رواية قصتي انا الفصل الحادي عشر 11 - بقلم هي جنتة

عمر.. مني الحقيني، منار خطوبتها بعد يومين. مني.. إيه! انت بتقول إيه؟ عمر.. اعمل إيه؟ قلبي بيوجعني، مش عارف أعمل إيه. قولولي، أنا بموت، مش قادر. مني.. مفيش إلا حل واحد بس، هو ده اللي المفروض يتعمل. عمر.. هو إيه؟ قولي بسرعة، أبوس إيديكم. مني.. مفيش غير إننا نحجز وننزل مصر النهاردة بسرعة. عمر.. وهنعمل إيه في مصر؟ خلاص هتتخطب. مني.. متبقاش مستسلم كدا. أهو انت قلت لسه هاتتخطب، مش اتخطبت. يلا بسرعة احجز تذكرتين.

عمر طلع تليفونه، اتصل على الاستقبال وطلب حجز تذكرتين، وقال لمني: عمر.. خلاص أنا حجزت تذكرتين. مني.. طب وسوزي والفرح بكرة، هنعمل إيه معاها؟ مني.. ملكيش دعوة بيها، أنا هتصرف معاها. سيبيهالي وملكش دعوة بيها خالص. مني.. الو سوزي، بصي، عمر مش هيتجوزك ومفيش فرح. سوزي.. ........... مني.. بقول اللي انتي سمعتيه. كل شيء قسمة ونصيب. عمر ملكيش دعوة بيه تاني، سمعتي؟

ده آخر تنبيه مني، بدل ما أحكيله وأحكي لوالدك سيادة الوزير على كل اللي أعرفه، وأقوله على علاقتك بصديقك في أمريكا، والبيبي اللي اتخلصتي منه. وعندي الأدلة. ابعدي أحسن. سلام يا قطة. عمر.. أنا حجزت النهاردة الساعة 8 بالليل، تفتكري هنلحق؟ مني.. خلاص، إحنا نخلص كل أشغالنا اللي هنا ونوضب الشنط علشان نلحق الطيارة. بعد ساعة... عمر.. منى، يلا يا حبيبتي علشان منتأخرش، مفيش وقت على الطيارة.

مني.. خلاص خلصت أهو، يلا يا حبيبي. لسه بدري، بس أنا عارفة إنك قلقان ومستعجل عشان منار، مش عشان الطيارة. عمر.. أه والله. خايف تضيع مني، متعرفيش لما عرفت إنها بتحبني كان إحساسي إيه. ندم وخوف، وحاسس إني ظلمت نفسي وظلمتها معايا. طلع عمر ومني على المطار وركبوا الطيارة. وبعد ساعات قليلة، وصلت الطيارة مصر. عمر.. منى، طب إحنا هنعمل إيه دلوقتي؟ مني.. أنا هقولك. بص ياسيدي...

عمر راح المكان اللي ساكنه فيه منار وسأل على منار وأهلها، وعلى محمد، وعرف إنه في المسجد، ومنار شغالة في الصيدلية. وراح عند الصيدلية علشان يشوفها. ووقف بالعربية بعيد عن الصيدلية، بس شايف اللي جوا. ولما شافها قلبه دق جامد وحس إنه نفسه يجري عليها وياخدها في حضنه. بس راح اشترى ورد بلدي وحط فيه كارت باسمها وكتب عليه: "لأجمل وأطهر بنت في الكون كله". وبعته ووقف بعيد وهو شايفها بتاخد الورد. منار.. إيه ده؟

مين قليل الذوق اللي باعتلي الورد ده؟ ده إنسان بجح بجد. رانيا زميلتها في الصيدلية.. إش إش إش، إيه يا عم الحلاوة ده؟ مين الرومانسي اللي بعتلك الورد الجميل ده؟ أكيد معجب، يارب أوعدنا. منار.. ارميهم في الزبالة، ده إنسان مش محترم. لو محترم ماكنش عمل كدا. لسه هترميهم، أخدتهم رانيا وجابت فازة جميلة وحطتهم فيها. رانيا.. يابختك يا عمونا. دا كلام رانيا وهي بتتنهد. هيييبح، نيالو. مشي عمر وراح المسجد لمحمد.

عمر.. السلام عليكم ورحمة الله وبركاته. محمد.. وعليكم السلام ورحمة الله وبركاته. عمر.. أنا عمر عبد الرحمن اللي كلمتك امبارح. محمد.. آه، أستاذ عمر، شكلك مستعجل على الفلوس. هما في البيت، تعالي معايا نشرب شاي وتاخدهم. عمر منطقش عشان كان عايز يروح البيت معاه. محمد.. اتفضل يا أستاذ، بيتك ومطرحك، ولو إنه مش قد المقام. عمر.. لا أبداً، البيت جميل بأصحابه حضرتك. أنا مش جاي عشان الفلوس، أنا جاي عشان الآنسة منار.

محمد.. منار أختي، ليه؟ فيه إيه؟ مش أنا قلتلك إن قراية فتحتها بكرة؟ عمر.. بصراحة، أنا بحبها ومقدرش أبعد عنها ولا ثانية واحدة. محمد.. بس لحد علمي إنك خاطب وهتتجوز.

عمر.. الآنسة منار شكلها حكتلك على كل حاجة. أنا مبحبهاش من زمان، وكنت هسيبها. بس لما لقيت رامي صاحبي عايز يتجوز منار وهي مرفضتش، اتغاظت وقررت بتهور إني أتزوج سوزي. بس لما عرفت إن منار رفضت رامي، قلت عمري ما هسيبها ولا هقدر أعيش من غيرها. أنا بحبها جدًا، حب طاهر وبريء. محمد.. بس أنا آسف، أدّيت كلمة لصاحبي، ومقدرش أرجع فيها. ياريت كنت جيت بدري شوية. عمر.. طب اسأل منار الأول وشوف رأيها، بدل ما تتجوز واحد مبتحبهوش.

محمد.. بكرة تتعود عليه وتحبه. عمر.. أرجوك، عشان خاطري، بالله عليك متدمرنيش بقرارك ده. ومش هتدمرني لوحدي، هتدمر منار كمان. أنا عندي إحساس إنها بتحبني زي ما أنا بحبها. محمد.. خلاص يا أستاذ، انتهى الموضوع، وأنا أدّيت كلمة ومش هتراجع فيها. عمر.. ده قرارك النهائي؟ طيب لو غيرت رأيك، ده رقمي، رن عليا. وأنا بأكدلك إني مش هسيبها لحد تاني. مني.. فيه إيه يا عمر؟ مالك؟ إيه اللي جرى مع أخوها؟ عمر.. .....................

عمر.. دا كل اللي حصل. عمر.. عارفة لو موافقش، هروح أخطفها. مني.. حيلك حيلك، تخطف مين؟ على أساس منار هتسمحلك بكدا؟ منار بنت عارفة ربنا جدًا وملتزمة جدًا جدًا. عمر.. أعمل إيه؟ بحبها ومش هقدر أفرط فيها. مني.. بص يا عمر، منار كانت بتقولي لو عايزة حاجة، اتوضي وصلي واطلبيها من ربنا. فاتوضى وصلي واطلبها من ربنا. عمر منامش الليلة كلها، واقف بين يدي الله بيطلبها بإلحاح. وبعد الفجر نام، صحي الصبح على رنة تليفون.

عمر.. وعليكم السلام ورحمة الله وبركاته. أيوا مين معايا؟ مين؟ وهو مخضوض. مين؟ محمد. أيوا... أيوا... ماشي... ماشي... عمر.. منييييييييييياااااااا! منييييييييييياااااااا! تعالي بسرعة! مني.. فيه إيه؟ إيه الضجة دي؟ انت واقف على السرير ليه؟ عمر حضن مني ولف بيها. مني.. اااااااااه! عمر هتخبطي في إيه؟ انت بتطير كدا ليه؟ يااااااااااااااااااااااارب يكون خير. عمر.. خير وخير قوي كمان. مني.. قول يا ابني، وقعت قلبي. فيه إيه؟ فرحني.

عمر.. محمد كلمني وقال العريس مش هيجي الليلة، فعندي فرصة أروح، بس مش هيقول لمنار ويعملها مفاجأة. مني.. مش فاهمة. عمر.. يعني منار عارفة إن العريس التاني هو اللي جاي، وهو مش جاي. أنا اللي هروح بداله. فهمتي ولا لسه؟ مني.. لا فهمت. خلاص، هجهز نفسي بقى. عمر.. وأنا هروح أوصل الورد. مني.. ورد إيه؟ عمر.. متشغليش بالك. عمر راح وجاب ورد تاني لمنار ووقف يشوفها من بعيد وهو بيقول لنفسه: "أخيرًا هشوف حبيبتي لأول مرة".