رواية قسوة الرعد الفصل السادس والعشرون 26 - بقلم زوزا

فتحت الباب وفضلت واقفة مندهشة. نبض (بصدمة) : رعد!!! انت ازاي عرفت؟!! رعد قام وقرب من نبض. رعد: ازاي يعني انسي عيد ميلادك. نبض جريت على رعد وحضنته. رعد: تحبي تفتحيهم فين؟! نبض: هنا. نبض فتحت باب البيت على آخره وبدأت تمسك علبة علبة وتدخلها الشقة. ومسكت البلالين اللي كانوا طايرين وكانت فرحانة بيهم أوي. نبض (بفرحة) : الله حلوين أوي يا رعد. نبض قعدت في الأرض هي ورعد وبدأت تفتح العلب وهي مبسوطة. نبض (بفرحة)

: الله بجد حلوين، أنا مبسوطة أوي. رعد كان باصص لنبض بابتسامة وكان بيبص لفرحتها. رعد: عيد ميلادك بكرة عارف، بس حبيت أعمله النهاردة. عشان بكرة هنكون في الصعيد. هتحتفلي بيه مع عمي عشان عارف إنك كنتي كل سنة بتحتفلي بيه مع باباكِ. نبض (بفرحة) : ربنا يخليك ليا يا رب. نبض حضنت رعد جامد وفضلت ماسكة فيه. رعد: طب كملي فتح الهدايا طب؟! نبض: انت أجمل هدية. رعد: يا بكاشة. نبض (بابتسامة) : إيه ده انت قفشتني؟! رعد: والله؟!

طب تعالي بقى. رعد قعد يزغزغ نبض كتير ونبض تضحك. رعد (بينهج) : عملتي فيا إيه، الله يخرب بيتك. نبض (ببراءة مصطنعة) : أنا عملت حاجة؟!!! رعد: والله؟! طب غمضي عينك. نبض (بحماس) : اهو. رعد طلع علبة من جيبه وفتحها. رعد: افتحي عينك. نبض (بصدمة) : إيه ده!!! كدة كتير. رعد لبس نبض دبلة دهب في إيديها الشمال وباس إيديها. رعد: آسف إني مجبتهاش ليكي من البداية. نبض: ولا يهمك. نبض باست خد رعد وقعدت هي وهو يكملوا فتح العلب.

نبض: يا سافل حد يجيب ده. رعد: مش أنا عملت كدة يبقى فيه. نبض: نينينينيييي. رعد: وكمان مكسوفة مني أنا؟! ده إنتي تتكسفي من العالم كله إلا أنا. نبض: طيب يا سيدي شكراً. رعد: كملي فتح. نبض: دول كتير أوي يا رعد. رعد: يعني أروح أرجعهم مثلا. نبض: بحبك. رعد: وأنا. بصي بقى عايزين نجيب إيه. نبض: إيه؟! رعد: أربعة كفاية؟! نبض: أربعة إيه؟! رعد: عيالنا. ونسميهم إيه؟ بصي مبدئياً ولدين وبنتين. ولد يبقى اسمه. رعد: فكري معايا.

نبض: تعالَ نكمل فتح العلب. نبض كملت فتح العلب وكانت بتعجبها الهدايا. نبض: أنا حاسة إنك اشتريت كل حاجة في الدنيا دي. برفيوم وجزم وشنط وهدوم وشيكولاتات ودباديب واكسسوارات وكل حاجة. نبض: بحبك. والبلالين حلوة أوي. رعد: أيوه يا روحي. نبض: أنا خايفة يا رعد. رعد: من إيه؟!

نبض: أكون بحلم وإنك هتسبني وتمشي زي ما مشيت قبل كده. خايفة اتخدع فيك يا رعد تاني. أنا آه بحبك بس مش هقدر يا رعد أدوس على نفسي أكتر. المشكلة إن الواحد بيحب الحاجة اللي بعيدة عنه. طول ما أنا بعيدة عنك هتحاول تقربني منك ولما أقرب منك هتكسرني يا رعد. رعد مسك إيدين نبض وباسهم وبص في عيونها. رعد: خليكي متأكدة مية في المية إني بحبك وعايزك في حياتي وعايز أكمل حياتي معاكي.

رعد: إنتي نوري يا نبض. ربنا يخليكي ليا وما يحرمنيش منك أبداً. رعد: متخافيش أبداً طول ما أنا معاكي. متخافيش أنا معاكي أهو جنبك وفي ضهرك. رعد: فاهمة؟! نبض هزت رأسها بمعني أه. رعد قرب منها وباس رأسها. رعد: يلا قومي البسي فستان سهرة شيك هنخرج. نبض: حاضر. بس يلا اطلع أغيرلك على جرحك. رعد: طيب. نبض ورعد طلعوا أوضتهم ونبض بدأت تغير على جرح رعد. نبض: انت غيرت عليها امبارح؟! رعد: آه. نبض: طب يلا قوم. رعد: طيب هستناكي تحت.

رعد فتح دولابه وطلع بدلة وراح أوضة من الأوض. نبض دخلت الحمام أخدت دوش وخرجت بدأت تغير هدومها. نبض اختارت فستان باللون النبيتي قصير قبل الركبة وبـ ¾ كم والأكمام مخرمة وبرضو الضهر مخرم. نبض لبست صندل بكعب باللون النبيتي. سابت شعرها على ضهرها وكتفها. حطت روج أحمر غامق بنفس درجة الفستان وكحل حدد عينيها وحطت البرفيوم بتاعها. رعد (بصوت عالي) : يلا يا نبض.

نبض مسكت الجاكت بتاعها والشنطة وخرجت من الأوضة نزلت بسرعة على السلالم قدام نظر رعد. نبض: اتأخرت عليك؟! رعد: أوي. نبض (بابتسامة) : طب يلا بينا. نبض بدأت تلبس الجاكت بتاعها وقفلته بحزامه. رعد مد إيده لـ نبض ونبض مسكت إيده. رعد شدها ناحيته. نبض (بشهقة) : رعد. نبض حسّت بتوتر من نظرات رعد ليها. رعد فضل باصص لـ نبض ولجمالها. رعد: كنت ناوي أخلي ده بعد ما نرجع. نبض: إيه هو؟! رعد قرب من نبض. في مكان تاني. عند يوسف.

مدير: تمام واحنا قبلنا الشغل معاك. يوسف (بابتسامة) : شكراً شكراً جدا ليك. يوسف: أبدأ من امتى؟! مدير: من بكرة الصبح لو انت حابب. يوسف: شكراً يا فندم، وأوعدك مش هتندم على قرارك ده. مدير: أتمنى. يوسف خرج من الشركة وهو مبسوط لقي أدهم مستنيه في عربيته. أدهم (بغمزة) : إيه النظام؟! يوسف (بفرحة) : مبسوط أوي يا أدهم. قبلوني في الشغل. أدهم: لازم يقبلوك، هو انت أي حد ولا إيه. يلا بينا ننط على رعد ونبض.

يوسف: ممكن يكونوا مش فاضيين، متنساش إنه عملها مفاجأة عيد ميلادها النهاردة. لازم نراعي. أدهم: طب اتصل بـ آدم أرخم عليه. يوسف: انت عايز ترخم على أي حد؟! أدهم: أيوه. أدهم طلع تليفونه واتصل بـ آدم. الخط اتفتح. أدهم (بصوت بنات) : حبيبي عامل إيه؟! آدم (بصدمة) : أدهم!!! أدهم (بصوت بنات) : كده يا حبيبي تمشي آخر يوم من غير ما تودعني كده يا وحش. آدم: ما تسترجل ياض. آدم: الله يخرب بيتك. آدم: ميران استني هفهمك ميران.

آدم: اسمعيني بس ده أخويا أدهم وبيحزر. آدم: أدهم هتخرب بيتي، قول لـ ميران إنك أخويا. أدهم (باستغراب) : ميران مين!! ميران اتأكدت إن أدهم بيهزر مع آدم ويبقى أخوها. ميران: أنا أبقى مرات أخوك يا أدهم. أدهم (بصدمة) : مرات أخويا!!!! أدهم: إيه ده في إيه؟! أنا مش فاهم حاجة. آدم: هبقى أفهمك، كده كده راجعين قريب. أدهم: يعني انت اتجوزت؟! آدم: أيوه. أدهم: حلوة؟! آدم (بعصبية) : ما تحترم نفسك بقى. أدهم: خلاص آسف، تبقى حلوة. آدم

(بعصبية) : ده أنا لما أشوفك هديك علقة محترمة. أدهم: خلاص بقى أسيبك أنا بقى. يوسف: إيه اللي حصل؟! أدهم: الباشا اللي كان مفهمنا إنه رايح شغل راح واتجوز. يوسف (بدهشة) : بجد!!! أدهم: أيوه. يوسف: إيه عصر السرعة ده؟! أدهم: بس يا بختك يا عم، وأنا قاعد في الكافتيريا بتاعة الشركة شوفت حبة مزز. يوسف: اتعدل ياض. أدهم: طب مش هتعزمني يا بيبي. يوسف: امشي قدامي. امشي، ده انت مصيبة. عند آدم وميران. ميران (بضحك) : أخوك قمر.

آدم: فعلاً. ميران: ربنا يخليه ليك. عيد ميلاد نبض بكرة، كان نفسي أبقى معاها. آدم: تحبي تروحي ولا؟! ميران: ماشي. آدم وميران ركبوا العربية ورجعوا القصر. آدم: جهزي هدومك، هعدي عليكي بالليل. ميران: هنسافر؟! آدم: أيوه. ودعي فتون ومحمد. آدم: جهزي هدومي أنا كمان، هعدي عليكي بالليل. آدم: باي. آدم ساق وراح على الشركة يخلص كل اللي عليه. ميران اتصلت بـ محمد وفتون وخلتهم يجوا. فتون (بدموع, بالتركية) : هتسافري؟! فتون

(بالتركية, بدموع) : هتسبيني لوحدي؟! ميران (بالتركية) : يا روحي غصب عني. محمد (بالتركية) : استني انتي يا ميران. هتسيبك لوحدك!!! أومال أنا وظيفتي إيه؟! فتون (بالتركية, بخفوت) : مش هعرف أتكلم عليك معاهم. محمد (بالتركية) : يا واطية. فتون (بالتركية, صريخ) : ميران. فتون طلعت تجري ومحمد وراها. فتون استخبت ورا ميران. ميران (بضحك, بالتركية) : خلاص يا محمد. محمد (بالتركية) : الصبر يا فتون. فتون (بالتركية)

: خديني معاكي، ده مش هيرحمني. ميران (بالتركية) : ما تيجوا معانا. محمد (بالتركية) : يا بنتي إحنا ده أساسنا هنا، بيتنا هنا. أما إنتي جوزك أصله من مصر لازم تبقي معاه. ميران (بالتركية) : مش هقدر أسيبكوا. فتون (بالتركية) : ولا أنا. محمد (بالتركية) : هنبقى نيجي زيارة ونشوف نبض لأنها وحشتنا أوي. وبجد أنا زعلان إننا اتفرقنا. فتون (بالتركية) : وأنا. ميران (بالتركية) : غصب عننا يا جماعة. محمد (بالتركية) : عارف.

فتون حضنت ميران وقعدت تعيط وميران برضو كده. محمد (بالتركية) : تعالوا تعالوا. محمد حضن ميران وفتون وباس رأسهم. محمد (بالتركية) : هنتجمع تاني أكيد إن شاء الله. التلاتة قعدوا يتكلموا مع بعض أوي ويهزروا لغاية ما آدم جه. آدم (بالتركية) : مساء الخير. آدم سلم على محمد وفتون وقرب من ميران باس رأسها. محمد (بالتركية) : إنت لحقت تيجي عشان تمشي؟ لا وهتمشي ومعاك حد عزيز علينا. آدم بص لـ ميران وابتسم ليها. آدم (بالتركية)

: قدر بقى. آدم (بالتركية) : هستناكم قريب في مصر. فتون (بالتركية) : طب ونبض مش ترجع؟! آدم (بالتركية, بضحك) : ليه هما بيبدلوا ورديات؟! آدم (بالتركية) : زمان نبض مع رعد دلوقتي. ميران (بضحك, بالتركية) : يا ريت كان فيه حد تالت معانا ونجوزه لأخوك أدهم. آدم (بالتركية) : عندك حق. فتون (بالتركية) : إنتوا تلات أخوات؟! آدم (بالتركية) : أيوه. محمد (بالتركية) : ربنا يحفظكم. آدم (بالتركية) : شكراً. آدم (بالتركية) : جهزتي الشنط؟!

ميران (بالتركية) : آه. محمد (بالتركية) : الطيارة امتى؟! آدم (بالتركية) : كمان ساعة. فتون (بالتركية) : طيب يلا تلحقوا الطيارة. الأربعة قاموا وقفوا وسلموا على بعض. ميران (بالتركية) : مش هنسلم على ثريا؟! آدم (بالتركية) : مدام ثريا في مصر. ميران (بصدمة, بالتركية) : امتى؟! آدم (بالتركية) : طيارتها كانت الصبح. فتون (بالتركية) : كنت مستغربة إنها مش موجودة. محمد (بالتركية) : يلا.

الأربعة خرجوا من القصر وركبوا عربيتهم وراحوا للمطار. محمد (بالتركية) : خلي بالك منها. آدم (بالتركية) : متقلقش. فتون (بالتركية) : سلميلي على نبض كتير. ميران (بالتركية) : حاضر. آدم (بالتركية) : باي. آدم خد ميران ودخلوا المطار ركبوا طيارتهم. فتون كانت هتعيط. محمد حضنها وباس رأسها. محمد (بالتركية) : أوعدك هنروح ليهم قريب. فتون (بالتركية) : بحبك. محمد (بالتركية) : وأنا كمان. في مكان تاني. عند مالك وملك.

مالك كان في الشغل ورجع لقي ملك قاعدة في الجنينة لوحدها. مالك: مالك يا حبيبتي؟! ملك: إنت جيت؟! حمدلله على السلامة. ملك: هخليهم يحضروا الأكل. ملك كانت هتقوم. مالك مسك إيديها وقعدها على رجله وحاوطها بإيده. مالك: مالك؟! زعلانة ليه؟! ملك: مش عارفة، حاسة إني وحشة أوي يا مالك ومستاهلش اللي إنت بتعمله علشاني. ملك: حاسة إني مستاهلكش. أنا واحدة كنت حقودة وأنانية. ملك: آذيت بنت عمي وكنت هأذيها وكنت بكرهك، كنت بكره الكل.

ملك: كنت ناوية أهرب يوم فرحنا. وكنت بحب شخص تاني غيرك. ملك: أنا وحشة أوي يا مالك، وحشة. إنت متستاهلنيش يا مالك، إنت تستاهل واحدة ماضيها نضيف. مالك: وأنا عايزك إنتي. ملك بصت لـ مالك ومالك فضل باصص ليها. مالك: ميهمنيش ماضيكي. ميهمنيش غيرك. مالك: ميهمنيش أي حاجة خالص غيرك إنتي. إنتي وبس. وميهمنيش أي حاجة تاني. مالك: يهمني دلوقتي إنك بتحبيني أنا وإنك حامل في ابني وهتخليني أب وهتكوني أم وهنكون أسرة سعيدة مع بعض.

مالك: متفكريش في أي حاجة تاني. مالك: متشيليش هم طول ما أنا موجود على الدنيا دي. مالك قرب من ملك وباس رأسها وخدها في حضنه أكتر. ملك: بحبك، ربنا يخليك ليا يا رب. مالك: اتعشيتي؟! ملك: لا. مالك: مش أنا قولتلك كلي، أهم حاجة صحتك. ملك: يلا نأكل سوا. مالك شال ملك ودخل بيها الفيلا. صابرين: الأكل جاهز يا بيه. مالك: طيب حطيه على السفرة. ملك (بابتسامة) : بحبك وبحب كل تصرفاتك.

مالك: هطلع أغير هدومي ونأكل سوا ونتفرج على كرتون سوا. مالك باس رأس ملك وسابها وطلع على أوضتهم بسرعة غير هدومه ونزل لتحت وهو مبسوط وبدأ يأكل هو وملك. مالك: صابرين تعالي شيلي الأكل. مالك أخد ملك ودخلوا الصالون. مالك: تحبي تتفرجي على كرتون سندريلا ولا روبانزل ولا. ملك: خلينا في روبانزل ده. مالك: طيب. مالك شغل الكرتون ورجع قعد جمب ملك حاوطها بإيده وبدأوا يتفرجوا على الكرتون مع بعض. في مكان تاني. عند مهند وفاطمة.

مهند: صباح الخير. فاطمة: مساء النور. مهند: آه صح. مهند: زياد فين؟! فاطمة: نايم. مهند: طيب قومي اعملي لينا غدا. فاطمة: الغداء جاهز، ادخل خد دوش سريع عقبال ما أسخنه كده وأحطه. مهند: طيب يا حبيبتي ربنا يخليكي. مهند باس رأس فاطمة ودخل خد دوش سريع وغير هدومه وخرج لقي الأكل محطوط على السفرة. مهند وفاطمة قعدوا كلوا. فاطمة قامت شالت الأكل بعد ما خلصوا وجابت علبة الإسعافات وقعدت قدام مهند بدأ تطهر جروحه. مهند: لسه زعلانة؟!

فاطمة: لا. مهند: متأكدة؟! فاطمة: أيوه. مهند: طب إيه رأيك لما زياد يصحي نروح نخرج؟! فاطمة: براحتك يا حبيبي. مهند: هنسافر نزور أهلي قريب. فاطمة: تمام. مهند حضن فاطمة وحاوطها بإيده. مهند: فاطمة إنتي في الآخر هتضعفي وهصالحك وهنبقى كويسين لغاية ما تيجي مهمة يحصلي فيها حاجة ونعيد نفس الحوار. فاطمة (بعياط) : إيه ذنبي إني خايفة عليك.

مهند: ولا أي حاجة يا حبيبتي. بس قولتهالك قبل كده الأعمار بيد الله، لو حصلي حاجة ومُت هموت شهيد ودي موتة الكل يتمناها يا حبيبتي. فاطمة (بعياط) : مش هقدر على بعدك. مهند: يا روحي متتوقعيش الشر. فاطمة (بعياط) : حقيقة. مهند: يا فاطمة بقى علشان خاطري متوجعيش قلبي. فاطمة (بعياط) : سلامة قلبك. مهند (بوجع مصطنع) : آه. فاطمة (بقلق) : مالك؟! مهند: خايفة عليا. فاطمة: يا رخمة وسع. مهند (بضحك) : خلاص خلاص بحبك يا روحي.

فاطمة: وأنا كمان. مهند: مسيطر أنا. فاطمة: رخمة. مهند: يا قلب الرخمة. فاطمة: متقولش على نفسك رخمة. مهند: بحبك يا قمري. فاطمة: وأنا كمان. مهند: ربنا يقدرنا ونعرف نربي زياد صح. فاطمة: يا رب. زياد (بنوم) : ماما. فاطمة: نعم يا حبيبي. زياد (بنوم) : عايز أكل. فاطمة: حاضر. مهند: مفيش حضن لبابا. زياد جري على مهند حضنه. مهند شاله وقعد يلعب معاه وفاطمة دخلت تجهز غدا ليه. مهند: مين هيخرج معايا النهاردة؟! زياد: هتخرجنا يا بابا؟!

مهند: أيوه يا حبيبي. زياد (بفرحة) : هييييييه. مهند: يلا انزل كل وخلي أمك تلبسك. مهند (بغمزة) : وتيجي تلبسني. فاطمة: بس بقى. مهند (ببراءة) : أنا عملت حاجة. فاطمة: يا بريء. مهند: طول عمري. فاطمة: طب ادخل البس يلا. مهند: لا والله أبداً من غيرك. مهند: خد راحتك في الأكل يا حبيبي. زياد: حاضر. مهند: بريء أوي الواد ده. في مكان تاني. في الصعيد. ورد: طب فهميني يا أم هادي. هادي (بجمود) : بعدي عني. ورد: يا أم هادي. هادي (بجمود)

: روحي اسألي بنتك. ورد قامت وطلعت أوضة زهرة ودخلت وقفتلت الباب. ورد (بحدة) : إيه اللي حصل؟! انطقي. زهرة (بدموع) : أنا اللي حاولت أسقط مرت أبويا. ورد قلعت شبشبها ونزلت ضرب على زهرة. ورد (بغضب) : يا بنت المركوب. ورد (بغضب) : وربنا وما أعبد لو شوفتك قدامي لأكون قتلاكي. ورد سابت زهرة مرمية في الأرض وبتعيط. علا: في إيه مالك يا ورد؟! ورد: مفيش حاجة. ورد سابت علا وعلا دخلت أوضة زهرة تطمن عليها. علا (بقلق) : زهرة.

علا قربت من زهرة وأخدتها في حضنها وزهرة قعدت تعيط. علا: مالك بس حصل إيه كلميني؟! زهرة (بعياط) : حاولت أجهضها. علا: مين؟! زهرة (بعياط) : مرت أبويا. علا (بصدمة) : ليه يا زهرة حرام عليكي؟! زهرة (بعياط) : إحساس صعب أوي إنك متعرفيش تخلفي. الإحساس كان صعب أوي. زهرة (بعياط) : كان صعب عليا أوي إن جوزي سابني عشان مبخلفش. زهرة (بعياط) : محدش هيفهم شعوري. علا: مهما حصل مفيش حاجة تدفعك لده يا زهرة. زهرة (بعياط) : مش عارفة بقى.

علا: خلاص عرفتي غلطتك. زهرة (بعياط) : أنا حاسة إني لوحدي. علا: كنتي تحكي لحد يا زهرة مش تحاول تقتلي حد من دمك. علا: قومي يلا. علا ساندت زهرة ودخلتها الحمام. علا: خدي دوش وانسى اللي حصل، محدش يستاهل تعملي علشانه كده. علا: يلا عشان تتغدي معانا تحت. علا نزلت لتحت وقعدت تجهز الأكل مع سوسن. عادل: الأكل فين؟! هدي: جاهز يا حاج. عادل شاف زهرة واقفة قدام باب أوضة السفرة. عادل: تعالي يا بت.

زهرة قربت وقعدت جمب عادل وعادل حط إيده على رأسها. عادل: عاملة إيه؟ زهرة: الحمدلله. عادل: كويس. علا: كلي يلا يا زهرة. الكل جه قعد وبدأوا يأكلوا. هدي: أخبارك يا شربات؟! شربات: في نعمة الحمدلله. عادل: الحمدلله. عمر: مسعد هنعمل إيه فيه؟! عادل: سيبه كده كام يوم. عمر: حاضر. الرجالة خلصت أكلها وقامت الأول. زهرة (بدموع) : جدة سامحيني. زهرة (بدموع) : وإنتي يا أمي. علا: مفيش داعي للزعل يا أمي، وإنتي يا ورد سامحي بنتك.

شربات: حصل إيه؟! زهرة (بدموع) : سامحيني إنتي كمان، أنا اللي حاولت أجهضك. شربات لاحظت الصدق في عيون زهرة. شربات: مسامحاكي، كله خير الحمدلله. ورد: لو عايزاني أكسرها جولي يا خيتي. شربات: لا محصلش حاجة. هدي: المهم تعترفي بغلطتك يا زهرة. زهرة قامت باست إيد هدي وورد. هدي: يلا ورانا شغل كتير، يلا منك ليها. في مكان تاني. عند رعد ونبض. رعد (برفعة حاجب) : مش هتبطلي تبصيلي كده؟! نبض: حابة أبص لك كده، عندك مانع.

رعد: يا لمضة. لا طبعاً معنديش مانع، أنا كلي ملكك وتبصيلي براحتك يا قمري إنتي. نبض: مش هتسبني؟! رعد: لا. وده وعد رجالة المرة دي. نبض قربت من رعد باست رأسه ورعد خدها في حضنه. رعد: لا، إحنا كده هنبات في السرير. قومي يلا البسي عشان نخرج. نبض: حاضر. نبض قامت بسرعة وأخدت دوش سريع خرجت تغير هدومها. نبض لبست طقم الصبح وخرجت لـ رعد. رعد: إنتي شكلك مش عايزانا نخرج من هنا خالص. نبض: وحش؟! رعد: ادخلي غيريه يا نبض.

نبض: رعودة متبقاش قفوش بقى. رعد (بصدمة) : رعودة!!!! اسمي رعد، ده إنتي شوهتي الاسم خالص. نبض قربت من رعد وحاوطت رقبته بإيديها. نبض: إنت رعودة، رعد قلبي أنا. نبض: بس يا رب تفضل زي ما إنت كده. رعد: طول ما أنا معاكي مش هتلاقي غير فرح وحب ورومانسية. نبض: ميهمنيش الناس، إنت بس اللي تهمني. رعد: أنا اتغيرت عشانك يا نبض، لأنك تستاهلي التغيير ده، والتغيير ده محدش لازم يشوفه غيرك. رعد باس رأس نبض ومسك إيديها ونزلوا لتحت.

نبض: هنروح فين؟! الهدايا مكملتش فتحهم طب. رعد: بعدين، هما هيطيروا. رعد خد نبض وخرجوا من البيت ورعد ركب نبض العربية ولف ركب هو وبدأ يسوق. رعد: تحبي تتغدي حاجة معينة؟! نبض: شاورما. رعد: تمام. رعد وقف قدام محل شاورما سوري نزل طلب الطلب ورجع لـ نبض قعد معاها في العربية. رعد: ها عايزة إيه تاني؟! نبض: أي حاجة أعوزها هتعملها؟! رعد: أكيد. نبض: امممم عايزة أتمشى معاك على الكورنيش، عايزة ألف مصر كلها وأركب مركب في النيل.

رعد: أوامرك. رعد نزل خد الشاورما واشترى بيبسي ورجع العربية راح على الكورنيش وقعد هو وهي وبدأوا يأكلوا سوا. نبض: واو حمص صح؟! رعد: بتحبيه؟! نبض: آه. رعد: لو سمحت عايز اتنين. رعد اشترى لـ نبض وليه وبدأوا يشربوا حمص. رعد: تعالي يلا. نبض: إيه؟! رعد: نركب مركب في النيل. نبض: بليل دلوقتي؟! رعد: أيوه. دي متعتها بليل. رعد ونبض ركبوا مركب ونبض كانت مبسوطة أوي. نبض (بفرحة) : حلو أوي منظر البحر حلو. رعد قرب من نبض.

نبض قامت وحضنته جامد وبدأوا يتمايلوا على أغنية رومانسية رعد خلى الراجل يشغلها. نبض (بفرحة) : أنا مبسوطة أوي، اليوم حلو. رعد: إحنا ساهرين في الشارع للصبح. أتمنى أي حاجة. نبض: بس المحلات هتكون قافلة. رعد: هفتحها مخصوص يا قمري. نبض: بحبك. رعد: بفكر ننزل نعوم شوية. نبض: يا مجنون لا. رعد (بضحك) : تعالي بس. نبض: لا طبعاً إنت اتجننت. نبض قعدت ورعد جه قعد جمبها ورش عليها مياه. نبض (بـ خضة) : يا حيوان.

نبض قعدت ترش مياه على رعد ورعد يرش عليها. نبض (بهمس) : الراجل مركز معانا أوي. رعد (بهمس) : مضايقك؟! نبض (بهمس) : لا مش أوي يعني. رعد: يلا نرجع نتمشى على الكورنيش بقى. رعد ونبض رجعوا ونبض ورعد بدأوا يتمشوا. نبض: الله بلالين. رعد راح اشترى عشر بلالين من الراجل واداهم لـ نبض. نبض قعدت تتنطط من الفرحة وباست رعد. نبض كانت بتلف وبتجري قدام رعد وهي مبسوطة. نبض (بابتسامة واسعة) : بحبك.

نبض وقفت ورعد جه وقف جمبها. نبض بصت للسماء وسابت البلالين اللي طارت على فوق. نبض: شكلهم حلو أوي. رعد: يا خسارة الفلوس. نبض (بضحكة خفيفة) : إنت زعلان. رعد: لا يا روحي. نبض حضنت رعد جامد ورعد حاوط خصرها ومشيوا ناحية العربية. رعد: تحبي نعمل إيه تاني؟! نبض: مش عارفة، أنا روحت معاك دريم بارك وروحت مع آدم وأدهم الأهرامات، مش عارفة إيه تاني في مصر. رعد: تعالي أوريكي برج القاهرة. رعد ونبض ركبوا العربية وراحوا لبرج القاهرة.

نبض: واو. رعد ونبض دخلوه ولفوه كله وبدأوا يشوفوا كل حتة فيه. رعد: بقولك. نبض: إيه؟! رعد: إيه اللي فوق ده؟! نبض رفعت رأسها لقت اسمها مكتوب في قلب. نبض (بصريخ وفرحة) : الله!!!! إنت أحسن حد في الدنيا دي. رعد (بضحك) : أهدي أهدي هتكسري البرج. نبض: يا رخمة. نبض وقفت على ترابيزة من اللي موجودين وشاورت على رعد. نبض: شايفين الكائن اللطيف ده. نبض: هذا الكائن هو أحسن حد في الدنيا، هو حبيبي وكل ما أملك.

نبض: أنا بحبك يا رعد، سامعين أنا بحب هذا الشخص اللطيف. نبض: العيون دي أسرتني من أول مرة خلتني أسيرة ليهم. نبض (بصوت عالي) : بحبك يا رعد. كل اللي موجودين كانوا مبسوطين ورعد كان بيبص حواليه باحراج وكان مبسوط. نبض رمت نفسها على رعد ورعد لحقها بين إيديه بسرعة. نبض: بحبك. رعد (بهمس) : بعشقك يا نبض الرعد. رعد خد نبض ونزل من الدور اللي هما فيه وخرج من كل البرج. نبض: نزلني بقى. رعد: أبداً.

رعد ركب نبض العربية ولسه هيركب العربية لقي تمارا في الشارع. تمارا أول ما شافته جريت عليه ووقفت قدامه. رعد كان لسه هيركب العربية. تمارا مسكته بسرعة. تمارا: هما عايزيني أقتلك ليه؟! رعد بص بصدمة ونبض نزلت من العربية لما سمعت الجملة دي. نبض بصت لـ تمارا ورعد وبعدها بصت حواليها. نبض: خلينا نمشي من هنا يا رعد. رعد: تعرفي مين هما؟ تمارا: فرح هانم وفارس بيه. رعد: اركبي العربية. تمارا: إيه؟! رعد: اركبي العربية.

تمارا ركبت العربية ونبض لفت وركبت العربية ورعد ركب ولسه هيتحرك بس وقف. رعد: انزلوا اتأكد من حاجة. نبض: رعد. رعد: اسمعي الكلام. رعد قرب من نبض وباس رأسها. نبض وتمارا نزلوا من العربية ونبض كانت خايفة. رعد ساق العربية بسرعة كبيرة وسمع صوت مؤقت عرف ساعتها إن في قنبلة في العربية. رعد طلع تليفونه واتصل بـ نبض. الخط اتفتح. رعد: نبض. نبض: نعم.

رعد: آسف لو في يوم زعلتك مني وآسف إني مش هقدر أكمل معاكِ اليوم ده. بس إنتي أحلى حاجة في حياتي يا نبض. رعد: بعشقك يا نبض الرعد. نبض لسه كانت هتتكلم سمعت صوت انفجار كبير. نبض (بصريخ) : رررررعدددد!!