رواية قصيرة القامة طويلة اللسان الفصل السابع والعشرون 27 - بقلم شيماء صبحي

خرج هادي من شركته وهو مقرر يروح شركة النجار، لكنه وقف على اتصال من محمد بيبلغه باللي حصل النهارده الصبح من ساندي. عرف الكلام اللي قمر قالته بأنها سمعت ساندي بتكلم عزيز وبتقوله إنها حامل. هادي اتصدم جداً من كلام محمد وقفل معاه المكالمة وقرر إنه يروح القصر لأن اللي ساندي عملته دي كارثة كبيرة.

كان سايق وهو بيفكر هيتصرف إزاي معاها، ومش مستوعب إزاي وامتى عزيز عمل معاها كدا، والمفروض إن أمها معاها. مكنش مستوعب إن شاهي عارفة حاجة زي كدا وساكتة. معقول جشعها يخليها تقبل إن بنتها تحمل من غير جواز ومن شخص مش كويس. وصل القصر بعد وقت مش كبير لأنه كان سايق بسرعة. أول ما دخل كانت صافي قاعدة وجمبها قمر اللي كانت جاهزة عشان هتروح لسهر، لكن كانت عينه بتدور على ساندي مامتها اللي مكنوش موجودين. هادي

دخل والغضب مالي قلبه وقال: "فين ساندي وشاهي؟ صافي وقمر انتبهوا لوجوده وقربوا منه وقالوا: "في إيه يا هادي؟ هادي بص لقمر وقال: "إنتي متأكدة إنك سمعتي ساندي بتكلم عزيز وبتقوله إنها حامل؟ قمر خافت من شكله، لكنها هزت راسها بمعنى إنها شافتها فعلاً. هادي هز راسه وطلع على السلم بغضب لحد ما وصل عند غرفة ساندي وشاهي وخبط الباب جامد وهو بيقول: "افتحي يا ساندي، افتحي يا شاهي." ساندي وشاهي بصوا لبعض

بصدمة وساندي قالت بخوف: "دا هادي، هوا عايز إيه؟ شاهي حركت راسها وقالت: "اكيد عرف باللي عملتيه مع محمد الصبح وغير خبر حملك." ساندي قالت بخوف: "هنع"مل إيه يا مامي، أنا خايفة." فضل هادي برا يزعق وبيقولهم يفتحوا لحد ما كسر الباب وهو بيقول بغضب: "ليه عملتي كدا يا ساندي؟ ضيعتي نفسك ليه؟ ساندي بصتله بخوف وقالت: "أنا مليش دعوة بأي حاجة، هوا السبب." هادي قرب منها ومسكها من دراعها وقال: "هوا مين اللي السبب؟

انطقي. مين اللي يخليكي تبقي بالجشاعة والرخص دا؟ ليه عملتي معاه كدا وليه خليتي نفسك في نظره رخيصة رغم إن ألف واحد يتمناكي ويتمني منك نظرة بس." ساندي عيطت وقالت: "هوا اللي قالي في الأول إنه بيحبني، وبعدها قالي إني أتجسس عليك، بس أنا كنت بعمل كل دا عشان يتجوزني." هادي بصلها وقال بصدمة: "كل دا عشان يتجوزك؟ يعني تتمني إننا نشحت وحياتنا تتدمر عشان يتجوزك؟

لا الكلام دا تضحكي بيه على أي حد غيري، انما أنا لا." قال كلامه بصوت عالي جداً وهبد ايده في الباب. ساندي رجعت لورا بخوف من شكله الغاضب، ووقتها قمر وصافي كانوا واقفين وراه. ومحمد جه على صوته العالي ووقف جمبهم. هادي بص لشاهي وقال: "إنتي كنتي عارفة إن بنتك حامل من عزيز وساكتة؟ شاهي هزت راسها وهوا قال بضيق: "كل دا عشان إيه؟ شاهي قالت بغضب: "عشان هيدينا فيلا وعربيات وفلوس نعيش بيها عيشة حلوة أحسن من اللي حصلنا."

هادي خبط ايديه تاني على الباب لدرجة إنه اتعور. قمر لما لاحظت الدم اللي بيخرج من ايديه بصدمة وقربت منه وقالت: "هادي، اهدي عشان إيدك جابت دم." هادي بصلها وقال بضيق: "ابعدي عني دلوقتي يا قمر." قمر بصتله بإستغراب وهزت راسها بلا. وهوا قال بغضب: "بقولك ابعدي عني يلااا." قمر اتصدمت من شكله اللي يخوف ومن أسلوبه اللي أول مرة يتعامل معاها بيه. محمد شدها عليه. وهادي قرب من ساندي وضربها

بالقلم وقال بصوت عالي: "اللي عملتيه إنتي وأمك دا ميتسكتش عليه." بص لشاهي وقال: "إنتي أم مستهترة وأنانية لدرجة إنك تشوفي بنتك ماشية غلط وتشجعيها عليه عشان بس ترضي غرورك وجشعك." وبص لساندي وقال: "وانتي بق ناقصة تربية. ومدام أمك معندهاش وقت تربيكي فإنا هربيكي يا ساندي، واللي في بطنك دا مش هينزل وهتكملي حملك وتعيشي بق تستحملي إن ابنك يتولد يا ابن الـ... و عزيز بق اللي انتي فكراه هينقذك مني، أنا هريحك منه خالص.

ساندي بصدمة من كلامه قالت: "هتعمل فيه إيه؟ لا متقتلوش يا هادي، أنا بحبه دا أبو ابني." هادي قرب منها وقال: "لسه بتدافعي عنه؟ هو إنتي غبية يا بت؟ دا واحد استغلالي مبيحبكيش أصلاً. كل اللي عمله فيكي دا عشان يستغلك ويكسر عيني أنا. خلاكي إنتي وأمك تنسوا إننا أهلكم وإن صافي تبقى خالتك وأحمد جوز خالتك اللي كان بيعاملك أحسن مني أنا شخصياً. نسيتي إنه هوا اللي رباكي؟ ولا إنتي يا شاهي نسيتي صافي أختك واللي كانت بتعمله معاكي؟

نسيتي وقفتها جمب كل السنين دي لما كان جوزك بيسيبك إنتي وساندي من غير حتى ما يعبركوا؟ بق سهل أوي عليكي إنك تشوفيها مكسورة ونفسك إنها تيجي تتذللك وتبوس إيدك عشان تعيشيها في فيلتك اللي الغبي دا قالك إنه هيكتبها باسمك."

صافي كانت بتسمع كلام هادي ومش مستوعبة إن أختها فعلاً قالت كدا عليها. وكلام هادي اللي حكاه بالتفاصيل عرفهم إنه سمعهم وهما بيتكلموا عليهم وحطوا خطتهم القذرة عشان يخلوا يتجوز ساندي. بس لما عرفوا بجوازه من قمر تراجعوا عنها وقرروا يلبسوها في محمد. قمر ومحمد وصافي وأحمد كانوا بيسمعوا كلام هادي وهما مش مصدقين كمية الحقد والكره اللي كانوا فيه.

ساندي بصت لمامتها اللي بتبصلها بنفس النظرات اللي كلها كره لهادي وعيلته. وحركت راسها بمعنى إنها مش فارق معاها اللي هوا بيقوله. ساندي قربت من مامتها وشاهي قالت وهيا بتبص لهادي: "إحنا مش عايزين منكوا حاجة. أنا هاخد بنتي وهمشي وهنبعد عن هنا خالص." هادي ضحك وهوا بيقول: "مفيش خروج من هنا، إنتوا فاكرينها سايبة؟ محدش هيمشي غير لما آخد حقي وحق محمد وحق أبويا وأمي منكوا." ساندي

هزت راسها بخوف وقالت: "سيبنا يا هادي نمشي عشان خاطري، والله مهنعمل أي حاجة تاني. إحنا أصلاً كنا رجعنا في قررانا وكنا بنتفق إننا هنرجع إيطاليا تاني وهنعيش هناك. صدقني مش هنعمل أي حاجة تاني، سيبنا نمشي ارجوك! هادي بصلها وكان حزين على الحالة اللي هيا وصلت لها بسبب عزيز وأمها. ولاكنه لما بص على شاهي لقاها مش فارق معاها أي حاجة ولا كل اللي قالوه لها قصر فيها.

هادي بص على صافي لقاها بتعيط ومش مصدقة إن أختها طلعت بتكرهها أوي كدا. هيا كانت فكرة إنها بس بتعمل كدا عشان ساندي بتحب عزيز، ولاكن متعرفش إنها متفقة معاه عليهم وعايزينهم يفلسوا ويتكسروا. هادي قرب منها واخدها في حضنه وقال: "متعيطيش يا ماما، هما ميستهلوش دمعة واحدة من عينيكي دول، يستاهلوا اللي هما فيه وأكتر كمان." شاهي قربت من ساندي وقالت: "يلا نمشي من هنا، ولا إنتي عايزة تفضلي هنا." ساندي

بصت على بطنها وقالت بعياط: "للأسف يا مامي مش هقدر أمشي من هنا، أنا بحب عزيز بجد وبعدين أنا حامل منه واللي في بطني يبقى ابنه." شاهي زقتها بغضب وقربت من شنطتها اللي كانت مجهزها وخرجت من الباب من غير أي كلمة. ساندي فضلت تعيط وهيا باصة في الأرض لحد ما هادي قرب منها وقال: "مروحتش وراها ليه؟ ولا إنتي حابة تتربي على إيدي من جديد؟ ساندي

حركت راسها وقالت بحزن: "صدقني يا هادي كل اللي حصل دا كان غلطة، لحظة شيطان مش أكتر. وبعدين أنا كنت بنفذ اللي هوا بيقولهولي عشان بحبه. ولما عرفت إني حامل من فترة وقولته امبارح صدمني برضه وقالي انزله." هادي بصلها بسخرية وقال: "وإنتي كنتي مستنية منه إنه ياخدك بالحضن؟ ساندي هزت راسها وقالت: "أنا فعلاً كنت مستنياه يعمل كدا، بس هوا صدمني. حتى أنا وقتها قولتله إني هعمله كل اللي هوا عايزه مقابل إنه يتجوزني."

هادي بصلها ولف وشه بضيق. وهيا فضلت تعيط بهستيريا وقالت: "ارجوك يا هادي متعملش فيه حاجة، أنا عايزاه وبحبه." هادي لف وشه وقال: "أنا صحيح مش هعمل فيه حاجة، بس لازم آخد حقي منه، والله أعلم هاخده إزاي. بس متقلقيش، هسيبه عايش عشان خاطر اللي في بطنك." ساندي بصت في الأرض. وهوا شاور للكل يخرج وطلب من محمد يروح يجهز عشان كتب كتابه.

محمد قال برفض: "مش مهم النهارده، نخليها وقت تاني. أنا هكلم والد سهر وأستأذن منه ناجل كتب الكتاب ليوم تاني." هادي هز راسه برفض وقال: "مينفعش نرجع في كلامنا تاني بعد ما أديناهم كلمة. وبعدين دي مش حاجة نحطها في دماغنا أصلاً، إحنا لازم ننبسط بفرحك يا عريس." محمد ابتسم وهادي خبط على ضهره وقال: "يلا روح اجهز، زمان البدلة وصلت. وأنا هروح أصالح مراتي، متنساش إني زعقت فيها جامد غصب عني."

محمد ابتسم وقال: "ربنا يسترها معاك، دي شكل قلبتها وحشة أوي." هادي هز راسه وابتسم ومشي. ومحمد دخل أوضته وكانت البدلة بتاعته وصلت فعلاً، مسكها بفرحة وبدأ يجهز. وعند صافي وقمر واحمد كانوا قاعدين في الصالون. كانت صافي حزينة وأحمد واخدها في حضنه وبيهون عليها اللي عرفته. قمر كانت قاعدة في ركن لوحدها وهيا حزينة على صافي لأنها فعلاً اتخذلت جداً من أختها وبنتها. ولاكنها أول ما شافت هادي جاي عليهم وبيصلها لفت وشها بضيق.

كان هادي بيقرب منها، ولاكنه لما شاف حالة والدته ملامح وشه اتغيرت للحزن. قرب من قمر وشدها من دراعها وقال: "تعالي معايا." قمر هزت راسها برفض. وهوا شدها جامد لدرجة إنها خبطت فيه وقال: "بقولك تعالي معايا، عايز أتكلم معاكي." قمر هزت راسها وهيا باصة في الأرض. وهوا شاور لابوه يصالح صافي لحد ما هو يرجع ويتكلم معاها. أبوه هز راسه وهوا بيبص لصافي

وبيهمس في ودنها وبيقول: "اهدي يا حبيبتي بق عشان خاطر محمد، متنسيش إن النهارده فرحه ولازم نقوم نجهز." صافي رفعت وشها ليه وهزت راسها بمعنى تمام. وهوا أخدها وطلعوا أوضتهم. وهادي كان ماسك إيد قمر وطالعين أوضتهم، ولاكنها مكنتش متجاوبة معاه. هادي قفل الباب عليهم وبصلها وقال: "ممكن بق تبصيلي عشان أعرف أقول الكلمتين بتوعي." قمر هزت راسها بلا وقالت: "قول، اهو أنا سمعاك." هادي ابتسم غصب عنه

وقال وهوا بيشدها لحضنه: "أنا آسف، بس صدقيني دا كان غصب عني. إنتي مش متخيلة كمية الصدمات اللي أخدتها النهارده وانتهت باللي عرفته دا. بس إنتي طبعاً عارفة أنا بحبك قد إيه ومش قصدي أبداً أزعلك. أنا عارف إن كان قصدك تهديني، بس أنا كنت في قمة غضبي ومخنوق أوي." قمر هزت راسها وضغطت على حضنه. وهوا ابتسم لأنها بتتصالح بسرعة. وبعدها بعدها عنه وقال: "إنتي لسا زعلانة مني يا قمر..!

قمر هزت راسها. وهوا ابتسم وقرب من شفتيها وباسها بحب. وهيا بعدها تجاوبت معاه بكل حب. وبعد وقت انتبه هادي على صوت خبط على الباب. هادي بصلها وقال بضيق: "مين الغبي اللي بيقطع اللحظة الحلوة دي! قمر بصتله بضيق هيا كمان وقالت: "مش عارفة، روح شوف مين! هادي هز راسه وقرب من الباب وفتحه. وكان محمد واقف وهوا ماسك الكرافتة وبيقول: "مش عارف أربطها، معلش بق يا هادي ساعدني."

هادي بصله بغيظ وقال: "إنت مش عارف إني بصالح مراتي، جاي تقطع اللحظة ليه! محمد بصله وقال بصدمة: "تصدق نسيت، بس خلاص كدا كدا اللحظة باظت، يبق ظبطلي الكرافتة بق." هادي هز راسه وقال: "طيب، لف." محمد قال بصدمة: "ألف ليه؟ مش المفروض أبقى واقف كدا." هادي ضحك عليه وقال: "منت مركز أهو." محمد ضحك وقال: "مش عشان أنا عريس عايز تغدر بيا! هادي ضحك وقمر قربت منهم وقالت: "مين محمد؟

محمد هز راسه وهادي بدأ يربطله الكرافتة. وفي الآخر ضغط عليها قوي لدرجة إن محمد قال: "فكها شوية، هموت." هادي فكهاله شوية وبعدها قال: "يلا يا حبيبي روح كمل في أوضتك." محمد بص لقمر وضحك وقال: "حاضر، المهم انجزوا بس عشان قمر هتروح لسهر قبلنا." قمر هزت راسها بكسوف وهادي ضربه بالرجل وقال: "اطلع من هنا يا حيوان." محمد خرج وهوا بيضحك. وقمر جريت من قدامه بخجل وهيا بتظبط هدومها وبتقول: "أنا إزاي نسيت إني هروح لسهر بدري."

هادي قرب منها وقال: "وفيها إيه أما تتأخري شوية! قمر هزت راسها بلا وقالت: "إحنا هنتاخر على ما نجهز. وبعدين دي عروسة! هادي هز راسه وقال: "طيب، ما إنتي عروسة برضوا." قمر زقته وقالت: "في فرق برضوا، أنا عروسة بس في بيت جوزي. إنما هيا لسا في بيت أبوها." هادي هز راسه بابتسامة. وهيا قالت: "هيا العربية وصلت ولا لسا؟ هادي هز راسه بمعنى إنها وصلت. وقال: "طيب، مش ناوية ترجعي في كلامك خمس دقايق؟ خمس دقايق بس؟

قمر ضحكت وهزت راسها بلا. وبعدها خرجوا من الأوضة وهوا وقف يبصلها ويضحك. وهيا نزلت على السلم بسرعة وخرجت من القصر وركبت العربية اللي هتوديها منطقة سهر. *** وفي الشركة خرج عبدالله وسعيد وهما بيقولوا: "يدوبك نلحق نلبس عشان نروح مع محمد." سعيد قال بابتسامة وهوا بيبص لعبدالله: "هادي ومحمد اتجوزوا، يبق فاضل أنا وإنت بس يا فقري." عبدالله بصله وقال: "عندك حق، إحنا لازم ندور على عروسة ونتجوز إحنا كمان، اشمعنى هما يعني!

سعيد ضحك وهوا بيقفل الباب بتاع العربية وبيقول: "إيه رأيك في سارة سكرتيرة هادي! عبدالله برفض: "لا يا عم، أنا عايز بنت تقليدية زي قمر كدا، مليش أنا في الهاي كلاس دا." سعيد ضحك وهوا بيقفل الباب بتاع العربية وبيقول: "يبني دا اسمه تغيير تغيير! عبدالله هز راسه وقال: "لا يا عم، أنا بحب البلدي، إنما النوع دا ملييش فيه." سعيد ضحك وشغل العربية واتحركوا. وبعد وقت وصلوا القصر. دخلو بسرعة وهما متحمسين يشوفوا محمد بالبدلة.

محمد كان في أوضته وبيسرح شعره، ولاكن فجأة الباب اتفتح ودخل عبدالله وسعيد وهما بيقولوا بفرحة: "ألف مبروك يا عريس." محمد ابتسم وقال: "الله يبارك فيكوا يا رجالة، عقبالكوا." سعيد قرب منه ومسك الفرشة من ايديه وبدأ هو يسرحه وقال: "إن شاء الله يا صاحبي، أول ما ألاقي بنت الحلال أوعدك إني هاتجوزها على طول." محمد خبط على ضهره بابتسامة وقال: "إن شاء الله هتلاقيها يا صاحبي، وأشوفك أحلى عريس في الدنيا." عبدالله قرب منه وبدأ

يعدله جاكت البدلة وقال: "تعرف يا محمد إني كنت معجب بسهر! محمد بصله بصدمة وعبدالله ضحك وقال: "وأنا صغير يا محمد، متقلقش، أصلها كانت دايماً بتدافع عني لما كانت قمر بتضربني." محمد ضحك على كلامها وقال: "طول عمرك مهزق كدا يبني." عبدالله ضحك وقال: "والله يبني محد كان بيقدر على قمر المفترية دي، بس بأمانة ربنا الواد هادي دا أسد. هو الوحيد اللي قدر عليها." محمد وسعيد ضحكوا على كلامه. ولاكنه فجأة لقي إيد على رقبته.

قال بصدمة: "مين حرامي..؟ كله ضحك عليه وهادي قال: "بتجيب في سيرتي ليه يا واد! عبدالله بصله وضحك وقال: "كنت بحكيلهم عن مراتك يا عم واللي كانت بتعمله فيا وأنا صغير." هادي ضحك وقال: "أحسن حاجة إنها طول عمرها بتعلم على اللي حواليها ومحدش علم عليها." عبدالله ابتسم وقال: "البركة فيك يا أسد." هادي ضحك على كلامه وقال: "إنت شايفني بمسيها بعلقة وأصبحها بعلقة ولا إيه؟

عبدالله هز راسه بلا وقال: "لا مش قصدي، أنا قصدي إنك الوحيد اللي قدرت عليها وعقلتها." هادي ابتسم على كلامه وقال: "دي قمر دي حتة من قلبي، إنت مش عارف هيا عملت فيا إيه يا بني! عبدالله حط ايده على خده وقال: "عملت إيه؟ قولي! هادي بص لصاحبه وضحك على شكل عبدالله. وبعدها زقه وقال: "غيرتني يا أبو نية غير سليمة! عبدالله ضحك على كلامه وقال: "ربنا يخليكوا لبعض."

هادي وبقيت الشباب بصوا على محمد وقربوا منه. وهوا خاف منهم وجري. وهما فضلوا يجروا وراه لحد ما مسكوه وقالوا: "أهدي يا بني، إحنا عايزين نشيلك بس يا عريس." محمد هز راسه وقال: "إذا كان كدا ماشي، إنما أي حاجة تانية لأ." *** في منطقة سهر كانت وصلت قمر وبقيت البنات اللي معاها قدام بيت سهر. نزلت قمر من العربية وقربت من البوابة. ولقت إن ريم وأمها واقفين. قمر قالت بهدوء: "إزيك يا أم ريم. إزيك يا ريم." ريم وأمها

بصولها وقالوا باستغراب: "إيه دا مين؟ قمر! إيه النضافة دي؟ والله معرفتكيش." قمر رفعت حاجبها وقالت: "طول عمري يا حبيبتي وأنا نظيفة. الدور والباقي على اللي مهما يستحموا ريحتهم بتبقى فايحة." أم ريم رفعت حاجبها وقالت: "إنتي إيه اللي جايبك عندنا يا قمر؟ ومين اللي معاكي دول؟ قمر شاورت للبنات يدخلوا وقالت: "جايين للعروسة طبعاً، سهر صحبتي. ووسعي كدا يختي منك ليها." ريم بصتلها بصدمة واستغربت إنها زقتهم ودخلت.

ريم قالت بغضب: "إنتي هتسبيهم يدخلوا كدا وهتسكتي يا ماما؟ أمها قالت بضيق: "وهنعملها إيه يا ريم؟ إنتي مش عارفة هيا مين وممكن تعمل فينا إيه؟ دي واحدة مفترية." ريم سكتت. وأمها قالت: "عمك محمود راح فين؟ ريم بسخرية: "عند الحلاق بيحلق شعره، قال إيه عشان كتب كتاب بنته! أمها بصتلها وقالت: "وماله يختي، اهو ينضف لمرة واحدة في حياته." ريم بصت لمامتها بضيق على سكوتها ومشيت من قدامها ودخلت أوضتها.

عند قمر دخلت هيا والبنات عند سهر اللي كانت قاعدة قدام المراية بتاعتها وهيا حزينة. قمر باستغراب من شكلها: "عروستنا القمر مالك يا حبيبتي! سهر ابتسمت لما شافتها وقالت: "قمر، اتاخرتي ليه؟ أنا فكرت إنك مش جايه! قمر هزت راسها وقربت منها وحضنتها وقالت: "وأنا أقدر برضوا مجيش؟ دنتي أكتر من أختي يا بت! سهر بصت للبنات اللي واقفين وقالت: "مين دول يا قمر؟

قمر بصتلهم وقالت: "دول اللي هيجهزوك يا روح قلبي، وأنا برضوا قررت أجهز هنا معاكي." سهر ابتسمت وقالت: "محمد اللي باعتهم مش كدا! قمر هزت راسها وقالت بإبتسامة: "وبعتلك بق حتة فستان إيه جميل أوي." سهر اتحمست أكتر وقالت للبنت: "ممكن توريني الفستان؟ البنت هزت راسها وطلعته. وكان فستان أبيض سيمبل مفيهوش شغل كتير بس كان شكله شيك أوي. سهر مسكته وقالت: "دا جميل أوي يا قمر." قمر ابتسمت وقالت: "جميل عشان إنتي هتلبسيه."

سهر حضنت قمر بفرحة وقالت: "ربنا يخليكي ليا يا قمر ومتحرمش من وجودك أبداً." قمر ضغطت على حضنها وقالت: "ويخليكي ليا يا حبيبتي." قمر بعدت عنها وشاورت للبنات يبدأوا يجهزوا سهر. وشاورت للبنات التانيين بدأوا يجهزواها. *** وفي القصر كان كل الشباب جهزوا واتجمعوا مع بعض. وكل واحد مبهور بشكل التاني. لحد ما احمد وصافي قربوا منهم. وقال احمد بانبهار: "بسم الله ما شاء الله، أنا مبهور بشكلكم يا رجالة! هادي

ابتسم وبقيت الشباب قالوا: "ربنا يخليك لينا يا بابا! احمد بصلهم بصدمة، ولاكنه ابتسم لأنهم أول مرة يقولوا كده. هادي قرب منه وحضنه وقال: "إيه الجمال دا كله يا احمد بيه؟ لا إنت كدا أحلى مني! احمد ابتسم وقال: "طول عمري يا حبيبي. وبعدين وسع كدا خليني أسلم على العريس بتاعنا." محمد ابتسم وقرب من احمد وسلم عليه بفرحة. واحمد قال: "أحلى عريس في الدنيا، إيه الحلاوة دي." محمد ابتسم وقال: "محدش أحلى منك يا بابا."

احمد فرح جداً من كلمة بابا اللي الشباب بيقولها وقال: "مش يلا بق يا عريس نتحرك عشان المأذون مستعجل." محمد والشباب هزوا راسهم. وهادي قرب من صافي اللي كانت لسا حزينة وقال: "متزعليش نفسك يا ماما، أنا عارف إنك مصدومة. بس صدقيني أنا مردتش أعملهم حاجة عشان خاطرك إنتي. بس كويس إنها مشيت وساندي، متقلقيش، أنا هخلي الحيوان دا يكتب عليها." صافي هزت راسها وطبطبت على ضهره وقالت: "ودا اللي كنت مستنياه منك."

هادي ابتسم وقال: "خلاص فكيها بق، داحنا عندنا فرح النهارده." صافي ابتسمت وقربت من محمد حضنته وقالت: "مبروك يا محمد، ربنا يهنيك يا حبيبي! محمد ابتسم وقال: "ربنا ميحرمني من وجودك أبداً يا ماما." صافي ابتسمت وطبطبت على ضهره بحنية وقالت: "ربنا يسعدك يا رب ويحفظك إنت وعروستك." محمد ابتسم وقال: "يا رب! هادي قال بصوت واضحك: "يلا خلينا نتحرك عشان الوقت اتأخر وإحنا لسا في القصر!

الكل هز راسه. وكل اتنين ركبوا عربية واتحركوا في طريقهم لمنطقة سهر. _وفي فيلا ادهم النجار. كان ادهم قاعد وجمبه مراته سوسن وقدامهم شاهي وهما باصينلها باستغراب. ادهم قال: "إنتي مين يا مدام وعايزة إيه؟ شاهي بصتلهم بجدية وقالت: "أنا شاهي اخت صافي مرات احمد الجارحي، وعايزة أقابل عزيز ابن حضرتك."