رواية قصص الحب بفلم منال كريم الفصل السابع عشر 17 - بقلم غير معروف

سقطت السيارة التي بها سهر من فوق الجبل. ركض سامر بخوف وقال بصرخة: سهر، سهر. كاد يسقط سامر خلفها، لولا أن السائق منعه. جاءت الشرطة والإسعاف. عثروا على السائق وأغراض سهر، لكن لم يعثروا على سهر. كان سامر غير واعٍ لما حدث معه، يجلس أمام المنطقة التي سقطت فيها سهر. بعد يومين، عثرت الشرطة على الجثة، لكن للأسف كانت مشوهة تمامًا بسبب أكل الحيوانات المفترسة لها. *** تجلس شروق في الحديقة مع شمس، يحاول معها لتغيير جو.

رن الهاتف بعد أكثر من مرة. أجابت، مجرد أن فتحت الخط، تحدثت فرح بدموع وصوت عالٍ جدًا: ماتت يا شروق، ماتت يا شروق، ماتت. رغم أنها لم تخطئ، ماتت وهي أحسن واحدة فينا. ماتت يا شروق وسبتني لوحدي. قامت شروق وقفت بخوف. سألت بتوتر: مين اللي ماتت يا فرح، انتي بتقولي إيه؟ فرح بصرخة: سهر، سهر ماتت. وضعت شروق يدها على فمها وصرخت. قام شمس وقف جنبها وسأل بخوف: في إيه؟ سألت بصرخة: ماتت إزاي؟

أجابت بدموع وحزن: مش عارفة حاجة، مش عارفة حاجة. سامر كلم فارس وقاله سهر ماتت. أغلقت فرح الهاتف. شروق بدموع: سهر ماتت، سهر. شمس بصدمة: إزاي؟ رنت شروق على جميلة. كانت جميلة في المستشفى مع ابنتها. أجابت بسعادة: شروق. قالت بصرخة: ماتت، ماتت وانتي السبب، ماتت، سهر ماتت. جميلة بدموع وصوت عالٍ: لا لا لا، ده كذب. شروق بصرخة: مش كداب، سهر ماتت يا جميلة، ماتت. صرخت جميلة بهستيريا وتقول: لا لا.

دخل جاسر الغرفة بخوف، ظن أن ابنته بها شيء. سأل بخوف: في إيه؟ جميلة بصرخة: ماتت. جاسر بخوف: مين؟ جميلة بدموع: سهر. جاسر بصدمة: إيه؟ إزاي؟ جميلة: مش عارفة، مش عارفة. جاسر بدموع: سهر ماتت، أكيد ده كذب. *** يجلس يونس في مكتبه في المستشفى. رن الهاتف. يونس بحزن: فارس لسه فاكرني. فارس بدموع: تعال يا يونس. يونس باستغراب: أجي فين؟ فارس بدموع: القاهرة. يونس: ليه؟ فارس بدموع: سهر. يونس بابتسامة: مالها حامل صح؟ فارس بدموع: لا.

يونس بتوتر: أنت مالك، ليه الدموع؟ فارس بصوت عالٍ: سهر ماتت. يونس بابتسامة: إيه الهزار ده، سهر حامل وانتوا عاملين فيا مقلب صح؟ فارس بدموع: تعال يا صاحبي. يونس بابتسامة: أنا جاي عشان نحتفل عشان سهر حامل صح؟ أكيد صح. أصل كفاية عليا أحس باليتم تاني، كفاية عليا كده صح؟ فارس: تيجي بسلامة. وقفل فارس وغمض عيونه بحزن وهو يتذكر كل الذكريات بينهما. *** يخرج يونس من مكتبه وهو يحاول يكذب ما سمع. خبط في ياسمين ولم ينتبه.

ياسمين باستغراب: يونس، أنت كويس؟ يونس بابتسامة ممزوجة بدموع: آه كويس. تخيلي سهر حامل، بس فارس يعمل فيا مقلب ويقول ماتت. ياسمين بصدمة: إيه؟ يونس بنفس الحالة: متخافيش، ده مقلب. ياسمين بدموع: استني، أنا جايه معاك. *** في مطار القاهرة، وصل سامر وسهر، ولكن للأسف سهر في تابوت. سامر يسير وهو لم ينتهِ على شيء، يشعر أنه في حلم. كان في انتظاره أهله وأهل سهر، والجميع في حالة صدمة. بعد الصراخ والدموع، ذهبوا إلى المقابر. ***

بعد ساعات، يقف الجميع لدفن سهر، والصدمة مسيطرة على الجميع. بكاء هستيري من الجميع. دموع لا تنتهي. الجميع يلوم نفسه. يمسك شمس يد شروق بقوة خوفًا أن تفقد توازنها. وسهر، وضح أنها شعرت بالرحيل، لذا تحدثت مع أصدقائها قبل الحادثة بيوم. **قبل الحادثة بيوم** رنت هاتف شروق وأجابت بحزن: الو، ازيك يا سهر؟ سهر بحزن: والله كويس أنك لسه عارفه رقمي. شروق بابتسامة: طبعًا، أنا أقدر أنسى القمر بتاعنا. سهر بابتسامة: بقمر إيه يا أختي.

شروق بابتسامة: يابت، انتي اللي في القلب. سهر بحب: والله بحبك أوي يا شروق، انتي أختي. عايزة أقولك حاجة، اسمعيني كويس. بلاش تربطي نفسك بالماضي، ربنا مش يعمل حاجة مش حلوة لينا. جاسر مش نصيبك، وشمس نصيبك. أنا شفت الحب في عينه. سامحي، سامحي جميلة وجاسر، سامحي. وعيشي وحبي وافرحي، لأن العمر لحظة. بكت شروق بصوت عالٍ جدًا وهي تتذكر آخر مكالمة بينهم. وجلست على الأرض، وأكيد شمس لم يتركها. تبكي فرح في حضن أمها بانهيار.

**قبل الحادثة بيوم** فرح بدموع: وحشتيني أوي أوي أوي أوي أوي أوي أوي أوي يا قمر. سهر بحزن: والله شكلك نسيتي توأم روحك يا فرح. فرح بحب: والله العظيم مش أقدر. أنا بس في شوية ظروف كده. سهر بتوتر: ظروف إيه؟ خير. فرح بهدوء: اهدي، بلاش توتر يا قلبي. انتي عارفة فارس، قصدي كده. مفيش حاجة حصلت تاني. سهر: بجد؟ يعني انتوا كويسين؟ فرح: أيوه، بلاش توتر. انتي خلي ربنا يستر، يكون حصل حمل ولا حاجة. سهر بحزن: حمل؟ تفتكري؟

فرح بابتسامة: إن شاء الله تكوني أم وتكوني أحلى أم في العالم. سهر بحب: بحبك يا توأم روحي. بقولك، عايزة إنك تحاولي تهدي الجو بين العيال، شروق وجميلة ويونس وجاسر. نفسي نرجع زي زمان. وانتي كمان مش تزعلي من فارس، انتي عارفة أنه يحبك. بلاش تخسري حبك عشان أي مشاكل، بلاش نضيع الصداقة بينا. فرح بصرخة: آه يا توأم روحي، سبتني ليه. جميلة تجلس على الأرض والندم ينهش فيها، وتسأل نفسها ليه عملت كده. وتذكرت مكالمة سهر لها.

جميلة بخجل: ازيك يا سهر؟ سهر بابتسامة: انتي مكسوفة يا قمر؟ جميلة بدموع: أيوه، مكسوفة منك ومنهم، مكسوفة أوي. سهر بهدوء: جميلة، صدقني اللي حصل ده قدر أمر الله، مفيش منه مفر. انتي وجاسر لبعض لأن ربنا أراد كده. حاولي تخلي شروق تسامح وتنسى، دي شروق اللي كانت ممكن تولع في الدنيا عشان خاطرك. جميلة بدموع: عارفة والله. رنيت عليها مردتش.

سهر بحب: حاولي مرة وألف ومليون. واعرفي أني بحبك يا جميلتي. ورغم كل المشاكل، اعرفي أن ربنا موجود، يعني انسي الهم عشان هو ينساكي. تنظر جميلة إلى شروق التي تبكي في حضن شمس وتريد أن تذهب إليها، ولكن يوجد خوف بداخلها. وضعت يدها على وجهها وتبكي بشدة. تقف ياسمين وهي حزينة، رغم أنها لم تلتقِ بسهر ولا مرة، لكن حبتها من كلام يونس عليها. **فلاش باك** تنظر ياسمين إلى الهاتف، كان رقمًا غريبًا. لم تجب، لكن بعد أكثر من مرة أجابت.

ياسمين بعصبية: الو. سهر بهدوء: براحة طيب. ياسمين بهدوء: مين؟ سهر بهدوء: مش عارفة انتي عارفاني ولا لا، أنا سهر. ياسمين بابتسامة: طبعًا، أهلاً وسهلاً يا مدام سهر. سهر بابتسامة: من غير مدام سهر بس. ياسمين بابتسامة: شرف لي. من غير مقدمات قالت: ياسمين، يونس بيحبك بجد. قالت بخجل وتوتر: إيه؟ سهر بهدوء: أنا مش عارفة إيه سبب رفضك، وطبعًا مش عارفة حاجة عن حياتك الشخصية، لكن عارفة يونس أخويا بيحبك، وجميلة ماضي. فاهمة؟

يونس بيحبك. انسي جميلة وانسي أي حاجة تبعدك عن حبيبك، لأن متأكدة أنك تحبيه. بلاش تضيعي الحب من إيدك. **عودة** تنظر ياسمين إلى يونس بحزن من حالته والدموع تنهمر من عينيها. يأخذ شمس شروق في أحضانه ويحاول تهدئتها، لكن حتى هو حزين على سهر بشدة، وخصوصًا بعد المكالمة الأخيرة بينهم. يجلس شمس في اجتماع. رن الهاتف. سهر: الو، حضرتك شمس الصاوي؟ شمس: أيوه، مين؟ سهر: أنا سهر. شمس بعدم تركيز: سهر مين؟ سهر: صاحبة شروق.

شمس: آه، آسف إني مش مركز. أنا في اجتماع ومش مركز. أقدر أفيد حضرتك في إيه يا مدام؟ سهر بهدوء: إنك تخلي بالك من شروق. سأل بتوتر: شروق مالها؟ ونظر إلى الموجودين وأمرهم بالخروج.

أجابت بهدوء: شروق كويسة. أنا أقصد اصبر عليها وتحاول تخليها تنسى الماضي. اللي أنا متأكدة أنه نسيها. صدقني، شروق من البداية وهي كانت تضحك معك بقلبها، وأنت مش تنكر ده. عارفة أن الموضوع صعب على أي راجل يقبل اللي شروق عملته، بس الحبيب يقبل أي حاجة، صح؟ تنهد ثم قال: صح. سهر: آسفة طبعًا إني أتكلم في خصوصيتك، بس أنا بعمل كده عشان شروق. شمس بابتسامة: فاهم، ومفيش حاجة. انتي أختي.

قالت برجاء: طلب كمان، خلي شروق تسامح جميلة، لأنها ناقصة من غيرها، هما يحبوا بعض أوي. ونصيحة من أخت، انسي ماضي شروق، وافتكر أنها مراتك وأنت على اسمك أنت. يضم شمس شروق إلى حضنه أكثر وأكثر. يقف يونس ينظر إلى جثمان سهر وهو ينزل إلى القبر. صرخ بأعلى صوت عنده: آه يا أختي، ليه تسبيني انتي كمان؟ يونس بدموع: طول عمرك تكلميني في الوقت المناسب يا قلبي. سهر بخوف: ليه الدموع يا حبيبي؟ يونس بدموع: وحشتيني أوي أوي.

سهر بدموع: انت أكتر. مالك يا يونس؟ يونس بابتسامة: بقيت كويس لما سمعت صوتك. انتي عاملة إيه؟ سهر بابتسامة: الحمد لله. عامل إيه مع ياسمين؟ يونس بحزن: مفيش جديد.

سهر بدموع: اسمعني يا حبيبي. خليك ورا ياسمين، لأني متأكدة أنها بتحبك. اوعى تخسر حبك للمرة الثانية. حاول مرة واثنين ومليون. اوعى تكون تعمل زي شروق. وحاول تسامح جميلة وجاسر، وانسي حبيبي. وإن شاء الله ربنا يعوضك عن كل الأيام اللي فاتت. افرح، لأن ممكن يجي بكرة وإحنا مش موجودين. يونس بحزن: عندك حق. بكرة جه وانتِ مش هنا يا سهر. يقف جاسر خائفًا، ينظر في عين أحد، فهو يرى أنه المذنب.

كان يجلس جاسر في حديقة المستشفى عندما رن الهاتف. جاسر: عاملة إيه يا سهر؟ سهر: الحمد لله بخير. أنت عامل إيه؟ جاسر بحزن: بخير. سهر بتوتر: صوتك زعلان ليه؟ جاسر بحزن: الحمد لله على كل حال. انتي أخبارك إيه وسامر عامل إيه؟ سهر بهدوء: بخير. جاسر، مش ده وقته نرجع شلة الأصدقاء من تاني؟ جاسر بحزن: والله العظيم نفسي، بس انتي عارفة محدش يوافق.

سهر: حاول مرة كمان، صالح يونس، اعتذر لشروق، مش عيب. انت غلطت، اعترف بالغلط وحاول عشان نكون مرة كمان الأصدقاء عشان تعيش أنت وجميلة في سعادة وحب ومن غير ما تشعر أنك ظالم. الدنيا مش مستاهلة كل ده. جاسر بحزن: آسف يا شروق، آسف يا يونس. يقف فارس يحاول يتمسك، لكن عيونه تخونه، ولم تسمع له بل تدمع بشدة. **فلاش باك قبل الحادثة بيوم** يجلس فارس في الغرفة. رن الهاتف. عندما نظر إلى الاسم ابتسم. فارس بابتسامة: سهر الليالي.

سهر بعصبية: فارس، بطل تقول الاسم ده، لأنه من حق سامر بس. وهو لو سمع مش هينفع كويس. فارس بابتسامة: لا، وعلى إيه؟ ده مجنون. سهر بابتسامة: وأنت معقد. فارس بحزن: حتى انتي. سهر بهدوء: أيوه، وأنت نفسك عارف أنك مكبر الموضوع أوي. فارس بحزن: عارف ومش عارف أعمل إيه. سهر بهدوء: فرح بتحبك. فارس بدموع: عارف. سهر بهدوء: يبقى ليه تعمل كده؟ فارس بدموع: مش عارف. سهر بدموع: بطل عقد وتحكم على فرح. فارس بدموع: بحاول.

سهر بدموع: نفسي نرجع زي زمان، شلة الأصدقاء. حاول تخلي يونس وشروق ينسوا. الحياة مش مستاهلة، وده أمر الله. وبطل مشاكل تافهة يا فارس. فرح تحبك وأنت تحبها، وكل شي بعد كده سهل. فارس بدموع: شلة الأصدقاء ترجع من غيرك يا سهر، طيب إزاي؟ يخرج سامر من القبر بعدما انتهت مراسم الدفن. ولم يقدر على الوقوف، جلس أمام القبر ويبكي مثل الطفل الصغير، ويجلد نفسه أنه السبب. **قبل الحادثة بساعة** في غرفة الفندق.

سامر: قومي البسي بقا عشان ننزل نمشي شوية. سهر: حاضر. انزل وأنا جايه وراك. سامر: تمام، استني في المطعم. كاد يخرج من الغرفة. سهر بدموع: سامر. ركض سامر إليها وجلس أمامه على السرير ومسك يدها. سامر بخوف: مالك يا قلب سامر؟ سهر بدموع: مش عارفة، خايفة أوي وقلبي مقبوض. سامر بخوف: تعبانة؟ تعالي نروح للدكتور. سهر بدموع: لا، مش تعبانة. سامر بدموع: اومال مالك؟ حضنته بشدة، وكنا تشعر قلبها بشيء.

سهر بدموع: خايفة أوي، مش عارفة ليه. أنا بحبك أوي أوي يا سامر، خليك عارف كده، اوعى تسبني. سامر بدموع: أسيب قلبي إزاي؟ مش انتي قلبي يا سهر الليالي. مالك يا حبيبتي؟ خرجت من حضنه وتمسح دموعها. سهر بهدوء: مفيش يا حبيبي. يمكن عشان العلاج وكده، حالتي النفسية تعبانة. سامر بخوف: بجد؟ سهر بابتسامة: أيوه بجد. انزل بقا وأنا البس وأجاي عشان ناويه أصرف فلوسك كله النهارده. سامر بحب: وأنا تحت أمرك يا سهر الليالي. سهر بحب: بحبك.

سامر بحب: وأنا بعشقك. فاق الأصدقاء من آخر ذكرى مع سهر، وباب القبر يغلق. يا لها من لحظة صعبة. والخوف من هذه اللحظة، سوف تكون بمفردك، ليس معك إلا عملك فقط. صرخ الجميع، كل منهم بجملة واحدة: لا لا لا. سامر يدق على الباب ويصرخ مع دموع شديد: سهر لا، لا، يلا عشان نخرج، يلا عشان تصرفي كل فلوسي. والله العظيم كنت لسه أكمل كلامي وأقول عمري ما اتجوز غير سهر. والله كنت أرفض يا سهر، قومي سهر اخرجي، عشان نمشي من هنا.

ذهب إليه يونس وفارس ومسكوا يده. يونس بدموع: كده حرام، حرام. فارس بدموع وصوت عالٍ: كفاية، كفاية. صرخ بصوت عالٍ وجنون: لا، سهر لا، يمكن تسبيني. أيوه، عمرها ما تسيبني، مش كده يا سهر الليالي؟ يلا. كان الوضع كالتالي، الجميع يصرخ، يبكي ويقول لا لا، ولا يصدق، لكن هل هذا يفيد؟ *** وقت ما يكون يركض الشخص من هنا إلى هنا لأجل أن يفعل كذا وكذا وكذا. استوووووووب. فجأة مات الشخص. مات قبل أن يفعل ما يريد.

مات قبل أن يعتذر من كل شخص كان سبب حزنه. والمصيبة الأكبر. مات قبل أن يعتذر من الله عن التقصير. مات قبل أن يبرهن حبه لله. مات ولم يتبق له شيء إلا العمل الصالح. ومات ولم يتبق له شيء في الدنيا إلا الدعاء بالرحمة. ومات وحان وقت الامتحان، التي كنت طول حياتك في الدنيا تدرس له. وحان وقت الامتحان في الآخرة. هل أنت جاهز؟ الدنيا لأجل أن نزرع فيها، والآخرة هي الحصاد. وكل منا يحصد ما زرع. ازرع خيرًا، سوف يكون الحصاد خيرًا.

ازرع شرًا، سوف يكون الحصاد شرًا. مات ولم نستطع فعل شيء له إلا الدعاء. فاللهم أرحم موتى المسلمين جميعًا، وأدخلهم فسيح جناتك الفردوس الأعلى يا الله. اللهم ارحمنا برحمتك يا أرحم الراحمين. فنحن أمة ضعيفة. اللهم أسألك حسن الخاتمة. اللهم اجعل أفضل أعمالي خواتمها. اللهم لا توفنا إلا وأنت راضٍ عنا. اللهم توفني وأنا على الدين الإسلامي. يا كريم، أكرمنا. يا رحيم، ارحمنا. يا غفور، اغفر لنا ذنوبنا.

أشهد أن لا إله إلا الله وحده لا شريك له، له الملك وله الحمد، وهو على كل شيء قدير. أشهد أن سيدنا محمد رسول الله صلى الله عليه وسلم. والحمد لله على نعمة الإسلام.