رواية قسوة الرعد الفصل الثالث 3 - بقلم زوزا

نبض صرخت: عااااااااااااااااااا.. نبض وقعت من على الجمل على الأرض ورجلها حصلها التواء. أدهم: يا نهار أسود! رعد مش هيرحمنا. نبض (بألم) : دي بتوجع أوي. آدم: قومي نوديكي المستشفى. والله لو رعد قالي حاجة بس تضايقني هقلب عليكوا أنا قلت أهو. آدم وأدهم سندوا نبض وركبوها العربية وراحوا المستشفى. الدكتورة: الحمد لله مش حاجة خطيرة، كدمة بسيطة. بس مال وش حضرتك؟ أدهم: لا حاجة عادية كده، جوزها بيحب يلعب في وشها كيس ملاكمة.

الدكتورة: أفندم؟ نبض (بضحكة خفيفة) : لا بيهزر... اتخبطت برضه، بس الحمد لله سليمة يعني. أقدر أمشي؟ الدكتورة: أيوه، بس راحة تامة. آدم: طبعًا راحة تامة. (بصوت واطي) ده رعد هيشيلها فوق راسه. نبض: يلا نروح، هي خروجة زفت. آدم وأدهم سندوا نبض وركبوها العربية، وبعد فترة وصلوا للبرج. آدم: عربية رعد مش هنا، يلا نلحق بسرعة. ركبوا الأسانسير وطلعوا لشقة رعد. أدهم: طلعي المفتاح. نبض: مفتاح إيه؟ آدم (بصدمة) : والنبي؟

أومال هنفتح الشقة بإيه؟ نبض: مدانيش مفتاح وكمان أنا... آدم (بعصبية) : إنتي إيه ها، إنتي إيه؟ أدهم: اهدى يا آدم، هو أكيد فيه طريقة هنفتح بيها الشقة قبل ما رعد يجي... أدهم قبل ما يخلص كلامه، لقي باب الشقة اتفتح ورعد حاطط إيده في جيبه ببرود. رعد (بهدوء) : ادخلي. نبض بصت لآدم وأدهم وسندت على الباب ودخلت. أدهم لسه هيدخل، رعد قفل الباب في وشهم. نبض اتفزعت من قفلة الباب وكانت هتطلع على الأوضة. رعد: كنتوا فين؟ نبض (بتوتر)

: كنت بتفسح شوية. رعد: استأذنتي مني؟ نبض: إنت بتتكلم بهدوء ليه؟ متخوفنيش. رعد (برفعة حاجب) : عايزني أقوم أضربك يعني؟ نبض: ها، لا خليك كده. رعد: بعد كده نزولك بإذني أنا... أنا وبس. نبض: تمام. نبض كانت هتطلع بس رجعت تاني. نبض: احم، خليك كده على طول. نبض طلعت على أوضتها بصعوبة واترمت على السرير بتعب. نبض: حتى ملاحظش إن رجلي اتصابت. اوف بقى في أم الملل ده. نبض قامت بتعب، أخدت دوش وخرجت تغير هدومها.

نبض خرجت لبست سويت شيرت باللون الأسود بكم ورفعت شعرها ديل حصان وحطت مكياج بسيط. نبض قعدت على السرير بدأت تلف شاش تاني على إيديها وشاش على رجليها ورجعت راسها لورا وحطت إيديها على مخدة ورجليها على مخدة وغمضت عينيها تنام. بعد فترة... نبض كانت بتتقلب لقت رعد جنبها فاتح عيونه. نبض (باستغراب) : إيه اللي جابك هنا؟ رعد (بهدوء) : ملكيش فيه، نامي. نبض: بس مينفعش أنا وإنت على نفس السرير.

رعد: مش فايق لأفكارك المتخلفة دي. أنا وإنتى متجوزين، إيه اللي يمنع بقى؟ نبض: اللي يمنع إننا يعتبر مش متجوزين، أو بمعنى أصح إحنا مش متجوزين. لو بتسمي العيشة دي جواز، فأنا شايفاها سجن. رعد (بحدة) : مش عايز أسمع صوتك، ويلا نامي. نبض: وأنا مش هنام جنبك. رعد (بعصبية) : غوري في أي داهية تاخدك. نبض قامت بصعوبة ونزلت لتحت نامت على الكنبة. عند رعد...

جاله تليفون. رعد كنسل عليه وقام غير هدومه وأخد حاجته ونزل لتحت. حط أكل لروك واطمن عليه وخرج وقفل الباب وراه بالمفتاح. نبض قامت بسرعة من على الكنبة بغضب. نبض (بغضب) : هو فاكرني سجينة عنده الحقير ده؟ نبض (بغضب وصوت عالي) : عااااااااا، بكرهك يا رعد السيوفي. نبض رمت راسها على الكنبة بغضب وبصت لقت الكلب بياكل في صمت. نبض (بغيظ) : الباشا مهتم بأكلك، أما أنا لا. نبض (بغضب) : خدامة أهله أنا. عند رعد...

رعد ركب عربيته وراح للمبنى ودخل. رعد: اللي عرفته صحيح؟ الكل: آه. رعد: حصل إزاي؟ مهند: معرفش يا رعد، لقيت اتصال من عز بيقول فيه كده. رعد: عرفت إزاي يا عز؟ عز: بالمختصر يعني، جاتلي رسالة مشفرة يا رعد وبدأت أفكها وعرفت إن عربية حد من فرقتنا فيها قنبلة والكل كان هنا غير مهند، وساعتها اتصلت بيه وقولتله وكان معايا قوات ووصلنا عنده. رعد: وطبعًا الرقم متهكر. يزيد: أنا متأكد إنه حد من أعدائك يا رعد بيه. رعد: اشمعنى؟

يزيد: لأن في الرسالة ق... عز ضرب يزيد في جنبه وبصله بحدة. عز: لا، مفيش حاجة، بيحب يأفلم. رعد (ببرود) : قول يا يزيد. يزيد بص للكل وبص لرعد وأخد نفس عميق. رعد: محدش هيعملك حاجة، قول. يزيد: مكتوب في الرسالة "وبلغ رعد وقوله دي البداية". رعد: وجنابك مقولتش ليا ليه يا عز؟ عز: خوف عليك يا رعد والله. رعد: فعلًا، في ناس اتهمت على بيتي النهاردة. محرم: طب وحضرتك حصلك حاجة؟ رعد: لا.

رعد: من هنا ورايح يبقى فيه حماية وحراسة ورا كل فرد من أفراد عائلتي، حتى اللي في الصعيد. مهند: أكيد. رعد: ويبقى فيه حراسة ورا كل فرد من عائلتكم إنتوا كمان. عز: تسلم يا رعد. رعد: جيبوا ملف القضية الجديد. محرم: اتفضل يا رعد بيه. رعد: قرأتوه؟ يزيد: كلنا آه. رعد: والملخص؟

عز: جماعة إرهابية طالعين بمعتقد متخلف زيهم وفجروا لحد الآن 3 مدن كبيرة و 2 سكة حديد و 10 أماكن عشوائية، ومسكنا واحد مات قبل اعترافه بيومين. والباقي حر طليق، والمشكلة إن القضية دي كانت مع كذا فرقة واتأذوا وهما جابوا القضية لينا، أو بمعنى أصح رشحونا للقضية دي. محرم: ده غير إن قائد الجماعة مختفي تمامًا وكلابه هما اللي بينفذوا أوامره. يزيد: والمعلومات اللي وصلتلنا إن غالبًا اللي بيقوم بالتفجير بتبقى واحدة ست.

مهند: ده غير إن الجماعة دي ليهم ناس كتير في أنحاء البلاد وهدفنا الأساسي رئيسهم الكبير. رعد: شكل الموضوع مش بسيط... لازم نأخد حذرنا. رعد: جيبولي كل اللي مسجونين هنا في المبنى تبع المنظمات دي وحاولوا تخليهم يعترفوا على طريقة نظامهم والأماكن اللي كانوا بيتواجدوا فيها. رعد: وتتحروا عن المنظمات دي أكتر وتجمعولي كل اللي مسكوا القضية دي من قبلنا. رعد: أتمنى يبقى كلامي مفهوم ويتنفذ. الكل: مفهوم يا فندم. رعد: نفذوا.

رعد خرج من المبنى، ركب عربيته وراح قدام البحر ونزل من العربية قعد قدام البحر وقعد يبص ليه. طلع سيجارة وبدأ يشربها بهدوء. في القصر... في الصعيد... عادل: حد كلمهم؟ جلال: تليفونهم هما الأربعة مغلق يا بابا. هدي: أنا ابتديت أخاف يا حاج. بلال: سيبهم يا أبوي. عادل: في كلمتين عايز أقولهم لرعد. جلال: هيرجعوا قريب أكيد يعني. عمر: متقلقوش، هما مع رعد في أمان. عادل: إيه يا مسعد، مفيش حاجة أكدي أو أكدي؟

مسعد: لما ربنا يريد يا حاج. عادل: وإنتي بقيتي في الشهر الكام يا شربات؟ شربات: هدخل في الرابع يا حاج. عادل: شدي حيلك. شربات: حاضر يا حاج. عادل: هدي الشاي في جوتي. هدي: حاضر يا حاج. عادل قام ودخل أوضته وهدي قامت علطول عملت الشاي وراحت ودته ليه. هدي: حاجة تاني أكدي يا حاج؟ عادل: لا يا هدي. هدي: عن إذنك. هدي سابت عادل قاعد في البلكونة بتاعته بيشرب الشاي. كل واحد بدأ يطلع على أوضته، إلا جلال راح قعد في الجنينة.

هدي: يا ولدي مش هتنام؟ جلال: قلقان على نبض أوي يا ماما. هدي قعدت على الكنبة، جلال حط راسه على رجليها. هدي: متخافش يا حبيبي، إنت ودتها لراجل. جلال: قاسي. هدي: رعد ده طبعه غصب عنه مش بمزاجه، لازم نعذره. رعد أصيل يا ولدي. جلال: معرفش يا أمي، معرفش. حيران أوي. كل ما أفتكر نظرات نبض ليا وهي بتتهمني بأني اخترت ليها الشخص اللي مش مناسب، أحس بتأنيب ضمير أوي.

هدي: لا يا ولدي. نبض كيف البدر المنور اللي هتعرف كيف تحافظ على رعد. ورعد كيف الطفل محتاج حد يكون عارفه ويفهمه. جلال: نبض لا يا أمي. نبض غير كل البنات. هدي: نبض زي ما إنت قولت بدر منور، مش حمل تعب وخناق. جلال: كل ما أفتكر إني مديت إيدي عليها، أتمنى لو إيدي تتقطع. هدي: بعد الشر يا ولدي، إن شاء الله عدوينك. جلال: وحشتني حياة أوي. هدي: حياة برضه كانت كيف البدر، زي بت... هدي: بس كانت هادية ورزينة شوية عن نبض.

جلال: حياة ونبض نسخة واحدة، الفرق بس إن حياة مبقتش موجودة للأسف. هدي: هي في مكان أحسن مننا يا ولدي. جلال: يا رب. هدي: هتعيط ليه يا ولدي؟ جلال (بدموع) : اتوحشتهم جوي يا أما. هدي أخدت جلال في حضنها وقعدت تطبطب على ضهره. هدي: هما بخير يا ولدي، متخافش. جلال: آسف يا أمي، تعبتك معايا. هدي: هتقول إيه يا جلال يا ولدي. جلال: هطلع أنام. تصبحي على خير.

جلال باس إيد هدي ورأسها وطلع أوضته حاول ينام. هدي قامت وطلعت أوضتها لقت عادل نايم، دخلت اتوضأت وقعدت تصلي وتدعي لكل اللي هي تعرفهم. في مكان تاني... عند نبض. نبض سمعت أذان الفجر، حست بتأنيب ضمير إنها قصرت شوية. قامت واتوضأت وقعدت على الكنبة وبدأت تصلي وهي قاعدة عشان خاطر رجليها. رعد دخل من باب البيت وهو غير متوازن ورمى نفسه على الكنبة جنب نبض. نبض خلصت صلاة ولقت رعد نزل الطرحة من على شعرها وقعد يملس عليه.

نبض: بتعمل إيه؟ رعد (بتوهان) : إيه؟ رعد حاوط وش نبض بين إيديه وقرب منها. نبض (بقرف) : ابعد عني... إنت سكران؟ رعد (بضحكة خفيفة) : أنا؟ لا، أنا مش سكران خالص. رعد قرب من نبض أكتر بس نبض زقته بعيد عنها بغضب. نبض (بغضب) : إنت سافل.. ابعد بعيد عني. نبض قامت من على الكنبة وسندت على الحيطة بسبب وجع رجليها. نبض (بعصبية) : اطلع فوق... لما تفوق ابقى انزل اتكلم معايا. رعد قام وراح ناحية نبض وكان هيقع بس نبض مسكته. رعد (بتوهان)

: طلعيني إنت. رعد نزل لمستوى نبض وبص في عيونها. رعد (بتوهان) : إنتي جميلة أوي. رعد حاوط خصر نبض بإيده وحط راسه على كتفها. نبض سندت رعد وطلعوا أوضة رعد. رعد كان وزنه تقيل بالنسبة لنبض ونبض رجليها وجعتها أوي فوقعوا هما الاتنين على السرير. نبض (بعصبية) : ماسكة عربية نقل. اووووف. نبض (بعصبية) : بغل. 😒 نبض سندت رعد ودخلت للحمام وشغلت الدش ودخلت رعد تحته. نبض (بصوت عالي) : يا حيوان.

رعد شد نبض معاه في البانيو ونبض اتغرقت ميه. نبض (بعصبية) : إن... رعد قرب من نبض و... نبض بعدت عن رعد وسندته وخرجت بره الأوضة قعدته على السرير. نبض: حتى الميه مخلتكش تفوق. نبض راحت أوضة الملابس جابت هدوم وخرجت. نبض: ارفع إيدك. رعد (بابتسامة وسُكر) : حاضر. نبض (بعصبية) : اوووووف يا الله. نبض بدأت تغير لرعد التيشيرت بتاعه ولبسته التي شيرت الجديد. نبض: خد كمل لبسك. نبض دخلت الأوضة وطلعت هدوم ليها وبدأت تغير.

نبض لبست شورت أبيض قبل الركبة بشوية وفوقه تيشيرت بحمالة رفيعة على الكتف ودخلته جوه الشورت. سابت شعرها على ضهرها بعد ما جففته. نبض: أخيرًا عملت حاجة عدلة. نبض أخدت هدوم رعد اللي غيرها ونزلت حطيتها في الغسالة وطلعت تاني. نبض: ما تنام. رعد (بدون وعي) : تعالي نامي في حضني. نبض: لا. 😒 رعد شد نبض في حضنه وطفي النور ونام. نبض (بحدة) : وسع بعيد عني كده. نبض (بحدة) : مش عايزة أنام في حضنك أنا.

رعد شدد عليها وهي في حضنه أكتر وباس رقبتها. رعد (بنوم) : اسكتي شوية. رعد حاوط نبض برجله وإيديه ونام نوم عميق. في الصباح الباكر... في تركيا... (حوار مترجم بالتركية) في بيت فتون ومحمد. محمد بابتسامة: صباح النور. فتون بخجل: صباح الخير. محمد: وحشتيني فعلًا. فتون: كداب أوي، أنا في حضنك أهو. محمد: قولتلك قبل كده إني بحبك. فتون: عايزة أسمعها تاني. محمد: بحبك. فتون: بموت فيك. محمد: إنتي جميلة أوي. فتون: من امتى الحنية دي؟

محمد: لا، مفيش حاجة. فتون: مش مصدقاك. محمد: هو عيب أحب في مراتي؟ فتون: لا. محمد قرب من فتون وباس رأسها. محمد: يلا قومي البسي يا حياتي. فتون: حاضر. فتون قامت تغسل وشها، خرجت تغير هدومها. فتون لبست فستان باللون الأحمر قصير لغاية الركبة ولبست صندل بكعب دهبي وسابت شعرها على ضهرها. محمد: جهزتي يا حياتي؟ فتون: أيوه. محمد: يلا. محمد مسك إيد فتون وركبها العربية. فتون: بوكيه إيه ده؟ محمد: هتعرفي. فتون: مش قولتلك في حاجة.

فتون لقت بعد فترة محمد وقف في مكان فاضي. محمد: انزلي. فتون نزلت ومحمد مسك إيديها، وفتون لقت في مكان متزين في الحتة الفاضية دي وفي ورود أبيض وأحمر وبلالين. فتون: ممكن تفهمني في إيه بقى؟ محمد طلع من جيب الجاكت بتاعه علبة وفتحها. محمد: مقدرش أنسى يوم موافقتك على جوازنا. فتون نطت على محمد وحضنته وهي بتعيط. فتون: بحبك أوي. محمد: أنا أكتر. محمد باس راس فتون وحاوط وشها بين إيديه.

محمد: في كل سنة وكل مرة يجي فيها اليوم هنحتفل بيه. فتون: إنت مجنون. محمد: بيكي. محمد: يلا نروح المستشفى. فتون: طيب. محمد: الخاتم. محمد فتح العلبة تاني وطلع منها خاتم سوليتير ولبسه لفتون وباس إيديها. محمد: بحبك. فتون: بموت فيك. محمد وفتون ركبوا العربية وراحوا للمستشفى. ميران: لسه بدري. محمد: في إيه؟ ميران: مستنين حالة والمفروض إنها خطيرة نوعًا ما. محمد: انزلي يا فتون هروح أركن. فتون: طيب.

فتون نزلت ووقفت مع ميران ومحمد راح ركن عربيته ورجع تاني. محمد: قدامهم إيه؟ ميران: 20 دقيقة. محمد: طيب. في مكان تاني... عند آدم وأدهم. آدم (بعصبية) : اوف يا أدهم هو أنا مراتك. أدهم: بحبك يا أخي، بحبك. آدم (بصدمة) : واد يا أدهم احترم نفسك. أدهم: اوف بقى، فيها إيه يعني لما أحضنك يا آدم. آدم: أنا مبقتش مطمنلك. أدهم: عيل واطي. 😂 أدهم: علمني بقى إزاي أشقط بنات مصر. آدم: لا. أدهم: والنبي يا آدم. عشان خاطري. آدم: لا برضه.

أدهم: يا رخم. آدم: أنا نازل، خليك هنا بقى. أدهم: طيب، خليك فاكرها. آدم: نفسي أعرف هتشقط بنات بوشك المتخرم ده إزاي؟ أدهم: خليك عارف، إنت اللي بدأت. آدم: ظريف. آدم ساب أدهم ونزل ركب عربيته وخرج شوية. أدهم: آه يا آدم الكلب. أدهم: طب هنزل أقعد مع نبض بس كده. أدهم قام غير هدومه ونزل خبط على باب شقة رعد كتير. أدهم: ليكونوا نايمين؟ أدهم: كمان شوية أبقى أنزل. أدهم طلع أوضته شغل التليفزيون وقعد قدامه. عند رعد ونبض.

رعد كان بيتحرك لقي حاجة مقيداه، فتح عينه بكسل لقي نبض حاضناه بإيديها. رعد (بكسل) : إيه النوم اللي جه فجأة ده؟ رعد فتح عينه أكتر بس غمض. رعد: نبض، نبض. رعد: يلا فوقي. رعد حس بصداع جامد في راسه وحاول يبعد عن نبض معرفش. رعد (بعصبية) : نبض قومي بقى. نبض بدأت تفتح عينيها ببطء وكسل وبصت لرعد. نبض (بنوم) : في إيه؟ رعد (بعصبية) : إنتي محسساني إنك ماسكة حرامي، ابعدي عني. نبض اتعدلت بسرعة وبصت لرعد بصدمة.

نبض: مش إنت اللي قولتلي نامي جمبي ونيمتني في حضنك غصب؟ رعد: أنا عملت كده؟ إنتي كدابة، بتبرري لنفسك. نبض: لا، فوق شوية يا بيه، إنت اللي جيت سكران وحالتك مقرفة زيك. نبض: ادي آخرة اللي يعمل معروف مع واحد زيك. نبض كانت جاية تقوم، رعد مسك إيديها اللي بتوجعها وتناها ورا ضهرها. رعد: أسلوبك مش عاجبني. وصوتك الجميل ده تتكلمي بيه باحترام أحسن ما أخسرك. نبض (بحدة) : ده إنت مجنون رسمي بقى وعندك انفصام، ابعد عني ابعد. نبض

(بعصبية) : ابعد بقى، إيدي وجعتني. رعد بعد عن نبض، دخل الحمام وأخد دوش. نبض قامت سرحت شعرها وعملته كحكة وكانت هتخرج خبطت في رعد. رعد: اطلعي من رأسي. نبض: أنا عملتلك حاجة دلوقتي؟ رعد ساب نبض ودخل أوضة الملابس غير هدومه بسرعة وخرج. رعد: البسي حاجة محترمة وانزلي ورايا. نبض: ا... نبض ملحقتش تكمل كلامها لأن رعد سابها ونزل. نبض (بغضب مكتوم) : الحقير. نبض دخلت أوضة الملابس بدأت تدور على أي حاجة تلبسها.

نبض لبست بنطلون جينز وقميص أبيض دخلته جوه البنطلون ولبست كوتشي أبيض عالي نوعًا ما. وسابت شعرها على كتفها وضهرها. وحطت ميكب خفيف. نبض نزلت لتحت لقت رعد بيفطر. رعد (ببرود) : تعالي. نبض قعدت قدام رعد وبصتله بغضب. رعد (ببرود) : لو عايزة تأكلي قومي اتصرفي، متوجعليش دماغي. نبض: مش عايزة حاجة... عايزة الكريدت كارد. رعد: مصروفاتك ملزومة مني. نبض (بسخرية) : هتقدر؟ رعد (ببرود) : معرفتنيش لسه. نبض: ويا ترى هعرفك امتى مثلًا؟

لما بنحضر الغداء؟ ولا لما بنقعد مع بعض ونتفرج على مصر من فوق؟ لا لما نخرج مع بعض؟ ولا أقولك ممكن واحنا بنتفرج على التلفزيون سوا؟ أو... رعد (ببرود) : مفيش داعي تكملي. رعد (ببرود) : من البداية كده، إنتي مجرد واحدة معايا، وقت ما أزهق منها أرميها، ومش هيهمني حد. نبض (ببرود مماثل) : وأنا أول ما أشوف حد أحلى وأفضل منك، ساعتها هطلب الطلاق ونخلص من العلاقة المزيفة دي.

رعد: كمان ساعة عندك مقابلة مع ياسر زميلي وهو هيعينك في مستشفى خاصة بالقوات. رعد: وأتمنى إنك تعملي حدود مع كل اللي هناك عشان متندميش في الآخر. رعد: مستنيكي تحت. رعد ساب نبض ونزل لتحت ركب عربيته مستنيها. نبض أكلت أكل رعد ونزلت وراه بس كانت تايهة. نبض: لو سمحت أوصل لبره المبنى إزاي؟ موظف: امشي يمين يا فندم. نبض: شكراً. نبض خرجت من المبنى لقت رعد راكب في عربيته وواقف قدام المبنى. نبض فتحت الباب وركبت. رعد بدأ يسوق.

رعد: موبايلك وعليه كل الأرقام زي ما هي. نبض: شكراً. بعد فترة نبض لقت رعد وقف قدام مستشفى نضيفة جدًا. نزلت هي وهو ودخلوا. رعد (بهمس) : مش عايز أي مشكلة تيجي منك، والتزام، وإلا هتندمي إنتي. نبض (بزهق) : طيب. نبض ورعد دخلوا أوضة المدير. رعد: ياسر. ياسر: حضرة العميد، أهلًا وسهلًا. المستشفى كلها نورت يا رعد بيه. اتفضل، اتفضل. ياسر: هو هو حضرتك الدكتورة نبض؟ نبض: حضرتك تعرفني؟

ياسر: إنتي مشهورة وعمليتك الأخيرة مشهورة أوي. حقيقي عملتي إنجاز عظيم. نبض: شكراً، ده من ذوق حضرتك. ياسر: لو دي الدكتورة، فأنا موافق أوي ومبسوط كمان. رعد (ببرود) : تمام، لو كده أقدر أسيبها مع حضرتك. ياسر: دي في عيوني. رعد: تمام يا حبيبتي، أشوفك بعد الشغل. رعد قرب من نبض وباسها جنب شفايفها. نبض اتصدمت من كلمة حبيبتي ومن تصرفها. رعد كان هيمشي بس رجع تاني. رعد: أه، خلي بالك من المدام يا دكتور ياسر، دي غالية.

رعد لاحظ صدمة ياسر على وشه وياسر بص له. ياسر (بتردد) : أكيد، أكيد يا رعد بيه. رعد: لما تخلصي كلميني يا حبيبتي. رعد سابهم ومشي ونبض كانت لسه مصدومة. نبض: احم، على العموم يا دكتور ياسر، ممكن توريني أوضتي؟ ياسر: أكيد طبعًا، اتفضلي معايا. ياسر خد نبض وعرفها على المستشفى كلها وعرفها على بعض الدكاترة والممرضين اللي موجودين. نبض: المستشفى باين عليها إنها نضيفة. ياسر: أيوه. نبض: شكراً يا دكتور ياسر، تعبتك معايا.

ياسر: تعبك راحة يا نبض. نبض: عن إذنك. نبض: لو سمحت، ممكن جدول المرضي النهاردة؟ جت بنت ورمت ملفات على الترابيزة قدامها وبصت ل نبض من أولها لآخرها. بنت (بقرف) : مين؟ نبض: حضرتك بتكلميني أنا؟ بنت (بقرف) : أيوه. نبض: لما تحترمي نفسك ابقي أرد عليكِ. ممرضة: حضرتك الدكتورة نبض صح؟ نبض: أيوه. ممرضة: الدكتور ياسر موصي عليكي، اتفضلي، أهو الجدول. نبض: تمام، شكرًا. نبض كانت هتمشي بس وقفت لما لقت البنت وقفت قدامها.

بنت: إيه اللي بينك وبين ياسر؟ نبض: وإنتي مالك؟ بنت: لا، لازم أعرف، أصله خطيبي. نبض (ببرود) : برضه شيء ميخصكيش. نبض: وكمان إنتي مش خطيبة الدكتور ياسر، بلاش تلفي وتدوري عشان تعرفي اللي إنتي عايزاه، وطالما مش عايزة أجاوب مش هجاوب. نبض سابت البنت دي ومشيت من قدامها. نبض خبطت في واحد وهي ماشية ووقعوا هما الاتنين في الأرض. ولد (بعصبية) : مش تفتحي؟ نبض: أفندم؟ إنت اللي غلطان، بطل استهبال. ولد (بعصبية) : استهبال!

ما تحترمي نفسك يا بت. نبض رفعت راسها للولد ده ومتكلمتش والولد انبهر ب نبض. نبض (ببرود) : عيونك عشان مشلهمش. نبض لمّت الورق اللي كان في إيديها وقامت ومشيت. ولد: إنت ياض. ولد 2: إيه؟ ولد: مين المزة دي؟ ولد 2: الدكتورة الجديدة. ولد: وأنا اللي كنت بفكر أقدم على إجازة. ولد 2: طول عمرك صايع. ولد: يا ابني دي قدرات. ولد 2: ماشي، بس خلي بالك يا طارق. بيقولوا وقفت قدام لوسي. طارق: أنا مالي ب لوسي.

طارق: هي بقى اسمها إيه يا واد يا عاطف؟ عاطف: اسمها نبض. طارق: حتى اسمها سكر زي عينيها. عاطف: حب ولا متعة ولا إيه، فهميني؟ طارق: لما أفهم يا ابني، لما أفهم. وكل واحد بدأ يشتغل في حاله. بليل... نبض: دكتورة منار، كده كله جاهز. منار: تسلمي يا نبض. نبض: همشي أنا. نبض قلعت البالطو بتاعها وظبطت شعرها ومسكت شنطتها. نبض: إن شاء الله نكمل بكرة الحالات الجديدة. لوسي: إنتي يا اسمك إيه.

نبض سابت لوسي ومشيت ولوسي بصت ليها بغضب وكانت هتروح وراها. منار: عايزة منها إيه، حرام عليكي. لوسي: الحيوانة دي إزاي متردش عليا؟ هعلمها بكرة إزاي متردش على أسيادها. عند رعد... رعد كان في عربيته رايح ناحية المستشفى نزل من العربية ولسه هيدخل المستشفى. رعد (بصوت عالي) : نبض...