رواية قسوة شمس الفصل العاشر 10 - بقلم نور يوسف

شمس خوفه زاد وبدأ يهديها: "اهدي يا حبيبتي، مالك حصل إيه؟ ملك تألمت مكان إيده بس ما نطقتش، اكتفت بالعياط: "مـ مفيش، وحشني بابا. وماما." شمس بشك وغموض: "وه، عتبكي عشان كده؟ خلاص يا حبيبتي، أنا معاكي." ملك شدت على حضنه وهو ابتسم: "كده مش هديكي وقت على فكرة، وممكن أتجنن." عاد ملك ضحكت وسط دموعها. هو باس دماغها وشالها، نيمها في حضنه وبدأ يقرأ لها قرآن ونامت. شمس قام وبص عليها بهدوء:

"متأكد إنه في حاجة. عاد، وأوعدك لما أعرف مش هر"حم حد." دخل أخد شاور ورجع اللاب توب اللي نسيه وراح ع السرير. بص ع شفايفها بحب، باسها بهدوء وشدها أكتر. شمس... "وه، عملتي فيا إيه عاد؟ شكلي هحبك، ولا إيه؟ خدها لحضنه ونامت. تاني يوم. ملك كانت مع شمس في الجنينة بيفطروا. جت سنية وخالد. خالد بخبث: "صباح الخير يا شمس. صباح الفل يا ملك." شمس ببرود ونظرة حادة: "اسمها المدام ملك." خالد بخوف: "احم، تمام. عن إذنكم."

ملك كانت مرعوبة وساكتة. شمس مسك إيديها بحنان: "اجهزي عشان الحفلة النهارده، وجاي فيها ناس أكبر. دول أهم ناس في البلد، هعرفك عليهم." ملك بهدوء: "حاضر." قام خرج. سنية بصت لملك... "أوعاكي يا بت، يكون حد خد خبر باللي حصل امبارح." ملك بخوف: "لـ لا، ما خبرتش أي حد." سنية ابتسمت بمكر: "عافرم عليكي يا بت." في فيلا سالم. سالم كان قاعد. الخدامة: "الوِكالة يا عم الحاج." سالم: "أومال فين زين؟ الخدامة: "لسة ما جاش يا عم الحاج."

سالم: "وه، إيه اللي أخره كده عاد؟ الخدامة: "تلاقي عنده شغل يا عم الحاج." سالم: "مش هاكل غير لما ييجي زين. اعمليلي قهوة." الخدامة: "حاضر يا عم الحج، هحضرلك القهوة." بليل في الحفلة. كل حاجة جهزت. شمس كان جهز ولابس بدلة سوداء خالص وحط برفان. وكانت عضلاته بارزة منها وشكله جذاب وجميل أوي.

ملك شمس جاب ليها مصممة عملت لها فستان تحفة. أسود ضيق من فوق وواسع من الوسط. وشوز أحمر ع حجاب أحمر وعليه تاج وميكب خفيف. كانت حورية جميلة. شمس وقف متنح: "الله وأكبر! إنتي مين؟ ملك: "ملك." أكملت بحزن: "شكلي حلو؟ شمس باس إيديها: "أنا لو عليا هخبيكي جوايا."