رواية قسوة الرعد الفصل الثالث والعشرون 23 - بقلم زوزا

هدي: انتي سرحانة في إيه؟ دي أم محمود بتبيع قماش وبتجولك لو حابة ممكن تجيلك في يوم. نبض: براحتك يا طنط. هدي: دي أم محمد مرت الحاج أحمد الشرقاوي. أم محمد: نورتي البلد يا حضرة الحكيمة.. مش حكيمة برضو؟ نبض: دكتورة.. أنا دكتورة مش حكيمة. ورد: خدي الشربات. نبض: شكراً مش عايزة. بدأت الستات تيجي ويتعرفوا على نبض، وبنات مكنتش طايقة تكلمها، ونبض كانت قاعدة بكل برود بترد كويس للي بيعاملها كويس واللي بيضايقها بتضايقه.

علا: الأكل جاهز يا حجة؟ هدي: ابدأي حطي يا علا. علا: حاضر. علا وملك وزهرة وورد بدأوا يحطوا الأكل. نبض قامت تساعدهم، والستات الكبيرة عجبهم تصرف نبض. هدي: تعالي يا بتي كلي. نبض: لا شكراً يا طنط، تعبت شوية هطلع أرتاح. هدي: طيب يا حبيبتي. نبض: عن إذنك. وانبض طلعت أوضتها، رمت نفسها ع السرير. *** "لا فعلاً جمال وأدب." "تسلمي." "بجد ربنا يحفظها لكوا." ملك بغيظ: شايفة يا خيتي. زهرة: اهدّي يا ملك...

انتي شفتي رعد عمل معاها إيه؟ زهرة: هملها ليلة الفرح ومشي.. وكمان لما يرجع نقدر نوقع ما بينا. اهدّي انتي بس. ملك: بس أنا لازم أتجوزها وأرتاح منها أو أرجعها بلدها بنت بلاد بره دي. زهرة: اهدّي يا خيتي، هنخلصوا منها. قدموا الأكل وكل الستات أكلت وبدأوا يمشوا. *** بليل. عمر: رايحة فين؟ نبض: المستشفى. عمر: اتصلتي بجوزك؟ نبض: عارف. نبض كانت هتخرج بره، بس لقت آدم قدامها. آدم: اصبري، ممنوع تخرجي لوحدك في وقت زي ده.

نبض: الساعة لسة 8:30. آدم: كده متأخر.. قدامي. نبض مشيت قدام آدم، وآدم وراها، ووراهم غفر. آدم: امشي يمين. نبض: أنا عايزة المستشفى تخلص في تلت أربع أيام بالكتير. آدم: هشوف. بعد فترة وصلوا المستشفى، ونبض بدأت تشوف. نبض: تمام، هطلب شحنة من القاهرة عشان النقالة وسراير المرضى.. وفيه معدات وأجهزة. يعتبر كل حاجة هتيجي من بره البلد.. بس ننضف المستشفى ونجدد الألوان نخليها زاهية كده.

آدم: طيب.. اكتبيلي كل اللي انتي عايزاه وأنا هبعت ناس مخصوص يختاروها. نبض بسخرية: خايفة أعتمد عليك، بنت في الطريق توقعك. آدم بصلها بغضب وسابها ومشي. نبض كانت هتخرج بس سمعت صوت حد بيعيط، قعدت تدور ع مصدر الصوت لغاية ما دخلت أوضة، ولقت بنت مرمية في الأرض وحواليها دم ووشها كله دم. نبض بصوت عالي: حد يجي بسرعة.. محتاجة مساعدة. نبض: هشش، اهدّي.

نبض بدأت تشوف جروح البنت دي، ولقيتها جروح عميقة. قامت بسرعة وخبطت في آدم ووقعت على الأرض. قامت لبست جوانتي وبدأت تتعامل مع الحالة اللي قدامها. نبض: لازم نعمل محضر. آدم بصدمة: يتبع.