رواية قسوة الرعد الفصل الرابع والعشرون 24 - بقلم زوزا

رعد رعد فوق.. متغمضش عيونك.. رعد وقع بين إيدين نبض. قعدت تضربه على خده. فوق متغمضش عينك. قاوم. قاوم علشان خاطري متغمضش عينك ارجوك. اسعاف حد يطلب الإسعاف. رعد اياك تغمض عيونك ارجوك. لو ليا غلاوة عندك استحمل. نبض قعدت تعيط وهي بتبص لرعد. ورعد بيقاوم علشان ميغمضش عيونه، بس غصب عنه اغمي عليه. رعد رعد. يا رب. بعد فترة الإسعاف جات ونقلوا رعد العربية ونبض ركبت معاه. حطوا جهاز التنفس.. وخليهم يجهزوا أوضة العمليات. مين حضرتك؟

أنا دكتورة. نبض عملت الإسعافات الأولية لرعد لغاية ما وصلوا للمستشفى. هنستلم إحنا من هنا. لازم تأمنوا وحدات دم فورًا. وكما.. إحنا عارفين شغلنا. انتوا بتفهموا أصلاً؟ بدل ما تتخانق معايا شوف شغلك وادخلوا أوضة العمليات. الحالة حرجة. ومين جنابك علشان تتكلمي كده؟ انت واقف بتسأل وقدامك مريض بين الحياة والموت. لو مش قادر تعمل العملية دي قولي وأنا هعملها. بناءً على إيه؟

أنا دكتورة وعندي خبرة ومتعلمة في تركيا وعديت بحالات كتير. وبعدين ده مش موضوعنا. المريض بيضيع. نبض مسكت الدكتور من قميصه بغضب. لو حصله حاجة صدقني الموت يبقى حاجة بسيطة للي هعمله فيك. هخليك تتمنى الموت كل يوم. نبض زقت الدكتور بغضب ووقفت جنب رعد. دخلوه أوضة العمليات فورًا وأمنوا وحدات دم. هتحتاجوها. دخلوا رعد أوضة العمليات ونبض كانت واقفة قدام باب أوضة العمليات وهي خايفة. علشان خاطري يا رعد.

نبض فضلت ماشية في الممر كتير. وفجأة حست بحاجة غريبة والممرضة خرجت تجري لبره. في إيه؟ مفيش دم متوفر. انتوا مجانين إزاي ده! أنا أنا دمي نفس دمه. انجزي. الممرضة أخدت نبض بسرعة وأخدوا منها دم. ونبض قعدت على الكرسي اللي قدام أوضة العمليات وحطت إيديها بين وشها. نبض سمعت صوت جهاز الإنعاش قامت بسرعة بخضة وخوف. مش هتسبني يا رعد صح؟ نبض قعدت بتعب على الكرسي لغاية ما الدكتور خرج. إيه الأخبار؟

الحمد لله أنقذناه. بس هيتنقل للعناية المركزة. تمام. شكرًا. خرجوا رعد من أوضة العمليات على نقالة ونبض بصت عليه. ونقلوه العناية المركزة. نبض فضلت واقفة قدام أوضة رعد وقدام أوضة مراد. وهي واقفة خايفة وقلقانة. نبض قعدت قدام الأوضتين ورجعت رأسها لورا بتعب. اتفضلي. شكرًا. مش عايزة. لازم تعوضي جسمك الدم اللي فقده. هو جسمي ولا جسمك؟ قولتلك مش عايزة. باين عليكي عنيدة. انت مالك يا أخي ده انت سخيف.

دكتور نزل لمستوى نبض وقرب وشه منها. وأنا بحب البنات العنيدة جدًا. نبض رفعت عينيها في عين الدكتور ورفعت كوعها في وشه. آه يا غبية. انتي اتجننتي. احمد ربك إني مكسرتش ليك ضلع ولا دراع. الدكتور لقي دم نازل من أنفه. بص لـ نبض بصدمة وسابها ومشي. نبض قعدت مربعة إيديها وهي بتحاول متنامش. يا رب. مالك بقلق: دكتور بسرعة. عايز دكتور. نبض رفعت رأسها شافت ملك بين إيدين مالك. قامت بسرعة عليه. إيه اللي حصلها؟ انتي دكتورة؟ آه.

نبض بدأت تشوف نبض ملك وحست باضطراب في ضربات القلب. لازم تصوير مقطعي شامل ودكتورة نساء. هو انتي نطّة في كل حاجة؟ انتي مش دكتورة؟ مش مهم. المهم دلوقتي إنه لازم تصوير مقطعي ليها ودكتورة نساء. دكتور أمين. انتي بتعملي إيه هنا؟ انت مالك؟ اتفضل معايا حضرتك. لازم تصوير مقطعي. أهم حاجة عندي مراتي. انتوا اتجننتوا. فاطمة انقليها أوضة الكشف. دخلوا ملك أوضة الكشف وأمين بدأ يكشف عليها. ابعتي دكتورة النساء. حاضر.

الدكتورة جات وبدأت تفحص ملك والكل واقف. متقلقوش. حاجة عادية. بيحصل إغماء في الشهور الأولى من الحمل. يعني هي حامل؟ آه. مبروك. حامل. مالك قرب من ملك وباس راسها. عن إذنكم. مبروك يا مالك. انتي تعرفيني؟ ملك تبقى بنت عمي وأنا شفتك ساعة الفرح. بس ملك معندهاش غير بنت عم واحدة اللي هي مرات رعد. آه. أنا نبض مرات رعد. بجد أسف. مكنتش أعرف. إحنا كنا مخططين نيجي نزوركوا. أومال فين رعد؟ هو بخير بس. إيه؟

معرفش. فجأة حصل ضرب نار وهو اتصاب. إزاي ده حصل؟ طب هو أخباره إيه دلوقتي وانتي عاملة إيه؟ في العناية. إن شاء الله خير. والف مبروك على الحمل. أسف إني متعرفتش عليكي. لا عادي. ملك بدأت تستعيد وعيها وفتحت عينيها. مالك. يا عيون مالك. أنا حصلي حاجة؟ مبروك يا حبيبتي. إيه؟ انتي حامل؟ بجد يا مالك! آه يا عيون مالك. يعني أنا حامل يعني أنا هبقى أم. مبروك يا حبيبتي. مالك باس راس ملك واخدها في حضنه. احم. مبروك يا ملك. نبض!

عن إذنكم. نبض سابتهم ومشيت وملك بصت لـ مالك باستغراب. هو إيه اللي حصل؟ جوزها رعد حصل ضرب نار عليهم وهو اتصاب. يا لهوي. إيه؟ ليه حد يعمل كده؟ خوفتي عليه؟ طبعًا. مش ابن عمي. ابن عمك بس! آه وانت عارف إني بحبك انت. طيب يا ملك. لازم نكون جنب مراته الفترة دي. تمام. نبض كانت واقفة تايهة بسبب اللي بيحصل. طب طب هو كويس؟ معرفش. كانت حالته مستقرة وفي مؤشرات إن العقل بدأ يشتغل تاني. فجأة حالته بقت حرجة.

نبض بصت على مراد من شباك أوضته الإزاز. ولقت إيد على كتفها. الف سلامة. شكرًا. تقدري تروحي انتي وجوزك. انتي تعبانة ومحتاجة راحة. لا عادي. بس هو مين ده؟ أخويا. إزاي! ملك مش وقته. طيب. تعالي اقعدي. مش عايزة. روحي انتي. الحمد لله. الحالة استقرت. شكرًا. هروح أجيب أكل وأجي. نبض فضلت تمشي في الممر بتبص على رعد ومراد. نبض أنا آسفة يعني على. مفيش داعي يا ملك. اللي فات مات. والف مبروك على الحمل. حضرتك مدام نبض؟ آه.

حاجات زوج حضرتك أهي. شكرًا. نبض أخدت حاجات رعد وحطتهم على الكرسي. رعد رن. نبض مسكت التليفون وفتحت الخط. عم الناس كلهم. انت مش في البرج ولا نبض؟ ادهم. إزيك يا نبض. الحمد لله. إيه انتوا فين؟ أنا بسأل الراجل اللي في البرج هنا بيقولي إنكم مجتوش بقالكم يومين. إيه سافرتوا كده من غير ما تقولوا. ادهم. رعد في المستشفى. انتي بتقولي إيه يا نبض؟ ماله رعد؟ هو مردش ليه؟ حصل ضرب نار وهو اتصاب. في مستشفى إيه؟ هبعتلك عنوانها.

نبض بعتت الموقع لـ ادهم. ادهم خد يوسف وجم بسرعة على المستشفى. فين رعد يا نبض؟ في العناية. ادهم وقف قدام شباك أوضة رعد وعيونه دمعت. يوسف سلم على نبض وملك وقعد جنب ملك. ملك حطت راسها على كتف يوسف ويوسف ابتسم. جبت أكل. حمدلله بالسلامة. انتوا جيتوا إزاي لحقتوا تيجوا؟ هو فيه إيه؟ أنا مش فاهم. كانوا هنا يا مالك وملقوناش في الشقة. آه. الكل فضل قاعد مستني رعد يفوق. نبض كانت بتحاول تبين إنها قوية وإنها مش تعبانة.

بعد فترة كبيرة. المريض بدأ يفوق. وهنقله أوضة عادية. نقلوا رعد أوضة عادية واستنوا في حدود نص ساعة لغاية ما رعد بدأ يفتح عينه ويحرك صوابعه. نـ بض. حمدلله بالسلامة. فين نبض؟ بره. هناديها لحضرتك. اتفضلي. هو عايز حضرتك. ادهم: ادخلي. نبض دخلت بخطوات بطيئة لأوضة رعد وفتحت الباب ودخلت ليه. قفلت الباب وراها وقربت منه على السرير. رعد مد إيده ليها بتعب. نبض مسكت إيده وبدأت تعيط أوي. خلاص. أهدي. حصل خير.

نبض حضنت رعد وقعدت تعيط ورعد حاوطها بإيده. عرفتي إيه مكانتك عندي؟ نبض قعدت تعيط بس ورعد يطبطب على ضهرها بتعب. ليه عملت كده؟ ليه ليه حطيتني في الموقف ده؟ ده واجبي يا نبض. وانتي مسؤولة مني قبل كل ده. الباب اتفتح. رعد انت كويس؟ انت إيه اللي جابك؟ كده. أنا اطمنت عليك. اعدليني يا نبض. نبض عدلت قعدة رعد وحطت ورا ضهره مخدات. رعد حضن ادهم وادهم حضنه جامد. يا غبي. أسف. أسف. أسف والله أسف.

يوسف سلم على رعد ورعد سلم عليه. وفضل ماسك إيد نبض. حمدلله بالسلامة. إيه ده. كل الحبايب هنا بقي؟ رعد سلم على مالك. ملك مدت إيديها سلمت على رعد ورعد سلم عليها. الف سلامة. الله يسلمك. هروح أشوف الدكتور. خليكي هنا. الدكتور هيقول إيه يعني؟ لازم رعاية وتطهير للجرح. ده متدرب ده. فين حاجتي؟ بره. هروح أجيبها. اخرج يا ادهم خد مفتاح شقة البرج واقعد فيها انت ويوسف.

وانت يا مالك خد ملك وروحوا بيتكم. لما أخرج من المستشفى هنتقابل أكيد. بس. سمعت كلامي. يلا بره. اللهم طولك يا روح. نبض حضنت ملك وسلمت على مالك وادهم ويوسف. والكل مشي. اتبقى نبض ورعد. هرو. رعد شد نبض قعدها جنبه وحاوطها بدراعه السليم. وسعي. هروح. بقيتي رخمة أوي اليومين دول. أنا! لا أنا. رعد حط إيده على خد نبض وبدأ يتفحصها. في أي حاجة حصلتلك؟ لا. أنا بخير. وشك ماله كده؟ ده إرهاق بس.

رعد قرب من نبض وباس راسها. ولسه هيقرب منها الباب اتفتح. خير؟ في حقنة لازم تاخدها حاليًا. طيب خليها هنا وامشي. أفندم! انت فاكر إن المستشفى بتاعت أهلك انت ومراتك. انت قولت إيه؟ نبض. رعد. أهدأ. هو مش فاهم حاجة. أهدأ علشان خاطري. عيد كده اللي قولته تاني. رعد قام من على السرير ونسي وجعه بسبب غضبه وقرب من الدكتور. شكل محدش علمك التربية بتبقى إزاي. بس ممكن أعلمهالك. أهدأ يا رعد. انت تعبان.

انت ومراتك من ساعة ما دخلتوا المستشفى ومراتك عمالة تزعق وتهزأ وفاكرة إنها الوحيدة اللي بتفهم هنا. ده ميديكش الحق في إنك تتكلم بالأسلوب الزبالة بتاعك. ولما تيجي تتكلم عن مراتي تتكلم بكل احترام وأدب. رعد والدكتور مسكوا في بعض ونبض اتدخلت بينهم. انتوا اتجننتوا يا رعد. انت تعبان وعايز تتخانق. مفيش كده. ابعدي يا نبض عن الموضوع ده. يا رعد. رعد بعد نبض بينه وبين الدكتور ولسه هيقرب من الدكتور. الدكتور ضربه بوكس في وشه.

رعد ضرب الدكتور بإيده السليمة في بطنه و ضربه براسه في أنفه. نبض. رعد جري على نبض اللي وقعت في الأرض مغمي عليها. نبض نبض ردي عليا. رعد قعد يضربه على وشها كتير لغاية ما فتحت عينيها بتعب. انتي كويسة؟ آه. بس انت لازم ترتاح. نبض قامت وقفت وسندت رعد قعدته على السرير. هوريكوا أنا هوريكوا. طيب اخرج بقى بره. لازم تعمل مشكلة في كل حتة تروحها يا رعد. رعد حاوط خصر نبض بين إيديه وقربها منه. يا ربي! هاتي تليفوني وجيبي هدومي. لا.

نبض. قلت لا. رعد شد نبض بغضب على رجله وشد راسها ناحيته. لما أقولك حاجة تقولي حاضر. متتعبنيش. أنا تعبان لوحدي. انت متأكد إنك تعبان و واخد رصاصة! لسه معرفتنيش يا نبض. لسه الأيام جاية. يلا قومي جيبيلي موبايلي وهدومي. نبض قامت وجابت حاجتها هي ورعد وادت رعد تليفونه. روحي اغسلي إيدك. فيه دم لسه على إيدك. نبض بصت على إيديها لقت فعلاً لسه فيه دم من الصبح. راحت الحمام غسلت إيديها واخدت وقت شوية. في مكان تاني. عند ادم وميران.

يا بت متجننينيش. أنا عملت حاجة. إيه حكم المخطوبين ده يا ميران. إحنا متجوزين. اسكت بقى علشان وصلنا. ميران وادم دخلوا المطعم ولقوا فتون ومحمد. أهلاً بالعروسين. إيه ده؟ بنرحب بيكوا. شكرًا. يا ابني اتكلم عادي من غير رسمية. أخوك زيك كده؟ مين بالظبط؟ علي ما أعتقد رعد جوز نبض يعني. لا. رعد ده فريد من نوعه. نبض مرتنش صورته الخبيثة. اسكتي شوية يا بنتي. هموت وأشوفه الله. اكيد انت معاك صور ليه يا ادم. آه. لحظة.

ادم طلع تليفونه وجاب صور رعد وراها ليهم. وسيم أوي. هو ده أخوك يا ادم؟ آه. ربنا يحفظه. خلاص يا فتون. الراجل هيموت بسببك. ده وسيم أوي. يا بخت نبض بيه. هو بيشتغل إيه؟ نبض متكلمتش عنه خالص. ظابط مخابرات. واو! بحبهم أوي. محمد مانع نفسه عنك بالعافية. ها؟ انت اللي في القلب يا محمد. تقدري تقولي حاجة غير كده؟ لا طبعًا. طيب تطلبي إيه يا حبيبتي؟ عصير فراولة. وانتوا؟ تشيز كيك. هاتلي قهوة يا ابني.

ادم طلب لكل واحد طلبه وطلب لنفسه شاي. نفسنا ننزل مصر أوي. أنا وميران مسافرين قريب. تعالوا معانا. مين هيعتني بالمستشفى؟ يا ستي مش مهم. لا. برضه مش هننزل معاكم. ممكن كده نظبط أحوالنا ونشوف لو هنستقر في مصر. لا لا لا. أنا بحب تركيا. وانت عارف يا محمد بحب مصر من كلام الناس عليها. خلاص. أنا آسف. عادي يا حبيبي. انت قولت هنسافر امتى؟ هاخد آخر صفقة وهنسافر على طول. تمام. كل واحد بدأ يشرب ويأكل اللي هو طلبه.

يلا يا ميران أوصلك الشغل. سيبها. هوصلها معايا أنا وفتون. خليها معايا أفضل. ادم مسك إيد ميران وخرجوا من المطعم. ركبها العربية ولف ركب هو العربية وبدأ يسوق. يلا انزلي. انت مضايق من حاجة؟ لا. طيب باي. استني. إيه؟ ادم باس خد ميران وحضنها. خلي بالك من نفسك. وانت كمان. باي. ميران نزلت دخلت المستشفى وادم طلع على الشركة. في مكان تاني. عند مهند وفاطمة. إيه يا حبيبتي مالك! مفيش. بس مش عارفة أفتح دي. جايبة مربي لمين؟

زياد بيحبها. كنت هعمله سندوتشات. مهند مسك من فاطمة البرطمان وفتحه ليها. شكرًا يا حبيبي. ولا يهمك. ها. بطلنا النهاردة عامل إيه؟ أحسن يا بابا. وبلعب باللعب اللي عمو سعد جابها. طيب يا حبيبي. فاطمة. هروح مشوار وأجي. فين؟ شغل. طيب. مهند خرج من المستشفى وفاطمة كانت خايفة عليه. محرم سامعني؟ آه سامعك. اتحرك انت والقوات. متهجموش إلا لما يزيد يديك إشارة. تمام. وانت يا عز. زي ما رعد قالك. المرة دي مش عايز غلطة. متخافش. طيب.

أنا. عند مالك وملك. هتفضل باصص كده كتير. مش مصدق يا ملك. مش مصدق إيه؟ مالك حط إيده على بطن ملك وباس راسها. مش مصدق إنك حامل وهتخليني أب يا ملك. لا صدق. بحبك يا ملك وبحب سواء بنتنا أو ابننا اللي جاي. وبجد أنا مش عارف أقولك إيه يا ملك. شكرًا. على إيه؟ إنك في حياتي. إنك موجودة معايا ومراتي وأم ولادي إن شاء الله. يا حبيبي. ربنا يخليكي ليا. ربنا يديمك في حياتي يا رب ويخليك ليا أنا وابننا.

من هنا ورايح راحة تامة ومتتحركيش كتير. وكل اللي انتي عايزاه أوامر. شاوري بس على اللي انتي عايزاه ويكون قدامك. لو طلبتي إيه هعمله ليكي. أهم حاجة راحتك. ربنا يخليك يا حبيبي. ملك مسكت إيد مالك وباستها ومالك أخده ملك في حضنه. نامي يا حبيبتي يلا. تصبح على خير. وانتي من أهل الخير يا روحي. في مكان تاني. في فيلا فارس الدمنهوري. عيونه زي كأنها بتقول حاجة. كان يبص لي بكل ثقة. شكله كان قاصد يخوفني.

متخافش يا حبيبي مش هيقدر يعمل حاجة. بس عاش. ده عامل زي القطط بسبع أرواح. مصيره بس هيجي في يوم ويموت. مش خايفة. مين دي؟ يعني مش خسرانة إنك معايا دلوقتي. لا يا فارس. بس ممكن نعمل خطة نوقعه فيها. إيه؟ ده انتي دماغك سم يا فرح. ولا عاش ولا كان اللي يضايقك. أموت فيكي يا فرح. ما تيجي. استني نخلص من المشوار اللي قولتك عليه. بعدين بقى. في مكان تاني. عند رعد ونبض. يا رعد واخدني على فين بس؟

قولتلك متسأليش كتير. مش هتعرفي إلا لما أنا أكون عايز كده. طب شيل إيدك. عيني وجعتني. برضه لا. نبض اتزحلقت وكانت هتقع. رعد لحقها بسرعة. برضه مش هتعرفي. رعد فضل ماشي شوية في المكان اللي هو فيه وإيده على عين نبض ونبض قدامه. بصي. هشيل إيدي. اياكي تفتحي. فاهمة؟ حاضر. وعد. وعد. رعد شال إيده وعمل حاجة وبعدها حط إيده على عيون نبض تاني ومشي بيها كام خطوة. هعد من واحد لـ تلاتة وهشيل إيدي. جاهزة؟ آه. 1, 2, 3.

رعد شال إيده من على عيون نبض ونبض فتحت عينيها ببطء. إيه ده! رعد حاوط نبض من ضهرها وباس خدها. ده بيتنا اللي هنعيش فيه. بعيدًا عن أي ذكرى وحشة. ده اللي هيجمعنا مع بعض. ده هيبقى بيتنا اللي هنبدأ فيه حياة جديدة وهنكمل مع بعض فيه لغاية ما نكبر. ده يا نبض المكان اللي هيبقي ملكك انتي وتحت أمرك انتي. ده المكان اللي فيه هبدأ معاكي على نضيف وأنا معترف إني مقدرش أستغني عنك.

ده بيتنا اللي هنتشارك فيه همومنا. ده البيت اللي هيشهد على حبنا وضحكنا وعنادنا لبعض. ده البداية الصح يا نبض. رعد بعد عن نبض ونبض لفت ليه وحاوطت رقبته بإيديها. طلعت رومانسي. هكون ليكي انتي وبس يا نبض. ومعاكي انتي الوحيدة اللي مش هعاملها بأذي طول ما أنا عايش. انتي الوحيدة اللي قلبي اتفتح ليها وهيبقى ملكك لآخر يوم في حياتي. رعد حضن نبض ونبض بادلته الحضن وابتسمت. شوفتك على فكرة. يا ظريف. البيت باين عليه إنه جميل أوي.

نبض نزلت سلمتين اللي قدام الباب ولقت المطبخ على شمالها ولقت على يمينها ركنة وتليفزيون ومكتبة صغيرة. ولقت السفرة قدامهم هما الاتنين وجمب السفرة في صالون وبعدها طلعت سلمتين في الآخر في شباك إزاز كبير وفيه كرسين وطربيزة صغيرة بس. وبره في جنينة صغيرة كده. وجمب باب البيت بشوية في سلالم. نبض ورعد طلعوها. نبض لقت ممر فيه أوض. دي أوضتنا.

رعد ونبض دخلوا أوضتهم. نبض لقتها واسعة وكبيرة. أول ما دخلت لقت أوضة الملابس والحمام. وبعدها لقت ممر صغير كده خالص مشيته لقت السرير بكنبة وتسريحة وتليفزيون وبلكونة كبيرة. أنا مبسوطة أوي. الحمد لله. بس انت متأكد إنك مش تعبان؟ لا يا حبيبتي. هدخل أغير هدومي عقبال ما تلفي لفة سريعة كده. رعد باس خد نبض واخد هدوم ليه ودخل الحمام. رعد الجرح بتاعه كان بينزل دم. رعد طهر الجرح ووقف النزيف ولف شاش وقطن وغير هدومه. هتأخدي شور؟

آه. نبض دخلت الحمام واخدت دوش وغيرت هدومها. نبض لبست بيجامة قطعة واحدة باللون الأسود بنطلونها طويل وبحمالة رفيعة على الكتف مبينة ضهرها وعملت شعرها على شكل ضفيرة ونزلت كام خصلة منها. نبض خرجت لقت رعد قاعد مستنيها. نبض كانت لسه هتقعد جمبه. رعد شدها على رجله. تحبي تأكلي حاجة معينة أطلبها ليكي؟ مش عارفة. بس ابعد كده. أنا متحملة عليك. يا بنتي متخافيش. أنا كويس. بس مكنتش صممت على الخروج يا رعد. والله إنك طفل وعنيد. والله؟

ومين كان هيوريكي البيت؟ مكنش لازم عمومًا. من هنا ورايح هتسمع كلامي أنا. لأني الدكتورة بتاعتك. حاضر يا أبلة. ضربته في كتفه. أبلة في عينك. آه. اسفة. اسفة. ولا يهمك. طب يلا ارتاح انت. طيب وانتي؟ هنزل ألف في البيت شوية. طيب. هريح جسمي أنا شوية. رعد فرد جسمه على السرير وغمض عيونه. نبض نزلت لتحت وبدأت تتفرج على كل حاجة في البيت. نبض قعدت على الكنبة ورجعت راسها لورا بتعب. يا رب. إحساسي المرة دي ميكدبش يا رعد.

نبض سمعت صوت رن جرس الباب. نبض قامت وفتحت الباب. أيوه مين؟ فين رعد؟ مين حضرتك؟ فرح زقت نبض ودخلت البيت. انتي هتعملي راسك براسي يا بت. انتي مين انتي؟ أنا محترماكي علشان انتي ست كبيرة. اطلعي ناديني رعد. لما نشوف آخرتها معاكي إيه. نبض طلعت بغضب لأوضتها هي ورعد وبدأت تصحي رعد. إيه؟ في إيه؟ حرام عليكي يا نبض. حد يصحى حد كده. قوم شوف الست اللي تحت دي عايزة إيه؟ ست مين! معرفش. ست كده عايزاك تحت. مقلتش اسمها. لا.

رعد قام ولبس شبشبه ونزل لتحت ونبض وراه على طول. مي. فرح لفت وأول ما رعد شاف وشها وقف واتصدم. يا ترى مين فرح؟ خمنوا.