رواية قصتي انا الفصل الثاني عشر 12 - بقلم هي جنتة

محمد: منار جهزي نفسك، جاي عريس الليلة يشوفك. منار: عريس مين؟ قالك إني عايزة أتـ... محمد: الله يرضى عنك. (وهي بتبكي) منار: إنت عارف مش هقدر أتـ... قلبي مش بإيدي، قلبي لسه بيوجعني. محمد: (وهو بيطبطب عليها وبيمسح دموعها) خلاص حبيبتي، اقعدي مع العريس ده بس، ولو معجبكيش متوافقيش. يا عالم يمكن يعجبك ومش هغصب عليكي. منار: حاضر يا محمد، اللي تشوفه. الله المستعان. عمر: منى خلصتي؟ يلا بقى هنتأخر. الله يخليكي.

منى: مستعجل كده ليه إن شاء الله؟ هي من نصيبك، ما تقلقش. وسيبها على الله. عمر: نفسي أشوفها. طب هي شكلها إيه؟ ولا أقولك لأ لأ لأ، عايز أشوفها بنفسي. متوصفش. أنا قلبي شافها قبل عيني. جابوا بوكيه ورد وعلبة شيكولاتة. وصلوا عند باب منار. عمر: بص لي كده، شكلي كويس ولا إيه؟ منى: يا حبيبي، إنت قمر. إنت حلم كل بنت في مصر وبره مصر. يلا بقى خبط ولا أخبط أنا؟ عمر: الله المستعان. ماشي يا رب خليك معايا.

عمر خبط على الباب، فتحه له محمد. عمر: السلام عليكم ورحمة الله وبركاته. محمد ووالده الحاج عبد الله: وعليكم السلام ورحمة الله. أبو منار: أهلاً وسهلاً، اتفضلوا اتفضلوا. عمر: شكراً يا عمي، ربنا يعزك. أعرفك دي أختي منى، أختي الصغيرة. محمد: (نظر نظرة خاطفة على منى وفي نفسه) بسم الله ما شاء الله. يا سلام لو كانت محجبة. منى: فين منار يا عمو؟ أبو منار: منار في غرفتها.

محمد: حالا هندهالها. بس هي متعرفش إن الأستاذ عمر هو اللي جاي. بعد إذنكم. محمد عند منار: منار جهزتي حبيبتي؟ بعرف إن البنات لما يجيلهم عريس بيحطوا حاجات على وشهم. منار: أنا مش حاطة حاجة، وإن كان عاجبه. محمد: طب البسي حتى العباية والطرحة اللي جايبهم لك جديد. منار: مش هلبس إلا الإسدال. محمد: لو زودت شوية مش هطلع. فاسكت، الله يرضى عنك.

محمد: طب افردي وشك حتى. خلاص، متبصيش كده، أصلي بخاف. اعملي عصير وهاتيه. الله يكون في عون اللي هيتجوزك. منار: قال هتجوزه قال. والله لأطفشه. عملت العصير ودخلت مبوزة ووشها في الأرض. وعمر أول لما شافها قلبه وقع

وضرباته زادت وقال في نفسه: ما شاء الله تبارك الله، طلعت أحلى من اللي كنت متوقعه. بنت بيضة جميلة، عيونها زرقا وصافية ومكحلة بدون كحل، شفايفها حمرا بدون روج، خدودها كأنها وردة حمرا. كلمة جميلة ماتوصفش حاجة من جمالها. حطت العصير على الترابيزة وفوجئت باللي بيقول لها: منار: الصوت ده مش غريب عليا. ضربات قلبها زادت ورفعت عينيها ببطء. لقتها منى. طلعت تجري عليها وأخدتها في حضنها وقعدت تبكي.

منار: منى حبيبتي، وحشتيني. متسأليش عليا الفترة دي كلها. موحشتكيش طيب؟ منى: منار حبيبتي، إنتي أكتر والله وحشتيني موت. وكان نفسي أتصل عليكي بس قلت أنزلك أحسن. شفتي أنا جبت لك إيه معايا؟ بصي الناحية دي.

منار بتبص لقت عمر بيبصلها نظرة جميلة مع ابتسامة رائعة. فضلت مصدومة لفترة طويلة ومش مصدقة إنها شايفاه قدامها. محسيتش بالوقت ولا بالمكان. وفجأة منار فاقت من الصدمة وافتكرت إنها من غير نقاب. خبت وشها بسرعة بإيديها وإدارت وشها الناحية التانية وقالت: ينهاري! إيه ده؟ أنا من غير نقاب؟ الله يسامحك يا محمد! مش تقول إن الأستاذ عمر هو اللي هنا؟ محمد: منار، ده العريس اللي جاي يشوفك.

(وهو بيقولها وهو بيشيل إيدها من على وشها ومسكها من إيدها وقعدها في كرسي قدام عمر. قعدت ووشها في الأرض.) منى: حبيبتي، عمر جاي يخطبك. منار: يخطبني أنا؟ وسوزي؟ منى: إحنا هنسيبكم مع بعض وهنقعد في الصالة أنا وعمو والشيخ محمد. عندكم قهوة يا عمو؟ ولا إيه؟ مش هتشربونا؟ أبو منار: أيوا عندنا. ليه هو إنتي بتعرفي تعملي قهوة؟ منى: أنا بعرف أعمل كل حاجة وبطبخ كمان. أبو منار: ومخطوبة على كده؟

منى: ولا مخطوبة ولا متجوزة يا عمو. عندك عريس ليا بقى؟ أبو منار: (وهو بيبص على محمد) أيوا عندنا أحلى عريس. عمر: منار، أخيراً شوفتك. بس بصراحة أحلى من الصورة اللي كنت راسملكها. منار: (وشها بقى أحمر شديد الحمرة) واستجمعت شجاعتها وقالت: وترسملي أنا ليه؟ وخطيبتك فين؟

عمر: بصي، أنا خطبتها علشان كانت بتحبني وحاولت تنتحر علشاني، فصعبت عليا. بس عمري ما حبيتها. أنا حبيتك من أول ما عرفتك، وده مش بإيدي، قلبي هو اللي اختار. وكنت هقولك بس سمعت رامي بيطلبك للجواز وإنتي موافقتي. قلت يبقى هي مش بتحبني. بس لما رامي قالي وعرفني إنك مش موافقة عليه، فرميت كل حاجة ورايا، حتى سوزي والدنيا كلها، علشان بحبك. أيوا بحبك. إنتي بتحبيني ولا لأ؟

منار: عمر، أنا أول مرة أحب فيها، وعمر ما حد شاف وشي، حتى اللي كتب كتابي. إنت أول راجل أحبه ويشوفني. عمر: يعني إنتي موافقة ولا إيه؟ يا بنت طمنّي قلبي. منار: بس ليا شرط واحد بس. إنت يمكن متقدرش عليه. عمر: أنا فرحان بكلامك ده والله. مهما كان شرطك أنا موافق. اتفضلي اشرطي زي ما إنتي عايزة، اللي تقولي عليه هنفذه.

منار: هو بس شرط واحد ومش عايزة منك أي حاجة بعده. شرطي هو إنك تبعد عن طريق الفن والمعاصي دي. عايزة أبدأ حياتي معاك بفلوس حلال مفيهاش أي شبهة. ولو مش هتقدر مش هزعل وهتفضل عندي زي محمد أخويا. عمر: إنتي بتتكلمي إزاي؟ عمري ما هبقى زي محمد. (وبدون تفكير طلع تليفونه وطلب كل المنتجين والمخرجين وفسخ كل العقود اللي ماضيها معاهم.) عمر: صحيح، ده هيخليهم يرفعوا عليا قضايا ويغرموني شروط جزائية. بس كله يهون علشان خاطر عيونك.

منار: لأ لأ، لازم تتركها لله، مش ليا. فمن ترك شيئاً لله عوضه الله بأفضل منه. وكمان لحيتك تكون تشبه بالنبي صلى الله عليه وسلم. عمر: خلاص. هي لله. وتبت إلى الله. منار: محمد، هات منى وبابا وتعال. أبو منار: خير يا ولاد؟ إيه رأيكم يا منار؟ منار: (السكوت علامة الرضا) منى: بتعرفي تزغرطي ولا فافي؟ منى: لأ يا عمو بعرف، ما يغركش شكلي. (زغاريد) أبو منار: ألف مبروك يا ولاد. وإنتي يا منى مش هنقولك مبروك ولا إيه؟

منى: هو أنا لقيت وقلت، لأ يا عمو. بس ألاقي ابن الحلال. أبو منار: إيه رأيك في الشيخ محمد؟ أبو منار: سكتي ليه؟ لسانك أكلته القطة؟ وإنت يا محمد إيه رأيك في منى؟ محمد: مش هتجوز واحدة مش محجبة يا بابا. مراتي لازم تكون محجبة وملتزمة. أبو منار: منى إيه رأيك؟ منى: أنا أصلاً نفسي أتحجب من زمان، بس دلوقتي حبيت النقاب. مش عارفة ليه. أبو منار: محمد، خلاص بقى. على خيرة الله. شوفوا هتحددوا الفرح إمتى وفين.

منى: بعد إذنك يا بابا، مش عايزة أعمل فرح. بفلوس الفرح نوفرها ونروح نعمل حج. إيه رأيكم؟ عمر: خلاص وأنا موافق. بس بشرط إن الفرحين يبقوا الخميس الجاي. (بعد أسبوع اتجوزوا بحفلة بسيطة جداً على قدّهم وبعض الأقارب. وبدأ عمر متابعة شركة والده الله يرحمه اللي كان بيتابعها مدير أعماله. وفي شهر ذي الحجة راحوا الحج كلهم، عمر ومنار ومحمد ومنى والحاج عبد الله.) وبعد سنة من الجواز:

منار: عمر، أنا تعبانة أوي ودايخة ومش عارفة. من الصبح شغالة ترجيع ومعتش قادرة. روحي هتروح. (منى أغمي عليها) عمر: حبيبتي إيه في؟ منار! اتصل على الدكتور. (وبعد الكشف) عمر: دكتور، قولي إيه في؟ مالها؟ الدكتور: متقلقش، ده طبيعي للي في حالتها. عمر: يعني إيه اللي في حالتها؟ هي مالها؟ طمنّي، أنا قلقـ... الدكتور: ما تقلقش، المدام حامل. عمر: بجد يا دكتور؟ بجد؟ ربنا يبارك لك. أنا مش مصدق. أنا هبقى أب!

الدكتور: بجد. ألف مبروك. أستأذن أنا. عمر: الله يبارك لك يا دكتور. مع السلامة. (مسك إيد منار وباسها) عمر: حبيبتي، ألف مبروك. منار: الله يبارك لك، وما يحرمني منك ولا منه يا حبيبي. خليك فاكر ميعاد ولادة منى بكرة. ربنا يقومها بالسلامة. عمر: ويقومك لي بالسلامة يا عمري كله يا منارة حياتي. (والحمد لله ولدت منى ولد جميل اسمه عبد الرحمن. وبعد شهور ولدت منار بنت جميلة لامها سمّتها فريدة.) تمت بحمد الله.