسود وتيشيرت بحمالة رفيعة باللون الأحمر ودخلته جوه البنطلون، ولبست جاكت ¾ كم باللون الأسود وقصير لغاية الخصر. سابت شعرها على ضهرها وكتفها. ولبست كوتشي أبيض عالي. نبض نزلت لتحت لقت رعد خلص فطار. رعد بتعب بسيط: يلا. رعد خد نبض ونزلوا لتحت، ركبوا العربية ورعد بدأ يسوق. *** فجأة حصل ضرب على إزاز عربية رعد و........